رواية قلبي ليس بيدي الفصل الحادي والخمسون 51 بقلم حسناء مصطفي

قومت فتحت وكانت نهى..زقتني وقفلت الباب...

نهى: حمدلله ع السلامه..

جاكي: الله يسلمك..

نهى: هو انتي اي.. مواركيش حاجه غيرنا.. ماتغوري من حياتنا بقاا.

جاكي: بس انا مش ف حياتك... وبعدين هما اللي عايزيني معاهم..

نهى: محدش عايزك... انتي اللي لازقه ليهم... لو كنتي عايزه تطلعي من الليله دي بقرشين حلوين قوليلي وانا اديهملك...

جاكي بصدمه: انتي بتقولي اي.. انتي مجنونه!

نهى: اسمعي بقاا... انا عارفه شغل البنات دا كويس قوي.. مش هتعملي الشويتين دول عليا انا... انتي لازقه لجاك عشان الفلوس... عشان تعملي مصلحه حلوه..

بس بعينك... قوليلي انتي عايزه كام وانا هراضيكي..

بصتلي من فوق لتحت..

نهى: واظن انتي.. اي حاجه هتنفع معاكي.. ولا اي..

جاكي: انتي انسانه قذره..

نهى: احترمي نفسك..

لسه هتمد ايدها عليا بس لقيت حد مسك ايدها...

بصيت لقيته جاك.....

وقف قدامي وزقها بعيد...

نهى: انت اتجننت..

جاك: لو شوفتك بتمدي ايدك عليها تاني، هكسرهالك..

نهى: هتكسر ايد امك عشان دي!!

جاك: ايوا.. دا غير انك مش امي... متديش لنفسك لقب مش بتاعك... وجاكي ملكيش دعوه بيها.. والا صدقيني هتندمي...

نهى: عاجبك كدا!!... هو دا اللي انتي عايزاه!!

جاك: كلامك معايا انا.. انتي ملكيش كلام معاها..

جاكي: انا همشي..

جاك: استني.. اول واخر مره احذرك... انا كدا عملت اللي عليا...

سابتنا وطلعت... وقفنا ساكتين احنا الاتنين وانا بحاول امسك دموعي..

جاك: انا اسف..

جاكي: قولتلك وجودي بيعمل مشاكل..

جاك: لا.. انتي ملكيش ذنب.. مش ذنبك انها كدا...

جاكي: انا همشي..

جاك: تمشي فين.. لا طبعا..

جاكي: معلش ياجاك لو سمحت.. سيبني براحتي..

جاك: ايوا ياجاكي بس...

جاكي: لو سمحت اخرج عشان اغير هدومي...

خرج وانا دخلت غيرت هدومي ونزلت..

مكنش في غير جاك بره..

جاك: انتي رايحه فين..

جاكي: جاك سيبني.. والله لامشي..

جاك: تمشي ليه!!... يعني انتي مش عارفاها عامله ازاي!!.. مالكل عارف انها كدا..

جاكي: لا ياجاك.. فعلا انا زودتها ف وجودي معاكوا...

جاك: والله ابدا.. اسمعيني طيب..

جاكي: جاك... انا كدا كدا ماشيه.. فلو سمحت سيبني امشي قبل ماحد يصحى...

جاك: طب تعالي انا هوصلك..

بصيتله بتردد..

جاك: هوصلك والله..

ركبت معاه وطلع وطول الطريق ساكتين وانا باصه من الشباك... فجأه لقيته وقف..

جاكي: وقفت ليه!

جاك: عايز اتكلم معاكي شويه..

قعدت كويس وبصيتله...

جاكي: نعم..

جاك: مبدئيا انا اسف ع اللي قالته...انا عارف انها ضايقتك بكلامها...

معرفتش امسك دموعي اكتر...

جاك: لا لا.. والنبي ماتعيطي خلاص... طب خلاص حقك عليا انا...

جاكي: روحني..

جاك: طب بطلي عياط بقاا.. خلاص والنبي..

مسحت دموعي وفضلت باصه ف الارض...

جاك: انا اسف والله...بس هعمل اي... انا مش عارف اعمل معاها اي... وجودها مؤذي وف نفس الوقت خايف ربنا يزعل مني لو عملت حاجه.. صدقيني انا مش عايزها... ومستحمل اسلوبها عشان مضطر...

جاكي: خلاص.. محصلش حاجه..

جاك: يعني مش زعلانه!

جاكي: لا..

جاك: طب ترجعي معايا بقاا..

جاكي: لا.. هتروحني.. انا مينفعش افضل معاكوا... سواء مامتك قالت كدا او لا..

جاك: ممكن متقوليش مامتك..

جاكي: طيب.. روحني بقاا..

جاك: مينفعش تقعدي لوحدك..

جاكي: هجيب بابا يقعد معايا..

جاك: كدا انا اتطمنت...

جاكي: الله.. اعمل اي طيب!

جاك: مانتي قاعده وسطينا...

جاكي: بقالي ست شهور قاعده لوحدي... اي اللي حصل!

جاك: مفيش حاجه مضمونه... دا غير ان دلوقتي انتي ظهرتي.. والله اعلم اي اللي ممكن يحصل...

جاكي: صدقني مش هينفع.. مش هقدر..

جاك: موافق بس بشرط..

جاكي: اللي هو..

جاك: مفيش شغل.. الفلوس اللي انتي عايزاها خديها..

جاكي: هه عايز تصرف عليا!

جاك: جاكي جامعتك مش سهله.. وانتي كدا مقصره جدا.. ومحتاجه مصاريف كتير...

جاكي: جاك... انسى اني اخد منك فلوس..

جاك: مش مني... من عمي.. اهو زي ابوكي..

جاكي: جاك مينفعش..

جاك: افهمي بقاا.. مينفعش تفضلي داخله طالعه كدا... عمي هيديكي فلوس تصرفي منها.. دا غير ان ابوكي ليه فلوس مع عمي... لو حابه ممكن تاخدي من فلوس باباكي... غير كل دا ياست لما تشتغلي ابقي رجعي اللي خدتيه.. تمام!

جاكي:.....

جاك: تمام... كدا خلصنا من حوار الشغل... بالنسبه للبيت بقاا.. تقعدي جوا مفيش خروج.. وطبعا محدش يعرفك فبالتالي محدش هيروحلك يعني مش هتفتحي لحد... وانا هحط كاميرات مراقبه عشان تبقي قدامي طول الوقت..

جاكي: حيلك حيلك... اي كل دا..

جاك: دا شرطي عشان تمشي... غير كدا مفيش مشيان..

جاكي بتنهيد: المفروض هتحط الكاميرات فين؟

جاك: عند الباب والشبابيك والبلاكونه...

دا غير اني هحطلك حرس...

جاكي: احيه عليا... اي كل دا... مش مستاهله دا كله..

جاك: تفتكري بعد اللي حصلنا دا المفروض نتطمن!

جاكي: صحيح جسمك عمل اي!!

بصلي باستغراب..

جاكي: قصدي يعني الحروق..

جاك بابتسامه: تحبي تشوفيها بنفسك!

جاكي: تصدق انك قليل الادب...

جاك: مش انتي اللي بتسألي!..

جاكي: طب يلا روحني بقاا...

جاك: تمام.. بس اي حاجه هقول عليها بعد كدا هتتعمل..

جاكي: قول يارب..

مشينا وطلعنا ع البيت...

جاك: ع فكره هتلاقينا عندك كتير..

جاكي بضحك: مش هفتحلك..

جاك: تؤتؤ.. مش هتقدري..

جاكي: هنشوف..

سيبته وطلعت ودخلت البلاكونه لقيته لسه واقف... شاورتله عشان يمشي...

مشي وانا دخلت...

ـــــــــــــــــــــــــــــــــــــــــــــــــــــــــ

فيروز: اطلعي صحي جاكي ياهند..

هند: جاكي مش ف اوضتها..

فيروز: يعني اي مش ف اوضتها!!.. امال فين..

هند: معرفش.. انا فكرتها معاكي..

فيروز: اطلعي شوفيها ف الجنينه كدا..

جاك دخل...

جاك: لا متطلعيش... جاكي مشت..

فيروز: ليه يابني!

نهى كانت نازله من ع السلم...

جاك بعصبيه: اسالي الهانم...

نهى: اتكلم بادب ياض انت..

فيروز: عملت اي تاني..

جاك: راحت لجاكي اوضتها الصبح وهزقتها وكانت هتمد ايدها عليها..

فيروز: يالهوي.. ليه كدا... ليه الافتراء دا ياشيخه... هي قدك!!

نهى: انا مقولتش حاجه غلط..

جاك: ياشيخه!!!... يعني لما تقوليلها انها لازقه فيا عشان فلوسي دا يبقى اي!!!... لما تقوليلها انك هتديها قرشين وتطلع من حياتنا دا يبقى اي!!!

فيروز: انتي قولتيلها كدا!!!... انتي اي ياشيخه!!!... شيطانه!!!... حتى البت الغلبانه مسلمتش منك... يخربيت جبروتك... دا لو كان في حد همه الفلوس فهو انتي... انتي اللي كلبة فلوس...

نهى: احترمي نفسك يافيروز...

عمو احمد دخل...

عمو احمد: اي الظيطه دي ع الصبح.. في اي..

فيروز: تعالى شوف الهانم...

ـــــــــــــــــــــــــــــــــــــــــــــــــــــــــــــــ

عملت فطار وكلت وبعدين قعدت اذاكر عشان ورايا حاجات متلتله...

عدى الوقت وبعدين فوني رن..

جاكي: الو..

ادم: جي ازيك..

جاكي: بخير.. انت اي الاخبار..

ادم: فل... المهم بقولك..

جاكي: قول..

ادم: المحاضرات اللي فاتتك كلها معايا اهي.. اديهوملك ازاي..

جاكي: لا تقدر تيجي عادي انا ف الشقه..

ادم: اي دا انتي مش عند جاك!

جاكي: لا مشيت..

ادم: طب تمام هعدي عليكي اديهوملك...

جاكي: اشطا...

قفبت معاه وشويه والباب خبط.. بصيت من الباب لقيته ادم.. فتحت

ادم: اتفضلي ياست..

جاكي: ثانكس ياقمر... ادخل..

ادم: لا انا ماشي..

جاكي: اي دا.. من ع الباب كدا!

ادم: معلش عشان الشغل...

جاكي: طب هتيجي تاني!

ادم: هو انا ورايا غيرك!

جاكي: ماشي..

سابني ومشي وانا دخلت عملت الغدا...

طلعت ارمي الزباله...

جاكي: اعااا.. انتوا مين!

ـ جاك بيه بعتنا هنا يافندم..

جاكي: جاك ااه.. طب انتوا هتفضلوا واقفين كدا!

ـ دي اوامر يافندم..

دخلت جبت كرسيين...

جاكي: طب اقعدوا ع الاقل.. متخلونيش اشيل ذنبكوا...

بصوا لبعض باستغراب..

جاكي: يعم اقعد انت وهو.. مش مستاهله كل دا...

سيبتهم ودخلت وجبتلهم اكل من اللي عملته...

طلعت عطيتهم الاكل ودخلت غيرت هدومي ولبست عبايه وربطتها ع وسطي وربطت الطرحه ع دماغي وشمرت الكم وبدأت اروق الشقه عشان كانت معفنه ياجدعان... شغلت اغاني وبدات انضف...

كنت بمسح وفجأه الباب خبط...

نسيت وفتحت من غير ماابص من الباب..

بصيت لقيته جاك...

بصلي بصدمه وتنح وفضل يبصلي من فوق لتحت وقعد يضحك...

جاكي: بتضحك ع اي!!.. برقص اناا!

جاك بضحك: اي المنظر دا!

جاكي: ملكش دعوه.. بنضف..

جاك: اي دا.. دانتي ست بيت شاطره اهووو..

جاكي: ايون عندك عريس!

جاك: موجود.. بس وافقي انتي..

جاكي: اشطا موافقه..

جاك: لا صحيح بتعملي اي..

جاكي: بنضف والله..

جاك: وعامله الطرحه كدا ليه... واي اللي لابساه دا.. شبه البلياتشو والله...

جاكي: جاك.. امشي..

جاك: خلاص خلاص.. المهم كنت جاي اقولك اني هاخدك المشوار شويه كدا..

جاكي: مشوار اي..

جاك: اللي قولتلك عليه امبارح..

جاكي: اممم.. افتكرت..

جاك: طب اي..

جاكي: ماشي خلاص..

جاك: طب.. انا جعان.. مش عامله حاجه كدا ولا كدا..

جاكي بضحك: يابني انت مجنون!!... وهو حد قالك انه مطعم!!... يلا روح كل ف بيتكوا..

جاك: ماهو بصراحه اكلك حلو.. وكمان بستمتع بالاكل معاكي... ف البيت ملل قوي وخناق كتير وحاجه قرف..

جاكي: اممم.. وبعدين..

جاك: عامله اكل اي..

جاكي بتنهيد: ادخل يااخرة صبري..

دخل وقفلت الباب...

جاك: اي دا اي المايه دي..

جاكي: ماقولتلك بنضف.. روح البلاكونه نضيفه.. وانا هجيب الاكل هناك... بس اوعى تقع..

دخل بالراحه لحد البلاكونه وانا دخلت المطبخ جبت الاكل وروحت قعدت معاه...

جاك بضحك: مشغله عبد الباسط حموده!!

جاكي: ايون بحبه...

جاك: والله اللي يشوفك دلوقتي ميصدقش انك انتي اللي كنتي ف الخطوبه امبارح...

جاكي: لا يقمر انا حلوه ف كل حالاتي...

جاك: ايون ايون.. حلوه الثقه دي...

جاكي: طب يلا كل عشان تتكل..

جاك: اي الحلاوه دي!!... انتي اللي عامله دا بجد!

جاكي: يعم ايوا..

جاك: الاكل حلو فعلا..

جاكي: ع فكره انا مبعرفش اعمل اكل.. يعني بعمل بالبركه كدا..

جاك: طب والله عظمه... وبعدين صحيح.. اي اللي عاملاه بره دا..

جاكي: اي هو..

جاك: طلعتي كراسي للرجاله اللي بره واكل كمان.. انتي هبله!

جاكي: حرام هيفضلوا واقفين كدا يعني!... وبعدين عادي.. اي المشكله لما اطلعلهم اكل.. حرام كانوا جعانين قوي...

جاك: انتي غريبه والله... المهم.. ادم كان بيعمل اي هنا..

جاكي: انت لحقت تحط كاميرات!!

جاك: ايوا.. المهم ردي..

جاكي: كان جايبلي... ااه.. كان جاي يتطمن عليا.. اصله مش بيقدر يقعد غير لما يتطمن يعني..

جاك: يعني مكنش جايبلك محاضرات!!

جاكي: الاتنين..

جاك: رجله تخف عن هنا احسنلكوا انتوا الاتنين..

جاكي: وانت شو دخلك!!

جاك: مبهزرش...

جاكي: ولا انا..

جاك: جاكي اتلمي انتي والواد دا شويه..

جاكي: اسمه دومي مش واد...

بصلي بحده...

جاكي: خلاص خلاص هسكت...

كلنا وخلصنا...

جاكي: مش ناوي تتكل!

جاك: لا..

جاكي: يعم امشي خليني اكمل تنضيف..

جاك: ماتكملي هو انا ماسكك..

جاكي: لا انت هتروح زي الحلو كدا عشان لما تيجي بالليل اكون خلصت...

جاك: ياست خليني قاعد شويه.. اي الرخامه دي..

جاكي: غريبه... مكنتش بتطيق تتكلم معايا ف الاول..

جاك: مين قال كدا..

جاكي: انت مشوفتش كنت بتكلمني ازاي!

جاك: ماعشان انتي لسانك طويل... عايزاني اعملك اي..

جاكي: انت اللي قفول اوي.. ماعندك محمد اهو.. واحد قمر جدا وبيهزر ويضحك.. مش زيك..

جاك: مش زيي!!.. مانا بهزر وبضحك اهو... انتي لو جيتي يوم واحد الشركه.. مش هتصدقي ان دا انا... انا نفسي معرفش بهزر كدا ازاي... مش طبعي اصلا...

جاكي: لا طبعك.. الطبع غلاب.. انت بس مكنتش لاقي حد تشاركه هبلك... وطبعا انا ظهرت.. فمينفعش متشاركنيش...

جاك: حصل... واصلا اللي عملتيه امبارح دا خلى سمعتي قمر يعني...

جاكي: تستاهل.. عشان تبطل مياعه..

جاك: انا مش مايع... انتي اللي بتغيري..

جاكي: وانا هغير ليه ياوجه المعزه...

جاك: معرفش.. شوفي انتي بقاا..

جاكي: طب يلا بقاا.. هوينا..

جاك: طب شويه وهجيلك... اياك تقوليلي مش جاهزه..

جاكي: ماشي.. يلا بقاا..

سابني ومشي وانا كملت...

ـــــــــــــــــــــــــــــــــــــــــــــــــــــــــــــــ

فيروز: كنت فين ياجاك!

جاك: كنت مع جاكي..

فيروز: معرفتش ترجعها!

جاك: لا.. وهو بصراحه كدا احسن.. احسن من القرف اللي هنا..

نهى: امك بقت قرف... بقيت قرف عشان واحده متساويش!!

جاك: اظن عمي قالك لو اتكلمتي معاها ف اي حاجه هيبقا اخر يوم ليكي هنا... فبلاش تتكلمي معايا خالص لو سمحتي..

فيروز: طب تعالى اتغدى...

جاك: لا كلت..

هند: كلت فين!

جاك: عند... بره.. كلت بره...

سابهم وطلع وهما قعدوا يتغدوا....

ـــــــــــــــــــــــــــــــــــــــــــــــــــــــــــــــ

خلصت تنضيف وظبطت الدنيا... وبعدين دخلت اشوف هلبس اي...

معرفش احنا رايحين فين ولا ليه.. بس انا مبسوطه...

لبست وقعدت استنيته...

الساعه كانت حوالي4... الباب خبط... طلعت فتحت وكان هو..

اول ماشافني صفر...

جاك: هو انا خبطت ع شقه غلط ولا اي..

جاكي: ياراجل..

جاك: لا مكنتيش كدا من شويه.. احنا بنحلو كدا ليه..

جاكي: دا غزل صريح..

جاك: ايوا خدت بالي... وبعدين كويس انك لبستي بنطلون...

جاكي: طب يلا... صحيح احنا رايحين فين..

جاك بشرود: الجنه..

جاكي: مين..

جاك: رايحين مكان حلو كدا... بس صحيح.. الميكب حلو..

جاكي: اتكلم بقاا..

جاك: لا حلو.. مش هتكلم المرادي عشان محدش هيشوفك..

جاكي: محدش هيشوفني!!.. انت هتخطفني..

جاك: ايون.. وهنهرب بعيد..

جاكي: اشطا يلا...

نزلنا ركبنا العربيه وطلعنا....

ـــــــــــــــــــــــــــــــــــــــــــــــــــــــــ

عمو احمد: جاك فين يانهى..

نهى: خرج..

عمو احمد: خرج فين.. ومش بيروح الشغل ليه!..

نهى: وانا اشعرفني... روح شوفه بيتسرمح فين..

فيروز: سيبه ياخد نفسه شويه ياحمد...دانا ماصدقت الواد طلع من مود الشغل والكآبه اللي هو فيها... خليه يعيشله يومين حلوين... بدل الهم دا..

عمو احمد: يعني انتي عارفه هو فين!

فيروز: لا معرفش.. بس هو مش صغير يعني..

محمد: ياجماعه انا عايز اروح لجاكي... انت عارف العنوان يابابا!

عمو احمد: ايوا معايا.. بس مش دلوقتي... ابقوا روحوا بالليل مع بعض... عشان كمان تصالحوها بعد اللي حصل..

فيروز: ماشي..

ـــــــــــــــــــــــــــــــــــــــــــــــــــــــــــــــ

جاكي: ولااا انت هتخطفني بجد..

جاك: قولتلك ايوا..

جاكي: طب انا هنام ولما نوصل صحيني..

جاك: تنامي اي احنا المغرب...

جاكي: طب مقربناش ولا اي... احنا بعدنا قوي..

جاك: اشغلك اغنيه!

جاكي: ياريت..

جاك: تسمعي اي..

جاكي: عامر منيب اكيد يعني..

جاك: عايزه اي ليه يعني..

جاكي: اممم.. ياملاك...

شغل الاغنيه وانا جتلي مسدج من ندى...

فتحت الفون ورديت عليها وانا بغني مع الاغنيه..

ندى: مش عارفه اي الوطيان دا!!... ماتسألي طيب.. لحقتي تنسينا!

جاكي: ياعيوني مقدرش انساكي... انا بس كنت مشغوله قوي والله..

ندى: قوليلي انتي عامله اي..

جاكي: بخير... وانتي اي اخبار الدنيا معاكي..

ندى: عايزه اشوفك يابت وحشتيني...

جاكي: ماتعمليلي مفاجأه كدا وتجيلي اسكندريه..

ندى: طب اقولك حاجه!.. انا فعلاً ف اسكندريه..

جاكي: احلفي... بتعملي اي..

ندى: نقلت هنا عشان شغل بابا..

جاكي: دا احلى خبر سمعته ف حياااااتي... لوللللللولي...

ندى: عايزه اشوفك بقاا..

جاكي: اول ماهتوصلي هبعتلك العنوان...

جاك: بتكلمي مين كل دا..

جاكي: استنى يعم...

ندى: بابا بينادي... هكلمك بعدين..

جاكي: اشطا يبروو..

جاك: وصلنا..

جاكي: اخيرا..

جاك: بتكلمي مين..

جاكي: واحده... اي دا وانت مالك

جاك: ماهو لو طلع ادم والله انفخك..

جاكي: مش عارفه متغاظ من دومي ليه..

جاك: دومي تاني!

جاكي: وتالت وعاشر... وبعدين اي المكان دا... انت خطفتني فعلا ولا اي..

جاك: انزلي وانتي تشوفي...

نزلنا ودخلنا...

كانت ڤيلا ف مكان معزوووول ومفيش اي حاجه حواليه غير البحر...

دخلت جوه والمكان حقيقي ياخد القلب والله...

الڤيلا كبيره وتحفه بمعني الكلمه..

جاكي: الله.. بيت مين دا..

جاك: بيتي..

جاكي: هو انت عندك كام بيت..

جاك: متعديش... بس المكان دا محدش يعرف عنه حاجه... باجي هنا لما احب انعزل عن الناس...

تعالي..

خدني جوه وقعد يفرجني ع الاوض ... اي الجمال دا..

جاك: اي رأيك..

جاكي: حلو اوي.. بس هو انت ليه جبتني هنا..

جاك: مش عارف.. بس انا حسيت اني محتاج اجي هنا... وحبيت اجيبك معايا..

كان معلق صور اسيل ف كل حته وع كل الحيطان...

لدرجة انه راسم صورتها ع الحيطه...

جاكي: شكلك بتحبها قوي..

بص للصور بحزن...

جاك: اكتر حد ف الدنيا..

جاكي: بس كدا انت بتوجع قلبك... طول ماانت معلق الصور كدا هتفتكرها..

جاك: ومين قال اني ناسيها... هي مبتروحش من بالي..

جاكي: ربنا يرحمها..

جاك: تعالي...

نزلنا تحت ف الجنينه....

جاك: عايز اوريكي حاجه..

جاكي: اي هي..

خدني معاه بره.. لقيته بيشيل غطا من ع موتوسيكل قمر كدا....

جاك: نجرب!

جاكي: بتعرف!

جاك: ياشيخه!... يلا اركبي..

جاكي: لا يفتح الله... انا اشعرفني بتعرف تسوق ولا لا..

جاك: يابنتي بعرف.. اخلصي بقاا..

ركبت وراه..

جاك: امسكي فيا..

جاكي: لا انا حلوه كدا..

راح طلع مره واحده وانا مسكت فيه بسرعه وهو ضحك..

جاكي: طب افرض كنت وقعت دلوقتي..

جاك: عشان تبقي تسمعي الكلام...

طلع وانا ماسكه فيه...

راح ف مكان فاضي خالص ومفيهوش حد وراح ساق بسرعه جدا..

جاكي: دا اخرك يعني!

جاك: مش خايفه!

جاكي: لا..

جاك: خلاص عيشي بقاا...

زود السرعه اكتر وانا بزعق..

جاك: يخربيتك ودني..

جاكي: يابني هنتقلب يخربيتك...

جاك: مش انتي اللي عايزه كدا... بصي.. امسكي كويس..

جاكي: هتعمل اييي...

راح ساق بسرعه قوووي وانا بصوت زي الهبله...

روحت وقفت وراه وفضلت اصوت...

بصلي وضحك...

جاك: لو وقعتي هتتخرشمي والمصحف...

جاكي: هي موته ولا اكتر... وبعدين صح انا عايزه اسوق اناا..

جاك: لا هتودينا ف داهيه...

جاكي: لا والنبي والنبي.. نفسي اسوق..

راح وقف ونزل..

جاك: عارفه هتعملي اي..

جاكي: تؤتؤ..

جاك: احيه عليا..

بدأ يعلمني وانا بعمل اللي بيقول عليه..

جاك: فهمتي!!

جاكي: عيب عليك..

جاك: استني اركب وراكي عشان منروحش ف داهيه..

ركب ورايا وقرب مني جامد وحط ايده ع ايدي ووشه كان جنب وشي وانا قلبي ف ذمة الله والله..

جاك: يلا جربي بالراحه..

بدات اعمل زي ماقال...

جاكي: مشتغلتش ليه!

بصلي بقرف..

جاكي بضحك: بتبصلي كدا ليه..

جاك: اووف.. شغلي المكنه الاول ياجاكي..

جاكي: تصدق صح..

شغلتها ودارت معايا ولسه هتمشي فانا خوفت وسييت ايدي وكنا هنقع راح مسكها بسرعه..

جاكي بخوف: اني اسف..

جاك: انا كنت عارف والله... بتسيبيها ليه!!

جاكي: مش عارفه.. بس خوفت..

جاك: حطي ايدك هنا..

مسكتها تاني وراح حط ايده وتبت فيها وانا قلبي بيرقص مش بيدق اصلا...

جاك: اديني ماسكك كويس اهو.. متخافيش واخلصي..

شغلتها ومشينا بالراحه..

جاكي: لا لا.. لا هنقع والله..

جاك: متخافيش امسكي بس كويس..

جاكي: مفيش توازن يخربيتك..

جاك: جاكي انا المتحكم فيها... امال لما تركبيها لوحدك هتعملي اي..

جاكي: اي دا هو انا هركبها لوحدي!

جاك: امال عايزه تتعلمي ازاي... كملي... بقا خلينا نخلص..

لفينا بيها شويه واحنا بنضحك وانا خايفه قوي والله..

جاك: يلا بقاا اتنيلي انتي..

جاكي: متاكد..

جاك: انتي بتسأليني انا!!

جاكي: يلا ع البركه..

جاك: بصي.. في كوم رمله هناك.. ادخلي فيه..

جاكي: نينيني... عسل..

جاك: ياريت ترسى ع كوم الرمله.. يلا ابهريني..

وقف بعيد وحط ايده ف وسطه..

جاكي: احم احم..

جاك: انتي هتغني!.. ماتخلصي..

جاكي: ماشي متزوقش طاااه...

شغلتها ومشيت وهو واقف متنح..

فضلت الف حواليه وهو واقف مبتسم ومتنح...

جاك: اقفي اقفي.. اي دا..

جاكي بضحك: اي..

جاك: مانتي بتعرفي تسوقي اهوو..

جاكي: ايوا..

جاك: امال عماله تقولي مبعرفش ليه!

جاكي بضحك: يعني معرفش اشتغلك شويه يبرووو

جاك: وحياة امك!!!!

خدت المكنه وجريت وانا بضحك...

جاك: خدي هنا.. يخربيت دماغك..

جاكي: شوف دييي..

جاك بضحك: هتقعي ياهبله.. بس خلاص كفايه بقاا تعالي..

مشيت عليه وفضلت داخله فيه..

جاك: هتدوسيني... ياغبيه... حاسبي..

وقفت جنب رجله..

جاك: يابنت التيت... سنه كمان وكنت هروح ف داهيه..

جاكي: متقلقش... صاحبك خبره..

جاك: لا تعالي كدا... انتي بتعرفي تسوقي ازاي!

جاكي: اممم... تؤتؤ... سر

جاك: والله!!... انتي كنتي بتأجري مكن يابت!

جاكي: ايون ايون..

جاك: طب يلا عشان نرجع..

نزلت وهو ركب وانا ركبت وراه..

رجعنا الڤيلا تاني...

جاكي: احنا هنفضل هنا!

جاك: زهقتي!

جاكي: لا خالص.. هو حد بيشوف الجمال دا كل يوم..

جاك: قصدك جمالي ولا جمال المكان..

جاكي: ياختي عسل.. واثق ف نفسك قوي..

جاك: طبعا اووماال...

جاكي: طب اي انا جوعت..

جاك: معندناش اكل..

جاكي: نعم ياخويا!!.. يعني انا هفضل جعانه كدا!

جاك: ايون..

جاكي: مين حبيبي اناا..

جاك: اي دا في اي..

جاكي: يلا ياقمري اطلبلنا اكل..

جاك: ااه... انتي بتتدحلبي عشان اجيبلك اكل يعني..

جاكي: ب ايه...

جاك: مش عارف.. انا بسمعهم بيقولوا كدا..

جاكي: طب يلا والنبي.. جوعت والله..

جاك: اممم.. مش هتنزلي المايه..

جاكي: للاسف.. مبعرفش اعوم...

جاك: اعلمك..

جاكي: اي دا لا طبعا... دا غير اني معيش هدوم..

جاك: اممم... طب اي رأيك نركب مركب..

جاكي: اشطح..

جاك: اشطح!!.. غيرت رأيي.. يلا نروح..

جاكي: لا خلاص والله... يلا..

بصيت لقيته صفر... واول ماصفر مركب كبيره ظهرت ف المايه...

جاكي: اي دا.. اي الجمدان دا..

جاك: اي خدمه..

المركب جت وركبنا والشمس كانت بتغيب والمنظر روووووعه...

جاكي: طب دي المركب.. فين الاكل بقااا..

جاك: ياديني... افتحي الصندوق دا.. هتلاقي فيه اكل..

قومت فتحته وكان فيه اكل كتير...

جاكي: ايوا بقاا.. امال مجوعني ليه..

جاك: هاتيه طيب وتعالي..

جبت الاكل وروحت قعدت جنبه وبدأنا ناكل...

فوني رن وكان ادم... قومت بعيد ورديت..

جاكي: الو..

ادم: كيفك يابو الصحاب..

جاكي: بخير يبروو..

ادم: انتي ف البيت ولا فين!

جاكي: لا خرجت..

ادم:امممم... معاه..

جاكي باستغراب: هو مين..

ادم: جاك..

جاكي: وعرفت منين..

ادم: بصي انا هارش الحوار كله من الاول... يلا بقاا عايز اشوفك بالفستاااان..

جاكي: اي ياهبل اللي بتقوله دا.. لا طبعا..

ادم: لا لا مش عليا... المهم ابقي سلميلي عليه..

جاكي: ولااا مفيش الكلام دا والله... عادي يعني صحاب..

ادم بتريقه: عادي يعني صحاب... يابنتي عيب عليكي... مشوفتوش نفسكوا امبارح كنتوا عاملين ازاي..وبعدين انا عارف من اول مره شوفته فيها... عشان كدا بغيظه ع طول لو تلاحظي...

جاكي: لا دانت هبت منك ع الاخر...

ادم: ايوا ايوا حصل... المهم اسيبك انا دلوقتي عشان مبوظش اللحظه.. باي..

جاكي: باي..

قفلت ورجعت مكاني لقيت جاك باصصلي..

جاكي: نعم..

جاك: ادم..

جاكي: ايوا..

جاك: ماشي..

كمل اكل ومتكلمش...

جاكي: ع فكره يعني... اصلا اصلا ادم دا اخويا مش اكتر..

جاك: اسكتي عشان هتزعلي مني والله..

بدأت اغني ف سري..

جاكي: احم... الحلوه غيرانه مين يراضيها... مين يراضيها.. الحلوه غيرانه..

كان قاعد وحاطط ايده وراه وساند عليها..

جاك: جاكي اسكتي..

جاكي: اي انا جيت جنبك... انا بغني..

جاك: صوتك وحش.. اسكتي..

جاكي: بتناديني تاني ليييييه... ترارارا... انتي عايزه مني اييييي...

جاك: اسكتي..

جاكي: مانتي خلاص حبيتي غيري..

جاك: خلاص..

جاكي: روحي للي حبيتيه... ولوللللللولي

جاك: بس صوتك مقرف...

جاكي: طب غني انت ياقمر..

جاك: لا..

جاكي: والنبي والنبي..

جاك: قولت لا..

جاكي: ياشيخ بطل رخامه بقاا.. يلا وحياة عيالك..

بصلي ببرود..

جاك: لا..

بصيت للبحر بزعل وسكت...

قولت ف سري... اما انت مهزء صحيح.. طب روح ياشيخ يجيك ف وراكك..

ـ كان لك معايااا... اجمل حكاااايه.. ف العمر كله.. سنين بحالها.. مافات جمالهااا.. ع حب قبله... سنين ومرت.. زي الثواني في حبك انت... وان كنت اقدر.. احب تاني... هحبك انت...

كل العواطف الحلوه بيناا... كانت معانااا.. حتى ف خصامنااا...

وازاي تقول انساك واتحول.. ازاي تقول انساك واتحول... وانا حبي لك.. اكتر من الاول... اكتر من الاول....

كنت باصاله ومبتسمه قوووي.. وروحت غنيت معاه..

واحب تاني ليه... واعمل ف حبك اي... واحب تاني ليه.. واقول لقلبي اي...

دا مستحيل... قلبي يميل.. ويحب يوم غيرك.. ابدا ابدا.. اهو دا اللي مش ممكن ابدا....

خلصنا وبصيت لقيت حد بيسقف... لقيته الراجل اللي سايق المركب... باصصلنا ومبسوط ع الاخر...

بصيت لجاك وضحكنا...

ـ لايقين ع بعض والله... طب ماتغنولنا حاجه فرايحي كدا...

بصيت ف الارض وضحكت..

جاك: عايز تسمع اي..

ـ اممم... ياحلو صبَّح..

جاك: اشطا بس غني معايا..

ـــــــــــــــــــــــــــــــــــــــــــــــــــــــــــــــ

فيروز: يلا يابنات..

هند: انا جهزت اهوو..

نور: يلا..

فيروز: فين محمد..

محمد: جيت اهو..

سما: احنا هنطول هناك!

فيروز: ورانا اي يعني!.. نروح نقعد معاها شويه..

ركبوا العربيه وراحوا البيت...

طلعوا وفضلوا يخبطوا بس محدش طلع..

فيروز: يمكن مش هنا..

محمد: هتروح فين يعني..

هند: طب رن عليها يامحمد..

طلع فونه ورن...

محمد: مقفول..

ـــــــــــــــــــــــــــــــــــــــــــــــــــــــــــــ

الاتنين: ياحلو صبح ياحلو طل... ياحلو صبح نهارنا فل.. من قد ايه وانا بستناك... وعيني ع الباب والشباك... عشان اقولك واترجاك... عشان اقولك واترجاك.. ياحلو.. ياحلو صبح ياحلو طل.. ياحلو صبح نهارنا فل...

جاك: ياعيني مال الجميل مشغول ومتحير.. قوليله بدري عليك الحيره ياصغير.... وحق ورد الخدود والعود وتفاحه... ببسمه حلوه تخلي الدنيا تتغير...

الاتنين: ياحلو صبح ياحلو طل.. ياحلو صبح نهارنا فل.

ـ الله عليك يابيه.. مكنتش اعرف ان مزاجك عالي كدا..

والله ياهانم كل ماييجي هنا مينطقش... بيفضل باصص للبحر بس.... سبحان مغير الاحوال..

جاك: ركز ف شغلك ياعم عبده.. ركز ف شغلك بلاش فضايح...

جاكي: صووووتك حلو يابروو..

جاك: خضتيني ياغبيه...

جاكي: صحيح قولي..

جاك: اممم..

جاكي: هو فين جدك!

جاك: جدي مين!

جاكي: اي اللي جدك مين!.. جدك اللي كان مسافر مع فيزوو.

جاك: ااه.. ماله..

جاكي: هو فين.. مشوفتوش بقالي مده..

جاك: لسه فاكره تسالي عليه..

جاكي: انا نسيته يابرو والله..

جاك: بيروح يقعد لوحده..

جاكي: ليه..

جاك: عنده بيت كدا صغير بيروح يقعد لوحده فيه..

جاكي: اي دا ليه..

جاك: كان ع طول بيقعد فيه هو وتيته الله يرحمها.. كانوا بيقعدوا لوحدهم كدا ع روقان... ومن يوم ماماتت هو بيقعد هناك ع طول..

جاكي: بس مينفعش يفضل لوحده..

جاك: حاولنا معاه بشتى الطرق... بيقول عايز يموت مكان ماهي ماتت..

جاكي: كان بيحبها بقاا..

جاك: جداا.. انا مشوفتش حب زي حب جدي لجدتي..

ع العموم يلا بقاا عشان منتأخرش اكتر..

الراجل لف ورجعنا...

جاك: تحبي تروحي فين بقاا..

جاكي: يدوب اروح... هنقعد اي تاني..

طلعت موبايلي وفتحته لقيت محمد رانن كتير..

جاكي: جاك محمد رانن كتير..

جاك: رني طب شوفيه..

رنيت وفتح..

محمد: الو جاكي انتي فين... وقافله فونك ليه!

جاكي: معلش كان مقفول.. في اي..

محمد: احنا عندك.. وعمالين نخبط..

جاكي: عندي ف البيت!!..

محمد: ايوا انتي فين!..

جاكي: جاك اقوله انا فين..

جاك: قوليله مع جاك عادي..

جاكي: انا مع جاك وجايين..

محمد: بتعملي اي مع جاك..

جاكي: هقولك لما اجي... ع العموم هتلاقي المفتاح تحت الدواسه.. افتحوا وادخلوا لحد مانيجي..

محمد: ماشي.. سلام..

قفلت معاه...

جاكي: يلا بسرعه بقاا عشان هما ف البيت..

جاك: وهما بيعملوا اي عندك!

جاكي: لا اعلم والله..

ركبنا العربيه ورجعنا....

كنا طالعين ع السلم...

جاك: بت..

جاكي: اي...

جاك: متقوليش لحد حاجه... قوليلهم مثلا كنا بنتمشى او اي حاجه..

جاكي: ماشي ماشي...

طلعنا لقيناهم قاعدين مستنيينا...

جاكي: ياهلا..

فيروز: كنتي فين يابنتي قلقتينا عليكي..

جاكي: كنت بتمشى شويه مع جاك..

محمد: وقافله فونك ليه..

جاك: عادي يعني.. عشان الرخامه..

جاكي: بس اي المفاجأة دي.. وعرفتوا العنوان منين..

هند: بابا عطانا العنوان.. فجينا نرخم عليكي شويه بما اننا مش ورانا حاجه..

جاكي: لا اشطا والله.. بدل مانا قاعده لوحدي..

محمد: طب ياجماعه انا عندي فكره كدا..

جاك: فكرة اي..

محمد: ماتيجوا نطلع رحله مع بعض كدا..

هند: ايوا انا الجامعه بتاعتي مطلعه رحله وانا كنت عايزه اروح....

فيروز: لا مفيش مرواح لوحدك..

محمد: مانا عشان كدا بقول نروح كلنا نغير جو..

فيروز: انا عن نفسي عايزه اصيع وانبسط..

جاك: تصيعي!!

فيروز: وه.. ماتسيبوني براحتي بقااا... دانا لو روحت هسيبكوا واهرب والله.. بس شوفوا انتوا هتروحوا ولا لا..

هند: اي رايك ياجاك..

جاك: انا عندي شغل.. روحوا انتوا...

سما: لا والنبي بلاش رخامه... الشغل ينفع يتأجل..

جاك: انا عندي شغل ف شرم الشيخ كام يوم كدا.. يعني مش هبقاا هنا اصلا..

محمد: طب حلو دا.. نروح شرم الشيخ وانت تروح عشان شغلك.. انت تشتغل وانا ننبسط..

جاك: ياراجل..

هند: ايوا ع فكره.. معاه حق.. وبعدين شرم فكره حلوه..

فيروز: وافق بقاا ياجاك وخلي عندك دم..

جاك: مش هبقى لوحدي..هيبقى معايا ناس

محمد: واحنا مالنا بيهم... انتوا هتشتغلوا ف مكان واحنا هنبقى ف مكان تاني..

نور: ايوا ياريت ياجاك... يلا بقاا..

جاك: هشوف..

محمد: مفيش حاجه اسمها هشوف.. احنا هنسافر بعد بكرا..

جاك: انتوا عارفين الطريق بياخد وقت قد اي..

محمد: ايوا عارفين.. عادي يعني هنمشي بدري..

نور: يلا ياجاك بقاا والنبي وافق..

جاك: طيب...

جاكي: طب اجيبلكوا اي تشربوه ياجماعه..

محمد: ياريت نسكافيه ياقمر..

جاك: هي كانت شغاله عند اهلك!

جاكي: بس سيبه... اعمله احلى نسكافيه كمان..

وانتوا!

هند: خلاص كلنا نسكافيه..

جاكي: اشطا..

سيبتهم ودخلت اعمل... شويه ولقيت جاك داخل بسرعه ووشه كله دم...