رواية عاشق السيوفي الفصل الخامس والعشرون 25 بقلم شهد محمد

الطرف الآخر بمرح:

-بابا فين؟!

أكملت عشق الاغنيه:

-اقوله مين

الطرف الآخر:

- قوله عمو

عشق بمرح وسعاده:

-عمو مين اقوله مين بيكلمه هههههه

مراد بضحكه رجوليه:

-يا بت اخلصي عايز اكلمه بجد وفونه غير متاح وعايزه في حاجه ضروري يلا

عشق بزعل مصطنع:

-امممم وانا الي فكرت بتكلمني طلعت متصل علشان تكلم بابا

صمت مراد بعض الوقت:

-طب بحبك يا مجنونه

تورد خدي عشق من الخجل:

-احم .........

مراد:

-هااااا هنفضل ساكتين كده كتير بقي طب اجبري بخاطري وقولي وانا كمان

عشق:

-وانا كمان

مراد بخبث:

-وانت كمان ايه

اقتربت عشق بخجل من والدها:

-مراد عايزك يا بابا ضروري

مراد بغضب من الذي فعلته طفلته الشقيه:

-الو يا عمو انا جاي لحضرتك انهارده بعد ما اخلص شغلي خليني اقابلك افضل و قفل الهاتف

تمام يا عشق السيوفي بقي كده ثم ابتسم

****************

"في شركه السيوفي ترك باب مكتب مروان"

مروان وهو منشغل في الأوراق:

-اتفضل!!!

ترجل مختار الي المكتب وجلس علي الكرسي المقابل لمروان:

-خلصت ولا لسه يا بشمهندس أنا عرفت بالي حصل الصبح واي الي مغير ملامحك كده

ترك مروان الاوراق وشبك صوابعه مع بعضها:

-طب وبعدين؟!!!

مختار:

-السؤال ده انا الي اساله مش انت بتفكر في ايه يا مروان؟

مروان بخبث وكانت عيناه كالجمر:

-ولا حاجه يا مختار بيه هزله لحد ما اصفي حسابي معاها مش هتعدي بالساهل انا لو طلقتها يبقي رحمتها من جحيمي

مختار وهو يجلب هاتفه ومفتاح سيارته:

-طب يلا بينا

وضع مروان الاوراق في الخزنه:

-تمام يلا انا خلصت كل الي ورايا لسه الصفقه بتاعت بعد بكره بين شركه الصياد

مختار بعدم تصديق:

-ده الي هو ازاي تاني هو الراجل ده مبيحرمش

ضحك مروان ببرود:

-يلا طيب نرجع البيت ونحكي في كل حاجه وهقولك هو ناوي علي ايه

"وترجلوا الي أسفل البنايه"

****************

"في منزل عائله الخولي"

ترجلت تيا الي مكان الصالون:

-ماما انهارده ادهم عامل حفله بمناسبه أن عهد طلعت الاولي وعازمنا كلنا

نظرت والده تيا بحب:

-تمام يا روحي نروح ثم نظرت لمازن ها يا مازن فاضي انت صح

ترك مازن هاتفه علي المنضده:

-ايوه فاضي مافيش شغل انهارده ولا اي حاجه

تيا وهي تجري علي السلم:

-اشطا يبقي اجهزوا علي الساعه ٩ علشان هنروح الكافيه

*******************

"في منزل عنود"

ترجلت عنود الي منزلها وقبلت جبينها وجلست بجوارها:

-ياااااااه يا نوجه الواحد بيتعب

أمسكت نجوي يدها:

-طب خلاص شوفي شغل تاني يكون مريح

عنود وهي تضع كوب الماء:

-يا نوجه انك تشتغلي في شركه السيوفي محدش يقدر يعملها مش اي حد يشتغل فيها اصلا بس هو المشكله اني السكرتيرة الشخصيه لمروان بيه فا الحمل كلو عليا

نظرت نوجه باسي:

-طب يا روحي انتي اكيد جعانه قومي يلا سخني الاكل الي جوه علشان ناكل

وقفت عنود:

-حاضر هغير واصلي واسخنه اشطا

ضحكت نجوي ضحكه رقيقه:

-اشطااا

***************

"بعد مرور عده ساعات علي ابطالنا بدون احداث تذكر

في احد الكافيهات الراقيه يتجمع الجميع ليلتقوا كلا من العشاق سويا"

نظرت تيا الي ادهم بعيون يسبح بها من نظر إليها مرتديه فستان طويل باللون الأرجواني الداكن وهيلز سلڤر:

-البنات اتاخروا ليه كده

نظر ادهم الي ساعته:

-معرفش ده كلو بيلبسوا يعني وكان ادهم مرتدي بدله باللون الرمادي

ارتفع صوت مازن:

-بسرعه اطفوووووووا النوووور عهد وصلت وكان مرتدي بدله باللون الكحلي

ترجلت عهد الي داخل الكافيه تحت تصفيق الجميع:

- وكانت مرتديه فستان اوف وايت متوسط الطول وهيلز بلون الفستان

أما الثنائي الرائع وهما ابطال الروايه ترجلوا تحت أنظار الجميع فكانوا في منتهي الجمال وكانت عشق مرتديه فستان قصير يظهر مفاتنها باللون الاسود وهيلز باللون الذهبي ومراد مرتدي بدله سوداء فاللون الاسود سيد الالوان

"أما في أحد الزوايا تجلس عيون حاقده"

اقتربت عشق من زين:

-زينووووو وحشتني اوي

زين وكان مرتدي بدله باللون الابيض:

-انتي وحشتيني اكتر يا عشقي جي جي هناك اهي تعالي سلمي عليها

عشق بحب:

-يلا بينا يا زينو فين ماما وبابا

نظر زين لها بحزن وامتلئت عيونه بالدموع:

-بابا علطول بيتشاكل مع ماما ولما اساله يقولي لما تكبر هتفهم بس انا كبير يا عشقي وعايز اعرف وعلطول ماما تقول لنفسها انا السبب لكل ده وتعيط

عشق:

-هشششش اوعي تحكي لحد كلام من ده كلو عيب تطلع اسرار انا كده اخاف احكيلك تروح تحكي الي انا قولته ليك

زين بحزن:

-لا لا والله انا بحفظ الاسرار بس انتي صحبتي فا بحكيلك

قاطعتهم جميله:

-اخبارك ايه يا قلبي واحتضنت عشق

عشق وهي تحتضن جميله:

-انتي اكتر يا جي جي والله

اقترب مراد منهم بابتسامه:

-استاذنك يا ماما عايز عشق في حاجه وهرجعهالك تاني اوعدك وأمسك بيد عشق وخرج بها الي الحديقه الخاصه بالكافيه

وقفت عشق أمامه وكان شعرها يتطاير مع نسمات الهواء:

-هاااا في ايه بقي

نظر لها مراد ببرود:

-حد يقول لخطيبه في ايه ثم اقترب من أذنها في انك وحشتيني جدااا

تورد خدي عشق:

-*******

مراد بضحكه هادئه تظهر غمازاته:

-علي كده السكوت علامه الرضي ولا ايه يا عشق السيوفي

نظرت عشق بخجل الي عيون مراد:

-جايز اه مراد

امسك مراد بيدها:

-نعم يا روح مراد

ظلت عشق صامته لبعض الوقت:

-انا بحبك يا مراد

وضع مراد يده في جيبه بغرور:

- في حد ميحبش المقدم مراد السيوفي برضه ثم غمز لها

عشق:

-مغرور بس بحبك

اقترب مراد منها:

-وانا بموت فيكي وكاد أن يقبلها

زين وهو يجري عليهم وبصوت عالي:

-مرااااااااااد عشقييييييي يلا علشان هنطفي الشمع

نظر له مراد بعصبيه وكور يده ليتحكم بها:

-ماااااااشي يا عم زين

ضحكت عشق علي عصبيته:

-ههههه فرحانه فيك اوي يا ميرو

نظر لها مراد بخبث:

-قدامي هتروحي مني فين يا سلام