رواية قلبي ليس بيدي الفصل الثاني والسابعون 72 بقلم حسناء مصطفي

لفيت لقيت شاشه كبيره نورت واشتغلت فيها الفيديوهات بتاعتنا ورا بعض بسرعه ومعاهم فيديوهات لناس بتقول كلام حلو عليها..

" حبيت اباركلكوا... اول ماشوفنا الفيديوهات الاولى فضلنا ندعي انكوا تتجوزوا والحمد لله اتفاجئنا بفيديو فرحكوا.. "

" ربنا يخليكوا لبعض وان شاء الله تصورولنا فيديو وانتوا معاكوا بيبي"

"ياجمااااعه.. الواحد بقاله كتير مشافش كدا والله... فيديوهاتكوا كلها قمر وانتوا الاتنين قمر ولايقين ع بعض قووي وربنا يرزقني بحد زي القمر دا"

"مش عارف اقول اي.. بس الفيديوهات دي لما اتفرجت عليها خرجتني من المود خالص وفرحتونا يعني والحمد لله انكوا اتجوزتوا ف الاخر.."

"جوزك قمر قوووي... ومش كل الناس بتوفي بوعودها.. فدا يتقال عليه راجل بجد.. المهم ربنا يخليكوا لبعض.. وعندي فضول اشوف بيبي قريب"

الناس كانت بتعمل دويتو مع الفيديوهات بتاعتنا وبتتكلم بطريقه جميله ومبسوطين لينا وكنت مبسوطه قوي ان في ناس قمر كدا...

جاكي بفرحه: انت جمعت الحاجات دي ازاي..

جاك: اي رايك بس..

جاكي: قمر.. اي الناس دي.. كلامهم فرحني قوي..

جاك بابتسامه: المهم انك مبسوطه..

جاكي: اكيييد... بس الشاشه دي شغاله ازاي!

جاك: ممكن تبطلي اسأله شويه!!

جاكي: احم.. ماشي..

جاك: مش ملاحظه ان الطلب ع البيبي كتر قوي..

جاكي: امم.. ملاحظه..

جاك: وبعدين..

جاكي: ولا قبلين.. خلينا نتمنى زيهم..

جاك: طب ماحنا ف ايدينا نجيب..

جاكي: تؤتؤ.. لا..

جاك: مش عارف انتي خايفه من اي..

جاكي: ياباشاا انا واحده متقدرش تحمل وتخلف وتسهر وتربي وتعلم وتزعق... الصحه ع القد قوي يابا.. داحنا ماشيين بعلاج..

جاك: ااه.. انتي بتدلعي..

جاكي: مش دلع.. بس انا بروطه والله.. لا لا مش جايه معايا..

جاك: امم.. شكلي هرجعك لامك فعلا..

جاكي: اعملها لو تقدر..

جاك بابتسامه: بصراحه!.. مقدرش... تعالي نتصور..

طلع الفون وقعدنا نتصور وانا حبيت اعمل حركة جدعنه للواد المسكين دا، فبوسته من خده وهو بيصور...

ـــــــــــــــــــــــــــــــــــــــــــــــــــــــــــــــ

محمد: ياجماعه.. بما اننا متجمعين كدا.. عندي اقتراح وليكوا انكوا توافقوا او ترفضوا..

عمو احمد: اقتراح اي..

محمد: كنت بفكر ان بما ان كلنا هنتجوز الفتره دي، ليه منعملش فرح واحد ويكون كبير جدا...

فيروز: يعني تتجوزوا انتوا الاتنين ف فرح واحد!

محمد: اتنين اي.. انا وادم ومالك... وممكن ياسين معانا.. ليه منعملوش مره واحده وهيكون كبير واجمل ونقدر نظبطه زي ماحنا عايزين..

فيروز: والله فكره حلوه.. ع الاقل هنبقى كلنا مع بعض كدا وبدل الفرحه تلاته.. ولا اي رايك يادلال..

دلال: معنديش مشكله... يشوفوا هما عايزين اي..

ادم: انا عن نفسي شايف انها فكره كويسه جدا... كلنا نتجوز ف يوم واحد... ولا اي يانور..

نور: ااه.. كويسه الفكره..

محمد: لو كدا نشوف مالك... وانتي ياهند.. اي رايك..

هند: هي فكره حلوه جدا... بس معرفش ياسين هيوافق ولا لا..

عمو احمد: خلاص ظبطوا نفسكوا وشوفوا هترسوا ع اي..

ـــــــــــــــــــــــــــــــــــــــــــــــــــــــــــــــ

كنا نايمين ع الارض وحاطين رجل ع رجل وقاعدين نهزر ونرغي..

جاكي: ممكن اسالك سؤال!

جاك: اسالي..

نمت ع بطني وسندت ع ايدي وبصيتله...

جاكي: هو ليه باباك مجاش فرحنا!

جاك: امم.. وانتي عايزاه ييجي ليه!

جاكي: لا مش كدا.. بس يعني حتى لو في بينكوا مشاكل.. المفروض كان ييجي..

جاك: لا.. هو مش فاضيلي.. هو فاضي للشغل بس..

جاكي: انت مكنتش عايش معاه ف امريكا!

جاك: لا طبعا... كنت ف بيتي عادي..

جاكي: طب مش المفروض الشركات دي بتاعتك!.. ليه جه اتخانق فيك قبل كدا عشانها!

جاك: عشان هو مش حابب يشوفني بكبر... ف الاول كان هو اللي واكل الجو ومفيش منافسين قصادوا... بس اول مانا ظهرت هو مبقاش ليه وجود.. لقى اني اخدت مكانه وبعلي عليه وهو بيخسر كتير... ففكر ان الشركات اللي عملتها دي بتاعته هو..

جاكي: راس المال الاول كان بتاع مين فيكوا... ماهو مش هيقول انها شركاته وهي بتاعتك ابدا..

جاك: انا كنت شغال معاه ف الاول.. وانا اللي يعتبر كنت شايل الشركه.. كبرتهاله وكبرتله اسمه... اصلا مكنش بيعرف يتصرف ف حاجه.. كان بيخليني انا اللي اتصرف ف كل حاجه... بس لقيته استغلالي وبيعمل حاجات مش كويسه وبيشتغل ف الممنوعات... فسيبته..وكمان كان بيحب يدي اوامر كتير.. وانا مبحبش حد يقولي اعمل اي..

اول ما الكل عرف اني مبقتش اشتغل معاه، جتلي عروض كتير جدا من شركات كبيره وبمرتبات خياليه..

اشتغلت ف واحده من الشركات دي.. وف خلال سنتين.. بقيت صاحب الشركه... الشركه كبرت جدا وبقت منافسه لشركته... فضلت اكبر وهو ينزل...مكنش في ف حياتي غير الشغل.. كنت مركز فيه جدا.. عشان كدا قدرت احقق حاجات كتير ف سن صغير... وبقاا عندي فلوس كتييير.. وشركات كتير.. ومصانع كتير.. وحاجات كتير...

جاكي: اي الجمدان دا..

جاك: مش قولتلك انتي الوحيده اللي متعرفيش مين جاك..

جاكي: انا دايما بسمع ان رجال الاعمال دول رخمين ودمهم تقيل ومبيضحكوش... ومعقدين ودايما بيزعقوا ف الموظفين وكدا..

جاك: مش بالظبط.. بس انا كدا فعلا.. لو لقيت حد متكاسل عن شغله.. بيكون بره الشركه فورا بدون نقاش.. عشان كدا لو دخلتي الشركه صعب تلاقي حد واقف كدا وسايب شغله.. حتى لو انا مش موجود..

جاكي: حرام عليك.. اديهم فرصه يتنفسوا شويه..

جاك: مينفعش.. هما بيشتغلوا وبياخدوا فلوس قصاد الشغل دا.. وطلاما بياخدوا حقهم كامل يبقى يدوني حقي كامل ويشتغلوا بضمير...

جاكي: امم.. طب هسألك سؤال تاني..

جاك: يارب نخلص..

جاكي: هي اي التكيلا دي!

جاك باستغراب: تكيلا!!.. انتي تعرفيها منين!

جاكي: انا بسألك..

جاك: دي نوع خمره كدا.. بس ليه مش فاهم..

جاكي: يعني انت بتشرب خمره!!.. انا سمعتك قبل كدا بتقول لواحد جبت التكيلا!.. وهو قالك اه..

جاك: بتهزري!.. انتي لسه فاكره من وقتها!!.. دا لما سيبت البيت ومشيت وانتي رنيتي تطمني..

جاكي: ايون وقفلت ف وشي...

جاك: ااه مكنتش فايق لرغيك... بس انتي سمعتي ازاي!

جاكي: المهم بتشرب ولا لا!

جاك: لا طبعا..

جاكي: امال كنت جايبها ليه!.. هتستحمى بيها!

جاك: لا ياخفه.. كان عندي شغل..

جاكي: ايوا شغل اي اللي بالخمره دا..

جاك: ملكيش دعوه.. بطلي تدخلي وخلاص..

جاكي: لا مانا عايزه اعرف جوزي بيشرب اي!

جاك: يابنتي مبشربش والله... كان عندي شغل كدا وكنت محتاج التكيلا معايا مش اكتر.. بطلي عبط بقاا..

جاكي: يعني مبتشربش!..

جاك: لا.. لا يااخرة صبري..

جاكي بابتسامه: جدع...

جاك: متجوز واحده هبله والله... بقولك اي.. ماتيجي ننزل المايه..

جاكي: ماية اي دلوقتي.. لا طبعا..

جاك: ع فكره المايه دلوقتي هتبقى حلوه قوي.. وانا عن نفسي هنزل..

جاكي: ياجاك متهزرش.. وبعدين الدنيا ضلمه..

جاك: مافي نور اهو.. قومي بس..

جاكي: لا ياخويا افرض حاجه عضتني..

جاك: حاجه عضتك اي بس.. قومي يلا..

روحنا عند المايه وهو قلع..

جاك: اقلعي اخلصي..

جاكي: اقلع اي..

جاك: القميص اللي لابساه دا..

جاكي: ااه.. طب لف وشك..

جاك بضحك: ع فكره انتي كنتي قالعه قدامي.. اي الجديد..

جاكي: لف وشك ياجاك..

جاك: اهو.. لما اشوف اخرتها..

لف وشه وانا قلعت القميص..

جاكي: اتفضل انزل..

جاك: اديني بصيت.. عملتي اي انتي بقاا..

جاكي: احترم نفسك واخلص..

مسك ايدي ونزلنا المايه... كان في اضاءه خفيفه كدا ع المايه...

جاكي: المايه ساقعه الله يخربيتك..

جاك: لا حلوه..

جاكي: بس انا خايفه.. الدنيا هدوء كدا ليه..

جاك بخبث: طب مادي اجمل حاجه..

جاكي: مش ناوي تحترم نفسك!

جاك: بصراحه لا..

روحت رشيت ع وشه مايه..

جاكي: دماغك متركبه ف حته غلط خالص..

جاك: طب ماهو انا متجوزك عشان كدا..

جاكي: ياقذر.. يعني متجوزني عشان كدا بس!

جاك: تعالي وانا اقولك متجوزك ليه..

جاكي: لا شكرآ..

جاك: طب هقولك حاجه..

بدا يقرب وانا برجع لورا..

جاكي: جاك متهزرش.. انا مش شايفه حاجه..

جاك: مانتي بتروحي ف الضلمه..

جاكي: طب بطل تيجي ورايا.. يلا ارجع..

جاك: هقولك حاجه ف ودنك بس..

جاكي: يعم مش عايزه شكرا.. ابعد بقاا..

جاك: والله اسيبك هنا واطلع...

جاكي: طب ابعد..

جاك: يابنتي الجو حلو والله..

جاكي: طب مبروك... انا مالي اناا..

جاك: طب تعالي عشان في حجاره هنا وهتتعوري..

جاكي: لا متقربش..

جاك: انتي متخيله اني مش قادر امسكك يعني!.. انا بس سايبك تيجي بمزاجك..

جاكي: تؤتؤ.. مش هاجي..

جه عليا بسرعه وانا رجعت واتخبطت ف حاجه ف رجلي جامد..

جاكي: اااه..

جاك: في اي..

جاكي: رجلي ااه..

جاك: طب تعالي نطلع.. يلا..

طلعني بره وقعدت ع جنب... رجلي كانت مفتوحه وجايبه دم... كانت واجعاني قوي وخلاص هعيط..

جاك: قولتلك في حجاره.. مبتسمعيش الكلام..

جاكي بزعل: متتكلمش معايا بقاا..

جاك: وانا مالي.. دا نتيجة عِندك..

جاكي: لا انت السبب... مانت اللي عمال تيجي ورايا..

قلع قميصه وربطه ع رجلي...

جاك: الجرح مش كبير الحمد لله... هيخف ع طول..

بصيت بعيد بزعل وحطيت ايدي ع خدي..

جاك: ع فكره قلبي اتخلع عليكي..

جاكي: لا ماهو واضح..

جاك: طب خلاص انا اسف.. لو اعرف انك هتتعوري اكيد مكنتش خليتك تنزلي..

جاكي: ع فكره انا بردت..

راح جابلي القميص ولبسهولي...

جاك: يلا نمشي..

جاكي: هنيجي هنا تاني!

جاك: هوديكي مكان مانتي عايزه بس يلا...

دخل جاب حاجتنا وطلع... راح حطهم ف المركب ورجع شالني عشان مقدرتش امشي...

ركبنا المركب ومشينا... الجو كان برد واحنا كنا مبلولين قوي وانا كنت هموت من البرد... كنت قاعده اتكتك من البرد...

كان بيجدف بسرعه.. شويه ورجعنا مكان الهدوم..

نزلنا وانا لبست هدومي واديتله قميصه...

جينا نرجع بس مقدرتش امشي...

جاك: استني..

لقيته جه شالني..

جاكي: هتطلع بيا بره كدا!

جاك: ايوا..

جاكي: لا في ناس كتير بره..

جاك: وانا مالي بالناس...

طلعنا من المكان دا وكان في ناس كتير وكلهم بيبصوا علينا... ركبنا العربيه وهو جاب الحاجات ومشينا...

رجعنا الاوتيل وهو نزل فتحلي الباب وشالني بردو..

جاكي: خلاص نزلني انا همشي..

جاك: لا رجلك واجعاكي..

جاكي: ياباشاا ملكش دعوه بس نزلني عشان الناس دي..

جاك: بس ياجي..

طلعني فوق وحطني ع السرير وهو نزل....

دخلت خدت شاور ولبست بيجامه وطلعت...

لقيته قاعد ع السرير وماسك راسه..

جاكي: في اي..

جاك: لا مفيش كنت مستنيكي.. تعالي عشان الفلك رجلك..

جاكي: لا خلاص انا هلفها..

مسك ايدي وقعدني ع السرير وشمرلي البنطلون وقعد ع الارض يلف رجلي بس كان شكله متضايق...

جاكي: مالك ياجاك..

جاك: مليش... مصدع شويه... اتشوووو.

جاكي: احيييه جالك برد..

جاك: لا لا مفيش حاجه.. اتشووو..

جاكي: طب قوم غير هدومك وانا هعملك حاجه سخنه...

جاك: لا متتعبيش نفسك.. هدخل اخد شاور وهبقى كويس دلوقتي..

دخل الحمام وانا قومت عملت حاجه نشربها وقعدت ع السرير اتفرج ع التليفزيون...

ـــــــــــــــــــــــــــــــــــــــــــــــــــــــــــــــ

ادم: يلا نستاذن احنا بقاا..

فيروز: ماحنا قاعدين مع بعض..

دلال: معلش الوقت اتاخر نبقاا نيجي تاني..

عمو احمد: شرفتوا ونورتوا... يلا معاهم يامحمد..

منه: سلام يافيزو..

فيروز؛ سلام ياقمر..

محمد وصلهم لحد بره... وهما مشوا ..

فيروز: والله فكرة محمد حلوه قوي.. ياريت يعني والله..

نور: الفرح هيكون كبير وحاجه كدا عظمهه والله... بس يارب مالك يوافق..

محمد: هيوافق.. ليه لا..

ـــــــــــــــــــــــــــــــــــــــــــــــــــــــــــــــ

فضلت قاعده مكاني كتير وهو لسه مخرجش..

فضلت مستنيه لحد ماخرج...

جاكي: ع فكره الشاي برد..

جاك: انتي بردو قومتي عملتي!

جاكي: ايوا..

جه قعد جنبي وبدا يشرب...

جاكي: هو.. هو انت بتطول كدا ليه ف الحمام..

جاك بخبث: امم.. ادخلي معايا المره الجايه وانتي تعرفي...

جاكي: انا غلطانه اني سألت..

جاك: صحيح..

جاكي: اي..

قام جاب حاجه ورجع..

جاك: اتفضلي..

جاكي: اي دا..

جاك: فيزا.. خليها معاكي عشان لو احتاجتي حاجه..

جاكي: ومين قالك اني عايزه فلوس!

جاك: اي الهري دا!.. اكيد هتحتاجي فلوس يعني...

جاكي: بس انا مش عايزه فلوسك..

جاك: يعني اي..

جاكي: يعني جايبني مكان غالي وجبتلي عربيه وڤيلا... ودلوقتي بتديني فيزا... مين قالك اني عايزه كل دا!

جاك: هو انا مش فاهم... هو انتي مش المفروض مراتي!!... يعني ملزومه مني!!... يعني انا اللي اصرف عليكي!!... ازاي مش عايزه فلوسي!

جاكي: لا مش عايزه كل دا.. اللي هيشوف كدا هيقول اني متجوزاك عشان طمعانه ف الحاجات دي..

جاك بعصبيه: انا مالي باللي يشوف... انتي دلوقتي زفت مراتي.. بطلي العبط اللي ف دماغك دا... اروح اجيب حد من الشارع يصرف عليكي!!..

جاكي: انت بتتعصب عليا ليه!

جاك: مش بتعصب.. امسكي..

جاكي: مش عايزه..

جاك بغضب: جاكي... امسكي..

كان باصصلي بطريقه مخيفه.. خدت منه الفيزا وروحت قعدت بعيد بزعل..

مسك دماغه شويه وبعدين جه قعد جنبي..

جاك: متزعليش...

جاكي:...

جاك: خلاص مش هزعقلك تاني..

جاكي: كل مره بتقول كدا وبتزعقلي..

جاك: مانتي اللي بتعصبيني...

جاكي: كل دا عشان مش عايزة اخد فلوس!

جاك: يعني اي مش عايزه!!.. هو انتي هبله!!.. هتصرفي منين!

جاكي: انا هشتغل..

جاك: لا لا انتي هبله فعلا.. انا هرجعك لامك اول مانرجع..

جاكي: يكون احسن بردو ومتتكلمش معايا تاني..

سيبته وروحت نمت..

جاك: بقا دي اللي كنت هموت عليها!.. انا خنزير فعلا..

شويه وجه جنبي..

جاك: حبيبي..

جاكي:....

جاك: بصيلي طيب..

جاكي:...

جاك: عايز اقولك حاجه..

جاكي: نعم.. ارغي..

جاك: جاكي.. انا مصدع قوي.. ارجوكي بلاش عِند دلوقتي...

جاكي: خلصت!.. سيبني انام بقاا..

جاك: طب ع فكره انتي ناسيه حاجه..

جاكي: اي..

جاك: بوستين..

جاكي: بعينك..

جاك: بقاا كدا!.. انا كنت عارف انك مش قد كلامك.. انا اروح اشربلي سجارتين احسن..

جاكي: روح..

بصيت لقيته قام وفتح الدرج... قومت اجري وخطفتها منه..

جاك: هاتي السجاير متهزريش..

جاكي: لا..

جاك: ماهو انتي لا راضيه تديني لا دا ولا دا..

جاكي: لا بردو..

جاك: انتي مينفعش معاكي الزوق...

بصيت لقيته فتح الدولاب وطلع حزام وانا طلعت اجري..

جاكي: اععع.. متهزرش.. والله ياجاك لو جه عليا ماهرحمك...

جاك: هتعملي اي.. ها.. وريني..

جاكي: ابعد.. متقربش..

جاك: اديني السجاير..

جاكي: لا..

ضرب بالحزام جنبي..

جاكي: اعع.. ولاااا..

جاك: اخلصي..

جاكي: والله العظيم هصوت ياجاك والم عليك الاوتيل كله..

بصلي بقرف كدا وراح رمى الحزام ونزلني من ع السرير.. خد من ايدي السجاير ورماها وراه..

جاك: هتديهالي انتي ولا اخدها انا..

جاكي: هي اي..

جاك: البوسه..

جاكي: لا دا ولا دا..

جاك: تمام استحملي..

لسه هيقرب..

جاكي: لععع.. خلاص..

جاك: هاا..

جاكي: هعع.. هعيط والله..

جاك: هاتي البوسه وعيطي..

جاكي: طب اديهالك ف خدك..

جاك: مبحبش اعيد كلامي كتير...

جاكي: ع فكره لما نروح هقول لفيروز ع اللي بتعمله دا..

جاك: قوليلها وهي هتقولك مين اللي معاه حق..

جاكي: طب اوعى بقااا انت ماسكني كدا ليه..

جاك: لو سيبتك هتجري..

جاكي: لا مش هجري..

جاك: اهو سيبتك..

لسه هجري راح شدني..

جاك بضحك: انا عارف اني متجوز واحده هبله..

جاكي بضحك: اوعى.. طب هقولك حاجه..

جاك: مش عايز اسمع..

جاكي: ماهو انا بردانه وعايزه انام.. وبعدين رجلي واجعاني..

جاك: كل دا متوقف ع البوسه.. اديني البوسه وغوري..

جاكي: اغور!.. طب مفيش بوس...

جاك: انتي عايزه تتربي والله.. استني بقااا..

شالني ورماني ع السرير...

جاكي: اععع.. الحقوووووني... متحرررررش..

جه بسرعه وحط ايده ع بوقي..

جاك: انتي عارفه انا ممكن اعمل فيكي اي دلوقتي!

جاكي: معندكش اخوات بنات!

جاك: لا معنديش..

جاكي: طب اوعى عشان شعرك بينقط مايه عليا..

جاك: والله.. طب اهو..

فضل يهز راسه عشان يغرقني مايه..

جاكي: يابني بس..

فجأه الباب خبط..

جاكي بضحك: اتاكدت دلوقتي ان ربنا راضي عني..

جاك: دانا هعمل من امه بطيخ..

قام فتح الباب وكانت واحده ست..

جاك: خير!

ـ سمعت صوت حد بيصوت.. وتقريبا كان جاي من هنا..

جاك: لا حضرتك غلطانه.. مفيش حاجه..

جاكي: لا انا اللي كنت بصوت.. والواد دا كان بيتحرش بيا..

جاك: جاكي اتلمي..

ـ طب ماتطلعي يابنتي.. وانت انا هطلبلك البوليس دلوقتي..

جاكي: ايوا.. بلغي عنه المتحرش دا..

جاك: لو سمحتي اتفضلي.. دي مراتي..

جاكي: ولا اعرفه.. دا خاطفني..

ـ خاطفك بالبيجامه!

جاكي: اي دا..

جاك: صدقتي!.. يلا لو سمحتي.. هي بس متخلفه عقليا شويه..

ـ معلش انا اسفه لو عملتلكوا ازعاج..

جاك: حصل خير..

الست مشت وانا روحت غطيت نفسي بسرعه.. ماهو مفيش مفر..

جاكي بخوف: هتعمل اي..

جاك: هنام.. تصبحي ع خير..

جاكي: اي دا انت مش هتضربني!

جاك: لا.. نامي..

قفل النور ونام..

جاكي بهمس: اممم.. طب دا زعل دا ولا اي حكايته..

طب هعمل اي انا دلوقتي...مانا مش هسيبه ينام زعلان.. اوف بقاا...

لسه بفكر هعمل اي وفجأه سمعت حاجه بتخبط..

جاكي بهمس: جاك.. جاك..

جاك: نعم..

جاكي: انا خايفه..

جاك: من اي..

جاكي: في اصوات هنا..

جاك: مفيش حاجه..

جاكي: والله في صوت حاجه تحت السرير..

جاك: ااه... مانا سمعت ان الاوضه دي بيبقى فيها اشباح بالليل..

جاكي: نعم ياخويا.. ومقعدنا فيها ليه!

جاك: متتكلميش معايا تاني..

جاكي: يعم دا وقته!.. بقولك خايفه..

جاك: اعملك اي..

جاكي: معرفش.. وانت نايم بعيد..

جاك: ايوا يعني عايزه اي..

فجاه الصوت علي..

جاكي: احيييه.. ياسطا هعيط والله..

راح لف وشه وفتح ايده..

جاك: تعالي..

جاكي: اجي فين..

جاك: خلاص خليكي..

جاكي: لا خلاص..

روحت نمت ف حضنه واتغطينا.. والصوت لسه شغال..

جاكي: جاك اي الصوت دا..

جاك: قولتلك اشباح..

جاكي: مش هعرف انام كدا..

بصيت لقيته مشي ايده ع ضهري وانا اتخضيت..

جاكي: انت اللي عملت كدا!

جاك: عملت اي..

جاكي: متهزرش هعيط والله..

جاك: هاتي بوسه والاصوات دي هتروح..

جاكي: اي علاقة البوسه بالاصوات..

جاك: ماهما مش راضيين عنك عشان انتي مزعلاني.. لو مش عايزه براح...

مكملش روحت بوسته بسرعه..

جاكي: احم.. بوستك اهو.. يلا بقاا..

جاك: في واحده تاني..

جاكي: ياجاك خلص بقاا..

جاك: مليش دعوه.. ياكدا ياتروحي تنامي مكانك..

جاكي: اووف.. طب هديهالك ف خدك..

جاك: لا يفتح الله..

جاكي: عشان خاطري والنبي..

جاك: هيييح.. ماشي..

بوسته من خده بسرعه وانا بتلفت حواليا وهو بيضحك..

جاكي: انت بتضحك ع اي..

جاك: ولا حاجه.. يلا نامي..

جاكي بهمس: كدا الاشباح مشت!

جاك: ااه... نامي بقاا عشان بكرا هننزل نشتري حاجات كتير..

جاكي: الاصوات اختفت ازاي!.. جاك.. انت اللي عملت كدا!

كان بيحاول يداري الضحك..

جاكي: تصدق انك مش محترم وخنزير فعلا..

جاك: انا مجتش جنبك.. انتي اللي بوستيني بإرادتك..

جاكي: اوعى بقاا كدا متتكلمش معايا تاني..

جاك بضحك: طب خلاص خلاص تعالي..

جاكي: لا..

جاك: خلاص تعالي هنام والله..

قربت منه وهو غمض عينيه...

جاك: مش عارف مستحملك ع اي..

جاكي: لو مش عاجبك طلقني..

جاك: مقدرش..

جاكي: ليه..

جاك: عشان بحبك..

جاكي: طب.. نام..

جاك بضحك: حاضر..

غمض عينيه وانا ابتسمت ابتسامه بلهاء كدا وبعدين نام كل منا في امان الآخر...

ـــــــــــــــــــــــــــــــــــــــــــــــــــــــــــــــ

صحيت تاني يوم ملقتش جاك جنبي..دورت عليه ف الاوضه ملقتهوش..

بصيت لقيت باب الاوضه اتفتح وهو دخل..

جاكي: كنت فين..

جاك: صحيتي امتى..

جاكي: دلوقتي.. كنت فين

جاك: كنت تحت..

جاكي: ايوا تحت فين..

جاك: هو تحقيق!

جاكي: ولااا.. عارف لو طلعت بتخوني هعمل فيك اي..

جاك: لا اتطمني.. انتي سديتي نفسي عن الصنف كله..

جاكي: احسن.. عشان تتلم.. وبعدين انت مناخيرك حمرا كدا ليه..

جاك: عندي برد..

جاكي: احييه.. شوفت.. مش قولتلك..

جاك: بس عشان مصدع قوي..

روحت حطيت ايدي ع وشه لقيته سخن..

جاكي: انت سخن كدا ليه!

جاك: مش سخن ولا حاجه.. سيبيني انام بس عشان مش قادر اقف...

اترمى ع السرير وباين عليه انه تعبان..

مشيت عليه قلعتله الكوتشي ودخلت عملتله كمادات وطلعت.. كان هو نعس..

قعدت اعمله كمادات وجسمه كان سخن قوي..

ـــــــــــــــــــــــــــــــــــــــــــــــــــــــــــــــ

ندى: انا قولت لبابا ووافق..

محمد: وانا قولت لمالك ووافق وحب الفكره..

فيروز: طب كويس.. جاك يرجع ونعمل الفرح ع طول.

محمد: مفيش خطوبه!

فيروز: براحتكوا.. بس انا شايفه ان ملهاش لازمه الخطوبه... خير البر عاجله.. وكلكوا بتحبوا بعض.. واحنا ماصدقنا الفتره دي مفهاش حاجه تزعل..

محمد: انا عن نفسي معنديش مشكله.. وانتي ياندى!

ندى: مش عارفه.. بس ممكن بابا ميوافقش..

عمو احمد: لو ع ابوكي اقدر اقوله واقنعه.. المهم انتوا موافقين..

ندى: انا موافقه..

فيروز: وانتي يانور..

نور: مش عارفه.. بس ازاي كلنا هنتجوز من غير خطوبه.. وكمان جاك مش هيرضى..

عمو احمد: ملكوش دعوه انتوا.. وافقوا انتوا وانا هتصرف..

ـــــــــــــــــــــــــــــــــــــــــــــــــــــــــــــــ

عملتله كمادات وقعدت جنبه لحد مايصحى.. حطيت ايدي عليه لقيت السخونه بتزيد..

جاكي: جاك.. جاك..

جاك: امم..

جاكي: اجيبلك دكتور!

جاك بتعب: لا..

جاكي: ماهي السخونه مش راضيه تنزل..

مكنش قادر يتكلم..

سيبته نام وغطيته وروحت قعدت قدامه...

قعدت اقلب ف الفون شويه واتفرج ع الصور اللي اتصورناها... خلصت وملقتش حاجه اعملها.. روحت قعدت ارسمه وهو نايم...

كنت مندمجه اوي مع الرسم وفجاه حاجه خبطت ف قزاز الباب بتاع البلاكونه..