رواية قلبي ليس بيدي الفصل الثاني والخمسون 52 بقلم حسناء مصطفي

بصيتله بصدمه وكنت لسه هصوت راح حط ايده ع بوقي..

جاك: اشش.. هتفضحينا..

جاكي: اي دا!!!

جاك: معرفش.. . اوعي كدا خليني اغسله..

ميل وغسل راسه وانا قعدت ع الارض من الخضه وعيطت..

جاك: انا مش فاهم هو.... اي دا انتي بتعيطي!!

جه قعد قدامي..

جاك: بتعيطي ليه!

جاكي: اي الدم دا..

جاك: مش عارف... ممكن اروح اكشف..

جاكي: دا مش مرض عشان تروح تكشف... مفيش مرض من اعراضه ان راسك تجيب دم..

جاك: امال هيكون اي..

جاكي: مش عارفه... بس ممكن يكون..

جاك: لا متفكريش... انا مبصدقش الحاجات دي..

جاكي: ع فكره مفيش تفسير تاني غير كدا..

جاك: بصي فكك من الموضوع دا دلوقتي وبعدين نشوف..

جاكي: طب افرض حد شاف دا..

جاك: لا انا دخلت بسرعه لما حسيت بحاجه ف دماغي..

جاكي: انا خايفه..

جاك: متخافيش... خير..

سابني وطلع وانا جبت النسكافيه وطلعت معاهم..

جاكي: اتفضلوا..

جاك فونه رن فقام يتكلم ف البلاكونه...

ـــــــــــــــــــــــــــــــــــــــــــــــــــــــــــــــ

نهى: ايوا زي ماقولتلك بالظبط.. اعمل كدا.. وزود كمان.. وانا هديك اللي انت عايزه.. الصور وصلتلك دلوقتي... اعمل كل اللي تقدر عليه.. للاتنين..

ـ تمام ياهانم.. اللي تشوفيه..

نهى: ماشي يلا سلام...

لفت لقت عطيات واقفه وراها...

نهى بغضب: انتي بتعملي اي هنا ياحيوانه..

عطيات: انا جبت لحضرتك القهوه ياهانم..

نهى: وازاي تدخلي كدا ياغبيه انتي..

عطيات: الباب كان مفتوح ياهانم..

نهى: انتي كمان بتردي عليا!!

عطيات: انا اسفه.. مقصدش..

ـــــــــــــــــــــــــــــــــــــــــــــــــــــــــــــــ

فيروز: ماتقولي لادم ياجاكي خليه ييجي معانا..

محمد: ايوا فكره حلوه.. قوليله..

هند: وكمان يجيب منه ومامته معاه.. هننبسط كلنا والله..

جاكي: مظنش انه هيوافق..

نور: جربي ياست مش هنخسر حاجه..

جاكي: خلاص هقوله واشوف...

قومت جبت فوني ودخلت كلمته ف البلاكونه بعيد عن جاك شويه...

جاكي: ها ياادم..

ادم: اي اخبار السهره..

جاكي: ياشيخ اتلهي.. المهم انا كنت برن عليك عشان اقولك ع حاجه كدا..

ادم: خير..

جاكي: كنا طالعين رحله كدا كلنا مع بعض.. وهما قالوا عايزينكوا معانا..

ادم: رحله فين!

جاكي: لشرم الشيخ.. طالعين كلنا

ادم: لا مينفعش... هما طالعين عيله مع بعض..

جاكي: لا يبرو عادي... واصلا هما اللي عايزينكوا معانا عشان نغير جو كلنا..

ادم: مش عارف.. هشوف الجماعه وارد عليكي..

جاكي: لا بقولك اي.. انت جاي معانا وش.. ولازم تجيب مامتك ومنه عشان يغيروا جو معانا.. ومش هقبل اعذار..

ادم: خلاص ياست هشوف.. يلا اتكلي بقاا خليني انام..

جاكي: نام ياخويا سلام..

قفلت وبصيت لقيت جاك واقف وحاطط ايده ف وسطه...

بدأ يقربلي وهو متعصب..

جاكي: والله ارمي نفسي من هنا..

جاك: تاني ياجاكي!!

جاكي: والله هما اللي طلبوا..

جاك: طلبوا اي بس..

جاكي: هما اللي قالوا عايزين دومي معانا..

جاك: هما قالوا عايزين دومي!

جاكي: لا هما قالوا قالوا عايزين ادم... دومي دي من عندي..

جاك: اعمل فيكي ايييي...

جاكي: ولا حاجه.. موواه... ابعد بقاا..

جاك: لا مينفعش ف الهوا انا عايزها ع خدي..

جاكي: هي اي..

جاك: البوسه..

جاكي: اوعى يلااا كدا.. احنا هنهزر..

راح حط ايده حواليا ع الحيطه...

جاكي بخوف: هتعمل اي.. والمصحف اقول بيعتدي عليا بتاع النسوان داا..

جاك: انا هوافق ان ادم ييجي معانا... بس والله ياجاكي.. لو مالميتي نفسك لاخليهم يترحموا عليكي..

جاكي: مالك ياسطا عنيف ليه..

جاك: سمعتي انا قولت اي..

جاكي: طب اقولك ع حاجه مش ف سياق الموضوع..

جاك: قولي ياختي..

جاكي: دقنك حلوه كدا...

زقيته وطلعت اجري ع جوا...

وهو حط ايده ع وشه وضحك..

جاك: انا عارف.. مجنونه.. يارب صبرني..

دخل ورايا..

جاك: اي ياجماعه.. انتوا هتباتوا هنا ولا اي..

هند: طب والله فكره.. مانبات معاها يافيروز..

فيروز: وابوكي ينام لوحده!

نور: خلاص روحي انتي واحنا ننام معاها..

سما: ايوا ياماما والنبي..

جاكي: خلاص سيبيهم معايا يسلوني حتى..

فيروز: ماشي ياست.. يلا يامحمد..

محمد: اي دا واشمعنى محمد!!... انا كمان عايز انام..

فيروز: تنام فين ياللي تنام عليك حيطه انت..

محمد: الله.. اشمعنى انا..

فيروز: دول بنات ف بعض.. تتحشر وسطيهم ليه انت!

يلا ياجاك..

جاك: احم... مانا كمان عايز ابات..

فضلت اضحك انا والبنات..

فيروز: عوض عليا عوض الصابرين يارب.. حتى انت!!.. ماتمشوا بقاا..

جاك: طب مانبات كلنا ونمشي بكرا..

فيروز: انت هتمشي قدامي انت وهو ولا اقلع الجزمه..

جاك: لا خلاص همشي.. جزمة اي هي ناقصه!..

يلا ياعم محمد..

محمد: يادي محمد... يلا

مشوا وقعدت انا والبنات...

ــــــــــــــــــــــــــــــــــــــــــــــــــــــــــــــ

فيروز: تروح تجيب البنات بكرا ياجاك...

جاك: ماشي..

فيروز: قولي بقاا..

جاك: اي..

فيروز: اي اخبار الدنيا معاك..

جاك: اهو ماشي الحال..

فيروز: وجاكي!

جاك: مالها..

فيروز: ياواد..

جاك بضحك: ياحول الله يارب... عايزه اي ياست انتي..

فيروز: ماتقولي الحقيقه بقاا..

جاك: قولتلك مفيش حاجه.. انتي اللي مصممه انه في..

فيروز: ماهو عشان في فعلا... انت حبيتها!!

جاك: يادي النيله... قولتلك قبل كدا لا..

فيروز: امال لازقلها ليه!... وليل ونهار معاها ليه!.. ومبتروحش شغلك ليه!...

جاك: عادي يعني..

فيروز: ماشي... لما نشوف اخرتها معاكوا..

جاك: اخرتها عسل ياعسل..

ـــــــــــــــــــــــــــــــــــــــــــــــــــــــــــــــ

هند: تعالي بقاا ياقمر احكيلنا كدا..

جاكي: احكيلكوا اي..

نور بخبث: يابت... كنتوا فين بقاا.

جاكي: كنا بنتمشى شويه..

نور: لا انتوا اخرتوا قوي.. يعني كنتوا ف حته بعيده..

جاكي: هو انتوا شاغلين بالكوا بيا ليه بقاا!!..

هند: اصلكوا واضحين قوي.. وبعدين يوم الخطوبه كنتوا حاجه تاني..

نور: الصراحه كنتوا لايقين ع بعض... انتي كنتي لابسه اسود وهو لابس اسود..يعني مطقمين مع بعض... والصراحه كل اصحابي فكروكوا مرتبطين... ولما قولتلهم ان مفيش حاجه بينكوا مكانوش مصدقين..

جاكي: اممم... واي كمان..

هند: ايوا واصحابي قالوا نفس الكلام..

سما بغيظ: ع فكره عادي يجماعه... اي الاوڤر داا..

هند: اسكتي انتي.. اشعرفك انتي مش فاهمه حاجه..

سما: لا فاهمه... بس ع فكره جاك بيحب اسيل ومستحيل يبص لواحده غيرها..

نور: واي المشكله يعني... ممكن يكون...

جاكي: بس انتي وهي.. مفيش. حاجه.. جاك صاحبي وخلاص ع كدا... مفيش اي حاجه... لمي خيالك ياختي انتي وهي..

هند: هنشوف..

نور: ابقي هاتي خطيبك معانا ياهند..

هند: فكره... بس مش عارفه هيرضى ولا لا..

نور: كلميه بكرا وشوفي..

هند: اشطا...

نور: شوفتوا مايا امبارح!

هند: يابااااي... دي حاجه كدا قرف... مش عارفه اي اللي جابها دي..

نور: اكيد جاك عزمها يعني..

سما: مشوفتوش كانت لابسه اي... دي جريئه قوي..

هند: دي قلة ادب مش جرأه..

نور: ياخوفي لاتيجي معانا الرحله دي..

هند: ايوا صح... ممكن تكون مع الناس اللي هتروح مع جاك..

جاكي: دي انسانه بارده ياجدعان.. مشوفتوهاش كانت بتأكله ازاي!..

هند: ااه عشان كدا انتي بوظتي وشه بالجاتوه...

جاكي: مياعه وقلة ادب... اعملهم اي يعني..

نور: جدعه والله... دي سئيله...

ـــــــــــــــــــــــــــــــــــــــــــــــــــــــــــــــ

اليوم عدى وجاك وفيروز ومحمد روحوا وانا فضلت اتكلم وارغي مع البنات لحد مانعسنااا...

صحيت تاني يوم ع خبط الباب...

فوقت لقيتنا نايمين ف الصاله مكانا... حطيت الطرحه ع شعري وطلعت افتح...

فتحت وانا مغمضه من النعس..

جاكي بنعس: اممم..

فضل باصصلي وساكت..

جاكي: يابني اخلص عايز اي..

جاك: انتوا لسه نايمين!

جاكي: اممم..

جاك: انتي عارفه الساعه كام!

جاكي: كام..

جاك: الساعه ٤...

جاكي: عادي...

جاك: طب ناديهم عشان نمشي..

جاكي: اوووف بقاا.. اي الرزاله دي..

جاك: ع فكره مينفعش تطلعي تفتحي الباب وانتي نعسانه كدا..

جاكي: ليه.. هتخطف!

جاك: ايوا.. محدش هيقدر يقاوم الجمال دا..

فتحت عيني كدا وانا بحاول استوعب اللي بسمعه..

جاكي: احم... طب انا هدخل اصحي البنات..

سيبته ودخلت صحيتهم وهو دخل قعد....

جاك: اخلصوا عشان تلحقوا تجهزوا شنطكوا...

هند: ماشي يلا..

جاك: انتوا كلكوا نعسانين كدا ليه!.

نور: ماحنا نايمين متأخر..

جاك: فسدتي العيال يادكتوره!

جاكي: تؤتؤ.. هما فسدانين لوحدهم...

جاك: طب يلا ياختي انتي وهي... وانتي جهزي حاجتك عشان هنعدي عليكي الفجر...

جاكي: قول يارب..

مشيوا وانا دخلت كملت نوووووم...

ـــــــــــــــــــــــــــــــــــــــــــــــــــــــــــــــ

محمد: فيزوو... هي نهى هتروح معانا!

فيروز: مش عارفه.. بس اكيد هتلزقلنا يعني...

محمد: طب انتي قولتي لبابا!

فيروز: ايوا قولتله ووافق..

محمد: تمام.. انا هطلع اجهز حاجتي عشان خارج بالليل..

فيروز: ماشي..

ـــــــــــــــــــــــــــــــــــــــــــــــــــــــــ

قومت لقيت الساعه ٨... اتوضيت وصليت وجهزت حاجتي...

جتلي مسدج... فتحت وكان ادم..

ادم: اي ياسطا..

جاكي: عملت اي..

ادم: انا قولتلهم وهما وافقوا بالعافيه.. بس انا مكسوف ياست..

جاكي: يعم مفيش كسوف ولا حاجه... هما بنفسهم والله اللي طلبوا انكوا تيجوا معانا...

ادم: تمام.. هنمشي امتى!

جاكي: ف الفجر... بص انت هتجيبهم معاك وتيجوا عندي هنا لحد ماجاك يوصل ونمشي مع بعض...

ادم: ماشي تمام...

قفلت معاه..

وخلصت حاجتي وفضلت صاحيه لحد الفجر... قومت صليت ولقيت جاك بيرن..

جاكي: امم..

جاك: جاهزه!

جاكي: ايوا..

جاك: طب احنا قدام الشارع وادم هنا اهو

جاكي: ماشي جايه..

قفلت معاه ونزلت...

كان محمد وفيروز ونهى وسما ف عربيه... وادم ومنه ومامتهم ف عربيه.. ونور وهند وياسين ف عربيه..

جاك نزل خد مني الشنط وركبت معاه وطلعنا...

ـــــــــــــــــــــــــــــــــــــــــــــــــــــــــــــــ

نهى: انتوا بردو جبتوها معانا!

فيروز: وانتي مالك انتي..

نهى: اي القرف دا.. هي مفيش وراها حاجه غيرنا!

فيروز: ملكيش دعوه ياختي... اصلا الرحله من غيرها ملهاش طعم... انا مش عارفه اي اللي جابك معانا اساسا..

نهى: وانتي...

محمد: بسسسس.... اي هتتخانقوا هنا كمان!!... بطلوا بقاا...

ــــــــــــــــــــــــــــــــــــــــــــــــــــــــــــــــــــــ

ياسين: هي ازاي طلعت عايشه ياهند!

هند: دا موال كبير قوووي..

ياسين: طب في موضوع كدا كنت عايز اقولك عليه..

هند: قول..

ياسين: في كذا واحد كلمني عليها..

هند: ع مين!

ياسين: ع جاكي.. كذا واحد قالي اكلمها عليه..

هند: نهار ابيض... مين قالك كدا..

ياسين: اكدب عليكي لو مقولتلكيش ان معظم صحابي اللي كانوا موجودين...

نور: هي حلوه الصراحه ويتبصلها... بس جاك مظنش انه هيوافق..

ياسين: وجاك ماله... هي اللي هتتجوز مش هو..

هند: انت تروح تقول الكلمتين دول لفيروز ولا جاك... احنا كإننا منعرفش حاجه...

ـــــــــــــــــــــــــــــــــــــــــــــــــــــــــــــــ

جاك: سرحانه ف اي..

جاكي: ولا حاجه..

جاك: اممم..

جاكي: عايزه مايه..

جاك: خدي..

شربت وهو فضل باصصلي...

جاكي: بتبصلي ليه!..

جاك: عادي.. مبصش ليه..

جاكي: هو انا عرض!!.. ماتبص قدامك..

بص قدامه وانا ركنت راسي ع الكرسي وغمضت عيني...

جاك: بقولك هو.. انتي نمتي!!!.. يادي النيله... ارغي مع مين انا دلوقتي... ياريتني جبت مايا معايا..

جاكي: وحيااة امك!

جاكي: اعوذ بالله... ياشيخه خضتيني... انتي مش كنتي نايمه!!

جاكي: ولااا.. متخلينش اخرب عليك... بلا مايا بلا بطيخ..

جاك: وانتي مالك.. انا حر..

جاكي: والله!.. طب تمام.. وانا كمان حره... استحمل بقاا..

جاك: هتعملي اي..

جاكي: ملكش دعوه... بقولك اي ماتشغل اي حاجه رايقه كدا...

جاك: عايزه اي..

جاكي: شغل حليم...

جاك: عايزه اي لحليم!..

جاكي: حاجه غريبه..

جاك: تصدقي صح...

شغل الاغنيه... وقعد يغني معاها...

جاك"حليم": حاجه غريبه.. حاجه غريبه.. الدنيا لها طعم جديد... حاجه غريبه.. حاجه غريبه.. انا حاسس ان دا يوم عيد..

جاكي"شاديه": وانا حاسه الدنيا هربانه ويانا ف ليل كله سعاده.. ليها فرحه حلوه ف عنيا وحلاوتها، سكرها زياده... انت عارف ليه!

جاك: قولي انتي ليه!

جاكي: علشان احنا مع بعضينا ولاول مره لوحدينا ومحدش بيبص علينا.. غير فرحة قلبنا وعنينا....

جاك: حاجه غريبه.. حاجه غريبه... الليل دا كله كان امبارح.. بيزيدني حرمان وأسيه.. أتغير ليه.. أتغير ليه.. حتى سواده له ضي حنين ف عنيا..

جاكي: والنجمه دي انا عارفاها... وتملي بسهر وياها... بس الليله بتلمع اكتر وبتندهلي وانا سمعاها... اهي.. بتشاور بتشاور... اهي.. بتقرب بتقرب... انا دلوقتي ماشيه معاها.. حاجه غريبه... حاجه غريبه.. حاجه غريبه... انت كمان انا شايفاك ماشي وياها..

جاك: انتي عارفه ليه!

جاكي: قولي انت ليه...

جاك: علشان احنا مع بعضينا ولاول مره لوحدينا ولاحدش بيبص علينا غير فرحة قلبنا وعنينا... حاجه غريبه... حاجه غريبه..

جاكي: حاجه غريبه... سما بتغني انت سامعها!!..

جاك: ايوا سامعها.. بتغني مع فرحة حبي...

جاكي: والموجه اللي هناك دي بترقص..

جاك: ايوا شايفها..

جاكي: دي بترقص على دقة قلبي... انت شايف!... انت سامع!... انتتت حاااااسس!

جاك: احساس.. غريب.. قبل النهارده مجربتوش...

جاكي: وشعور.. جميييل.. عمري ف حياتي.. معرفتووش

... ايه اللي جرالنا احنا بنحلم... ولا بنحلم.. كلمني قوول..

جاك: لو كان دا حلم... ياريته يطول... علشان نفضل نحلم كدا على طووول..

جاكي: والدنيا تفضل هربانه.. ويانا ف ليل كله سعاده..

ليها فرحه حلوه ف عنيا... وحلاوتها.. سكرها زياده... انت عارف ليه!

جاك: ايوا عارف ليه..

الاتنين: علشان احنا.. مع بعضينا ولاول مره لوحدينا.. ولاحدش بيبص علينا.. غير فرحة قلبنا وعنينا...

ـ برافوووووووو...

بصينا لقينا ادم ومحمد جنبنا بالعربيه وعمالين يضحكوا علينا...

ادم: اي الروقان دا..

جاك: ربنا يرزقك بنفس الروقان يعم...

محمد: طب انا اغني مع مين دلوقتي... غني معايا انتي يافيروز..

سما: ع فكره انا مصوراك...

جاك: والله هتزعلي ياسما..

جاكي: اسرع ياسطا... هيفضلوا يحفلوا كدا...

زاد السرعه وسبقناهم... وانا نطيت لورا...

جاك: بتعملي اي يابنت المجانين... كنتي هتاكلي وشي..

جاكي بضحك: معلش معلش... هنام انا بقاا.. يلا تصبح ع خير..

جاك: ياشيخه مستيبنيش لوحدي..

جاكي: ليه.. هتطخطفي يابطه!

جاك: اتلمي... مانا كدا هنعس..

جاكي: لا انت جامد ومش هتنعس...

سيبته ونمت... معرفش عدى قد اي... صحيت لقيته مغطيني بالجاكيت بتاعه وهو دراعه كله باين... اي قلة الادب دي..

جاكي: موصلناش..

جاك: خليكي مخموده...

جاكي: مقربناش طب ولا اي..

جاك: خلاص اهو..

قومت نطيت قعدت جنبه وهو بصلي كدا..

جاكي: عايز اي..

جاك: انتي هبله!..

جاكي: ايوا..

جاك: في حد ينط كدا!..

جاكي: يابا كبر دماغك بقاا... وبعدين خد الجاكيت بتاعك..

جاك: خليه الجو برد..

جاكي: ماهو برد عليك انت كمان.. وبعدين انت فرحان بعضلاتك اللي باينه دي!.. امسك ياخويا استر نفسك..

جاك: استر نفسي!..

جاكي: يخربيتك عنيك حمرا كدا ليه..

جاك: عشان منمتش ياختي... ولسه ورايا شغل..

جاكي: معلش معلش..

وصلنا ودخلنا اوتيل... جاك ظبط الدنيا مع الشباب وبعدين طلعنا الاوض... كل واحد راح اوضته ومبقاش غيري انا وجاك...

جاك: اتفضلي اوضتك اهي.. وانا ف الاوضه اللي قدامك دي..

جاكي: ثانكس بروو...

دخلت حطيت شنطتي والكل كان نام... بس انا مجاليش نوم فطلعت وقفت ف البلاكونه...

لمحت جاك كان واقف مع واحد وبيسلم عليه وبيتكلموا...

قعدت اتفرج عليه وع طريقته...

بعدين مشيوا وانا فضلت قاعده كدا وهما نايمين لحد مالعصر اذن...

روحت للبنات الاوض..

جاكي: يلا بقاا.. احنا جايين ننام!

هند: خلاص اهو..

جاكي: اخلصوا العصر اذن..

غيروا ونزلنا قعدنا تحت وفيروز ونهى جم ورانا...

محمد: جاكي تعالي نتمشى شويه...

جاكي: يلا...

مشيت معاه وفضلنا نتكلم ونهزر وفجاه حد حط ايده ع عيني...

ـ انا مين!...