رواية قلبي ليس بيدي الفصل الثامن والستون 68 بقلم حسناء مصطفي

ــــــــــــــــــــــــــــــــــــ

جاك: نعم..

ادم: كنا جايين نتطمن..

جاك: لو ممشيتوش دلوقتي حالا ليلتكوا مش هتعدي..

مالك: طمنا طيب.. الدنيا حلوه ولا انت اي نظامك..

جاك: لا ياخويا اياك انا زيك.. انا جامد من غير حاجه... يلا ياحلو منك ليه هوونا بقاا.

ادم: هنجيلك الصبح..

جاك: هحط كلاب هنا..

ـــــــــــــــــــــــــــــــــــــــــــــــــــــــــــــــ

اخدت شاور ولبست بيجامه ولبست الطاقيه وطلعت..

لقيته نايم ع السرير..

جاك: وحياة امك!

جاكي بضحك: عايز اي..

جاك: اي اللي لابساه دا..

جاكي: انا هنام ف دا..

جاك: لو قومت هتزعلي مني..

جاكي: يبرو والله ماقادره اقف... انا نعسانه والله..

جاك: هسيبك تنامي بس بشرط..

جاكي: اشرط ياخويا..

جاك: اقلعي البتاع دا والبسي حاجه تاني..

جاكي: لا ماهو كدا انت مش هتسيبني انام..

جاك: لا هسيبك...بس ادخلي..

جاكي: طب بص هقولك حاجه.. ننام النهارده وبكرا يعدلها ربنا..

جاك: هتيجي بكرا تقوليلي لا بردو..

جاكي: لا والله مش هقولك حاجه.. بس خليك چان كدا وسيبني انام...

جاك: تعالي اتخمدي...

جاكي: طب وسع كدا..

جاك: مانا بعيد اهو..

جاكي: انت مش هتغير!

جاك: هقوم اغير دلوقتي...

روحت نمت ع السرير وهو نايم وباصص للسقف..

جاكي: ياسطا..

جاك: امم

جاكي: هو دا هدوء ماقبل العاصفه!

ضحك ورجع بص للسقف تاني...

جاكي: مين اللي كان تحت!

جاك: ادم ومالك..

جاكي: وجايين ليه!

جاك: عشان يبوظوا الليله.. ع اساس ان في ليله اصلا..

انا قايم اغير...

دخل الحمام وطول قوي وانا حسيت ان في حاجه...

قومت خبطت..

جاكي: جاك.. جاك..

مردش..

جاكي: جاك.. جاك في حاجه!

فتحت الباب بالراحه بس مكنش موجود.. دخلت لجوا وفجأه الباب اتقفل.. لفيت لقيته هو وبيبصلي بابتسامة انتصار كدا..

جاك: مفكره اني هغلب يعني!... اديني دخلتك الحمام وبإرادتك...

جاكي: جاك متهزرش... اوعى خليني اطلع..

جاك: اطلعي..

جاكي: مانت قفلت الباب..

جاك: المفتاح اهو.. تعالي خديه..

جاكي: يابني اخلص بقاا.. وبعدين الفوطه لو وقعت هروح فيك ف داهيه..

جاك: عادي.. خليها تقع..

جاكي: طب اخلص والبس..

بدأ يقربلي وانا ارجع لورا وحط ايده حواليا..

جاكي: جاك..

جاك: ياعيون جاك..

جاكي: سيبني اخرج..

جاك: حاضر..

قربلي بالراحه و.......

ـــــــــــــــــــــــــــــــــــــــــــــــــــــــــــــــ،

هند: اليوم كان قمر قوي..

نور:....

هند: نور..

نور: ها.. اي..

هند: مالك سرحانه ف اي..

نور: لا مفيش..

هند: انتي المفروض تبقي مبسوطه.. هو انتي بتحبي ادم!

نور: انا رايحه انام..

سابتها ودخلت اوضتها.. فضلت تفكر.. ازاي ادم عارف كل حاجه وطلب ايدها... طب ماهي مش متاكده اذا كانت لسه بنت ولا لا... وهو ليه ياخد خطوه زي دي.. لو دا تعاطف فهي مش حابه كدا..

فضلت بين افكارها دي لحد مامسكت الفون ورنت عليه..

ادم: الو..

نور: كنت عايزه اسالك ع حاجه..

ادم: اسالي..

نور: هو انت طلبت ايدي ليه..

ادم: عشان نتجوز..

نور: اشمعنى انا..

ادم: عشان انا عايزك انتي..

نور: لو دا شفقه او تعاطف، فانا مش عايزة كدا..

ادم: شفقة اي وتعاطف اي.. اي اللي خلاكي تقولي كدا!

نور: لان انت عارف الحاجه الغلط اللي انا عملتها.. واكيد يعني مش هتقبل ان...

ادم: اقبل اي!.. هو انا دخلت لقيتك ف حضنه!!... انا عارف انه شربك حاجه وبعدين هو خد جزاءه... يعني مكنش ذنبك... انا مبقولش انك مغلتطيش.. بس كلنا بنغلط.. وكلنا مستورين.. واهم حاجه انك اتعلمتي من غلطك دا ومش هيتكرر تاني... وبعدين بصراحه بعيدا عن كل دا.. انا بحبك..

سكتت من الصدمه..

ادم: ايوا بحبك.. انا مقولتلكيش بس.. اول ماشوفتك حبيتك... وانا عارف اخلاقك كويس.. فمتفكريش ف حاجه وافرحي..

نور: احم... ماشي..

ادم: طب اي..

نور: اي..

ادم: مفيش اي حاجه كدا..

نور بكسوف: حاجه زي اي..

ادم: اي حاجه قبل ماانام يعني.. يمكن مقومش..

نور: بعد الشر..

ادم: طب قولي حاجه..

نور: تصبح ع خير ياادم.. باي..

قفلت وهي مبتسمه وفرحانه... جواها ندم ع اللي حصل.. وعرفت ان اي حاجه ف الضلمه اخرها وحشه... وان الراجل بجد هو اللي بيطلب ف النور..

ـــــــــــــــــــــــــــــــــــــــــــــــــــــــــــــــ

محمد: وحشتيني..

ندى: احم... هو انا ينفع اسالك سؤال!

محمد: اسالي..

ندى: ليه طلبت ايدي!.. يعني انت مش بتحبني..

محمد: مين قال اني مش بحبك..

ندى: انت بتحب جاكي يامحمد..

محمد: كنت.. دلوقتي يعلم ربنا انها زي اختي... مينفعش اصلا افكر ف مرات اخويا... وبعدين لو كنت فعلا بحبها مكنتش اتشديتلك...

ندى: يعني دلوقتي مش بتفكر فيها!

محمد: لا ياندى... وبعدين خلينا فينا احنا دلوقتي... خديلي معاد من باباكي...

ندى: بجد!

محمد: طبعا.. نستنى ليه...

ــــــــــــــــــــــــــــــــــــــــــــــــــــــــــــــ

فيروز: الحمد لله اليوم عدى ع خير..

عمو احمد: اخيرا اتجوزوا وخلصونا.. دا كان هم ع قلبي..

فيروز: ربنا يتممهالهم ع خير يارب...

ـــــــــــــــــــــــــــــــــــــــــــــــــــــــــــــــ

مر الليل وكل واحد ف حال...

الصبح طلع وانا فوقت...

فتحت عيني وانا بحاول افهم انا فين...

بصيت لقيت جاك نايم ف حضني..

احيييييييه... بس اي القمر دا...

كان رايح ف سابع نومه وشعره نازل ع عينيه... ياختي قمر.. فضلت اتغزل فيه شويه وبعدين قومت صليت ولبست تيشرت بنص كم من عنده وكان جايلي لحد فوق الركبه ماشاء الله يعني...فردت شعري ودخلت المطبخ اعمل الفطار وانا بغني..

جاكي: انا اتوب عن حبك انا!!... انا ليا ف بُعدك هنا... دانا بترجاك، الله يجازيك.. ياشاغلني معاك.. وشاغلني عليك.. وان غبت سنه.. انا بردو انا.. لا اقدر انساك، ولا ليا غنى... ولا اتوب عن حبك انا...

لفيت وانا مندمجه مع الغُنا ولقيت جاك واقف وساند بايده ع الحيطه ومبتسم..وبيبص ع اللي لابساه...

جاكي: اععع.. ياخي تبا لك..

جاك: اي الروقان دا..

لفيت وشي بكسوف عشان كان قالع المهزء...

جه حضني من ورا..

جاك: اي اللي لابساه دا... مش هتبطلي تسرقي لبسي!

جاكي: تؤتؤ..

جاك: مانتي لابسه عريان اهو.. امال طلعتي عيني امبارح ليه!

جاكي: فين العريان!

جاك: ورجليكي دي!

بصيت لتحت بصدمه..

جاكي: هو انا ملبستش نبطلون!... احيييه..

لسه همشي راح مسكني..

جاك: سيبيه كدا.. هو كدا حلو..

جاكي: انت منحرف وانا مقبلش اني اعيش مع واحد منحرف...

جاك: تحبي اوريكي المنحرف دا ممكن يعمل اي..

جاكي: متقربش.. هزق السكينه دي ف بطنك...

جاك: مش لايق عليكي العنف.. هاتي دي كدا..

خد من ايدي السكينه وحطها ع جنب..

جاك: هو انا قولتلك ان شعرك حلو قبل كدا!

جاكي: احم.. ايوا..

جاك: هيييح...

جاكي: ارجع..

جاك: ارجع فين..

جاكي: يلا خليني اخلص الفطار..

جاك: ماتخلصيه..

جاكي: اخلصه ازاي وانت واقف كدا... وبعدين روح البس حاجه يلا...

جاك: مانا لابس..

جاكي: لابس فين..

جاك: ماهو شورت اهو..

جاكي: وفوق سايبها ع الله!

جاك: مش لازم يعني.. وبعدين مانتي سايباها ع الله بردو..

جاكي: لا انا نسيت البس مش اكتر..

جاك: في حد بينسى يلبس!!... البسي اللي انتي عايزاه متتكسفيش... تحبي اغمي عينيا عشان مشوفش!

جاكي: اطلع بره ياجاك...

جاك: طب تعالي هقولك ع حاجه..

جاكي: لا مش عايزة...

جاك: تعالي بس..

راح شايلني.

جاكي: يامجنون بتعمل اي... نزلنييييي

جاك: لا..

جاكي: طب انت عايز اي دلوقتي..

جاك: هقولك ع حاجه سر جوا..

طلع يجري ع جوا وانا بضحك... نزلني وطلعت اجري...

جاك: انتي غاويه تعب يعني!

جاكي: انت اللي قليل الادب.. انا هرن ع ماما واقولها انا مش عايزاااه... طلقنييييي...

جاك: طب تعالي هنا وانا هوريكي هتطلقي ازاي..

جاكي: اعااا.. خلاص والله...

لسه هجري من ع السرير راح مسك رجلي ووقعت..

جاك: مش هعرف امسكك يعني!..

جاكي: جاك متهزرش بقاا...

جاك: اديني بوسه وانا هسيبك..

جاكي: لععععععع.... الحقووووني..

جاك: هتديهالي بارادتك ولا اخدها غصب..

جاكي: هععع.. لا بردو..

جاك: انتي اللي جبتيه لنفسك..

لسه هيقرب راح الباب خبط..

جاكي: والله انا بت مرزقه والله العظيم.. اوعى كدا..

جاك: حسبي الله ونعم الوكيل... مين البارد اللي جاي دلوقتي!..

جاكي: يلا ياقمر قوم بقاا..

جاك: بصي نعمل نفسنا ميتين...

جاكي بضحك: قوم يااهبل..

جاك: هتشلوني والله..

جاكي: يابني قوم تلقاها فيروز وماما والله.. اوعى بقاا..

انزل افتحلهم على مااغير..

جاك: طيب.. لما اشوف اخرتها معاكوا..

نزل فتح وانا دخلت غيرت..

سمعت صوت زغاريط تحت.. غيرت ونزلت بسرعه..

ماما: لولللللولي... صباحيه مباركه ياعروسه..

فيروز: انتوا احلويتوا كدا ليه ياعيال...

بصينا لبعض بكسوف..

سلمت عليهم ودخلوا...

ماما: ها.. عامل اي ياجوز بنتي..

جاك: كويس.. كويس ياحماتي... بس انتوا اي اللي جابكوا..

فيروز: شوف الواد.. تصدق انك متستاهلش اللي عملناه عشانك..

جاكي: لا لا هو ميقصدش.. انتي تشرفي..

جاك: يعني وهو لازم تشرفوا دلوقتي!

فيروز بخبث: لي.. كنت بتعمل اي ياخلبوص انت!...

جاك: مبعملش.. بس ادونا فرصتنا شويه..

منى: متستعجلش ياخويا.. هتفضل معاك لحد ماتزهق منها..

جاك: تؤتؤ.. مبزهقش منها..

فيروز: طب ع الله... شدوا حيلكوا وهاتولنا عيل صغير كدا...

جاكي بكسوف: طب.. انا هدخل اجيبلكوا حاجه تشربوها..

طلعت اجري ع جوا... انا كان مالي ومال الحوارات دي اجدعان..

فيروز؛ شوف البت.. اول ماجبنا سيرة الخلفه طلعت تجري...

منى: طمني ياجاك.. اوعى تكون مزعلاك..

جاك: لا هي هبله بس...

ـ سمعتك ياجاك ع فكره..

جاك: شايفين!

منى: معلش.. بكرا تعقل..

كنت واقفه اعملهم العصير جوا وماما دخلت..

ماما: ها يابت طمنيني..

جاكي: اطمنك ع اي!

ماما: يابت افهمي.. اي الدنيا..

جاكي: بس ياماما بتقولي اي..

ماما: يابت طمنيني..

جاكي: كله تمام ياختي.. اتطمني..

ماما: لولللللولي..

جاكي: بس بتعملي اي..

ماما: مش لازم افرحلك يابت ولا اي..

جاكي: طب يلا ياختي..

طلعنا وشربوا العصير..

فيروز: خلي بالك منها ياجاك..

جاك: ف عنيا..

ماما: يلا نسيبكوا بقاا..

جاك: لا.. قصدي خليكوا معانا شويه..

راح جاك برقلي..

فيروز: لا كفايه كدا.. نبقى نجيلكوا تاني..

جاك: عين العقل والله...

جاكي بهمس: متسيبونيش معاه لوحدي..

مشوا وجاك قفل الباب..

جاك: بقاا عايزاهم يقعدوا!

جاكي: اعاا... طلعت اجري لفوق وهو جري ورايا..

ـــــــــــــــــــــــــــــــــــــــــــــــــــــــــــــــ

دلال: وانت من امتى بتحب نور ياادم!

ادم: من ساعة ماشوفتها..

دلال: ومقولتليش ليه!

ادم: مش عارف... انا نفسي مكنتش متاكد... بس منه انتي وافقتي ليه!.. انتي بتحبيه!

منه: ها.. لا.. مش عارفه..

ادم: ياشيخه!

دلال: ايوا بس هو لازم ييجي ويقعد معانا.. مينفعش يسكت ع كدا..

منه: هو لحق يعمل حاجه!.. دا يدوب طالبني امبارح..

ـــــــــــــــــــــــــــــــــــــــــــــــــــــــــــــــ

جاك: بيبي..

جاكي: امم..

جاك: انا خارج..

جاكي: نعم ياخويا.. خارج فين ان شاء الله..

جاك: خارج.. عندي شغل..

جاكي: مفيش الكلام دا..

جاك: ليه..

جاكي: مليش دعوه.. مش كل شويه شغل شغل..

جاك: طب اسيب الشغل لمين..

جاكي: عندك مالك موجود...

جاك: وانا هفضل قاعد هنا اعمل اي يعني!

جاكي: لحقت تزهق مني!

قرب مني..

جاك: لا مزهقتش.. بس انتي عارفه اني عندي شغل..

جاكي بزعل: ماشي.. روح الشغل..

سيبته ودخلت البلاكونه وجه ورايا..

جاك: زعلانه لي دلوقتي..

جاكي: مش زعلانه... اجري يلا روح شوف وراك اي..

راح حضني من ورا..

جاك: مش ورايا حاجه ياهبله.. انا بهزر... هو انا اقدر اسيبك بردو... دانا ماصدقت..

جاكي: امم.. يعني مش هتنزل..

جاك: لا.. وبعدين انا جعان شوفي هناكل اي وبعدين جهزي الدنيا عشان هنسافر بكرا..

جاكي: هنسافر فين..

جاك: شهر العسل ياعسل انت..

جاكي: احلف..

جاك: والله..

جاكي بفرحه: اععع.. مووواه..

بوسته من خده وطلعت اجري...

نزلت جبت اكل من اللي ماما جابته وطلعت... وكان بيتكلم ف الفون..

جاكي: يلا ياجاك..

قعد ياكل وهو بيقلب ف الفون..

جاكي: سيب الفون..

جاك:....

جاكي: جاك..

جاك: اي..

جاكي: سرحان ف اي..

جاك: ولا حاجه..

جاكي: طب كل..

جاك: باكل اهو..

سكتنا شويه...

جاكي: بيبي.

جاك: امم

جاكي: عايزه اطلب منك طلب صغنن قد كدا..

جاك: اطلبي..

جاكي: اوعدني انك هتوافق..

جاك: لما اعرف هو اي الاول..

جاكي: والله هو حاجه كويسه بس انت اللي مش هتوافق..

جاك: ولما انتي عارفه اني مش هوافق، هتقوليه ليه..

جاكي: ماهو عشان انا عايزه كدا..

جاك: طب قولي عايزه اي..

جاكي: ممكن.. ممكن يعني..

جاك: اخلصي ياجي..

جاكي بتردد: ممكن تعالج الحروق والعلامات اللي ف جمسك دي!

بص شويه ف الاكل كدا وملامحه اتغيرت..

جاك: ليه..

جاكي: اي لازمتها... مينفعش تسيب جسمك كدا..

جاك: امم.. لو متضايقه، انا ممكن مقلعش قدامك تاني..

جاكي: لا لا مش قصدي خالص والله... اسمعني طيب... انا كل قصدي ان ليه تفضل محتفظ بحاجات تفكرك بالماضي... يعني مش انت مبسوط معايا!.. يبقى ليه تخلي حاجه تنكد عليك!... انا معنديش اي مشكله معاهم والله... انا عشانك انت.. انا مش عايزاك تفضل موجوع ع طول...

جاك:......

جاكي: جاك انا مش قصدي حاجه والله.. انا بس عايزاك ترتاح..

جاك: هيفرق معاكي قوي الموضوع دا!

جاكي: هيفرق معايا راحتك...

جاك بتنهيد: ماشي..

جاكي: يعني هتخليني اعالجهم!

جاك: ايوا...

بص ف الطبق وحسيته متضايق... قومت قعدت جنبه ومسكت ايده..

جاكي: حبيبي...

جاك: امم..

جاكي: لو انت مش عايز كدا فانا معنديش مشكله... مش لازم.. انا بس كنت عايزه اريحك..

جاك: لا تمام... انا وعدتك اننا نبدأ حياه جديده.. واظن مش لازم يكون فيها حاجه من ريحة الماضي..

جاكي: يعني موافق!

جاك: ايوا.. وبطلي رغي بقاا خليني اكل..

روحت قعدت مكاني وكملنا اكل.....

ـــــــــــــــــــــــــــــــــــــــــــــــــــــــــــــــ

فيروز: ماشاء الله شكلهم مبسوطين مع بعض..

ماما: يارب يفضلوا كدا ع طول..

هند: طب انا كنت عايزه اروح معاكوا..

فيروز: تروحي معانا فين..

نور: ماحنا عايزين نشوفها..

ماما: استنوا شويه وابقوا روحوا اقعدوا معاها...

فيروز: وبعدين جاك ماصدق بقاا معاها.. دا كان عايز يطردنا والله... الواد اتجنن بيها... سيبيهم شويه بس وبعدين روحوا مع بعض..

ـــــــــــــــــــــــــــــــــــــــــــــــــــــــــــــــ

كلنا ونزلت اعمله قهوه راح الباب خبط...

طلعت فتحت...

جاكي بصدمه: سيف!

سيف: صباحيه مباركه ياعروسه..

جاكي: اي اللي جابك هنا ياحيوان!

سيف: هنعرف دلوقتي مين اللي حيوان.. انا عايز جاك بيه..

جاكي: امشي من هنا بقولك..

سيف: انا جاي اقابل جاك بيه.. لو سمحتي اطلعي ناديله..

جاكي: سيف.. جاك لو عرف اي حاجه، هتبقى ليله سودا ع دماغك انت..

سيف: ومالك خايفه ليه.. مش انتي واثقه انك اخدتي كل حاجه!.. خايفه ليه دلوقتي...

جاكي: ولاا.. نهايتك هتبقى ع ايده...

سيف: انا هعرفك ازاي تمدي ايدك عليا.