رواية كنت لا أبالي الفصل الثاني عشر 12 بقلم رحمه عصام

خرجت من الفيلا وقفلت الباب بالمفتاح وطلعت الفون بتاعي وانا بجري عـ العربيه واتصلت بالدكتور مازن......"

_عدي يخوف وقلق: ايوه..... ايوه يـ دكتور، روح بسرعه عند ملك

=لسه جاي من عندها، ايه في ايه

_عدي بقلق: في ناس هيقتلوها و.....

=مازن بمقاطعه وخوف: انت بتقول ايييه؟؟

_عدي بضيق: مش وقت اسئله دلوقتى، بص انت خد الأمن معاك وانا هبلغ البوليس وهجيلك علطول، بسرعه يـ مازن بسرعه هيقتلوهااا

قفلت وانا بدعي أن ميحصلهاش حاجه، كنت بسايس جني وباخدها على قد عقلها عشان عارفها مجنونه وممكن تقتلها فعلًا، قفلت عليها الباب وطلبت البوليس وان شاء الله نلحقهم وهخليهَ يعترفوا عليها واندمها على كل الـ عملته فينا، بس يارب ألحقهم يارب، انا عارف اني غلطت فيها كتير بس اقسم بالله محبتش قدها، وصلت المستشفى طلعت من العربيه جرى حتى مقفلتهاش، كل الـ في بالي دلوقتي أن اطمن عليها عايز اشوفها كويسه، خلاص طلعت الدور ولسه هدخل ملقيتش حد، ايه ده في ايه؟؟ لقيت الدكتور مازن ورايا وعلامات وشه غريبه وبيتكلم بحُزن......"

_مازن بحُزن: ملحقتهاش......جيت وملقتش حد، شكلها اتخطفت

اتصدمت وقعدت مكاني، حاسس ان الدنيا كلها متقفله في وشي، حاسس اني ضعيف طول مـ هي مش معايا، لقينا الظابط دخل وبيكلمني بجديه......"

_الظابط بجديه: استاذ عدي، حضرتك بلغت أن الحاله الـ هنا في حد كان هيقتلها

=عدي بهدوء: اتخطفت، جيت ملحقتهاش وخطفوها

_الظابط بهدوء: تمام يا استاذ عدي، ممكن اشوف الكاميرات

=عدي بتسرع: صح الكاميرات هيبانوا فيها، ازاي مجاش في بالي الفكره دي

_مازن بهدوء: اتفضلوا معايا على اوضه الكاميرات

مشيت وانا كلي أمل أن هنلاقي حاجه توصلني بيها، دخلنا الاوضه بنفتح الكاميرات، ايه ده!!؟ الجزء الـ خطفوها فيه مش موجود!؟ الكاميرات مقفوله!؟ بصيت بصدمه الظابط وانا مش عارف اعمل ايه او ارد عليه ازاي اتكلم بحده مع الموظف......"

_الظابط بحده: مين وقف الكاميرات دي؟؟

=الموظف بتوتر: الكاميرات شغاله بحجاره ولما بتخلص الكاميرات بتقف لوحدها يـ باشا

طلع تليفونه واتصل برقم واتكلم بجديه......"

_الظابط بجديه: ابعتولي حد بيفهم في الكاميرات، عايزه في ظرف 10 دقايق، لما نشوف كلام البيه صح ولا لا، انت يابني انت هو اقفوا هنا لحد مـ الـ هيكشف على الكاميرات ده يجي، وحضرتك يـ استاذ عدي......ممكن تتفضل معايا على تحت ونشوف مين المسؤل على خروجها

خدني ونزلنا تحت نشوف الخروج لقينا أن ملك ختمت على اقرارها بالخروج!!! ازاي!؟ انا مش فاهم حاجه، الظابط وقف قدامي وكلمني بيأس....."

_للأسف يـ استاذ عدي........مفيش حاجة تدل على أنها اتخطفت، واخر امل هي الكاميرات ولو وصلنا لـ حاجه هنكلمك حضرتك علطول

=عدي بهدوء: تمام يـ حضره الظابط تسمحلي موبايلك اكتب رقمي؟

_اه اكيد اتفضل

=تمام شكرًا لـ حضرتك ولو وصلت لـ حاجه كلمني، بعد اذنك

ركبت عربيتي وحاول اهدي......لما بتوتر مبعرفش اركز أو اعمل حاجه.......لازم اهدي لازم، شغلت العربيه ومشيت وانا تفكيري في ملك، مين الـ خطفها وخدها؟؟ جني عندها علم بالكلام ده؟؟ هي عامله اي دلوقتى؟؟ أفكار واسأله كتييير حااسس أن دماغي اتفرتكت مش قااادر، زودت السرعه وطلعت جرى على البيت، اول مادخلت لقيت جني قربت عليا وبتسألني بأستفزاز......."

_فين المأذون؟؟

=عدي ببرود: ملك فين؟؟

_جني بأستغراب: هي مش في المستشفى؟؟

=بصِ......انا اقسم بالله العظيم عامل حساب لأبوكِ ومش عايز اّذيكِ، بس والله ملك لو حصلها حاجه انا هقتلك انتِ فاهمه؟؟

_جني بخوف: والله العظيم معرفش، انا الـ اعرفه انها في المستشفى وانا كلمت رجالتي يسبوها......معرفش هي فين

=عدي بهدوء: اتصلي بـ حد منهم بسرعه وافتحي الاسبيكر

_جني بخوف: حاضر حاضر، الوو......انت فين يابني، ملك فين؟؟

=معايا، البت عجبتني واستخسرتها تروح لحد غيري الصراحه، خدتها وهربت، وفلوسك هبعتهالك

_عدي بهدوء: اسمع يابني انت......اطلب المبلغ الـ انت عايزه وانا هدفعهولك وسيبها، متلعبش معايا انت مش قدي

=خليهوملك يـ باشا......كده كده مش هتلاقينا، سلام يـ كبير

قفل وانا مش عارف اعمل ايه او اتصرف ازاي، اول مره احس اني زي الطفل الصغير الـ تايه وسط صحرا ومفيش حد معاه ولوحده، بصيت عليها كان باين عليها الخوف وجسمها بيترعش، خدتها من شعرها ودخلت اوضه الجيم ربطها فيها وقفلت النور والباب ومشيت، مش عارف اعمل فيها ايه او اتعامل معاها ازاي، دي لازم تموت مينفعش تعيش مع البشر كده، خدت حبايه مهدء وقعت عشان افكر بس الظاهر كده اني اتلغبطت وخدت المنوم والدنيا اسودت وانا مش حاسس بحاجه"

_______________________________

_ملك بهمس: عدي......عدي

=فوقي......عدي مين وزفت ايه

_ملك بتوجع وهدوء: اااه دماااغي..... انا فين وانت مين؟؟

=اهدي انا الـ انقذتك

_ملك بأستغراب: انقذتني! انقذتني من مين؟! وانت مين؟!

=انا كاظم

_تشرفنا، بغضب: احنا هنتعرف؟؟؟ ماتنطق جيتني هنا ليه

=كاظم ببرود: صوتك ميعلاش تاني انتِ فاهمه؟؟

_اتفضل يـ استاذ كاظم قولي انقذتني من مين........حلو كده؟؟

=كاظم بهدوء: من عدي، كان عايز يقتلك

_ملك بصدمه: عدي!!!؟ انت بتقول ايه؟!

=كاظم بهدوء: عارف انه صعب عليكِ بس دي الحقيقه

_تعرف عدي منين؟؟

=هو الـ وكلني عشان اقتلك، بس مقدرتش فجبتك معايا هنا

_ملك بدموع: انت كداب انا مش مصدقاك

=كاظم ببرود: عايزاني اثبتلك ازاي وانا هثبتلك

_ملك بعياط: مش عارفه مش عارفه، طيب...... طيب هو عايز يقتلني ليه؟

=كاظم بضيق: انا عااارف بقااا اكيد مش هيقولي السبب

فونه رن لقيته بص وارتبك كده وبعدين بصلي واستأذن، استغربت من رد فعله وشكيت فيه......اسكت؟؟ لا طبعًا.......طلعت وراه اسمعه بيكلم مين واتصدمت....."

_كاظم بهدوء: اهلًا اهلًا....... دكتور مازن بنفسه بيكلمني؟؟ اي النور ده يـ دكتور

=مازن بملل: عملت فيها ايه؟؟ فاقت؟؟

_ايوه يـ باشا

=انزل كمان ساعتين قابلني في كافيه.......الساعه......

_اوامرك يـ باشا

قفل الفون لف ويصلي وارتبك كده واتخض......"

ووووو...