رواية احببتة من التيك توك الفصل الرابع 4 بقلم اسيل الجندي

اسر بابتسامه : ما شاء الله ذكيه بس يا قلبي انتي الي هتتفضحي لو روحتي و بلغتي عني مش انا و شوفي بقا مامتك المسكينه هيحصلها ايه لو عرفت دي ممكن تروح فيها  قلب وشه و قال بغضب:اخلصي الفلوس فين 

هدى: قولتلك اما اتأكد انه الصور اتمسحت الاول 

طلع التليفون و مسح كل الصور قدامها و هي مسحت رقمها و الشات الس بينهم و اديتله الشنطه الي فيها الفلوس و بصتله بقرف

هدى: لو طلع معاك اي حاجه تلعب بيها ثاني انت حر 

كانت لسه هتمشي قالها

اسر: مكونتش اعرف انك حلوه كدا على الحقيقه 

كملت طريقها من غير ما تبصله و هو ضحك و خد الفلوس و مشي

************************

حمزه : بقولك ايه ياسطا شوفت البت الي كانت مع كارما 

ادهم باستغراب: ايوا مالها 

حمزه: لا بسأل بس  ايه رأيك فيها 

ادهم: والله هي كانت كويسه و محترمه بس بتسال ليه 

حمزه: بفكر اخطب 🥺

ادهم: اخيراا يا اخي لو دي العروسه يبقا روح  اتقدم النهارده قبل بكرا 

حمزه:خايف 

ادهم بأسف:هي خلاص ماتت يا حمزه متفكرش كتير وشوف مستقبلك البنت كويسه و اعتقد هتقدر تنسيك 

حمزه:مش عايز اخد خطوه اندم و اتعبها معايا 

ادهم: انا قولتلك الي انا شايفه و انت فكر في الموضوع كويس قبل اي خطوه و انا معاك 

حمزه ابتسمله و كان بيفكر في الموضوع لانه فعلا ارتاحلها جدا و بالذات بعد ما اتكلم معاها بس مشكلته في الماضي لانه حمزه  كان خاطب بنت قبل كدا و كان بيحبها جدا لكن ماتت في حادثه و موتها اثر في جدا 💔

****************************

كارما: مش مصدقه بجد انه كلمني يا بنت يا حور الله اسعد وقت اما يبعتلي بكون هموت 

حور: طب بس هبل و النبي علشان بتشليني يا رب موضوع هدى دا يعدي على خير انا قلقانه 

كارما كانت لسه هتتكلم بس هدى فتحت الباب و دخلت حضنتهم بفرحه 

هدى: بجد مش مصدقه يا بنات اني خلصت منه انا فرحانه 

حور:عملتي ايه معاه

هدى: و لا اي حاجه اديتلو الفلوس و طلع نفس الظابط الي جالي في البيت  انا اساسا مكونتش مرتحاله و اكيد مش هبلغ عنه علشان مش ناقصه فضايح

كارما: الحمد لله انها عدت على خير بس 

هدى: صحيح عملتي ايه في روميو بتاعك سمعت انه خطب 

حور:راحت الخطوبه و يا ريتها ما راحت بوظت الحفله كلها و قال ايه بتقولي هجوزه

كارما:مش هو قبلني و بقا بيتكلم معاه 

هدى باستهزاء: فحسيتي انه دي اشاره 

كارما :ايوا قرة عيني 

هدى :ربنا يشفيكي  هقوم انا اريح شويه يلاsee you 

هدى دخلت نامت و حور و كارما صورو شوية فيديوهات و نزلوها و طبعا كارما كلمت ادهم قبل ما تنام  و حور كلمت حمزه و صدمها لما قالها انه عايز ياخد معاد مع اهلها مكانتش عارفه تقوله ايه لكن اديتله رقم باباها و قالتله يكلمو و سابت التليفون و نامت 

**************************

مامت هدى: طيب يلي على الباب جايه اهو 

فتحت الباب و لقته اسر و كان مبتسملها ابتسامه غريبه 

مامت هدى: خير يا ابني في حاجه لقيتو الي سرق الفلوس و لا ايه؟

اسر بابتسامه: لا انا عايزك في موضوع ثاني خالص مش هتدخليني و لا هفضل واقف على الباب 

مامت هدى: ايوا طبعا طبعا  اتفضل 

اسر دخل و اتكلم معاها شويه و طلع ثاني و رن على هدى 

*على الجهة الثانيه 

هدى:هوووف هو الواحد ميعرفش يناملو ساعه مين الحيوان دا كمان 

مسكت التليفون و هي فاتحه عينيها بنعاس و لقت اسم اسر و اتفزعت و قامت بسرعه  و فتحت 

هدى:عايز مني ايه ثاني و عرفت رقمي منين مش انا مسحته 

اسر باستهزاء :لا ما انا حافظه عادي 

كنت بس يا قلبي عايز اقولك اسف على الي حصل و علشان تقبلي اعتذاري محضرلك مفجأه 

هدى:انت عبيط اسامحك على ايه انت بني ادم مستفز  هتقول انت عايز ايه و لا اقفل 

اسر: لا مش هقولك انا خلي ماما تقولك و اوعدك انك هترجعي تتصلي بيا  ثاني 

هدى بخوف: مم ماما ايه الي دخلها في الموضوع ما انا خلاص اديتلك الفلوس الي كنت عايزها 

اسر باستفزاز:by by

هدى:استن....

قفل التليفون في وش هدى و هي رامته على الارض و ما مسكتش دموعها لانها فعلا كانت خايفه 

هدى: ماما اكيد عرفت كل حاجه انا انا لازم اعرف ايه الي حصلها التليفون فين 

مسكت التليفون و اتصلت على مامتها و هي ميته من الرعب و اول ما ردت 

=انتي ازاي تخبي عليا حاجه زي دي هو انا مش امك

هدى بعياط: والله يا ماما كنت ناويه اقولك بس كنت خايفه سامحيني

= و هي دي حاجه تتخبى يا هدى انا مربيتكيش على كدا خلاص متعيطيش 

هدى قالت ما بين نفسها| هي اكيد متعرفش حاجه و الا ما كانتش كلمتني بالهدوء دا| ماما هو انتي عرفتي ايه بالظبط 

= عرفت حكايتك انتي و الظابط اسر 

هدى بلعت ريقها بخوف 

= و انك بتحبيه و هو جيه اتقدملي و اترجاني و انا وافقت لانه ابن حلال و كويس 

هدى بصدمه: نعمممم اتقدملي ايه و موافقه ايه امتى حصل الكلام دا ؟!

= مالك يا بنتي هو جيه دلوقتي و لسه ماشي ايه رأيك انتي

هدى: لا ط..

 كانت لسه هتقولها لا بس صوت تليفون هدى رن و كانت رسالة من اسر 

هدى:استني يا ماما ثواني خليكي معايا

هدى فتحت الرسايل و كان باعتلها صورها|ايه رايك في دول  وافقي احسنلك|

هدى:  اه يا حقير اعمل ايه يا ربي |مسحت دموعها وقربت التليفون من ودنها| ايوا يا ماما 

= قولتي ايه يا بنتي انتي شكلك مش موافقه 

هدى افتكرت الرساله و قالت بحزن: موافقه يا ماما

يتبع.....

لقراءة الفصل الخامس : اضغط هنا

لقراءة باقي الفصول : اضغط هنا