رواية قلبي ليس بيدي الفصل الخامس والستون 65 بقلم حسناء مصطفي

جاكي: تاني ياجاك!

جاك: تاني يانور عين جاك..

ضحكت وبصيت بعيد... ماهو ناوي يشلني..

جاكي: قوم طيب وبطل فضايح..

جاك: لما توافقي الاول..

جاكي: لا مش هوافق..

جاك: ياشباااب... اخوكوا مزنوق..

لقيت الشباب قربوا وفضلوا يسقفوا ويصفروا.. ويقولوا

"وافقي... وافقي... وافقي"

جاكي: مش هتبطل جنان!

جاك: لا..

ندى: ياشيخه اخلصي بقاا.. الواد حفي وراكي..

جاك: قوليلها والنبي... هيا يا فتاه..

جاكي: لا بردو..

جاك: اممم.... طب انا كدا عملت اللي عليا.. وهتجوزك ياجاكي... والله لاتجوزك.. سواء برضاكي او غصب عنك... عشان اناااا بحبببببك... بحبك ياجاكي...

والله لاتجوزك... فوافقي بمزاجك بدل ماخطفك وهتجوزك بردو...

ادم: وافقي يلا..

جاكي: سيبني افكر..

جاك: جاكي.. لو جيت لحد عندك هكسر دماغك... اخلصي رجلي وجعتني...

جاكي: ياباشاا انا مش عايزاك... هو بالعافيه!

جاك: ايوا بالعافيه.. ودي اخر مره هاخد رأيك فيها.. هتوافقي ولا اخطفك ونتجوز غصب عنك!

جاكي: ماشي.. موافقه...

راح الكل سقف وصفروا...

ادم: ياهوووو... اخيرا..

جاك جه قدامي ولبسني الخاتم...

جاكي: دا جديد!

جاك: مينفعش اطلب ايدك بخاتم لبستيه قبل كدا..

جاكي: مجنون والله... هسميك جاك خواتم بعد كدا..

جاك: عادي..

راح مسك ايدي وباسها...

جاك: شكرا ياشباب... منجيلكوش ف حاجه وحشه..

يلا ياهانم..

جاكي: ع فين!

جاك: هروحك عشان فرحنا بكرا..

جاكي: اي.. حيلك حيلك.. مش للدرجادي..

جاك: خلاص نتجوز دلوقتي..

جاكي: جاك بطل جنان.. مينفعش..

جاك: يلا بس نروح وبعدين نشوف الحوار دا..

ركبنا العربيه ومشينا...

وهو مبسوط قوي ومشغل اغاني عاليه..

جاكي: ياسطا وطي شويه.. معلي كدا ليه..

جاك: اسكتي عشان انا عايز ازغرط..

جاكي بضحك: زغرط

جاك: لوللللللللولي...

بصيتله بصدمه..

جاكي: انت بتعمل اي!!...

جاك: مش انتي اللي قولتي..

جاكي بضحك: بطل جنان يخربيتك الناس بتتفرج علينا...

راح طلع راسه من الشباك..

جاك بصوت عالي: ياجماااعه... انا بحبها.. والله بحبها... ياعم.. ايوا انت.. انا بحبها والله.. انتي ياست انتي.. قوليلها جاك بيحبك والله... يابنااات... انا بحبها.. بحبببككك....

جاكي: بس يابن الهبله فضحتنا..

جاك: ها.. اعمل اي تاني!

جاكي: ولا حاجه.. اسكت بقاا..

جاك: صدقتي اني بحبك ولا لسه في شك!

جاكي: خلاص صدقت...اسكت بقاا..

طول الطريق يغني ويبصلي وهو بيضحك..

"عمرها حصلتلك دي.. تبقى لسه شايف حد..

وإنت لسه ما تعرفوش، أيوة ما تعرفوش

بس نفسك تجري عليه.. تحضنه وتنام في عينيه

وإنت لسه ما تعرفوش، أيوة ما تعرفوش

أنا بقى حسيت ده معاك... أنا بقى طالباني هواك

أنا بقى من يوم ما شوفتك... مش متخيل غير عمري معك

أنا بقى حسيت ده معك... أنا بقى طالباني هواك

يا تاعبني) يا واجع قلبي)... من حبي) مش قادر أخبي)

هقول لك ع اللي في قلبي....

بصراحة أنا مش على بعضي..

عايزك تحضني تقرب مني ولا أحضن أنا...

ماتستغربش من اللي قلته

أنا جالي إحساس ليك فقلته...

جاكي: بس بقاا بطل هبل...

جاك بغنا: ياتاعبني.. ياواجع قلبي.. من حبي.. مش قادر اخبي..

كان بيغنيلي ويمسكني من دقني وخدودي المهزء...

جاكي بضحك: ياعم خلاص بقاا..

جاك: طب قولي بحبك..

جاكي: تؤتؤ..

جاك: قولي بحبك..

جاكي: لا مش هقول..

جاك: طب والله لاعمل حادثه...

راح ساق بسرعه وفضل يلف...

جاكي: بس يخربيتك هنمووت...

جاك بضحك: قولي بحبك قبل مانموت..

جاكي: يخربيتك.. طب خلاص هقول..

جاك: يلا سامع اهو..

جاكي: طب هدي السرعه شويه..

جاك: اهو.. يلا بقاا.... مش سامع..

جاكي: بحبك..

جاك: مش سامع..

جاكي: بطل استهبال..

جاك: طب اهو..

جاكي: خلاص خلاص.. بحبك..

جاك: علي صوتك..

جاكي: بحببببك... خلاص بقااا..

جاك: ياهوووو....

راح زاد السرعه تاني المهزء...

جاكي: اعاا... يخربيت جنانك... جاك هنخبط ف حاجه والله...

ـــــــــــــــــــــــــــــــــــــــــــــــــــــــــــــــ

هند: هو جاك مرجعش ليه..

نور: اكيد مع جاكي يعني..

فيروز: محمد لسه لوحده فوق!

نور: ايوا.. مش عارفه الدنيا مش راضيه تظبط ليه..

فيروز: طب يلا تعالوا عشان تاكلوا وانا هطلعله..

قعدوا ياكلوا وهي طلعتله..

فيروز: يلا يامحمد عشان تاكل..

محمد: مش جعان..

فيروز: يلا يامحمد.. يلا ياحبيبي مش مستاهله كل دا..

محمد: مش هتسامحني يافيروز..

فيروز: هتسامحك... مفيش اطيب من جاكي والله..

محمد: هبص ف وشها ازاي!

فيروز: حاول تصالحها.. مش تهرب منها كدا.. روحلها واعتذرلها.. وهي هتسامحك..

ـــــــــــــــــــــــــــــــــــــــــــــــــــــــــــــــ

روحت وهو طلع معايا...

جاكي: ماماااااعععع...

جاك: بقره..

جاكي: مين اللي بقره!

جاك: انا..

جاكي: ايوا كدا اتعدل..

جاكي: ماممممعععع

ماما: في اي يابنت المجانين... اي دا انت هنا..

جاك: معلش بس هو انا كنت جاي احدد معاكي معاد الفرح بس شكلي هنكت..

جاكي: وحياة امك!

جاك: بنتك دي!

ماما: والله يابني ولا اعرفها..

جاكي: طب مش متجوزه ياجاك... روح اتجوز واحده مسهوكه بقاا..

جاك: خلاص.. افصلي شويه..

ماما: ايوا يابني بس انتوا مستعجلين ع اي!

جاك: طب انا عندي فكره حلوه.. ادخلوا غيروا ونروح الڤيلا وهناك نتفق ع كل حاجه...

ماما بصتلي..

جاك: ها.. يلا..

ماما: ماشي..

دخلنا لبسنا وجاك نزل بابا.. وبعدين مشينا...

وصلنا الڤيلا ونزلنا...

جاك بفرحه: فيزووو.. جاكي اهي

فيروز: اخيرا ياست جاكي.. فرهدتي الواد معاكي..

جاكي: يستاهل..

ماما: ازيك يافيروز..

فيروز: بقيت بخير لما شوفتكوا والله... يلا اقعدوا..

عمو احمد دخل..

عمو احمد: وانا اقول البيت منور ليه..

جه سلم علينا والبنات نزلوا...

روحت دخلت ورا فيروز المطبخ...

جاكي: فيزو.. هو محمد فين!

فيروز: ف اوضته.. حابس نفسه من ساعة اللي حصل..

جاكي: طب انا هطلعله...

طلعت خبطت وفتحت الباب..

جاكي: محمد..

كان قاعد ع الارض وتقريبا بيعيط..

جاكي: ليه كدا طيب..

محمد: لو سمحتي اخرجي..

جاكي: ع فكره انا مش هتكلم ف اللي حصل... انا مش زعلانه منك..

محمد باستغراب: مش زعلانه!!

جاكي: لا..

محمد: بس اللي انا عملته مش سهل..

جاكي: وانا سامحتك ومش زعلانه منك مع انك مكلفتش خاطرك وجيت تشوفني...

محمد: مكنتش هقدر ابص ف عينك...

جاكي: طب خلاص بقاا... ممكن تنسى اللي حصل..

محمد: جاكي انا اسف.. انا معرفش ازاي عملت كدا..

جاكي: خلاص يبروو والله.. انا نسيت الحوار اصلا..

يلا ننزل بقاا... ولا اقولك.. ثواني

نزلت ناديت جاك وطلعت انا وهو..

جاكي: يلا ياجاك..

جاك بصله بحده..

جاكي: جاك... صالحه..

جاك: انا اللي اصالحه!

جاكي: انتوا الاتنين صالحوا بعض..

محمد: انا اسف.. متزعلش مني..

جاكي: يلا بقاا..

راح جاك حضنه..

جاك: خلاص.. مش زعلان.. بس ع الله نعقل بقاا..

محمد: يعني مش زعلان!

جاك: لا يعم مش زعلان... وبعدين يلا ننزل عشان هنحدد معاد الفرح..

بصلي بحزن...

جاكي: محمد... عندي ليك عروسه قمر... عشان تتجوزوا معانا ف نفس اليوم..

جاك: لا محمد اهبل مش بتاع جواز..

محمد: ياراجل..

جاك: انت عيل يابني.. جواز اي..

محمد: ع الاقل انا مش بيتقالي جوجتي..

ضحكت انا وهو وجاك بصلنا بغيظ..

جاك: والله..

قعدوا يضربوا ف بعض بهزار وانا سيبتهم ونزلت...

فيروز: امال فين جاك..

جاكي: مع محمد فوق..

فيروز: اوعى يتخانقوا تاني..

جاكي: لا صالحتهم... اهم نزلوا..

كانوا نازلين يهزروا ويضحكوا...

عمو احمد: ماشاء الله.. ربنا يعدي الليله ع خير..

جاك: نتكلم ف المهم بقاا..

ماما: اتكلم...

جاك: هي خلصت امتحانات... يعني دلوقتي نقدر نعمل الفرح بكرا لو عايزين..

عمو احمد: جاك.. الامور مش بتتاخد بالتسرع دا..

لسه في حاجات لازم تجهز..

جاك: امم.. طب امتى..

عمو احمد: بعد أسبوعين ممكن...

جاك: هو اسبوع واحد.. ودا اخر كلام عندي..

عمو احمد بضحك: يابني مستعجل ع اي..

جاك: مليش دعوه..

الكل قاعد يضحك عليه وع اصراره...

عمو احمد: اي رايك ياجاكي..

جاكي: هو انا شايفه ان..

جاك: جاكي مبتشوفش... هي موافقه ع اللي بقوله..

جاكي: اديني فرصه اقول رأيي..

جاك: بس ابت..

جاكي: طب مش متجوزه.. وادي قعده..

جاك: سيبك منها دي هبله.. المهم.. نخلي الفرح الاسبوع الجاي... يوم الخميس عشان انا بحب الخميس ومتسألوش ليه... ومن هنا لوقتها هنكون جهزنا كل حاجه...

فيروز: والله وانا من رأيي اننا ننجز... كل شويه يحصل حاجه تعطل الموضوع..

جاك: اي رايك ياطنط..

ماما: والله انا عن نفسي معنديش مشكله...

جاكي: اي رايك يابابا..

بابا: وهو انا ليا راي يابنتي!.. شوفي انتي عايزه اي..

جاكي: اي اللي بتقوله دا بس يابابا...

قومت بوست راسه وايده...

جاكي: طب والله لو ماقولت رايك ماهتجوز.. انا اصلا مش عايزه الواد دا..

جاك: شايف بنتك مفتريه ازاي!!... دانا هخلصك من بلوه ياراجل.. وافق وافق..

جاكي: ياراجل.. طب متوافقش يابابا..

جاك: بس ابت...

بابا: انا موافق.. المهم تكونوا مبسوطين...

فيروز: ع بركة الله... يبقاا نبدا نجهز كل حاجه من دلوقتي..

ماما: تمام..

فضلنا قاعدين لحد الليل نضحك ونهزر...

جاكي: طب يلا نمشي بقاا..

جاك: تمشي فين مشش ف ركبك..

جاكي: وانت مالك... اما انت غريب صحيح..

جاك: لا احنا هنخرج..

جاكي: مش عايزه اخرج انا..

جاك: بس ابت يامهزءه انتي... فيروز انا هاخدها ونخرج..

نور: وانا عايزه اخرج..

هند: وانا كمان..

فيروز: خدهم معاك يغيروا جو والنبي..

جاك: في اي ياختي انتي وهي.. هو انا رايح السيما..

نور: مليش دعوه انا عايزة اخرج.. هطق ياناس..

فيروز: معلش عشان خاطري.. خدهم معاك..

جاك: ماشي.. بس محمد ياخدكوا ف عربيته.. مش هتركبوا معانا..

محمد: لا انا مش رايح..

جاكي: ولو محمد مرحش انا مش هروح..

جاك: انتحر انا طب ولا اعمل اي..

جاكي: هنروح كلنا.. ياكدا يابلاش..

جاك: طب يلا اتفضلوا بقاا...

طلعنا وانا ركبت مع جاك والبنات ركبوا مع محمد وانا رنيت ع ندى عشان تجيلنا ع المكان...

جاك: تحبوا تروحوا فين..

جاكي: نروح نقعد ع البحر ف الهوا دا..

جاك: نروح مطعم عشان ناكل..

جاكي: مبحبش جو المطاعم دا.. نجيب اكل ونقعد ف الشارع كدا زي الهبل وناكل..

جاك: ماشي ياست..

روحنا مكان حلو ومفهوش ناس كتير كدا ع البحر وقعدنا وندى جت...

محمد وجاك راحوا يجيبوا الاكل واحنا قعدنا...

نور: ماترني ع ياسين ياهند خليه ييجي..

هند: ايوا صح.. استني..

نور: وانتي ياجاكي هاتي ادم.. خلينا ننبسط كلنا كدا...

جاكي: اشطا...

ندى: مش مصدقه والله.. بقا جاك عمل كل دا عشان تسامحيه!

نور: انا اول مره اشوف جاك كدا.. حقيقي جاك اتحول تماما... ف الاول كان حاجه تاني.. مكناش بنقدر نهزر قدامه حتى... كان صعب قووي وع طول ساكت وبيشتغل وطول الوقت مش موجود اصلا...

هند: فعلا... داحنا لما كنا بنروح مكان والبنات تعاكسوا او بنت تيجي تفتح معاه كلام، كان بيبصلها بلا مبالاه كدا ولا كإنها موجوده... وحقيقي كانوا بيبقوا قمرااات بمعني الكلمه يعني... بس هو كان جامد محدش بيهز شعره منه...

نور: دا اتحول بطريقه مريبه والله..

ندى: صحيح الحب اعمى... وبصراحه هو بيحبك قوي ودا واضح حتى من نظراته...

جاكي: خليه يتعلم الادب شويه... دانا هوريه النجوم ف عز الضهر بس الصبر...

ندى: ياشيخه حرام عليكي والله.. اعتقي الواد لوجه الله حتى...

جاكي: تؤتؤ.. اصبروا بس...

نور: هو الصراحه بقاا خاتم ف صباعك.. شاطره والله..

شويه وجه هو ومحمد..

جاك: اتفضلوا الاكل اهو...

جاكي: اي دا..

جاك: اي.. بيتزا..

جاكي: انا مقولتش عايزه بيتزا انا..

جاك: امال عايزه اي..

جاكي: ع فكره انا قولتلك انا عايزه اي..

جاك: ياحبيبي والله ماقولتي عايزه حاجه..

جاكي: ااه.. يعني كمان انا بكدب..

جاك: هو في اي.. طب شوفي انتي عايزه اي وانا هجيبلك..

جاكي: مش عايزه حاجه...

جاك: اي اللي مضايقك دلوقتي يعني.. قولي انتي عايزه اي وانا هعمله دلوقتي حالا..

ندى بهمس: جاكي.. خفي ع الواد الله يخربيتك..

جاكي: امم.. خلاص.. هاكل بيتزا..

جاك: لا لو مش حابه هجيبلك اكل تاني بس قولي عايزه اي..

جاكي: انت رغاي ليه.. قولتلك خلاص هاكل من دا..

بصلي باستغراب.. وبعدين قعد...

جاكي: عايزه مايه..

جاك: مقولتيش ليه واحنا هناك!

جاكي: عطشت.. اي مشربش يعني!

جاك: لا ازاي!.. هغور اجيبلك تشربي..

راح جاب مايه والصراحه الطريق كان طويل وهو أخر شويه... بعدين رجع...

جاك: اي خدمات تاني!

جاكي: ثانكس...

قعدنا ناكل ونهزر...

ندى: وانت يامحمد عملت اي..

محمد: لا الحمد لله كان سهل جدا... اول مره امتحن وانا مرتاح كدا...

كنت انا وجاك بناكل لوحدنا وندى ومحمد بياكلوا مع بعض.. ونور وادم مع بعض... وهند وياسين مع بعض..

جاك: انتي قلبتي كدا ليه..

جاكي: قلبت ازاي..

جاك: مش عارف.. بس بتكلميني بطريقه غريبه..

جاكي: لا متاخدش ف بالك..

جاك: طب خدي..

بصيت لقيته مطلع ورده من وراه..

جاكي بابتسامة: اي دا..

جاك: بطيخ..

ضحكت بصوت..

ادم باستظراف: خف شويه يانجم..

جاك: خليك ف حالك انت..

جاكي: ع فكره بقيت رومانسي كتير الايام دي..

جاك: عشان اعجب..

جاكي: امم.. والقميص دا لو اتفتح تاني، هكسرلك عضم صدرك خالص..

جاك بضحك: عنيفه ليه.. وبعدين هو اي قميص بيتفتح كدا..

جاكي: جاك.. مش عايزه استهبال.. ولا اقولك.. تمام.. اطلع انا كمان شعري من الطرحه..

جاك: والمصحف ادفنك..

جاكي: اشمعنى بقا!

جاك: اتلمي.. ادي القميص اتقفل اهو.. بلاش هبل بقاا..

جاكي: ماكان من الاول..

جاك بضحك: بتغير انت ها..

جاكي: هه.. مبغرش ع حد..

جاك: ياشيخه.. دانتي لما لقيتي البت واقفه معايا يوم الخطوبه، عينيكي كانت بتطلع شرار..

جاكي: عشان مياعه وقلة ادب.. ولااا انت عايز تتظبط.. حالك مش عاجبني.. شعرك اللي منزله ع عينك دا.. وفتحة القميص دي.. وعضلاتك اللي مصدرهالنا طول الوقت دي.. وطريقة كلامك دي.. ورفعة حاجبك دي.. كل دا عايز يتظبط من اول وجديد عشان النظام دا ميمشيش معايا.. حلو يابا!

كان قاعد باصصلي وبيضحك..

جاكي: هو انا بقول نكت!.. بتضحك ع اي..

جاك: عايزه تغيريلي شكلي!

جاكي: ايون.. مانا مش همشي معاك وانت بتتعاكس جنبي كدا... وبعدين انا لساني طويل وبشتم.. انا قولتلك اهو..

جاك: انتي شرشوحه ليه.. ع فكره بعد كدا هسميكي شرشوحه... وبعدين بتشتمي الناس اللي كاتبه كلام حلو ع الفيديو ليه!!.. انتي هبله!

جاكي: لا ياخويا انا شتمت اللي كانوا بيعاكسوا..

جاك: ماتخليهم يعاكسوا.. زعلانه ليه..

جاكي: مش بقولك محتاج تتظبط..

بس تمام.. لسه الايام جايه كتير... والمصحف ياجاك لاخليك تمشي تتلفت حواليك..

جاك: اي دا.. انا خوفت.. بتتحولي كدا ليه يخربيتك.. وبعدين انا عملت اي لكل دا...

جاكي: لا حالك مش عاجبني... بقولك اي.. ماتديني فونك..

جاك: نعم ياختي!

جاكي: اديني فونك بقولك..

جاك: هتعمليبه اي..

جاكي: هشوف حاجه بس..

جاك: لا مفيش الكلام داا..

جاكي: جاك.. هات الفون..

جاك: اععع.. امسكي..

جاكي: افتحه..

جاك: اي دا انتي مش هتتفرجي عليه بس!

جاكي: بطل استهبال وافتح الفون..

جاك: امسكي يخربيت دماغك..

خدت منه الفون وقعدت اقلب فيه وفعلا مفهوش حاجه.. انا بس اللي مفتريه شويه...

جاكي: ماشي.. امسك..

جاك: ارتحتي يختي!

جاكي: ايون.. خليني اتطمن انك مش بتخوني..

ادم: ياجماعه اي الملل دا.. ماتقوموا نعمل اي حاجه..

نور: يلا نروح الملاهي..

جاكي: اشطا..

جاك: لازم ملاهي يعني!

نور: ايوا والنبي انا عايزه اروح..

جاك بتردد: ماشي..

روحنا الملاهي وكانت عظمهههه...

جاك: محمد.. خلي بالك منهم.. وانا هستناكوا هنا..

جاكي: اي دا... انت مش هتدخل معانا!

جاك: لا مبركبش الحاجات دي..

جاكي: ليه..

جاك: لا مبحبهاش.. روحي انتي معاهم...

جاكي: لا طبعا مش هدخل من غيرك..

جاك: طب خلاص ادخلي وانا هجيب حاجه وهاجي... روحي هاجي وراكي..

دخلنا وانا حاسه ان في حاجه غريبه...

محمد: هتركبوا اي الاول..

بصيت ع جاك ملقيتهوش... استنيت شويه بس مظهرش..

جاكي: طب محمد.. انا هطلع لجاك وانتوا اركبوا..

ادم: مش هتركبي معانا!

جاكي: لا معلش دايخه شويه..

سيبته وطلعت.. فضلت ابص عليه ولقيته بيتمشى بعيد خالص وف ايده سيجاره...

مشيت عليه لحد ماقربت منه...

جاكي: يعني انت مرضتش تدخل معانا عشان تقف هنا وتشرب سجاير!

جاك: اي اللي طلعك!

جاكي: رد عليا.. انا قولت اي عن السجاير دي..

جاك: وانا قولتلك هحاول..

جاكي: وانت كدا بتحاول!

جاك: جاكي انا بشرب واحده بس ف اليوم..

جاكي: يافرحتي....

جاك: انا كنت بشرب اكتر من خمسه..

جاكي: نعم!!!

جاك: ودا يدل ع اني بحاول عشانك... بسيطر ع نفسي لحد ماخليتها واحده بس...

جاكي: جاك انا خيرتك بيني وبينها..

جاك: جاكي بلاش تعقيد بقاا.. انا مش هقدر ابطلها مره واحده.. لازم تيجي بالتدريج... ولو مشربتش مش ببقاا مرتاح...

جاكي: تمام.. اولع..

سيبته ومشيت وانا اصلا معرفش رايحه فين بس مشيت ع طول وخلاص...

جاك: جاكي.. جاكي استني..

جه يجري ورايا..

جاك: اسمعيني طيب..

جاكي:......

جاك: بصي.. انا بتعب.. مش هتفهمي.. انا لازم اشربها عشان ارتاح..

جاكي: تمام.. وانا قولتلك براحتك.. اشربها..

جاك: اووف... مانا مش عايزك تزعلي مني..

جاكي: وانت عارف ان الحاجه دي بتزعلني...

جاك: حاضر.. هبطلها..

جاكي: اوعدني...

جاك: جاكي ارجوكي.. انا هحاول عشانك.. بس متضغطيش..

كان باين انه متوتر...

جاك: يلا عشان تروحيلهم..

جاكي: احم.. طب انت مش هتدخل معايا!

جاك: لا..

جاكي: لا لي..

جاك: مش عايز.. مش عايز ياجاكي.. ادخلي انتي..

جاكي: ماهو احنا جايين ننبسط... مينفعش تقعد بره لوحدك كدا..

جاك: مش عايز... مش عايز ياجاكي.. افهمي.. انا مبحبش ادخل جوه..

جاكي: ليه..

جاك: من غير سبب ياست.. انا حر.. روحي ادخلي انتي..

سابني وراح قعد ع جنب وبيفرك ف ايده بتوتر...

روحت قعدت جنبه وسكت..

جاك: جاكي روحي ادخلي.. انتي مش جايه عشان تعملي كدا..

جاكي: مش هعمل حاجه من غيرك..

اتنهد بحزن..

جاك: طب يلا ندخل..

دخلنا مع بعض وانا ماسكه ايده

.. واول ماقربنا من الالعاب.. لقيت ايده بتترعش ونظره مش ثابت وعمال يتلفت حواليه..

جاكي: مالك.. في اي..

جاك بتوتر: لا.. لا مفيش..

جاكي: انت بتعرق كدا ليه... طب خلاص تعالى نطلع بره.

جاك: لا.. انا تمام..

جاكي: تعالى بس...

طلعنا بره ويادوب اخد نفسه...

جاكي: مالك.. اي اللي حصل..

جاك: مبحبش الملاهي..

جاكي: بتخاف من المرتفعات يعني!

جاك: ااه.. لا... يعني.. بصي فكك..

جاكي: مالك ياحبيبي في اي.. متوتر كدا ليه...

جاك: بدوخ لما بشوف الحاجات دي..

جاكي: اكيد في سبب... يعني اكيد في حاجه حصلت..

جاك بتوتر: صحابي ماتوا هنا..

ـــــــــــــــــــــــــــــــــــــــــــــــــــــــــــــــ

هند: هي جاكي فين..

ادم: قالت هتخرج لجاك..

نور: ومرجعوش ليه..

ادم: تلاقيهم ضحكوا علينا عشان يسوحونا ويدوروا يلفوا مع بعض...

هند: ع رايك والله..

ـــــــــــــــــــــــــــــــــــــــــــــــــــــــــــــــ

فيروز: وصحيح ابقي اعزمي عماد ومامته..

منى: انتوا عرفتوا عماد منين!

فيروز: ماهم جم هنا عشان يشوفوا مصطفى..

منى: ااه قولتيلي... طيب ابقاا اعزمهم..

عمو احمد: ربنا يعدي الاسبوع دا ع خير عشان انا زهقت والله..

فيروز: امال العيال يعملوا اي.. مبيلحقوش يفرحوا حتى..

منى: هتعدي ع خير ان شاء الله...

فيروز: طب انتوا تقضوا الاسبوع دا معانا بقاا..

منى: لا مينفعش.. هنروح الشقه..

فيروز: واي لازمة الشقه بس!.. كلها اسبوع والعيال يتجوزوا ويمشوا.. يعني قضوا معانا الاسبوع دا وخلاص.. وبعدين البنات طول الاسبوع هيبقوا مع بعض.. يبقى ليه لازمة انهم يروحوا وييجوا كدا كل يوم..

عمو احمد: ايوا معاها حق.. خليكوا هنا..

منى: مش عارفه.. بس جاكي ممكن مترضاش..

فيروز: ملكيش دعوه بجاكي.. انا هخليها توافق..

ـــــــــــــــــــــــــــــــــــــــــــــــــــــــــــــــ

جاكي بصدمه: انت بتقول اي!

جاك: ماتوا هنا.. قدامي..

كان بيتكلم وهو متوتر ع الاخر وايديه بتترعش..

جاك: كنا جايين هنا نتفسح... كنا ٧... خمسه ماتوا... مفضلش غيري انا ومالك.. عشان كدا هتلاقينا غاليين قوي ع بعض..

جاكي: طب.. دا حصل ازاي!

جاك: في لعبه من الالعاب اللي جوه دي.. اتفلتت.. معرفش اي اللي حصل.. انا فوقت ف المستشفى.. ووقتها عرفت ان الكل مات ماعدا احنا..

في جرح كبير ف رجلي.. معرفش شوفتيه ولا لا..

وفي جرح كبير ف دماغي.. لو حلقت هيبان.. دول كانوا اصاباتي.. وقتها اتمنيت لو كنت مت معاهم..

جاكي: بعد الشر.. بس خلاص خلاص.. فك.. تعالى نتمشى كدا

جاك: روحي ادخلي..

جاكي: لا مش عايزه..

جاك بضحك: انتي خوفتي!

جاكي: لا.. مش هعمل حاجه بتإذيك.. يلا بس نتمشى كدا ف روقان قبل ماييجوا...

قعدنا نتمشى وحسيت انه حزين شويه فحاولت افك الوضع...

جاكي: عارف نفسي ف اي دلوقتي!

جاك: اي..

جاكي: اركب عجله..

جاك: عجله!

جاكي: ايون.. ابويا مكنش بيرضى يخليني اركب عجل بحجة اني بنت وكدا... بس انا عايزه اركب..

جاك: حاضر.. هركبك عجله.. نفسك ف اي كمان!

جاكي: امم.. نفسي اركب طياره قووي... يعني نفسي اجرب الاحساس دا..

جاك: معنديش مشكله اركبك طياره دلوقتي حالا.. بس عارف ان محدش هيوافق ع دا... بس بعد مانتجوز هركبك طيارتي..

جاكي: انت عندك طياره!

بصلي وضحك..

جاك: هو انتي مسمعتيش عني خالص!

جاكي: لا.. انا مكنتش اعرفك غير لما جيت هنا.. ووقتها عرفت انك رجل اعمال.. بس مكنتش اعرف ان للدرجادي يعني...

جاك: لا للدرجادي واكتر... وكل دا بلح..

جاكي: بلح!

جاك: ااه.. مش عايز كل دا.. مانا عندي كل دا ومكنتش مبسوط... الموضوع مش موضوع فلوس.. الفلوس متساويش حاجه قدام راحة البال..

جاكي: هو انا بصراحه كنت شايفاك رخم وبارد وتنك وتقيل وشايف نفسك ومتعجرف ولسانك طويل وكِشري ومعقد...

جاك: اي.. هي حنه..

جاكي: لا بجد.. كنت شايفاك حاجه رخمه كدا... بس بصراحه بعد اللي عرفته دا واللي انت شوفته ومخبيه وشايله لوحدك دا فانت معاك حق تبقاا اكتر من كدا...

جاك: يمكن لو معدتش بكل الحاجات دي مكنتش هبقى موجود معاكي دلوقتي او ف مكانتي دي... فكك مني دلوقتي... المهم نفسك نسافر فين..

جاكي: نسافر!

جاك: ايوا.. هو احنا هنتجوز ونقعد ف البيت ع كدا!

ماحنا هنسافر ونتفسح... بصراحه مكنتش بحب الهري دا.. بس حاسس ان هيبقى ليه طعم مختلف معاكي..

جاكي: امم.. نفسي اروح تركيا.. كندا.. كوريا..

جاك: طب انا عندي فكره احسن..

جاكي: اي..

جاك: اي رأيك نقضي شهر العسل ف المالديف..

جاكي: احلف!

جاك بضحك: والله.. انا هكدب عليكي ليه.. المالديف حلوه ومتاكد انها هتعجبك..

جاكي: ياباشاا عاجباني من قبل مااروح..

جاك: خلاص ياست.. نروح وبعد كدا نلف ف كل البلاد اللي انتي عايزاها...

جاكي: هل تدري اني احبك!

جاك بضحك: ادري... كنت عايز نتجوز بكرا.. مش عارف اي حوار الاسبوع الجاي دا..

جاكي: مستعجل ع اي!.. هو انا هطير!

جاك: ممكن... ماهو كل شويه يحصل حاجه تبعدنا.. وانا بصراحه من قادر اكتر من كدا.. نتجوز بس وتبقي مراتي وساعتها والله ماحد هيقدر يوقفني..

جاكي: لي هتعمل اي..

جاك: كل اللي انا عايزه.. ونخرج براحتنا ونروح ونيجي.. ولو امك دي اتكلمت والله اقتلكوا انتوا الاتنين...

جاكي: صحيح.. عملت اي مع نهى!

جاك: انتي متعرفيش!

جاكي: لا

جاك: ف السجن دلوقتي..

جاكي: بتهزر!

جاك: والله ف السجن..متخيله اني هسيبها بعد اللي عملته دا!

جاكي: امم..

جاك: طول مانا معاكي مش هسيب حد يإذيكي واقف اتفرج.. انا ف ضهرك ع طول.. ومعاكي انتي..

ولما تبقي مراتي، محدش ف الدنيا كلها هيقدر يقولك كلمه واحده...

جاكي: ربنا يخليك ليا يابروو..

جاك: المهم.. بكرا تروحي معايا وتختاري الڤيلا اللي تعجبك.. ولو معجبكيش حاجه، ممكن اصمملك اللي ف دماغك...

جاكي: لا مش للدرجادي.. اكيد هيعجبني حاجه يعني..

جاك: تمام.. هاخدك بكرا..

جاكي: اشطا.. يلا نرجع بقاا..

رجعنا لقيناهم مستنيينا...

هند: كنتوا فين!

جاكي: كنا بنتمشى كدا..

نور: يعني انتوا سوحتونا عشان تتمشوا يعني!

جاكي: ايون.. مظبوط..

جاك: يلا طيب عشان اخرنا...

الكل ركب عربيته وروحنا....

فيروز: يلا ياجاكي اطلعي ع اوضتك

جاكي باستغراب: اوضتي!... لي

ماما: مصممه اننا نقضي الاسبوع دا هنا..

جاكي: اي دا.. لا طبعا..

فيروز: هو اي اللي لا... كلها اسبوع وهتسيبونا وتمشوا... وبعدين طول الاسبوع دا هتفضلي مع البنات..

جاك: ايوا ياجاكي.. اطلعي..

جاكي: وفيها اي لما اروح الشقه!

جاك: ومفهاش حاجه بردو لما تفضلي معانا الاسبوع دا..

ماما: خلاص ياجاكي..

جاكي: ماشي..

طلعت اوضتي ونسيت اني مليش هدوم هنا... طب هغير منين انا دلوقتي...

روحت خبطت ع جاك.. وفتح..

جاك بابتسامة: هلا

جاكي: كنت عايزه هدوم..

جاك: يعني اي عايزه هدوم!

جاكي: يعني مش معايا هدوم انام فيها..

جاك: ع فكره في تلات بنات ف البيت.. جيالي انا ليه..

جاكي: لا مانا هلبس من هدومك انت..

جاك: ع فكره زودتيها قوي...

جاكي: مش عاجبك!

جاك: لا عاجبني.. كفايه ان بيبقى ريحتك فيهم.. استني هجيبلك..

دخل يجيب وانا واقفه ابتسم من اللي قاله..

جاك: اتفضلي..

جاكي: شكرا..

جاك: طب.. مفيش اي حاجه كدا!

جاكي: حاجه زي اي..

جاك: اي حاجه كدا.. اي حاجه يعني..

جاكي: تؤتؤ.. مفيش..

جاك: براحتك.. هو اسبوع.. وهتشوفي..

جاكي: بعينك..

سيبته وروحت اوضتي.. غيرت وصليت ونمت..

صحيت تاني يوم ع صوت الموبيل...

بصيت لقيته رانن كتير وباعت مسدجات كتير..

كان بيرن روحت فتحت..

جاكي: بنعس: عايز اي..

جاك:.....

جاكي: جاك عايز اي..

جاك:....

جاكي: ع فكره انا نعسانه.. بطل رخامه..

جاك: صوتك حلو وانتي نعسانه يام عيالي..

ضحكت بصوت..

جاكي: ام اي ياخويا!..

جاك: مانتي ام عيالي فعلا..

جاكي: لا مفيش الكلام دا..

جاك: ليه.. مش هتخلفي!

جاكي: مش هنعرف نربي..

جاك: لا هنعرف.. منعرفش ليه..

جاكي: لما نتربى احنا الاول...

جاك: ماشي ياختي... يلا عشان نروح... بقالي ساعه برن عليكي..

جاكي: لازم دلوقتي يعني!

جاك: معلش معلش.. يلا بس قومي..

جاكي: طب خلاص.. اقفل وانا قايمه اهو..

جاك: ولو نمتي تاني!

جاكي: لا مش هنام..

جاك: لو نمتي هاجي اصحيكي بنفسي..

جاكي: يعم خلاص قومت اهو..

قفلت وقمت صليت ولبست ونزلت...

جاكي: صباح الخير..

فيروز: صباح النور.. يلا اقعدي افطري..

جاك: ساعه!

جاكي: يعم معانا اليوم طويل..

جاك: طب اقعدي افطري خلينا نمشي..

قعدت فطرت ومشينا... روحنا المكتب وقعدنا..

جاك: امسكي اتفرجي..

قعدت اتفرج واي دا... اي الجماال دااا..

جاك: هاا.. مفيش حاجه عجبتك!

جاكي: ياباشاا كلهم حلوين..

جاك: طب اختاري حاجه..

جاكي: مش عارفه.. كلهم حلوين.. بس احنا نجيب واحده صغيره كدا.. يعني مش لازم تبقى كبيره قوي.. كدا كدا هبقى انا وانت بس..

جاك: اوكي.. اختاري اللي تعجبك وتتعمل زي مانتي عايزه..

جاكي: طب تعالى اختار معايا...

ـــــــــــــــــــــــــــــــــــــــــــــــــــــــــــــــ

نور كانت ف اوضتها بتقلب ف الفون..

فجأه فيروز دخلت عليها..

نور: في اي..

راحت ضربتها بالقلم...