رواية صغيرتي الفصل الاول 1 بقلم أسماء ابراهيم

حمزة: مالها بس عملت اى يخربيت معرفتك ياشيخة

Flash back.

دخلت اسماء إلى مبنى الشركة ووصلت إلى مكتب المدير وكانت متوترة

اسماء: احم لو سمحت

رفع رأسه من على الأوراق التى كانت أمام مكتبه ونظر إليها قائلا : اى دا انتى مين يا صغنن انتى تايهة ولا اى

اسماء وهى تنظر له وتحدث نفسها: يا توستفنكلاااااااى اه يا بن القمر يا يخربيت جمالك هو ده وقته

ثم قالت بجدية. انا السكرتيرة الجديدة

مازن وهو ينظر لها من أعلى لاسفل ويتامل ملامحها وملابسها فكانت لابسة سلوبيت جينز وعاملة شعرها كحكتين اى دى ازاى يعنى سكرتيرة دا انتى شكلك لسة خارجة م الحضانة دلوقتى واى الكيس اللى انتى مسكاه ف ايدك ده

اسماء بتوتر : داا دا داااا (يخربيتك وترتنى مش عارفة اتكلم)

مازن: دا دا اى ثم شاور يديها على وجها وقال يا بنتى انتى بتروحى فين انتى معايا

اسماء بسرحان : اه اه معاك معاك اوى

مازن باستغراب: هو فى حاجة ولا اى

اسماء وهى تقول لنفسها: حاجة هأوووو دا فى حاجات

(اللهى ربنا يسترك يا حمزة يا ابن ام حمزة زى ما هاتسطرنى وهتخلينى اتجوز الجمر ابن الجمر دهوا )

مازن : آنسة اسماء مالك فى واى اللى الكيس اللى انتى مسكاه فى ايدك ده انتى ناوية تفجرى الشركة ولا اى

اسماء: (الله أسمى طالع منك زى القمر قوله تانى والنبى )

احم دا الغداء بتاعى هو مش الغداء اوى ياعنى هم بس 25 سندوش انأنأ فيهم وانا بشتغل عمال ما اروح اتغدا كويس

مازن وهو يكاد يمون من كتر الضحك على هذه الطفلة البريئة : انتى جاية تشتغلى ولا جاية تاكلى

اسماء: (يا صلاة العيد اى ضحكته القمر دى خلاص يابنى والله زوجتك نفسي )

الله مش عشان اعرف اركز ف الشغل ولا يجلى هبوط من قلة الاكل ثم اصطنعت ف البكاء هو انا يعنى عشان مليش قريب ولا حبيب تعملوا معايا كدة

مازن : خلاص خلاص انتى هتمثلى خدى راحتك

ثم قال بابتسامة بس ابقى سبيلى سندوتشين انأنأ فيهم معاكى متبقيش طماعة

: ( يا باشا دا انا اجبلك التلاجة لحد هنا انت بتقول اى دا انت هتبقى جوزى وابوعيالى يا جدع)

ثم نظرت له بابتسامة وقالت: بس كدة حاضر من عنيا

مازن وهو سرحان فى جمال ضحكتها الجذابة : تسلم عنيكى ثوانى هطلبلك منال تفهمك هتعملى اى والشغل ماشي ازاى

Back.

حمزة هههههههه: يلهوى مش قادر هموت م الضحك بت فظيعة اقسم بالله

بالله عليك يا مازن الهى تنسطر يا شيخ وما يوقعك ف ديقة ابدا خليها تشتغل اليوم كله متروحش الا على ميعاد النوم

نفسي اقعد مرة أنا ونغم لواحدينا علطول لازقالى ام بطن مخرومة دى

مازن وهو يضحك على طريقة كلام صديقة : خلاص ياعم انت هتشحت حاضر هعملك اللى انت عاوزه

حمزة : اعمل اى خلتنى اتكلم زيها الله يخربيتها من كتر ماهى رشقالى ف كل حتة مع نغم

مازن: هم اخوات

حمزة: لا ياعم هم جيران وصحاب من وهم صغيرين ونغم بتحبها اوى وباعتبارها اختها

بقالى 6 شهور كاتب كتابى مش عارف اقعد مع نغم لوحدينا نفسي أبوسها والله مش عارف علطول رشقال. ف كل حتة الله منها لله دى عملالى رعب والله

مازن وهو يضحك على هذه الطفلة المشاكسة : خلاص ياصاحبى متزعلش نفسك هشغلهالك ليل نهار ثم قال بسرحان مع إن خسارة العيون الزرقة دى تتعب ف الشغل والله

حمزة: هوب هوب هوب انت وقعت من اولها يا كروديا

مازن: بس ياض انت بقولك اى سلام دلوقتى عشان عندى شغل

حمزة وهو يضحك على صديقه: ماشي ياعم هتروح منى فين دى مصر كلها اوضة وصالة

أنهى حديثه مع صديقه ثم قام بمهاتفة حبيبته الجميلة ومعشوقة قلبه

حمزة بعشق : حبيبى اللى واحشنى اخبارك اى

نغم: الحمد الله كويسة يا حموزة انت اخبارك اى

حمزة : أنا تمام طول ما انتى تمام يا قلب ونن عين حموزة من جوا

ثم قال لها بعشق : بقولك اى انتى وحشتينى اوى أنا عايز اشوفك أنا مصدقت اسماء اشتغلت واتلهت عننا شوية

نغم بضحك: والله وحشتنى ربنا معاها يارب

حمزة: وحشتك اى انتى لسة شيفاها الصبح ثم قال بحزن مصطنع وبعدين هيا بس اللى وحشتك

ثم قالت بكسوف انت كمان وحشتنى والله

حمزة : حبيبى انت والله يلا أجهزى عشان كمان ساعة كدة وأجى اخدك نخرج شوية

نغم : خلاص ماشي

وبعد انتهاء المكاملة قال حمزة لنفسه اه يانغم لو تعرفى انا بحبك اد اى (خلاص يا حمزة بالله عليك )

عند اسماء ف الشركة

اسماء : بقولك اى يا منال واحدة واحدة الله يسترك عشان أنا ذكائى محدود وعدى كل الحدود

منال: يختاااااى الطم على وشي دى عاشر مرة اشرحهالك

اسماء : معلشي يا بنتى اصل انا كنت أدبى وبعدين فيها اى لما تشرحيلى مرة واتنين وتلاتة وعشرة حصل اى

منال: صبرنى يارب يا شيخة حسبى الله والله

اسماء: سمعتك على فكرة

منال: ركزى معايا لو سمحت

واستمرت اسماء تتدرب ف الشركة الجديدة لمدة أسبوع على يد منال الذى تعودت عليها واصبحوا اصدقاء

وكانت اسماء ذاهبة إلى مكتبها أوقفها مازن واعطى لها CD

وطلب منها أن تدرس كل مافيه جيدا لأنها سوف تحضر اجتماع مهم فى اليوم التالى

وفى يوم الاجتماع طلب مازن من اسماء أن تقوم بتشغيل شاشة العرض للمناقشة فى الصفقة

وبعد قليل نظر كل الموجودين اللى شاشة العرض ثم أخذ ينظرون الى بعضهم البعض وهم يضحكون بشدة عندما وجدوا فتاة تقوم بغناء اغنية

ابو احماااااااد خدنى الكوافير

ابو احمااااااد دفعته كتير

ابو احمااااااد شقته ع النيل

ابو احماااااد فتح التلاجة

ابو احماااااد ملقاش فيها حاجة

ابو احماااااااد اقفلها وراك

ابو احماااااد اطلب من ماك

احمرت عينى مازن عما رآه وكان ينظر إلى أسماء ويتوعد لها فكان تريد أن تنشق الأرض وتبتلعها

ثم صرخ بالموجودين قائلا : اطلعوا برااااا

ثم نظر إلى أسماء وقال: وانتى تلمى حاجتك وخمس دقائق والاقى ااستقالتك على مكتبة

يتبع..