رواية كنت لا أبالي الفصل السادس 6 بقلم رحمه عصام

_عدي ببرود: خلاص مش جيتِ زعقتِ وخدتِ حقك؟؟ واقفه لي؟؟

=ملك بغضب: استفادت ايه لما قولتلها روحي عند ابوكِ؟؟ كده الأمور اتصلّحت يعني؟؟ كده بابا شايفني بريئه؟؟

_عدي ببرود: اُمال عايزاني اعملك ايه!!

=ملك بهدوء: تيجي معايا لـ بابا وتفهمه أن كل الكلام ده غلط

_عدي بسخريه: انا مبروحش لحد الـ عايزني يجيلي، واتفضلي امشي من هنا ومش عايز اشوف وشك تاني، واحمدي ربنا اني مش عاقبتك على قله أدبك دي عشان عقابي وحش بس لو شوفتك تاني مش هيحصلك طيب

=ملك بغضب: انا همشي بس صدقني هتندم

سيبتها ودخلت......انا مش فاضي لـ شغل العيال ده خليني اشوف البلوه التانيه دي عملت كده لي، دخلت وامي اول مـ شافتني قربت عليا و وقفت قدامي وباين على وشها القلق......"

_نهال(ام عدي) بقلق: في ايه يـ عدي يـ ابني، ايه الدوشه الـ بره دي؟!! وجني بتعيط ليه

=عدي ببرود: الاستاذه مصوراني وانا واقف مع ملك وبعتت الصوره لأبوها بتقوله بنتك خطافه رجاله خليها تبعد عن جوزي......وانا وانتِ وهي وكلنا عارفين ان ملك بالنسبالي مش اكتر من اخت، اتعصبت عليها وقولتلها خدي هدومك وروحي بيت ابوكِ

_نهال بهدوء: انت غلطت لما قولتلها كده، كان المفروض الأول تقعد معاها تكلمها وتسألها ليه عملت كده؟؟ مش يمكن انت أهملت فيها وحسستها بـ كده؟؟

=انا مأهملتش في حد كل الـ فيها أنها كانت بتكلم ملك بقله ذوق وانا كنت بسكتها وانتِ عرفاني مبحبش حد من الـ شغالين عندي حد تاني يهينه

_نهال بهدوء: ردك عليها قُدام حد تاني بيجرحها وبيحسسها انها ولا حاجه عندك، وانت زي مـ قولت.......طول الوقت بتدافع عن ملك، اكيد هتشك أن في حاجه بينكوا، اطلع اقعد معاها وصالحها يـ ابني انتوا لسه متجوزين مينفعش شغل العيال ده، وبعدين انا مربيتكش على كده انت علطول بتوزن الأمور وبتتصرف بعقل ايه الـ غيرك كده

في اللحظه دي كانت جني نازله عـ السلم ومعاها شنطتها وباين عليها العياط، قربت منها ووقفت قدامها واتكلمت ببرود......"

_عدي ببرود: ايه الـ انتِ عملتيه ده؟؟؟

=عملت ايه؟!

_عدي بغضب: جنننني.......انتِ فهماني، ردي علي سؤالي ومترديش السؤال بـ سؤال

=نهال بهدوء: هستأذن انا، وزي مـ قولتلك يـ ابني

_عدي بهدوء: تمام يـ امي، اتفضلي سامعك.....عملتِ كده ليه؟؟

=جني بدموع: انت السبب......طول الوقت بتصدني وبتكلمني وحش عشانها، المفروض اني انا مراتك مش هي.....المفروض تحترمني قُدامها، بس انت معملتش كده..... انت انت زعقتلي.....وقولتلي روحي على بيت ابوكِ منغير حتى ماتعرف انا عملت كده ليه ولا انا بحس بإيه، انا خلاص هروح اقعد عند بابا لحد مـ تهدي وتفكر بعد اذنك

_استني

=جني بهدوء: نعم

_عدي بأبتسامه: اطلعي حضري شنطتي انا كمان عشان نطلع الغردقه نقعد في الشاليه بتاعي نريح اعصابنا شويه بعيد عن الناس

=جني ببرود: انت فاكر انك كده هتصالحني؟؟

_عدي بهدوء: مش عايز كلام كتير.....اسمعي الكلام وهنمشي بعد بكره الصبح، شوفي لو حابه تنزلي تجيبي حاجه قبل مـ نروح عشان الشاليه في حته بعيده عن الناس ومفيش أماكن فاتحه كتيره هناك

=تمام انا طالعه

_استني

=جني بنفاذ صبر: ايه تاني؟؟؟!

_عدي بأبتسامه: حضن كبير لـ عمو...

=جني بدموع: لا مش عايزه

شديتها لحضني عيطت وفضلت اهديها......حسيت بالذنب، يمكن عشان ممكن اكون انا السبب في الـ عملته ده..... أو اني بالغت في تصرفاتي مع ملك......خلاص مش عايز افكر في القديم انا لازم اتصرف فـ الـ جاي..... طلعتها من حضني واتكلمت بهدوء......"

_عدي بهدوء: لو حسيتِ بحاجه زي كده تاني عاتبيني متتصرفيش من دماغك تمام؟؟

=تمام

_يلا اطلعي اغسلي وشك وارتاحي شويه

=وانت هتعمل ايه؟؟

_هتغدي واشوف شويه أوراق كده

=جني بهدوء: تمام عن اذنك

_______________________________

ملك.....

طلعت من عنده وانا تايهه مش عارفه اعمل ايه ولا اخلي بابا يصدقني ازاي، انا معملتش حاجه.......مش ذنبي اني حبيته!! كل واحد مننا بييجي فتره في حياته ويحب شخص بس يخساره........الـ حبيته طلع متجوز يعني مش هيكون ليا أبدًا، بحاول بـ كل جهدي ابعد عنه بس بيحصل حاجه بترجعني للصفر تاني، حتى بابا بعد عني.....انا معرفش ازاي صدق اني اعمل كده!! ازاي يفتكر أن في حاجه بيني وبينه منغير مـ اقوله!؟ ازاي يشك فيا بالطريقه دي؟! طب اقوله ايه؟؟! هيصدقني؟! مش عارفه......دماغي وقفت خالص، في ساعه واحده حياتي كلها اتغيرت للأسوء، بس انا عندي ثقه في ربنا ان كل ده هيتحل"

محبيتش ارجع البيت دلوقتى، عارفه اني لو رجعت هتحصل مشكله عشان خرجت منغير مـ اقوله، بس انا محتاجه فتره راحه......فتره ابعد عن الدوشه والزعيق والدق......فتره اريح دماغي فيها واعيشها منغير مشاكل، اتمشيت كتير..... ساعه ساعتين اكتر مش عارفه محسبتش بس حسيت اني مرتاحه وهديت شويه، دخلت المنطقه الـ ساكنه فيها.... الكل بيبصلي بطريقه غريبه، مش عارفه في اي واي سبب النظره دي بس اكيد حصل حاجه معرفهاش،روحت لـ عم مدحت البقال أقرب واحد لينا وبيعتبرني بنته وهعرف اسأله وهاخد راحتي في الكلام. معاه....."

_ملك بهدوء: ازيك يـ عم مدحت

=مدحت ببرود: اهلًا

_ملك بأستغراب: في ايه يـ عم مدحت بتكلمني كده لي؟؟

=عايزه ايه يـ ملك؟؟!

_ملك بهدوء: بتكلمني كده ليه؟؟ والناس بتبصلي كده ليه بابا حصله حاجه؟؟

=اتفضلي شوفي عملتي ايه......

خدت الفون من ايده لقيت الصور الـ اتبعتت لـ بابا على فونه، بصيتله بأستغراب وقولتله......"

_ايه ده يـ عم مدحت!!؟ هو بابا قالك حاجه ولا ايه؟؟ واي الـ جاب الصور دي في فونك

=مدحت بغضب: بطلي استعباط بقا، الصور دي على تلفونات الحته كلها، مكناش نعرف انك بالقذاره دي.....ابوكِ الـ فوق ده مصعبش عليكِ؟؟ مفكرتيش فيه وانتِ دايره على حل شعرك؟؟ امشي من هنا مش عايز اوسخ الدكان بسببك......امشييييي

اتصدمت من الـ قاله ومشيت وانا مش مستوعبه ازاي ده حصل!! ازاي وصلت بيها الدرجه انها تعمل كده؟؟! طول مانا ماشيه سامعه كلام من الناس يسم البدن....."المحروسه جت اهي، عجبك الجو؟؟"، "عامله نفسك راجل وبتكلمينا وحش وانتِ مقضياها"، "كنتِ تسيبي الدلع ده لولاد حتتك هما أولى برضوا"، كان الكلام كتير ويوجع.....فوقت من صدمتي على تفكيري في بابا؟؟ اكيد هو عرف الـ حصل.....هو عامل ايه دلوقتى؟؟ مفكرتش كتير وطلعت أجرى عـ البيت بكل سرعه عندي....فتحت الباب لقيته واقع عـ الأرض والفون مفتوح جمبه!! جريت عليه مسكت الفون لقيت مسدج محتواها "الصور وصلت للحته كلها ودي تاني قرصه ودن لبنتك الـ معرفتش تلمها، المره الجايه انت مش هتتوقع اعمل فيها ايه، ابعد بنتك عننا عشان متخسرهاش خالص" رميت الفون وقعدت اعيط وفضلت اهز فيه مبيردش، مش عارفه اتصرف ازاي....طلعت أجرى بره البيت وانا بعيط وبنادي حد يلحقني، الناس جريوا وشالوا بابا بس طبعًا نظراتهم ليا تقتل، تجاهلت كل ده أهم حاجه اطمن على بابا، روحنا المستشفى واكتشفت أن بابا كان عنده القلب وحالته دلوقتي متدهوره وعايز عمليه سعرها 30000 جنيه، اعمل ايه!! الناس مش راضيه تساعدني..... الكلمه الوحيده الـ قالوها "ابوكِ هنا بسببك وتعب بسببك يبقى انتِ الـ تتحملي نتيجه اخطائك" ملقتش حاجه اعملها غير اني اروحله.......ابويا بيموت مفيش وقت دلوقتي افكر في كرامتي..... طلعت أجرى على الفيلا بكل سرعه عندي، وصلت ومستنتش حتى الحرس يبلغوه اني موجوده، دخلت جرى وكان ساعتها قاعد في الجنينه لوحده اترميت تحت رجله وكلمته بعياط......"

_ملك بعياط: ألحقني.....ارجوك ألحقني......بابا....... بابا بيموت ألحقنيي

=عدي بلهفه: ملك..... مالك في ايه ايه الـ حصل

_ملك بعياط: جني..... جني بعتت الصور الـ صورتهالنا لـ الحته كلها وبابا لما عرف وقع ووديناه المستشفى وعايز عمليه بـ 30000 جنيه ومحدش راضي يساعدني، ارجوك ساعدني وهعملك الـ انت عايزه بس بابا ميموتش

=عدي بصدمه: جني!!

_ملك بعياط: مش وقت صدمه دلوقتي ارجوك تعالى معايا ادفع الفلوس واعمل الـ انت عايزه بعدين

=عدي:..