رواية قلبي ليس بيدي الفصل الثالث والاربعون 43 بقلم حسناء مصطفي

جه يجري بسرعه...

جاك: في اي!

جاكي: شوف..

بص ع المرايه وكان مكتوب بدم " الهلاك قادم "..

بصلي وسكت..

_______________________

هند: يلا يامحمد..

محمد: اركبي معاهم ورا..

هند: ليه

محمد: اسمعي الكلام..

هند: محمد انسى بقاا..

سما: ينسى اي.. انتوا بتقولوا اي..

محمد: هتنزلي تركبي ورا ولا تنزلوا كلكوا!

هند: حاضر..

نزلت ركبت ورا وهو طلع..

______________________

مجهول: يعني اي بايت عندها!.. انت بتقول اي!

ـ زي مابقول لحضرتك كدا.. هو طلع ومنزلش تاني..

مجهول: اسمع اللي هقولك عليه وتنفذه بالحرف الواحد.. مفهوم!

ـ مفهوم..

ـــــــــــــــــــــــــــــــــــــــــــــــــــ

جاك: كملي بسرعه...

لميت حاجاتي وهو ساعدني ولمينا كل حاجه ف الشنط...

شويه والباب خبط وانا خوفت..

جاك: متخافيش..

طلع يفتح وانا طلعت وراه وطلع ادم..

ادم: جاك!.. هو في حاجه!

جاك: ادخل..

دخل وقفل الباب..

جاك: هي الشقه دي مسكونه او حاجه!

ادم: مسكونه!.. لا طبعا..

جاكي: طب تعالى معايا...

دخلنا الاوضه بس مكنش في حاجه ع المرايه..

جاكي بصدمه: جاك!!

جاك: لا كدا كتير..

ادم: ماتفهموني في اي!

جاكي: كان مكتوب هنا كلام بدم..

ادم: بدم!!.. طب هو فين!

جاك: مش عارف.. متاكد ان الشقه مفهاش حاجه!

ادم: ايوا ياعم.. اكيد بيتهيقلكوا

جاك: احنا الاتنين!.. بس مش مشكله.. تعالى ساعدني عشان انزل عمي..

ادم: تنزله فين!

جاك: هيرجعوا..

ادم بصلي..

جاكي: انا هفهمك بعدين بس يلا...

نزلوا بابا ف العربيه وانا لميت باقي الحاجات ونزلت..

قربنا من عربية جاك ومكنش فيها اي حاجه...

جاك فتح الباب لقى ورقه ع الكرسي...

بصلي وبعدين مسكها وكان مكتوب فيها كلام مش مفهوم وبخط غريب وبدم تقريبا..

جاكي: ارميها بسرعه..

جاك: ليه..

جاكي: احنا منعرفش دا اي.. يمكن عمل او حاجه..

جاك: عمل اي انتي التانيه..

ادم: ماتفهموني اي دا ياجدعان..

جاك: احنا هنروح بعربية ادم.. مينفعش نركب عربيتي..

جاكي: ايوا مظبوط..

جاك: بس ادم عنده جامعه

ادم: لا لا مش هروح.. اركبوا..

ركبنا وطلعنا ع الفيلا...

جاك وادم ساعدوا بابا ونزلوه وبعدين رجعوا خدوا الشنط...

فيروز: جاكي.. حبيبتي.. تعالي..

حضنتني..

فيروز: بقاا كدا.. اهون عليكي تسيبيني كدا..

جاكي: معلش يافيروز.. بس

فيروز: يعني هو ان مكنش جاك هييجي ياخدك مش هتيجي!

جاك: لا انا عرفت اقنعها...

المهم احنا طلعنا عمي فوق.. ابقوا اهتموا بيه واحنا هنخرج نقعد بره شويه..

فيروز: ازيك ياادم..

ادم: ازاي حضرتك ياطنط..

فيروز: يابني قولتلك فيروز.. طنط اي..

ادم: حاضر..

جاك: تعالو نقعد بره..

طلعنا الجنينه..

ادم: فهموني بقاا في اي..

جاكي: اسمع.. هو جاك كان عندي بالليل وبعدين مشي.. واول مامشي جتلي مسدج تهديد بقتل جاك.. فانا رنيت ع جاك وجالي ع طول.. بعدين الشخص دا بعت مسدج تانيه وقال اخرج البلاكونه.. خرجنا وكانت العربيه متكسره ومكتوب عليها بالدم.. فضلنا فوق لحد الصبح.. وبعدين طلعت البلاكونه تاني والغريب ان العربيه كانت سليمه مفهاش اي حاجه.. بعدين دخلت الم حاجتي ولقيت دم ع المرايه.. ولما انت دخلت كان الدم اتمسح..

ادم: طب فين المسدجات دي..

جاك: الغريب انها مش موجوده.. بعد مادا حصل.. فتحنا الفون ومكنش فيه حاجه.. عشان كدا سألتك اذا كانت مسكونه او لا..

ادم: ياجدعان انا دماغي ساحت... وبعدين العربيه كانت سليمه واحنا جايين..

جاكي: انا مش فاهمه حاجه..

جاك: عشان تبقي تتصرفي من دماغك وتمشي تاني..

جاكي: وانا اشعرفني ان كل دا هيحصل..

ادم: معاه حق.. مينفعش تمشي.. ع الاقل هتبقي وسطيهم..

جاك: اهو دومي قالك اهو.. اتهدي بقاا..

ادم باستغراب: دومي!

جاكي: لا سيبك منه دا اهبل اصلا..

جاك: جاكي اتلمي..

جاكي: هو انا كلمتك..

جاك: عايزه تتخانقي يعني!

ادم: بس ياجماعه.. انتوا صغيرين!..

جاكي: طب هنعمل اي دلوقتي..

جاك: بصي.. هو مفيش قدامنا حاجه غير اننا ننسى اللي حصل.. يمكن كان بيتهيقلنا فعلاً..

جاكي: احنا الاتنين!

جاك: معرفش.. بس مفيش تفسير لدا.. فبلاش نشغل دماغنا وخلاص...

ااه وكمان متقولوش لحد..

ادم: تمام..

فيروز جت..

فيروز: اتفضل يابني اشرب..

ادم: متشكر ياامي..

فيروز: من هنا ورايح مفيش مشيان تاني بقاا..

جاكي: هشوف..

جاك: متعصبنيش... مفيش حد هيمشي..

جاكي: ولااا متزعقش..

جاك: هزعلك مني والله..

فيروز: ياعيال بس.. والله عيال فعلا..

جاكي: مش هو اللي كل شويه يزعقلي!

جاك: ماعشان غبيه..

جاكي: اهو انت اللي غبي..

ادم: خلاص ياجاكي.. انتي الكبيره..

جاك: كبيرة اي انت كمان.. قصدك اني عيل يعني!

ادم: خلاص ياجاك انت الكبير..

جاكي: ولا شافه.. دا عيل وستين عيل..

ادم: بسسسس... اي دا

فيروز: صحيح ياجاك.. متكلمتش مع محمد!

جاك: لا.. مشوفتوش من ساعة ماجه..

فيروز: قالب وشه فيا يابني.. مش بيكلمني..

جاك: يتفلق.. متزعليش نفسك..

جاكي: هو اي اللي يتفلق!.. انتوا تزعلوه وبعدين تقولوا يتفلق!

جاك: هنعمله اي يعني!

جاكي: تصالحوه.. انتوا عارفين قولتوله ايه!... دا كويس اصلا انه وافق يرجع وسمع كلامي..

جاك: ااه يعني كنتوا بتتقابلوا..

جاكي: ايوا..

جاك: يعني قولتيله ع عنوانك.. وانا اقعد اتحايل عليكي مترضيش..

جاكي: هو كان تعبان.. اسيبه ف الشارع يعني!

جاك: لا ثواني.. قصدك انه قعد عندك اليومين اللي غابهم!

جاكي: هو يوم واحد..

جاك: يافرحتي.. يافرحتي ياختي..

جاكي: متزعقش.. قولتلك كان تعبان وجبتله دكتور..

فيروز: بردو يابنتي.. مكنش يصح تعملي كدا.. افرضي كان شارب...

جاكي: ياجماعه انتوا بتفكروا ف اي.. بقولكوا كان تعبان وفضل نايم ومش قادر يتحرك..

جاك كان باصصلي بحده..

جاكي: بقولك اي متبصليش كدا..

جاك: اسكتي.. اسكتي ياجاكي.. بعد كدا متعمليش حاجه غير لما تقوليلي.. تمام!

جاكي: لا مش هقولك.. انت مالك اصلا..

جاك: يافيروز قوليلها ان ضربي وحش..

جاكي: ضرب اي!!... انت كمان بتفكر تمد ايدك!.. دا اكسرهالك قبل ماتفكر اصلا..

جاك: جاااكي.. لمي الدور بقاا..

جاكي: انا اصلا غلطانه اني جيت معاك..

جاك: ايوا كنتي خليكي لوحدك هناك..

فيروز: خلاااص.. خلاص بطلوا بقاا..

ادم: طب انا همشي بقاا..

جاكي: ليه خليك!

ادم: معلش عشان الشغل..

ادم مشي وفيروز طلعت معاه...

جاك بتريقه: لا خليك.. جاتك القرف...

جاكي باستفزاز: غيرانه يابيضه..

جاك: بيضه!.. وغيرانه!.. امم

كان قايم من مكانه.

جاكي: ولااا.. متهزرش..

جاك: هوريكي مين اللي بيضه..

جاكي: اعااا.. فيروووز.. الحقييييني... يوجد ثور هائج هنااااا....

جاك: ثور هائج!..

سيبته وجريت..

جاكي: ولاا متهزرش معايا..

جاك: وانا ههزر معاكي ليه يابتاعه انتي..

فيروز: بس بس.. في اي..

جاكي: عايز يضربني..

فيروز: بس بقاا ياجاك هي مش قدك..

جاك: اناا!.. تعرفوا!.. حسبي الله فيكوا.. ستات قادره بصحيح..

جاكي: نينينني.. خرا..

جاك: والله ياجاكي هقطعلك لسانك الطويل دا...

فيروز: بس خلاص.. يلا اطلعي اوضتك ارتاحي لحد مالبنات ييجوا..

جاك: ترتاح من اي.. دي لسه صاحيه..

جاكي: وانت مالك انت..

فيروز: انتوا فايقين وانا ورايا شغل.. براحتكوا..

سابتنا ومشت وهو بصلي بشر وقرب مني..

جاكي: جاك.. هصوت والله..

جاك: صوتي.. محدش هنا..

جاكي: ياسطا دانا بحبك ياسطا.. دانت حبيبي والله

جاك: مش كنت ثور هائج من شويه!

جاكي: يانهااار.. لا طبعا.. مين قال كدا..

جاك: نسوان.. كيدهن عظيم والله..

وفجأه لقيت دم بينزل من راسه... تنحت وبرقت وانا ساكته..

جاك: اي مالك.. تنحتي كدا ليه..

حطيت ايدي ع وشه وبعدين وريته الدم..

جاك بصدمه: اي دا..

حط ايده ف شعره وطلعها وكانت كلها دم..

__________________________

ياسين: اخيرا وافقتي!.. انا مش مصدق والله..

هند: لا صدق.. انا بس كنت بقول انه لسه بدري..

ياسين: ياهند بنات دفعتك كلهم يامخطوبين يامتجوزين..

هند: وانت عرفت منين ان شاء الله.. قول كدا بقاا.. انت بتاع نسوان.. صح!

ياسين: اي دا في اي.. اهدي نسوان اي..

هند: كلكوا مصطفى ابو حجر.. سلام..

سابته ومشت وهو قاعد مصدوم..

ياسين: انا بورط نفسي والله.. امال بعد الجواز هتعملي اي..

____________________

اسلام: اي يامحمد.. قاعد لوحدك ليه..

بصله ومردش ورجع بص ف الكتاب..

اسلام: من امتى وانت بتذاكر..

محمد: من دلوقتي..

اسلام: ياعم فكك.. احنا يادوب نعدي وخلاص..

محمد: عدي انت.. انا هجيب امتياز..

اسلام باستهزاء: ياهوو.. امتياز اي يانجم.. انت بتحلم ياسطا..

محمد: لا.. انا احلامي بحققها عادي... مش معنى ان انت مبتعرفش اني كمان زيك..

اسلام: اممم... مالك متغير ليه..

محمد: مش متغير.. مانا عادي اهو...

يونس جه..

يونس: اي يابروو بتعمل اي.. لا محمد بيذاكر!.. لا لا مش معقول..

محمد: امشوا عشان عايز اذاكر..

يونس: ماشي ياسطا بس بالراحه شويه.. ع العموم احنا هنسهر النهارده.. والكل جاي.. هتيجي!

محمد: لا..

اسلام: هو اي اللي لا.. من امتى دا..

محمد: ياعم مش عايز.. انا مش فاضي.. عن اذنكوا..

سابهم وقام...

يونس: ماله دا..

اسلام بخبث: سيبه.. على راحته ع الاخر..

____________________

نور: انا لازم امشي بقاا..

سيف: استني بس.. صدقيني هما عشر دقايق وهننزل.. انتي مش واثقه فيا يعني!

نور: يعم لو هند لاحظت اني مشيت من الجامعه هتعملي مشكله..

سيف: متقلقيش.. تعالي بس..

خدها وطلعها الشقه وقفل الباب من غير ماتشوف..

سيف: هاا.. اي رأيك ف الشقه..

نور: حلوه..

سيف: مالك يابنتي خايفه كدا ليه.. تحبي تشربي اي..

نور: ولا حاجه..

سيف: ع فكره انا مش هاكلك.. لو عايزه تمشي اتفضلي..

نور: لا مش كدا بس.. يعني اول مره اطلع شقه مع حد..

سيف: وهو انا حد!.. وبعدين انتي مقفله كدا ليه.. ماتقلعي الجاكيت دا..

نور: لا لا انا كدا تمام..

سيف: اقلعي الجاكيت يانور.. مش حوار يعني..

قلعت الجاكيت وهي متوتره وكانت لابسه كات..

سيف بصلها بخبث..

سيف: هاا.. تحبي تشربي اي..

نور: ممكن عصير..

سيف: تمام..

راح عمل العصير وحطلها حاجه فيه..

_______________________

جاك كان ف اوضته بيغسل شعره وانا معاه وكان نازل دم كتير..

جاكي: طب هي دماغك بتوجعك!

جاك: لا.. هو ازاي نزل دم من غير مااحس بيه..

جاكي: معرفش.. طب اتخبطت فيها..

جاك: قولتلك لا.. لو اتخبطت كان الدم نزل وقتها..

جاكي: امال اي دا.. طب تعالى اقعد هنا..

قعد وانا قعدت اشوف دماغه متعوره ولا لا بس مكنش في حاجه والدم وقف..

جاكي: مفيش حاجه ف دماغك..

كان ماسك دماغه..

جاكي: في اي..

جاك: معرفش.. صداع.. هنزل اعمل قهوه وهتخف..

جاكي: طب انا هنزل اعملك..

نزلت وكنت ف المطبخ بعمل القهوه..

ـ بتعملي اي!

لفيت بسرعه لقيتها نهى..

جاكي: بعمل قهوه..

نهى: امم.. لجاك طبعا..

طب بصي بقاا.. ابني تبعدي عنه خالص.. انتي ضيفه هنا.. انا معرفش اي اللي رجعك اصلا.. انتي مش كنتي مشيتي!.. هو فندق!.. وبعدين انتي مالك بجاك.. لازقه فيه ليه!

ـ بتحبني..

بصينا لقيناه جاك..

جاك: زي ماسمعتي كدا.. بتحبني.. بتخاف عليا وبتهتم بيا... انتي بقاا بتعملي اي.. هي بتعمل اللي انتي مش بتعمليه..

نهى: الواضح انها كلت دماغك..

جاك: لا.. هي دماغي كدا من زمان.. بس انتي اللي فاضيه... ع العموم ملكيش دعوه بيها.. انا اللي لازقلها مش هي.. فلو في حاجه مضايقاكي كدا، تعالي قوليلي انا.. هي ملهاش دعوه.. تمام!..

نهى: هندمك ع اللي بتعمله دا ياجاك..

سابته ومشت وانا ساكته.. وهو قعد وواضح ان دماغه لسه مصدعه..

جاكي: اتفضل..

جاك: شكرا..

جاكي: هي لسه مصدعه..

جاك: هتتفرتك..

جاكي: طب هنعمل اي..

جاك: لا دا اكيد صداع عادي وهيروح..

جاكي: وبالنسبه للدم اللي نزل!

جاك: معرفش..

جاكي: فين الورقه اللي لاقيتها ف العربيه..

جاك: ف جيبي..

بصينا لبعض وتقريبا فهمنا نفس الشئ..

جاكي: تفتكر هي السبب!

جاك: مش عارف..

جاكي: طب طلعها..

طلعها وانا حاولت اقرا المكتوب بس معرفتش..

جاكي: طب هي اي اللغه دي..

جاك: ارميها مش مهم...

فجأه فيروز دخلت فخبيتها ف جيبي...

فيروز: في اي..

جاكي: جاك مصدع فعملتله قهوه..

فيروز: اجيلك برشام ياجاك..

جاك: هاتي بسرعه...

كان ماسك دماغه جامد وانا بدات اقلق..

جاكي: جاك كدا في حاجه...

جاك: اخبطيني بحاجه..

جاكي: ايه!

جاك بصريخ: اخبطيني بحاجه بقولك..

جاكي: يعني اي طيب مش فاهمه..

جاك: اضربيني بحاجه ف دماغي بسرعه..

جاكي: لا طبعا مش هعمل كدا..

فضل يضرب دماغه ف الترابيزه اللي قاعد عليها..

جاكي: جاك بس.. انت بتعمل اي..

جاك: دماغي هتنفجر مش قادر..

فيروز دخلت..

فيروز: خد البرشام دا حلو..

خد البرشام بسرعه وشرب القهوه وشويه ويادوب هدي..

جاكي: خفت..

هز دماغه وسكت..

جاكي: جاك كدا في حاجه..

فيروز: حاجه اي!

جاك: لا مفيش..

فيروز: طب انا هطلع اشوف ابوكي صحي ولا لسه..

سابتنا وطلعت..

جاك: جاكي متقوليش لفيروز حاجه..

جاكي: اعااا..

جاك: اي..

قعدت ع الكرسي ومسكت رجلي.. وبصيت لقيتها متعوره وبتجيب دم...

جاك بصدمه: ازاي!

بصينا ف الارض لقينا سكينه واقعه..

جاكي: هو في حاجه خبطت ف رجلي.. ممكن يكون السكين وقع عليا عشان كدا اتعورت..

جاك: طب خليكي ثواني..

طلع جاب شاش وقطن ولفلي رجلي..وكان باين انه متوتر...

جاكي: متقلقش مفيش حاجه..

جاك: جاكي..

جاكي: اي..

جاك: عايز اقولك حاجه..

جاكي: قول..

______________________________

هند: سلمي مشوفتيش نور!

سلمى: لا هي كانت معايا وفي حد نده عليها ومشت معاه..

هند: حد!.. حد مين..

سلمى: مش عارفه..

هند: طب ياحبيبتي شكرا..

فضلت ترن عليها بس مكانتش بترد...

ـــــــــــــــــــــــــــــــــــــــــــــــــــــــــــ

ابراهيم: ازيك يامحمد..

محمد: عامل اي ياابراهيم..

ابراهيم: يعني قاعد لوحدك كدا.. امال فين الشله بتاعتك!

محمد: لا خرجت منها..

ابراهيم بفرحه: يعني مش مصاحبهم دلوقتي!

محمد: لا.. زمايلي عادي..

ابراهيم: روح ياشيخ ربنا يصلح حالك.. انا من زمان عايز اقولك ابعد عنهم بس مكنتش برضى اتدخل..

محمد: يهمك مصلحتي قوي كدا!

ابراهيم: طبعا.. وبعدين دول معروفين يامحمد انهم مش كويسين..

محمد: خلاص ربنا هداني الحمد لله..

ابراهيم: طب هتروح تصلي معايا!

محمد: ايوا انا كنت لسه قايم.. يلا..

ــــــــــــــــــــــــــــــــــــــــــــــــــــــــ

جاك: بصراحه انا اللي كتبت ع العربيه..

جاكي: نعم!!!!

جاك: وطي صوتك.. تعالي نطلع فوق وهفهمك

طلعت معاه الاوضه وقفل الباب..

جاكي: يعني اي!

جاك: بصي.. انا كنت خايف عليكي وانتي قاعده لوحدك.. وانا عارف انك بتخافي من الحاجات دي.. ولما قولتيلي ع المسدج اللي جتلك استغليت خوفك وخليت حد يكتب عليها عشان تخافي وترجعي معايا..

جاكي: انت مجنون!!!.. حد يكسر عربيته!

جاك: مكسرتهاش.. انا قولتله يكتب عليها بس.. ولما طلعت كان فعلا مكتوب عليها بس.. معرفش مين كسرها..

جاكي: يعني انت كنت عامل حوار عشان ارجع معاك!

جاك: مش موضوعنا دلوقتي.. دلوقتي انا مش فاهم مين كسر العربيه وازاي رجعت تاني سليمه..

جاكي: يبقاا انت اللي كتبت ع المرايه..

جاك: لو انا اللي كتبت كنت همسحه ازاي وانا اصلا اللي فتحت لادم..

جاكي: قصدك انها قلبت جد!

جاك: مش عارف..

جاكي: انا مش فاهمه حاجه.. جاك لو انت اللي عامل كدا عشان ارجع معاك قول..

جاك: هخلي دماغي تنزل دم ازاي ياجاكي!.. وهعورك ف رجلك ازاي!

جاكي: يعني اي.. هنعمل اي دلوقتي!

جاك: بصي انسي الموضوع دا.. ومتقوليش لحد حاجه..

جاكي: انسى اي!.. هي دي حاجه تتنسى!

جاك: مفيش حاجه نقدر نعملها...روحي اوضتك..

سيبته وكنت لسه رايحه اوضتي لمحت نور داخله تتسحب وبتعيط وهدومها مبهدله...

جاكي: نور..

نور:....

جاكي: مالك!.. واي اللي عمل فيكي كدا..

نور: لا لا.. مفيش..

جاكي: نور مين معورك كدا..

حضنتني وفضلت تعيط..

خدتها اوضتي وقفلت الباب..

جاكي: اهدي.. كل حاجه هتتحل.. قوليلي بس اي اللي حصل..

نور: لو قولتلك مش هتقولي لحد!

جاكي: مش هقول لحد متخافيش.. بس في اي!

نور بعياط: في واحد انا بحبه.. وبقابله من وراكوا.. وهو قالي انه هيتقدملي.. وطلب مني اكتر من مره اني اطلع معاه الشقه وانا كنت برفض.. لحد ماوافقت ع اساس اننا هنقعد ف مكان محدش هيشوفنا فيه..

دخل عملي عصير وبعدين محستش بحاجه تاني غير لما فوقت وكنت عريانه ومفيش حد ف الشقه.. معرفش وصلت هنا ازاي..

كنت بصالها بصدمه ومش عارفه ارد..

نور: معرفش اي اللي حصل.. انا خايفه قووي..

جاكي: انتي بتقولي اي!

طلعتي مع واحد غريب الشقه!!!..

نور بعياط: مكنتش اعرف انه هيعمل كدا..

جاكي: مكنتيش تعرفي اي!!.. انتي واعيه انتي بتقولي ايه!!!... عمل فيكي ايه!!!

نور: معرفش.. مش فاكره حاجه..

جاكي: يانهار اسود... انتي عارفه لو جاك عرف ممكن يعمل اي!!..

نور بخوف: لا والنبي ياجاكي.. متقوليش لجاك حاجه.. دا هيقتلني لو عرف حاجه زي دي..

جاكي: والعمل!.. دي مصيبه..

جاكي: طب نعرف فيروز!

نور: لا لا.. والنبي بلاش.. احنا ننسى الموضوع وانا مش هكلمه تاني والله..

جاكي: خلاص اقفلي خالص دلوقتي ع الحوار دا.. ومتقوليش لحد حاجه.. عشان هيحصل كارثه..

وبعدين هو انتي صغيره يانور!.. ازاي قدر يضحك عليكي!

نور: بحبه.. مكنتش اعرف انه بيضحك عليا..

حضنتها وفضلت تعيط لحد مانامت....

ــــــــــــــــــــــــــــــــــــــــــــــــ

هند: هي فين نور!

فيروز: هي مجتش معاكي!

هند: لا.. وهي اصلا مشت من الجامعه..

فيروز: يعني اي مشت..

هند: ومش بترد ع موبايلها كمان...

غطيتها ونزلت....

هند: جاكي!!.. بتعملي اي هنا..

فيروز: جاك رجعها.. بس دلوقتي نور فين!

هند: معرفش..

جاكي بتوتر: لا.. هي نور فوق..

هند: فوق فين!

جاكي: هي رجعت من شويه وكانت تعبانه فنامت..

هند: ياشيخه دانا قلبي وقع عليها.. طب مش تقول انها مروحه!

جاكي: مش عارفه.. بس هي كويسه يعني..

محمد رجع...

محمد: السلام عليكم..

الكل: وعليكم السلام..

فيروز: مش هتاكل يامحمد!

محمد: شكرا.. اي دا.. انتي بتعملي اي هنا..

جاكي: مش كنت عايزني ارجع.. اديني رجعت..

محمد: كويس والله..

فيروز: طب تعالوا كلوا مع بعض..

محمد: انا طالع..

فيروز: يابني تعالي كُل..

محمد ببرود: انا مش ابنك...يامرات ابويا..

جاكي: محمد!!

محمد: عن اذنكوا..

سابنا وطلع..

جاكي: معلش يافيروز.. حقك عليا انا..

فيروز: لا يابنتي هو معاه حق..

هند: ياماما انتي عارفه محمد طيب ازاي.. هو بس زعلان منك..

جاكي: تعالي معايا نطلع نصالحه..

خدتها وطلعت خبطنا وفتح...

جاكي: محمد..

محمد: نعم.. خير

جاكي: طب ندخل الاول..

محمد: اتفضلوا..

دخلنا وقعدنا..

فيروز: هتفضل قالب وشك كدا كتير...

محمد ببرود: مين قال اني قالبه..

فيروز: كنت كل يوم الصبح تبوسني قبل ماتمشي.. مبوستنيش ليه الصبح!

محمد: نسيت..

فيروز: ولا زعلان!... طب حقك عليا متزعلش..

محمد: قولتلك مش زعلان.. يلا بقاا عايز انام..

جاكي: بالراحه يامحمد في اي..

فيروز: ماهو انا مش هطلع غير لما تصالحني..

محمد: اصالحك اعمل اي يعني!!... انتي قولتيلي اني مش ابنك وان امي ماتت.. اي اللي يزعل ف كدا.. دي حقيقه... كنتي خايفه ع بناتك مني، مبقتش اقربلهم خالص.. عايزه اي تاني!

فيروز: تنسى اللي انا قولته وترجع زي الاول.. انت ابني ودول اخواتك...

محمد: لا يفتح الله.. انتي عارفه انتي حسستيني بأي وقتها!.. عارفه انا كنت مقهور ازاي!!.. خايفه ع اخواتي مني!!!.. بتعايريني بموت امي!!!... انا كنت هموت وقتها ع فكره... عملت حادثه بالعربيه.. ولو كنت موت مكنتوش هتحسوا بحاجه...

فيروز: بعد الشر عليك يابني.. ياريت كان لساني اتقطع قبل مااقول كدا..

محمد: انا مش فاهم انتي عايزه اي!.. عملت اللي انتي عايزاه.. اعمل اي تاني..

جاكي: محمد.. حرام عليك دي بتعيط..

محمد: وانا!!.. يعني هما يغلطوا وانا اللي اراعي شعورهم!!

جاكي: بس انت عارف انها مكانتش تقصد..

محمد: لا تقصد.. هي كانت تقصد كل كلمه قالتها... وع فكره انا مش زعلان منها.. هي معاها حق فعلا.. انا مش ابنها.. وامي ماتت وانا حد طايش.. معاها حق تخاف ع بناتها مني.. هو انا كنت قولت اني زعلان!

فيروز: يابني متوجعش قلبي اكتر من كدا..

جاكي: خلاص يافيروز يلا.. هو هيهدى لوحده..

خدتها ونزلنا...

طلعت اتطمن ع نور لقيتها لسه نايمه..

مكنتش عارفه هروح الشغل ازاي...

رنيت ع ادم..

جاكي: ادم..

ادم: ها ياجاكي..

جاكي: المفروض اني اروح الشغل ازاي!

ادم: هو انتي هتخرجي بعد اللي حصل دا!

جاكي: ايوا مش هسيب شغلي طبعا..

ادم: جاك مش هيوافق..

جاكي: لا جاك ملوش دعوه...

ادم: خلاص هعدي عليكي دلوقتي..

جاكي: ماشي..

قفلت معاه وروحت قولت لفيروز اني خارجه...

ادم جه وركبت معاه وروحت الشغل..

ـــــــــــــــــــــــــــــــــــــــــــ

قعدت مكاني وفضلت قاعده شويه ومفيش جديد..

ـ لو سمحتي..

بصيت لقيته نفس الشخص..

جاكي: نعم..

ـ نفس الكتاب..

جاكي: اتفضل...

خده وراح قعد مكانه بس مكنش ف حالته وباين عليه انه متضايق... انا مااالي انا.. يخربيت كدا..

قعدت ذاكرت شويه وهو فضل قاعد مكانه ومرفعش عينه حتى..

ـــــــــــــــــــــــــــــــــــــــــــــــــ

جاك بغضب: ومين سمحلها تخرج!!

فيروز: يابني هي قالت خارجه مع ادم..

جاك: ماشي.. لما تجيلي..

فيروز: في اي ياجاك.. ماتخرج براحتها..

جاك: مينفعش.. مينفعش تخرج يافيروز..

فيروز: طب فهمني ليه!

جاك: انا طالع اوضتي.. ولما تيجي تنادي عليا..

ــــــــــــــــــــــــــــــــــــــــــــــــــــــ

الوقت عدى وخلصت شغلي وكنت لسه هرن ع ادم.. بصيت لقيت الشخص دا قاعد باصص ف الارض وسرحان ومتضايق..

لاحظ اني ببص عليه فجاب الكتاب وحطه قدامي ومشي...

اي دا هو في اي...

خلصت وروحت.....

فيروز: كنتي فين!

جاكي: ماقولتلك يافيروز..

فيروز: جاك قالب الدنيا عليكي..

جاكي: انتي قولتيله اي..

فيروز: قولتله انك مع ادم زي ماقولتيلي..

جاكي: طب انا هطلع اوضتي...

طلعت ولسه هفتح الباب..

ـ جاكي!!..

لفيت..

جاكي: نعم..

جاك: تعالى..

جاكي: انا هنام..

جاك: قولت تعالي..

دخل اوضته ودخلت وراه..

جاك: كنتي فين!

جاكي: ف الشغل..

جاك: وانا مش قولت مفيش خروج..

جاكي: اعمل اي يعني مانا عندي شغل..

جاك: يتحرق.. افرضي حصل حاجه..

جاكي: جاك متزعقش.. وبعدين هيحصل اي يعني..

جاك: جاكي بلاش تعصبيني.. كفايه اللي حصل..

جاكي: مش معنى اني رجعت معاك اني هسيب شغلي..

جاك: مش محتاجه تشتغلي..

جاكي: لا وانا مش عايزه حد يصرف عليا..

جاك: جاكي بلاش عناد..

جاكي: اديني خرجت ومحصلش اي حاجه اهو... كبر دماغك ياجاك..

سيبته وروحت اوضتي وشويه وفيروز جت..

فيروز: نايمه هنا ليه دي!

جاكي: كانت قاعده معايا ونعست فمحبتش اصحيها..

فيروز: طب تعالي خدي الاكل وادخلي كلي مع محمد عشان مش راضي ينزل ياكل..

جاكي: ماشي هاتي...

خدت منها الاكل ودخلتله..

جاكي: يلا يامحمد عشان تاكل معايا..

محمد: مش هاكل..

جاكي: اي الحلاوه دي.. انت بتذاكر!

محمد: ايوا..

جاكي: طب جدع تعالى ناكل مع بعض الاول..

محمد: عندي مذاكره كتير.. لما اخلص..

جاكي: مانا كمان عندي مذاكره كتير.. طب اقولك حاجه.. ناكل مع بعض وبعد كدا اجيب حاجتي واجي اذاكر معاك عشان نور نايمه ف اوضتي.. لو مكنش هيضايقك يعني..

محمد: لا طبعا.. تعالي..

جاكي: طب يلا ناكل بقاا...

قعدنا ناكل...

جاكي: مش ناوي تفك وشك بقاا..

محمد: ماهو مفكوك اهو..

جاكي: مع فيروز.. حرام عليك دي عماله تعيط..

محمد ببرود: انا معملتش حاجه عشان تعيط..

جاكي: يامحمد انت بتقولها يامرات ابويا..

محمد: مش هي اللي طلبت كدا!

جاكي: قولتلك مكانتش تقصد..

محمد: صدقيني مش هعرف ارجع زي الاول معاها تاني.. انا اتقفلت..

جاكي: طب ع الاقل كلمها كويس.. عشان خاطري.. والله هي زعلانه قووي.

محمد: هحاول..

خلصنا اكل وروحت جبت حاجتي وجيت ذاكرت معاه...

محمد: قاعده بعيد ليه!.. تعالي هنا..

جاكي: لا عشان تاخد راحتك..

محمد: المكتب كبير تعالي.. وبعدين ضهرك هيوجعك لو قعدتي كدا..

روحت جبت الكرسي وقعدت قدامه وذاكرنا مع بعض ومندمجين قووي ف المذاكره ماشاء الله..

عدى الوقت وبعدين فيروز دخلت..

فيروز: بسم الله ماشاء الله.. دا اي الحلاوه دي..

جاكي: تعالي يافيروز..

فيروز: جدعه والنبي.. خليه يذاكر كدا..

جاكي: لا هو بيذاكر اهو..

فيروز: اجيبلكوا اي تشربوه طيب!

جاكي: لا متتعبيش نفسك..

فيروز: لا ازاي.. دانا ماصدقت شوفت المنظر دا.. اخيرا قعد ع كتاب..

جاكي: خلاص هاتي شاي..

فيروز: وانت يامودي عايز اي!

جاكي بهزار: رد يامودي..

محمد: مش عايز..

جاكي: هاتيله شاي.. شكله بيتكسف..

محمد: مش بتكسف انا..

جاكي: ياختي بيضه بتتكسفي..

محمد: جاكي اتلمي..

فيروز: طب خلاص هجيبلكوا شاي..

نزلت وكملنا مذاكره وهو قاعد ينفخ..

جاكي: مالك يعم..

محمد: البتاع دا رخم قوي.. مش فاهم فيه حاجه..

جاكي: طب وريني..

خدت الكتاب وقعدت اشرحله...

وقاعدين نحل مع بعض وفجأه الباب اتفتح...

بصيت لقيته جاك..

جاكي: هو محدش قالك ان في حاجه اسمها تخبط ع الباب قبل ماتدخل!

جاك: بتعملوا اي!

جاكي: بنلعب باليه..

جاك: مبهزرش..

جاكي: انت شايف اي.. بنذاكر..

جاك: ومن امتى ومحمد بيذاكر..

محمد: هو في اي ياجدعان.. هو لا عاجبكوا كدا ولا كدا!!

جاك: طب... جاكي عايزك..

جاكي: مش فاضيه لما اخلص..

جاك: قولت عايزك..

جاكي: اووف.. جايه..

طلعت معاه ولقيته مطلعلي ورقه..

جاكي: اي دا..

جاك: لقيتها ف اوضتي... تعالي ننزل الجنينه..

نزلنا ودخلنا بعيد شويه عشان محدش يسمعنا..

جاكي: هي اي دي..

فتحها وكان مكتوب عليها بدم بردو.. بس المره دي الكلام واضح..

جاك: فلتستعدون للعنه.. انها قريبه..

جاكي: يعني اي!

جاك: معرفش.. بس لو طلع حد بيهزر هيزعل مني جامد..

جاكي: وهو في حد هيهزر ف الحاجات دي!

جاك: امال الحاجات دي بتوصل ازاي.. ودي جت اوضتي ازاي!

جاكي: معرفش.. انا مش عارفه افكر اصلا..

فجأه جت مسدج ع فوني..

"تعالوا ع العنوان دا*****"..

جاكي: اي العنوان دا!

جاك: دا مكان ف حته مهجوره..

جاكي: مش هنروح طبعا..

جاك: انا هروح.. اطلعي انتي..

جاكي: لا طبعا.. مش هتروح ف حته..

جاك: لازم اعرف مين بيعمل كدا..

جاكي: لا ياجاك دا مكان مهجور.. بالله عليك بلاش..

جاك: لازم اعرف مين.. ممكن يضر حد مننا..

جاكي: خلاص هاجي معاك..

جاك: تيجي معايا فين.. اطلعي اوضتك يلا..

جاكي: قولتلك هاجي معاك.. والا هدخل اقولهم ع كل حاجه..

جاك بتنهيد: اتفضلي قدامي..

ركبنا العربيه ومشينا ولقيته ماشي ف شارع مخيف اصلا وضلمه وفاضي وبعدنا قووي عن البيت..

جاكي: انا خايفه..

جاك: استحملي بقاا.. عشان تبقي تعاندي تاني..

جاكي: اسيبك تيجي لوحدك يعني!

جاك: ع اساس انه لو حصل حاجه انتي اللي هتنقذيني..

جاكي: حااااااسب