رواية بنت أغاريس الفصل الرابع عشر 14 بقلم سمية عامر

قام الشخصية الصهيو** و خرج مسدس من جيبه و ضرب نار 

صرخت نارين جامد 

سمع هتلر الصوت قام هجم على الشخص اللي قدامه وقعه على الأرض و خد منه مسدسه و رفعه علية و ضربه بيه خلاه يغم عليه و قلعو لبسه و لبسه هو  و جري على الباب فتحو و فضل يبص حوليه كان في اوض كتير فتح اول اوضه قدامه لقى نارين واقعة على الأرض راح ضرب بالنار على اللي كان واقف قتله 

جري عليها وهو مرعوب 

اياد بخوف و نظرة هلع : نارين ...نارين قومي 

فتحت عينيها بتعب حطت ايديها على خده : بقينا انا وانت مضروبين هنروح ازاي بقى رجلي مش قادرة 

ضحك و كانت عينه مليانة دموع و حضنها جامد و حاول يقومها وهو كمان تعبان 

مسكت فيه و قامت معاه وهي مش قادرة 

نارين بهمس : سايباك تحضن براحتك اهو بس عليا النعمة لو عملتلي فيها هتلر في البيت مش هنقذك تاني 

ضحك اكتر و سندها لف دراعها على كتفه و حط أيده على وسطها : نخرج من هنا وعقابك هيكون شديد على انك جيتي ورايا 

بص برا مكنش في حد مشيوا لحد باب الخروج لقى اكتر من 15 واقفين برا و ماسكين اسلحه 

نارين بخوف : هنخرج ازاي 

اياد : وطي صوتك انا هخرج الاول هجيب عربيه و اجيلك استخبي هنا 

نارين بخوف وهي ماسكه فيه : لا لا متخرجش هيقتلوك 

اياد : انا لابس لبسهم و بعرف اتكلم عبري متقلقيش خليكي انتي هنا لحد ما اجيلك 

عدل اياد اللبس بتاعه و حط طاقيه على راسه و خرج برا مشي بكل شموخ رغم الألم اللي حاسس بيه إلا أنه مظهرش ده لقى عسكري جاي عليه 

العسكري : شالوم 

اياد : شالوم 

كما العسكري طريقه و راح اياد يدور على عربيه لقى واحده مصفحه استخبى وراها ووطى لتحت عند رجله طلع سلك رفيع من الكوتشي و قعد يفتح فيها بهدوء لحد ما اتفتحت دخل فيها و قعد يحاول أنه يشغلها بالسلك لحد ما اشتغلت رجع بيها لحد المبنى نزل بهدوء لقى خمسه قدامه بيسألوه جاي ليه 

راح مسك نارين من دراعها جامد و خرجها قدامهم و قالهم بلغتهم : قالولي اوديها المستشفى عشان انجرحت 

سمحو له و فعلا ركبها ورا وهو قدام و طلع بالعربيه 

بس فجأة صحي الشخص اللي كان مغمي عليه جوا و فضل يصرخ 

دخلوا العساكر كلهم على جوا 

كان هتلر عدى من البوابه و في طريقة للممر 

خرج العساكر بسرعة و ركبوا عربياتهم و هما غضبانين جدا و معاهم قرار بإطلاق النار على هتلر اول ما يشوفوا 

وصل هتلر الممر كان خلاص بدأ يفقد قوته نزلت نارين من العربيه و فتحت الباب 

نارين بخوف : هتلر يلا ارجوك استحمل خلاص هنرجع 

نزل معاها اتسندوا على بعض و دخلوا الممر كان طويل جدا فضلوا يمشوا و سمعوا صوت من وراهم ...العساكر الصهيو*** 

كان في جزء في الحيطه داخل على جنب مش ظاهر  حطت هتلر فيه و مكنش في مكان ليها عينيها دمعت و بصتله حطت ايديها على خده قربت منه باسته في خده 

"لم يكن ملاذي ابدا أن تقهر انت ... كيف ستغيبُ شمسك وانت إنارتي لتبقى روحي فداء لك فأنت بطلي " 

(الطلب الوحيد اللي هطلبه من اي بنت بتقرأ روايتي تدعي لامنية صاحبتي أن ربنا يسهلها ولادتها اتمنى محدش يتجاهلها هي هتفرح جدا وهتتابع الكومنتات ❤️)

لسه هتخرج شدها هتلر عليه وقعت فوقه فضل باصص في عينيها : متتحركيش 

ضمها اكتر ليبقى جبينها فوق جبينه و تنهمر دموعها 

غمضت عينيها و غمض هتلر عينه و ابتسم : كنتي هتضحي بنفسك عشاني 

نارين بصوت ضعيف : انا اعمل اي حاجه عشانك ..انا ...

هتلر سمع صوتهم قال بصوت ضعيف جداً : شش نارين متتكلميش 

كان العساكر ماشيين ببطء و رافعين السلاح بس فجأة اتحدفت عليهم قنبلة طلعت غاز ابيض عماهم و لقيت نارين حد بيشدها و هتلر اتنين مسكوه و جريوا بيه 

و بدا العساكر ينسحبوا بسبب الغاز الأبيض و يرجعوا لورا 

خرج رجالة هتلر من الممر وهما شايلينه و ادم شايل نارين اللي فقدت وعيها هي و هتلر و فضلوا يرموا قنابل غاز في الممر 

خدوهم بسرعة على المستشفى دخل هتلر اوضه عمليات إصابته كانت خطيرة جدا و نارين اوضه تانيه عشان يطلعوا الرصاصه من رجليها 

وصل ماهر و سهير و مروة المستشفى وهما بيعيطوا و اعمام هتلر امجد و عمر و حسن و اخوه الكبير عمر اللي كان خايف جدا عليه 

( في عمر الاخ و عمر العم نركز ) 

عمر اخوهم لادم بغضب : سيبتوا يروح ليه يا غبي 

ادم بحزن : انت عارف انا مقدرش اعارضه 

عمر : لو حصله حاجه مش هلوم حد غيرك فاهم 

كان الدكتور بيخرج الرصاصه من جنب هتلر و القنابل بتنفجر واحده تلو التانيه في تل ابيب

خرج الدكتور من عنده و قالهم أن الرصاصه خرجت بس محتاج دم 

راح عمر و ادم يتبرعوا بدمهم لاخوهم 

سهير وهي بتعيط : و بنتي يا دكتور 

الدكتور : محتاجة دم ضروري اللي نفس فصيلة دمها يتبرعلها حالا نزفت كتير 

بلع عمهم عمر ريقة و رجع لورا 

سهير : انا امها اكيد هي زيي و خالتها موجودة بس بابا كبير في السن 

يزيد : وانا كمان يمكن اطلع زيها خدوني شوفوا 

خدو من كل واحد عينه و المفاجأة فصيلة دمها نفس فصيلة يزيد 

دخل و اتبرع بكل الدم اللي محتاجينه لحد ما استنزفت قوته  و تعب 

يزيد لامه اللي لسه جايه : هاتولي فدان عصير هموت 

ضحك أبوه عليه : استرجل كده 

ايناس : بس يا ابراهيم مش شايفو تعبان ازاي 

فات ساعة و كل حاجه بقت مستقرة بدأت نارين تصحى دخلت سهير و يزيد و ماهر و كانت مروة واقفة بره بتجيب مناديل لسه هتدخلهم 

نارين بهلوسه : اياد ...يخرب ...بيتك ..ايوه ..ايوه .....احض ..ني...تاني ....لا....المرادي....بو..بوس

ماهر بعصبية وصوت عالي : ايه قله الادب دي حد يصحيها 

كان يزيد بيضحك و ايناس كاتمه ضحكتها : هما كانوا بيحاربوا ولا بيعملوا ايه 

سهير : معلش يا جماعة سيبوني معاها شويه لحد ما تفوق وانا هناديلكم 

خرج الكل حتى ماهر و دخلت مروة 

بدأ اياد يصحى اول ما فتح عينه نادى عليها : نارييين 

كان عمر اخوه و ادم جنبه و عمه حسن و جده محمود 

عمر : اهدى ..اهدى انت هنا معانا 

حاول يقوم : نارين فين 

حسن : في الاوضه التانيه يابني و بقيت كويسه متقلقش ارتاح انت 

قام من على السرير و اتجه ناحيه الباب فتحه و هو مش قادر 

صحيت نارين و مقدرتش تقوم 

نارين بخوف : ماما ..اياد يا ماما فين اياد كان تعبان اوي 

سهير : اهدي و ريحي نفسك هو كويس 

اتفتح الباب بتاعها كانت بتحاول تقوم بصت ناحيه الباب و زعلت لما لقيته جاي تعبان 

قامت بس مقدرتش لقيت نفسها بتقع في حضنه وقعوا هما الاتنين سوا قعدوا على الأرض 

ضحك اياد و مسك وشها بين كفيه : طلعتي شجاعة يا لمضة 

نارين بحزن و فرحه وعينيها مليانة دموع : شجاعة عشان كنت معاك .......

يتبع ...