رواية من أين جئت الفصل الثالث 3 بقلم ضحي ربيع
 |
| رواية من أين جئت الفصل الثالث 3 بقلم ضحي ربيع |
رواية من أين جئت الفصل الثالث 3 بقلم ضحي ربيع
ابا محمد اي كنت ببصله وانا متفاجأة لسه هسأله تلفونه رن ولقيت دادة فاطمة بتنده عليا بمجرد ما بصيت عليها وبقولها جاية لقيته اختفي
*نعم يادادة في حاجة
-عمك قاسم عايزك يابنتي جوا
*هو لسه في ناس بتعزي
-لا كلوا مشي مفيش غير عمك وولاده وعمتك
*ماشي انا دخلالهم اهو
بصيت بطرف عيني علي المكان الي كان واقف فيه الشخص ده معايا بس برضه مكانش ليه اي اثر ودخلت جوا البيت
^شدي حيلك يابتي الله يرحمه ويغفرله وانا معاكي ياقلب عمتك ومش هسيبك ابدا
(بابا الله يرحمه ملهوش غير اخت واخ عمتو اصغرهم واحنهم وكانت دايما قريبة من بابا لكن عمي قاسم الكبير طبعه حامي وصعب التعامل شوية معاه مصنع اسمنت وشغال معاه ولاده علي الكبير واحمد في سني)
"شوفي يابتي انا عارف ان الكلام مش وقته ولا اوانه بس هقوله عشان تعملي حسابك انتِ هتتجوزي علي واد عمك املاك ابوكي كتير وانتِ لسه صغيرة مش هتقدري علي الشيلة دي
كنت بسمع كلامه وبوقي تقريبا قرب يوصل للارض من الصدمة اتجوز مين هو بيقول اي ده بابا لسه ماباتش اول ليلة في قبره
*عمي انت بتقول اي ده بابا لسه متوفي وبعدين انا لسه مخلصتش اصلا كليتي وانا مش بحب...
من قبل ما اكمل كلامي زعق جامد
^مترجعنيش في الكلام امال عايزة تجيبيلنا عيل صايع يضحك عليكي بكلمتين ويضيع شقي ابوكي والله مايحصل ده انا اقتلك
كنت بسمع كلامه وانا منهارة بكي كل ده في اول يوم من وفاة بابا وبيحصلي كده امال هيحصل اي بعدين
فضلت ابكي وعمتي اخدتني في حضنها وعمي مشي
-اهدي يابتي وصلي على النبي
*اهدي اي بس ياعمتو وانا ضهري مكسور من غير بابا وانا عمي من اول يوم بيبيع ويشتري فيا لا وعايز يجوزني مين...عايز يجوزني علي ياعمتو علي الي طول عمره بيكرهني وكان بيحرض بابا الله يرحمه عليا
عليا الي وقف في طريق مستقبلي ومكنش عايز بابا يدخلني الكلية وكل ده وكان بابا عايش وهو مجرد ابن عمي بس امال هيعمل فيا اي وانا يتيمة ومراته
-روقي يابتي وصلي على النبي وقومي اغسلي وشك وصلي وادعي ربنا ينجدك
قومت فعلا وطلعت علي اوضتي واتوضيت وقفت علي المصلاية وانا مش قادرة
*اللهي انت تعلم كيف حالي يارب انت حاسس وشايف انجدني يارب انجدني انا واثقة انك هتحلها زي كل مرة والله واثقة يارب
خلصت وقومت نمت
-ضحي قومي بابتي
*في اي يادادة
-عمك وولده لره وعايزك
بمجرد ماسمعتها قلبي اتفبض انا مستحيل اتجوز علي ده لو هيقتلوني
غسلت وشي ولبست طرحتي ونزلت لقيتهم قاعدين وعلي وش علي ابتسامةنصر وشماته
^واد عمك جالك عشان تحددي معاد كتب كتابكم وهيكون عند مأذون بس عشان الظروف الي احنا فيها دي
*عمي بس....
+السلام عليكم
*لفيت لقيت عمو ثروت حسيت كأنه انقذني مش عارفة لي
+محمد كانكاتب وصية وسابها معايا قبل ما يتوفي بصفتي المحامي بتاعه
*اتفضل ياعمو صفوت
بدء يفتح الظرف الي فيه الوصية
وكان من مضمون اول جواب ان بابا كتبلي نص املاكه بأسمي والنص التاني لزوجي
"اكيد الله يرحمه كان عارف اني مش هسيبها وهجوزها لعلي ولدي عشان كده كتبله نص املاكه
+لا ياحج قاسم انت فاهم غلط
لان في مع الوصية قسيمة جواز ل ضحي وشخص تاني اسمه يوسف المازني من اسبوع.....
تعليقات
إرسال تعليق