رواية كنت لا أبالي الفصل السابع عشر 17 بقلم رحمه عصام

بصلي بصه مرعبه ووشه احمر من الغضب وزقني جامد لدرجه اني اتخبطت في الحيطه وقرب عليا لدرجه ان مكنش في فاصل بينا، اتكسفت وبصيت في الأرض مسك وشي ورفعه واتكلم بهدوء مخيف......"

_انا هسكت المرادي برضوا عشان انا بحبك ومش عايز ازعلك مني، لكن لو هتزيدِ فيها يبقي متزعليش من رد فعلى

وبعدين قرب من ودني وهمسلي......"

_تاني حاجه ودي الأهم...... انتِ حبيبتي انا، وهتكوني مراتي انا، ويوم مـ تفكرِ تبعدِ عني أو تروحي لحد تاني هقتلكوا انتوا الاتنين، انا عندي اني اموتك ولا انك تروحي لـ غيري

وبعدين رجع وبصلي....."

_فاهمه؟؟

=....

_عدي بضيق: ردِ عليا فاهمه ولا لا

هزيت راسي بخوف وقلبي بيدق من كتر التوتر، باسني من راسي وابتسم وبعدين اتكلم بأبتسامه عاديه ولا كأن حاجه حصلت وبيقول......"

_يلا يـ حبيبي خدِ شاور وانزلي افطرِ وانا هروح واجيبها

=ملك بتوتر: عدي...... انا عايزه اكلمك في حاجه تانيه

قعد قُدامي ومسك ايدي واتكلم بحنيه....."

_عدي بأبتسامه: قولي يـ حبيبتي سامعك

=ملك بتوتر: هو مفيش حل غير أنها ترجعلك وتعيش هنا

_عدي بحُزن: للأسف اه

=ملك بدموع: طب بص......انا عارفه انك بتحبني وبتعمل ده عشان تحميني بس بالله عليك عشان خاطري ابعدني عن هنا، مش هقدر اشوفك معاها ولا هستحمل، عشان خاطري يـ عدي

_عدي بهدوء وحزن: انتِ فاكره أني كده فرحان أو مش هاممني حاجه؟؟ بيتهيألك........انا مش هقدر اشوفها بتزعلك أو تكلمك بطريقه وحشه، مش هقدر اعيش معاها اصلًا، بس هعمل ايه؟؟! للأسف مفيش حل غير كده، هي كده هتتشغل بيكِ ونأجل موضوع قتلك والفتره دي نكون عرفنا نسجنها، لكن لو بعدناكِ فـ هي هتقتلك علطول عشان بيتها ميتخربش تاني فهماني؟؟

=ملك بدموع: اكيد في حل...... انا واثقه أن في والله بس احنا ندور

_عدي بهدوء: صدقيني يـ ملك انا عندي انك تفضلي قُدامي هنا واكون شايفك وشايف معاملتها ليكِ واحاول ابعدها عنك، احسن مـ تروحي في حته تعيشِ فيها ويوصلولك وانا مش هعرف اتصرف، حقك عليا انا، هانت والله وكل ده هيتحل

رفع راسي ومسح دموعي وحضني وانا انهارت تمامًا، انا ممكن أقبل أن اشتغل خدامتها بس فكره انه يرجعلها مش قادره اتحملها، هو حبيبي انا المفروض يكون معايا انا مش معاها هي، هو حقي انا..... انا وبس"

خرجني من حضنه ومسح دموعي وابتسمتله بعدين سابني ومشى وانا لميت هدومي عشان انقلها لأوضه من اوض الخدم، مش معقوله يعني خدامه هتعيش وسطهم وفي اواضهم كده، لبست لبسهم وحكيت لـ نهال هانم على كل حاجه عشان متقولش كلمه كده ولا كده وتضيعنا، عرفت شغلهم وبدأت اعمل زيهم وانا حاطه ايدي على قلبي وخايفه من اللحظه الـ هشوفهم مع بعض فيها"

_______________________________

عدي......

زعلان اكتر منها بس مينفعش ابينلها، لازم أفضل متماسك قُدامها وابينلها انه هيعدي بسهوله، وبرضوا فكره ان ارجع لـ جني مش صعبه عليها هي بس، صعبه عليا انا كمان، ازاي اعيش واتعامل عادي مع اكتر واحده اذيتني في حياتي؟؟ ازاي اضحك واهزر مع واحده مكرهتش حد قدها؟؟ وقفت عند الفيلل بتاعتهم وفضلت فتره متردد انزل ولا لا، كنت هرجع ومش هكمل الحوار ده بس جه في بالي ملك واذيتها لو معملتش كده، اتنهدت وخدت نفس بهدوء وحاولت ارسم الابتسامه على وشي، خدت بوكيه الورد الـ انا جبته وخبطت على الباب، مانا اكيد مش هروح اصالحها منغير حاجه، سألت عليها قالولي في اوضتها، طلعت وخبطت عليها وسمحتلي بالدخول وأول مـ شافتني قامت وقفت بفزع واتكلمت بخوف......"

_انت اي الـ جابك هنا في ايه

=عدي بأبتسامه: وحشتيني

_جني بصدمه: انت بتقول ايه؟!

قربت عليها واتكلمت بأبتسامه....."

_بقولك وحشتيني ومش قادر اعيش منغيرك، من ساعه مـ أطَّلقنا وانا مش عارف اعيش حياتي، ارجعيلي وانا هنفذلك كل شروطك

=جني بخبث: واو؟! مش عارف تعيش من غيري؟! امال الفسحه الـ اتفسحتها مع ملك امبارح ديه ايه؟؟

_عدي بثبات وابتسامه: دانتِ مراقباني بقا وعارفه كل تحركاتي اهو

=جني بأبتسامه: متغيرش الموضوع.......كنت بتعمل معاها امبارح ايه

_عدي بهدوء وابتسامه: أبدًا يـ ستي، من ساعه مـ اتطلقنا وانا زعلان ومش قادر اعيش منغيرك بس كنت بحاول اتماسك قدام ملك عشان اخد منها الـ انا عايزه وبعدين اشغلها خدامه وارجعك زي مـ طلبتِ

=جني بهدوء: اممممم........ وأي بقا الـ انت كنت عايزه؟؟

_عدي بهدوء: الورشه والبيت بتوعها

=جني بخبث: اشمعنا؟؟!

روحت قفلت الباب وقربت منها و همستلها في ودنها......"

_عشان امشي شغلي

=جني بأستغراب: واي هو شغلك؟؟!

_عدي بأرتباك: لا يـ ستي لا ده سر

=جني بدلع: الله بقا يـ دودي، قولي بقا

_وعد متقوليش لحد؟؟

=جني بضحكه: وعد يـ حبيبي قول بقا

_عدي بهدوء: بشتغل في الممنوعات ومش شايف مكان مناسب اشيل فيه بضاعتي غير المكان ده، عرضت عليها اشتريه ورفضت وقالتلي انها هتجدده وهتشتغل فيه من اول وجديد، فضلت اسايسها واحايل فيها وبرضوا زي ماهي، قولتلها امبارح اننا هنتجوز وخدتها فسحتها وشربتها حاجه ومضت على ورق البيع مكان عقد الجواز، وصارحتها الصبح بالحقيقه وشغلتها خدامه غصب عنها وقولت أصلح غلطتي واجي اخدك يـ حبيبي

=جني بفرحه: بجد يـ دودي؟؟ يعني هتكون خدامتي واتحكم فيها براحتي؟؟

_عدي بأبتسامه: ايوه يـ بيبي وانا معاكِ، تعالى يلا نروح للمأذون ونبقى نبعت نجيب هدومك عشان انتِ الصراحه وحشتيني وانا مش قادر اصبر

=جني بضحكه: يلا يـ بيبي

مشيت معاها وانا عايز اتف على نفسي من طريقه الكلام دي، بس اعمل ايه مضطر"

روحنا لـ المأذون ورديتها رسمي وخدتها على الفيلا وانا قلبي واجعني، مش قادر اتخيل منظر ملك وانا داخل عليها وفـ ايدي جني، حاولت اهدي نفسي واتماسك لأن جني ذكيه والغلطه بحساب واحنا لازم ناخد بالنا كويس، وصلنا ونزلت فتحتلها العربيه وخدتها ودخلنا الفيلا وانا بحاول اتجنب نظراتها ليا، بعد مـ دخلنا اول حاجه سألت عليها جني هي ملك وكأنها رجعتلي اصلًا عشان تنتقم منها مش عشاني، ملك راحتلها وبصت في الأرض بأنكسار، لقيت جني رفعت ايديها وبتكلمها بأحتقار........"

_جني بأحتقار: ازيك يـ ملك عامله ايه، اوووه انتِ بتشتغلي هنا؟؟ معرفش ازاي دودي قبل يشغل الأشكال دي هنا بس تمام، اطلعي حضريلي الحمام عشان عايزه اخد شاور وبعدها اخفي من وشي عشان مش طايقه اشوفك

=....

_جني بغضب: مـ تردِ يـ بت انتِ اتخرستِ؟؟

=....

_جني بعصبيه: الظاهر الكلام مش نافع معاكِ

رفعت ايديها عشان تضربها بس انا مسكتها، بصيتلي بصدمه فـ استوعبت الـ انا عملته، علامات الغضب اتحولوا لأبتسامه واتكلمت ببرود......"

_بلاش يـ حبيبتي توسخي ايدك بـ ناس زي دي تعالى احنا نطلع نرتاح ونسيبهم يشوفوا شغلهم

=جني بابتسامه: صح يـ حبيبي انت عندك حق يلا بينا

طلعنا وجني خدت شاور ونزلت بقا لـ ملك، كنت بحاول على قد مـ اقدر ادافع عنها منغير مـ ابين ونجحت في كده إلى حد ما، الليل جه وخدت حبايه منوم حطيتها لـ جني عشان اعرف اتكلم مع ملك براحتي واطمن عليها، حطيتها ونزلت اتسحب بهدوء ونسيت اخبطت وفتحت علطول و... أي ده؟؟ "

عدي بصدمه: ايه ده!! انتِ بتعملي ايه؟!