رواية قلبي ليس بيدي الفصل الثالث والستون 63 بقلم حسناء مصطفي

بصيت لقيته واقف بيبص من القزاز...

كان بيبصلي وعنيه مدمعه...

جاكي بدموع: جاك... جاك تعالى..

بصلي شويه وبعدين دخل..

حاولت اقوم بس اتوجعت وماما صحت..

ماما: في اي..

جاكي: جاك.. اسمعني..

عينيه كانت حمرا قوي وباصصلي بغضب..

جاك: ليه.. ليه ياجاكي..

جاكي بعياط: والله فاهم غلط..

جاك: اي اللي فاهمه غلط... انا شوفتك ع السرير ف حضنه من غير هدوم..

ماما: انت بتقول اي!

جاك: بتخونيني انا ياجاكي!!.. انا!!

جاكي: اسمعني والله ماحصل حاجه..

جاك بغضب: وانتي كنتي عايزه يحصل حاجه!.. بتخونيني انا مع دا!... بس تعرفي!.. الغلط مش عليكي.. الغلط عليا انا... الكل كان شايفك واحده مش محترمه.. وانا اللي كنت بقول لا... امك وابوكي شافوكي واحده عاه‍***.. وانا اللي وقفت معاكي ودافعت عنك... عملتي عليا الشويتين دول.. وفهمتي الكل ان مش هامك فلوس.. وانتي اصلا كلبة فلوس.. فضلتي معايا عشان فلوسي وروحتي عملتي علاقه مع كلب زيك... انا اللي غبي عشان فكرت انك عوضي بعد اسيل.. طلع اصلا مفيش حد ييجي ضفر اسيل... انتي واحده من الشارع ع رأي مامتك... يوم خطوبتك وروحتي معاه بكل بجاحه.. امال كان بيحصل اي ف الايام التانيه!!... وياترى دي اول مره ولا كان في قبل كدا!!

الكلام كان نازل عليا زي الصاعقه... كنت متنحاله ودموعي بتنزل لوحدها.. وماما واقفه مصدومه..

ماما: اي اللي بتقوله دا!!... انت مجنون!!... انت ازاي تتجرأ تقول لبنتي كدا ياحيوان انت!!

جاك: ياشيخه!!.. طب اساليها كدا كانت فين!!... وليه اختفوا هما الاتنين!!.. ماهي اكيد مقالتش هي كانت فين...

ادم: انت كدا راجل يعني!!... مبسوط من نفسك كدا!!.. بس عارف!.. كويس ان دا حصل عشان تبان ع حقيقتك... انت مبتثقش فيها.. انت لو بتحبها اصلا كنت حاولت تسمع ولو لمره واحده بس...

جاك: اسمع اي.. اسمع اي قولي!!... انا شوفتكوا عريانين وف حضن بعض... هتكونوا بتعملوا اي... بتلعبوا!!!... انتوا ناس وسخه... متستاهلوش اي حاجه... وانتي.. وشك مشوفهوش تاني.. عشان صدقيني مش هرحمك... رجلك متعتبش الڤيلا تاني... انتي فاهمه!!

عمو احمد ومحمد كانوا دخلوا ع صوته...

جاك: خليكي مع اللمامه اللي شبهك.. انا الغلطان اني نزلت نفسي لمستواكي... انتي واحده غبيه ووسخه.. عشان كدا فهمتيني انه اخوكي.. عشان تعرفي تقربي منه قدامي براحتك.. وانا زي الغبي مش فاهم حاجه..

عمو احمد قرب منه وضربه بالقلم...

عمو احمد: اللي قولته كفايه قوي... اي الوساخه اللي انت فيها دي!!... ازاي تقول عليها حاجه زي كدا..

جاك: انت بتضربني!!!...هه.. طب ع الاقل اسألها كانت بتعمل اي معاه ع السرير...

ماما: اخرس... اخرس ياحيوان... بنتي اشرف منك..

جاك: ياشيخه!!... مش دي اللي كنتي فاكره اني كنت بدفعلها!!...دلوقتي بقت شريفه!!!

عمو احمد: امشي.. امشي ياجاك انت شكلك شارب..

جاك: انا فعلا شارب... انا شارب كل حاجه.. بس كويس اني عرفتك ع حقيقتك قبل ماتدبس فيكي...

سابني ومشي وانا مش مصدقه اللي بسمعه... كنت منهاره من العياط..

ادم: جاكي.. جاكي اهدي.. ميستاهلش..

ماما: هو اي اللي ميستاهلش.. اي اللي بيقوله دا!!

ادم: متصدقيهوش.. دا بيقول اي كلام..

ماما: وهو هيقول كدا ليه!!... هيقول عليكي كدا ليه!

جاكي: بسي بقاا.. اسكتي..

ــــــــــــــــــــــــــــــــــــــــــــــــــــــــــــــ

جاك كان ماشي ف الشارع وحاطط ايده ف جيبه ولابس الطاقيه ووشه مش باين... كان ماشي بسرعه ودموعه بتنزل وهو باصص ف الارض...

خبط ف راجل معدي والحاجات اللي معاه وقعت..

ـ مش تاخد بالك يابني!

جاك: معلش.. انا اسف..

لم معاه الحاجات وبعدين مشي...

راح وقف ع البحر وكان في ناس قاعده... قعد ف حته بعيده لوحده وافتكر كل اللي حصل...

ـ يابني..

جاك:...

ـ يابني..

جاك: هاا.. نعم..

ـ مالك ياحبيبي.. زعلان كدا ليه..

كانت ست كبيره ف السن... لاحظت انه قاعد لوحده وزعلان...

بصلها وعنيه كلها دموع...

جاك: مفيش..

ـ طب اعتبرني زي امك.. وقولي اي مضايقك كدا ومخليك مش قادر تسيطر ع دموعك..

جاك بصلها ورجع بص للبحر تاني..

ـ امم.. يمكن اقدر اساعدك... وبعدين مفيش حاجه تستاهل الحزن اللي ف عنيك دا كله..

جاك: حبيبتي..

ـ مالها..

جاك: خانتني...

ـ ااه.. ودا اللي مزعلك للدرجادي!

جاك: هي دي مش حاجه تزعل!!

ـ لا تزعل طبعا... بس انت باين عليك بتحبها قوي..

جاك: كنت..

ـ لا.. لسه بتحبها.. لو مكنتش بتحبها مكنتش قعدت القعده دي..

جاك: مبقتش تفرق..

ـ تفرق يابني... شوفتها بعنيك وهي بتخونك!

جاك: ايوا.. كانت ف حضن واحد تاني..

ـ هو انا مقدرش ادافع عنها.. بس كمان مش كل حاجه بنشوفها بتبقى حقيقه... طب هي بتحبك!

جاك: كانت مفهماني انها بتحبني..

ـ يمكن انت غلطان..

جاك: وليه مش هي!

ـ مش عارفه.. بس حاسه انك فاهم غلط... ماهو مفيش واحده هتشوف واحد بيحبها الحب دا كله وتروح تخونه..

جاك: فهمتني انه اخوها ف الرضاعه... كانت بتكدب عشان تعرف تقرب منه قدامي..

ـ مش يمكن اخوها فعلا!....

جاك: اخوها وهتنام معاه!

ـ يابني مش يمكن ظالمها!

جاك: خانتني معاه يوم خطوبتنا...

ـ انا بشبه عليك.. مش عارفه شوفتك فين..

بصلها وبص للبحر بلا مبالاه.

ـ هو انت اللي كنت بتغني مع بنت كدا وفي لمه حواليكوا!

جاك: ايوا..

ـ وكنتوا بتغنوا لام كلثوم!

جاك: ايوا.. بس دا اي علاقته باللي بقوله!

ـ وانت بردو صاحب الفيديوا اللي كنتوا بترقصوا فيه مع بعض بالليل ع البحر... لو دا انت فعلا، فانا بقولك انت اكيد غلطان... بنتي جت ورتني الفيديو وكانت مبسوطه بيه جدا.. وكمان بتقولي ربنا يرزقني بواحد عسل زيه كدا... وكمان نظراتكوا لبعض وانتوا بتغنوا، مستحيل تكون مش حقيقه... واضح انها بتحبك جدا.. حاول تديها فرصه... او ع الاقل اسمع منها... لو طلعت ظالمها ومحاولتش تصلح اللي حصل، هتخسرها.. وانا واثقه انها بتحبك قوي... ربنا معاك يابني..

سابته وقامت...

وهو قعد يفكر ف كلامها وبعدين ركب عربيته ومشي...

وصل عند الڤيلا وركن راسه ع الكرسي واتنهد...

جه ف باله الفيديو اللي قالت عليه...

طلع فونه ودور ع الفيديو ولقاه...

قعد يتفرج عليه ولا اراديا كان مبتسم طول الفيديو...

الفيديو كان منتشر جامد وجايب مشاهدات عاليه وناس كتير كاتبه كلام حلو... زي

"حلو التلميح بالاغاني ياجماعه والله"

"ربنا يرزقني بحد يرقص معايا كدا وميهموش حد"

"اهو دا الفيديو اللي قادر يظبط مودك"

"لايقين ع بعض قوي ماشاء الله"

"حبيت ام كلثوم لما سمعتكوا والله"

"فهمت معنى الاغنيه، وكل كلمه لمست قلبي كإنها بتتقالي انا"

"مفيش اغاني شغاله وبيرقصوا... بس الواضح انهم بيرقصوا ع دقات قلبهم"

قعد يقلب ف الكومنتس ويبتسم...

ـــــــــــــــــــــــــــــــــــــــــــــــــــــــــــــــ

عدا كذا يوم واحنا ف المستشفى وماما روحت الڤيلا ولمت حاجتنا وودتها الشقه اللي كنت قاعده فيها...

ماما: يلا يابنتي...

روحت معاها وادم اتنقل بيته....

فيروز: يعني انا مش فاهمه اي علاقة اللي حصل بإنكوا تمشوا..

ماما: بعد اللي جاك قاله دا مستحيل نعتب بيتكوا تاني..

فيروز: يامنى اكيد في حاجه غلط..

جاكي: لو سمحتي يافيروز... مينفعش نرجع تاني..

فيروز مشت هي ومحمد وانا دخلت اوضتي وفضلت اعيط...

ماما دخلت..

ماما: مش ناويه تفهميني!

جاكي: عايزه اي انتي كمان!!.. شاكه فيا زيهم!

ماما: لا انا مش شاكه فيكي.. انا عايزه افهم اي اللي حصل..

جت قعدت جنبي وخدتني ف حضنها...

ماما: بس بطلي عياط... انا عايزه افهم عشان اعرف ادافع عنك..

قعدت حكيتلها كل حاجه...

ـــــــــــــــــــــــــــــــــــــــــــــــــــــــــــــــ

منه: انت كويس دلوقتي!

ادم: الحمد لله..

دلال: وهتعمل اي ف امتحاناتك اللي بعد اقل من شهر دي..

ادم: هحاول اذاكر...

منه: انا مبقتش فاهمه اي اللي بيحصل دا.. وبعدين انت روحت فين انت وجاكي!

دلال: بس يامنه... بس.. روحي شوفي مذاكرتك..

ـــــــــــــــــــــــــــــــــــــــــــــــــــــــــــــــ

ماما: ومين يابنتي بس اللي هيعمل كدا..

جاكي: معرفش.. انتي مصدقاني!

ماما: مصدقاكي طبعا.. وكمان ادم اخوكي.. اكيد مش هتعملي كدا مع اخوكي... انا قلبي كان حاسس.. قولتلك هييجي يوم وهيكسر قلبك.. مصدقتنيش..

جاكي بعياط: بس انا بحبه... هو اكيد مش واعي هو بيعمل اي..

ماما: نعم ياختي!!.. دا حاول يقتلك.. وكمان جه وقالك كلام وسخ قدام الكل... وبتدافعي عنه!!... انتي هتسامحيه!!

جاكي: هو انا ليه بيحصل فيا كدا... انا عملت اي لكل دا..

ماما: اعتبريه درس... قولتلك متآمنيش لأي راجل.. كلهم زي بعض والله... دلوقتي بقاا تنتبهي لمذاكرتك عشان امتحاناتك وتركزي ف حياتك وتطلعيه من دماغك خالص... متوقفيش حياتك عليه..

فجأه الباب خبط...

طلعت فتحت واتفاجئت...

ماما: نهى!

نهى: مساء الخير.. جيت اتطمن ع السنيوره بتاعتنا...

زقتها ودخلت...

طلعت ع صوتها..

جاكي: انتي بتعملي اي هنا!

نهى: عامله اي ياروحي... اتمنى تكوني كويسه..

جاكي: اطلعي بره..

نهى: همشي ياختي.. انا مش ميته عليكوا.. انا بس جيت اقولك كلمتين.. انا حذرتك قبل كدا من اللعب معايا.. وقلتلك تبعدي عنه.. وانتي مشيتي ورا دماغك.. فمتلوميش غير نفسك..

جاكي: انتي اللي ورا كل دا..

نهى: ومين غيري.. ياحبيبتي انا اقدر اعمل اي حاجه ممكن تخطر ف بالك...

ماما: حسبي الله فيكي ياشيخه... غوري اطلعي بره.. خلاص ياختي.. بنتي طلعت من حياتكوا كلكوا... يلا اتفضلي بره..

سابتنا ومشت وانا قعدت اعيط..

ماما: بس يابنتي.. مش ذنبك حاجه...

ـــــــــــــــــــــــــــــــــــــــــــــــــــــــــــــــ

عدى اسبوعين بصعوبه نوعا ما.. بس حاولت اقاوم عشان امتحاناتي... بنزل اروح جامعتي وارجع ع البيت ع طول...

وساعات اروح اذاكر لادم عشان مكنش بيقدر يروح الجامعه...

الدنيا مشت كويس نوعا ما.. وجاك مختفي ومشفتوش من يومها...

هاجر: هتروحي!

جاكي: ايوا مش قادره.. هروح اكل عشان انا ميته حرفيا..

ـ جاكي..

بصيت ورايا واتصدمت...

جاكي: جاك!!

جاك: ممكن اتكلم معاكي شويه!

جاكي: عن اذنك...

كنت ماشيه راح مسك ايدي..

جاك: استني..

جاكي: ايدك لو سمحت..

جاك: ممكن تسمعيني!

جاكي: لا مش ممكن.. ولو سمحت امشي..

جاك: طب تعالي نتكلم بره.. عشان هنا الكل بيبص..

بصيت لقيت البنات كلها باصين عليه والولاد كمان.. حسيت بغيره نوعا ما.. بس كدبت احساسي.. هو مبقاش يهمني..

جاكي: مفيش كلام بيني وبينك..

جاك: مش هاخد من وقتك كتير..

جاكي: اسمع.. انا طلعت من حياتكوا.. ياريت انت كمان تطلع من حياتي.. وياريت تنساني بقا...

سيبته ومشيت...

ادم: هو دا جاك!

جاكي: ايوا..

ادم: وبيعمل اي هنا!

جاكي: عايز يتكلم معايا.. لسه مشبعش اهانه..

ادم: مش يمكن عرف الحقيقه!

جاكي: حتى لو عرف الحقيقه... مبقاش يلزمني خلاص..

خلصت اليوم وروحت...

جاكي: ماما... مامااا انتي فين...

دخلت لقيتها قاعده مع جاك...

جاكي: انت بتعمل اي هنا!

ماما: انا داخله عند ابوكي..

جاكي: استني بس.. دا بيعمل اي هنا!!

جاك: انا هقولك بعمل اي هنا..

ماما سابتني ودخلت وانا قعدت قدامه..

جاكي: نعم!!.. لسه مخلصتش اهانه!

رد وعينيه ابتدت تتملي دموع..

جاك: انا اسف.. عارف اني غلطت جامد.. بس.. عندي امل انك هتسامحيني..

جاكي: هه.. ومين اداك الامل دا!

جاك: دا... "شاور ع قلبه"..

جاكي: لا متصدقوش..

جاك: جاكي.. جاكي انا اسف.. انا عرفت الحقيقه.. بس يعني حطي نفسك مكاني..

جاكي بتريقه: وحقيقة اي بقاا اللي عرفتها!

جاك: محمد اللي كان السبب... هو ونهى وسما..

جاكي: وعرفت منين!

جاك: محمد قالي.. قالي وفهمني كل اللي حصل..

جاكي: يااه.. بنفسه!

جاك: انتي كنتي عارفه!

جاكي: طبعا عارفه.. مامتك جتلي لحد هنا بنفسها عشان تقولي ان خطتها نجحت...

جاك: انا اسف.. عارف اني غلطت.. مش هتسامحيني!..

كان بيكلمني بكسره قوي وعينيه مليانه دموع وصعب عليا... بس بردو.. مقدرش انسى اللي قاله..

جاكي: عارف!.. انا كان ممكن اسامحك ع انك ضربتني بالسكين...

بس مش ممكن اسامحك ع الكلام اللي قولته..

جاك: مش هقولك اني مكنتش واعي.. بس هقولك اني كنت مجروح... مكنتش مصدق انك ممكن تعملي فيا كدا بعد ماسلمتك قلبي..

جاكي: انت شايف اني واحده مش محترمه ومش كويسه وبيتدفعلي فعلا...

جاي ليه دلوقتي!

جاك: لا.. انتي انضف حد انا قابلته ف حياتي... انا اللي مفهمتش... وجاي بعتذرلك وبقولك اطلبي اي حاجه وانا اعملها مقابل انك تسامحيني..

جاكي: بردو لسه شايف اني عايزه فلوسك!

جاك: لا.. مش شايف كدا.. جاكي انا بحبك.. والله العظيم بحبك..

جاكي: خليك هنا ثواني..

سيبته ودخلت.. شويه وطلعت..

جاكي: اتفضل..

جاك: اي دا..

جاكي: دا الدهب والالماز اللي جبتهم... ملهومش لازمه معايا..

جاك: يعني اي..

جاكي: يعني اتفضل.. حاجتك اهي.. وبالمناسبه.. من ساعة اللي حصل وهما متشالين... يعني متقلقش.. متعايقتش بيهم ولا حاجه...

جاك: اديني فرصه واحده حتى..

جاكي: جاك لو سمحت اخرج..

بصلي بزعل واضح ومشي...

وانا دموعي نزلت وماما طلعت حضنتني...

ماما: لو عايزه تديله فرصه اديله... مكنتش اعرف انه بيحبك كدا..

جاكي: مينفعش... بعد اللي اتقال مينفعش... وبعدين انتي ازاي تدخليه هنا!

ماما: اترجاني يابنتي.. لدرجة ان دموعه نزلت وهو بيحاول يقنعني انه يرجعلك... قطع قلبي والله... كان مضحوك عليكوا انتوا الاتنين.. اديله فرصه ياجاكي..

جاكي: غير رأيك ازاي كدا!

ماما: لو كنتي شوفتي حالته وهو بيترجاني كنتي هتعرفي ليه غيرت رأيي.. دا بيحبك بجد.. انتي مش شايفه شكله بقاا عامل ازاي من الزعل!...

جاكي: انا داخله اوضتي..

دخلت غيرت وطلعت اكلت معاهم وبعدين دخلت اتوضيت وصليت..

وقعدت اذاكر عشان امتحاناتي خلاص...

فجأه جتلي مسدج...

طنشت ومفتحتش عشان اكمل مذاكره..

بس فضل يجيلي مسدجات كتير ورا بعض...

فتحت لقيته جاك...

جاك: جاكي..

جاك: جاكي عايز اتكلم معاكي لو سمحتي..

جاك: طب اديني فرصه واحده..

جاك: جاكي والله ماهسيبك.. انتي ليا مهما حصل..

جاك: طب بصي.. اطلبي اي حاجه وانا هنفذها دلوقتي حالا.. انا مستعد اعمل اي حاجه عشان تسامحيني... حتى محمد خد جزاءه... جاكي بالله عليكي سامحيني..

قفلت الفون ومردتش عليه... كملت مذاكره وهو لسه بيبعت مسدجات...

خلصت مذاكره وقعدت ف البلاكونه وشغلت ام كلثوم.. بس المرادي حزين...

ـــــــــــــــــــــــــــــــــــــــــــــــــــــــــــــــ

انا قاعده ف البلاكونه وحزينه وجاك ماشي ف الشارع وحاسس بنفس الحزن... وام كلثوم بتوصف حالتنا..

"فات الميعاد.... وبقينا بعاد.. بعااااد..

والنار.. النار النار بقت.. النااار دخااان.. ورماد...

فات المعاد...

تفيد ف بإيه ياندم ياندم ياندم... وتعمل اي ياعتاب...

طاالت.. ليالي.. ليالي ليالي الالم طالت..

واتفرقوا الاحباب.. اتفرقوا..

وكفايه بقاا... تعذيب وشقى..

ودموع ف فراق.. ودموع ف لُقى..

تعتب عليا ليه.. انا بإيديا اي!..

فاات المعاد فات.. فات المعاد..

ياما..

ياما كنت اتمنى اقابلك بابتسامه..

او بنظرة حب.. او كلمة ملامه..

بس انا نسيت الابتسام.. زي مانسيت الالام..

والزمن بينسي حزن وفرح ياما..

ان كان.. على الحب القديم..

ان كان.. على الجرح الاليم..

ستاير النسيان..

نزلت بقالها زمان...

وان كان.. على الحب القديم وآساااه..

انا نسيته اناا..

ياريت كمان تنساااه..

تفيد بإيه.. ياندم ياندم..

وتعمل اي.. اي ياعتاب..

الليل.. الليل الليل..

ودقة الساعات تصحي الليل..

الليل..

الليل الليل..

وحرقة الاهآت ف عز الليل..

وقسوة التنهيد..

والوحده والتسهيد..

لسه ماهومش بعيد.. لسه ماهومش بعيد..

وهاتلي قلب..

لا داب ولا حب..

ولا انجرح ولا شاف حرمان..

من ناري.. وطول لياليا..

وفرحة العزال فيا.. من قسوتك وانت حبيبي..

حبيبي.. حبيبي ياحبيبي... وقسوة الدنيا عليا..

بيني وبينك هجر وغدر وجرح ف قلبي داريته..

بيني وبينك.. ليل وفراق وطريق انت اللي بديته..

وكفايه بقااا... تعذيب وشقى.. ودموع ف فراق.. وموع ف لقى...

الاغنيه خلصت وفجأه جالي مسدج..

فتحت لقيت جاك باعتلي ڤويس طويل.. كنت متردده اسمعه.. بس كان واحشني صوته.. فتحته لقيته بيغني فيه...

جاك: أنت يا جنة حبي و اشتياقي و جنوني

أنت يا قِبلة روحي و انطلاقي و شجوني

أغدا تشرق أضواؤك في ليل عيوني!

آه من فرحة أحلامي و من خوف ظنوني

كم أناديك و في لحني حنين ودعاء

آه رجائي أنا كم عذبني طول الرجاء

أنا لو لا أنت لم أحفل بمن راح وجاء

أنا أحيا لغدٍ آن بأحلام اللقاء

فأتِ أو لا تأتي أو فإفعل بقلبي ما تشاء

أغدا ألقاك!

هذه الدنيا كتاب أنت فيه الفكر

هذه الدنيا ليال أنت فيها العمر

هذه الدنيا عيون أنت فيها البصر

هذه الدنيا سماء أنت فيها القمر

فإرحم القلب الذي يصبو إليك

فغدا تملكه بين يديك

و غدا تأتلف الجنة أنهارا و ظلا

و غدا ننسى فلا نأسى على ماض تولى

و غدا نسهو فلا نعرف للغيب محلا

و غدا للحاضر الزاهر نحيا ليس إلا

قد يكون الغيب حلواً

إنما الحاضر أحلى

أغدا ألقاك؟!

الڤويس خلص وفي ابتسامه هبله ع وشي.. عاندت قلبي وقومت نمت...

صحيت تاني يوم وروحت الجامعه...

ادم: جاكي.. عايزك..

روحت قعدت معاه بعيد..

جاكي: في اي..

ادم: جاك..

جاكي: ماله..

ادم: جالي..

جاكي: ليه..

ادم: اعتذرلي عن اللي حصل.. وانا بصراحه سامحته..

جاكي: هو انت مجنون!.. انت كنت هتموت..

ادم: باين عليه انه ندمان ياجاكي.. الندم باين ع ملامحه.. انتي مشوفتيش ملامحه عامله ازاي دلوقتي..

جاكي: طب شاطر.. قلبك ابيض..

ادم: عايزك تسامحيه انتي كمان.. هو كان مضحوك عليه زينا ياجاكي.. وانا حطيت نفسي مكانه.. ازاي ادخل الاقي حبيبتي ف حضن واحد تاني ويوم خطوبتنا كمان... دا غير ان محاولاتنا ف اننا نستفزه ونخليه يغير، اكيد اكدت دا ليه... جاكي سامحيه..

جاكي: انا مش فاهمه في اي... رأيكوا اتغير ف يوم وليله ليه!!... هو عرف يضحك عليكوا كدا ازاي!

ادم: مش هيسيبك... هيفضل وراكي لحد ماتسامحيه... وانا من رأيي تنسي اللي حصل.. عدى وقت طويل..

جاكي: يلا ياادم عشان المحاضره...

ـــــــــــــــــــــــــــــــــــــــــــــــــــــــــــــــ

عمو احمد: جاك مرجعش!

فيروز: لسه..

عمو احمد: مش مصدق ان محمد يعمل كدا..

فيروز: ولا انا.. دا كان بيحبها قوي.. ازاي تهون عليه..

عمو احمد: انتي كنتي عارفه انه بيحبها!

فيروز: سألته قبل كدا وهو مكنش متأكد.. وانا عرفت انه بيلعب مش اكتر.. ومحمد ملوش ف الجد.. عشان كدا نسيت الموضوع دا..

ـــــــــــــــــــــــــــــــــــــــــــــــــــــــــــــــ

خلصنا المحاضره وكنا طالعين... لقيت عربيه واقفه بره ومكتوب عليها بحبك وجاك واقف مستنيني اخرج..

وقفت مصدومه شويه كدا والكل واقف يتفرج..

جاك: مش هتسامحيني بقا!

جاكي: اي اللي انت عامله دا!

جاك: قولتلك مش هسيبك.. وانا عايز الناس كلها تعرف اني بحبك..

جاكي: الكل بيبص علينا.. لو سمحت بطل هبل وامشي..

مشيت من قدامه خطوتين وبصيت لقيته اتكلم بصوت عالي..

جاك: ياجماااعه... احضرونا... انا دلوقتي بحب الاخت دي.. ومقدرش استغنى عنها.. وانا عارف اني زعلتها.. وزعلتها جامد كمان.. ياريت توجبوا مع اخوكوا وتقنعوها...

لقيت البنات كلها بتقولي خلاص بقاا.. سامحيه.. دا بيحبك قوي..

جاكي: جاك بطل جنان وامشي..

جاك: اي ياشباب!.. ساعدوني حتى..

لقيت الشباب كلها بتسقف وتقول بصوت عالي.. "سامحيه.. سامحيه.."

جاك: يلا بقاا..

جاكي: لا ياجاك.. لا بردو.. مش هرجعلك.. يابتاع مايا..

لفيت وشي وانا بمنع ابتسامتي ومشيت...

قعد يلعب ف شعره بقلة حيله...

جاك: خلاص ياشباب.. شكرا..

روحت البيت وانا حاسه اني نوعا ما مبسوطه..

جاكي: مامااااا... جعاااانه... انتي فين!!

ماما: يخربيت صوتك.. ادخلي غيري على مااحط الاكل..

دخلت غيرت وصليت وطلعت...

بابا: عامله اي يابنتي دلوقتي!

جاكي: كويسه يابابا...

بابا: ركزي ف امتحاناتك ومزاكرتك..

جاكي: حاضر..

خلصت اكل ودخلت اذاكر..

الليل حل عليا وانا لسه مكاني...

ـــــــــــــــــــــــــــــــــــــــــــــــــــــــــــــــ

هند: ليه يامحمد تعمل كدا..

نور: حرام عليك يااخي.. هي جاكي ناقصه!

محمد: مش عارف عملت كدا ازاي..

نور: امال مين اللي يعرف!.. يعني استفدت اي انت دلوقتي!.. هي ضرتك ف اي!

محمد: بحبها..

هند بصدمه: بتحبها!!!... انت بتقول اي!

نور: محمد.. دي خطيبة جاك..

محمد: بحبها من قبل ماجاك يشوفها.. حبيتها اكتر من نفسي.. وف الاخر جه خدها مني... زي ماكل حاجه بتتاخد مني..

هند: لا يامحمد.. هو مخدهاش.. هي مش نصيبك.. لو نصيبك مكنش حد هيقدر ياخدها منك..

محمد: عارف اني غلطت.. واديني صلحت غلطي وروحت اعترفتله بكل حاجه.. واديكوا شايفين هو عمل فيا اي.. كسر عضمي كله..

هند: ع الله بس يقدر يصالحها..

ـــــــــــــــــــــــــــــــــــــــــــــــــــــــــــ

كنت لسه بذاكر وفجأه سمعت صوت حد بيغني...