رواية قلبي ليس بيدي الفصل السابعون 70 بقلم حسناء مصطفي

لقيت حد واقف تحت وبيشاورلي.. حاولت اشوف مين بس معرفتش.. طنشت وقعدت اتفرج ع العظمهه اللي انا فيها دي..

جاكي: طب مش كنا قولنا للجماعه!

جاك: انا بلغتهم..

جاكي: امم.. طب هو احنا هنفضل قاعدين كدا!

جاك: لا.. هنقوم نعوم دلوقتي..

جاكي: لا مانا مش هفضل قاعده كدا..

جاك: ياحبيبي الطياره عندك اي.. قومي اتحركي زي مانتي عايزه..

جاكي: اي دا.. هو انا ينفع اقوم..

جاك: ااه ياحبيبي.. ينفع تقومي.. حبيبي دي طياره خاصه.. يعني فيها سرير ومطبخ وحمام وكل اللي انتي عايزاه..

جاكي: انت بتتريق عليا صح!

جاك بضحك: يابنتي بس بقاا.. قومي شوفي بنفسك..

جاكي: طب افرض الطياره اتهزت كدا ولا كدا وانا وقعت..

بصلي بقرف كدا..

جاك: انتي عمرك ماركبتي طياره قبل كدا!

جاكي: تؤتؤ..

جاك: لا ماهو واضح... قومي يابابا مفيش حاجه هتحصل..

قومت وانا خايفه لايحصل حاجه.. بس محصلش.. انا اللي غبيه بس...

دخلت جوه لقيت في سرير فعلا وفي مطبخ بس زي مطبخ البيت يعني...وفي حمام انضف من حياتي..

طلعت كلمته بغباء... كان قاعد بيشتغل ع اللاب..

جاكي: جاك..

جاك: امم..

جاكي: انا بشوف الطياره ف التلفزيون بتلف كدا وكدا... يعني اكيد الحاجات اللي جواها بتتحرك اول ماهي تتعوج.. يعني انا لو نمت ع السرير دا، ممكن يتقلب ع جدور رقبتي...

جاك بقرف: انتي هتدخلي جوه ولا اقوملك!

جاكي: احم.. داخله.. مش عارفه خُلقك ضيق ليه..

سيبته ودخلت عملت شاي وانا واقفه اغني..

جاكي: بقاا انا كان نفسي اركب طياره، فيوم مااركب، اركب طياره خاصه!.. ومع واحد مز، ولوحدنا، ورايحين المالديف كمان!، دانا ربنا بيحبني والله...

عملت وطلعت قعدت معاه.. لقيته منيم الكرسي ومغمض عينيه... اسكت!.. روحت خضيته..

جاكي بصراخ: جااااااك...

قام مخضوض..

جاكي: هيهي.. سوري..

جاك: اووف.. عايزاني امد ايدي عليكي طيب!

جاكي: ماهو انا زهقانه..

جاك: المفروض اعمل اي طيب.. وبعدين احنا لسه راكبين..

جاكي: مانا مش هفضل قاعده كدا.. وانت مش معايا خالص...

جاك: افتحي الشاشه اللي عندك دي واتفرجي ع اللي انتي عايزاه...

جاكي: بتتفتح ازاي..

جاك: اوعي يا اخرة صبري..

جاكي: وسع خلقك ياروحي احنا لسه معملناش حاجه...

شغلي الشاشه ورجع نام تاني..

جاكي: جاك.. جاك..

جاك: خير..

جاكي: طب ماتشغل الشاشه اللي قدامك دي.. وتنيملي الكرسي اللي جنبك دا.. ونتفرج سوا..

جاك: تعالي..

روحت قعدت جنبه وشغلنا الشاشه..

جاكي: هاتلي توم وجيري..

جاك: والله!

جاكي: انا بحبه ياعم..

جاك: طب اسكتي بقاا عشان انتي هتنقطيني..

شغل توم وجيري ونمت ف حضنه وقعدنا نتفرج...

جاكي: جاك..

جاك: نعم!

جاكي: انا عايزه اشوف الست اللي ف توم وجيري دي.. هي وشها مش بيطلع ليه...

جاك: اععععع.. وقف ياسطاااا.. لف بينا وحياة عيالك..

قعدت اضحك ع طريقته..

جاكي: خلاص خلاص والله...

جاك: مسمعش صوتك تاني..

جاكي: حاضر..

سكت شويه..

جاكي: بقولك اي..

جاك: امم..

جاكي: عايزه اكل..

جاك: ياكلك قطر يابعيده..

جاكي: انت بتدعي عليا!!

جاك: لا ازاي.. بدعي عليا انا..

سابني وراح جاب اكل وجه..

جاك: الاكل اهو.. والمايه اهي.. وكل حاجه جنبك... انام بقاا.. سيبيني انام ابوس ايدك..

جاكي: ماشي.. نام..

جه نام جنبي وانا قعدت اكل واتفرج... كنت مندمجه مع الاكل والكرتون قوي وهو قاعد يتفرج عليا ومبتسم..

ـــــــــــــــــــــــــــــــــــــــــــــــــــــــــــــــ

نور: اكيد جي ف الطياره دلوقتي..

هند: امال زينا قاعدين كدا..

نور: انا ملانه بجد.. عايزه اعرف بيعملوا اي.. عايزه اشوف كل حته هناك..

هند: ماتيجي نكلمها فيديو ونشوفهم بيعملوا اي..

نور: يلا وندخل البت ندى معانا..

هند: اشطا...

ـــــــــــــــــــــــــــــــــــــــــــــــــــــــــــــــ

بصيت لقيت فوني رن..مسكت الفون وكانوا البنات...

فتحت وانا نايمه وجاك نايم ف حضني..

جاكي: هاااي..

نور: اي دا اي دا.. احنا جينا ف وقت مش مناسب ولا اي..

جاكي: لا ياختي دا نايم..

هند: قوليلي طيب اي الاخبار..

جاكي: استني اوريكي..

مسكت الفون وفرجتهم ع الطياره وانا قاعده مكاني..

ندى: وبتتفرجوا ع توم وجيري كمان!.. دانتوا رايقين..

جاكي: والنبي ماتقُري فيها.. خلينا نوصل بالسلامه..

ندى: طب قومي وريني باقي الطياره.. وبعدين هو مفيش حد معاكوا!

جاكي: دي طيارة جاك ياقمر.. يعني خاصه..

ندى: احييه.. ولاا ياجاك.. مش عايز عروسه تانيه!

جاك: عايز..

جاكي: وحياة امك!.. وعاملي فيها نايم..

جاك: خلاص يابنتي بهزر.. لا ياقمر انا معايا دي بالدنيا..

جاكي: زوجي قرة عيني..

ندى: اوعدني يارب..

جاكي: يوعدك بعيد عن جوزي.. بلا عروسه تانيه..

نور: طب كنت حن ع اختك وخدني معاك..

جاك: المره الجايه هاخدكوا كلكوا.. بس دا شهر عسل.. يعني نخلي عندنا دم شويه..

هند: ماشي ياخويا.. نام بقاا عشان عايزين نكلم البت دي شويه..

نور بهمس: عملتي اي يابت..

جاكي: كله تمام..

ندى: عليا النعمه انا جامد وافكاري جامده..

جاك: كنت عارف انها فكرتك يااستاذه ندى..

ندى: يافضيحتشششششي...

جاكي: يابني روح بقاا خليني اعرف اكلمهم..

جاك: لا ياروحي انتي هتقفلي عشان ننام..

نور: تناموا اي دلوقتي..

جاك: ملكيش دعوه انتي..

جاكي: لما نوصل هوريكوا كل حاجه.. باي..

قفلت ورجعت اتفرج ع الكرتون وجاك قافل النور ونايم..

جماعه اي الدلع دا واي العظمه دي!... ياخي كنت فين من زمان ياخي..

جاك بنعس: جي..

جاكي: ياعيون جي..

جاك: العربيه الجديده اللي اتزفينا فيها دي..

جاكي: ايوا مالها..

جاك: بتاعتك ياقمر..

جاكي: يعني اي بتاعتي!

جاك: يعني ليكي.. بس انا نسيت اقولك عشان الحاجات اللي حصلت دي..

جاكي: ايوا بس انا مبعرفش اسوق..

جاك: هعلمك.. هو انا ورايا حاجه غيرك..

جاكي: طب هل انا قولتلك قبل كدا اني بحبك جامد..

جاك: لا..

جاكي: طب بحبك جامد ياقمري انت...

فضل نايم كدا وانا قاعده اكل فشار... لحد مانعست..

ـــــــــــــــــــــــــــــــــــــــــــــــــــــــــــــــ

نور: بقولك اي ياهند..

هند: اي..

نور: هو انتي متعرفيش جاك عمل اي ف سيف!

هند: هو مقلكيش!

نور: لا..

هند: ضيعله مستقبله بس..

نور بصدمه: انتي بتقولي اي..

هند: والله محمد قال كدا...

نور: لو اعرف ان جاك هياخدلي حقي كدا كنت قولتله من زمان..

هند: انتي ليه مقولتليش حاجه زي دي..

نور: معرفش.. انا كنت خايفه ومش عارفه اعمل اي..

فونها رن وكان ادم..

نور: طب انا هروح اوضتي بقاا..

ـــــــــــــــــــــــــــــــــــــــــــــــــــــــــــــــ

ندى: بابا..

ـ نعم.

ندى: كنت عايزه اكلمك ف موضوع كدا..

ـ موضوع اي

ندى: محمد.. اللي قولتلك انه طلب ايدي ف الفرح دا.. عايز ياخد معاد وييجي يتقدم رسمي..

ـ ماشي ياحبيبتي... خليه ييجي..

ندى بفرحه: يعني اخليه ييجي بكرا!

ـ ف اي وقت ياروحي..

ندى: ماشي..

سابته وراحت تكلم محمد...

ـــــــــــــــــــــــــــــــــــــــــــــــــــــــــــــــ

صحيت ومعرفش عدى قد اي من الوقت...

جاكي: انت صحيت امتى..

جاك: من شويه..

جاكي: مقربناش..

جاك: خلاص اهو..

قومت قعدت شويه اقلب ف الفون لحد ماوصلنا...

نزلنا ولقيت عربيه مستنيانا...

ـ حمدلله ع السلامه مسيو جاك..

جاك: الله يسلمك...

ركبنا العربيه ومشينا وانا مذهوله من شكل المكان.. اي الجمال دااا...

مشينا شويه وبعدين وصلنا...

جاكي: هو احنا رايحين فين!

جاك: رايحين الاوتيل..

جاكي: ااه..

دخلنا الاوتيل ودا كان اجمل اوتيل شوفته اصلا..

جاك راح اتكلم مع الراجل شويه وانا واقفه اتفرج...بعدين طلعنا الاوضه...

جاكي: اي الاوضه دي.. يبرو هو انا بحلم!

حط الشنط وقربلي..

جاك: احلمي.. احلمي بأي حاجه وهتلاقيها تحت رجلك دلوقتي..

جاكي: عارف عايزه اي..

جاك: اي..

جاكي: نفسي ف بيبي يكون نفس وشك القمر دا كدا..

جاك: سهله.. نجيبه دلوقتي..

جاكي: اي دا.. لا مش قصدي كدا ياقليل الادب انت... انا بتكلم ع الفكره نفسها..

جاك: مانا عايزه احققلك الفكره دي..

جاكي: غيرت رأيي خلاص... سيبني بقاا اروح اتفرج ع الجمال دا...

دخلت البلاكونه وياريتني مادخلت... ايش داااااا....

جاكي: ياخساره..

جاك: اي..

جاكي: كان نفسي اكون بعرف اعوم...

جاك: اعلمك ياروحي...

جاكي: هنزل المايه ازاي بهدومي..

جاك: بهدومك ليه.. مانتي هتلبسي مايوه..

جاكي: مايوه!.. انت موافق!

جاك: ايوا.. امال هتنزلي ازاي..

جاكي: هتوافق اني البس مايوه قدام الناس!

جاك: ناس اي ياهبله انتي.. تعالي بس..

دخلنا فضينا الشنط وظبتنا كل حاجه...

جاك: تحبي تنزلي دلوقتي!

جاكي: ااه ياريت..

جاك: يلا...

نزلت معاه وانا ماسكه ايده.. الاوتيل كان فيه ناس كتير قوي وشكلهم نضيف يعني.. كنا ماشيين وفجأه راجل وست وقفونا...

ـ مسيو جاك.. فرصه حلوه دي..

جاك: ااه فعلا.. بتعملوا اي هنا..

ـ الراجل: بنغير جو كدا عشان المدام.. انت عارف بقاا..

جاك: ااه عارف..

ـالراجل: هي دي المدام!

جاك: ااه.. جاكي.. مراتي..

ـالراجل: اهلا جاكي هانم..

جاكي: اهلا..

الست: بتعرف تختار الصراحه ياجاك بيه...

جاك: اكيد..

الراجل: طب نستأذن احنا بقاا..

مشوا واحنا كملنا طريقنا...

جاك: هوديكي مكان دلوقتي عظمهه..

مشينا شويه كدا وبعدين روحنا مكان ومكنش فيه غيرنا وكلمة عظمه دي قليله اصلا.. منظر البحر حاجه تاني..

جاكي: اي الجمال دا..

جاك: تعالي..

دخلنا حته كدا وفيها هدوم..

جاكي: اي دا..

جاك: عندك مايوهات هنا.. البسي اللي انتي عايزاه وانا هروح اغير هناك..

جاكي: انت اتجننت ولا اي.. اغير اي!.

جاك: مفيش غيرنا..

جاكي: افرض حد جه..

جاك: يلا ياجي.. يلا..

راح غير وانا لبست مايوه شرعي ورميت الطرحه ع شعري.. معلش احنا محترمين بردو...

طلعت لقيته بره ولابس مايوه..

جاكي: يفضحك...

لفيت وشي..

جاكي: اي اللي لابسه دا..

جاك: انتي هبله!.. لسه بتتكسفي مني لحد دلوقتي..

جاكي: ع فكره جسمك كله باين..

جاك: مانا عارف.. ودا طبيعي.. عشان انا ع البحر.. لفي بس كدا.. وبعدين اي اللي حطاه ع شعرك دا.. شيلي كدا..

شال الطرحه من عليا وراح حطها بعيد..

جاكي: طب انا خايفه احسن حد ييجي ويشوفني كدا..

جاك: جاكي.. محدش هييجي..

جاكي: واشعرفك بقاا.. انا حاسه اني عريانه والله..

جاك: المكان دا بتاعي ياجي..

جاكي: هو اي اللي بتاعك!

جاك: المكان اللي احنا فيه دا.. والاوتيل اللي قعدنا فيه دا ملكي بردو.. والمنطقه دي مستحيل حد ييجي فيها طول مانا هنا.. واكيد لو حد ممكن ييجي مش هخليكي تلبسي مايوه يعني..

جاكي: ياشيخ ريحتني والله..

جاك: بس انا قولتلك البسي مايوه.. بتلبسي دا ليه!

جاكي: انت عايزني البس التاني!

جاك: ايوا..

جاكي: بعينك.. والله ابدا.. دانا لابسه دا ومكسوفه..

جاك: طب تعالي يلا..

بصيت لقيته نط ف المايه..

جاكي: يعني نزلت وسيبتني!

جاك: ماتنطي يابنتي!..

جاكي: انط فين!

جاك: ف المايه..

جاكي: لا ياعم اخاف..

جاك: طب تعالي اديني ايدك..

عطيته ايدي راح شدني المهزء..

جاكي: احيه هغرق..

جاك: متخافيش انا ماسكك..

جاكي: ياسطا انا خايفه... مفيش حاجه تحت..

جاك: يابنتي ماسكك والله.. بصي سيبي نفسك وانا هعلمك ازاي تعومي...

رفعني ع المايه وقعد يشرحلي المفروض اعمل اي..

جاك: فهمتي!

جاكي: ايون..

جاك: طب وريني بقاا..

راح سابني وانا لقيت نفسي نزلت لتحت..

جاك: رايحه فين يخربيتك..

طلعني وقعد يضحك..

جاكي: يخربيتك كنت هموت.. انت مجنون!.. بتضحك ع اي..

جاك بضحك: انتي نزلتي كدا ليه!... قولتلك سيبي نفسك.. متقاوميش المايه..

جاكي: لا يعم مش لاعبه.. طلعني..

جاك: طب خلاص.. هاتي ايدك وتعالي معايا...

مسك ايدي ومشي ف المايه وانا بطبش وراه وخلاص...

جاك: لو حد معانا دلوقتي كنا اتفضحنا باللي بتعمليه دا..

جاكي: مانا مش عارفه اعوم طيب اعمل اي..

جاك: بصي.. هسيبك هنا وهرجع.. وانتي ارجعي ورايا..

جاكي: وحياة امك!.. لا طبعا..

سابني ومشي بسرعه وانا واقفه مكاني...

جاكي: جاك متهزرش..مش هعرف ارجع..

جاك: متقلقيش انا موجود اهو.. حاولي تيجي لحد هنا بس...

حاولت اتحرك بس المايه كانت بتغطي راسي اصلا... فضلت اطبش لحد ماوصلتله..

جاكي: عرفت صح!

كان باصصلي بقرف..

جاك: بقره واقعه ف ترعه..

جاكي: مين اللي بقره.. مين اللي بقره ياحيوان..

فضلت اضرب فيه وارش عليه مايه..

جاك: هو في حد بيعوم كدا!.. انتي هبله!

جاكي: اشعرفني انا.. وبعدين انا جوعت يلا نطلع..

جاك: تصدقي انا الغلطان اني جبتك معايا والله...

جاكي: طب طلعني اقعد ع البتاعه دي وانت خليك..

جه رفعني وقعدت وهو فضل تحت...

جاك: المايه حلوه قوي.. انتي هبله...

جاكي: لا ياخويا.. العمر مش بعزقه... يلا بقاا اطلع انا عايزه اكل..

جاك: لا خلينا شويه...

قعد يعوم مع نفسه وانا فتحت موبايلي وقعت اقلب فيه وبالصدفه لقيت فيديو الفرح... احيييه فرحي ع النت!!

جاكي: جاك الحق.. احنا اهو..

جاك: اهو فين..

جاكي: الفرح..دا منتشر قوي..

جاك: طبيعي ياجي.. دا نازل ف الجرايد وع التليفزيون ياروحي..

جاكي: ليه ان شاء الله..

جاك: عشان انتي متجوزه جاك... الدنيا كلها تعرف جاك الا انتي..

جاكي: مكنتش اعرف انك معروف قوي كدا...

قعدت اتفرج ع الفرح وانا مذهوله من المنظر... بقاا انا دي!!... ودا فرحي!... حقيقي دا كان اجمل فرح شوفه ف حياتي فعلا... ودا اللي يتقال عليه اسطوري..

قعدت اتفرج ع نفسي وع الفستان... كنت مبسوطه ان الناس كاتبه كلام حلو.. بغض النظر عن المعاكسات يعني...

جاكي: اطلع بقاا عشان عايزه اكل..

طلع وغيرنا ورجعنا الاوتيل تاني...

الاكل جه وقعدنا ناكل..

جاك: بقولك..

جاكي: قول..

جاك: ضربتي سيف ف الشارع ازاي!... وليه!

جاكي: اتكلم بصراحه!

جاك: ياريت..

جاكي: احنا كنا خارجين من المول وهو مسك ايد نور ومكنش راضي يمشي... واخرتها يقولي دانتي شبر ونص ويزقني كدا... عطيت الحاجات اللي معايا للبنات ومسكت فيه ولميت عليه الناس وانا بقول حرامي ومتحرش...بعدين ضربته ف القاضيه راح وقع ع الارض.. وقلعت الكوتشي وفضلت اضربه ع وشه..

ندى شاركت معايا ف الاخر... وبعدين سيبنا الناس تكمل وطلعنا نجري... بس

جاك: دلوقتي بس اتأكدت اني متجوز شرشوحه...

جاكي: كنت اسيبه يضايقها يعني!..

جاك: لا جدعه.. مش بتخافي..

جاكي: لا عادي اتعرضت للحاجات دي كتير قبل كدا..

فوني رن وكانوا البنات..

جاك: هاتي الفون دا..

جاكي: استنى ارد عليهم..

جاك: هاتي بس كدا..

خد الفون من ايدي وقفله..

جاك: مش عايز وجع دماغ.. احنا جايين ننبسط ولا نكلمهم..

جاكي: ياعم ماهما عايزين يشوفوا المكان...

جاك: ابقي صوري بعدين... صحيح.. كنت عايز اكلمك ف حوار كدا..

جاكي: اي هو..

جاك: الخلفه..

جاكي: هاا..

جاك: الخلفه.. متكلمناش ف الموضوع دا خالص..

جاكي: احم.. والمطلوب..

جاك: ناويه ع اي..

جاكي: انا مش جاهزه للحوار دا دلوقتي...

جاك: امال امتى.

جاكي: معرفش.. بس انا مش مستعده اربي اطفال دلوقتي..

جاك: ليه.. هنربيهم مع بعض.. اي المشكله..

جاكي: جاك.. لما نتربى احنا الاول..

جاك: كدا مش هنخلف خالص..

جاكي: فكك ياعم من الحوار دا... المهم انا عايزه انزل اصيع..

جاك: تصيعي!

جاكي: ايون..

جاك: طب كلي الاول عشان متقعديش تقوليلي جعانه جعانه...

ـــــــــــــــــــــــــــــــــــــــــــــــــــــــــــــــ

محمد: بابا.. كنت عايز اكلمك ف موضوع..

عمو احمد: موضوع اي..

محمد: هروح اتقدم رسمي لندى..

عمو احمد: خدت معاد من ابوها!

محمد: هي كلمت ابوها وخدت معاد بكرا..

عمو احمد: ماشي... يحلها ربنا..

محمد: يعني هتيجي معايا بكرا!

عمو احمد: ان شاء الله..

ـــــــــــــــــــــــــــــــــــــــــــــــــــــــــــــــ

نور: ادم..

ادم: نعم..

نور: عايزه اقولك حاجه..

ادم: قولي..

نور: انا بنت..

ادم: ها.. يعني اي بنت..

نور: يعني.. سيف معمليش حاجه..

ادم: ااه.. وبتقوليلي كدا ليه..

نور: عشان ميبقاش عندك شك ف حاجه..

ادم: متشغليش بالك بالموضوع دا.. انا عارف كل حاجه..

نور: عارف اي..

ادم: عارف انك بنت..

نور: جاكي قالتلك!

اادم: لا.. انا عارف من زمان..

نور: يعني اي مش فاهمه..

ادم: يعني لما روحتله مع جاكي، جاكي دخلت تدور ع الصور وانا كنت بضربه بره... وهو اعترفلي انه مجاش جنبك... هو كان عايز يمسك حاجه عليكي بس..

نور: ومقولتش كدا ليه!

ادم: مش عارف.. بس محبتش اتدخل.. ع العموم سيبك من الموضوع دا دلوقتي.. انا هجيب ماما ونيجي نتقدملك رسمي... خديلي معاد من عمي...

نور: لما جاك يرجع حتى..

ادم: جاك قدامه شهر... الشهر دا نكون اتخطبنا فيه..

نور: مش عارفه.. هقول لفيروز واشوف...

ـــــــــــــــــــــــــــــــــــــــــــــــــــــــــــــــ

جاك: يلا!

جاكي: يلا...

غيرنا هدومنا ونزلنا... روحنا مكان حلو كدا ع البحر قعدنا فيه... اول مادخلنا العيون كلها بقت ع جاك.. وخاصة البنات..

دخلنا قعدنا..

جاك: تحبي تشربي اي..

جاكي: اي حاجه..

جاك: اجيبلك عصير!

جاكي: اوكي..

جاك: لو سمحت... عايزين واحد عصير برتقال وواحد قهوه..

ـ حاضر يافندم..

جاكي: حتى هنا هتشرب قهوه!

جاك: ايوا..

كان في مزيكا رايقه شغاله ف المكان وفي ناس بس مش كتير...

كنا قاعدين نتكلم ونهزر.. لمحت شخص قاعد ورا جاك وبيبصلي بطريقه غريبه...

طنشت وركزت مع جاك... بس فضل باصصلي كتير... فكرت اقول لجاك بس خوفت لايعمل مشاكل...

جاكي: جاك.. عايزه اروح الحمام..

جاك: اخر الطريق دا ع الشمال.. تحبي اجي معاكي!

جاكي: لا مش لازم.. خليك..

دخلت الحمام وكنت بظبط لبسي وفجأه الباب اتقفل.. لفيت لقيته نفس الشخص اللي كان بيبصلي وف ايده سيجاره وبيقربلي..

جاكي: انت مين..

ـ......

جاكي: لو قربتلي هلم عليك الناس..

فضل يقربلي وهو بيشرب السيجاره وكإني هوا قدامه..

جاكي: ع فكره.. جوزي اللي بره دا، ممكن يفرتكك..

ـ جاك بيه!.. ههه عز المعرفه..

جاكي: طب كويس انك عارفه... بس اللي متعرفهوش انه مبيحبش حد يقرب لحاجه تخصه..

ـ تؤ.. دلوقتي انتي معايا انا.. وف الحمام.. ولوحدنا.. يبقى اظن.. تخصيني انا..

جاكي: لو قربتلي هفتحلك دماغك... متفكرش اني سهله..

ـ بحب البنات العنيفه... بس مش لايق ع وشك ياقمر..

قرب مني وحط ايده حواليا...

حاولت ابعده بس معرفتش..

جاكي بصراخ: جاااك... جااااك..

الحمام كان بعيد شويه فعشان كدا محدش كان سامع..

حط ايده ع بوقي واتكلم ف ودني..

ـ جاك دا نهايته ع ايدي... بس الاول لازم اوجع قلبه..

جاكي: جااااك... ابعد عني ياحيوان... جاااك...

فجأه الباب اتفتح جامد وكان جاك...

اول ماشوفته طلعت اجري وقفت وراه...

جاك: لعبت ف عداد حياتك...

ـ لاعب من زمان...

جاك قرب منه وبضربه واحده كان ع الارض...

جاك بحده: اللي قربتلها دي، تبقى مراتي..

كمل كلامه بالضرب... فضل يضرب فيه ويخبطه ف الحيطه وانا واقفه بره... الشخص دا قام وضرب جاك بالبوكس... جاك كمل ضرب فيه....

ضربه جامد لدرجة ان الحمام بقى كله دم...

الناس كانت بتتفرج ومحدش فكر يقرب...

جاك سابه واقع ع الارض وخدني ومشي...

كان ماسك ايدي وماشي بسرعه...

وصلنا الاوتيل وطلعنا الاوضه...

جاك: عملك حاجه!

جاكي: لا.. بس هو مين دا..

جاك: واحد شويه ومش هيبقى ليه وجود.. بعد كدا متبعديش عني..

جاكي: حاضر...

جاك: انا نازل... شويه وهرجع.. باب الاوضه ميتفتحش.. مفهوم!

جاكي: طب انت رايح فين!

جاك: مشوار صغير وراجع.. سمعتي انا قولت اي..

جاكي: حاضر..

سابني وخرج بسرعه وانا قفلت الباب وغيرت هدومي وقعدت استنيته...

مسكت الفون وقعدت اتكلم مع البنات...

خلصت مع البنات وكلمت ماما وعدى وقت كتير وجاك لسه مرجعش...رنيت كتير بس فونه كان مقفول..

فضلت مستنياه لحد نص الليل... يادوب لقيت الباب بيتفتح...

جاكي: انت كنت فين كل دا..

دخل قلع الجاكيت ومردش...

جاكي: بكلمك ع فكره.. كنت فين..

جاك بحده: صوتك ميعلاش

جاكي: يعني انت تقعد لنص الليل بره وتيجي تكلمني كدا!

جاك: اشش.. مش عايز صداع...

جاكي: هو انت بتكلمني كدا ليه!

جاك بعصبيه: جاكي.. مسمعش صوتك تاني..

سيبته ودخلت قعدت لوحدي ف البلكونه...

قلع هدومه وولع سيجاره وقعد سرحان...

شميت ريحة السجاير من البلكونه... بصيت عليه لقيته ماسك سيجاره وعمال يفرك ف ايده...

دخلت وقفت قدامه وبصيتله شويه كدا وبعدين روحت نمت ع السرير...

فضلت كدا شويه وهو لسه قاعد مكانه لحد مانعست..

صحيت تاني يوم لقيته نايم مكانه... غطيته ودخلت اتوضيت وصليت وطلبت الفطار...

روحت وقفت ف البلكونة وانا متضايقه من اللي حصل امبارح...

بصيت لقيته جه حضني من ورا..

جاك: صباح الخير...

رجعت بصيت قدامي ومردتش عليه..

جاك: ااه.. انتي زعلانه بقاا..

جاكي:....

جاك: بصيلي طيب... متزعليش.. انا كنت متعصب..

جاكي: ياراجل..

جاك: ااه.. انا اسف..

جاكي: يعني الحق عليا اقعد مستنياك لنص الليل وانا قلقانه عليك!.. وف الاخر تيجي تكلمني كدا!... لا وكمان تشرب سجاير..

جاك: سجاير!!.. انا مشربتش سجاير..

جاكي: ياشيخ!

جاك: مبهزرش.. انا بطلتها من ساعة ماقولتيلي..

جاكي: امال اي دي..

روحت جبتله السيجاره المرميه ع الارض..

جاك: صدقيني مش فاكر اني شربت...

جاكي: لو بتقول كدا عشان اكبر دماغي، فانت غلطان..

جاك: لا.. انا فعلا مش فاكر.. اظن قبل مانتجوز قولتلك اني معظم الوقت مش ببقى واعي...

جاكي: يعني لما وقفت قدامك امبارح مكنتش واعي!

جاك: ااه.. مش فاكر حاجه غير اني رجعت وكلمتك وحش... ممكن اكون شربت السيجاره لا اراديا لاني متعود اشربها لما اكون بفكر ف حاجه زي كدا..

جاكي: حاجه زي اي..

جاك: لا.. مفيش... المهم متزعليش.. حقك عليا..

جاكي: ارمي السجاير اللي معاك..

جاك:.....

جاكي: خلاص.. هفضل زعلانه..

جاك: طب اقولك حاجه... عندي شرط قصاد اني ارمي السجاير..

جاكي: كمان هتشرط!.. شرط اي بقاا..

جاك: تلات بوسات...

جاكي: يعني اي..

جاك: يعني الصبح بوسه وقبل ماننام بوسه وف نص اليوم بوسه.. ودا بدل السجاير..

جاكي: انت واخد الموضوع بهزار!

جاك: لا.. بتكلم جد... ودا شرطي ياجاكي هانم.. شوفي انتي عايزه اي..

جاكي: وان قولت لا!

جاك: هيبقوا تلات سجاير..

قعدت افكر ممكن اعمل اي ف الحوار دا وملقتش حل غير اني اوافق..

جاكي: ولو وافقت ورجعت تاني للسجاير!

جاك: لا.. مش هرجع..

جاكي: احم.. ماشي.. موافقه..

جاك: طب يلا..

جاكي: يلا اي..

جاك: احنا الصبح..

جاكي: احييه.. لا بص.. نبدأ من بكرا..

جاك: خلاص.. اقضي النهارده سجاير لحد بكرا..

طلع سيجاره وحطها ف بوقه.. شيلتها ورميتها..

جاكي: بطل قرف بقاا..

جاك: طب يلا... مستني..

جاكي: جاك ماتهزرش بقاا..

جاك: مبهزرش.. هتخلصي ولا اطلع واحده تاني!

جاكي: اووف..

قربت منه بالراحه وبوسته ف خده..

ضحك ضحكه صغيره وبص بعيد..

جاك: دا بجد!

جاكي: اي.. مابوستك اهو..

جاك: بس انا مش قصدي هنا..

جاكي: امال فين..

شاور ع شفايفه..

جاكي: انت قليل الادب ومش محترم ومعندكش دم.. انت فاكرني سهله كدا!

جاك: اشش.. انا جوزك لو ناسيه..

جاكي: هو انت عشان جوزي ابوسك عادي كدا!

جاك: ااه..

جاكي: لا طبعا.. مفيش الكلام داا..

جاك: ع فكره.. انا صابر عليكي عشان مراعي حوار انك مش متعوده عليا.. بس بعد كدا مش مسؤول عن اللي ممكن يحصل..

جاكي: واي اللي ممكن يحصل!

جاك: يعني.. ممكن ابص بره.. ترجعي مره كدا تلاقيني مع واحده.. او ببات بره... ووقتها محدش هيقدر يلومني... مراتي مبتعمليش حاجه... فاضطريت ابص بره..

قربت منه ومسكته من الهدوم..

جاكي: جاك.. لو دا حصل، اقسملك ماهيحصلك طيب... انت متعرفنيش لما بقلب... هطلع روحك ف ايدي وادخل فيك السجن عادي..

كان واقف وحاطط ايده ف جيبه ومبتسم..

جاك: عايزاني اعمل اي.. مش ذنبي انك مفكيش انوثه..

جاكي: نعم!!... مين دي اللي مفهاش انوثه!

جاك باستفزاز: انتي.. مفيش واحده بتلبس بيجامه ف شهر العسل... لو معندكيش مقومات عادي.. قولي وانا هراعي الحوار دا... حتى البوسه مش عارفه تديهالي..حتى الميكب مش بتحطيه... اللي مبتعرفيش تعمليه في غيرك كتير بيعرف يعمله..

لو معندكيش القدره قولي..

كلامه ضايقني قوي وانا عارفه انه بيقول كدا عشان يضايقني بس ويخليني اعمل اللي هو عايزه... بس دا ميمنعش ان كلامه ضايقني فعلا.. محستش بنفسي غير وانا ببوسه...

بعدين استوعبت اللي عملته وبعدت عنه بسرعه وهو بيضحك...

جاكي: تبا لك..

سيبته وطلعت اجري ع الحمام وهو واقف يضحك...

قفلت الباب وانا مش مستوعبه اني عملت كدا... احييييه... هبص ف وشه ازاي دلوقتي...

فضلت ف الحمام وقت طويل وانا قلبي بيدق جامد..

جه عند الباب واتكلم..

جاك: هتباتي عندك يعني!!.. مكانتش بوسه دي!.. اخلصي عشان نخرج..

جاكي: متتكلمش معايا تاني.. انت اصلا حد منحرف..

جاك: ع فكره المنحرف اللي مش عاجبك دا، في كتير هيموتوا عليه.. وهو مش معبرهم عشانك.. ياريت تراعي دا..

فتحت الباب وطلعت وانا متعصبه..

جاكي: ااه.. وكلهم عندهم مقومات صح!.. امال اتجوزتني ليه لما انا مش عاجباك!!.. هااا... ماتروح تتجوز واحده عندها مقومات يابتاع الفخاد يامنحرف انت..

جاك بابتسامه: للاسف.. اتجوزتك اربع مرات.. مش عارف اتجوز تاني..

كلمني ببرود مع ابتسامه مستفزه كدا وبعدين سابني ومشي..

جاك: قدامك عشر دقايق... هستناكي تحت.. لو اخرتي همشي...

سابني ونزل وانا واقفه هتنقط.. ياخي تبا لك..

دخلت غيرت ولبست لبس جامد وحطيت ميكب وبيرفيوم ولبست النضاره وكنت عظمههههه عنداً فيه ونزلت... لقيته قاعد مستنيني...

مشيت بانوثه وانا مش متعوده ع كدا... والناس كانت بصالي بطريقه غريبه...

طلعت وقفت جنبه..

بصلي من فوق لتحت وخدني معاه العربيه بسرعه..

جاك: هو انتي هبله!

جاكي: عايز اي..

جاك: اي اللي لابساه دا!

جاك: ماله.. لبس حلو اهو..

جاك: ملفت ياختي.. وبعدين حاطه ميكب ليه..

جاكي: ع فكره انا حره.. احط ميكب زي مانا عايزه.. واللبس مش ملفت.. انا اللي مزه.. واراهنك اني لو طلعت غيرت دلوقتي ولبست اي حاجه، الناس كلها هتبصلي برده.. عارف لي.. عشان انا حلوه.. اما انت اللي مش بتشوف..

جاك: جاكي.. انا قصدي تعملي كدا معايا.. مش قدام الناس..

جاكي: وانا عملت اي.. مانا لابسه محترم اهو.. والميكب خفيف..

جاك: عاضه واحد من رقبته وتقوليلي خفيف!!.. مش شايفه بوقك احمر ازاي!... جاكي... امسحي اللي ف بوقك دا بدل ماابوظه بطريقتي..

بصيت لقيته قفل الشباك..

جاكي: لو فكرت تقربلي هقول بيتحرش بيا..

جاك: هعد لحد تلاته.. لو ممسحتيهوش بارادتك، همسحه انا ومتزعليش مني وقتها..

جاك: واحد..

فكرت اعانده وممسحش حاجه بس كان بيتكلم بخبث وكدا كدا هيعمل اللي ف دماغه..

جاك: اتنين... تلا..

جاكي: خلاص.. همسحه..

طلعت منديل وبصيت ف المرايه وعملت نفسي بمسحه..

جاكي: اهو مسحت شويه..

بصيت لقيته بصلي بحده كدا وخد من ايدي المنديل ومسك وشي بقوه وقعد يمسحه جامد...

جاكي: اوعى يخربيتك بوظت وشي... حرام عليك شفايفي ورمت.. اي الغشوميه دي..

جاك: بعد كدا تسمعي الكلام ع طول..

جاكي: متتكلمش معايا...

طلع بالعربيه جامد وانا اتخبطت... وهو قعد يضحك..

جاكي: والله!..

جاك: مجتش جنبك.. انتي اللي اعصابك سايبه..

رفعت صباعي ف وشه وقربت منه..

جاكي: ولااا.. متلعبش معايا.. هتندم..

ابتسم ابتسامة مش مفهومه كدا وراح لف بالعربيه خلاني اترميت عليه..

جاك: لسه مقتنعه بكلامك!

جاكي: ماشي... انت كدا اللي جبته لنفسك..

جاك: تحبي تروحي فين..

جاكي: نفس المكان اللي روحناه قبل كدا.. عايزه انزل المايه..

جاك: حاضر..

طلع بالعربيه وانا عماله افكر اعمل معاه اي عشان احرق دمه...

وصلنا المكان ودخلنا..

جاك: تعالي نغير..

هو راح يلبس المايوه بتاعه وانا لسه هلبس المايوه بس فكرت شويه كدا.. اي اللي هيحصل لما البس التاني دا... لا لا مستحيل... طب مااجرب.. اخليه يندم ع اللي قاله.... ايوا بس هطلع قدامه كدا ازاي...

افتكرت الطريقه اللي كلمني بيها والكلام اللي قاله.. محستش بنفسي غير وانا بلبسه...

لبسته وبصيت ع نفسي كدا بصدمه... لااعععععع... مش اخلاااااااقي... هععع هعيط والله... لا يلا يابت اطلعي وريله النعمه اللي مش مقدرها..

لفيت نفسي بفوطه وطلعت...

كان هو ف المايه..

جاك: انا قولت حد خطفك... كل دا... وبعدين انتي هتنزلي بالفوطه!..

بصيتله بلا مبالاه كدا وشيلت الفوطه بالراحه...

الابتسامه اللي ع وشه اختفت تدريجياً وفضل متنحلي..

مشيت شويه قدامه كدا..

جاكي: هاا.. نتسابق لحد فين!

كان باصصلي بصدمه..

جاكي: اي.. خوفت ولا اي..

جاك: لا.. بس مش مستوعب انك لبستيه..

جاكي: ليه.. اياك معنديش مقومات...

نطيت جنبه ف المايه..

جاك: انتي مش خايفه!

جاكي: لا..

جاك: انتي مبتعرفيش تعومي..

جاكي: هه.. نتسابق لحد فين!

جاك: هتغرقي..

جاكي: هغرق ازاي وانت معايا.. يلا..

جاك: تمام.. نتسابق لحد المركب اللي هناك دي.

جاكي: تمام..

بدأنا نعوم وانا كنت بعوم حلو جدا ووصلت قبله لانه كان مركز معايا ومستغرب...

جاكي: هاا.. غلبتك ياجاك بيه..

جاك: ثواني بس.. انتي بتعرفي تعومي!

جاكي: ااه..

جاك: ازاي!

جاكي: مش مهم... المهم اني بعرف..

جاك: امم.. يعني كنتي بتعملي كدا عشان اقربلك وخلاص.. وانتي اصلا بتعرفي تعومي..

جاكي: مش محتاجه اعمل كدا.. بقولك اي.. بتاع مين المركب دي..

جاك: مش بتاع حد.. عايزه تركبي!

جاكي: ياريت..

جاك مسكها وطلعت عليها وهو طلع ورايا.. رجع للمكان تاني.. خد الفون ولبس قميصه...

جاكي: هاتلي هدومي لو سمحت..

جاك: تؤتؤ..

جاكي: متهزرش..

راح ركب بسرعه ومشي بالمركب...

جاك: خليكي عريانه كدا...

كان بيجدف وبيبص عليا..

كان جسمي كله عريان وبينقط مايه وشعري مبلول... يادوب حسيت بالكارثه اللي حطيت نفسي فيها... يعني كان لازم اعمل فيها سبع رجاله ف بعض والبس كدا.. اهو هيفضل يبصلي كدا لحد مانروح..

جاك: مش محتاجه كل التفكير دا... عادي يعني.. ف الاول وف الاخر لابساه لجوزك..

جاكي: امم.. ومين قالك اني لابساه عشانك!

جاك: يعني مش عشاني!

جاكي: تؤتؤ... حبيت اجرب..

جاك: امم.. ماشي.. ع العموم حلو عليكي..

جاكي: مطلبتش رايك..

ضحك وبص بعيد..

جاك بابتسامة: مكنتش اعرف ان كلامي هيأثر عليكي كدا..

جاكي: كلامك ميفرقش معايا.. ف الاول وف الاخر انت واحد بتاع فخاد..

جاك: زي دي..

بصيت لقيته باصص ع رجلي..

جاكي: ياقليل الادب ياسافل..

جيت اغطي رجلي بس مكنش معايا هدوم...

جاك: بتدوري ع اي.. مفيش هدوم هنا..

جاكي: هات القميص اللي انت لابسه دا..

جاك: لا..

جاكي: هاته واخلص..

جاك: لا بردو..

قومت عشان اخده بس المركب اتهز ووقعت عليه.. جيت اقوم بس مسكني جامد..

جاكي: جاك اوعى..

جاك: تؤتؤ.. مش كل يوم هتبقي ف حضني من غير هدوم كدا..

جاكي: هزقك ف المايه والله.. اوعى وبطل قلة ادب..

جاك: بوسه وقومي..

جاكي: انسى.. انا مبعرفش ابوس.. ولا بعرف اعمل حاجه.. ولا نسيت!!..

خدت القميص وربطته ع وسطي وقعدت مكاني..

جاك: لسه مغريه بردو..

جاكي: ملكش دعوه.. وبص قدامك بقاا..

كان باصص ع جسمي ومبتسم..

جاكي: جاك اتلم وبص قدامك..

جاك: الله.. انتي مالك..

جاكي: لا متبصش عليا.. هو انا ببص عليك!!

جاك: بصي.. مقولتلكيش لا..

جاكي: لا مش عايزه... وبعدين احنا رايحين فين..

جاك: بنلف شويه.. وبعدين في مكان حلو هنا بفكر اوديكي فيه..

جاكي: وديني...

جاك: ماشي..

كان بيجدف وانا قعدت وحطيت رجلي ف المايه وقعدت العب فيها واهز رجلي وهو مركز معايا...

جاكي: ركز ف اللي انت بتعمله.. مش بنوزع حلاوه هنا..

جاك بابتسامة: ماشي..

سكتنا شويه وانا مبسوطه قوي الصراحه والمنظر قمر قوي... بصيت لقيته بدأ يغني..

جاك: كان يوم حبك اجمل صدفه.. لما قابلتك مره صدفه.. ياللي جمالك اجمل صدفه.. صدفه قابلتك ولا على بالي، شوفت ساعتها جمال الدنيا... صدفه لقيتني اتغير حالي، واتبدلت لوحدي ف ثانيه...

خدني جمال الروح والخفه..

اوعى تفكر يوم تخاصمني.. او تهجرني ولو بالصدفه.. وان صادفت يوم ابقى صالحني.. ماتفوتنيش استنى الصدفه... وارحمني من الشوق واللهفه...

صوته كان لايق ع المكان قوي وهو حد قمر قوي اصلا اصلا...

جاك: بتبصيلي ليه!.. مش بغنيلك ع فكره..

جاكي: وانا مش عايزاك تغنيلي ياوجه المعزه انت..

جاك: وجه معزه تاني!

جاكي: ايون..

جاك: طب يلا ياختي وصلنا..

جاكي: ولاا انت خطفتني ولا اي.. اي المكان دا..

نزل وسندني لحد مانزلت..

جاك: ادخلي يلا..

كان مكان معزول كدا... دخلت وسط الشجر والخضره دي... كان في زي ستاره كدا من النبات.. شيلتها كدا وبصيت وراها واتصدمت من هَول المنظر..