رواية كنت لا أبالي الفصل الثالث عشر 13 بقلم رحمه عصام

مشي وانا قعدت مكاني مصدومه ومش مصدقه الكلام الـ بيقوله، يعني عدي كان عايز يقتلني ومازن شريك معاه؟؟ طب ازاي!! ازاي ومازن اول مـ فوقت قالي ان عدي هو الـ كان جمبي طول الوقت!! طب عدي وماشي مازن هيكون مصلحته ايه لما اتقتل؟! لالا اكيد ده بيكدب اكيد"

عدي وقت كبير وانا قاعده مصدومه بس استجمعت قوتي من تاني ودخلت اكل عشان كنت جعانه جدًا ومكلتش حاجه من ساعه مـ فوقت، خلصت اكل وفضلت ادور في الشقه على مكان اخرج منه، ايه ده مفيش حتى شباك واحد؟؟ هو متعود على خطف الناس ولا ايه؟؟! لقيت شنطه اسعافات اوليه........كنت دايما اسمع عنها وعندي فضول اشوفها واشوف فيها ايه، فتحتها وفضلت اتفرج على الحاجه الـ فيها واخر شريط في أيدي كان منوم، سمعت صوت الباب بيتفتح، خدته وخبيته في هدومي وطلعت جرى عليه وأنا دماغي فيها ألف سؤال وخايفه......."

_كاظم ببرود: مالك جايه جري كده ليه؟؟

=عملت ايه

قرب عليا ووقف قدامي......."

_كل شويه تسأليني رايح فين جاي منين، كنتِ مراتي وانا معرفش؟؟

حاولت اداري توتري وبصيتله واتكلمت بهدوء......"

=ملك بهدوء: انت قولت هتجيبلي دليل وانت جاي

_تعالى نقعد الاول

=ملك بضيق: مش هقعد قبل مـ افهم كل حاجه

_كاظم ببرود: قولتلك صوتك ميعلاش وتعالى اقعدِ

روحت قعدت جمبه وانا متوتره وخايفه لـ يكون الكلام الـ قاله حقيقه، طلع فونه وفتح تسجيل الصوت وكان الحوار كالأتي....."

Flash back

_اهلًا يـ دكتور مازن عامل ايه

=مازن ببرود: ملك فين

_كاظم ببرود: معايا

=مازن بهدوء: بس احنا متفقناش على كده

_كاظم ببرود: غيرت اتفاقي

=تاخد كام وتجيبها؟؟

_ولا حاجه انا عايزها هي

=مازن بأنفعال: اسمع يلاااا......تاخد الفلوس الـ انت عايزها وتجيبهالي عشان متندمش

_كاظم ببرود: ندمني

=مازن ببرود: ماشي..... ماشي يـ كاظم، انت الـ جنيت على نفسك

Back

_ملك بأرتباك: يعني ايه عايزني؟؟!

قعد قدامي واتكلم بهدوء......"

=متخافيش انا مستحيل اّذيكِ فـ يوم، انتِ هنا في امان عن بره، متخافيش كله هيعدي

الكلام الـ سمعته مفيهوش حاجه تثبت انه عايزيني اموت وانا مش مصدقاه، بس حسيت اني مخنوقه ولازم اعيط، لو معيطتش ممكن يحصلي حاجه، عيطت جامد وهو فضل يهديني بس انا صعبانه عليا نفسي، فـ يوم وليله حياتي كلها اتدمرت واخرتها قاعده مع حد غريب معرفش عايز مني ايه او ممكن يعمل فيا ايه، معرفش عدي صح ولا لا بس مينفعش احكم عليه من طرف واحد، عدي انا عارفاه من وأنا صغيره لكن ده لا، رفعت راسي ومسحت دموعي واتكلمت بهدوء......."

_في هنا عصير؟؟

=كاظم بأبتسامه: في

_ممكن تجيبلي؟؟

=عنيا

راح يجيبه ورجع بـ كوبايه عصير مانجه، خدتها بهدوء لقيته قعد معايا، بصيتله ببرود......"

_وانت هتفضل قاعدلي كده؟؟!!

=عايزاني اعمل ايه يعني

_مش هتشرب معايا؟؟!

=مش عايز

_ملك بضيق: خلاص مش شاربه

=خلاص خلاص هقوم اجيب

قام شربت نص الكوبايه عشان ميشكش وبعدين طلعت حبايه منوم وحطيتها وفضلت اقلبها بسرعه، جه كان معاه عصير جوافه، خدتها منه واتكلمت بأبتسامه....."

_ملك بفرحه: الله جوااافه، بالله اشربها انا وخد انت المانجه

=بعد مـ شربتِ نصها؟؟

_ملك ببراءه: بالله بالله

ابتسم وخد العصير وشربه وبدء يدوخ وينام، قربت منه وطلعت المفاتيح من جيبه وفتحت الباب ونزلت جرى وانا مرعوبه، لازم اروح اتأكد بنفسي واسمعه، مبعرفش احكم على حد من طرف واحد لازم اسمع الطرفين واحكم، لقيت تاكسي ركبته بسرعه وقولتله علي العنوان وانا حاسه ان خوفي قل شويه وقلبي مرتاح، وصلنا الفيلا وقولت لـ السواق يستنى وانا هجيبله الفلوس، دخلت جرى وفضلت اخبط على الباب جامد لقيت عدي الـ فتح، حضني جامد وانا مصدومه من رد فعله ده وحاسه أن وشي بيطلع نار، حاولت ابعد عنه وكل مـ احاول ابعد يشدد حضنه اكتر، وأخيرًا سابني ولقيت لمعه في عينه بسيطه وبيتكلم بـ فرحه......"

_كنتِ فين ومين الـ خطفك؟؟ قلقت عليكِ ودماغي كانت هتتفرتك ومش عارف اعمل ايه وكـ....

=مش وقته دلوقتى اطلع حاسب الراجل وتعالي

_عدي بضيق: هتفضلي مهزأه طول عمرك والله

=يلا بس

خرج يدفع للتاكسي وانا حاسه بالأمان ومرتاحه، مش حاسه اني خايفه زي مـ كنت عند كاظم، لقيته دخل بينهج بصيتله بأستغراب وقولتله......."

_بتنهج ليه؟؟

=عدي بفرحه: عشان اجيلك

_طب مانا هنا هو انا روحت فين؟؟

قرب عليا وكلمني بأبتسامه......."

_وحشتيني

=ملك بأحراج: انا انا انا لازم انا

_عدي بأستغراب: في ايه مالك

=ها لالا مفيش حاجه

_عدي بقلق: طيب انتِ كويسه؟؟ حد عملك حاجه؟؟

=ملك بهدوء: انا كويسه، بس.... بس.... هو يعني

_عدي بأستغراب: في ايه يـ ملك

=ملك بهدوء: عرفت منين اني مخطوفه

_مش دلوقتي بس انا عايزك في موضوع تاني خالص

=ملك بصدمه: نعم

_عدي بأبتسامه: تتحوزيني؟

=ملك بضيق: انت بتقول ايه؟؟

_عدي بفرحه: بقولك تتحوزيني؟

=ملك بغضب: مش موافقه ووووو