رواية احببتة من التيك توك الفصل السادس 6 بقلم اسيل الجندي

كارما : بتهزر صح 

ادهم: لا و الله احنا كنا لسه بنتكلم في الموضوع و قررنا انه يكون بعد اسبوعين و هنبدأ نجهز الكلام دا انتي عارفه 

كارما: اقولك حاجه تفرحك اكتر 

ادهم: ايه قولي 

كارما: انا كمان هتجوز 

ادهم: بس مشوفتش في ايدك دبله و لا عمرك قولتي انك مخطوبه 

كارما: ما انا مش مخطوبه بقا الله 

ادهم: يعني جواز على طول كدا طيب امتى 

كارما: بعد اسبوعين و اقولك على سر 

ادهم: انتي الي قتلتي مفاسا؟

كارما: 🤣لا العريس ميعرفش انه هيتجوزني  

ادهم بصلها بأستغراب و هي سابته و دخلت اوضه حور و هو بصلها وابتسم باستغراب على جنونها  و دخل قعد معاهم جوا 

حمزه: حور كنت عايز اقولك حاجه 

حور: اتفضل 

حمزه: انا كنت مخطوب قبل كدا من واحده  اسمها روح  و خطيبتي ماتت في حادثه عربية  و فعلا كنت متأثر بموتها دا و انتي خلتيني افكر في موضوع الارتباط دا من اول وجديد هتعرفي تكملي معايا  و تنسيني

حور ابتسمتله علشان تطمنه: اكيد 

اسر : طبعا كلكو معزومين على خطوبتنا انا و هدى و لا ايه 

حور بصتله بصدمه: هو انت الي...

هدى ضربتها في ايديها علشان تسكت 

هدى: ههه ايوا هو الي اتقدم لماما هو يا حبيبتي 

حمزه: طب ماينفعش نعمل خطوبتنا في نفس اليوم 

اسر و هدى: فكره حلوه 

:ماشي و انا معنديش مانع طلما خطوبه بس 

حور: ولا انا عندي مشكله 

كارما طلعت من الاوضه و زرغطت وراحت حضنتهم و اسر و حمزه و ادهم استأذنو و مشيو و البنات باتو عند حور و هيرجعو ثاني بعد ما الخطوبه تخلص 

عدى يومين و جيه معاد خطوبة اسر و هدى و حور و حمزه و كانو مبسوطين الا هدى كانت خايفه و قلقانه 

كارما: انتي مبسوطه يا هدى 

هدى: ايوا على الاقل اما ابقا مراته هبقا ضامنه انه مستحيل يأذيني 

كارما: مش عارفه اقولك ايه غير افرحي بايامك دي و متزعليش اكيد ربنا اختارلك كدا فاكيد فيه خير 

هدى ابتسمتلها و اسر و حمزه دخلو خدوهم و نزلو بيهم الحفله و كانت بسيطه و ادهم و تقى جم و كارما راحت وقفت جنب ادهم علشان تضايق تقى 

كارما: ادهوووووم فينك يا راجل مسمعناش عنك حاجه من ساعة قراية الفاتحه 

ادهم:كنت بساعدهم يا مجنونه 😂

كارما : ايوا يا عم البدله بقا طلع شبه الجمرررر

ادهم عدل لياقة  البدله: اه خدتي بالك 😎

كارما: خدت بالي ياسطا 

كانت الحفله بسيطه بس كل الي فيها فرحان الا|تقى|طبعا و كارما خدت ادهم و طول الحفله بتتخانق معاه و حمزه و حور لبسو الخواتم و مامته لبستها الشبكه و هدى و اسر لبسو الخواتم و مامتها لبستها الشبكه 

اسر: ايه رايك 

هدى: ايه رايي في ايه

اسر: في الشبكه و الحفله حاسك فرحانه 

هدى بسخريه: على اساس انه دي فلوسك يعني علشان افرح بيهم ما هي فلوسي 

اسر بغضب: لا دي فلوسي فلوسك هرجعهالك 

هدى ضحكتله باستهزاء و قامت ترقص مع البنات و اسر راح وقف مع الشباب بس عينه مش بتتشال من عليها لحد ما

 خلصت الحفله و المعازيم روحو و الشباب اخدو البنات كلهم و خرجو و كارما طول الطريق بتبص لتقى بقرف لحد ما وصلو المطعم 

ادهم: مالك بتبصيلها كدا ليه 

كارما: البت دي سوعبانه على فكره و هي ولا صاحبتي و لا نيله دا بالعكس مش بنطيق بعض 

ادهم: ما انا عارف و عارف انك انتي الي عملتي كدا يوم الخطوبه  

كارما بصتله بصدمه و معرفتش تقول ايه 

ادهم: كان باين بينكو العداوه اساسا من الفيديوهات و الناس كلها عارفه كدا علشان كدا اول ما شوفتك في الخطوبه انا اتصدمت 

كارما: انا مكونتش اعرف اننا مفضوحين اوي كدا احم بس انا معملتش كدا فيها يوم الخطوبه علشان العداوه و الكلام دا 

ادهم: امال علشان ايه 

كارما: هتعرف قريب 

ادهم: مع اني مش بحب الالغاز بس اشطا مستني اعرف 

كارما: شاطر يا دودو 

ادهم:دودو😳

تقى: ايه يا حبيبي بتعمل ايه 

كارما: يا بت بطلي تلزيق هو ايه الي يا حبيبي اسمه ادهم ايه المحن دا 

ادهم بصلها بصدمه بس ضحك على طريقتها و تقى شافته و اتعصبت اكتر 

تقى: شكل كلامها عاجبك اوي يا ادهم  ادهم انا بقولك بكل صراحه انت عايز تكمل الجوازه دي ولالا 

كارما بصتلو و عينيها بتلمع على امل انه يقولها لا 

ادهم بصلها:ليه بتقولي كدا يا تقى دا احنا كتب كتابنا كمان اسبوع و هتبقي مراتي و فرحنا كمان اسبوعين

كارما كورت ايديها بعصبيه و لاول مره حست انها فعلا   انها مجروحه وممكن تعيط

تقى: لاني حساك مش مرتاح معايا يا ادهم بجد تعبت 

تقى عيطت و ادهم كان بيحاول يهديها و كارما  ما قدرتش وسابتهم و مشيو و ادهم خد بالو و كان عايز يوقفها بس تقى كانت منعاه 

كارما دخلت الحمام و هي كاتمه عياطها بالعافيه و اول ما دخلت عيطت 

كارما: كتب الكتاب كمان اسبوع و هيبقى لغيرك يا كارما انتي مستوعبه بس مستحيل ادهم ليا و هتشوفي يا تقى اللعبه الي انتي بتلعبي بيها دي هتخسريها 

مسحت دموعها وطلعت لحور و قالتلهم انها عايزه تمشي و مشيو فعلا كلهم و ادهم خاد بالو انها هاديه على غير عادتها و كان عايز يسألها مالها بس ما كانش يقدر يسألها و هما كلهم موجودين لكن اول ما روحو بعتلها 

|انتي كويسه|  

|ايوا تمام ايه في حاجه |

|لا بس كنت بطمن اصل حسيتك مش تمام|

|لا بس كنت تعبانه شويه |

|تمام|

كارما قفلت الفون و قامت فتحت الدولاب و طلعت منه فستان ابيض و طرحه بيضا و كان عليه نقش بالورود بسيط جدا و حطيته على السرير و ابتسمت 

كارما: مش مصدقه كتب كتابي اخر الاسبوع و من ادهم 😍

هدى: انتي اكيد مش طبيعيه يا بنتي دا هيتجوز تقى هيتجوز ت  ق ى انتي مستوعبه فاااهمه

كارما: تصبحي على خير 

هدى باستغراب:ربنا يهديكي يا كارما يا بنت ام كارما 

كارما: ناميي

**************************ثاني يوم

حمزه|بتعملي ايه|

حور|ولا اي حاجه خالص قاعده زهقانه|

حمزه|عدي عليا في الشركه و انا هخلص شغل و نخرج|

حور|اشطا اوي ابعتلي اللوكيشن و جايه حالا|

حمزه بعتلها اللوكيشن و حور قامت لبست وراحتلو الشركة و كانت كبيرة جدا و سالت السكرتيرة على مكتبه و دخلتله و اول ما شافها ابتسملها 

حمزه: تعالي اقعدي هنا تشربي ايه 

حور:بيبسي🙂

حمزه: طيب 

حمزه طلبلها الي هي عايزاه و السكرتيره جابتهولها و قالت لحمزه 

_مستر حمزه مديرة الشركه الي حضرتك عملت معاها اخر صفقه برا و عايزه تقابل حضرتك 

حمزه :ماشي خليها تدخل 

_تمام يا مستر 

السكرتيره طلعت و شويه و الباب خبط 

حمزه:اتفضلي 

حمزه قام وقف و ابتسملها و المديره دخلت و كانت لابسه بدله و قلعت النظاره شمس  وقالتلو بابتسامه

:هاي 

حمزه بصلها بصدمه :روح😨!؟

يتبع.....

لقراءة الفصل السابع : اضغط هنا

لقراءة باقي الفصول : اضغط هنا