رواية قلبي ليس بيدي الفصل الثاني والستون 62 بقلم حسناء مصطفي

شاف المسدج واتصدم والدم غلي ف عروقه...

جاك: لا لا.. مستحيل.. مستحيل دا يكون صح.. دا اكيد حد عايز يعمل مشاكل... فضل يفكر مع نفسه ويعارض افكاره وف الاخر مقدرش يصبر ومشي ع طول...

ـــــــــــــــــــــــــــــــــــــــــــــــــــــــــــــــ

ماما: هتكون راحت فين دلوقتي!

فيروز: خير ان شاء الله.. اكيد راحت مع ادم هنا ولا هنا وهيرجعوا دلوقتي..

ماما: لا انا مش متطمنه... حاسه ان في حاجه..

هند: لا خير.. خير ياطنط ان شاء الله..

ـــــــــــــــــــــــــــــــــــــــــــــــــــــــــــــــ

طول الطريق يكدب تفكيره.. اكيد غلط.. اكيد مفيش حاجه... ان شاء الله مش هتكون هناك...

نزل من العربيه ومشي شويه وهو قلبه بيدق جامد وبيدعي ان دا يكون مش حقيقي... واتفاجئ لما شاف عربية ادم تحت... مسك اعصابه وطلع... خبط ع الباب بس محدش فتح... فضل يخبط وهو متردد.. وبردو محدش فتح...

ف الوقت دا كنا بدأنا نفوق ومفعول المنوم بيتلاشى...

كسر الباب ودخل..دور ف الشقه بس مكنش في حد..

كنت شايفه حد قريب مني بس مش قادره افتح عيني ومش واعيه...

جاك دخل اوضة النوم وهو قابض ايده وعروقه هتنفجر...

فتح الباب بقوه وانا اتخضيت...

بصلنا بصدمه واحنا اصلا مش شايفين ولا واعيين لحاجه...

فتحت عيني لقيته واقف وعمال يعرق وبيتنفس بصوت وزي مايكون بيتحول وشكله مرعب...

ادم كان لسه بيفوق..

اول ماوعيت للمنظر بعدت عن ادم بسرعه وغطيت نفسي ودموعي نزلت وانا بحاول استوعب دا حصل ازاي... الدنيا كانت مشوشه نوعا ما قدامي..

جاك بصدمه: ازاي!

جاكي: جاك... جاك اسمعني..

راح ضربني بالقلم بكل قوته لدرجة اني طرت من قدامه ووقعت بعيد....

راح مسك ادم وبكل غضب وعصبيه وفضل يضرب فيه وادم اصلا لسه مش واعي لحاجه....

فضلت اصوت واحوشه عنه...

جاكي: جاك.. جاك والله انت فاهم غلط.. جاك..

سابه ومسكني من رقبتي وخبطني ف الحيطه...

جاك بعدم وعي: روحك هتطلع ف ايدي دلوقتي..

كان بيخنقني لدرجة انه كان رافعني بإيده من ع الارض...

ادم جه من وراه وزقه وهو دايخ...

سابني فوقعت ع الارض.. وكمل ضرب فيه وفضل يخبطه ف الحيطه لحد مابقى وشه كله دم...

جاكي: جاك حرام عليك سيبه... جاك والله فاهم غلط..

بصلي بغل وسابني وطلع... دخل تاني ورفع ايده وهو ماسك سكينه...

ـــــــــــــــــــــــــــــــــــــــــــــــــــــــــــــــ

عمو احمد: طب هو جاك اتأخر ليه... رنوا عليه..

نور رنت بس كان مقفول..

نور: مقفول هو كمان...

هند: يعني هيكونوا راحوا فين!..

محمد: انا هطلع اشوفه...

منه: ربنا يستر....

ـــــــــــــــــــــــــــــــــــــــــــــــــــــــــــــــ

جاكي: جاك لا.. جاك محصلش حاجه.. جاك..

زقني بعيد وغرز السكينة ف بطن ادم وانا كنت بصوت...

جاكي بصدمه: انت عملت اي.. مات!

رفع وشه وبصلي وعنيه حمرا دم... مسك السكينه وقرب مني.. وانا برجع لورا..

جاكي: جاك لا... جاك.. جاك فوق...

ضربني ومسكني من شعري ووقعني ع الارض... رفع السكينه وانا بصوت...

جاك: ليه.. ليه.. ليه عملتي كدا...

راح غرزها ف كتفي...

احنا الاتنين واقعين ع الارض والدم مغرق المكان وجاك هدومه وايده كلها دم...

فضل يبصلنا بغضب وسابنا ومشي....

ـــــــــــــــــــــــــــــــــــــــــــــــــــــــــــــــ

الناس كانت سامعه صوت الصويت... دخلت لقتنا مرميين ع الارض...

طلبوا الاسعاف ونقلونا المستشفى...

محمد قرب من المكان عشان يعرف اي اللي حصل وشاف الاسعاف وهي بتنقلنا..

كان مصدوم ومش مصدق ان دا حصل...

رجع تاني البيت...

فيروز: ها عملت اي..

محمد بتوتر: لا.. لا ملقيتهومش..

ماما: يعني اي.. البت راحت فين!

عمو احمد: خلاص ياجماعه... جاك طلع يشوفهم واكيد هييجوا مع بعض يعني...

ـــــــــــــــــــــــــــــــــــــــــــــــــــــــــــــــ

جاك كان سايق بسرعه جنونيه ومش واعي لحاجه وملامحه كلها غضب...

فضل سايق لحد ماوصل الڤيلا بتاعته....

دخل الڤيلا وطلع اوضته ومسك صورة اسيل ودموعه نزلت...

ـــــــــــــــــــــــــــــــــــــــــــــــــــــــــــــــ

حد من الناس اللي ودونا المستشفى خد الفون ورن ع اخر رقم موجود...

ندى: الو.. مين

ـ صاحبة الموبيل دا ف المستشفى..

ندى بصدمه: انت بتقول اي..

ـ حضرتك احنا لقيناها مقتوله هي واحد معاها ف الشقه..

من الصدمه الفون وقع من ايدها...

نور: في اي..

ماما: مالك يابنتي.. متنحه كدا ليه!

ندى: جاكي..

فيروز: مالها..

ندى: مقتوله..

ماما: يالهوي.. انتي بتقولي اي..

نور خدت الفون وردت..

نور: ايوا مين حضرتك..

ـ انا اللي نقلتها المستشفى... ودا عنوان المستشفى ****

نور: طب احنا جايين حالا..

عمو احمد: قالك اي..

نور: بيقول انها ف المستشفى..

ماما بعياط: مستشفى اي.. انتي بتقولي اي.. بنتي ف المستشفى بتعمل اي!

ندى: لقوها مقتوله ف الشقه مع واحد..

فيروز: واحد مين.. اوعى يكون ادم..

دلال: يالهوي.. يالهوي يالهوي.. قالك المستشفى فين!

نور: في ***

دلال: انا رايحه..

عمو احمد: يلا يامحمد...

ركبوا العربيه وطلعوا ع المستشفى...

دخلوا بسرعه...

عمو احمد: لو سمحتي.. في اتنين لسه جايين هنا.. ف قتل تقريبا..

ـ ايوا يافندم في شاب وبنت جم هنا من شويه...

عمو احمد: طب هما فين!

ـ ف العمليات فوق..

طلعوا يجروا... لقوا واحد واقف...

محمد: انت اللي كلمتنا ف الفون!

ـ ااه انتوا تبع البت المقتوله!

فيروز: ايوا احنا.. هي فين يابني!

ـ هما دخلوهم جوا ولسه محدش خرج.. عن اذنكوا...

سابهم ومشي...

ماما: يعني اي!!.. يعني انا بنتي اتقتلت!!!... انتوا بتقولوا اي!!!

فيروز: اهدي يامنى... اهدي ان شاء الله خير..

ماما بعياط: يالهوي عليكي يابنتي.. انا كنت حاسه.. انا قلبي كان بيقولي ان في حاجه غلط.. ملحقتيش تفرحي ياقلب امك...

هند: ياطنط بس بقا والنبي... ان شاء الله هتقوم بخير..

دلال: ومين عمل فيهم كدا!!..

الدكتور طلع...

عمو احمد: طمنا يادكتور...

الدكتور: البنت الحمد لله كويسه... الاصابه كانت ف كتفها... بس الولد..

دلال: ماله... الولد ماله..

الدكتور: حالته صعبه... مكان الاصابه صعب...

دلال: انت بتقول اي.. بتقول اي انت..

منه: اهدي ياماما.. هيفوق والله..

عمو احمد: طب احنا ينفع نشوفهم!

الدكتور: الولد لازم يعدي عليه ٢٤ ساعه.. عشان نشوف اي اللي ممكن يحصل... اما البنت فانتوا شويه بس تكون فاقت وتدخلوا تشوفوها...

الدكتور مشي وهما قاعدين يعيطوا ويندبوا...

عدى الوقت وكنت انا بدأت افوق... لقيتهم جنبي..

جاكي بتعب: جاك...

ماما: الحمد لله يابنتي..حاسه بإي دلوقتي..

جاكي بعياط: ماما جاك فين!

ماما: معرفش يابنتي.. المهم انتي.. اي اللي عمل فيكي كدا..

جاكي: انا عايزه جاك.. ماما والنبي هاتيه..

فيروز: هييجي ياحبيبتي... قوليلي بس مين عمل فيكوا كدا.. وكنتوا بتعملوا اي هناك!

جاكي بعياط: معرفش.. معرفش اي اللي حصل...

عمو احمد: كفايه ياجماعه كلام عشان متتعبش.... استنوا اما تفوق شويه....

طلعوا قعدوا بره وماما قعدت معايا..

ماما بعياط: وقعتي قلبي عليكي... ليه كدا بس..

جاكي: ماما... هاتيلي جاك... انا عايزه اشوفه... هيعمل حاجه ف نفسه...

ماما: انا مش فاهمه حاجه... سيبك من جاك دلوقتي يابنتي... خليكي ف اللي انتي فيه دا...

جاكي: ادم... ادم فين..

ماما: لسه مطلعش..

فضلت اعيط جامد وانا بفتكر اللي حصل..

ماما: يابنتي كفايه وجع قلب بقاا...

ـــــــــــــــــــــــــــــــــــــــــــــــــــــــــــــــ

فضلوا مستنيين لحد ما ادم فاق...

الدكتور: الحمد لله عدى مرحلة الخطر.. تقدروا تشوفوه دلوقتي.. بس متطولوش لو سمحتوا... هو محتاج يرتاح..

سابهم ومشي وهما دخلوله...

دلال: اي اللي عمل فيك كدا يابني..

ادم بتعب: ج.. جاكي.. جاكي فين..

عمو احمد: جاكي كويسه يابني.. قولي بس مين عمل فيكوا كدا...

مكنش قادر يتكلم فسابوه يرتاح وطلعوا استنوا بره...

فيروز: بس انا مش فاهمه.. جاك فين لحد دلوقتي!

محمد: هو خرج ومرجعش...

فيروز بخوف: لايكون حصله حاجه هو كمان..

عمو احمد: لا ان شاء الله مفهوش حاجه.. تفائلوا..

نور: انا خايفه عليه قوي.. ازاي سايب جاكي كدا ومجاش..

هند: هييجي.. اول ماهيعرف هييجي..

ـــــــــــــــــــــــــــــــــــــــــــــــــــــــــــــــ

ندى دخلتلي...

ندى بعياط: جاكي.. اي اللي حصل..

جاكي: اسمعيني كويس.. اسمعي اللي هقولك عليه دا ونفذيه بالظبط..

ندى: في اي..

جاكي: اللي عمل كدا جاك..

ندى: جاك!!!

جاكي: وطي صوتك.. ماما هتسمعك... انا هفمك كل حاجه بعدين... اهم حاجه تطلعي دلوقتي تاخدي عمي ع جنب وتفهميه ان لو الشرطه جت.. يقولهم دا كان حرامي ومشوفناش وشه او اي حاجه... المهم ميجبش سيرة جاك.. وكمان لما ادم يفوق خليه يفهمه كدا...

ندى: انا مش فاهمه حاجه.. ازاي جاك يعمل كدا!.. ولو عمل كدا انتي ليه بتدافعي عنه!

جاكي: ندى انا مش قادره اتكلم... اسمعي الكلام ارجوكي.. روحي...

طلعت خدت عمي ع جنب وفهمته كل حاجه..

شويه والشرطه جت...

عمو احمد: نعم ياباشا!

الظابط: عايزين نستجوب المريضه عشان نعرف مين اللي حاول يقتلهم..

عمو احمد: هي حاليا مش قادره تتكلم..

الظابط: معلش.. مش هاخد من وقتها كتير...

فتح الباب ودخل..

الظابط: معلش.. حاولي تفتكري معايا مين اللي عمل كدا..

بصيت ع عمي بتوتر...

جاكي: اللي عمل كدا.. حرامي

الظابط: متأكده!... يعني دا مش قتل متعمد!

جاكي: لا.. هو كان جاي ف سرقه..

الظابط: طب مش فاكره شكله او اي حاجه!

جاكي: لا.. كان لابس حاجه ع وشه.. معرفتش اشوفه..

الظابط: طب معندكوش اي شكوك ف اي حد!

عمو احمد: لا يافندم..

الظابط: طب احنا هنستجوب الشاب..

عمو احمد: لا يافندم... هو تعبان جدا ومش قادر يتكلم.. وبعدين هيقول لحضرتك نفس الكلام..

الظابط: طب انا عرفت انه ضربكوا بسكينه...هناخد بصماته ونعرف هو مين..

عمو احمد: لو سمحت يافندم.. احنا مش عايزين نعمل محضر..

الظابط: نعم!!... ليه!

جاكي: احنا مسامحين... اقفل المحضر لو سمحت..

ماما: انتي بتقولي اي يابنتي... يقفل المحضر ازاي!

جاكي: يافندم احنا معندناش شكوك ف اي حد.. ومش عايزين نعمل محضر...

عمي اتصرف وقفل المحضر والشرطه مشت...

الكل طلع راح لادم...

ندى: قوليلي بقاا.. انا مش فاهمه حاجه.. جاك ليه يعمل كدا!

جاكي: مش عارفه... جاك دخل لقانا ع السرير..

ندى بصدمه: انتي بتقولي اي!

جاكي: معرفش روحت هناك ازاي... ندى.. روحيله وفهميه... هو فاهم غلط.. محصلش حاجه...

ندى: وانتي روحتي هناك ازاي.. انتي مش كنتي معانا!

جاكي: جتلي مسدج من ادم.. قالي اخرجيلي للشارع اللي جنبنا عشان تعبان ومتقوليش لحد... مفهمتش حاجه وخرجت اشوفه.. قربت من عربيته لقيته مش واعي وبعدين انا محستش بحاجه غير وجاك واقف قدامي وشايفنا بالمنظر دا...

ندى: طب ازاي!!... وازاي انتي محستيش بحاجه!.. طب حد ضربك ع دماغك!

جاكي: لا... تقريبا شربت حاجه او كدا.. انا وقعت لوحدي.. وكنت ف الشارع... معرفش مين نقلني الشقه..

ندى: دي متظبطه بقاا..

جاكي بعياط: المهم دلوقتي روحي لجاك... بالله ياندى.. فهميه الحقيقه... انا معملتش حاجه..

ندى: انتي خايفه عليه بعد اللي عمله فيكي دا!.. دا كان هيقتلك..

جاكي: غصب عنه... مكنش واعي.. ياندى ممكن يعمل حاجه ف نفسه.. ارجوكي روحيله...

ندى: طب هو فين دلوقتي!

جاكي: انا عارفه ممكن تلاقيه فين...

ـــــــــــــــــــــــــــــــــــــــــــــــــــــــــــــــ

دلال: عامل اي دلوقتي يابني..

ادم بتعب: كويس.. جاكي فين..

فيروز: جاكي ف الاوضه اللي جنبك.. هي كويسه يابني..

دلال: مين عمل فيكوا كدا... حرامي مين دا!

ادم باستغراب: حرامي!..

عمو احمد: الشرطه جت وقولنالها حرامي هو اللي عمل كدا ياادم... جاكي قالت كدا..

ادم: امم.. حرامي..

منه: طب وهو كان عايز اي.. وانتوا كنتوا بتعملوا اي هناك!

عمو احمد: اسألتكوا كتيره ليه!!.. سيبوه ياخد نفسه شويه..

ادم: عايز اشوف جاكي..

هند: جاكي ف الاوضه اللي جنبك والله.. هي بقت كويسه..

ادم: انقلوها هنا.. او ودوني هناك..

عمو احمد: حاضر.. انا هخليهم ينقلوها هنا... اسكت انت عشان متتعبش..

عدى الوقت ونقلوني اوضته

ـــــــــــــــــــــــــــــــــــــــــــــــــــــــــــــــ

ندى وصلت الڤيلا ودخلت لقت الباب مفتوح... دخلت وفضلت تنادي بس محدش رد..

طلعت فوق ودورت ف الاوض ولقته نايم ع الارض وحاضن صورة اسيل...

ندى: جاك.. جاك..

قام مخضوض..

جاك: انتي بتعملي اي هنا... ودخلتي هنا ازاي..

ندى: انت ازاي تعمل فيها كدا!

جاك: اطلعي بره..

ندى: انت فاهم غلط.. اسمعني حتى..

جاك: امشي اطلعي بره.. وقولي لصاحبتك اني خلاص.. محيتها من حياتي..

طلعها بره بالعافيه وقفل الباب وهي رجعت...

كان الكل بره وانا وادم ف الاوضه...

ادم: ليه مقولتيش ان جاك هو اللي عمل كدا..

جاكي: مكنش ف وعيه.. انا مش فاهمه حاجه.. احنا وصلنا ازاي هناك..

ادم: معرفش.. انا مش فاكر حاجه...

جاكي: امال بعتلي ازاي!..

ادم: بعتلك اي!

جاكي: انت بعتلي مسدج ع اساس انك تعبان وعايزني اخرج اشوفك..

ادم: لا انا معملتش كدا..

جاكي: يعني اي.. والله انت بعتلي مسدجات..

ادم: مش فاكر اني عملت حاجه زي دي..

جاكي: امال مين اللي بعتلي..

ادم فكر شويه...

ادم: محمد اللي كان معايا..

جاكي: محمد اي.. محمد لو كان معاك كان هيوديك المستشفى لو تعبان...

ادم؛ تعبان اي.. انتي بتقولي اي.. انا مكنتش تعبان..

جاكي: طب كنت بتعمل اي مع محمد بره..

ادم: هو قالي في شويه صحابه عايزين ييجوا وهيروح معايا بعربيتي نجيبهم وانا روحت معاه...وقف ف حته كدا عشان نستناهم وشربني عصير وبعدين محستش بحاجه...

جاكي: لا.. مستحيل محمد يعمل كدا..

ادم: وهو هيعمل كدا ليه اصلا..

جاكي: في حاجه غلط..

ادم بشك: انا معملتش حاجه.. صح!

جاكي: لا.. مظنش.. ازاي هناخد منوم وهنبقى واعيين..

ادم: وجاك صدق بسهوله كدا!

جاكي: معرفش..

ادم: ليه دافعتي عنه!.. دا كان هيقتلك..

جاكي: عذراه.. حطيت نفسي مكانه...

ادم: دا ميديلوش الحق انه يعمل كدا.. دا جنان..

جاكي: اكيد هيعمل ف نفسه حاجه...

ادم: لازم اعرف مين عمل كدا..

جاكي: لو محمد كان معاك اكيد هيكون عارف حاجه...

ادم: ومقالش ليه!!.. وازاي دا حصل وهو موجود!

ـــــــــــــــــــــــــــــــــــــــــــــــــــــــــــــــ

عمو احمد: فيروز.. خدي البنات وروحي..

فيروز: لا طبعا مش هروح..

عمو احمد: يلا يافيروز... انا هقعد انا ومنى ودلال.. وخدي البنات وروحوا.. يلا..

فيروز مشت هي والبنات وماما ودلال دخلوا قعدوا معانا...

دلال: ربنا ينتقم منه اللي عمل كدا... اللهي مايلحق يتهنى..

ماما: الله لا يسامحه...

جاكي: بسوا بقاا.. اسكتوا..

الليل حل وعمو احمد كان بره وماما ودلال ناموا...

حسيت بحاجه غريبه وقلبي بدأ يدق جامد...

بعدين لمحت حد بيعدي من قدام القزاز..

قومت اتعدلت عشان اشوف مين..

قعدت شويه وبعدين ظهر...