رواية قلبي ليس بيدي الفصل الثالث والسابعون 73 بقلم حسناء مصطفي

طلعت اشوف في اي.. لقيتها ورقه ملفوفه ع حجر.. خدتها وبصيت تحت بس ملقتش حد..

خدت الورقه ودخلت.. كان مكتوب...

"وحشتني.. معادنا النهارده زي ماهو "..

قطعت الورقه ورميتها من البلكونه ماهي مش ناقصه قرف..

دخلت كملت رسم وانا بفكر ياترى بيخوني مع مين...

ـــــــــــــــــــــــــــــــــــــــــــــــــــــــــــــــ

ندى: انا قولت لبابا يامحمد وهو متردد..

محمد: انا هحاول اقنعه.. ومالك وياسين وافقوا... يعني كدا الكل موافق اننا نتجوز ع طول..

ندى: كويس..

محمد: طب بصي هكلمك بعدين عشان ورايا مشوار كدا..

ـــــــــــــــــــــــــــــــــــــــــــــــــــــــــــــــ

فيروز: كلمتي جاك يانور!

نور: لا..

فيروز: طب هاتي اكلمه..

هند: مش هيرضى يرد..

نور: ااه.. هو اصلا مش طايقنا..

فيروز: لا رني بس عشان واحشني والله.. انا هكلمه.. كلميه فيديو عشان اشوفه..

ـــــــــــــــــــ

كنت لسه قاعده بصيت لقيت فونه رن.. روحت شوفت مين لقيتها نور.. فتحت..

جاكي: الو..

نور: ها ياجي.. عامله اي..

جاكي: كويسه ياحبيبتي انتوا عاملين اي..

نور: كويسين.. هو جاك فين..

جاكي: جاك نايم..

نور: نايم ليه دلوقتي!..

فيروز خدت منها الفون..

فيروز: الو ياجاكي عامله اي..

جاكي: كويسه يافيروز..

فيروز: مال صوتك.. وجاك نايم ليه دلوقتي..

جاكي: جاك تعب شويه..

فيروز: ليه اي اللي حصل..

جاكي: عنده برد وسخن..

فيروز: طب هاتيله دكتور..

جاكي: مرضيش..

فيروز: طب هو تعبان قوي!

بصيت لقيته صحي..

جاكي: هو صحي اهو..

جاك: بتكلمي مين..

جاكي: احيه.. انت صوتك رايح لي..

جاك: بتكلمي مين!

جاكي: بكلم فيروز..

فيروز: هاتيه اكلمه..

قعدت جنبه وهو حط راسه ع كتفي..

واتكلم وصوته كان رايح وباين عليه التعب..

جاك: ها يافيروز..

فيروز: مال صوتك يابني.. انتوا اتحسدتوا ولا اي..

جاك: مش عارف.. بس مصدع..

فيروز: اعمليله حاجه سخنه ياجي..

جاكي: حاضر..

جاك: عملتوا اي ف موضوع نور..

نور: قرينا فاتحه.. بس عايزين نتجوز ع طول من غير خطوبه..

جاك: ليه..

فيروز: مانت اتجوزت من غير خطوبه.. وبعدين خطوبة اي!... يتجوزوا ع طول وخلاص...

جاك: انا وضعي مختلف... هما لازم يتعرفوا ع بعض.. مش يمكن يطلعوا مش مناسبين!.. اما انا وجي عارفين بعض بقالنا فتره.. فمكناش محتاجين خطوبه..

نور: مش عارفه.. دول كمان عايزينا نعمل فرح واحد... يعني نتجوز كلنا من غير خطوبه وف نفس اليوم..

فيروز: هما هيتعرفوا ع بعض لحد مانتوا ترجعوا.. ووقتها نعمل الفرح...

جاك: يعني كلكوا موافقين تتجوزوا ع طول!

هند: ايوا..

جاك: براحتكوا..

فيروز: المهم دلوقتي.. جاكي اعمليله كمادات..

جاكي: عملت..

فيروز: طب اعمليله حاجه سخنه وخليه يلبس تقيل..

جاكي: حاضر..

لسه بكلمها بصيت لقيته باسني ف خدي..

جاكي: بتعمل اي الله يخربيتك مش قدامهم..

فيروز بضحك: ياواد استنى لما نقفل حتى..

جاك: مانتوا رخمين الصراحه..

نور: يلا يافيروز سيبيه براحته.. مش قادر يستنى..

جاك: بس يابت..

جاكي: ياجماعه انا عايزه اكلم محمد.. هو فين..

فيروز: محمد خرج.. لما يرجع هخليه يرن عليكي..

جاكي: ماشي...

هند: يلا نسيبكوا براحتكوا بقاا.. باي..

جاكي: باي..

قفلت معاهم ورجعت بصيتله..

جاكي: انت مجنون صح!

جاك: اقسم بالله الصداع هيفرتك نفوخي.. مش عايز هبل والنبي...

جاكي: طب هروح اعملك حاجه تشربها..

جاك: اعملي قهوه..

جاكي: ياعم قهوة اي..

جاك: انا عايز اشرب قهوه..

جاكي: لا.. هعملك ينسون عشان صوتك دا..

جاك: هو الينسون اللي هيرجعلي صوتي!

جاكي: مش عارفه.. هما تقريبا بيعملوا ينسون ف الحالات دي..

جاك: ياست ينسون اي.. مبشربش انا الكلام دا.. انا عايز قهوه..

جاكي: لا.. هعمل ينسون..

سيبته ودخلت اعمل..

جاك: والله لارجعك لامك.. انا حيوان اساسا..

قام من ع السرير ولمح الرسمه اللي كنت برسمها..

مسكها وابتسم..

خلصت وطلعت لقيته قاعد ع الكنبه وبيتفرج عليها..

جاكي: احم.. استأذنت قبل ماتشوفها!

جاك: استأذنتي قبل ماترسميني!

جاكي: اشطا خالصين.. امسك..

جاك: مبشربوش والله..

جاكي: امسك وبطل دلع..

جاك: حسبي الله ونعم الوكيل... مانا كنت عايش حياتي بالطول والعرض..

جاكي: قدرك الاسود ياروحي..

جاك: طب بما انك بتعرفي ترسمي كدا.. ليه متفتحيش معرض وتبيعي فيه رسوماتك..

جاكي: لا موصلتش معايا للمرحله دي.. انا برسم كدا اي كلام وخلاص..

جاك: دا اي كلام!.. انتي موهوبه وحرام تضيعي موهبتك كدا.. لما نرجع انا هتصرف..

جاكي: مش عايزه.. مش عايزه اعرض حاجه برسمها..

جاك: هتحبي الموضوع صدقيني..

جاكي: طب سيب الرسمه دي واشرب يلا..

جاك: رجلك عامله اي..

جاكي: عامله محشي.. هيهيهي

بصلي بقرف وقام قعد ع السرير..

جاك: ابو شكلك عيله خرا..

مسكت الفون وقعدت العب فيه وهو بيتفرج ع التليفزيون...

نمت ع الكنبه وانا بقلب ف الفون واغني..

جاكي بضحك: جاك

جاك: نعم..

جاكي: بيقولك مره جواهرجي ضرب ابنه.. ليه!

جاك: ليه!

جاكي بضحك: عشان بيقول الماظ خارجه.. هيهيههيهيي

بصلي بقرف ومردش عليا..

جاكي بضحك: مره واحد ودى فلاشه عند حلواني.. ليه.. عشان يملاها ٨ كيكه.. هيهيهي

جاك: مسمعش صوتك تاني...

جاكي بضحك: بيقولك مره مذيع طلع فاصل نزلوه مشحون...هيهيهي

جاك بزهق: هييييح..

جاكي بضحك: بيقولك مره كوسه وقعت ع الارض.. قالت ايي اتأورت.. هيهيهيهيي

جاك: طب حلو اوي كدا.. لو سمعت صوتك تاني هطلعك برا..

جاكي بضحك: اخر واحده.. اسمع بس..

جاك بضحك: ياجي اسكتي.. بطلي هبل..

جاكي بضحك: اسمع بس.. اخر واحده وهسكت... بيقولك مره واحد من العريش هيهي.. والتاني من العروشه...

ودى وشه بعيد وهو بيضحك..

جاك بضحك: خلصتي.. اسكتي بقاا.

كنت بضحك ضحك هيستيري معرفش لي.. بس هي هرمونات بنات معلش..

جاكي: بيقولك مره واحد بيضحك.. ليه!.. فرحان.. هيهيهي

جاك:.....

جاكي: مره واحد مكشر.. ليه!.. زعلان... هيهيهي

جاك:.....

جاكي: مره واحد خليجي.. عمل بوف.. طلع غاز طبيعي.. هيهيهي..

جاك:...

جاكي: مره عدسه محدبه.. قلعت الحداب.. هايهيهيهي

جاك:....

جاكي: مره ميكانيكي فتح محل شيكولاته سماه كلاكسي.. هيهيهي..

بصيت لقيته قام مسكني من الهدوم ومشي ناحية الباب..

جاكي بضحك: اهدي بس.. صل ع النبي.. هقولك حاجه.. اسمعني بس..

جاك: امم

جاكي: مره ميكانيكي جاع.. اكل قطع خيار.. هيهيهي.

دخل جاب طرحتي ورماني بره وقفل الباب وانا قاعده ع الارض من الضحك..

جاكي: ولاااا.. خلاص افتح... مش هقول حاجه تاني والله.. افتح يلاااا..

ولااا ياجاك بيقولك مره واحد ساب عربيته دايره.. رجع لقاها مثلث.. هاهااااا

جاك: والله لارن ع امك..

جاكي: ولااا افتح يلااا خلاص.. يخربيتك الناس بتبص عليا...

جاك: ولو قولتي حاجه تاني!

جاكي بضحك: لا مش هقول..

فتح الباب ودخلت..

جاك: متخلنيش ازعلك..

جاكي بضحك: مش هقول حاجه خلاص..

دخلت قعدت وانا بكتم الضحك..

جاك: بتضحكي ع اي..

جاكي بضحك: مش عارفه..

جاك بضحك: ياحول الله يارب..

سابني ودخل الحمام...

بعدين الضحك قلب معايا عياط..

طلع لقاني بعيط..

جاك: بتعيطي ليه!.. مش كنتي بتضحكي دلوقتي!

جاكي بعياط: هععع.. معرفش..

جاك: استغفر الله العظيم.... طب اي سبب العياط!

جاكي: مره وانا صغيره الباب اتقفل ع ايدي...

جاك: يا ولي الصابرين.. باب اي ياحبيبي اللي اتقفل ع ايدك!

جاكي: مانت لو مهتم كنت عرفت..

جه قعد جنبي وحضني..

جاك: طب خلاص بطلي عياط..

جاكي: هعععع..

جاك: بقره بتعيط!!.. اي دا

جاكي: اوعى ملكش دعوه بياا..

جاك بضحك: طب خلاص.. بطلي نكد مانتي كنتي بتضحكي وفطسانه من شويه...

جاكي: هعع.. وديني عند امي..

جاك: يادين امي.. جاكي حرام عليكي والله صوتي تاعبني...

جاكي: تعالى اعملك ساعه...

جاك: يعني اي..

جاكي: هات ايدك..

جاك: اهي..

روحت عضيته جامد..

جاك: اااااه... يابت التيت.. انتي هبله!.. شايفه عملتي اي..

جاكي: هععع.. اديك بتزعقلي...

جاك: لا لا مش طبيعي اللي بيحصل دا والله...

دخل البلاكونه وقعد يتكلم ف الفون وبعدين دخل..

جاك: خدي كلمي مامتك...

جاكي: ها ياماما..

ماما: مالك مغلبه الواد ليه!

جاكي بعياط: بيضربني..

جاك: مين اللي بيضربك!

ماما: يعني اي بيضربك!

جاكي بعياط: كل يوم يمسك الحزام ويفضل يضربني..

ماما: ليه يابنتي.. عملتي اي..

جاكي: من غير سبب.. هو مفتري كدا... وكل يوم يخليني اطبخله.. وكمان بيتحرش بيا.. هععع..

ماما: استهدي بالله ياجاكي.. جاك محترم وميعملش كدا.. اعتقي الواد شويه..

جاكي: حتى انتي كمان!!.. طب سلام بقاا..

قفلت وكملت عياط.. وهو واقف باصصلي ومتنح..

جاك: هو مين اللي عمل الحاجات دي!

جاكي: انت..

جاك: ااه.. لا دا كدا عظمهه قوي.. انا نازل..

جايك: هعع.. وكمان هتنزل وتسيبني... هعععع

قعد يحط ايده ع وشه وينفخ..

جاك: جاكي مش قادر اقف..

جاكي: طب تعالى ضفرلي شعري..

ضحك بغلب وبص بعيد...

جاك: انا حيوان اقسم بالله..

جاكي: هيهيهيي..

جاك: بتضحكي ع اي..

جاكي: ملكش دعوه.. هتيجي ولا اكمل عياط!

جاك: مبعرفش اضفر انا..

جاكي: هععع..

جاك: بس بس خلاص.. هتنيل ع عيني..

جه قعد ورايا وقعد يلعب ف شعري وخلاص..

جاكي: انت بتهبد صح!

جاك: مانا مش بعرف طيب اعمل اي..

جاكي: انا عايزه بطيخ...

جاك: حبيبي.. والله العظيم جسمي مكسر.. بطيخ اي بس..

جاكي بزعل: خلاص مش عايزه حاجه..

طلع الفون وكلم حد عشان يجيبلي بطيخ...

جاك: حلو كدا!

جاكي: ايون.. هات بوسه بقاا..

جاك: حبيبي هو انتي سخنه!!

جاكي: انت بتدعي عليا!

جاك: لا انتي مش طبيعيه والله..

جاكي بزعل: ماشي.. اصلا الاستاذ قالي كدا زمان..

جاك بضحك: قالك اي..

جاكي: قالي انتي مجنونه ومش طبيعيه..

جاك: طب خلاص.. اهو البطيخ جاي ف الطريق.. ممكن تهدي بقاا شويه..

سابني ودخل المطبخ.. وانا نمت ع بطني ورافعه رجلي.. وقعدت اتفرج ع الكرتون..

شويه وطلع ومعاه قهوه..

بصلي باستغراب وراح قعد ع الكنبه.. وبيتفرج عليا وانا مندمجه مع الكرتون...

جاك بهمس: ضحكوا عليا والله..

شويه والباب خبط..

طلع فتح ودخل..

جاك: امسكي..

خدت البطيخ وقعدت اكل وانا بتفرج...

جاك: مبسوطه!

جاكي: ملكش دعوه..

جاك: ماشي..

جاكي: السخونه راحت!

جاك: ملكيش دعوه..

جاكي: عيل خنزير..

جاك: طب اوعي كدا عشان عايز انام..

جاكي: مالسرير فاضي اهو..

قفل النور وجه نام جنبي وقعد يتفرج معايا..

حطيت البطيخ ع جنب ومسكت واحده ف ايدي وقربت منه وقعدت اكل وانا بتفرج عليه وهو بيحاول يكتم الضحك..

جاكي: بتضحك ع اي..

جاك بضحك: مش عارف.. انتي مالك النهارده كدا..

جاكي: متتكلمش معايا..

روحت قربت منه بالراحه وعضيته ف خده..

جاك: ياربي.. يابنتي اعقلي بقاا..

جاكي: متتكلمش معايا..

جاك: جاكي انتي مش حامل.. لو حامل كنت قولت دي هرمونات حمل.. بس انتي مش حامل.. دا اسمه اي..

جاكي: انا عايزه اتطلق..

جاك بضحك: طب انتي واعيه!

جاكي: طلقني..

جاك: وبعد مااطلقك..

جاكي: ههرب..

جاك: هتروحي فين..

جاكي: هروح بعيد.. مش عارفه فين بس هو بعيد..

جاك: حاضر.. ننام دلوقتي وبكرا الصبح نتطلق كلنا..

جاكي: يعني هتطلقني بكرا!

جاك: قولي يارب..

غمض عينه ويادوب هينام..

جاكي: جاك..

جاك: امم

جاكي: دقنك حلوه..

ضحك بغلب..

جاك: عينيكي اللي حلوه ياحبيبتي.. نامي بقاا..

جاكي: انت مربيها ليه..

جاك: هحلقها لما اصحى..

جاكي: ايون.. واحلق شعرك..

جاك: حاضر عينيا..

جاكي: طب بطل رغي ونام..

جاك: حقك عليا.. انا زباله اصلا..

جاكي: بتحبني صح!

جاك: هععع... ايوا ياقمر.. بحبك.. بحبك وبموت ف ميتين اهلك... سيبيني اتخمد بقاا..

جاكي: انت بتشتمني!

بصيت لقيته قام وقفل التلفيزيون والدنيا ضلمت خالص وجه غطانا كويس وقرب مني..

جاك: مسمعش صوتك تاني.. فاهمه!

هزيت دماغي وسكت..

جاكي: غمضي عينيكي ونامي..

جاكي: اهو..

بعد شويه..

جاكي: جاك..انت بتخوني صح!.. جاك.. جاك انت نمت.. تنام عليك حيطه ياخي..

نمنا الحمد لله بعد معاناه...

ـــــــــــــــــــــــــــــــــــــــــــــــــــــــــــــــ

صحيت لقيته لسه نايم..

قومت صليت وقعدت ملقتش حاجه اعملها وهو نايم زي القتيل...

فضلت اتمشى ف الاوضه بزهق...

جاكي: لا مبدهاش بقى.. دا مش شهر عسل.. دا شهر هباب...

روحت قربت منه بالراحه وميلت ع ودنه..

جاكي: توووووووووت..

صحي مخضوض وانا جريت بعيد..

قعد شويه كدا بيحاول يستوعب اللي حصل...

جاك: ابو اليوم اللي شوفت امك فيه يابنت ال..

طلع يجري ورايا...

جاكي: اعاااا.. خلاص والله اني اسف..

جاك: يعني ينفع تصحيني كدا!.. هو انتي هبله!!.. توت اي!

جاكي: ماهو انت نايم وسايبني وانا زهقت..

جاك: طب صحيني بالراحه.. مش كدا ياجي.. اقسم بالله صبري بينفذ...

جاكي: طب يلا نخرج..

جاك: طب غوري البسي يلا..

جاكي: طب متزعلش..

جاك: متتكلميش معايا..

جاكي: هتفك ولا اقعد اعيط تاني!..

جاك: هييييح..

روحت بوسته من خده..

جاكي: خلاص!

جاك: خلاص.. يلا ادخلي..

جاكي: ماشي..

قومت لبست ونزلنا...

دخلنا مول..

جاك: شوفي محتاجه اي وهتجيبي اي للبنات..

جاكي: اوكي..

قعدت الف وجبت حاجات كتييير قوي للبنات...

جاكي: اي رايك ف دا لنور!

جاك: انتي لحد دلوقتي مشترتيش ليكي حاجه.. كل دا للبنات..

جاكي: لا انا مش عايزه حاجه..

جاك: دانتي هتموتيني ناقص عمر والله..

بصيت لقيته دخل وقعد يدور ف اللبس وكل ماحاجه تعجبه يقيسها عليا وياخدها..

جاكي: يابني كفايه.. اي كل دا..

جاك: مقاس رجلك كام..

جاكي: ليه..

جاك: اخلصي ياجي..

جاكي: ٣٨..

جاك: ليه.. متجوز طفله!

جاكي: ملكش دعوه انا رجلي صغننه..

جاك: ماشي ياختي... اي رايك ف دا..

جاكي: حلو.. وكفايه كدا والنبي.. الحاجات غاليه قوي اصلا..

جاك: هاتي اللي انتي عايزاه وملكيش دعوه بالفلوس..

قعد يلف ف كل حته ويشيلني انا الشنط وجاب حاجات كتير قوي..

جاكي: يابني خلاص مش قادره اشيل اكتر من كدا.. اي كمية الشنط دي!

جاك: لا لسه شويه..

جاكي: لا انا فرهدت.. امسك شيل معايا..

جاك: طب هاتي وروحي دوري انتي..

خد مني الشنط وانا روحت شوفت هدوم ليه.. جبتله كذا حاجه ورجعت..

جاكي: جاك اي رايك ف دا..

جاك: ليا دا!

جاكي: لينا.. مانا كدا كدا بلبسه ف الاخر..

جاك: حلو.. بس انا مش بلبس الوان..

جاكي: هتلبس..

جاك: بينك!!.. جايبالي بيجامه بينك ياجي!

جاكي: طب والله حلوه.. وبعدين كفايه بقاا كدا.. يلا نحاسب ونمشي عشان انا تعبت...

ــــــــــــــــــــــــــــــــــــــــــــــــــــــــــــــ

نور: يلا يافيروز.. امال فين ادم!

فيروز: جاي ف الطريق..

نور: لوحده ولا كلهم!

فيروز: لا كلهم طبعا.. روحي اجمعي اللي هنا وتعالوا..

نور: اوكي..

ـــــــــــــــــــــــــــــــــــــــــــــــــــــــــــــــ

الوقت عدى واحنا بنلف و الساعه حوالي ١١.٥

فجأه جتله مسدج بس شافها وبصلي بتردد ومردش..

شويه والفون رن.. كان بيكنسل وباين ان في حاجه...

جاك: طب حبيبي.. انا عندي مشوار كدا..

جاكي: رايح فين..

جاك: مشوار سريع وهرجع ع طول..

جاكي: هتسيبني هنا!

جاك: السواق بره.. خلصي وارجعي وانا مش هأخر..

قعدت افكر هو ممكن يكون رايح فين.. افتكرت الورقه اللي شوفتها الصبح.. مشيت وراه

كنت بتسحب وراه واستخبى عشان ميشوفنيش...

مشي وانا ركبت العربيه ومشيت وراه...

نزل ف مكان بعيد كدا.. نزلت وراه لقيته دخل مكان كدا...

جاكي: لما اشوف وراك اي يااستاذ جاك.. عشان تبقا نهايتك ع ايدي النهارده..

دخلت وراه بالراحه وفجأه الباب اتقفل جامد والدنيا ضلمه...

جاكي بخوف: جاك.. جاك انت فين..

حاولت احط ايدي ع الحيطه عشان اشغل النور بس ملقتش حاجه.. فجأه اضاءه اشتغلت وفي شمع كتير.. وزينه والمكان قمر..

بصيت لقيت جاك جه وقف قدامي..

جاكي: احم.. اي دا..

جاك: شاكه اني بخونك!.... كل سنه وانتي طيبه..

جاكي: بمناسبة اي..

جاك: النهارده عيد ميلادك ياهبله..

جاكي: احلف!!.. اه صحيح.. دانا نسيت..

جاك: بس انا منستش...

بصيت لقيته راح باس ايدي وابتسم..

جاك: كل سنه وانتي حياتي..

روحت حضنته وانا مبسوطه...

جاكي: مش مصدقه.. يعني انت عملت دا عشاني!!

جاك: لا.. عشان امي..

جاكي: بطل رخامه..

جاك: تعالي..

وقفنا قدام التورته...

جاكي: بس كنت عايزه البنات يبقوا معايا..

جاك: بس كدا!..

راح مشغل الشاشه ولقيتهم كلهم قاعدين ومعاهم ماما وبابا وادم ومحمد والعائله الكريمه...

نور: هاي جي..

جاكي: بتهزروا!!!

جاك: اهم معاكي ياست..

محمد: كل سنه وانتي طيبه ياجي..

ادم: كل سنه وانتي طيبه ياعمري.. ان شاء الله تكون سنه حلوه عليكي عشان تجيبيلي بيبي..

جاك: تجيبلك!!... وانت مالك!.. وبعدين اي عمري دي..

ادم: وانت مالك.. اختي..

جاك: حظك انك مش قدامي...

فيروز: بس بطلوا خناق.. ازيك يابت ياجي.. كل سنه وانتي طيبه ياقمر.. عقبال سنين كتير كدا وانتي وسطينا..

حطيت ايدي ع وشي وفضلت اعيط..

جاك جه حضني..

جاك: بتعيطي ليه.. مش انتي كنتي عايزاهم معاكي!.. بطلي بقاا..

ماما: بطلي دلع يابت.. كل سنه وانتي طيبه ياهبله.. وبطلي تنكدي ع الواد..

جاك: صحيح ياحماتي.. والله لارجعها لما نرجع.. انتوا ضحكتوا عليا..

فيروز: مفيش ترجيع.. انت اتدبست..

جاك: والله ابدا.. دي بتوريني النجوم ف عز الضهر.. دي بتقولي هات اعملك ساعه..

قعدوا يضحكوا وانا كنت مبسوطه قوي انهم فاكرين يوم زي دا..

نور: يلا طيب نغني..

قعدوا يغنوا وجاك بيغني معاهم وانا حاسه اني بحلم والله... لسه من قريب مكنش عندي اهل ولا اصحاب ولا حد... ودلوقتي بقاا عندي كل دول..

طفيت الشمع وبعدين قطعنا التورته..

نور: الهدايا هنا بقاا لما ترجعي ابقي خديها..

جاك: يلا كفايه عليكوا كدا.. اتكلوا ع الله..

بابا: ماتسيبنا مع البت شويه..

جاك: لا خلاص كدا.. لما نرجع هتاخدها كلها والله..

قفل الشاشه وجه وقف قدامي..

جاك: اتفضلي.. افتحيها..

فتحت لقيتها سلسلتين.. والواحده عباره عن نص قلب..

جاك: بما انك بتضايقي لما اجيب حاجه غاليه، ففكرت اجيب حاجه تفضل ذكرى بينا..

طلع واحده ولبسهالي.. وانا لبسته التانيه..

جاك بابتسامه: مش هقلعها ابدا..

جاكي: انا بحبك قوي قوي قوي..

جاك: وانا بحبك قوي قوي قوي.. بعيدا عن اللي عملتيه النهارده دا..

جاكي: ماهو انا كنت متضايقه عشان الورقه اللي شوفتها..

جاك: ااه.. اللي اتحدفت من البلاكونه..

جاكي: انت كنت صاحي!

جاك: لا.. بس انا قولتله يعمل كدا عشان تشكي..

جاكي: يعني انت مش بتخوني!

جاك: والله العظيم ياجي كرهت النسوان.. مش عارف دي حاجه حلوه ولا وحشه.. بس انا كرهت النسوان والله..

جاكي: ايون متحبش حد غيري..

جاك: مانا مقدرش احب غيرك..

ـــــــــــــــــــــــــــــــــــــــــــــــــــــــــــــــ

فيروز: ربنا يفرحهم ع طول يارب..

دلال: ربنا يخليهم لبعض واليوم يعدي ع خير..

نور فونها رن فطلعت تتكلم بره..

نور: الو..

ـ بتعمليلي بلوك يانور!!.. بتعملي لابوكي بلوك!.. مش عايزاني اكلمك يعني!

نور: بابا!

ـ ايوا بابا ياختي.. اسمعي يابت.. جهزي نفسك عشان انا جاي اخدك.. مانتي مش هتضيعي زي اخوكي..

نور: لا مش هروح معاك.. انا هقعد مع جاك..

ـ انا راجع بكرا اخدك... جهزي نفسك.. مش عايز رغي كتير..