رواية ألانتقام من طفلة صغيرة الفصل الثاني 2 بقلم ألاء فرج
 |
| رواية ألانتقام من طفلة صغيرة الفصل الثاني 2 بقلم ألاء فرج |
رواية ألانتقام من طفلة صغيرة الفصل الثاني 2 بقلم ألاء فرج
يوسف بشر :اطلعي على فوق يلااااا
طلعت تاج على سلم القصر جري بغضب
كوثر( أم يوسف) بخبث : البت دي قليلة الادب وبتزعق فيا و
يوسف وهو بيطلع على سلم القصر ببرود : بعدين انا مش فاضي انا رايح انام
يوسف بحده : اي ده اللي مقعدك على السلم قومي
تاج ببكاء : لأ مش هقوم
يوسف ببرود :أحسن انا مش هتحايل عليكي
تاج وقد مسحت دموعها وقامت وقفت :استنى طب، يوسف، يووه اما انزل اقعد في الجنينه شويه
نزلت تاج من على السلم وهي بتتنط زي الأطفال وخبطت في حد
شاديه :اي ده انت مين
تاج بأبتسامة :انا تاج مرات يوسف وبنت عمه عاصم وانت
شاديه بخضه :اييه ازي انت شكلك صغيره انت عندك كام سنة
تاج بأبتسامة :عندي ١٧ وانت
شاديه بأبتسامة :وانا كمان عندي ١٧ سنه انا شاديه بنت عمه يوسف وبنت عمتك انت كمان، انت رايحة فين كده
تاج بزهق :انا زهقانه قولت انزل اقعد في الجنينه شويه
شاديه :انا كمان هروح معاكي
في جنينة القصر
تاج :اي رأيك نلعب خلاويص
شاديه بضحك : خلاويص اي انت صغيره، تعالي نلعب على التليفون بتاعي، بصي اللعبه دي حلوه اوي على التليفون ولا اقولك تعالي نلعب بابحي
تاج بكسوف : الصراحه انا مش عارفة حاجة خالص انا ما كنش عندي تليفون بابا وعدني في عيد ميلادي ١٧ اللي جاي هيجيب ليا تليفون بس مات
شاديه بتأثر :معلش، عادي انا هعلمك، انت عيد ميلادك امتى
تاج :الاسبوع الجاي
شاديه :كل سنه وانت طيبة
تاج بأبتسامة :وانت طيبه، عارفة انا
اي ده انت مين
شاديه بأبتسامة :دي مرات يوسف
ياسر :اي ده انت تاج، ما توقعتش تكوني صغيره كده، بس انت حلوه اوي
تاج بغضب :انا مش صغيره انا عندي ١٧ سنه
ياسر بضحك :اهدي يا بنتي، أنا ياسر ابن خاله يوسف عندي ١٩ سنه قريبه مني في السن
تاج بأبتسامة وهي بتمد ايدها : ماشي يا ياسر احنا كده بقينا أصحاب عشان انا مش عندي أصحاب
تاااااج
تاج بفزع :يلاهوي دا انا نزلت من غير ما اقول ليوسف
شاديه بخوف من صوت يوسف : عادي انت نزلتي الجنينه ومعايا مش هيقول حاجة يعني
ياسر :ما تخافيش كده مالك يوسف مش هيقول حاجة
نزل يوسف من سلم القصر وراح الجنينه لقى ياسر وشاديه وتاج واقفه وراء ياسر عشان خايفة من يوسف
يوسف بزعيق :تعالي هنا يا تاج، انت خايفة مني
تاج بخوف :ايوه بخاف منك عشان انت بتزعق جامد مش بتتكلم براحه زي ياسر
يوسف بزعيق : تعالي هنا بقولك، وانت مالك بالزفت ياسر
ياسر بمزاح :الاه وانا مالي يا لمبي
تقدم يوسف ناحية تاج واخدها بالغصب من وراء ياسر
يوسف وهو بيجري وبيجر تاج على السلم
تاج بغضب :براحه هقع على وشي
دخل يوسف اوضته وهبط باب الأوضة جامد
يوسف بزعيق : انت مالك بياسر مالكيش دعوه بيه
تاج ببكاء : انا اسفه ما كنتش اعرف انك بتكرهه
يوسف بزعيق :انا مش بكرهه ياسر وحش مش طيب صدقيني بلاش تثقي في حد من اول مره كده، واوعك تكلمي ياسر ده تاني صدقيني هيأذيكي
تاج ببكاء :انا اسفة ونبي ما تضربني
خرج يوسف وهبد باب الغرفه وراه
يوسف :غبي غبي بتخوفها منك لييه
لأ انا لازم اخوفها واخليها تكرهني لازم انتقم
تعليقات
إرسال تعليق