رواية احببتة من التيك توك الفصل الثاني 2 بقلم اسيل الجندي
 |
| رواية احببتة من التيك توك الفصل الثاني 2 بقلم اسيل الجندي |
رواية احببتة من التيك توك الفصل الثاني 2 بقلم اسيل الجندي
كارما بصدمه: مستحيل اااااه يا بنت المسوسه
حور: هي مش دي تقى
كارما بغيظ: هي هي و الله كنت حاسه هي من الاول بتكرهني
حور: طب و هتعملي ايه دلوقتي ما هو خلاص خطبها
كارما ابتسمت بخبث :بس متجوزهاش
حور: تقصدي ايه انا مش مطمنالك اعقلي و حيات عيالك ما ناقصه
كارما: انتي خايفه ليه كدا انا بس هتجوزه
حور: و الله😀بس كدا ؟
كارما : فكك من الكلام دا هروح اسلم على ادهم دا طلع احلى من الفيديوهات بمليون مره
سابتها و مشيت لادهم بسرعه و حور كانت هتعيط
حور: يا بنت المجنونه استني
مشيت وراها و الناس كلها بتبص عليها بسبب شكلها الملفت للانتباه و حركتها الجنونيه الي بتعملها من ساعة ما دخلت المكان و حور كانت باصه على الارض من كتر الاحراج لحد ما خبطت في حد ووقع كوباية العصير عليها
حمزه:انا اسف بجد مكونتش اقصد
حور عيطت غصب بن عنها و هي بتشوف فستانها: حصل خير حصل خير
مشيت بسرعه من قدامو من غير ما تبصله حتى و هو بص عليها لغاية ما غابت عن عنيه
حمزه:انا بوظت الدنيا و لا ايه ؟!😥مش مشكله اما اشوفها ثاني هعتذرلها اكيد
كارما بفرحه: ازيك يا ادهم
ادهم بصلها بأستغراب: الحمد لله انتي كارما صح ؟
كارما: ايوا صح انا فرحانه جدا اني شوفتك اخيرا و على العموم دي اكيد مش اخر مره هشوفك فيها
ادهم بابتسامه: اكيد انا بشوفك في فيديوهاتك
كارما كانت لسه هتتكلم بس تقى قاطعتها
تقى بغضب : انتي ايه الي جابك هنا
ادهم بصلها بغضب : مالك يا تقى 🤨
تقى: لا مفيش يا حبيبي اصل كارما صاحبتي من زمان و مستغربه اني شوفتها النهارده هنا ههه😅
كارما: اه طبعا طبعا دي اعز صاحبه ليا
ادهم: ايه دا فرصه سعيده جدا
كارما: انا اسعد
كارما مشيت و قعدت على التربيزه و هي بتبصلهم هما الاثنين: المفروض انا الي اكون مكانك مش انتي بس هانت لانه كدا كدا ادهم ليا و مستحيل اخليكي تتهني باليوم دا
حور: عاجبك الي حصل دا فستاني كله باظ و انا بجري ورا سعادتك
كارما: ايه الي حصل يعني
حور: في واحد اعمى وقع عليا كوباية العصير و انا بجري و راكي و زي ما انتشي شايفه حضرتك
حمزه جيه من وراها :احم الاعمى بيقولك انه اسف جدا لانه فعلا ماكانش يقصد
حور بصتله بأحراج:احم لا ولا يهمك حصل خير
حمزه:انا حمزه و انتي مين
حور:انا حور
كارما ابتسمت و سابتهم و مشيت و حمزه و حور فضلو يتكلمو شويه مع بعضهم و كارما راحت مسكت التليفون و
قربت من تقى علشان تتصور معاها و كان في ايديها الثانيه حاجه و راحتلها ووقفت جنبها بالظبط و مسكت التليفون و اتصورت معاها كتير غصب بن عنها و بالايد الثانيه عملت حاجه في تقى و مشيت
_حضرتك انتي كويسه؟
تقى: اه في ايه
شاورتلها على شعرها و تقى مسكته و طلع نصه في ايديها و صوتت بصوت عالي و كلهم بقو بيبصو عليها و ادهم خد باله و خلى حد يساعدها وراحت الاوضه و كارما هتموت من الضحك و حور عرفت انها هي الي عملت كدا
كارما راحت قعدت جنب ادهم في الكوشه و ابتسمت: بتحبها؟
ادهم بصلها باستغراب: اكيد و الا ماكونتش خطبتها
كارما باستهزاء :و حبتها من الواتس اب؟
ادهم: ايوا زي ما تقولي كدا وهي كويسه و انا متاكد
كارما كانت بتكلمه و مش واخده بالها من المصور الي بيصورهم مع بعض
كارما: بس لازم تغير رأيك في موضوع انك بتحبها دا ياسطا
ادهم بصلها بأستغراب و كان لسه هيسألها بس تقى جات و كانت هتنفجر و كارما ضحكتلها و مشيت
ادهم: انتي كويسه
تقى: اكيد اكيد مش شايفني كويسه ازاي انا متأكده انه البت دي هي الي عملت كدا
ادهم:مالك اهدي هي ملهاش ذنب المهم النهارده خطوبتنا و مش عايز مشاكل
كانت الحفله ماشيه عادي جدا و طلعو الجاتو و جيه المصور علشان يصور ادهم و تقى و هنا بيقطعو الكيكه حصل فرقعه غريبه في الكيكه و طارت على وشهم هما الاثنين و حرفيا القاعه كلها بقت ميته من الضحك
ادهم بغضب: انا مش هستحمل فين المدير
حمزه: اهدى يا ادهم
ادهم: قولهم انه احنا هنمشي و يحضرو الاموى و مش عايز مشاكل ثاني فاهم
حمزه: فاهم فاهم
مشي و ساب ادهم ومش عارفين ايه الي حصلوهم هما الاثنين طلعو من القاعه و الناس كلها طلعت و كان ادهم و تقى متدايقين جدا من الي حصلهم
على الجهة الثانيه
كارما: هموووت😂🤣شوفتي شكلهم و الله كانو عاملين زي المهرج
حور: الله يخربيتك يا بنتي اعقلي اعمل فيكي ايه اعمل فيكي اييييه
كارما: اعمليني بانيه ااااه ياسلااام
حور بصتلها بغضب و ركبو العربية و روحو البيت
***********************
=ايه يا بنتي الي جابك
هدى: انا تعبانه يا ماما و عايزه افضل هنا شوية
= مالك يا هدى
هدى: ما فيش يا ماما هدخل استريح شويه و النبي ما تخليش حد يدخلي
=ماشي يا بنتي
هدى دخلت الاوضه و معاها شنطتها و قفلت الباب وراها و اول ما دخلت جالها ماسدج
|وصلتي عند مامتك و لا لسه|
فتحت الشات و ردت عليه : و انت عرفت منين اني روحت عند ماما
|انا عارف كل تحركاتك يا هدى و مهما روحتي برده معايا صورك ولو مش هتجيبي الفلوس هتلاقي صورك مبعوته لاهلك و الرسايل الي ما بينا كلها|
هدى عيطت و بعتتله: و انا اجيبلك ٢٠ الف منين انا مش معايا المبلغ دا كله
| مليش فيه اتصرفي اختاري فلوس ولا صورك الجميله الي عندي دي |
هدى: انت انسان....
وقبل ما تكمل كتابة لقته عاملها بلوك فمسحت الرساله ثاني و مسحت دموعها
هدى: لازم اتصرف الحيوان دا مش هيسيبني في حالي انا حبيته ووثقت فيه مني لله يا رب و الله اسفه بس متعاقبنيش كدا و الله اخر مره بس ساعدني ماليش غيرك
غسلت وشها و قعدت شويه بتشوف الرسايل الي بينهم و بتفكر هتجيب الفلوس دي منين و طلعت لمامتها و كانت قاعده بتقرأ قران في اوضتها دخلت وقعدت جنبها
= صدق الله العظيم
مامت هدى قامت و فتحت الدولاب
=٥ ٤ ٥ ٦
فتحت الخزنه و طلعت منها صندوف و كل دا و هدى متابعاها
هدى: بتعملي ايه يا ماما
=تعرفي لما كنت بتضايق زمان كنت بكتب كل الي بيضايقني و احط الصندوق دا خديه هيريحك لانك شكلك مش كويسه
كانت بتكلمها و هي مركزه على الخزنه الي مامتها فتحتها و كأنها اخيرا لقت الحل الي هيطلعها من المصيبه الي حطت نفسها فيها خدت الصندوق من غير ما تتكلم و طلعت راحت اوضتها و فضلت صاحيه لحد ما كلهم نامو
ودخلت اوضة الخزنه براحه و دخلت الرقم الي مامتها دخلتو ٥ ٤ ٥ ٦
فتحت الخزنه و طلعت منها شوية فلوس و خدت سلسلة و اسواره ذهب و قفلت الخزنه تاني و كانت فرحانه لانها اخيرا لقت الحل و هتخلص منه بس كانت زعلانه اكتر واحساسها بالذنب اتغلب على فرحتها خدت الفلوس وراحت ناحية الباب و كانت لسه هتطلع مامتها دخلت الاوضه وو..
تعليقات
إرسال تعليق