رواية كنت لا أبالي الفصل الثامن عشر 18 بقلم رحمه عصام

قرب عليا وقعد جمبي عـ الأرض ومسك الكتاب الـ في أيدي وبصلي بصدمه وقال....."

_عدي بصدمه: فيزيا 3 ثانوي!!! اي ده؟! انتِ بتدرسي؟!

=ملك بغضب: ايوه فيها اي يعني!!

_معرفش والله انا فاكرك بتفكِ الخط بس

=ملك بهدوء: تمام اخرج بقا وسيبني اكمل كفايه الـ 5 شهور الـ عدوا دول لازم ألحق اعوضهم

_عدي بأستغراب: 5 شهور اي مش فاهم حاجه!!!

=ملك بنفاذ صبر: انا دخلت الغيبوبه في شهر 5..... عدي 8 شهور غيبوبه ودلوقتي احنا في شهر 3 والامتحانات أول 6 يعني فاضل 3 شهور ينفع تخرج عشان اخلص؟؟

_جبتِ الكتب دي منين طيب

=طلبتهم اونلاين وانت مش موجود

بصلي وابتسم واتكلم بهدوء......"

_عدي بأبتسامه: ازاكرلك؟؟

=ملك بفرحه: بجد هينفع؟؟

_عدي بضحك: انتِ بتسألي؟؟ انا خريج هندسه يـ ماما، يلا هاتِ الكتاب الـ في ايدك ده عشان منضيعش وقت

=ملك بتوتر: طب استنى..... اا ا اا جـ.. جـ..

_عدي بأبتسامه: متقلقيش انا حطيتلها منوم عشان اعرف اجيلك

حاجه تضايق جدا لما الكل يفتكرك جاهل لـ مجرد انك بتشتغل أو بتساعد اهلك أو بتعمل اي حاجه تانيه بجانب الدراسه، انا متفقه انهم لازم يستغربوا لأن علطول بشتغل ومش باين اني بدرس بس برضوا هقولهم ايه؟ هقولهم انا بتعلم؟؟ ايوه برضوا استفادوا ايه؟؟ مش هيستفادوا حاجه...... بالعكس ممكن يتريقوا عليا زي كل الناس منغير مـ يراعوا شعوري....."

قعد جمبي وذاكرلي وانا متوتره من قربه جدا، هو اه ساعات بنخرج مع بعض وبنقعد مع بعض بس متوتره برضوا، شرحه جميل وبين كل فتره والتانيه بيديني وقت ارتاح فيه عشان اعرف استوعب فيما بعد...... قعد معايا 5 ساعات يزاكرلي ويفهمني فيهم منغير مـ يقولي انا تعبت أو زهقت، 5 ساعات ببيساعدني عشان أحقق حلمي الـ بتمناه من وأنا صغيره بالرغم انه عنده شغل مرضيش ينام وفضل جمبي، وحقيقي وجوده جمبي بالشكل ده كفيل يخليني اخدمه طول عمري والله......"

_ملك بتعب: خلاص بقا يـ عدي الساعه 4 الفجر، روح نام وبكره نكمل

=عدي بهدوء: مش عايز انام يـ ملك عايز ازاكرلك

_ملك بتعب: بس انا تعبت مش قادره استحمل اكتر من كده

=عدي بأبتسامه: تتحرق المذاكره صحتك اهم

قفل الكتاب وقعد قدامي ومبتسم......"

_ملك بأستغراب: مالك قاعد كده لي روح نام يلا

=عدي بأبتسامه: لا سبيني قاعد معاكِ شويه انا طول النهار بعيد عنك

_عايزه انام طيب

=نامِ هو انا ماسكك؟؟!

_ملك بضيق: طب اتفضل اطلع برا عشان اتخمد

=لا مش طالع انا عايز اقعد هنا

_ملك بنعاس: يلا بقا يـ عدي عايزه انام

كنت بكلمه وانا بنام اصلًا ومكنتش قادره افتح عيني، اشتغلت كتير النهارده برضوا بسبب الـ ربنا ينتقم منها جني، دا غير المذاكره فـ طبيعي اتعب كده، نمت على كتفه منغير مـ احس بعدها حسيت بيه وهو بيشلني وبيحطني على السرير وبيبوس راسي وبيغطيني ومشى...... معرفش نمت فتره قد اي بس صحيت على جردل مايه بينزل على وشي من جني وعلى وشها ابتسامه مستفزه، بصيتلها بغضب واتكلمت بعصبيه......"

_ملك بغضب: انتِ مجنونه ايه الـ انتِ عملتيه ده

قربت ومسكتني من شعري واتكلمت بأستفزاز......."

=اول حاجه صوتك الحلو ده ميعلاش عليا، تاني حاجه دي المعامله الـ هعاملك بيها دايمًا، عارفه لي؟؟ عشان ده مقامك، قومِ يلا وراكِ شغل كتير

مقدرتش استحمل طريقه كلامها وايديها الـ اتمدت عليا دي، ضربتها بالقلم وبحركه مني خدتها تحتي وفضلت اضرب فيها، هي مافيا اه وكل حاجه بس انا برضوا متربيه في الشارع وبعرف اتعامل مع الأشكال دي كويس، فضلنا فتره كبيره نتخانق مع بعض والبيت كله اتلم على صوتنا بس محدش عرف يبعدنا فـ اتصلوا على عدي وجه جرى عشان يحوش بينا......"

_عدي بغضب: بس بقا ابعدِ انتِ وهي اي الـ بتعملوه ده

=ملك بغضب: انت متزعقليش انت فاهم؟؟ انا كنت نايمه وهي جت غرقتتي بـ جردل المايه عايزني اسكتلها؟؟

_جني بعصبيه: زعلانه ليه؟؟ انتِ الخدامين الـ زيك لازم يتعمل معاهم كده، ده مقامك

=ملك بضيق: انا اصلًا مش قعدالك فيها

_عدي بغضب: ملك......اي الـ انتِ بتقوليه ده؟؟!

=جني بضحكه: بالسلامه

_عدي بعصبيه: سيبي الهدوم دي وكلميني كده

رميت الهدوم وطلعت أجرى ودموعي بتنزل على خدِّي، انا عارفه اني فـ خطر وكل حاجه بس مش هقدر استحمل الذل ده، كنت بجري بـ كل سرعتي وهو بيجري ورايا وبينادي عليا بس انا مكنتش في وعيي، فجأه وقفت قُدامنا عربيتين نزل منهم ناس كتير في منهم ضرب عدي على دماغه وفقد وعيه وحد منهم رش عليا مُخدر وغطي وشي وركبني العربيه ومشينا"

بعد شويه فتحت عيني ببطئ لقيته جمبي مربوط بس لسه فاقد وعيه وانا كمان مربوطه ومعرفش انا فين ومين دول، الباب اتفتح ودخل واحد في الأول معرفتش احدده بس بعد شويه عرفته واتصدمت واتكلمت بصدمه......"

_ملك بصدمه: مازن!! انت..... انت..... انت بتعمل ايه هنا

=مازن بأبتسامه: وحشتيني يـ ملك

_ملك بخوف وارتباك: انت...... انت....... انت عايز مني ايه؟؟ وجايبني هنا ليه؟؟!

=متخافيش انا مش هعملك حاجه

_ملك بخوف: امال جايبني هنا ليه

في اللحظه دي كان عدي بدء يفوق وبيتكلم بتوجع......."

_عدي بوجع: اااه...... ااااه دماغي..... ملكك...... ملككك فين

=ملك بدموع: انا اهو يـ عدي

_عدي بأستغراب: انتِ فين انا مش شايف حاجه الدنيا ضلمه

=ملك بصدمه: انت بتقول ايه!!!

وووو