رواية في بيتنا مصيبه الفصل الخامس 5 بقلم ماسه

انطلق أحمد بسيارته لمكان الاجتماع

بينما لحق بهم عادل بالسيارة التي استأجرها من صديقه

وجدهم توقفوا عند مطعم كبير

نزلت هبه من السيارة بصحبة أحمد الذي أخذ يدها وانطلقا للداخل

وقف عادل وهو لايعلم ماذا يفعل

قام بالاتصال بعبير

عادل:ألووو

عبير:أيوه عملت ايه لقيتها

عادل:اه يختي الشريفه العفيفه لقيتها نازله من العماره عماله تهزر وتتمرقع مع واد ملزق كده وركبت معاه العربيه وهي دلوقتي ف مطعم كبير ف المهندسين

عبير:اه ده تلاقيه ابن خالتها

طيب ماتعرفش بيعملوا ايه جوه

عادل:لا يختي

عبير:طيب والعمل

عادل:انت بتسأليني انا

عبير:طيب بص ادخلهم جوه واعملهم بوليكا وهات البت وتعالي

عادل:ياحلوه ولو طلبلي البوليس ولا خلي الحرس اللي قدام المطعم دول يكسروني

عبير:اوووف طيب اعمل ايه بس

طيب بص استني شويه يمكن تخرج لوحدها

عادل بزهق:بصي بقا انا عرفتلك مكانها صحي النطع اللي عندك ده وخليه يرجع بنته وانا مستنيها بلاش قرف

وأغلق الهاتف ف وجهها

عبير:اه ياغبي

ثم ذهبت وأيقظت منصور

عبير بغيظ:منصووور قوم ياسبع الرجاله

قوم ياخويا شوف بنتك اللي عماله تتسرمح يمين وشمال مع الرجاله

يافضيحتك ياعبير ف وسط جيرانك

البت هربت ومدوراها مع الرجااااله

منصور بغضب:انتي بتقولي ايه

عبير:بقولك بنتك مع ابن خالتها وبيضحكوا ويهزروا ف الشارع وهو حاطط ايده عليها وركبها عربيته وراحوا ع مطعم ف المهندسين

منصور بانفعال:مستحيل مين قالك الكلام ده

عبير:عادل انا بعته يراقب البيت عشان يشوفها

لقاها هناك وهايصه مع الواد الملزق ابن ثريا

اااه ماهو لقاها لقمه طريه واحده هربانه من اهلها ف نص الليل لا ليها ضهر ولا كاسر يقطم رقبتها ع عمايلها الوسخه دي

لاااا كده بقت سمعتنا ف التراب وفضحتنا هتبقي ع كل لسااان

لازم تغسل عارك بايدك ياخويا اه

ياتقتلها او تجوزها للواد عادل هو اللي هيعرف يشكمها ويلمها

يلا ياراجل اتحررررك انت لسه هتتصدم

قام منصور مسرعا ارتدي ملابسه واستعد للذهاب لبيت ثريا والمكوث امامه حتي تعود ابنته

عبير بغل:ياريته يقتلها وابقا خلصت منهم الاتنين

ف الاجتماع

أحمد:بس ده مكنش اتفاقنا انا برده استغربت من كذا بند ف العقود حسيتها ملخبطه كده

مراد:لا خالص يابشمهندس مفيش لخبطه ولاحاجه

احنا اتفاقنا زي ماهو بس البنود دي لو اتغيرت الاسعار

حضرتك عارف ان الدولار طالع نازل

أحمد:لا طبعا ماينفعش

تدخلت هبه وقالت:حضرتك عامل زي اللي بيأجر شقه

هتوافق لما صاحب البيت يقولك العقد مفتوح لو الاسعار رفعت نرفع الايجار

مراد بغيظ:لا طبعا

هبه ببرود:واحنا كمان لا طبعا

مراد لأحمد:مين دي

ردت هبه:السكرتيره الشخصيه بتاعت أحمد بيه

مراد باعجاب:واااو جبت سكرتيره شخصيه بس بأمانه عرفت تختار

طرق أحمد بقوة ع المكتب وقال بانفعال:سوري عشان المدام نسيت تكمل

هي بنت خالتي ومررراتي قال الاخيره بتأكيد

مراد باستغراب:انت اتجوزت

امتي ده

أحمد بضيق:كتبنا الكتاب امبارح

مراد:مبروك والله فرحتلك واسف ع اي تلميح وصلك غلط

أحمد بضيق منه:تمام

نكمل

ثم اكمل الاجتماع ولايخلو من تدخلات هبه

حتي صار الاجتماع واتفقوا ع العقود كما ارادت هي ولصالح أحمد طبعا

ف السياره

هبه:أحمد ساكت ليه

أحمد بانفعال:عاوزاني اقول ايه البيه بيعاكسك وانتي مبطلتيش رغي طول ماانتي قاعده

انا كان هاين عليا اكسرلك دماغك دي

هبه:ليه بس مش مشيت الصفقه زي ماانت عاوز

أحمد:بس مش بالهزار والدلع ياست هبه

هبه: انا هزرت واتدلعت محصلش

أحمد بغيظ:هبه انتي اقل حركه منك فيها دلع كفايه صوتك ياماما

انا لولا قلتله انك مراتي كان خطبك ف أخر القعده اووووف

بصي تعرفي تسكتي ومسمعش صوتك لحد مانوصل

ابتسمت هبه لغيرته عليها وظلت صامته حتي وصلوا للشركه

نزلت هبه وانبهرت بالمكان

وااااو يجنن

أحمد:دي شركه صغيره بالنسبه للشركات التانيه

هبه:باذن الله هتكبر وتبقي احسن منهم

دخلوا المصعد

دخل ع مكتبه اصطحبته السكرتيره وهي تسرع ف خطوتها واستغربت دخول هبه معها

ندي:صباح الخير يافندم

أحمد بجديه:صباح الخير

ندي:خلصت الميتنج

أحمد: أيوه وده ورق الصفقه اطبعيه

وابعتيلي مدير الحسابات

ندي:تمام يافندم

سوري مش هتفطر

نظر أحمد للواقفه امامه ولم تجلس بعد: هتفطري دلوقت

هبه بزعل مصطنع:مش جعانه

ابتسم احمد وقال لاغاظتها:هاتيلي فطار أنا ومدام هبه

جزت هبه ع أسنانها ولم تتكلم

فرحت ندي كونها مدام فهي تحب أحمد منذ ان عملت معه

ندي:تمام يافندم

أحمد:نددي ثواني

ندي:أيوه

أحمد:المدام هتيجي تتدرب معاكي كل يوم الساعه 2 عشان هتشتغل سكرتيره شخصيه ليا

ندي بحزن:ليه يافندم هو انا قصرت ف حاجه

أحمد:لا خالص بس أنا عاوز كده

قال أحمد هذا لانه يعلم بحب ندي وتقربها اليه وهو لايريد ان تتعلق به اكثر من ذلك

انصرفت ندي بحزن

نظر أحمد للواقفه تدب الارض بغيظ:ايه واقفه ليه يامداااام

انفجرت هبه فيه وقالت:ايه مدام اللي ماسكهالي دي

أحند:ماهو انا مش مضطر كل شويه اتخانق مع حد عشان بيعاكس حضرتك عشان انسه

المدام فيها حصانه برده

هبه: والله

أحمد:اممم

بعد مده

دخل مدير الحسابات

كمال:ايوه يابشمهندس حضرتك طلبتني

أحمد:أيوه مدام هبه عاوزك تدربها هي داخله تالته تجاره بتقدير امتياز السنتين اللي فاتوا

وهي ماشاء الله تمام انا اختبرتها بنفسي

عاوزك تدخل ع الميزانيات ع طول تعرفها كل كبيره وصغيره ف الحسابات

انا عارف انك خبره ف مجالك خلي بالك منها وعلمها كويس

كمال:أكيد يابشمهندس

اي خدمه تانيه

أحمد:أيوه كنت عاوزك تسيبها ساعه من 2ل3 عشان أدربها ع السكرتاريه كمان

كمال:تمام يافندم

اتفضلي يامدام

همت هبه للوقوف

قاطعها أحمد وقال:لا مش هتيجي دلوقت هتفطر الاول

استغرب كمال من كلامه ولكن لم يعلق وانصرف

بدأ أحمد عمله وهبه تنظر له بغيظ

أحمد:ههههه مالك هتنفجري علينا ليه كده

هبه بغيظ:والله مش عارف

أحمد:تؤؤ مش عارف

هبه بضيق:ماشي ياأحمد

أحمد: بشمهندس احمد لو سمحتي

نظرت له هبه بغضب

ضحك احمد بقوه

كانت ندي بالخارح تسمع ضحكاته ولاتصدق معقوول أحمد بيضحك زينا كده

منذ عملها معه لم تراه يبتسم الا قليل جداا

دخلت ندي بالطعام ووضعته ع منضدة بعيده

ندي:خدمه تانيه يابشمهندس

أحمد:القهوة بتاعتي وشاي لهبه

هبه:لا انا هشربه ف مكتب المحاسبه عشان متأخرش ع الشغل

أحمد:تمام هاتيلي قهوتي

ثم قام وجذبها من يدها وأجلسها بجانبه ع أريكه جلديه بجانب المكتب وأمامها منضده وعليها الطعام

فتح احمد الطعام واعطاها سندوتش ف يدها

وضعته مره اخري ونظرت جانبا

أحمد:هتفضلي زعلانه يعني بلاش اهزر معاكي

هبه بجنون:تهزر هو فين الهزار ده هااا

أحمد: أنا هزاري كده عندك مانع

هبه:أحمد أنا مش عاوزه اكل وهروح لشغلي

أحمد:لو مكلتيش انا مش هاكل

جذبت هبه الطعام وشرعت ف الاكل

ابتسم احمد ع حبها وخوفها عليه فهو ايقن انها احبته بل عشقته من اول نظره

اكلت هبه شئ. بسيط وهمت بالوقوف للذهاب

جذبها احمد من يدها اجلسها مره اخري

هبه:اااه ايدي حاسب

مسك احمد يدها وقال:لسه بتوجعك

هبه:يعني شويه

أحمد وهو يقبل باطن كفها ويقول:انا اسف

انا السبب ان ايدك اتحرقت كده

ضاعت هبه من هذه الحركه

أحس بها احمد اراد ان يلاعبها:ايه مالك مش بتتكلمي ليه هي القطه أكلت لسانك خليني اشوف كده ووضع يده ع شفايفها

ضربته هبه بغيظ: لا مفيش قطه تقدر تيجي ناحيتي اصلا

أحمد:ياوحشش ياجامد

هبه:سيبني بقا امشي

أحمد بتردد:هو انتي لازم تبدأي النهارده ماتخليكي هنا معايا

هبه:هااا

انتبه أحمد لما قاله:ااا لو خلصتي اكل تقدري تروحي شغلك

وماتتاخريش ع تدريب السكرتاريه

واه بلاش تقولي لحد انك مراتي كفايه بنت خالتي

هزت هبه راسها ف حزن وانصرفت

خرجت عند ندي وجدتها تضع يدها ع عيونها وتبكي

عندما رأتها ندي مسحت دموعها بسرعه واكملت عملها ولم تنظر لها

هبه لنفسها:بتعيط ليه دي اكيد زعلانه اني هاخد مكانها

ذهبت سريعا وسألت ع مكتب أستاذ كمال

دخلت لكمال

كمال:تعالي ياهبه معايا

أخدها لمكتب المحاسبه

وجدته مكون من اربع مكاتب سيده وثلاث رجال

كمال:السلام عليكم

مدام هبه هتتدرب معايا

بس النهارده هتفضل معاكوا ف المكتب عشان انتوا بتقفلوا الميزانيه بتاع السنه وانا هدربها عليها بس عاوزها تشوفها عملي منكوا الاول

بصي ياهبه انتي تاخدي منهم ورقه وقلم وتسجلي كل اللي بيعملوه

والحاجه اللي مش فهماها ماتسأليش

دونيها ف الورقه بس وانا هشرحلك كل حاجه

تمام

هبه بنشاط:تمام يافندم

كمال:يلا اسيبك انا

بالتوفيق

هبه بفرحه:شكرا

جلست بجوار مدام ناهد واعطتها ورقه وبدأت العمل

كان أحمد ف مكتبه يتابعها من خلال الكاميرات

وفرح كثيرا لنشاطها وفرحتها بالعمل

وصل منصور أمام منزل أحمد وظل واقفا يتأكله الغضب والحزن ع مافعلته ابنته فهو يتصور انها تعيش بلا قيود وتفعل مالا يرضي الله

وظل يفكر ان ابنته ليست هكذا فهو يعلم انها مؤدبه وخجوله وتراعي الله وملتزمه ف الصلاه

ظل يفكر ويفكر وينتظر مجيئها بفارغ الصبر

طرقت عليا باب عبير لتطمئن ماذا فعلوا أو بماذا يفكروا

فتحت عبير بضيق:نعمين

عليا:إيه مفيش أخبار عن هبه

عبير:لا يختي مفيش احنا خلاص رمينا طوبتها خليها تغور

قالتها عبير لتوهم عليا انهم لا يفكروا فيها ولا ف اذيتها

وبعدين ماهو رقمها معاكي ماتتصلي تتطمني يختي

عليا:ماهي لو فتحته هطمن انما قفلاه من ساعتها

عبير بغيظ:اه عشان يخلالها الجو

عليا:ايه ده بتقولي ايه

عبير:مابقولش ياسنيوره ويلا بقا عشان اشوف ورايا ايه

نظرت لها عليا من فوق لتحت باشمئزاز

عبير:بصي ع ادك يلي الزمن هدك

عليا:البصه مش ليكي يلي الزمن هاريكي

عبير:اااه ياأم لسانين

تركتها عليا تتأكل من شده الغيظ

ف تمام الثانيه توجهت هبه ل مكتب ندي

بعد ان استمرت حوالي ساعتين ف تعلم الحسابات من محاسبين مخضرمين ومحترفين فكانت سعيده جدا ف العمل معهم ولم تشعر بالوقت الا وان كمال ارسل لها لتذهب لتدريب السكرتاريه

دخلت مكتب ندي

هبه:السلام عليكم

ندي:عليكم السلام

اتفضلي اقعدي

بدأت ندي العمل معها بسرعه ولم تتحدث معها ف شئ

أحست هبه بشئ غريب ناحية ندي ولكن لم تتحدث معها

بعد مده

اتصل أحمد ع ندي وطلب منها عدة ملفات

حملت ندي الملفات وأدخلتهم له

أحمد:ندي لو سمحتي ابعتيلي هبه

ندي:هبه مين

أحمد باستغراب:اللي موجوده عندك ف المكتب

ندي:اه اه اصل نسيت اسمها

أحمد بذهول:نسيتي اسمها اومال بتشتغلوا ازاي

روحي ناديها ياندي

أحس احمد انه اشتاق لهبه بشده رغم انها امامه

هبه بجديه:أيوه يابشمهندس

أحند:اقفلي الباب وتعالي

أغلقت الباب واقتربت منه

أعطاها أحمد ملفين وقال لها:بصي ياهبه قدامنا نص ساعه ونروح عاوزك تقفلي حسابات الملفين دول ولو مقدرتيش تخلصيهم هاتيهم معاكي كمليهم ف البيت

هبه:تمام يافندم

وجذبت الملفات وهمت بالذهاب

أحمد:رايحه فين

هبه:هشتغل بره

أحمد باستغراب:ليه ماتقعدي هنا

هبه:لا عشان معطلكش وكمان عشان سمعتي مينفعش أقعد ف مكتب حضرتك اشتغل وانا ست متجوزه

عيب حضرتك

وتركته ف ذهوله وخرجت سريعا

أحمد:يابنت المجنونه

ثم ابتسم وقال:هتلاقيها زعلت عشان قلتلها محدش يعرف انك مراتي

شكل الايام الجايه هتبقي صعبه عليكي ياهبه اتعلقتي بيا بسرعه وانا مش هقدر اديكي اكتر من كده

يارب خليك معايا

انتهي الدوام وتأكدت هبه من أن جميع الموظفين انصرفوا انتهت من الملفات ودخلت لأحمد

هبه:خلصت يافندم

أحمد:تمام نراجعهم بكره

يلا عشان نمشي

هبه:امشي لوحدك

أحمد:يعني ايه

هبه:يعني هنزل اركب تاكسي واروح مينفعش الموظفين يشوفوني بركب عربية صاحب الشركه

بعد اذن حضرتك

وتركته ف ذهوله وانصرفت سريعا

أحمد:للأسف ياهبه عندك حق

ثم قام بالاستعداد للمغادره هو الاخر

استقلت هبه التاكسي وهي تفكر ماذا تقول لخالتها فهي ستعود قبل أحمد

وصلت أمام البنايه بعد مده قصيره

ونزلت من التاكسي ودفعت له وانصرف

التفتت هبه وكانت الصدمه

يتبع...