رواية قلبي ليس بيدي الفصل الخامس والخمسون 55 بقلم حسناء مصطفي

ـ وحشتيني...

لفيت لقيته جاك...

بس المره دي شايفاه اجمل بكتير قووي... كان لابس اسود وشعره نازل ع عنيه.. مع ابتسامه قمر..

جاكي: احم.. هو.. في اي!

همَس..

جاك: بحبك..

جاكي: هاا

الابتسامه اللي ع وشه كبرت..

جاك: بحبك.. بحبك ياجاكي..

قلبااااااااي... هيغمى عليا اجدعااااااان...

جاكي:.....

جاك: ساكته ليه!...

جاكي بصدمه: انت بتقول اي!

جاك: بقولك اني بحبك.. بحبك قووي..

ـــــــــــــــــــــــــــــــــــــــــــــــــــــــــــــــ

هند: يابنات.. جاكي مش ف اوضتها..

فيروز: امال راحت فين!

هند: مش عارفه..

نور: استنوا ارن عليها..

رنت بس كان مقفول..

نور: تليفونها مقفول..

هند: لا كدا هقلق..

محمد: طب جاك فين!

هند: مش ف اوضته هو كمان.. اكيد ف الشغل..

فيروز: او يمكن طلعوا مع بعض..

هند: كانوا قالوا..

فيروز: من امتى وجاك بيقول.. يمكن خرجوا يتمشوا ولا حاجه...

محمد: ممكن.. بلاش تقلقوني بقاا..

فيروز: اقعدوا بقاا.. خلونا رايقين شويه..

ياسين: طب انا هاخد هند وهنروح نتمشى شويه..

فيروز: روحوا بس متبعدوش..

ـــــــــــــــــــــــــــــــــــــــــــــــــــــــــــــــ

جاكي: ايوا.. بس.. مينفعش..

جاك: اي اللي مينفعش!

جاكي: احم.. يعني..انا وانت مينفعش..

جاك: ليه مينفعش!!.. انتي مش بتحبيني!

جاكي: لا..

الابتسامه اللي ع وشه اختفت..

جاك:.......

جاكي بابتسامة: بحبك قوي..

جاك: ايه!.. قولتي اي!

جاكي: سمعت..

جاك: لالا... عايز اسمعها كويس..

جاكي: بحبك..

جاك: علي صوتك..

جاكي: بحببببك..

قرب مني وحضني قوي... بس المرادي الحضن كان مختلف...

بعد عني وانا باصه ف الارض من الكسوف..

جاك: اقعدي..

روحنا قعدنا الترابيزه اللي هو مجهزها.. ومسك ايدي وانا قلبي مش مكانه اصلا...

جاك: عايز اقولك حاجه... بالنسبه لموضوع اسيل..

مش هقدر انساها... حقك تطلبي مني انساها.. بس انا مش هقدر..

جاكي: مش عايزاك تنساها... مفيش حد بينسى حد بيحبه..

بصلي وابتسم... وبعدين باس ايدي..

جاك: ايدك ساقعه ليه!

جاكي: احم.. مش مستوعبه يعني..

جاك: كل دا ومعرفتيش اني بحبك!

جاكي: تؤ..

جاك: اقولك حاجه!..

جه قعد ع الارض قدامي..

جاك: انا بحبك من اول مره شوفتك فيها... اول مادخلت البيت وانتي مع البنات.. من ساعتها مقدرتش اطلعك بره قلبي...

مكنتش عارف امشي واسيبك... لما شوفتك حسيت الدنيا ابتدت تضحكلي تاني.. ولما باباكي خدك.. حسيتها اسودت تاني... انتي مش متخيله انا بحبك ازاي..

جاكي: جاك..

جاك: عيون جاك..

رده خد قلبي قوووووي...

جاكي: انا حاسه اني بحلم.. انا مش مستوعبه..

جاك: اعتبريه حلم...

بصيت لقيته حط ايده ف جيبه ومدلي علبه..

جاك: تتجوزيني!

ـــــــــــــــــــــــــــــــــــــــــــــــــــــــــــــــ

ياسين: ها ياست هند... مش ناويه تحددي معاد الفرح بقاا ولا اي!

هند: يابني احنا لسه عاملين الخطوبه ماتهدى شويه..

ياسين: انا مش فاهم اي لزمة التأجيل... مانتجوز وتكملي دراستك عندي..

هند: بقولك اي.. احنا جايين هنا ننبسط.. سيب الموضوع دا لبعدين...

ــــــــــــــــــــــــــــــــــــــــــــــــــــــــــــــــ

ندى: ازيك يامحمد...

محمد: ازيك ياندى..

ندى: امال جاكي فين!

محمد: مش موجوده تقريبا خرجت..

ندى: امم.. طب تمام.. ابقى اجيلها تاني..

محمد: تقدري تستنيها لو عايزه...

ندى: ماشي..

محمد: امال فين باباكي!..

ندى: بابا ع طول ف الشغل...

محمد: يعني مش بينزل يفسحك هنا..

ندى: لا.. من ساعة ماجيت وانا قاعده معاه او معاكوا..

محمد: طب اي رأيك نقوم نتفسح شويه!

ندى: هنروح فين!

محمد: انتي عايزه تروحي فين!

ندى: انا عايزه اركب مركب..

محمد: بس كدا!.. تعالي..

ـــــــــــــــــــــــــــــــــــــــــــــــــــــــــــــــ

جاكي:.....

جاك: تتجوزيني!!

جاكي: جاك انا.. مش هينفع ادخل حياتكوا بالشكل دا..

جاك: ليه!

جاكي: مش كفايه اللي حصل!

جاك: لما تبقي مراتي هيبقى في كلام تاني..

جاكي: مراتك!

جاك: وبنتي.. موافقه!

هزيت راسي وانا مبتسمه..

جاك: عايز اسمعها..

جاكي: احم.. موافقه..

لبسني الخاتم وفجأه مزيكا اشتغلت..

جاك: ترقصي!

جاكي: ارقص..

قومت وبدأنا نرقص وهو باصص ف عيني ومره واحده نزل علينا ورد...

جاك: تحبي نعرف الكل.. ولا نستنى شويه!

جاكي: لا.. نستنى احسن...

جاك: ليه!

جاكي: مش عارفه.. بس اظن كدا افضل..

جاك: تمام.. بس هنعرفهم قبل مانرجع..

جاكي: تمام..

جاك: ايدك بتترعش ليه!

جاكي:....

جاك: اللي يشوفك دلوقتي ميشوفش لسانك اللي عايز قصه..

جاكي: ولااا.. لم نفسك..

جاك: شوفتي!!.. بحب واحده سرسجيه..

جاكي: محدش قالك حبني..

جاك: ماهو للاسف.. مش بإيدي..

جاكي: احم.. عشان كدا كنت بتغير من ادم!

جاك: انا بغير من ادم.. ومن محمد ومن البنات ومن اي حد بيفضل قريب منك...

جاكي: جاك هيحصل مشاكل..

جاك: موافق ع اي حاجه هتحصلي.. طلاما انتي هتبقي معايا..

جاكي: اهلك مش هيوافقوا..

جاك: انتي اهلي..

اجدعااااااان... الواد طلع رومانسي اجدعاااان...

جاك: بقولك اي..

جاكي:امم..

جاك: ماتيجي نتجوز دلوقتي.. ونهرب بعيد... ومحدش هيعرف يلاقينا.. هبقى انا وانتي بس..

جاكي: احم.. هو.. هو احنا مش هنمشي!

جاك بابتسامه: عايزه تمشي!

جاكي: مش عارفه...بس

جاك: اششش.. غمضي عنيكي وارقصي...

ـــــــــــــــــــــــــــــــــــــــــــــــــــــــــــــــ

محمد: اي رأيك..

ندى: المنظر من هنا حلو قوي..

محمد: تحبي تروحي فين تاني!

ندى: اممم...بص انا عايزه اروح الملاهي..

محمد: حلو دا.. بالليل نروح كلنا..

ندى: اشطا..

ندى: قولي صحيح..

محمد: اي

ندى: هو جاك دا شغال اي..

محمد: اشمعنى!

ندى: حساه شايف نفسه شويه..

محمد: حقه.. دا رجل أعمال... عمل نفسه بنفسه... دا غير انه مش شايف نفسه ولا حاجه.. هو بس تقيل شويه..

ندى: تقيل قوي قصدك...

محمد: سيبك منه دلوقتي..

ـــــــــــــــــــــــــــــــــــــــــــــــــــــــــــــــ

جاك: عايز اوريكي حاجه..

مسك ايدي ووقفنا قدام البسين وشاورلي ع السما..

بصيت لقيت طياره ونازل منها لوحه كبيره وكاتب عليها بحبك..

جاك: شايفه الطياره دي!.. فيها ورق مكتوب عليه.. جاك بيحب جاكي.. وجاكي مش هتكون لحد غيره..

الورق دا هيترمي ف كل حته..

يعني ياستي الطياره دي.. هتطير فوق شرم كلها وتوزع الورق داا...

عشان الكل يعرف انك ليا..

اجدعان... انا هيغمى عليا وابقوا صحوني لما الحلم يخلص....

انت بتقووووول ايي ياعممممم انتتتت...

فضلت واقفه ساكته ومتنحه للطياره..

جاك: ساكته ليه!

جاكي: لو دا طلع حلم، هنفخك..

ضحك بصوت..

جاك: لا مش حلم... انا بحبك بجد...

جاكي: جاك..

جاك: عيونه..

جاكي: عايزه اكل..

بصلي بصه.. اللي هو اتفوو عليكي..

جاك: عايزه اي!

جاكي: جعانه..

جاك: عارفه!.. ماهو اصل انا اللي مهزء... انتي مش بتاع حب.. انتي تاكلي وتنامي.. انا اللي بجيبه لنفسي والله..

جاكي: يعني مش هتجيبلي اكل!

جاك: اعععع... اسكتي.. اسكتي هتشليني..

جاكي: مش عايزه حاجه خلاص..

جاك: اوووف...مانا كنت عارف ان دا هيحصل.. عملت حسابي.. اترزعي هنا لحد مااجيب الاكل..

جاكي: انجز..

بصلي بقرف وسابني ومشي.. شويه ودخل ومعاه اكل..

جاكي: انا من زمان بقول انك حبيبي محدش مصدقني والله... هات ياقمر..

خدت الاكل وحطيته قدامي وبدأت اكل وهو قاعد يبصلي..

جاكي: انت مش هتاكل!

جاك: كلي انتي.. كلي

جاكي: لا لازم تاكل معايا..

جاك: مش عايز..

جاكي: طب مش واكله.. وادي الاكل..

جاك: خلاص خلاص... هاكل..

قعدنا ناكل وانا طبعا مبسوطه.. وطلاما انا مبسوطه يبقى هاكل ياجدعان... كنت باكل وهو مركز معايا ومبتسم...

جاكي: ركز ف الاكل.. الاكل اهم..

جاك: مفيش حاجه اهم منك..

جاكي: احم.. طب عايزه اكل لو سمحت..

جاك: كلي... استني أاكلك انا..

جاكي: هاا..لا انا هاكل..

جاك بضحك: طب خلاص كلي..

كنت باكل وانا مكسوووووفه...

جاك: عايز اوريكي خدودك..

جاكي: اشمعنى!

جاك: عشان اوريكي حمرا ازاي..

جاكي: لا دا ميكب عادي..

جاك: لا.. خدودك حمرا من الكسوف...

جاكي: امم... عايزه اسالك سؤال..

جاك: اسالي..

جاكي: اشمعنى انا!

جاك: ازاي!

جاكي: اشمعنى انا اللي حبيتني..

جاك: عشان هي بتيجي مره واحده كدا.. بتبقى خطفه كدا من الاول.. ملهاش اسباب..

جاكي: امال مكنتش طايقني ليه!

جاك: بالعكس.. مكنتش عارف اطلعك من دماغي.. بس مكنش ينفع اتعلق بحد.. فكنت بقنع نفسي اني مش بحبك... بس الحقيقه انا بحبك جدا..

مكنتش متوقع انك كمان بتحبيني.. عشان كدا كنت خايف..

جاكي:.........

جاك: مش عايزك تخافي.. انا معاكي..

جاكي: طب.. هو احنا اخرنا.. وهما هيقلقوا علينا..

جاك: ماشي.. يلا..

طلع وانا طلعت وراه

جاك: تحبي نتمشى ولا نركب حاجه!

جاكي: لا.. نتمشى احسن..

مسك ايدي وابتسم..

مشينا لحد الاوتيل.. دخلنا لقيناهم قاعدين ع البحر..

جاك: يارايقين..

لفوا لقوني لابسه كويس وهو لابس كويس وماسكين ايد بعض... كنت بحاول اشد ايدي بس هو كان متبت فيها..

راح ادم صفر...

ادم: كنتوا فين بقاا كدا من الصبح!

جاك: وانت مالك.. ركز ف اللي انت فيه..

فيروز: جاكي.. لابسه ليه!

جاكي: ها..

جاك: انا اللي قولتلها عشان خرجنا شويه.. اي اسئله كمان!

هند بخبث: لا مفيش..

ندى ومحمد جم..

ندى: كنتي فين!.. مستنياكي من الصبح..

جاكي: تعالي معايا..

خدتها ومشيت بعيد ع البحر..

ندى: مالك مبسوطه كدا ليه!

رفعت ايدي ف وشها..

ندى: اي دا!

جاكي: الخاتم..

ندى: يعني اي..

جاكي بفرحه: قالي بحبك..

ندى بصدمه: هو مين!

جاكي: جاك..

ندى: احلفي..

جاكي: انا مبسوووطه... مبسوطه.. عايزه انط ف المايه..

ندى: استني بس.. هو انتي بتحبيه!

جاكي: بحبه اي!!... انا بموت فيه... اسكتي انتي مش فاهمه حاجه..

ندى: وانا اقول بيبصلك كدا ليه... اتاري..

جاكي: بس بقولك اي.. متقوليش لحد.. احنا مش هنعرف حد دلوقتي...

ندى: انا مش مصدقه والله... بقا انتي بتحبي!!.. مش كنتي بتقوليلي مليش ف الكلام دا..

جاكي: مش بإيدي يااختااااه... انه القدر.. وبعدين الواد قمر ويتاكل والله..

ندى: معاكي حق... الصراحه الواد هيطلع من عيني..

جاكي: لا ياختي.. لحد هنا واستوب.. دا بقاا ليا دلوقتي..

ندى: لا ياختي متخافيش.. مش هاخده منك.. انا معجبه بحد تاني..

جاكي: لا... لالا.. احلفي.. مين!

ندى: اقولك بس متقوليش لحد!

جاكي: ايوا والله بس قولي..

ندى: محمد..

جاكي: اوباااا... ايوا كدا عشان نبقاا سلايف...

ندى: اتوكسي.. مين قالك انه كمان بيحبني!

جاكي: هيحبك.. هيحبك ياقمر... والله هيحبك وهتشوفي..

ندى: طب تعالي نرجع عشان ميشكوش..

رجعنا وقعدنا معاهم...

محمد: كنتي قافله فونك ليه!

جاكي: لا اظن مكنش في شبكه...

محمد: ليه انتوا كنتوا فين!

جاكي: ها..

فيروز: كانوا بيتمشوا.. كانوا بيتمشوا شويه..

جاك: انا ماشي..

فيروز: رايح فين!

جاك: عندي شغل.. هرجع بالليل..

سابنا ومشي وانا قضيت باقي اليوم مع البنات...

ادم: تعالي ياجاكي عايزك..

قومت معاه واتمشينا..

ادم: قوليلي بقاا..

جاكي: اقولك اي..

ادم: متلفيش وتدوري عليا وقوليلي كنتي فين!

وبعدين الخاتم اللي ف ايدك دا غالي قووي.. ودا ان دل يدل ع شئ واحد..

جاكي: اللي هو اي!

ادم: طلب ايدك..

جاكي: حصل..

ادم: شوفتي!.. مش قولتلك بيحبك..

جاكي: بس مش عايزه حد تاني يعرف ياسطا.. لما نشوف هنعمل اي...

ادم: اشطا..

جاك مشي واحنا قضينا الوقت مع بعض بنضحك ونهزر ونتصور...

ـــــــــــــــــــــــــــــــــــــــــــــــــــــــــــــــ

مالك: اي يبروو.. قاعد مبتسم لوحدك كدا ليه!

جاك: لا مفيش.. عملت اي ف اللي قولتلك عليه!

مالك: كله تمام..

جاك: ومايا!

مالك: اتفصلت..

جاك: رجعها.. بس بلغها ان بعد كدا كل حاجه شغل وبس..

مالك: انا مش عارف هي عملت اي عشان كل دا..

جاك: عملت اللي عملته بقاا.. المهم شوف انت الباقي عشان انا ماشي..

ـــــــــــــــــــــــــــــــــــــــــــــــــــــــــــــــ

الوقت عدى والشمس كانت بتغيب وهما طلعوا وانا قعدت لوحدي ع البحر... حطيت الهاند فري وشغلت حليم وسرحت معاه..

ـ ممكن اسمع معاكي!

لفيت لقيته جاك..

جاكي: هو انت عايز تقطع خلفي يعني!

جاك: مانتي اللي سرحانه.. بتسمعي اي..

جاكي: حليم..

جاك: طب اديني واحده..

جاكي: تؤ

جاك: متبقيش رخمه وهاتي واحده..

جاكي: امسك..

جاك: اي دا.. اهواك..

جاكي: ايون..

بصيت لقيته وقف قدامي ومد ايده..

جاكي: اي..

جاك: تعالي..

قومت معاه ومكنش في حد.. كان في ناس جوا الاوتيل بس برا ع البحر مكنش في غير ناس بعيده..

جاكي: هنعمل اي..

جاك: هنرقص..

جاكي: لا نرقص اي.. احسن حد ينزل..

جاك: ينزل..

مسك ايدي وبدأنا نرقص ونغني مع الاغنيه والهوا عامل شغل مع صوت موج البحر واحنا الاتنين لابسين اسود وفستاني بيتفرش حواليا وحاجه كدا عظمه...

"اهوااااك... واتمنى لو انسااك.. وانسى روحي ويااك.. وان ضاعت يبقى فداااك لو تهواني.. وانسااااك.. واتاريني بنسى جفاك.. واشتاق لعذابي معاااك... والقى دموعي فاكراك.. ارجع تاني.. في لقاك، الدنيا تجيني معاك.. ورضاها يبقى رضاك..وساعتها يهون ف هواك.. ف هواك طول حرماااني...

والاقيك.. مشغول وشاغلني بيك.. وعنيا تيجي ف عنيك.. وكلامهم يبقى عليك وانت تداري... واراعيك.. واصحى من الليل اناديك.. وابعت روحي تصحيك.. قوم ياللي شاغلني بيك.. جرب ناري...

اهووواك... واتمنى لو انساااك.. وانسى روحي وياك.. وان ضاعت يبقى فداك لو تنساني.. وانساك واتاريني بنسى جفاك.. واشتاق لعذابي معاك.. والقى دموعي فكراك وارجع تاني.. ف لقااك.. الدنيا تجيني معاك ورضاها يبقى رضاك.. وساعتها يهون ف هواك.. ف هواك طول حرماني... "

خلصنا وببص كدا لقيت ناس بتسقف وبيصفروا وناس بتصور كمان...كانوا بيبصوا لبعض ويبتسموا ومعظمهم اجانب...

جاكي: احييييه.. جاك..

جاك: عادي.. سيبيهم..

بصيت لقيت واحده ست من الاجانب قربت لجاك..

ـ I wish you happy life with her

جاك بابتسامه: Thank You

الناس مشوا وانا وهو واقفين وانا مصدومه اصلا..

جاكي: جاك.. دول صورونا..

جاك: اي المشكله..

جاكي: ممكن ينشروا الكلام دا..

جاك: احسن.. عشان الدنيا كلها تعرف...

جاكي: احييييه عليا..

جاك: مش هتبطلي الكلمه دي!

جاكي: تؤتؤ..

جاك: اممم... طب تعالي نقعد..

قعدنا انا وهو ع الارض وبصينا للبحر..

جاك: بحبك..

ـــــــــــــــــــــــــــــــــــــــــــــــــــــــــــــــ

الليل حل وهما لسه فوق..

نور: يلا ننزل نقعد تحت.. انا مليت من هنا..

هند: نادي الباقيين ويلا..

سبقتهم ونزلت والباقيين نزلوا وراها..

هند: نور.. بصي..

نور: انا مبقتش فاهمه حاجه الصراحه... هو في اي..

هند: مش عارفه.. بس هما بيفضلوا لوحدهم كدا ع طول..

الباقيين نزلوا وجم قعدوا جنبنا...

هند: معلش بقاا هنبوظ اللحظه..

جاكي: لحظة اي!

جاك: مانتوا معروفين برخامتكوا... اي الجديد..

نور: اممم.. طب يلا نلعب..

ادم: وانا كمان عايز العب..

محمد: هنلعب اي!

جاك: صراحه..

ادم: حلو دا.. استنوا اجيب قزازه..

قام ورجع..

قعدنا كويس وجاك قعد جنبي وبدأنا نلعب..

محمد: انا هسأل نور.. جرأه ولا صراحه!

نور: جرأه..

محمد: تمام.. مثلي مشهد درامي من فيلم..

نور: نعم!

محمد: مليش دعوه انتي اللي قولتي..

نور: ماشي.. احم.. متسيبنيش... لا حرام عليك.. انا بحبك.. لي بتتخلى عني بعد كل اللي عملته عشانك!!.. انت حقير.. انا مبقتش بحبك.. مش عايزاك.. انت وحش.. وحش..

الكل ضحك بصوت...

محمد بضحك: ياريتني ماقولت..

لعبنا تاني..

ادم: انا هسأل جاك..

بصلي بخبث..

ادم: جرأه ولا صراحه!

جاك: صراحه..

ادم: حلو... بتحب حد!

جاك: ايوا..

فيروز: ومين بقاا..

جاك: اللعبه سؤال واحد.. وانا جاوبت..

محمد: نلعب تاني ياجماعه اهدوا..

نهى: انا هسأل جاكي.. جراه ولا صراحه!

جاكي: صراحه...

نهى: ناويه تعملي اي ف حياتك!.. يعني هتفضلي كدا ولا عندك خطط جديده.. هترجعي مثلا القاهره... تسيبينا.. الكلام دا..

جاك: اسمحيلي اجاوب اناا..

نهى: وانت تجاوب بدالها ليه!

جاك: انتي سالتي سؤال وعايزه اجابه صريحه.. انا هجاوبك... اللي هيحصل فيما بعد انها هتبقى دكتوره قد الدنيا... وهيحصل حاجه قريب هتخليها تفضل معانا غصب عن اي حد... وبعدين تخلص جامعتها وتبدأ تشتغل وتسافر.. الخ.. بس.. دي خططها..

فيروز: والنبي انت عسل.. يلا..

اوباا.. انا هسال جاكي..

جاكي: يانهار ابيض...

فيروز: جرأه ولا صراحه!

جاكي: جرأه..

فيروز: حلو..غنيلنا بصوتك اغنية حلوه كدا..

جاكي: احيييه... لا طبعا.. صوتي وحش..

جاك: صوتك مش وحش.. غني..

احنا اتفضحنا ياجدعان خلاص...

فيروز: يلا...

جاكي: اغني اي!

فيروز بخبث: عارفه سيرة الحب!

جاكي: ااه.. عارفاها...عارفاها يافيزو..

فيروز: غنيها...

شجعت نفسي وبدأت اغني..

ـ" طول عمري بخااف.. من الحب.. وسيرة الحب.. وظلم الحب لكل اصحاااابه...

واعرف حكايات.. مليانه آهات.. ودموع وآنين... والعاشقين.. دابوا.. ماتابوا...

جاك بدأ يغني معايا وهو مبتسم وباصصلي..

وهما بيسقفوا..

"طول عمري بقوول.. لانا قد الشوق.. وليالي الشوق.. ولا قلبي، قد عذابه.. عذااابه..

وقابلتك انت لقيتك بتغير كل حياتي.. معرفش ازاي.. حبيتك.. معرفش ازاي.. ياحياتي..

من همسة حب لقيتني بحب.. لقيتني بحب وادوب ف الحب...

ادوب ف الحب وصبح وليل.. وليييل.. على بابه.. "

خلصنا وبصيت لقيتهم مبتسمين ع الاخر ومركزين معانا وانا اتكسفت... والاستاذ ادم بيصور...

فيروز: كملوا كملوا متوقفوش.. صوتكوا عظمه مع بعض...

جاكي: لا خلاص.. انا غنيت اهوو..

جاك بصلي وابتسم..

جاك: كملي..

" فاات.. من عمري سنين.. وسنين.. شوفت كتير.. كتير وقليل عاشقين... اللي بيشكي حاله لحاله.. واللي بيبكي على مواله.. اهل الحب صحيح مساكين... صحيح مساكين.. ياما الحب نده على قلبي.. مردش قلبي جواب..

وياما الشوق حاول يحايلني.. واقوله روح ياعذاب..

ياما عيون شاغلوني.. لكن ولا شغلوني... الا عيونك انت.. دول بس اللي خدوني خدوني.. وبحبك امروني...

امروني احب لقيتني بحب.. لقيتني بحب وادوب ف الحب.. وادوب ف الحب وصبح وليل.. ولييل.. على بابه..

كنا بنغني وكإن مفيش غيرنا ومنسجمين مع الاغنيه قوي وبنبص لبعض ونبتسم...

"ياللي ظلمتوا الحب.. وقولتوا وعيدتوا عليه.. وقولتوا عليه مش عارف اي... العيب فيكوا.. يافي حبايبكوا.. اما الحب.. اما الحب.. ياروحي عليه ياروحي.. عليه..

ف الدنيا مفيش ابدا ابدا.. احلى من الحب.. نتعب ااه.. نغلب.. نشتكي منه لكن بنحب..

ياسلام ع الحب وتنهيده.. ف وصال وفراق.. وشموع الشوق لما يقيدوا لليل مشتاق... ياسلام ع الدنيا وحلاوتها ف عين العشاق.. ياسلام ياسلام على حلاوتها.. ياسلام ياسلام...

جاك: ياللي مليت بالحب حياتي.. اهدي حياتي اليك.. روحي.. قلبي.. عقلي.. حبي...

كلي ملك ايديك...

صوتك.. نظراتك.. همساتك.. شئ مش معقووول... شئ خلى الدنيا.. زهور على طول... وشموع على طول...

الله ياحبيبي.. على حبك.. وهنايا.. معاك.. الله ياحبيبي ياحبيبي.. الله الله.. ولا دمعة عين جرحت قلبي.. ولا قولة ااااه... مبقولش ف حبك غير الله.. الله الله..

وانا خدني الحب لقيتني بحب.. لقيتني بحب وادوب ف الحب.. ااه.. ادوب ف الحب وصبح وليل.. وليييل على بابه.. "..

برافووووو

فوقنا ع صوتهم ووقتها بس استوعبنا ان في ناس حوالينا عشان حقيقي انا مكنتش واعيه اصلا..

فيروز: الله عليكوا والله..

نور: يارايقين...

ياسين: والله انا طول عمري بسمع الاغنيه دي.. وعمري ماحسيت بيها كدا..

ادم: الفيديو دا هيضرب والله..

جاكي: لا يبروو متهزرش..

ادم: نزل خلاص..

جاكي: لا ياادم بطل رخامه..

جاك: سيبيه... احنا بنغني عادي..

مكنتش قلقانه من حاجه غير من برود جاك دا..

جاك: كملوا لعب..

لعبنا تاني..

سما: انا هسأل جاك... جرأه ولا صراحه

جاك: صراحه..

سما: صفات اللي انت بتحبها..

بصلي وابتسم وانا قلقت الصراحه... كدا هنتفضح..

جاك: عايزه تعرفي اي..

سما: صفاتها.. طويله ولا قصيره..

جاك: قصيره..

سما: عينيها!

جاك: عيون غزلان..

انا هبله فابتسمت تلقائيا...

سما: امم.. محجبه ولا بشعرها..

جاك: مقدرش احب واحده بشعرها.. محجبه اكيد..

سما: اشمعنى!

جاك: مبحبش احب حد ويكون عرض للناس..

سما: امم.. طب.. تخينه ولا رفيعه!

جاك: لا دا ولا دا..

سما: فيها غمازات!

جاكي: خدود..

سما: اممم..

جاك: خلاص ياختي.. هي حكايه!

لعبنا تاني..

محمد: انا هسأل جاكي..

جاكي: يادي جاكي..

محمد: جرأه ولا صراحه..

جاكي: صراحه..

محمد: اممم.. لو حصل وحبيتي حد... هتبقي اي بالنسباله..

جاكي: مش فاهمه معلش..

محمد: يعني هتعملي اي او هتقربي منه قد اي عشان تحسي انك مريحاه ع الاخر وان هو مبسوط بقربك..

جاكي: انا مش عارفه هي ليه الاسئله كلها عن الحب بس تمام.. لو حبيت حد هبقى ليه حبيبه واخت وصديقه وام وابنه وزوجه... لو عينيه تعبته.. هبقا انا عينيه اللي بيشوف بيها.. لو وقع ف يوم.. هكون انا عُكازه... سنده وقت الشده.. مينفعش يلجأ لحد وانا موجوده... هتشقلب عشان يكون هو مبسوط ومرتاح.. عادي اجي ع نفسي عشانه وعشان راحته.. وهو هيكون بالنسبالي صاحبي واخويا وابني وابويا واهلي ووَنسي وناسي... نور عينيا.. النفس اللي مقدرش اعيش من غيره... املي ف الدنيا...

فيروز: ياختي عسل.. اي الحلاوة دي..

حطيت ايدي ع وشي من الكسوف عشان انا غبيه واندمجت..

محمد: يابخته والله..

جاكي: هو مين!

محمد: اللي هيكون نصيبك..

كنت سانده ع ايدي وحطاها ورايا وجاك راح حط ايده عليها وانا قلبي وقف للحظه كدا...

مامت ادم: طب والنبي تفكيرك حلو.. مش زي بنات اليومين دول.. كل همهم الفلوس والمظاهر..

نهى: مفيش حد مش هامه الفلوس والمظاهر.. وبعدين الحب والحاجات دي.. كلام فارغ.. الفلوس هي اللي بتبني البيوت والعلاقات تستمر..

جاكي: ولو جه ف يوم والفلوس خلصت.. حصل اي حاجه ومبقاش معاهم فلوس.. هيعيشوا ازاي!.. السبب اللي خلاهم مع بعض اهو مبقاش موجود... كدا البيت هيتخرب..

نهى: واي اللي هيخليهم يكملوا مع بعض طلاما مفيش فلوس.. هيدوروا يشحتوا مع بعض!.. يعني انا مثلا نور.. مقدر اجوزها غير لحد غني ويقدر يعيشها ف نفس المستوى..

جاكي: ولو حبت واحد ع قده..

نهى: لا طبعا.. مش مقبول نهائي..

جاكي: العلاقات اللي بتبقى قايمه ع الفلوس مش بتدوم ع طول... ع عكس العلاقات اللي قايمه ع الحب والتفاهم والتضحيه..

نهى: كل دا كلام فاضي ملوش لازمه.. انتوا لسه صغيرين ومش فاهمين اي الصح..

انا لو بنتي كانت متجوزه واحد وهو مبقاش معاه فلوس هخليها تطلق طبعا..

جاكي: دا مش جواز... كدا هي عايشه معاه عشان فلوسه... الجواز مشاركه... الفلوس بتروح وتيجي.. اهم حاجه نكون مرتاحين مع بعض ف كل الاحوال..

نهى: ترضي تتجوزي واحد معهوش فلوس وتقعدي معاه ف اي مكان كدا وخلاص!

جاك: ليه لا.. اقعد معاه ف عِشه... مش حبيبي موجود فيها!!.. هتبقى قصر مش عشه... طلته عليا هتبقى بالدنيا... اللقمه معاه براحة بال.. احسن من وليمه ف قصر بس مش مرتاحين...

نهى: فلنفترض انه طلع مبيخلفش.. ومحتاج ياخد علاج غالي او يعمل عمليات.. مش كل دا محتاج فلوس!.. لو مش معاه فلوس بقاا.. انتي هتعملي اي!!.. هتعيشي من غير ماتخلفي وتحرمي نفسك من الخلفه عشان الحب!... هتبقي بطولك ف الدنيا...

جاكي: معنديش اي مشكله.. وحتى لو كان الامل ١%... هعيش معاه.. وهحمد ربنا ع نعمة وجوده معايا.. ليه معتبروش ابني... هعتبره ابني البكري.. واللي كنت هديه لاولادي من حب وحنيه والخ.. هديهوله هو.... ولو ربنا رزق حمد وشكر.. مرزقش.. انا راضيه... هو عندي هيبقى نصيبي ورزقي ال ٢٤ قيراط...

نهى: كلامك دا هتعرفي بعدين انه تافه وملوش لازمه.. مفيش حاجه اسمها حب.. مفيش حاجه اسمها اعيش معاه وهو معهوش فلوس..

جاكي: الفلوس بتيجي بعدين.. اشتغل انا وهو ونسند بعض ونستحمل بعض ف الحلوه والمره... وانا عن نفسي لما اخلف.. هربي ولادي ع الحب.. مش ع الفلوس... يطلعوا شبعانين حب وحنان احسن مايكونوا شبعانين فلوس بس عندهم نقص.. صدقيني وقتها النقص دا مش هيعرفوا يعوضوه بسهوله... اما لو عندهم نقص فلوس، فدي حاجه سهله جدا.. ممكن تتحل ف اي وقت ويبقاا معاهم فلوس... عشان العواطف مفيش زيها..

فيروز: كل مره بتكبري ف نظري اكتر... تسلم ربايتك والله..

بصيت لقيتهم كلهم باصينلي ومبتسمين وكإني بقول شعر... وجاك عمال يمسك ف ايدي وانا متوتره لاحد يشوفنا...

جاك: اول مره اشوف بنت مش هامها الفلوس... كل البنات بيحبوا اللبس والمجوهرات والحاجات الغاليه.. يركبوا عربيات.. يروحوا اماكن غاليه..

جاكي: كل دا هري فاضي.. مفيش احسن من البساطه.. يعني اصلا اي لزمة اننا ندخل مطعم غالي جدا.. واحنا ممكن نشتري اكل ونقعد ناكل ع البحر ف روقان واحنا مشغلين اغاني كدا...

ندى: صح.. هيبقى ليها طعم تاني خالص.. والواحد ع طبيعته ومش محتاج يتصنع..

محمد: دماغكوا زي بعض.. عشان كدا صحاب..

ادم: يعني ياجاكي.. لو قدامك انك تتجوزي واحد غني بس مش بتحبيه وهو بيحبك وممكن يجيبلك الدنيا كلها.. وواحد تاني ع قده بس بتحبوا بعض.. مين اللي هيلفت انتباهك...

جاكي: اللي بحبه طبعا... الجواز العادي دا اللي قايم ع الفلوس وكمية الحاجات وتمنها ومش عارفه اي، دا بيبقى مجرد جواز.. اتنين عايشين مع بعض ف نفس البيت وخلاص.. شوية هوا ممكن يفرقوا بينهم بكل سهوله..

اما الجواز عن حب دا.. مش بيبقى جواز.. بيبقي جنه..

هند: انا مش مصدقه ان انتي بتقولي كدا... طلعتي عاقله...

نهى: ولو عمل حادثه.. ووشه اتشوه.. وبقاا حد لا يُطاق.. هتعملي اي وقتها.. وهو مش قادر يعمل عملية تجميل مثلا..

جاكي: هيفضل ف عينيا اجمل الناس... لان انا مش واخداه عشان شكله.. انا واخداه عشان بحبه..

سما: بكرا يتقدملك واحد كدا وهتشوفي ازاي هترفضيه..

جاكي: لو مش بحبه هرفضه.. لو بحبه مفيش سبب يخليني ارفض..

نهى: هتنامي من غير عشا!!

جاكي: انام.. كفايه وجوده بخير جنبي..

فيروز: ربنا يكملك بعقلك ياقمر انتي.. اسكتي يانهى.. مش هتعرفي تأثري عليها..

ادم كان شايف جاك وهو ماسك ايدي وانا بحاول اشيلها...

كملنا لعب وانا سيبتهم وطلعت اوضتي..

كنت ماشيه لوحدي ف الطرقه وفجأه حسيت بخيال حد ورايا...

بصيت ملقتش حد..

كبرت دماغي ومشيت وفجأه سمعت صوت انفاس مش غريبه عليا..

لفيت وفجأه..

جاكي: اعاااااا