رواية قلبي ليس بيدي الفصل الخمشون 50 بقلم حسناء مصطفي

لسه جاك جاي عليا وفجأه حد جه وقف قدامي..

ـ ازيك ياانسه..

جاكي: نعم!

ـ هو حضرتك تبع مين هنا..

جاك: تبعي انا.. عايز اي..

ـ لا مش قصدي حاجه.. مكنتش اعرف انها تبع حضرتك..

سابنا ومشي وجاك رجع بصلي..

جاك: اهلا... اي الجمدان دا..

جاكي: احم.. مش ناوي تحترم نفسك..

جاك: تؤتؤ.. كنت عارف ان الفستان هيبقى بالمنظر دا عليكي..

جاكي: طب فين الباقيين عشان انا قلبي خلاص..

جاك: اهم هناك..

جاكي: اي دا محمد اهو استنى...

كان واقف لوحده وبيلعب ف الفون.. ولابس بنطلون اسود وقميص ابيض وشعره الكيرلي نازل ع عينيه.. اي ياجدعان القمرات دوول..

روحت وقفت وراه...

جاكي: احم احم... لو سمحت..

لف وبصلي..

محمد: هتلاقي البنات هن.....

مكملش كلامه وبصلي بصدمه...

كنت واقفه بضحك وفرحانه قووي..

جاكي: وحشتني..

محمد: مين..

جاكي: عارفه انا الصدمه دي..

محمد بص لجاك وجاك كان واقف بعيد... محمد كان بيهز دماغه ودموعه بتنزل..

محمد: لا لا.. مستحيل.. لا مستحيل... انتي هنا ازاي..

جاكي: اهدى.. اهدى.. انا جاكي والله..

محمد: ازاي..

لقيته حضني جامد وفضل يعيط...

جاكي: بس بس خلاص.. ليه كل دا..

محمد بعياط: ليه عملتي فيا كدا...

جاكي: معلش حقك عليا.. انا اسفه.. خلاص بقاا هعيط انا كمان والله..

محمد: طب.. طب ازاي..

جاكي: هفهمك كل حاجه بعدين..

مسح دموعه وبصلي بابتسامه..

محمد: يعن.. يعني انتي عايشه!!

جاكي: ايون.. اي رايك فيا بقاا.. شكلي حلو!

راح حضني تاني..

محمد: ياشيخه حرام عليكي والله.. انا حاسس اني بحلم.. انتي هنا بجد!!

جاك قرب..

جاك: مش كفايه احضان بقاا ولا اي..

محمد: انت كنت عارف الكلام دا!!

جاك: لا ياحلو.. مكنتش اعرف... كنت واخد ع قفايا زيك كدا... انا يادوب عرفت من كام يوم كدا..

محمد: انا مش فاهم حاجه.. امال احنا دفنا مين!!

جاكي: هفهمك كل حاجه بعدين.. بس دلوقتي فين البنات...

محمد: البنات هناك اهم..

جاكي: طب هروحلهم باي..

سيبته ومشيت..

محمد: جاك هو انا صاحي!!

جاك: ايوا..

محمد: طب.. طب اقرصني ولا اضربني كدا..

راح ضربه بالقلم..

جاك بضحك: اي خدمه..

محمد: ياابن ال...

طلع يجري وراه..

ـــــــــــــــــــــــــــــــــــــــــــــــــــــ

وقفت ورا هند وحطيت ايدي ع عنيها..

جاكي: انا مين..

هند: اي دا.. الصوت دا ان.... اعاااااا...

جاكي بضحك: اي يامجنونه الناس...

هند: اعااااا... ازاي.. انتي مين...

نور وسما جم...

بصولي وتنحوا..

جاكي: وحشتووووني...

حضنتهم وهما متنحين وواقفين يبصوا لبعض بصدمه... جاك ومحمد جم...

جاك: متنحين كدا ليه..

هند: جاك هيغمى عليا... مين دييي...

محمد: دي جي ياست..

هند: جي ماتت..

جاك: لا لا كنا واخدين ع قفانا كلنا...

حضنتني جامد وفضلت تعيط...

جاكي: بس خلاص.. هتبوظي الميكب ياهبله..

نور: انا مش مستوعبه.. يعني جاكي عايشه!!!... اعاااا

فيروز جت...

فيروز: في اي بتزعقوا كدا ليه... اعااا..

بصتلي ومشت ايديها ع وشي وبعدين اغمى عليها...

قعدنا نفوق فيها...

فيروز: مي... مين دي..

جاك: ياجماعه دي جاكي والله... اي الصدمه دي..

سما: لا لا مش طبيعي اللي بيحصل دا والله...

فيروز حضنتني وفضلت تعيط جامد...

جاكي: بس خلاص متعيطيش والنبي...

فيروز: حرام عليكي يابنتي... حرام عليكي اللي عملتيه فيا دا.. بس ازاي...

جاك: جماعه هي هتفهمكوا كل حاجه...

جاكي: بس بقاا بطلوا عياط متبوظوش اليوم...

هند حضنتني تاني..

هند: دي اجمل مفاجأه حصلتلي ف حياتي...

نور: ياشيخه تبا لكي والله... انا حاسه اني بحلم...

بس اي الجمال دا.. انتي صحتك بتيجي ع الموت ولا اي...

محمد: تفي من بوقك ياشيخه.. موت اي... خلاص الحمد لله مفيش موت..

فيروز: والله حاسه اني ف حلم.. انا مش مستوعبه حاجه..

محمد: ع فكره جاك كان عارف ومقلش لحد..

جاك: اي دا.. والله ابدا.. انا لسه عارف من كام يوم.. اللي كان عارف من الاول هو عمي.. عليكوا وعليه بقا...

فيروز: دلوقتي اقدر ازغرط بقاااا

قعدت تزغرط كتير والبنات يزغرطوا معاها ويتنططوا.. وانا واقفه اضحك ودموعي بتنزل...

فيروز: وحشتيني ياشيخه حرام عليكي... طب كنتي فين كل دا..

جاكي: هقولكوا كل حاجه بعدين.. دلوقتي بطلوا بقاا عشان اليوم ميبوظش...

ياسين: السلام عليكم...

هند بفرحه: ياسين جاكي طلعت عايشه..

ياسين: عايشه!!.. بجد!... طب دا خبر حلو قوي والله... والله ياست هي طلعت روحي عشان ترضى اننا نتخطب بس...

جاكي: ربنا يتمملكوا بخير...

نهى جت..

نهى بصدمه: جاكي!

جاك: اه.. اي رأيك ف المفاجأة دي!

نهى: مفاجأة اي!!.. هي مش ماتت!

جاك: تؤتؤ... مش ماتت..

محمد: تعالي معايا...

خدني ودخلنا الڤيلا...

جاكي: في اي..

بصلي شويه والدموع اتجمعت ف عنيه تاني وراح حضني..

محمد: الحمد لله.. اخر حاجه كنت اتوقعها ان ربنا يبعتك ليا تاني..

جاكي:احم.. ع فكره كدا اليوم هيضيع... يلا نطلع وبعد كدا نقعد نتكلم...

طلعنا وروحنا وقفنا مع البنات...

محمد: بس اي الحلاوه دي...

جاك: دي عينيك ياقمر اللي حلوه..

ميل عليا..

جاك: ياريتني مااتنيلت وجبت حاجه...

جاكي: ماقولتلك.. بس انت اللي بتكابر ع الفاضي..

الاغاني اشتغلت...

هند: يلا نرقص يلا...

خدتني وروحنا وسط البنات وفضلنا نرقص ونهزر ومبسوطين كلنا وجاك واقف بعيد يتفرج..

مالك: ولااا ياجاك..

جاك: عايز اي..

مالك: القمر اللي بترقص دي.. هي دي اللي قولتلك عليها... اللي جت الشركه يلااا.. بس اي الجمال داا..

جاك: ع فكره هقلب عليك.. ملكش دعوه بحد هنا..

مالك: من امتى وانت بتغير ع حد..

جاك: ملكش دعوه بيها يامالك عشان ممكن نخسر بعض فيها..

مالك: لا وعلى اي.. انا رايح ارقص مع الشباب..

سابه ومشي ومحمد دخل يرقص معايا...

كان الجو قمر قوووي.. وكنا مبسوطين وحسيت اني فرحتهم بوجودي ف يوم زي دا..

جاك كان واقف وسمع اتنين بيتكلموا مع بعض...

ـ شايف يلا الجمال... انا اول مره اشوف حد كدا..

ـ قصدك ع اللي بترقص مع محمد دي!!.. دي فرسه ياباشاا... بس هي مين دي..

ـ مش عارف.. انا شكلي هنوي ولا اي... شايف بترقص ازاي يلااا... ولا اي الجسم داا..

جاك بحده: تحبوا انويلكوا انا..

راح مسكهم من الهدوم...

ـ جاك بيه!.. هو في حاجه..

جاك: في انكوا لو ممشيتوش من هنا دلوقتي هيبقى اخر يوم ف حياتكوا...

ـ ليه يافندم..

جاك بعصبيه: سمعت انا قولت اي..

ـ خلاص احنا اسفين.. عن اذنك..

سابهم ومشوا وهو واقف متعصب...

انا تعبت فروحت اشرب... لقيت جاك واقف لوحده...

جاكي: واقف لوحدك كدا ليه..

جاك: مستنيكي تخلصي الفقره بتاعتك..

جاكي: فقره!!.. يعني اي!

جاك: اي اللي انتي بتعمليه داا... مش شايفه الشباب بتبصلك ازاي!!

جاكي: وانا مالي بيهم..

جاك: مانتي بترقصي قدامهم..

جاكي: انا برقص بين بنات.. وبعدين يعني ان مكنتش هرقص ف فرح هند هرقص ف فرح مين..

جاك: واي اللي حطاه ف وشك دا.. انا قولت اي..

جاكي: انا مش حاطه حاجه..

جاك: امال اللي ف بوقك دا اي..

جاكي: عادي يعني دا فرح..

جاك: قولتلك متحطيش حاجه... وبعدين الفستان ضيق.. بتلبسيه ليه..

جاكي: ياحول الله يارب... مش انت اللي جايبه يااهبل انت!!

جاك: مكنتش اعرف انه هيبقى كدا..

جاكي: ع فكره هي الفساتين كلها كدا.. وكدا مش ضيق.. انت اللي اوڤر.. ماهم لابسين فساتين زيي اهو..

جاك: انتي غير..

جاكي: غير ازاي..

جاك: مش مهم.. المهم بطلي بقاا واتهدي..

جاكي: ملكش دعوه.. مش انت اصريت اني اجي!.. استحمل بقاا..

فجأه مايا جت من وراه وحضنته..

مايا: ازيك يابيبي.. وحشتني..

جاك: ازيك..

مايا: انتي جاكي!!.. اي دا انتي مش المفروض ميته!

جاكي: اموت ازاي واسيبك بس.. دانتي غاليه قووي..

حضنتها جامد وفضلت اشدها من شعرها..

مايا: ااه.. مانا عارفه.. نفس الغلاوه..

جاك: اتاخرتي لي ياروحي..

جاكي: امم.. اتأخرتي ليه ياروحه...

مايا: معلش كان عندي شوية حاجات كدا..

اشتغلت اغنية" اخيرا قالهالي"

مايا: الله.. بحب الاغنيه دي.. ماتيجي نرقص..

بصلي باستفزاز كدا...

جاك: يلا ياقمر...

لقيت ادم جه وقف جنبي..

جاكي: اي دا ادم.. جيت امتى..

ادم: لسه جاي.. ماتيجي نرقص..

بصيت ع جاك...

جاكي: وماله.. يلا..

روحت ارقص معاه...

مسك ايدي وبدانا نرقص عليها.. وهند وياسين بيرقصوا جنبنا.. ونور ومحمد...

عمو احمد: يلا يافيزو..

فيروز: يلا اي..

عمو احمد: يلا نرقص..

فيروز: ياراجل اعقل.. نرقص اي..

عمو احمد: يلا بس..

خدها وجم يرقصوا جنبنا واحنا بنضحك عليهم...

جاك ومايا قعدوا يرقصوا جنبنا وهي لازقه فيه قوي وبيرقصوا بطريقه مُبالغ فيها...

حسيت ان ادم بيغيظه.. راح قرب مني جامد ورقص بطريقه مُبالغ فيها اكتر منه... وبيبصله باستفزاز

فضلنا نرقص انا وهو ونغني مع الاغنيه...

"حبيت واخيرا جالي اللي سنين اتمنيته... دعوه وربنا جابهالي بعلن للناس حبيته... ياااااااه... بقيت ويااااه... ويااااه دي احلى حياه... دا قالهالي... حبيبي قالهالي... وبقى بالنسبالي.. اااه بكل الناااس... ومين غيره.. اصلا مفيش غيره... ملكني بتأثيره... عايشه مية احساااااس...

في نصيب وبيتشال لينا مش حب كلام ف اغاني.. فبنقفل بابنا علينا نستنى النص التاني يااااه.. بقيت ويااااه.....

كُنا مندمجين جدا مع الأغنيه وبنغني معاها بصوت عالي والكل بيتفرج علينا ويسقف...

جاك كان باصصلي بطريقه خوفتني والله...

خلصنا وروحت دخلت الحمام عشان اظبط نفسي...

لقيت الباب اتفتح بسرعه.. لفيت لقيته جاك..

جاكي: اي دا.. في اي..

قربلي وهو باصصلي بحده...

جاكي بخوف: احنا ف الحمام..

جاك بحده: اي اللي كان بيحصل بره دا..

جاكي: اي اللي كان بيحصل..

جاك: متستهبليش... انتي عارفه كويس انتي عملتي اي..

جاكي: اي كنت برقص.. مانت كنت بترقص انت كمان..

جاك: ازاي تقربي منه بالطريقه دي.. وازاي تسمحيله يلمسك كدا...

جاكي: ع فكره انت كنت بتعمل اكتر من كدا..

جاك: هو عِند وخلاص..

جاكي: وانت مالك متعصب ليه!!... هاا.. انت مالك انت... ادم صاحبي وبيرقص معايا.. والكل كان بيرقص... انت مالك..

راح خبط بإيدك ع الحيطه اللي ورايا وانا خوفت..

جاك: متخلنيش اتغابى عليكي..

جاكي: يييي... ايوا يعني انت عايز اي دلوقتي!

جاك: لو طلعتي ووقفتي مع الواد دا تاني، هتزعلوا انتوا الاتنين مني.. وهيبقى يوم اسود ع دماغكوا..

جاكي: ليه!!... لييييه!!!.... ماترد عليا... بتتدخل ليه!!.. انت مالك!!!.. بتتضايق ليه لما اهزر مع حد... انت مالك انت... بتتدخل بصفتك اي!!!!

جاك بعصبيه: عشان انتي بتاعتي...

عروقه كانت بارزه وعنيه حمرا ومتعصب ع الاخر...

سابني ومشي وانا وقفت استوعب اللي قاله..لا لا هو اكيد قصده ان...قصده اي بس..يعني اي بردو!!!... لا اكيد يقصد اني زي اخته يعني وهو مش عايز يشوف حد قريب مني.. بس.. هو كدا.. مفيش حاجه تاني..

طلعت لقيته واقف لوحده...

روحت وقفت جنبه وانا ساكته..

بصلي كدا وبعدين رجع بص قدامه تاني..

جاكي: احم...

جاك:...

جاكي: احم احم..

جاك: عايزه اي..

جاكي: ممكن اعرف زعلان ليه دلوقتي!

جاك: مش زعلان.. روحي شوفي كنتي بتعملي اي..

جاكي: ياختي حلوه غيرانه..

جاك بحده: جاكي..

جاكي: احم.. بهزر معاك يابو الصحاب... فك طيب ويلا ندخل نرقص..

جاك: انتي مشبعتيش رقص!!

جاكي: لا مانا هرقص معاك المرادي...

جاك: ومين قالك اني عايز ارقص معاكي!

جاكي: ياراجل!.. طب عيني ف عينك كدا!

جاك: بطلي رخامه بقاا وادخلي...

مسكته من ايده..

جاكي: يلا بس...

دخلنا وفجأه لقيت مايا جت...

مايا: كنت فين ياجاك.. بدور عليك..

جاكي بقرف: كان معايا..

مايا: انا عايزه ارقص...

جاكي: ماتروحي ترقصي هو حد ماسكك!

مايا: جاك هيرقص معايا..

جاكي: لا ياروحي جاك رجله واجعاه ومش قادر يقف..

صح ياجاك..

ضربته ف بطنه..

جاك: ااه..ايوا صح.. روحي انتي يامايا وبعدين هاجيلك..

سابتنا ومشت وانا بصيتله..

جاكي: بعدين هتروحلها!!

جاك: وانتي مالك..

جاكي: ااه.. طب دومي كان بينادي عليا... عن اذنك..

شدني من الهدوم..

جاك: تعالي بس هنا كدا.. دومي ف عينك..

جاكي: عشان تعرف تروح لمايا بتاعتك دي..

جاك: ماهو لو سيبتيني هروح ارقص معاها..

جاكي: مانت عايز كدا.. احنا هنضحك ع بعض!!

جاك: اممم... طب امسكي امسحي اللي ف وشك دا..

جاكي: مش همسح حاجه..

جاك: شايفه الشباب بتبصلك ازاي!

جاكي: وانا مالي!!.. اياك انا حاطاه ليهم... وبعدين يعني لو شيلت الميكب كدا خلاص مش هيبصوا!!..

جاك: معرفش.. بس ع الاقل امسحي اللي ف بوقك داا..

جاكي: تؤتؤ.. هو حلو كدا..

جاك: متخلنيش امسحه اناا..

جاكي: ف المشمش..

بصلي بغضب كدا وراح شدني معاه لجوا..

جاكي: انت بتعمل اي يامتخلف.. انت...

جاك: اششش..

قرب مني ومسك المنديل ومسحه بقوه..

جاكي: اااه.. انت بتعمل اي.. هتبوظ وشي..

جاك: قولت اسكتي..

فضل يمسح فيه ومسح اللي ف خدودي...

جاكي: احم.. كدا غلط.. وشي لو باظ هيفتكروا حاجه تاني..

جاك: مايفتكروا... مش احسن من المنظر دا..

جاكي بدلع: ع فكره دا ميكب عادي.. نور وسما وهند والكل حاطين اكتر من كدا... اشمعنى اناا..

جاك: بطلي دلع عشان مبوظش وشك...

جاكي: انت هتطلع وانا هحطه تاني..

جاك بحده: جااكي... مش عايز اتغابى عليكي..

جاكي: ممكن اعرف بس انت بتعمل دا بامارة اي!!.. هو انت اهبل!!... وانا ساكتالك ليه اصلا!!

جاك: البنات اللي بره محدش بيبصلهم زيك كدا...

جاكي: ولما تمسحلي الميكب كدا مش هيبصوا يعني!!

جاك: بس عشان انا ممكن اعمل جنايه دلوقتي..

جاكي: طب خلاص وشي ورم..

جاك: واللي فوق عنيكي دا!

جاكي: لو جيت جنب عينيا والمصحف هصوت.. انت متعرفش انا قعدت قد اي اظبطه..

جاك: وليه اصلا.. مكنتيش حطيتي حاجه..

جاكي بضحك: وانت مالك.. انت غريب قووي.. انا بس عايزاك تقولي كدا انت مالك.. متضايق ليه!!... بتتدخل ليه!!... بصفتك اي!!...

بصيت ف المرايه...

جاكي: وبعدين اي الغباوه دي.. شفايفي ورمت يخربيت غبائك...

جاك: احسن.. عشان تتلمي بعد كدا... وبعدين مش لاقيه غير روج احمر!!... عشان يبان اكتر!

جاكي: عشان يمشي مع الفستان ياجاهل...

جاك: اخلصي طب ويلا...

جاكي: اطلع وانا هاجي..

جاك: ااه عشان تحطي تاني..

جاكي: طب بص.. هقولك حاجه... هحط خفيف خالص..

جاك: لااا..

جاكي: اي البرود دا.. انت مالك اصلا...

جاك: طب مش هتحطي ياجاكي..

جاكي: عشان خاطري والنبي... والله خفيف خالص..

جاك: هحطلك اناا...

جاكي: تحطلي اي!

جاك: الروج ياختي.. هاتي..

جاكي: لا ياسطا هتبوظلي وشي..

جاك: لا استني اصلا كنت عايز اعمل كدا من زمان...

جاكي: انت هتجرب فيا!!... لا يفتح الله.. خلاص

جاك: استني بس... اثبتي..

وقفت وهو مسكه وبدأ يحط وانا غمضت عيني عشان الاحراج دا ياجدعان... استنيت شويه بس معملش حاجه... فتحت عيني لقيته متنحلي وساكت..

جاكي: انت يا اخ... ياحج

جاك: اي..

جاكي: متنح كدا ليه ماتخلص..

بدأ يحط وانا عارفه انا هيعُك الدنيا اصلا..

كان بيحطلي بالراحه ومركز ع الاخر وانا بضحك...

جاك: بتضحكي ع اي!

جاكي: مش متخيله ان رجل اعمال زيك واقف يعمل كدا...

جاك: عشان تعرفي موصلاني لأيه....

جاكي: طب اوعى بقاا كدا خليني اشوف..

بصيت ف المرايه واتصدمت...

جاكي: احييييييييه.... اي دا..

جاك بضحك: طب والله حلو..

جاكي: انا غلطانه اصلا اني خليتك تعمل كدا...

مسحت العك اللي عمله وحطيت انا...

جاكي: شايف الجمدان... والله اني قمر... مواااااه..

بصيت عليه لقيته باصصلي ومربع ايده وبيضحك...

جاكي: بتضحك ع اي..

جاك: ع فكره انتي حطيتي كتير..

جاكي: والله ماهمسح حاجه تاني اوعى كدا... مش كفايه بوظتلي وشي!...

جاك: طب يلا ياختي...

طلعنا بره...

لقيت ام ادم واخته واقفين مع فيروز... روحت اسلم عليهم...

جاكي: ياهلاااا...

بصتلي بصدمه...

ـ جاكي!!!!

فيروز: شوفتي!!... كانوا بيضحكوا علينا...

حضنتني جامد وعيطت...

ـ ليه كدا بس... حرام عليكي.. وجعتي قلبي والله...

جاكي: معلش حقك عليا.. بس كنت مضطره والله...

سلمت ع منه ووقفت معاهم نتكلم....

ــــــــــــــــــــــــــــــــــــــــــــــــــــــ

مالك: مالك سرحان ف اي كدا يبروو!... اه.. شكلك وقعت

جاك: يعم اقعد وقعت اي.. انا مبقعش..

مالك: مش عليا طيب... من ساعة ماجت وانت مشلتش عينك من عليها...

جاك: انا!!!

مالك: لا انا... وكمان مشوفتش نفسك اتحمقت ازاي لما جبتلك سيرتها... قول قول متتكسفش..

جاك: بطل هري بس.. مفيش الكلام دا.. وبعدين مركز معايا ليه اصلا...

مالك: مش انا اللي مركز... انت اللي مفضوح..

جاك: انا اي!

مالك بضحك: مش قصدي والله... قصدي يعني انك واضح قوي..

جاك: اممم.. طب اقفل بقاا.. اقفل وعدي يومك...

مايا جت قعدت معاهم ع الترابيزه...

بصيت عليهم لقيتها قاعده لازقه فيه وماسكه ايده...

روحت مشيت عليهم....

جاكي: عاملين اي...

مالك: اهلا..

جاكي: مش تعرفني..

جاك: مالك... جاكي..

جاكي: شوفتك قبل كدا بس مش فاكره فين..

مالك: ف الشركه... اكيد شوفتيني ف الشركه..

جاكي: ايوا فعلا... تشرفنا..

مالك: الشرف ليا والله...

مايا بدلع: كُل دي من ايدي...

مالك بصلي وابتسم وانا اتعصبت...

جاك باستفزاز: حلوه عشان من ايدك ياروحي..

راح باس ايدها...

جاكي: كُل دي من ايدي ياروحي...

بصلي باستغراب ولسه هياكل روحت لبسته الجاتوه كله ف وشه.... ومالك فضل يضحك.. وبصيت ورايا لقيت شلة شباب بيضحكوا...

جاكي: عجبك!!!... عجبك ياروحي!!!

جاك: اي اللي عملتيه دا!

جاكي: استنى الحته دي مجاش عليها...

مسكت الباقي وقعت مسحته ف وشه وهما بيضحكوا...

جاك: وحياة امك ماهسيبك...

جريت وهو طلع يجري ورايا والناس بتتفرج علينا...

جاكي: اعااا.. بس خلاص هقع والله...

روحت استخبيت ف فيروز...

فيروز: بس في اي..

جاك: شايفه عملت فيا اي..

فيروز: اكيد انت اللي بدات...

جاك: بتقولي اي انتي كمان!!!.... بت تعالي هنا..

جاكي: لااا... ابعد عني يابتاع انت..

جاك: فيروز اوعي كدا عشان دي هتتنفخ اصلا..

جاكي: لا.. اعاااا..

طلعت اجري حوالين البسين...

جاك: الناس بتتفرج علينا...

جاكي: مانت اللي قليل الادب...

جاك: قليل الادب!!!.. طب تعالي بقااا..

جاكي: اعااااا...

طلعت جريت عند مالك...

مالك: بس خلاص ياجاك... بس بقاا عشان الناس..

جاك: يعني هو ينفع حد يشوفني بالمنظر دا!!... وبعدين في ناس مهمه جايين... احيييه دول وصلوا...

حاول يداروا وشه بس هما عرفوه من مالك...

ـ استاذ جاك!

جاك: احم.. اتفضلوا..

بصولوا باستغراب وهما كاتمين الضحك...

جاك: عن اذنكم ثواني بس...

دخل جوه وانا دخلت وراه...

جاكي: البادي اظلم...

جاك: استني بس الخطوبه تخلص وانا والمصحف لانفخك..

جاكي: اغسل بس وشك دا الاول... وبعدين مانت اللي قليل الادب انا مالي..

جاك: وهو انا كنت كلمتك!!...

جاكي: مانت بتتمايع مع السحليه اللي بره دي..

جاك: وانتي مالك!!... طب اي رايك هطلع ابوسها دلوقتي!..ومن بوقها كمان...

جاكي: اي القرف داا... اما انتوا خنازير صحيح.. وبعدين اقسملك بربي لو دا حصل، عارف بوقك المنحرف دا، هشرحه.. جاتك القرف..

سيبته وطلعت وقفت مع البنات وهو طلع وقف مع الضيوف...

كان كل شويه يبصلي بنظرات تهديد كدا بس عادي يعني..

منه: شكله واقع...

جاكي: هو مين!

منه: الواد الحلو اللي هناك دا..

جاكي: لا عادي يعني..

منه: ياشيخه!!.. مش شايفاه بيبصلك ازاي..

جاكي: اتفضليه... دا اصلا رخم ودمه تقيل وحاجه كدا يععع...

منه: يابت... عيب عليكي دانتي واقعه قوي...

جاكي: مش عارفه بتتكلمي بثقه كدا ليه..

منه: عيب انا خبيره ف الحاجات دي..

جاكي: وانتي اي اخبارك... مفيش حد هنا كدا ولا كدا..

منه: الواد الحلو اللي واقف مع جاك دا.. مز قوي..

جاكي: ااه مالك... ايوا هو فعلا حلو...

فجأه لقيت جاك طلع ومسك الميك..

ـ ياجماعه.. في اغنيه معينه العروسه بتحبها...وانا عارف ان صوتي مش حلو..فمش عايز تحفيل ياشباب..انا هحاول اغنيها عشان افرحها بس..

الشباب فضلوا يسقفوا ويصفروا

المزيكا اشتغلت وبدأ يغني وانا متحمسه قووي...

" صيااااد... صياد وروحت اصطاد... صادوووني... ياعدويه... طرحوا شباكهم برمش العين، صادوووني... ياعدويه... اااه ياليل ياقمر والمنجه طابت ع الشجر...

"بصلي بابتسامه وقال"

اسقيني ياشابه وناوليني حبة مايه... اسم النبي حارسك اسمك اي ردي عليااا... عدويه... اه ياعدويه...

كان بيغني وصوته تحفه قوووي والاغنيه بحبهاااا قووووي... الكل كانو قاعدين وبيسقفوا وانا مندمجه قوي مع الاغنيه وهو بيبصلي ومبتسم....

ـ اسمك عدويه ياصبيه ورموشك شط... وانا طول عمري غريب ف المايه بتشال واتحط..

يا ام الخدود العنااابي... يام العيون السنجااابي... يامركبي وبحري وداري... ياحجاب هشيله ف غيابي.. مدي ايديكي وخديني خديني.. ولففيني سنين خديني... والله صورتك دي تنفع تزين الجرانين...

اوعوا تحلوا المراكب والله انا ماراكب... ولا حاطط رجلي ف المايه الا ومعايا عدويه... ياعدوييييه...

ف ايديا المزامير... وف قلبي المسامير... الدنيا غربتني وانا الشب الامير...

كان بيبصلي ويغني وكإنه بيغنهالي وانا بغني معاه وبتمايل مع الاغنيه....

ـ رمشك خطفني من صحابي وانا واااد صياااد... لفيت بلاد وبلاد وبلاد... اتاريكي ساكنه الناحيه دي.. ياسلام ياولاد.. مين كان يقول البصه دي.. تصطاد صياااد...

اوعوا تحلوا المراكب... والله ياناس ماراكب... ولا حاطط رجلي ف المايه.. الا ومعايا عدويه... عدوووويه...

دووووار... يانسيني الشوق دوار... ياممشيني كذا مشوار... ف الموج محتاار.. ليل ويا نهار.. عدويه اهي.. ضحكتها نهار... عدويه اهي.. شمس واسرااار....

اوعوا تحلوا المراكب.. والله ياناس ماراكب.. ولا حاطط رجلي ف المايه.. الا ومعايا عدويه... اااه ياعدووووويه...

خلص والكل فضل يسقفله.....

نزل وراح سلم ع هند وراح وقف مكانه تاني وبصلي وابتسم...

منه: ايون ايون... عارفه انا الحركات دي..

جاكي بضحك: حركات اي..

منه: يابت بطلي تدوري عليا... دانتي الضحكه من الودن للودن..

جاكي: عادي يعني.. مالكل بيضحك اهو...

منه: تؤتؤ... ضحكتك انتي وهو غير...

يابنتي دا كان بيغني وباصصلك كإنه بيقول الكلام ليكي...

جاكي: يابت اسكتي بقاا هتفضحكينا بصوتك دا..

منه: طب قولي الحقيقه.. مش كان بيبصلك انتي!

جاكي: لا عادي كان بيبص للكل.. طلعي الحاجات دي من دماغك..

منه: بس حرام عليكي... بقا القمر دا وحش ودمه تقيل!!... يانهاااار... دا مز يابنتي... دا اجمل واحد هنا..

جاكي: والله شكلك انتي اللي واقعه مش اناا..

منه: لا انا واقعه ع اللي جنبه... بس القمر دا ميتسبش بردو..

جاكي: يخربيتك اسكتي امك هتسمع...

فجأه صواريخ اتضربت ف السما والمنظر كان تحفه وكلنا باصين لفوق وانا بحب الحاجات دي قووي وباين عليا اني فرحانه بيهم..

بصيت لقيت جاك باصصلي ومبتسم.. رجعت بصيت للسما تاني لحد مالصواريخ خلصت...

اليوم خلص والناس مشت وهند قاعده مع ياسين ومامت ادم قاعده مع فيروز والبنات مع بعض.. وانا قاعده العب ف الفون..

ـ احم..

بصيت لقيته جاك..

جاكي: يانعم..

جاك: مين القمر!

جاكي: دي منه اخت ادم..

منه: ازيك..

جاك: تمام وانتي..

منه: بخير..

جاك: تعالي معايا...

جاكي: فين..

جاك: تعالي بس..

طلعت معاه بره الڤيلا وقعدنا نتمشى...

جاك: مكنتش اعرف انك بتحبي الصواريخ..

جاكي: جدااااااا..

جاك: اممم... واي كمان..

جاكي: و... اي دا في اي... وانت مالك..

جاك: المشكله ان لسانك عايز بتقص...

جاكي: وانت بتسأل ليه.. ها..

جاك: عادي يعني.. اصلك طفله... انتي مشوفتيش نفسك كنتي باصه للسما ازاي...

جاكي: ايون ايون انا بحب الحاجات دي... اصلا اصلا كان نفسي ف بطل كدا يجيلي تحت البيت بالليل ويضربلي صواريخ ف السما....

ويجيبلي بيت بعيد كدا ع البحر.. ويقعد يلعب معايا ف الرمل ويعلمني العوم ويجبلي مُرجيحه...

جاك: مرجيحه!!

جاكي: ايون... ويفضل يمرجحني بقااا الله.. وتكون ع البحر بردو... ويبقاا عنده موتوسيكل... عشان يعلمني..

جاك: اشمعني..

جاكي: العربيات تحسها كدا حاجه تقيله ومقفله...

اما الموتوسيكل دا حاجه حلوه وسهله كدا...

بصلي بشرود...

جاك: نفس كلام اسيل... كل حاجه انتي قولتيها اسيل قالت زيها...

جاكي: ربنا يرحمها....

جاك: بس الفستان عظمه...

جاكي: ع فكره شكله غالي.. انا كنت هلبس اي حاجه من عندي... اما دا غالي قووي..

جاك: وانتي عرفتي منين انه غالي...

جاكي: هو باين قوي انه غالي... دا غير انك نسيت تشيل السعر ياذكي...

جاك بصدمه: احلفي!!!

جاكي بضحك: والله

جاك: ياديني ع الغباء.. البنت اللي كانت هناك هي اللي حطته الغبيه...

جاكي: مش مشكله.. المهم انه غالي قووي.. لدرجة اني ترددت كتير اني البسه...

جاك: ع فكره مش غالي ولا حاجه.. عادي يعني..

جاكي: عشر تلاف جنيه ياجاك... دا مش كتير..

جاك: عادي عادي..

جاكي: مش عارفه انت بتفكر ازاي والله... وبعدين صحيح... صوتك حلو..

جاك: اممم.. مكنتش ناوي اغني والله بس عارف ان هند بتحب الاغنيه دي...

جاكي: مش هند بس..

جاك: لا مانا عرفت انك بتحبيها..

جاكي: ازاي..

جاك: مانتي كنتي مندمجه قوي معايا...

جاكي: مانت غنيتها حلو الصراحه..

جاك: ايون انا جامد اصلا...

جاكي: طب يلا ياعم الجامد عشان نرجع..

جاك: ليه ماحنا حلوين..

جاكي: انت فاضي وانا عايزه انام..

جاك: دانتي فصيله ياشيخه.. يلا..

لفينا ورجعنا تاني..

فيروز: كنتوا فين..

جاك: كنا بره شويه..

فيروز: طب يلا عشان نمشي..

جاكي: طب انا همشي بقاا..

هند: تمشي فين!

جاكي: هروح..

فيروز: لا انتي راجعه معانا...

جاكي: لا بجد مش هينفع..

عمو احمد: خلاص ياجاكي.. تعالي معانا النهارده بس ع الاقل.. كمان الوقت اتأخر.. وكمان عشان تشوفي ابوكي..

جاكي: ماشي..

ركبنا وروحنا واليوم كان قمر قووووي...

فيروز: اطلعي غيري وانزليلي بقاا...

جاكي: اشمعنى

فيروز: لا دانتي هتقعدي معايا للصبح تحكيلي...

جاك: ايون ياريت يعني..

جاكي: حاضر... بس انا عايزه اشوف بابا..

هند: باباكي ف اوضته فوق...

جاكي: ماشي..

سيبتهم وطلعت عند بابا... كان نايم...

قعدت جنبه وبوست ايده وراسه وطلعت...

دخلت اوضتي وكانت لسه زي ماهي...

قفلت الباب وقعدت اتفرج عليها... وحشتني جدا... غيرت هدومي وغسلت وشي ونزلت..

لقيت البنات متجمعين ف التراس وجاك واقف جنبهم..

روحت قعدت معاهم...

هند: ها ياست.. احكيلنا بقاا عشان انا والله مامستوعبه..

فيروز: ازاي ياجاكي دا حصل..

محمد دخل...

جاكي: بصوا... انا كان المفروض اطلع من حياتكوا خالص ع الاقل الفتره دي.. عشان انا وجودي معاكوا بيضركوا انتوا... اتفقت مع عمي وادم وظبتنا الدنيا والخطه دخلت عليكوا...

محمد: وبالنسبه للشخص اللي كان هيقتلك دا!.. من الخطه بردو!

جاكي: لا..

هند: لا ازاي!.. يعني دا حاول يقتلك بجد!

جاكي: بعد ماتفقت مع عمي.. دخل الشخص دا عشان يقتلني وف اللحظه المناسبه دخل ادم...

والدكتور استغل الحوار دا فإنه ينفذ الخطه... عشان كدا دخلت عليكوا بسرعه...

محمد: امال احنا دفنا مين!

جاكي: انا مكنتش اعرف.. بس سالت عمي بعدها.. قالي ان هما قعدوا يفكروا هيعملوا اي.. راح الدكتور قالهم ان في واحده ماتت النهارده وملهاش حد.. يعني كانت لوحدها...

فتقريبا استغلوا الحوار دا ودفنوها هي على انها انا..

محمد: عشان كدا رفضوا يخلوني اشوفها..

جاكي: بالظبط..

محمد: لا ثواني... يعني انا بقالي ست شهور بروح قبر واحده تانيه!!.. وبقعد اتكلم معاها ع انها انتي!!!

جاكي بضحك: ايوا..

محمد: احيه.. ياشيخه تبا لكي والله..

فيروز: الحمد لله.. انتي مش متخيله فرحتينا ازاي النهارده... محدش كان عارف يفرح بالخطوبه خالص.. واول مانتي ظهرتي كل حاجه اتغيرت...

جاكي: ماهو انا همشي تاني...

هند: تمشي فين بقاا.. لازم تقعدي معانا.. مينفعش كدا والله..

محمد: ايوا انتي هتقعدي هنا..

جاكي: ياجماعه بجد مش هينفع... كل مابرجع كل مابيحصل مشاكل..

هند: اديكي رجعتي اهو.. فين المشاكل اللي حصلت..

بصيت لجاك...

فيروز: انسي الكلام دا.. انتي هتفضلي هنا.. وخلاص ع كدا...

اليوم خلص ودخلنا ننام...

فجأه جتلي مسدج.. فتحت لقيته جاك..

جاك: بقولك اي..

جاكي: يانعم..

جاك: وراكي حاجه بكرا!

جاكي: لا.. ليه!

جاك: هاخدك مشوار صغنن كدا..

جاكي: مش متطمنالك..

جاك: لا والله هيعجبك..

جاكي: اشطا..

قفلت وانا مبتسمه ومعرفش ليه... كنت عايزه بكرا ييجي بسرعه....

حاولت انام لحد مانعست....

تاني يوم صحيت ع خبط الباب...