رواية كنت لا أبالي الفصل الحادي عشر 11 بقلم رحمه عصام

خرج وهو متنرفز ورزع الباب جامد مهتمتش وقعدت جمبها، فضلت املس على شعرها وببصلها بحُزن وبعدين بوست ايديها وبنبره حنينه......"

_انا عارف انك مش راضيه تفوقي عشان خايفه تكوني لوحدك، بس صدقيني.......انا معاكِ ومش هسيبك أبدًا، مهما عملتي هفضل معاكِ حتى لو فضلتِ في الغيبوبه دي كتير، مش همل منك، هفضل معاكِ وهستناكِ لحد مـ تفوقي وهنـ....

قطع كلامي رنه تليفوني وكانت امي، رديت عليها وكانت بتتكلم بقلق اضطريت امشي اشوف في ايه وهرجعلها تاني بليل"

______________________________

مازن.....

_مازن بضيق: اووف أخيرًا خرجت دانت لازقه يـ شيخ، وانتِ يـ هانم.....ازاي تقعدِ مع رجاله غريبه كده؟؟ هتفضلي نايمه كده؟؟ ردِ عليا طيب، خلاص مش مهم هلحق اقعد معاكِ قبل مـ الـ شيخ لازقه يجي، المهم يعني.....مين ده؟؟ وازاي تسمحيله أصلًا انه يقعد معاكِ، لما تفوقي بس وانا هحاسبك، بحزن: بس انتِ فوقي، تعرفِ.....انتِ وحشتيني اووي، وحشني لماضتك وطوله لسانك وضحكتك رغم الظروف الـ انتِ فيها...... انا عارف انك مريتِ بظروف وحشه كتير بس كنتِ قويه وبتضحكِ، عمرك مـ وقعتِ وجايه دلوقتى وتقعِ؟؟ فوقي انتِ لسه قدامك العمر طويل، بضحك: وبعدين خدي هنا......انتِ بتخونيني؟! بتخوني مازن القمر مع الشيخ لازقه ده؟؟ لما تفوقي بس وانا هعلقك من ودانك، بأبتسامه: انا خارج دلوقتي وهجيلك تاني، وعايز المره الجايه الاقيكِ فوقتي، من بعد مـ تعبتِ وانا مش لاقي حد يتريق عليا ولا يتلامض زيك كده، فوقي بقا عشان نتخانق سوا....يعني مش هتفوقي؟ خلصانا س س سلام

______________________________

_عدي بقلق: ايه يـ نهال مالك في ايه قلقتيني

=نهال بخوف: في حد بعت صورتك انت وجني وعامل عليكوا علامه إكس وكاتب النهايه، مين ده يابني؟؟ انت عامل عداوه مع حد

_عدي بهدوء: تلاقيها جني، فكك منها دي بتلعب، وبعدين يـ قمر انتِ قلقانه عليا؟؟

=نهال بقلق: طبعًا يـ حبيبي، لو مكنتش اقلق عليك هقلق على مين يعني؟؟ هو انا ليا غيرك؟؟ قولي بس جني عملت ايه عشان تبعت الهبل ده؟؟

_عدي بهدوء وحُزن: بعتت حد يحرق الورشه والبيت بتوع الاُسطا محمد، ولما عرف مات في ساعتها وملك تعبت ودخلت في غيبوبه اهي

=نهال بفزع: يلهوووي، طيب البت عامله ايه دلوقتى

_في غيبوبه ومش عارفين هتفوق امتى، بكره ان شاء الله هنغسل الاُسطا محمد وندفنه

=نهال بحُزن: يعيني عليكِ يابنتي، حتى الدفنه مش هتحضرليها، ربنا يقومك بالسلامه ويصبرك ويوقفلك ولاد الحلال

_عدي بهدوء: نهال

=نعم يـ حبيبي

نمت على رجليها وفردت جسمي على الكنبه....."

_عدي بسرحان: انا بحبها

=نهال بأستغراب: مين دي؟؟

_ملك يـ ماما ملك

=بس دي طفله يبني وكمان يعني هي احم.....

_عدي بمقاطعه: مش قد المقام صح؟؟ قولي كده..... بس انتِ غلطانه، هي مقامها غالي اووي وكبير اوووي يـ ماما

=نهال بهدوء: مقصدش يـ حبيبي والله، انا بس اعتقد انها مش متعلمه وكده ومش هتعرف تتعامل معاها

_متقلقيش ادعيلها انتِ بس، انا هطلع اخد شاور واروح المستشفى عشان اطمن عليها

=ربنا يقدملك الـ فيه الخير يابني

طلعت خدت شاور وغيرت هدومي وقبل مـ اروح المستشفى روحت مكتبه اجيب روايات أو أي حاجه اقرئها تسلينا سوا، دخلت الاوضه وانا على أمل انها تفوق بس لسه مفاقتش، صليت وقرأت قرءان وفضلت سهران جمبها طول الليل

After 8 months

_عدي بحُزن: فوقي بقا يـ ملك، انتِ وحشتيني اووي انا محتاجلك، وعايزك جمـ...، ايه ده ملك؟؟ مللكككك انتِ فوقتِ؟؟!، دكتور دكتور بسرعه

______________________________

ملك.....

فوقت لقيت نفسي في اوضه غريبه وحسيت بـ حد ماسك ايدي......بصيت لقيــ... أي ده عدي؟؟، ماله عامل كده ليه؟؟ ودقنه طويله ووشه باهت ليه؟؟ ايه ده! ده بيعيط!! بعدين بصيت على ايده تاني وهي مكلبشه في أيدي، قلبي دق جامد بس افتكرت كل حاجه تاني......عيني دمعت ونفضت أيده وبصتله بغضب......"

_ملك بغضب: انت بتعمل ايه هنا؟؟ ابعد عني.....كفايه الـ حصل بسببك

=عدي بدموع : أخيرًا فوقتِ؟! وحشتيني اووي يـ ملك

_ملك بأرتباك: و... و... وحشتك ازاي يعني مش فاهمه

لقيته قرب عليا ومسك وشي بأيديه الاتنين ومسح دموعي وسند راسه على راسي واتكلم بهمس......"

_انا بحبك

قلبي دق جامد وحسيت انه هيقف......."

=ملك بصدمه وارتباك: انت...... انت..... انت بتقول ايه؟؟!!

_بحبك

=انا... انا.... انا مش فاهمه حاجه

_مش مهم، انا بس عايزك تعرفِ اني بحبك

بعدين بعد عني ووقف واتكلم بجديه......"

_عدي بجديه: انا هعدي على الدكتور يجي يشوف حالتك وهخلص إجراءات الخروج واشتريلك شويه حاجات وهاجي اخدك معايا على البيت

=..

_عدي بصوت اعلي: سمعاني؟؟

=ملك بخضه: ها؟؟ اه اه سمعاك سمعاك

_عدي بأبتسامه: ماشي يـ حبيبي مش هتأخر عليكِ

ملك لنفسها: ماله ابن المجنونه ده!!!

مصدومه ومتلغبطه ومش فاهمه حاجه ومش عارفه اعمل ايه، ماله ده!! ايه الـ قالوا ده!! يعني هو بجد بيحبني؟؟ بس لا انا زعلانه منه، بس انا فرحانه، اوووف اي ده فوقت من سرحاني على صوت مش غريب عليا، اي ده ده مازن، طب والله وحشني....."

_مازن بأبتسامه: الجميل سرحان في ايه؟؟

=ملك بأبتسامه: ازيك يـ دكتور مازن

_مازن بضحك: أخيرًا فوقتِ دانتِ قرفتينا يشيخه، والشيخ لازقه ده مش راضي يمشي من جمبك ولا راضي يسيبني ادخلك، مين ده؟

=ملك بأستغراب: مين الشيخ لازقه ده؟؟

_الأستاذ الـ جه قالي انك فوقتِ ده

=ملك بأبتسامه: قصدك عدي؟؟

_اه هو ده

بصيت قدامي وانا مبتسمه جامد وسرحت بس فوقت على صوته برضوا الرخم ده......"

_مازن بتصفير: يااهووو روحتِ فين

=ملك بأبتسامه: انا كنـ....، بعصبيه: ايه ده انت مالك اطلع بره عايزه انام

_مازن برخامه: اه دي ملك الـ انا اعرفها، اتخمدي

=امشي ياض من هنا

_مازن بصدمه: يعني انا بقالي 7 سنين بدرس طب وفي الاخر يتقالي ياض؟؟! ماشي يـ ملك س س سلام

ضحكت وخدت المخده في حضني عشان انام ولما عدي يجي بقا هخليه يحكيلي حصل ايه"

______________________________

عدي......

دخلت البيت عشان اقولهم يجهزوا اوضه لـ ملك وبالمره احلق دقني واخد شاور وافوق كده، بس مفيش فرحه بتكمل.......لقيت جني في وشي بنفس ابتسامتها المستفزه...."

_عدي ببرود: خير؟؟!

=جني بأبتسامه بارده: شيفاك راجع كده وفرحان، خير في حاجه؟؟

_عدي ببرود: ميخصكيش، جايه ليه؟؟

=جني بأستفزاز: جايه اوريك ده.....

طلعت فونها وفتحته وشغلت فيديو وكان محتواه أن جني نايمه وحواليها رجاله ومن ضمنهم واحد حاطط سكينه على رقبتها، بصيلتها بصدمه واتكلمت بأنفعال ......"

_عدي بغضب: انتِ مجنونه؟!! انتِ بتعملييي اييييه؟؟!

=جني بأستفزاز: اي حركه منك هتصل عليهم اقولهم ينفذوا، بس بقا لو عايز تحمي السنيوره فأنا عندي شرطين

_عدي وهو بيحاول يتصنع الهدوء: اي هما؟؟

=جني بضحكه مستفزه: الأول تردني، التاني بقا تشغل ملك خدامه عندي

_عدي:......