رواية أوقعتني في حبها الفصل الخامس عشر 15 بقلم أية هاني

_ روز انتي يا زفته يا اللي اسمك روز.

روز جت جري م المطبخ وراحت ل آدم "ايوا يا آد.. يا بيه"..

= مش سامعاني وانا عمال انده ايه مبتسمعيش..

_ آسفه يا بيه وبدأت عيونها تدمع وهي بتحاول تمنع دموعها انها متنزلش بس مش قادره...

كان عايز يحضنها ويقولها حقك عليا بس افتكر وهي كانت نايمه جمب آسر..

= ادخلي اعملي غدا وبسرعه يلااا وتطلعي تروقي أوضتي.

_ حاضر وجريت بسرعه ع المطبخ.

.

.

آسر خرج وراح مكان يقعد فيه شوية وراح عند البحر..لقا بنت بتعيط وصعبت عليه راح قعد جمبها..

_ هو فيه قمر بيعيط..

= افندم!!..

_ بتعيطي ليه..

= هو حضرتك تعرفني علشان تسألني..

_ لا مش لازم اكون أعرفك بسألك عادي لو مش حابه تحكي خلاص..

كارما بتسرع" لا هاا احكي "

"انا اسمي كارما ف تانيه كلية طب بصرف علي نفسي وبابا وبدأت تعيط..

مش بيشتغل وبعد ما ماما ماتت اتجوز واحدة تانيه انا اللي بصرف ع البيت بشتغل ف مطعم الصبح و بالليل ف كباريه ولو رجعت ف يوم ومدتش له فلوس بيضربني ويخليني انام من غير ما اكل والفلوس انا محتاجاها للكتب بتوع كلية الطب وبقالي شهر بحوش ف الفلوس علشان مصاريف الكلية جت مرات أبويا فضلت تضربني وحرقتني كمان علشان اقولها مكان الفلوس وفعلاً خدتهم وحاليا اتطردت م البيت لإني و لأول مرة زهقت عليهم الإتنين وقولتلهم مش هديكوا فلوس تاني راح بابا طردني م البيت وجيت قعدت هنا..

انا بشكرك لإنك سمعتني كنت فعلآ محتاجه حد احكيله"..

آسر بص ف عيونها اللي كانت كلها دموع والإرهاق باين علي وشها" طب هتعملي ايه ".

_ هشوف فندق اقعد فيه يومين علي ما الاقي شقة واقعد فيها بالإيجار..

= طب ولو قولتلك الحل..

_ مشكلتي ملهاش حل..

= كل مشكله ولها حل يا..

_ كارماا وانت.

= آسر + كل مشكلة ولها حل يا كارما قومي معايا..

_ علي فين..

= اركبي بس..

ركبت كارما العربية وراحت معاه..

_ طب قولي احنا رايحين فين..

= انزلي يا كارما.

نزلت كارما م العربية ووقفت قدام عماره جميلة جدا...

_ وااااو دي جميلة اوي..

= دي تبعناا انا آسر مهران لو سمعتي عن مهران بيه قبل كدا هتعرفيني..

_ لا والله مسمعتش بس هو مهران بيه دا يعني رجل اعمال كبير وكداا..

= ايوا بالظبط كدا ودي برج م الأبراج بتاعت مهران بيه والدي..

_ طب برضوا مفهمتش هعمل ايه هناا..

= دا مفتاح الشقة اللي هتسكني فيها هناا..

_ ايه!!شقة..

= ايواا..

_ بس..انا مش معايا فلوس دلوقتي للإيجار حتي..

= كارما تقبلي نكون صحاب..

_ معنديش مشكلة يا آسر بس ليه تعمل معايا كدا..

= طبعي إني بساعد اي حد محتاج المساعدة يا كارما وخصوصا لو قمر زيك كدا..

كارما اتكسفت" طب يعني انا مش عارفه اشكرك ازاى والله واوعدك إني بكرا هديك فلوس الإيجار بتاعت الشقة"..

_ فلوس إيجار ايه يا كارما تعالي يلا هطلعك وبكرا نتكلم..

= طيب وطلعوا الشقة..

_ اتفضلي همشي انا بقاا وبكرا نتقابل ودا رقمي..

= شكرا جدا يا آسر..

_ العفو يا كارما..

مشي آسر ورجع بعد ساعتين..

_ افتحي يا كارما..

= آسر..

_ ايوا..

كارما فتحت الباب وبعدها دخل آسر بس كان معاه أكياس كتيرة..

= ايه دا كله يا آسر..

_ شوية لبس كدا وأكل وحاجات تحطيها عندك ف التلاجه..

= و مين قالك إني هااخد الحاجات دي كلها انا مش معايا ادفع دا كله..

_ انا ماشي والحاجات عندك اهي وبكرا نتحاسب..

ومشي آسر ومداش لها فرصه تتكلم..

.

.

رجع آسر ع القصر وكان داخل المطبخ بس سمع دادة عايدة وهي بتقول...

يتبع....