رواية قلبي ليس بيدي الفصل الحادي والسابعون 71 بقلم حسناء مصطفي

دخلت لقيت منظر قمر قووووي...

خضره كتير وفي بحيره صغيره وشجر كتييير.. وشلالات...

جاكي: انت جبتني فين ياسطا!

جاك: اي رايك..

جاكي: رايي اي.. دا تحفههههه...

جاك: طب يلا ننزل..

مسك ايدي ونزلنا لحد ماوصلنا تحت عند المكان دا...

كنت واقفه وحاطه ايدي ف وسطي وبتفرج ع المكان.. لفيت لقيت جاك عمال يتفرج عليا..

جاكي: انت بتتفرج عليا ليه!.. هو انا برقص!

جاك: انا حر.. كل حاجه هنا بتاعتي... وانا حر اعمل اللي انا عايزه..

روحت فكيت القميص ولبسته...

جاك: مش مداري حاجه بردو..

جاكي: احترم نفسك ياجاك..

جاك: طب عايز اوريكي حاجه..

جاكي: اي..

راح شاور بإيده... بصيت بعيد كدا لقيت مرجيحه كبيييره ومتزينه بالورد..

جاكي بفرحه: احلف!

جاك بضحك: والله..

حضنته وانا بتنطط... سيبته وطلعت اجري روحت هناك...

قعدت عليها وهو جه... قعد يزقني..

جاكي: هي ممكن تقع!

جاك: ااه.. لو اللي راكبه عليها بقره..

بصيتله بغضب كدا ونزلت وهو جري وانا جريت وراه..

جاكي: انت زودتها معايا قوي ع فكره..

جاك: خلاص يابنت المجانين بهزر..

جاكي: ولو ولو.. لازم افتح دماغك...

فضل يجري وانا بجري وراه واحنا بنضحك والجو حلو.. لحد ماتعبت ووقفت..

جاك: خلاص بقاا..

جاكي: هتحترم نفسك!

جاك: ايوا.. يابقره..

جاكي: هعععع... ياخي والله ماهسيبك...

جريت عليه وفضلت اضرب فيه واشدله شعره... وروحت عضيته ف ايده...

جاك: اااه.. يابنت العضاضه.. اي دا..

جاكي: احسن.. مش انا بقره!

جاك: انتي بقره فعلا..

جاكي: ماتتلم بقاا جاتك ف وراكك..

جا: اتلهي كدا وانتي شبه البطريق..

جاكي: متتكلمش معايا..

سيبته وقعدت اتمشى وهو جه ورايا..

جاك: طب استني.. خلاص متزعليش..

جاكي: متتكلمش معايا قولت..

جاك: بس اي الحلاوه دي..

جاكي: ملكش دعوه..

جاك: شعرك دا!

جاكي: لا شعر الجيران.. هيهي.. عيل سم..

جاك بضحك: طب خلاص فكي البوز دا..

جاكي: لا..

جاك: ع فكره انا مكلف وجايبك مكان عظمه.. راعي داا..

جاكي: تبا لك..

سيبته وروحت قعدت ع المرجيحه تاني..

جاك: طب انا جبت الكاميرا عشان نصور كل حاجه.. بس شكلي هنكت..

جاكي: لا لا صور.. عشان البنات يتفرجوا..

جاك: ويشوفوا فخادك دي!

جاكي: ملكش دعوه بفخااااادييييي...

جاك: طب خلاص متزعقيش...

شغل الكاميرا وقعد يصورنا فيديو...

جاك: قولي هاي..

جاكي: هيهي.. يابني انت خرا ليه..

جاك: عارفه ياجاكي!.. المفروض مكنتش جيبتك المالديف.. كنت وديتك ترعه وخليتك تقعدي مع البهايم يابنت ال...

طلع يجري ورايا وهو ماسك الكاميرا..

جاكي: خلاص والله..

جاك: تعالي بقاا كدا..

قعد يعضني ف خدودي..

جاكي: يابني اوعى بقاا وشييي...

جاك: خليكي لوحدك بقاا انا ماشي..

سابني ومشي..

جاكي: ولااا... استني ياض

طلعت اجري وراه ونطيت ع ضهره..

جاك: انزلي..

جاكي: لا..

جاك: هوقعك..

جاكي: لا بردو..

جاك: طب انتي حره بقاا..

بصيت لقيته طلع يجري بيا وفضل يلف لحد ماوقعنا احنا الاتنين ف الارض..

جاكي: احييه.. ياخي غور ف داهيه بقاا..

جاك: انتي اللي تقيله وزي البقره..

جاكي: متتكلمش معايا..

نمت ع الارض وحطيت رجل ع رجل وهو نام جنبي بنفس الوضعيه..

جاكي: هي غيره وخلاص..

جاك: هغير منك ليه يامقشفه انتي..

جاكي: انا اللي مقشفه يازباله يادون ياوجه المعزه انت!

جاك: مش هرد عليكي عشان انتي شرشوحه..

جاكي: متتكلمش معايا..

فضلنا نايمين ع الارض كدا وحاطين رجل ع رجل..

جاكي: هيييييح..

جاك: اي هترجعي ولا اي..

جاكي: هعع.. يابني بس بقاا..

راح مسك الكاميرا..

جاك: قولي حاجه طيب للبنات..

جاكي: وحشتوووووني.. وبحبكوا قد كداهووون..

جاك: جماااعه.. انا غلطت اني جبتها معايا..غلطه وندمان عليها..

جاكي: جاك.. متتكلمش معايا..

جاك: اهي من ساعة ماجت وهي ماسكه ف الكلمه دي..

جاكي: اسكت بقاا خليني اتكلم معاهم.. بقولك اي.. ماتطلع فونك ونكلمهم فيديو افضل..

جاك: لا.. هتقعدي ترغي معاهم..

جاكي: لا لا والله.. عايزه اوريهم المكان.. والنبي والنبي..

جاك: امسكي..

خدت الفون ورنيت عليهم..

جاكي: وحشتوني ياعيال..

نور: هاي جي.. فين جاك..

جاكي: اهو مرزوع جنبي..

جاك: جاتك رزعه..

جاكي: اهو انت..

هند: بس يخربيتكوا.. دانتوا ف شهر عسل..

جاك: قصدك شهر هباب.. بقولك اي.. قولي لامها اني هرجعها اول ماهنوصل..

جاكي: فكك منه الاهبل دا.. استنوا افرجكوا ع المكان..

قومت وقعدت الف ف المكان..

جاك: هاتي انا اصورك وانتي روحي اتنططي ولا اعملي اي حاجه...

خد الفون وقعد يصور..

نور: احييه.. فين بنطلونك ياجي..

جاكي: لا انا مكنتش لابسه اصلا.. دانا لبست القميص دا عشان في متحرش هنا..

نور: وهو كدا مش هيتحرش يعني!

جاكي: اهو اي حاجه نستر بيها نفسنا وخلاص..

هند: المهم اي المكان دا..

جاكي: اي رايك..

هند: يابنتي دانتي ف الجنه... انا لو مكانك مش هرجع..

جاكي: ومين قالك اني هرجع.. انا راشقه هنا..

جاك: وماله..

قعدنا نتصور ونفرجهم ع المكان ونهزر... شويه ونادوا ع فيروز...

فيروز: ازيك يابت.. وحشتيني..

جاكي: وانتي اكتر ياقمر..

فيروز: اي اللي لابساه دا يكسفك.. عملت اي ف البت ياواد...

جاكي: الواد دا هو السبب والله... انا محترمه..

جاك: وانا مالي ياختي..

جاكي: مش انت اللي خليتني البس كدا!

جاك: والله ماحصل.. اصلا هي كانت لابسه مايوه.. وبعدين بلطجت عليا وخدت مني القميص ومخلياني داير عريان كدا..

فيروز: خليها تدلع...

جاك: اكتر من كدا دلع يبقاا كتير والله..

جاكي: ولااا.. لم نفسك..

جاك: شايفين بتكلمني ازاي!.. فيروز.. انا هرجعها لامها لما ارجع..

جاكي: جاك.. متتكلمش معايا..

سيبته ومشيت وهو جه ورايا..

جاك: لا خلاص نتكلم بجد بقااا..

جاكي: محمد عامل اي يافيزو..

فيروز: كويس.. هيروح هو وعمك يخطبوا البت ندى دلوقتي..

جاكي: لوللللولي.. مبروووك.... سلميلي عليه وبوسيهولي من هنا ومن هنا...

راح جاك بصلي جامد كدا..

جاكي: سوري والله نسيت...

جاك: نقفل بس معاهم وهوريكي...

فيروز: معلش زي اخوها بردو..

جاكي: صحيح الواد ادم عامل اي..

نور: حلو.. هييجي بعد شويه يتقدملي..

جاك: ازاي وانا مش موجود!

نور: مانا قولت لعمي وقال ع الاقل نقرا فاتحه لحد ماترجع..

جاك: تقروا فاتحه بس.. وتبلغيني بكل حاجه اول باول..

نور: حاضر..

جاك: محتاجين اي من هنا..

نور: ع ذوقك كدا يعني.. شوية حاجات حلوه كدا.

فيروز: بدل ماتقوليله تيجي بالسلامه..

نور: ماهو دا جنب سلامته بردو...

جاكي: ولا يهمك يابت.. هدلعكوا والله..

جاك: ايوا على حسابي

جاكي: معلش بقاا ياروحي.. انت الراجل..

جاك: طب يلا كفايه عليكوا كدا بقاا.. سلام..

قفلنا معاهم وبصيت لقيته بصلي بتهديد كدا..

جاكي: اي..

جاك: تبوسهولك من هنا ومن هنا!

جاكي: اخويا.. ومتقربش انا بقولك اهو..

جاك: متتكلميش معايا..

سابني ومشي وانا ضحكت وطلعت اجري عليه ركبت ع ضهره..

جاكي: تدري اني احبك جدا..

جاك: مش عايز..

جاكي: اموووواااه..

جاك: مش عايز بردو..

جاكي: امال عايز اي..

جاك: متتكلميش معايا..

جاكي: ع فكره دي كلمتي.. بطلوا سرقه بقاا... بقولك اي تعالى نرقص...

نزلت من ع ضهره ومسكت ايده..

جاك: مش هرقص انا..

جاكي: يلا يلااااا..

جاكي: من اول يوم ف لقانا.. خدني هواك.. عشت معاك.. احلى سنين عمري ياغالي..

جاك: صوتك مقرررررف..

جاكي بضحك: طب غني انت..

جاك: لا..

جاكي: متتكلمش معايا.. انا رايحه اتمرجح..

سيبته وروحت ركبت ع المرجيحه وهو قعد ع الارض ومسك الكاميرا وقعد يصورني...

جاكي: يعني انت راضي ان حد يشوف فخاد مراتك!

جاك: محدش هيشوف الفيديو غيرنا ياختي.. وبعدين عشان يبقى في ذكريات... اينعم هي ذكريات منحرفه يعني، بس تمام..

جاكي: ياسطاا..

جاك: عايزه اي..

جاكي: جعاااانه..

بصلي بقرف كدا..

جاك: متتكلميش معايا..

قفل الكاميرا ونام ع الارض.. نزلت وروحت قعدت ع بطنه..

جاك: ع فكره انتي مش خفيفه.. قومي..

جاكي: تؤتؤ.. هاتلي اكل الاول..

جاك: اجيبلك اكل منين.. مفيش اكل هنا...

جاكي: مليش دعوه انا جعانه..

قام قعد وسند ع ايده..

جاك: هجيب اكل منين دلوقتي!

جاكي: اتصرف.. مش هفضل جعانه كدا..

جاك: امم.. في حل..

جاكي: هو اي..

جاك: اروح اجيب وارجع ع طول..

جاكي: وتسيبني هنا!

جاك: مفيش حاجه هنا..

جاكي: ايوا بس هخاف..

جاك: متقلقيش.. هروح طيران وارجعلك.. اقعدي العبي لحد مااجي..

جاكي: طب متاخرش..

جاك: حاضر..

سابني ومشي وانا قعدت اتلفت حواليا... هو مكنش في حاجه بس انا كنت خايفه...

ـــــــــــــــــــــــــــــــــــــــــــــــــــــــــــــــ

عمو احمد: احنا جايين نطلب ايد بنتك ندى لابني محمد..

ـ اهلا وسهلا.. وبتشتغل اي بقاا يااستاذ محمد..

محمد: لا هو انا لسه طالب.. بس بشتغل مع بابا ف الشركه بتاعته..

ـ ملكش شغل لوحدك!

محمد: لا بقول لحضرتك لسه طالب... وكدا كدا هشتغل ف الشركه لما اتخرج.. فانا يعتبر بشتغل دلوقتي..

ـ ااه.. طب اخد راي العروسه الاول..

محمد: حضرتك موافق يعني!

ـ انا عن نفسي معنديش مشكله.. كفايه اننا هنناسب احمد بيه.. بس الاول اخد راي العروسه وارد عليكوا..

ـــــــــــــــــــــــــــــــــــــــــــــــــــــــــــــــ

بابا: اتطمنتي ع جاكي!

ماما: ايوا كويسه.. بتسلم عليك..

بابا: الله يسلمها.. بقولك اي..

ماما: نعم..

بابا: انا اسف..

ماما: ع اي..

بابا: ع كل اللي حصل..

ماما: اسف!.. هي اسف دي هترجع اللي راح!.. ولا هتعوضني عن السنين اللي عشتها بعيد عن بنتي!

بابا: عارف ان اللي عملته مكنش سهل.. بس انا عايز اردك ونفتح صفحه جديده..

ماما: وانا مش موافقه.. ولولا انك عندك ظروف مكنتش قعدتك معايا ف نفس البيت..

بابا: انا حاسس ان اخرتي قربت.. سامحيني ابوس ايدك.. مش عايز اموت وانتي زعلانه مني..

ماما: بعد الشر.. هتعيش لبنتك.. بس انا مش هقدر..

بابا: هتقدري.. انتي قلبك كبير وهتسامحيني وانا واثق..

ـــــــــــــــــــــــــــــــــــــــــــــــــــــــــــــــ

فضلت مستنياه بس اخر قوي.. قعدت اتمشى ف المكان دا شويه وفجأه سمعت صوت حاجه بتخربش ف الشجر.. قعدت اطمن نفسي ان مفيش حاجه.. بس الصوت كان عمال يقرب ويعلى وانا خلاص هموت من الرعب...

كنت عماله اتلفت حوالين نفسي وفجاه سمعت خطوات جايه ناحيتي من ورا الزرع...

كنت واقفه افرك ف ايدي ومرعوبه..

وفجأه طلع.. صرخت وغمضت عيني..

جاك: في اي..

فتحت لقيته جاك..

حضنته وفضلت اعيط..

جاك: اي اللي حصل..

جاكي بعياط: اخرت ليه..

جاك: ماخرتش.. انا جيت ع طول.. قوليلي بس اي اللي حصل..

جاكي: معرفش.. كان في اصوات طالعه من هنا..

جاك: لا مفيش حاجه.. دا وهم عشان كنتي لوحدك.. لو في حاجه مكنتش سيبتك لوحدك ابدا..

جاكي: امال اي الاصوات دي..

جاك: بيتهيقلك عشان انتي بتخافي.. يلا بقاا انا جبتلك اكل كتير اهو..

مسح موعي وقعدنا ف الارض ناكل..

جاكي: يعني جبت هدومك ومجبتش هدومي!

جاك: كنت هروح اجيب اكل عريان يعني!... وبعدين مانتي لابسه اهو..

جاكي: ورجلي اللي باينه دي..

جاك: عادي... سيبيها... الاكل حلو!

جاكي: امم.. حلو..

جاك: اي خدمات.. عدي الجمايل بقاا..

جاكي: ربنا يخليك يبرووو والله...

جاك: امسكي موبايلك اهو..

جاكي: طب كنت هات لبس.. هفضل قاعده كدا!

جاك: ايوا خليكي كدا..

جاكي: اما انت خنزير صحيح..

فونه رن...

جاك: الو..

ـ.....

جاك: اه تمام... بس انا مش ف البلد دلوقتي..

ـ....

جاك: مش مشكله انا هخلصلك مشكلتك وانا هنا..

ـ....

جاك: ااه احنا عندنا كام سيا يعني..

ـ....

جاك: ماشي تمام.. لو حصل اي حاجه بلغيني..

ـ....

جاك: ماشي تمام.. سلام..

قفل معاها ولف لقاني باصاله..

جاك: في اي..

جاكي: هو انت حياتك كلها نسوان!

جاك: ااه.. نسوان..

جاكي: متتكلمش معايا...

جاك: امال اتكلم مع مين..

جاكي: عندك سيا اهي.. انت عندك كام سيا!.. وبعدين هي مايا ولا سيا ولا البت المزغوده بتاع الفرح دي...

جاك: صحابي..

جاكي: صحابك ف عينك يابن التيت انت... طب اي رايك بقاا اني هصاحب!... يعني انا كل دا مش راضيه اكلم ولاد.. دلوقتي هصاحب ياجاك...

جاك: وحياة امك انفخك..

جاكي: وانت مالك... مانت مصاحب انت كمان..

جاك: من ساعة مااتجوزتك وانا بتعامل بحدود مع الكل..

جاكي: ااه.. لدرجة انك بتقولها احنا عندنا كام سيا..

جاك: ياغبيه دا شغل..

جاكي: ااشش اسكت... متتكلمش معايا..

جاك باستفزاز: بتغيري!

جاكي: وهغير ليه.. اولعوا كلكوا.. كدا كدا كلكوا مش محترمين.. ولا يكونش سيا دي كمان عندها مقومات.. متجوزتهاش ليه.. ها..

جاك: عشان متجوزه..

جاكي: يعني لو كانت مش متجوزه كنت هتتجوزها.. صح!

جاك: لا.. عارفه ليه

راح ميل عليا...

جاك: عشان محدش عنده المقومات بتاعتك...

سابني وقام يتمشى..

احييييييه.. انت بتقول اي..

قومت وراه وانا باكل..

جاكي: احم.. هو احنا مش هنمشي..

جاك: زهقتي!

جاكي: لا.. مبزهقش وانت معايا..

بصلي وابتسم ورجع بص قدامه..

جاك: امال عايزه تمشي ليه..

جاكي: لا مش عايزه.. خلينا..

جاك: ماشي..

جاكي: بقولك صحيح.. هي البت سلمى دي بتحب محمد!

جاك: ااه..

جاكي: اي دا بجد..

جاك: اه بتحبه... امها حاولت كتير عشان تخليها تقرب منه ويحبها وكدا.. بس معرفتش... محمد عمره ماعبرها.. مش بيطيقهم اصلا..

جاكي: وشهد!

جاك: مالها..

جاكي: انت عارف مالها..

جاك: لا مش عارف..

جاكي: يعني متعرفش انها بحبك..

جاك: بصي.. دول معندهمش حاجه اسمها حب.. دول عندهم حاجه اسمها فلوس.. هي بتحاول تقربلي بس عشان حابه الفلوس..

جاكي: امم.. يعني انت مش بتحبها!

جاك: لو بحبها مكنتش اتجوزتك..

جاكي: يعني مقربتلهاش كدا ولا كدا..

قعد يضحك...

جاك: ع فكره انتي خيالك واسع..

جاكي: لا مش واسع.. انت اللي اي حاجه متوقعه منك..

جاك: اقولك بصراحه ولا هتنكدي!

جاكي: ااه.. هي الحكايه هتوصل لنكد بقاا.. طب قول.. وريني عملت اي..

جاك بضحك: معملتش حاجه والله... هو اللي حصل انها كانت عندنا مره.. وانا كنت مسافر فتره طويله.. فانا رجعت وهما موجودين... جت سلمت عليا وبصيت لقيتها باستني من خدي..

جاكي: وحياة امك!

جاك: انا مالي.. دي عملت كدا قدام الكل.. بس خدوها يعني انها زي اختي وفرحانه برجوعي وكدا...

بعدين انا نمت.. احم..

جاكي: كمل يااخرة صبري..

جاك: هتنكدي عليا والله..

جاكي: ولو مقولتش هنكد بردو.. فقول واخلص..

جاك: كنت نايم ف امان الله عادي.. صحيت لقيتها قاعده تلعب ف جسمي...

جاكي: نعم!.. يعني اي!

جاك: يعني قاعده تمشي ايديها عليا كدا وبتاع.. انا قومت مخضوض والله...

جاكي: وطبعا كنت عريان..

جاك: ايوا.. مانا مبعرفش انام غير كدا..

جاكي: وعملت اي بقاا!

جاك: بقولها انتي بتعملي اي هنا بتقولي قالولي اطلع اصحيك عشان الاكل... قولتلها وانتي كدا بتصحيني!.. قالتلي محبتش اخضك.. فكنت بصحيك بالراحه.. وكمان مش مظبوطه... يعني تقعد قريبه مني قوي وتقعد تحط ايديها عليا.. وتتكلم بطريقه مايعه... بس يعني مفيش حاجه.. عادي..

كنت باصاله وحاطه ايدي ف وسطي..

جاك: بصي.. هي ممكن تكون بتحاول تقربلي.. بس انا مليش دعوه... هي مبتلفتش نظري اصلا..

جاكي: بص... متتكلمش معايا..

سيبته ومشيت زعلانه وهو جه ورايا..

جاك: كدا هتخليني مش هحكيلك ع حاجه تاني... طلاما بتزعلي...

جاكي: انت عايز تقولي ان في واحده بتتحرش بيك واقعد ساكته!.. انت اهبل..

جاك: بتتحرش بيا اي!.. لا مش للدرجادي..

جاكي: امال لما تلمسك دا اسمه اي.. وبعدين انت ليه اصلا متقفلش باب الاوضه عليك!.. وليه تقعد جنبها.. ولااا.. متخلنيش اروح فيك ف داهيه..

جاك: حاضر.. اديكي عرفتي انها مش مظبوطه... متخلهاش تقربلي انتي بقااا..

جاكي: المكان اللي البت دي موجوده فيه متقعدش فيه

.. انت فاهم!

جاك: حاضر..

جاكي: لما اشوف اخرتها معاك...

جاك: بقولك صحيح..

جاكي: امم..

جاك: بتعرفي ترقصي!

جاكي بصدمه: ها.. يعني اي.

جاك: يعني ترقصي.. زي البنات..

جاكي: لا.. مش بعرف.. وانسى اللي ف دماغك..

جاك: ع فكره يعني عندي فضول..

جاكي: مش هرقص ياجاك... مش بعرف

جاك: بتعرفي... انتي مشوفتيش نفسك بترقصي ازاي ف الفرح!

جاكي: ف الفرح حاجه واللي انت عايزه حاجه تاني.. وانا بقولك انسى..

جاك: هترقصي ياجي..

جاكي: لو تشوف حلمة ودنك..

جاك: ماشي.. هنشوف مين كلامه هيمشي..

جاكي: عايزني ارقص ليه.. انت مش شايف اني مبعرفش اعمل حاجه ومعنديش مقومات ومعنديش القدره وهتروح تبص بره و..

جاك: اشش.. عندك.. عندك ياجي.. كل اللي قولته مكنش صح.. كنت بغيظك بس.. وبعدين انتي هبله.. هو في حد يبقى معاه قمر كدا ويبص بره!

جاكي: قول لنفسك..

جاك: لا انا عارف كويس.. طب اقولك حاجه.. انا مشوفتش اجمل منك...

جاكي بتناكه: ايون.. انا عارفه..

جاك: لا مبهزرش... انا فعلا محدش ملى عيني غيرك... متفكريش اني ممكن ابص لحد غيرك ف يوم.. دا مستحيل.. وبعدين صحيح.. عايزك تتعلمي ازاي تدافعي عن نفسك

جاكي: ازاي..

جاك: يعني لسانك الطويل دا مش كفايه... لازم تتعلمي حركات دفاع عن النفس.. عشان مش ببقى معاكي ع طول.. وكمان لما نرجع هبقا ف شغلي اغلب وقتي.. هعلمك ازاي تقدري توقعي اللي قدامك بضربه واحده..

جاكي: اكشن يعني وكدا.. اشطا موافقه..

جاك: مع انك شرشوحه ومش محتاجه يعني.. بس تمام...

جاكي: احترم نفسك... وبعدين يلا علمني دلوقتي..

جاك: بفاخدك اللي باينه دي!

جاكي: ماتحترم نفسك بقاا.. وبعدين اي المشكله.. يلا بس...

ـــــــــــــــــــــــــــــــــــــــــــــــــــــــــــــــ

ادم: يلا ياماما..

دلال: يلا جهزت اهو..

منه: وانا جهزت..

ركبوا وراحوا عند نور..

دخلوا وعمو احمد استقبلهم..

دلال: طبعا احنا دلوقتي اهل ومفيش بينا اي رسميات..

فيروز: اكيد..

دلال: مبدئيا كدا انتوا موافقين ع ادم لنور!

عمو احمد: والله احنا معندناش اي مشكله.. ولا اي رايك يافيروز..

فيروز: مش هنلاقي احسن من ادم لنور.. المهم هي تكون موافقه..

هند: وهي موافقه جدا..

نور بهمس: بس يابت..

دلال: اذا كان كدا نقرا الفاتحه..

عمو احمد: ها يانور..

نور بخجل: اللي تشوفه ياعمي..

فيروز: من امتى وانتي بتتكسفي كدا..

عمو احمد: طب يلا ع بركة الله..

قروا الفاتحه واصوات الزغاريط علت... جابوا الشربات وقعدوا يتكلموا ويهزروا..

ـــــــــــــــــــــــــــــــــــــــــــــــــــــــــــــــ

جاك: اممم.. ماشي... بصي اقفي بعيد كدا.. وريني لو واحد قربلك بتعملي اي..

جاكي: مبعملش حاجه... بلزق ف الحيطه..

جاك: بصي.. اعملي ايديكي كدا... خليهم قدام وشك..

جاكي: اهو..

جاك: لا دخليهم ف بوقك ياجي..

جاكي: ماهو ياعم..

قعد يعلمني شوية حركات كدا.. انا شليته ايوا.. بس عادي يعني..

جاك: يلا.. اعتبريني انا واحد بيعتدي عليكي.. وريني هتعملي اي..

جاكي: اوكي..

ضربته بالبوكس ف صدره بس متحركش..

جاكي: احييييه.. ايديييي... اي ياسطا داا.. وبعدين موقعتش ليه!

جاك بضحك: انتي كدا ضربتيني!

جاكي: دانا ايدي اتشلت حرام عليك..

جاك: لا دانتي قدامك موال..

جاكي: طب استنى اجرب برجلي..

جيت ارفع رجلي ف وشه روحت اتشقلبت ع بطني.. وهو قعد يضحك..

جاكي: هععع... مش لاعبه ياعم

جاك: انا مغلطتش لما قولت انك بقره.. في حد يقع الوقعه دي!..

جاكي: مانت اللي طويل.. هطولك ازاي انا..

جاك: خلاص.. ابقي روحي معايا الچيم..

جاكي: اشطحح..

جاك: لو فضلتي تتكلمي بالاسلوب دا مش هاخدك..

جاكي: لا خلاص والله..

جاك: طب قومي.. هتفضلي نايمه كدا!

جاكي: مش قادره والله ضهري ف ذمة الله.. ياخي تبا لك..

جاك: قومي طيب..

جاكي: والله ماقادره.. خليني كدا..

جاك: مش عارف مستحملك ع اي والله..

جاكي: روح اتجوز وسيبني هنا.. انا مكنتش موافقه عليك اصلا.. انتوا جوزتوني غصب اساسا..

جاك: ياشيخه!.. خلاص تمام.. اروح اتجوز تاني.. معنديش مشكله..

جاكي: هيييح... اتجوز.. شوف مين هترضى بيك..

جاك: بلاش تلعبي ف حتة مين هيرضى بيا دي عشان اللي حواليا كتير... مستنيين اشاره بس..

قعد ع الارض وحط راسه ع بطني ونام بالعرض...

جاك: عارفه.. اول مره ابقاا مرتاح كدا.. بعيدا عن انك مطلعه عيني، بس وانا معاكي مش ببقى حاسس بحاجه غير راحه... بقولك صحيح..

جاكي: امم..

جاك: عرفتي تعومي ازاي..

جاكي: ادم علمني لما كنا ف شرم..

جاك: ااه.. لما كنتي لابسه المايوه..

جاكي: اخويا يبرو..

جاك: وقتها مكنتيش تعرفي انه اخوكي..

جاكي: خلاص ياجاك بقاا.. مش حوار يعني.. وبعدين انت عارف ان ادم محترم...

جاك: محترم قوي ياختي..

جاكي: ايون محترم... هو علمني وانت علمتني شويه وخلاص.. وبعدين انا كنت خايفه انزل مش اكتر..

جاك: امم.. ماشي..

جاكي: صحيح.. مالك من امتى بيحب منه!

جاك: من ساعة ماشافها ف خطوبة هند... قالي انها عاجباه..

جاكي: غريبه.. هي كمان كانت عماله تعاكسه وكان عاجبها..

جاك: بتقعدوا تعاكسوا كتير انتوا..

جاكي: مانتوا بتعاكسوا.. دا غير اننا بنعاكس بينا وبين بعض..

جاك: طيب.. سيبيني انام شويه بقاا..

سكتنا شويه...

جاك: ع فكره.. جبتلك المرهم..

جاكي: مرهم اي..

جاك: لجسمي... خدي اهو..

جاكي: انت جايبه معاك هنا..

جاك: مش عارف جبته ليه... يمكن حبيت الفكره.. يلا

جاكي: يلا اي..

جاك: حطيلي..

جاكي: احطلك اي..

جاك: المرهم ياجي..

جاكي: هو انا هحطلك!

جاك: امال امي... وبعدين انتي اصلا صاحبة الفكره..

جاكي: ايوا بس..

جاك: بس اي.. يلا..

قام قلع القميص وقعد قدامي وضم رجليه..

جاك: هنفضل كدا كتير..

جاكي: احم.. طيب..

كنت مكسوفه ومش قادره احط ايدي عليه... لا ياجماعه كدا كتير... وبعدين دا جسمه كله كدا.. يعني هدهنله جسمه كله!!

جاك: جاكي..

جاكي: هاا.. حاضر..

مسكت المرهم وحاولت احط ايدي بس كنت بشيلها تاني.. ايوا احنا بنهزر ونضحك وكل حاجه.. بس الموقف مختلف...

جاك: يامسهل..

شجعت نفسي وخدت نفس وحطيت صوابعي عليه..

اول ما لمسته اتحرك..

جاكي: اي..

جاك: احم.. لا مفيش.. كملي..

كملت وانا مكسوفه وحاسه انه كمان مكسوف...

جاكي: خلصت..

لف وشه وبصلي..

جاكي: اي..

جاك: مش هتعملي اللي قدام!

جاكي: ايوا صح..

المرادي قلبي كان بيدق جامد عشان هو قريب وباصصلي... اتشجعت وحطيتله وهو مركز معايا...

فضلنا ساكتين وانا حاسه ان قلبي هيخرج من مكانه...

كان في جرح ف رقبته.. قربت بالراحه وحطيت عليه وهو مازال باصصلي..

بصيت لقيته قربلي بالراحه وانا غمضت عيني من التوتر.. راح باسني ف رقبتي وانا خلاص اعصابي باظت.. كنت ببلع ريقي بالعافيه..

كملت اللي بعمله وانا حاسه اني هعيط والله..

جاكي: احم.. خلصت..

جاك: وتحت!

جاكي بصدمه: تحت فين!

جاك بضحك: ف رجلي..

بصيت ع رجله لقيت فيها جروح بردو...

جاكي: امم.. ماشي..

ـــــــــــــــــــــــــــــــــــــــــــــــــــــــــــــــ

نور وادم كانوا قاعدين مع بعض لوحدهم..

ادم: وحشتيني..

نور بصت بعيد بكسوف..

ادم: بقولك وحشتيني..

نور: ماشي..

ادم: ماشي!.. يعني انا موحشتكيش!

نور بكسوف: لا.. وحشتني..

ادم: طب.. عرفتي جاك!

نور: ااه.. قولتله اننا هنقرا فاتحه بس لحد ماييجي..

ادم: تمام... بصي هتكلم معاكي بصراحه... انتي عارفه اني لسه طالب.. مش ف مقدرتي اعيشك ف نفس المستوى دا... انا اقدر اجيب شقه كويسه نوعا ما... وبعد كدا لما اشتغل ممكن نشوف هنعمل اي..

نور: ومين قالك اني هاممني شقه!... بص ياادم.. انا عشت عمري كله ف ڤلل.. بس مكنتش مرتاحه... مكنتش حاسه بامان ولا دفا.. اظن هلاقي دا ف شقه صغيره كدا... دا غير اني كله بالنسبالي واحد.. المهم اني ابقا معاك.. اا قصدي يعني ان..

ادم بابتسامه: فاهم.. انا حبيت اقولك عشان ميبقاش في حاجه مضايقاكي..

نور: لا متشغلش بالك.. انا عادي خالص.. اظن ماما لو كانت هنا كان هيفرق معاها دا.. بس كويس انها مش هنا..

ادم: يعني انتي موافقه!

نور: ايوا..

ـــــــــــــــــــــــــــــــــــــــــــــــــــــــــــــــ

جاكي: خلصت.. الوقت اتاخر.. مش هنمشي!

جاك: لو عايزه تمشي يلا.. بس هيفوتك كتير..

جاكي: يعني اي..

جاك: استني لما الدنيا تليل شويه..

الشمس كانت بتغيب والدنيا بتضلم..

جاكي: جاك الدنيا بتضلم... هنرجع ازاي..

جاك: متخافيش.. انا معاكي..

الدنيا ضلمت وفجأه لقيت انوار اشتغلت..

جاكي: اي دا..

جاك: قولتلك مكلف..

المنظر كان قمر قوووي والجو حلو... بصيت لقيته وقف ومدلي ايده..

جاك: ترقصي!

جاكي بابتسامة: ارقص.. بس ازاي ومفيش اغاني..

بصيت لقيته عمل حركه بإيده راحت المزيكا اشتغلت..

جاكي: دا ازاي بقاا!

جاك: مش مهم..

جاكي: جاك.. اوعى يكون في حد هنا..

جاك: متخيله اني ممكن اخلي حد هنا وانتي لابسه كدا!

جاكي: امال الحاجات دي اشتغلت ازاي!

جاك: قولتلك مش مهم.. المهم يلا..

مسك ايدي وبدأنا نرقص...

ـــــــــــــــــــــــــــــــــــــــــــــــــــــــــــــــ

محمد: ها ياندوش.. لسه بتفكري!

ندى: ااه.. لسه بفكر..

محمد: انا مش عارف اي الهبل دا.. مانتي موافقه ياندى.. خلصينا خلينا ننجز..

ندى: لازم اخد وقتي وافكر براحتي يامحمد..

محمد: انتي بتدلعي بقاا..

ندى: ومتدلعش ليه..

محمد: اتدلعي ياست براحتك.. بس بقولك اي..

ندى: اي..

محمد: بما ان كلنا هنتجوز الفتره دي... ليه منعملش كلنا فراح واحد ويكون كبيره قوي وهيكون اجمل وفيه ناس اكتر... وهنكون كلنا مع بعض..

ندى: فكره حلوه قوي..

محمد: يعني انتي موافقه!

ندى: ااه.. ليه لا.. نتجوز كلنا ف يوم واحد وفعلا هيكون الفرح احلى بكتير..

محمد: طب كويس.. قوليلي لباباكي انك موافقه واعرضي عليه الفكره وشوفي هيقول اي...

ندى: ماشي.. تمام..

ـــــــــــــــــــــــــــــــــــــــــــــــــــــــــــــــ

جاكي: المفروض ف حاله زي دي.. اكون لابسه فستان حلو.. وانت لابس كويس..

جاك: لا ع فكره.. الكلام دا رسمي قوي.. اما احنا كدا بنجدد... يعني مشغلين مزيكا وف حته بعيده ولوحدنا واحنا الاتنين عريانين.. اي المشكله..

جاكي: امم.. ماشي..

جاك بابتسامة: بحبك..

جاكي: يابني خضيتني..

جاك: لي..

جاكي: اصلك بتقولها من غير مقدمات.. يعني بتيجي فجأه كدا...

جاك: طب ماهي دي احلى حاجه... ع الاقل هيبقى ليها طعم..

جاكي: امم.. ماشي..

جاك: ع فكره في حاجه انتي ناسياها..

جاكي: اي هي..

ميل ع ودني..

جاك: البوسه..

جاكي: ولااا.. انسى الكلام دا..

جاك: خلاص.. ارجع للسجاير..

جاكي: لا بردو..

جاك: لا كدا كتير... لا سجاير ولا بوس!

جاكي: هو انت قليل الادب ليه!

جاك: مليش دعوه بقاا.. انا قولتلك وخلاص.. هتديني البوسه ولا اروح اشرب سجاير واصيع!

جاكي: جاك متبقاش رخم بقاا..

جاك: براحتك.. اختاري..

جاكي: اوووف... ماشي.. امري لله..

جاك: طب يلا..

جاكي: يلا اي..

جاك: هاتي البوسه..

جاكي: دلوقتي!..

جاك: ااه..

جاكي: احم.. لازم يعني!

جاك: ااه لازم... واخلصي بقاا عشان انا صبرت عليكي كتير...

جاكي: طب بص.. خليها لما نرجع الاوتيل..

جاك: هاهو.. العبي غيرها..

جاكي: لا بجد.. اوعدك اول مانرجع الاوتيل ه‍ ه‍بوسك..

جاك: كدا هيبقوا اتنين..

جاكي: ليه ان شآء الله!

جاك: لان انا طلبت تلات بوسات ياجي.. خدت واحده الصبح.. يبقى قاعد اتنين..

جاكي: هعيط..

جاك بضحك: اديهوملي وعيطي..

جاكي: ماشي.. ربنا يستر..

جاك بضحك: ليه ياماما.. هي حرب!

جاكي: اسكت انت مش فاهم حاجه..

جاك: طب في حاجه عايز اوريهالك..

جاكي: اي هي..

جاك: بصي وراكي..