رواية قلبي ليس بيدي الفصل السادس والستون 66 بقلم حسناء مصطفي

جاك: عجبتك يعني!

جاكي: ااه دي تحفهه..

جاك: تمم.. عايز الڤيلا دي تكون جاهزه قبل الخميس الجاي..

ـ اعتبره حصل يافندم..

جاك: يلا بيبي..

جاكي: يلا..

مشينا من المكتب...

جاك: تحبي تروحي ف حته!

جاكي: لا اروح بقاا عشان اجهز نفسي مع البنات..

جاك: ماشي ...

ـــــــــــــــــــــــــــــــــــــــــــــــــــــــــــــــ

نور: بتضربيني ليه!

فيروز: اي دا..

رفعت ف وشها صوره من الصور اللي المفروض اتحرقوا..

نور بصتلها بصدمه..

نور: انتي جبتي الصوره دي منين!

فيروز: فهميني اي دا!!.. مين مصورك كدا.. وكنتي مع مين!

نور كانت واقفه تعيط وفيروز بتضربها..

فيروز: مش عايزه تقولي يعني!!.. تمام.. جاك زمانه جاي وهو هيعرف دا اي..

نور: لا والنبي يافيروز.. جاك لا..

وصلنا ونزلنا ملقيناش حد تحت...

طلعنا فوق وجاك دخل اوضته... وانا لسه هدخل بس سمعت صوت عالي طالع من اوضة نور...

دخلت لقيت فيروز بتضربها..

جاكي: اي دا في اي.. اي اللي حصل..

فيروز: السافله الوسخه.. مش متربيه.. اي الصوره دي..

جاكي: صورة اي ورين...

بصيت للصوره واتصدمت...

جاكي: ازاي!

نور بعياط: معرفش..

جاكي: انتي جبتي الصوره دي منين!

فيروز: كانت ف اوضتك تحت السرير.. شوفتها بالصدفه... فهموني اي دا.. والا هخلي جاك هو اللي ييجي يعرف..

جاكي: لا بالله عليكي جاك لا.. انا هفهمك كل حاجه.. بس بلاش جاك..

فيروز: يعني انتي عارفه اي دا!!

جاكي: ايوا..

فيروز: ومقولتليش!!..

جاكي: انا هفهمك والله... دا واحد ضحك عليها وخلاها راحت معاه الشقه وحطلها منوم وصورها كدا..

فيروز بصدمه: يالهوي... انتي بتقولي اي..

جاكي: ضحك عليها والله..

فيروز: انطقي يابت عملك اي!

نور: معرفش..

جاكي: يافيروز اهدي.. وطي صوتك والنبي.. انا اتصرفت وروحت اخدت منه الصور وحرقتهم واتضرب كمان.. بس الصوره دي اكيد وقعت مننا واحنا بنحرقهم..

فيروز: وانا اشعرفني ان معهوش صور تاني..

جاكي: لا متقلقيش.. انا روحتله انا وادم وانا دورت ف كل حته وجبت كل حاجه واتخلصنا منهم... يعني هو كدا معهوش حاجه تاني..

فيروز: من ورايا!!... عملتوا كل دا من ورايا!!... طب ع الاقل قولوا لجاك عشان يعرف يجيبلها حقها..

نور: ع اساس ان جاك كان هيسيبني عايشه!

فيروز: انتي تستاهلي الحرق ياقليلة الربايه انتي... وانتي تروحي الشقه مع واحد غريب ليه!..

مسكتها من شعرها وكانت بتضربها وفجأه الباب اتفتح..

ـــــــــــــــــــــــــــــــــــــــــــــــــــــــــــــــ

محمد: الو.. انا محمد

ندى: ااه.. ازيك يامحمد..

محمد: كويس.. كنت بقول يعني.. لو كنتي فاضيه ممكن نخرج شويه.. لو حابه يعني..

ندى: ااه تمام.. انا اصلا كنت هاجي بعد شويه لجاكي..

محمد: تمام.. نخرج وبعدين نرجع وانتي تقعدي معاها..

ندى: تمام.. هنتقابل فين..

محمد: ممكن ف كافيه ****

ندى: ماشي.. باي..

محمد: باي...

ــــــــــــــــــــــــــــــــــــــــــــــــــــــــــــــــــــ

جاك: في اي..

روحت خبيت الصوره ورايا بسرعه..

فيروز: مفيش..

جاك بحده: امال صوتكوا عالي ليه.. ونور بتعيط ليه..

جاكي: لا مفيش.. روح شوف كنت بتعمل اي..

جاك: ماتقولوا في اي..

جاكي: اصل.. هو.. يعني نور كانت عايزه تلبس فستان عريان شويه ف الفرح.. ومصممه عليه وفيروز مش راضيه.. عشان كدا هي زعلانه..

جاك: فستان!.. فين الفستان دا!

جاكي: لا.. يعني دا هي شافته ع النت وكدا وكانت عايزه تعمل واحد زيه..

جاك: وريني الفستان..

فتحت فوني وبحثت بسرعه عن فساتين وهو خطف الفون من ايدي..

جاك: عايزه تلبسي دا يانور!!... انتي مجنونه!..

نور: خلاص مش هلبسه..

جاك: وانتي ازاي تفكري اصلا اني ممكن اوافق ع حاجه زي دي!

نور: خلاص ياجاك مش عايزه..

جاك: نور.. انا عاطيكي الحريه الكامله.. بلاش تزعليني منك عشان انتي عارفه ان زعلي وحش..

نور: انا اسفه.. مش هتتكرر تاني..

جاك: اختاري اللي يعجبك ويجيلك حالا.. بس الهبل دا لا..

نور: حاضر..

سابنا وطلع وفيروز قفلت الباب..

جاكي: الحمد لله عدت..

فيروز: انا مش مصدقه والله.. انتي يانور تعملي كدا!

نور: انا اسفه والله..

فيروز: تطلعي معاه الشقه ليه يانور!

نور: والله ماعملت حاجه.. انا طلعت عشان محدش يشوفني معاه بس..

فيروز: يافرحتي بيكي.. وانتى ازاي ياجاكي تخبي عليا حاجه زي دي!

جاكي: ماحنا حلينا الموضوع وكل حاجه انتهت وقفلنا الموضوع من زمان..

فيروز: انا عارفه بقالي فتره... وكويس ان انا اللي شوفت الصوره دي... ومرضتش اكلمك عشان كنتي ف امتحانات.. احمدي ربنا ان مش جاك اللي لقاها..

جاكي: خلاص يافيروز الموضوع خلص وهي عرفت غلطها ومش هتعمل كدا تاني... اقفلي بقاا عشان جاك..

فيروز: اقفل اي..دي مصيبه..عمل فيكي حاجه!..

نور:معرفش..

فيروز:يعني اي متعرفيش..

جاكي:يافيروز خلاص..انا هاخدها ونروح نكشف..

فيروز:.. لما نشوف اخرتها معاكوا..

سابتنا وطلعت ونور قعدت تعيط..

جاكي: بس خلاص بقاا.. هي خايفه عليكي مش اكتر.. يلا قومي اغسلي وشك وتعالي نطلع كلنا نشتري شوية حاجات..

قامت تغسل وشها وتغير وانا طلعت قولت للبنات يجهزوا نفسهم ولسه هدخل اوضتي راح جاك شدني لاوضته...

جاكي: يخربيتك بتوقع قلبي... بتشدني كدا ليه.. وبعدين قالع كدا ليه.. روح استر نفسك..

حطيت ايدي ع وشي عشان مشوفهوش..

جاك: شيلي ايدك..

جاكي: لا.. روح البس الاول.. وبعدين ابعد شويه..

جاك: مش هبعد.. وشيلي ايدك بدل ماشيلها انا..

جاكي: شيلتها اهو.. عايز اي بقاا..

بصلي وعض شفايفه..

جاكي: ااه... لا ياروح امك انا مش...

راح حط ايده ع بوقي..

جاك: هتشرشحيلي!!!... هو انا قولت حاجه!

جاكي: لا مانت عضيت شفايفك..

جاك بخبث: وانتي مالك بشفايفي.. مركزه معاها لي..

جاكي: هاا.. ع فكره انت قليل الادب..

جاك بضحك: انتي لسه مشوفتيش قلة ادب..

جاكي: طب سيبني اخرج عشان لو حد دخل هيفهمنا غلط..

جاك: مايفهمنا... عادي... كلها شويه وهتبقي مراتي..

جاكي: لما ابقاا مراتك بقاا.. اوعى

جاك: طب انا كنت جايبك عشان اقولك حاجه..

جاكي: قول

جاك: نور..

جاكي: مالها..

جاك: مفكره انك اذكى مني يعني!.. وحوار الفستان دا دخل عليا!

جاكي: احم.. امال اي..

جاك: بصي.. انا بعرف اللي بيكدب من نظرات عينيه.. وانتوا كدبتوا.. ومش عايز اعرف في اي.. المهم بس لو نور بتعمل حاجه غلط ياريت تقوليلي... محدش هيخاف عليها قدي..

جاكي: متقلقش.. هي اختي انا كمان.. اوعى بقاا كدا انت لزقه كدا ليه..

جاك: ماشي..

جاكي: صحيح..

جاك: امم..

جاكي: انا خارجه مع البنات عشان هنشتري شوية حاجات كدا..

جاك: هروح معاكوا..

جاكي: تؤتؤ.. ماحنا هنشتري حاجات بنات..

جاك: ااه.. طب ماهو مينفعش تروحوا لوحدكوا..

جاكي: هنتخطف يعني!.. وبعدين كلنا رايحين.. متشغلش بالك انت.. باي..

سيبته وطلعت وسبحان من خلاني مسكت نفسي قدام القمر دا... ياخي تبا لك..

ـــــــــــــــــــــــــــــــــــــــــــــــــــــــــــــــ

محمد: طب وانتي مامتك فين!

ندى: لا انا مامتي متوفيه من زمان.. انا عايشه مع بابا بس..

محمد: معندكيش اخوات!

ندى: لا انا وحيده... بس هو جاك يبقى اخوك!

محمد: لا ابن عمي... هو نور واخوات.. وانا والباقيين اخوات.. بس كلنا زي بعض يعني..

ندى: امم..

محمد: بتحبي جاكي!

ندى: اي السؤال دا.. اكيد بحبها.. دي صاحبة عمري..

محمد: شبه بعض ف حاجات كتير..

ندى: زي اي..

محمد: احم.. زي اللسان.. ماشاء الله يعني..

ندى: قصدك ان لساني طويل!

محمد: لا خالص..

ندى: وبعدين اصلا اصلا ماهو اللي بيعصبنا لازم نرد عليه.. امال هنسيبه يعني!

محمد: لا ازاي.. مينفعش... لازم نشرشح..

ندى: تعرف!... مره انا وجاكي واحد وقف ضايقنا ف الشارع... هل نخاف!!.. لا طبعا.. مسكناه احنا الاتنين عجناه.. ولمينا عليه الناس وبعدين كملنا طريقنا ناكل ايس كريم عادي..

محمد: اعوذ بالله.. ستات قادره..

ندى: انتوا اللي خنازير...

محمد: بتقولوا نفس الكلام والله... انتوا ممكن تكونوا اخوات..

ندى: ماحنا اكتر من الاخوات..

فونها رن..

ندى: اي ياجاكي..

جاكي: يلا ياختي عشان احنا ف المول..

ندى: اوكي جايه..

محمد: في اي..

ندى: معلش بقاا مضطره امشي عشان اروح للبنات المول..

محمد: طب تعالي اوصلك...

وصلها وبعدين اقنعناه انه يمشي عشان ندور نصيع..

جاكي: شباااب... معناش حد.. نصيع بقااا..

ندى: اشطا..

قعدنا نلف كتير وجبنا اللي احنا عايزينه واتجمعنا بره وطلعنا الشارع... اتمشينا شويه وفجأه حد مسك نور من ايدها..

سيف: انتي مفكره انك هتعرفي تفلتي مني يعني!

نور: سيب ايدي ياحيوان انت..

سيف: لا ياحلوه.. دانتي فضيحتك هتبقى بجلاجل..

جاكي: سيبها والا هخلي اللي مايشتري يتفرج عليك..

سيف: اي دا.. هو انتي!.. دانتوا شله بقاا..

هند: مين دا ياجاكي..

جاكي: دا واحد مش متربي وشكله محتاج تربيه من جديد..

سيف: لا تصدقي خوفت..

جاكي: طب دي اخر مره هحذرك فيها.. لو ممشتش من هنا دلوقتي هخليك تنسى انك راجل..

سيف: هاهوو.. مين دا اللي مش راجل..

جاكي: انت ياحيلتها..

نور: بس ياجاكي.. يلا نمشي..

سيف: هتوريني ازاي اني مش راجل بقاا!!.. المره اللي فاتت استقويتوا عليا عشان الواد اللي كان معاكي.. دلوقتي هتعملي اي بقاا..

جاكي: وانت فكرك اني روحتلك وقتها عشان معايا واحد!!.. انا كنت اقدر اروحلك بطولي ياروح امك.. ومكنتش هعتقك يازباله انت..

هند: بس ياجاكي الناس بتتفرج علينا.. سيبيه ويلا نمشي..

سيف: اسمعي يابت انتي.. انا كلامي مع نور.. انتي ملكيش دعوه بيا..

جاكي: ونور تبقاا اختي.. يعني كلامك معايا انا.. ووريني اللي عندك...

سيف: يابنتي انتي شبر ونص.. انتي هبله..

راح زقني من كتفي..

جاكي: حلو.. انت كدا جبته لنفسك.. امسكي كدا يابت يانور..

عطيت الحاجات لنور ومسكته من الهدوم...

جاكي: اعااااا... الحقوووني... حرااااامي... متحرششششش..... بيتحرش بينااا كلنااااا....

وروحت ضربته تحت الحزام فهو ميل، روحت ضربته بكوعي ف وشه ووقعته ع الارض وفضلت اضرب فيه برجلي..روحت قلعت الكوتشي وفضلت اضربه ع وشه..

جاكي: اياك مفكرني من البنات الكوكو.. دانا شرشوحه يلاااا... دانا اخليك تنسى انك كنت راجل..

وانتوا هتتفرجوا كدا!!... ايدك معايا ياندى..

ندى: معاك ياصاحبي..

طبعا هو اقوى مننا وكل حاجه بس احنا ستات ياجماعه بردو.. اتجمعنا عليه وفضلنا نضرب فيه وهو مش واخد فرصه يقوم حتى...

طبعا الناس كانت بتتفرج واول مازعقت راحوا اتلموا عليه...

جاكي: اجروا يابنات...

سيبناه وطلعنا نجري والناس قاموا بالواجب...

فضلنا نجري واحنا بنضحك لحد مابعدنا...

هند: يخربيت دماغك... اي ددااااا...

جاكي: اسيبه بيتعرضلنا يعني!

نور: انتي جريئه قووي.. دانا كنت هعيط لما مسك ايدي..

جاكي: وتعيطي ليه ياهبله انتي.. اديله تحت الحزام ع طول.. دي اشكال وسخه اصلا...

نور: جاك لو عرف اللي حصل دا مش هيصدق..

جاكي: لا بلاش.. بلاش حد يقوله حاجه عشان مش هيرضى يخلينا نخرج تاني.. مش ناقصه خنقه هي..

ندى: عجبتيني يابت ياجاكي.. فكرتك عقلتي بس الحمد لله لسه مجنونه..

جاكي: اصل الرجاله دول يابو الصحاب، مش بييجوا غير كدا..

هند: بس انا مش فاهمه... يعني اي روحتيله!.. ومين اللي كان معاكي..

جاكي: لا اصل.. يعني هو كان بيتعرض لنور ع طول وكدا.. فانا اخدت حد معايا وخليته نفخه... بس طبعا محدش يعرف حاجه زي دي..

هند: انا هاخدك معايا ف الخناقات بعد كدا..

دا لو جاك معانا مكنش عمل كل دا..

جاكي: احنا ستات يااوختششششي... محدش يقدر علينا..

نور: طب مدوا بقاا عشان نروح...

اتمشينا لحد البيت.. هيا المسافه طويله وكل حاجه بس احنا مايعين يعني ومش هنخرج لوحدنا كل يوم.. فلازم ناخد فرصتنا...

وصلنا البيت وطلعنا اوضتي... قعدنا نجرب الحاجات اللي جبناها.. وراح الباب خبط.. طلعت فتحت لقيته جاك..

جاكي: يانعم..

جاك: اي القمر دا..

جاكي: اخلص عشان مش فاضيالك..

جاك: طب تعالي معايا..

جاكي: فين..

جاك: هوريكي حاجه.. تعالي بس..

روحت معاه والبنات لسه ف اوضتي..

دخلت معاه الاوضه..

جاكي: في اي..

جاك: اتفضلي..

جاكي: اي دا..

جاك: افتحيه..

لقيت حاجه كبيره كدا وملفوفه..

جاكي: جاك اي دا..

جاك: افتحيها طيب..

فتحتها بالراحه وبعدين اتصدمت...

جاكي: اي دا..

جاك بابتسامة: عجبك!

جاكي: احيييييه.. اي دا ياجاك..

جاك: متخيله اني ممكن اخليكي تدوري كدا وتنقي فستان!!... انتي يتعملك مخصوص..

جاكي: يعني دا معمول عشاني!

جاك: طبعا..

جاكي: ياخي تبا لك.. ايوا بس دا غالي قوي..

بصيت كدا لقيت ورقه عليه.. لسه همكسها راح خطفها وحطها وراه..

جاكي: هات خليني اشوف..

جاك: معلش اصله لسه واصل وملحقتش اشيل السعر..

جاكي: طب وريني..

جاك: لا.. انتي مالك بالسعر.. خدي الفستان وروحي شوفي كنتي بتعملي اي..

جاكي: والنبي هات.. اخلص بقاا متبقاش رخم..

مكنش راضي فقربت منه بدلع كدا وهو سرح معايا وانا خطفتها..

جاك: هاتي.. متهزريش..

جاكي: احيييييه... لا لا.. مستحيل..

جاك: اي اللي لا..

جاكي: دا غالي فشخ..

بصلي بصدمه كدا..

جاك: غالي اي!!

جاكي: اي..

جاك: اي الكلمه اللي قولتيها دي!

جاكي: مالها يعم..

جاك بغضب: جاكي.. الكلمه دي لو اتقالت تاني، هقطعلك لسانك..

كان بيبصلي بطريقه كفيله انها ترعبني..

جاك: سامعه!

جاكي: حاضر... اسفه.. مش قصدي والله.. وبعدين خف عليا شويه..

جاك: جاكي مسمعش منك الالفاظ دي..

جاكي: طب خلينا ف موضوعنا دلوقتي... اي دا.

جاك: اي..

جاكي: جاك دا غالي قوي.. اكيد مش هاخده..

جاك: انتي هبله!.. امال مين هياخده!

جاكي: جاك دا غالي قووي.. مينفعش..

جاك: مراتي متلبسش اي حاجه...لازم تبقى مميزه..

جاكي: بس دا اوڤر.. اكيد مش هلبس فستان بالمبلغ دا..

جاك: بطلي رغي بقا... خديه وروحي قيسيه يلا..

جاكي: صحيح.. انت عرفت مقاسي ازاي..

جاك بخبث: مش محتاج اخد المقاس.. انا عارفه كويس

جاكي: اما انت قليل الادب صحيح..

جاك: عارف.. وروحي بقاا عشان انتي بتحلوي ف عنيا اكتر وانا مش مسؤول...

خدت الفستان وجريت.. ماهي مش ناقصه قلة ادب..

دخلت اوضتي وانا بتنطط..

جاكي بفرحه: يابنات..

هند: اي..

جاكي: شوفوا..

طبعا تصادرت اصوات الشهقات والصدمه باينه ع الوشوش لان الفستان قمر اصلا اصلا وحاجه كدا خيال...

ندى: جبتيه منين دا!!

جاكي: جاك جابه..

نور: تحفهه... يخربيت الجمال.. انا مشوفتش كدا والله..

هند: دا شكله غالي قوي..

جاكي: امم.. للاسف..

ندى: دا هيبقي طلقه عليكي.. تعالي قيسيه...

قعدت اقيس فيه وطلع خرافه عليا..

ـــــــــــــــــــــــــــــــــــــــــــــــــــــــــــــــ

عدت الايام وجه اليوم اللي قبل الفرح والبيت كله زينه وزغاريط واغاني.. الجو كان كله بهجه كدا..

قومت ع صوت الزغاريط والبنات بيغنوا فوق دماغي..

نور: يلا ياعروسه فرحك بكرا..

جاكي: بتصحوني ليه بدري كدا.. لسه الفرح بكرا..

هند: خلي عندك دم وقومي.. لسه في حاجات كتير هنعملها...

جاكي: يارب صبرني... انا مكنتش عايزه اتجوز اصلا..

قومت اتوضيت وصليت وقعدنا نفجر بقااا...

نور: عندي شوية ماسكات بقاا.. هيطلعوكي قمرررر...

جاكي: يلا ياختي.. العبي ف وشي زي مانتي عايزه..

حطينا الماسكات وقاعدين نرقص ونغني.. والباب خبط..

روحت فتحت...

جاك: اعاااا..

جاكي: اي يابن الهبله.. خضيتني..

جاك: اي اللي ف وشك دا... حد يحط العك دا ع وشه!

جاكي: اسكت انت مش فاهم حاجه... وبعدين جاي ليه دلوقتي..

جاك: وحشتيني..

جاكي: طب امشي بقاا عشان البنات هيطلعوا..

جاك: مايطلعوا... بكرا هتبقي مراتي..

جاكي: لما ييجي بكرا يعدلها ربنا.. امشي بقاا..

جاك: طب بوسه واحده حتى..

جاكي: امشي يلااا..

جاك: ف خدي حتى..

جاكي: تؤتؤ..

جاك: هيطلع ع عينك كله بكرا..

جاكي: ولااا امشي.. واحترم نفسك..

فيروز طلعت..

فيروز: بتعمل اي عندك!!..

جاك: بتطمن ع البضاعه..

فيروز: طب يلا امشي.. متعتبش هنا تاني.. مش هتشوفها غير لما نيجي نكتب الكتاب..

جاك: ليه يعني..

فيروز: هو كدا.. يلا.. الاوضه دي محظوره.. يلا روح شوف نفسك هتعمل اي..

مشي وانا دخلت كملت مع البنات وعدى الوقت علينا واحنا كدا.. وانا مش مصدقه اني عروسه!!... انا هتجوز!!

نور: سرحان ف اي ياجميل..

هند: هيكون مين غيره..

ندى: طب ركزي معانا ياست وبعدين اصلا كلها ساعات وهتروحي معاه..

جاكي: خلصتوا تحفيل ياقمر منك ليها!.. ايوا بفكر فيه... مفكرش ليه يعني.. مش هيبقى جوزي قرة عيني!

ندى: بقولك صحيح.. انتي هتلبسي حجاب بكرا ولا هتسيبي شعرك!

جاكي: مش عارفه.. بس مظنش ان جاك هيوافق..

هند: دا يوم يعني.. وبعدين اي عروسه بتسيب شعرها يوم الفرح..

نور: ايوا ياجي هيبقى شكلك حلو فيه..

جاكي: ابليس بيسلم عليكوا وبيقولكوا اهدوا شويه.. انتوا ناويين ع موتي..

ندى: ياشيخه دا يوم.. مش حوار اصلا..

نور: انتي تكلمي جاك زي الشطوره كدا وتساليه..

جاكي: يا جماعه والله ماهيوافق..

نور: امسكي بس.. جربي مش هتخسري حاجه..

رنيت عليه وشويه وفتح..

نور بهمس: افتحي الاسبيكر..

جاك: لحقت اوحشك!..

جاكي: بقولك اي يابيبي..

ندى بهمس: ياختي قمر..

نور: ياجماعه بطلوا بقاا..

جاك: بيبي!.. تبقي عايزه حاجه وعارفه اني مش هوافق..

جاكي: لا وهو انا مش هدلعك غير لما اعوز حاجه يعني!

جاك: قولي عايزه اي..

جاكي: بص.. هو طلب صغنن كدا يعني..

جاك: اخلصي ياجاكي ورايا شغل..

جاكي: احم.. يعني مكنتش عايزه البس حجاب بكرا..

جاك: يعني اي..

جاكي: يعني اسيب شعري بكرا بس..

جاك: جاكي.. بلاش تخليني ارجعلك..

جاكي: طب بالراحه.. نتناقش بالراحه.. دا يوم واحد.. وبعدين انا مش هتجوز كل يوم..

جاك: جاكي.. مفيش نقاش ف الحوار دا.. قولت لا يعني لا.. وبعدين هو الحجاب بيتقلع عشان الفرح من امتى ياجاكي!!.. عايزه تبيني شعرك قدام الناس!!... عايزه الكل يتفرج عليكي!

جاكي: و انا يعن...

جاك: انا عارف انها مش فكرتك.. دي فكرة صحاب السوء اللي جنبك دول.. واللي حضرتك فاتحالهم الاسبيكر... اقعدوا ياشوية شياطين... عايزين تضيعوا البت!..

ندى: يافضيحتشششي...

جاك: ياندى لو جيتلك هنفخك انتي واللي معاكي.. سيبوا البت ف حالها... خليها عاقله عشان اليوم يعدي..

نور: ياجاك ياحبيبي احنا كنا بنقترح بس..

جاك: متقترحيش ياختي.. محدش طلب رأيك..

جاكي: بس انا كنت عايزه اسيبه ياجاك..

جاك: طب اقفلي الاسبيكر وروحي بعيد عشان هقولك حاجه..

نور بهمس: متقفليش..

جاك: سامعك يانور.. اتلمي احسنلك.. روحي ياجاكي والله هقولك حاجه سر..

جاكي: ماشي..

قفلت الاسبيكر وروحت بعيد..

جاكي: ها..

جاك: متاكده انك لوحدك!

جاكي: ااه والله روحت بعيد..

جاك: طب بصي.. حوار ان حد غيري يشوف شعرك دا، ممنوع تماما.. حلو!!..

جاكي بزعل: ياجاك مانا بشوف العرايس بيبقاا شكلهم حلو بشعرهم..

جاك: هتبقي احلى ف الحجاب.. ولو سمعتي الكلام زي الشاطره كدا، لما نروح شهر العسل هوديكي مكان نكون فيه لوحدنا ووقتها اعملي كل اللي انتي عايزه...

جاكي: هسيب شعري هناك!

جاك: مش هيبقى في غيرنا ياجي.. ابقي سيبي شعرك وانزلي من غير هدوم لو عايزه..

جاكي بفرحه: اشطا موافقه..

جاك: يعني هتسمعي الكلام!

جاكي: طبعا.. وبعدين مين قال اني عايزه اقلع الحجاب... يانهاااار.. لا ياباشاا احنا محترمين..

جاك: ايوا كدا انت حبيبي.. يلا باي بقاا عشان عندي شغل.. بحبك..

جاكي: وانا كمان... باي..

قفلت معاه وانا داخله فرحانه.. لقيتهم متنحينلي..

جاكي: في اي..

نور: هو قالك اي بقاا خلاكي اتحولتي كدا!

جاكي: تؤتؤ.. سر

ندى: ياشيخه بالله عليكي.. قولي والله عندي فضول..

جاكي: قولت لا.. وبعدين بس بقاا خليني اظبط نفسي عشان انا مبسوطه...

عدى الوقت وبعدين الباب خبط.. فتحت ولقيتها شهد..

جاكي: شهد!!... بتعملي اي هنا..

شهد: مامتك رنت علينا وعزمتنا..

جاكي: ااه.. طيب.. ادخلي..

شهد: ازيكوا يابنات..

نور: انتي شهد.. صح!

شهد: ايوا.. اي دا.. انتي بتعملي اي هنا ياندي..

ندى: مع اختي.. اسيبها ازاي ف يوم زي دا..

قضينا اليوم مع بعض واحنا لسه بنرقص بردو.. ماهي قلة ادب اصلا...

الليل حل واحنا مع بعض ف الاوضه... وفجأه جاك رن.. قومت دخلت البلكونه وفتحت..

جاك: وحشتيني..

جاكي: كنت لسه معاك النهارده..

جاك: قولتلك بتوحشيني وانتي معايا..

جاكي: جيت ولا لسه!

جاك: جيت من شويه.. المهم.. انا قلبي بيدق جامد..

جاكي: ليه..

جاك: مش عارف.. بس مش مصدق انك بكرا هتبقي مراتي.. انتي مش عارفه انا بعمل اي ف الاوضه دلوقتي..

جاكي: بتعمل اي..

جاك: مشغل اغاني وبرقص.. انا كان مستحيل اعمل حاجه زي كدا..

جاكي: احلف.. طب انا عايزه اشوفك..

جاك: استني هكلمك فيديو..

كلمني فيديو بس طبعا انا مرضتش اظهر..

جاك: افتحي الكاميرا ياهبله..

جاكي: تؤتؤ.. مش بتكشف ع رجاله..

جاك: ياراجل.. اخلصي بقا..

جاكي: لا.. خليني اتفرج عليك براحتي بقاا.. الله.. وبعدين اي الاغاني اللي مشغلها دي..

جاك: استني...

راح شغل اغنيه هاديه وقمر زيه كدا.. وهو راح نام ع السرير

جاكي: البس حاجه يامنحرف..

جاك بضحك: مالك يابنتي.. عادي يعني..

جاكي: مش عايزه اشوفك كدا اناا..

جاك: ياوليه بكرا هتبقي مراتي.. مراااااتي.. وكدا كدا مش هلبس يعني..

جاكي: امم.. لو هنبتديها كدا، فانا غيرت رايي..

جاك: قوليلي صحيح.. بقاا عايزه تقلعي الحجاب!

جاكي: فكرة العيال دول والله.. انا مليش دعوه..

جاك: متسمعيش كلامهم.. اسمعي كلامي انا زي الشطوره كدا..

جاكي: ياسطا بقولك..

جاك: قولي..

جاكي: انا خايفه..

جاك: من اي يابيبي..

جاكي: مش عارفه.. بس اول مره احس كدا..

جاك: انا عمري ماخوفت بالطريقه دي.. وعمري ماحسيت الاحساس دا.. بس يمكن عشان كلها كام ساعه وتبقي ف بيتي..

جاكي: عايزه اقولك حاجه..

جاك: قولي..

جاكي بكسوف: هستغل حكاية انك مش شايفني.. بص يبروو...احم... انا بحبك... بصراحه بحبك قوي.. يعني فوق ماتتخيل كدا.. وبصراحه حابه اننا هنتجوز عشان هبقاا انا المسؤوله عنك.. يعني انا اللي ههتم بأكلك وبشربك ومش هخليك تشرب قهوه تاني ولا سجاير.. ومش هتخرج من البيت من غير فطار وهقفلك القميص ع طول عشان انت قليل الادب..يعني..تقدر تقول هعتبرك ابني مثلا... وكدا يعني.. المهم اني بحبك يابروو..ومش متخيله حياتي من غيرك.. والله اني اعشقك يارجل.. وكفايه كدا عشان قلبي هيخرج من مكانه والله..

كان باصصلي بحُب قووي كدا ومبتسم...

جاك: طب بما انك قاومتي كسوفك وقولتي كدا، فانا كمان عايز اقولك حاجه...

مش هقولك بحبك عشان دي بقت كلمه معتاده وبتتقال دايما... انا هقولك اني هحاول ع قد مااقدر اني اعمل بيها... يعني هكون حِماكي.. يعني لو حد فكر بس يقربلك هيندم ندم السنين حقيقي... وبالنسبه للناس اللي كانوا خاطفينك ومدوا ايدهم عليكي، خدوا جزاءهم كويس... اكيد مكنتش هسيبهم يعني.. هما حاليا بيتعذبوا يوميا...

واي حد هيحاول يضايقك انا اللي هقفله... انا بس عايزك تفضلي معايا للاخر.. يعني.. انا عارف اني صعب شويه.. بس يعلم ربنا اني بحاول ابقاا سهل معاكي ع قد مااقدر... انتي غيرتي مجرى حياتي حقيقي.. انا مكنتش عايش كدا... هحاول ع قد مااقدر اني اكون سند ليكي وهعوضك عن كل حاجه وحشه حصلتلك... هحاول ع قد مااقدر اني اخليكي متزعليش تاني ابدا.. وتفضلي مبسوطه ع طول.. والضحكه تفضل ع وشك...

هتبقي اميرتي الصغيره.. وبنتي البكريه... وصاحبة عمري.. وحبة قلبي كمان..

كنت بتفرج عليه وهو بيتكلم كدا ودموعي بتنزل من الفرحة والله..

جاك: انتي معايا ولا نمتي..

جاكي: معاك...

جاك: بحبك طيب...

جاكي بكسوف: ماشي..

جاك: هو اي اللي ماشي..

جاكي: عايز اي..

جاك: قولي بحبك..

جاكي: بحبك..

جاك: اااه.. غرزت ف قلبي..

جاكي بضحك: اي ياسطا المحن دا.. وبعدين يلا بقاا كفايه عليك كدا..

جاك: خليكي معايا شويه..

جاكي: لا باي..

قفلت وبعدين ادم بعتلي مسدج..

ادم: انزلي انا تحت..

جاكي: في حاجه!

ادم: لا.. جايبلك حاجه كدا..

جاكي: طب نازله..

حطيت طرحتي ونزلت...

سلمت عليه..

جاكي: اي دا يبروو..

ادم: دي حاجه ماما باعتاهالك.. معرفش هي اي.. واصرت اني اجي اديهالك دلوقتي..

جاكي: طب تعالى ادخل طيب..

ادم: لا انا يدوب اروح عشان نعسان خالص...

جاكي: طب سوق ع مهلك وطمني لما تروح وسلملي ع طنط كتير..

ادم: ماشي ياقمر..

سلمت عليه ومشي وفجأه سمعت صوت حد ورايا..

ـ اي المهزله اللي بتحصل دي..

بصيت لقيته عماد..

جاكي: في اي..

عماد: انتي ازاي تحضنيه كدا!

جاكي: اي دا وانت مالك..

عماد: هو اي اللي انا مالي.. انتي هتدوري ع حل شعرك!!.. ازاي تحضنيه كدا!.. انتي محدش هامك!

جاكي: سيب ايدي ياحيوان.. وانت مالك.. انت هتعمل راجل عليا!!

عماد بعصبيه: انا راجل غصب عنك..

رفع ايده ولسه هيمدها عليا فانا وديت وشي بعيد وفجأه حد مسك ايده..