رواية احببتة من التيك توك الفصل الخامس 5 بقلم اسيل الجندي
 |
| رواية احببتة من التيك توك الفصل الخامس 5 بقلم اسيل الجندي |
رواية احببتة من التيك توك الفصل الخامس 5 بقلم اسيل الجندي
هدى: موافقه يا ماما 🥺💔
=على بركة الله يا بنتي
هدى قفلت المكالمه مع مامتها و اتصلت بأسر ورد عليها بسرعه كأنه كان عارف انها هتتصل
اسر: قلبي و الله في حاجه
هدى بغضب: انت انسان مستفز ايه الي انت عملتو دا يا بني ادم انت تتقدم لمين و جواز ايه و الصور دي لسه معاك ازاي انا مسحتهم مقابل ان انت تاخد الفلوس و خلاص خدتهم و لا انت مش راجل و مش قد كلمتك
اسر: ايه ايه حيلك حيلك هو بصراحه كنت حافظ نسخه ثانيه ليهم و بعدين عادي يعني مش انتي بتحبيني و انا بحبك خلاص بقا و انا متأكد انك وافقتي
هدى: يعني دا المفروض اسميه حب و لا تهديد و بعدين انا كنننت كنت فعل ماضي و خلاص خلص
اسر بتحدي: لا لسه بتحبيني و عارفه ايه الدليل
هدى بتحدي: ايه هو ان شاء الله
اسر: اني واقف تحت البيت دلوقتي
هدى طلعت تشوفه بسرعه و لقتو واقف بيتكلم في الفون و بصلها بأبتسامه
اسر: و اديكي طلعتي علشان تشوفيني اهو
هدى: ا ا انا لا طلعت اشم شويه هوا بقولك ايه سلام
قفلت التليفون بسرعه و دخلت جوا و هو ضحك و مشي
هدى: يا رب طب اضحك و لا اعيط انا بحبه فعلا بس هو انسان حقير يعني علشان بتجوزني يقوم يهددني بالصور
هدى منامتش اليوم دا من كتر التفكير في موضعها لحد ما النهار طلع و قامت لبست علشان ينزلو الجامعه و طلعت حضرت الفطار مع كارما و حور
هدى: احم بنات عايزه اقولكو على حاجه
حور: و انا كمان عايزه اقولكو على حاجه
كارما: و انا عايزه اسمع اخلصو
حور:انا هبدأ حمزه الي كان في الحفله هيكلم بابا و يحدد معاه معاد علشان يجي يتقدملي
كارما و حور: بجددد اخيرااا و انتي ايه رأيك
حور: والله هو كويس و هتعرف عليه اكتر في الخطوبه و كدا
كارما: و اخيرا هنلبس فساتين لولوولولولي طب صحيح و انتي يا هدى عايزه تقولي ايه
هدى: انا كمان في واحد اتقدم لماما ووافقت و باقي بس نحدد معاد الخطوبه و الكلام دا كله
حور:هو مين دا و انتي جايه تقوليلنا دلوقتي
هدى: مش هتصدقوني لو قولتلكو بس هو نفس الشاب الي خد مني الفلوس و انا اساسا ذات نفسي لسه عارفه امبارح
كارما: دا الي هو ازاي انتو مجانين
هدى: مش عارفه |مكانتش عايزه تقولهم على الصور انهم لسه معاه | بس انا وافقت و متسالونيش ليه
كارما: يا سلام عليكو هتتجوزو و ابقا خالتو و هتسيبوني سنجوله لوحدي اخس اخسسس🥺💔
حو: خليكي في ادهم بتاشعك دا يلا يا اختشي ننزل احنا و خلي السنجوله دي تنزل لوحدها كدا
هدى: يلا بينا
كارما : ماشي ماشي هتشوفو
******************************
تقى: بقولك ايه يا ادهم هو احنا هنخلي معاد الفرح امته؟
ادهم: اما ابقا جاهز يا تقى انا بحضر الشقه و الحاجات دي و انتي عارفه
تقى: هووف بجد ايه كل التأخير دا يا ادهم متعرفش تستعجل شويه
ادهم: انتي مكونتيش كدا يا تقى مالك و بعدين انا بخلص الحاجات اول باول لما يجيلي فلوس
تقى ببراءه: لا يا حبيبي انا بس زهقت من موضوع الخطوبه دا بجد
ادهم:ماشي يا تقى و انا هحاول اتقدم في موضوع الشقه دا و نحدد معاد للفرح و ان شاء الله قريب
تقى: ماشي
حمزه:ادهم انا حددت معاد مع ابو حور و هروح اتقدملها كمان يومين
ادهم بفرحه: قول و الله الف مبروك يا صاحبي اخيرا
حمزه: اهو فكرت في الموضوع و هاخد خطوه بس يا رب ماندمش عليها
ادهم: مش هتندم صدقني و حور مش هتخليك تندم
حمزه: يا رب و عقبال فرحكو
تقى: يا رب
ادهم ما اتكلمش و حمزه خدو بعيد عن تقى
حمزه: مالك يا ابني فيك ايه
ادهم: مش مرتاح الصراحه معاها مش هي دي الي انا حبيتها
حمزه: انا مش عارف حب ايه الي في الواتس دا بلا هبل يا عم انا اساسا من اول ما شوفتها و مش مطمنلها
ادهم: بس انا مش هظلمها والمفروض هحدد معاد الفرح
حمزه: الي يقدمو ربنا فيه الخير مش هنروح الشركه و لا ايه
ادهم: يلا بينا احنا متأخرين اساسا
حمزه: ووزع البت الملزقه دي
ادهم ضحك: هناخدها معانا في الطريق🤣يلا
مشيو ووصلو تقى و كملو طريقهم للشركه
********************************
اسر: لا بصي بقا يا ماما انا بقول الخطوبه تبقى اخر الاسبوع
=مش هنبقى مستعجلين
اسر: لا خالص و انا جاهز و الشبكه جاهزه و نبقا براحتنا في الفرح بس علشان الناس تعرف انها خطيبتي
=ماشي يا ابني هقول لهدى
اسر بابتسامه: لا انا هقولها بنفسي عن اذنك همشي انا بقا
=اذنك معاك يا ابني
اسر مشي و هو فرحان و بعت رساله لهدى علشان يقولها و هي شافت الرسايل و مردتش عليه
اسر: هتتعبني بس اشطا مسيرها تقع في يوم
_عدى يومين وجيه المعاد الي حمزه هيروح يتقدم فيه لحور و البنات كلهم راحو عندها البيت علشان يساعدوها هي ومامتها في الترتيبات و جهزو حور و لبسو و كانت حور
لابسه فستان روز و طرحه بيصا و مكياج بسيط
و جرس الباب رن و طلعت فتحت و كان حمزه و معاه اهله و كان ادهم جاي معاه و كارما اول ما شافته طارت من الفرحه و طلعت هي و هدى وكانو واقفين جنب حور
حمزه: انا جاي اطلب ايد بنتك حور و اتمنى توافق و انا جاهز و اي حاجه تطلبوها انا هجيبها لاني شاريها يا عمي
:و انا موافق و انت ايه رايك يا حور
حور بصت لكارما و هدى بخوف و هما ابتسمولها علشان يطمنوها و قالت : موافقه يا بابا
: على بركه الله نقرا الفاتحه
كلهم رفعو ايديهم و قرأو الفاتحه و بعدها هدى و كارما زغرطو و احتفلو بعديها وفضلو يتكلمو شويه مع بعض لحد ما جرس الباب رن و هدى راحت فتحت بابتسامه بس تعابير وشها اتغيرت كليا اول ما شافت اسر
هدى:انت ايه الي جابك هنا انت ورايا ورايا امشي من هنا مش عايزه مشاكل ارجوك
ادهم جيه من وراها و ابتسم: اهلا تعالى اتاخرت ليه يا عم اسر دا احنا خلاص قرينا الفاتحه
اسر: و اديني جيت الحمد لله انك هنا يا هدى دي خطيبتي او الي هتبقى خطيبتي قريبا😉
ادهم: بجد الف مبروك ياسطا يلا ادخل
دخلو و هدى بدأت تتوتر اكتر و اسر ماشالش عينه من عليها و حور و حمزه كانو قاعدين مع بعض و كارما كانت قاعده برا في البلكونه و ادهم راحلها
ادهم: كنت بسمع انك مجنونه بس الحمد لله اتأكدت
كارما بضحك: لا انت لسه مشوفتش حاجه
ادهم: مالك شكلك متدايقه
كارما:لا خالص دا انا مبسوطه جدا
ادهم:طب اقولك حاجه تفرحك اكثر
كارما بحماس: قول ايه في ايه
ادهم: فرحي انا و تقى بعد اسبوعين
تعليقات
إرسال تعليق