رواية احببت صعيديا الفصل الثامن 8 بقلم ملك اسامة
 |
| رواية احببت صعيديا الفصل الثامن 8 بقلم ملك اسامة |
رواية احببت صعيديا الفصل الثامن 8 بقلم ملك اسامة
أحببت صعيديآ
أدهم بصدمه:ملك؟؟؟
ملك ضحكت بأنتصار كأنها مستنيه الصدمه دي من زمان
أدهم مكانش مصدق حاول يفوق نفسه و يكدب نفسه فاق و حاول يقرب من ملك لكن ملك بعدت
ملك:تؤتؤتؤتؤ متقربش أكتر من كده أصل أنا واحده مخطوبة و خطيبي بيغير أوي أصله راااجل
و ضحكت بأستهزاء
أدهم بصدمه:مخطوبه؟؟؟
ملك:هههه أومال فاكرني هعيش علي ذكراك ولا إيه لا يا حبيبي الحياة بتمشي عادي و اظن إنك قولت قبل كده إنك ميشرفكش إسمك يتنسب علي واحده وسخه زيي ولا إيه
سليم بتفهم عشان المجادله متطولش أكتر من كده:أدهم يلا نمشي ممكن؟؟؟
أدهم بوجع:ملك أسمعيني بلاش تحكمي عليا من غير ما تسمعيني
ملك ببرود:و أنت عملت إيه من كام سنه؟؟؟افتكر و تعالي قولي
أدهم بوجع:كنت غبي والله كنت غبي
ملك:و تبقي غبي أكتر لو فاكر إني هنسي و اترمي في حضنك
و راحت عند الباب و فتحته و قالت:براااا
أدهم:ملك أسمعيني
ملك مردتش سليم شد أدهم و طلعوا برا مع محاولات من أدهم أنه يقرب من ملك
« » « »
بعد ما خرجوا ملك قفلت الباب و بدأت تعيط بعد مده طارق دخل و لقاها بتعيط
طارق:مالك يا ملك؟؟في إيه!!!
ملك و هي بتمسح دموعها:مفيش في حاجه جاي ليه؟؟؟
طارق:الورق ده عايزك تمضيه
ملك:هات
اخدته الورق و مضته و أخده طارق و طلع
« » « »
في بيت أدهم
أدهم:رجعت يا سليم و أنت مخلتنيش اكلمها ليييه؟؟
سليم:عشان الوقت ده مش وقت كلام يا أدهم ملك متعرفش إنك عرفت إنها مظلومه أصلا و هي شكلها راجعه تنتقم
أدهم:تنتقم!!!
سليم:اه يا أدهم اللي أنت عملته فيها مش شوية و أكيد هترجع تأخد حقها ممكن بقي تهدي
أدهم:أهدي إزاي بقولك رجعت و خلاص عرفت مكانها أنا لو مأخدتهاش في حضني حالا ممكن أموت
سليم:عايزها ترجعلك؟؟و تعرف إنك عرفت إنها مظلومه؟؟؟
أدهم:أكيد
سليم:يبقي لازم شركتنا تشارك شركتها
أدهم:و دي هتعملها إزاي
سليم:هتشوف سلام دلوقتي و متعملش أي حركه هبله مااشي
سليم خرج و أدهم اتنهد بقوة و رجع رأسه لورا بيفتكر عرف إزاي إن ملك مظلومه
فلااش باك*
أدهم عرف مكان كريم و كان سايق العربيه فجأة وقفت قدام العربيه سارة أدهم وقف العربية
سارة:أدهم ملك بريئة
أدهم:نعممم إزاي؟؟؟
سارة:ممكن أركب الأول؟؟؟
و ركبت العربية و قالت:ودينا علي الڤيلا
أدهم ساق و و صلوا الڤيلا
سليم:هااا اتفضلي
سارة بخوف:أنا اللي مع كريم في الصور
سليم:نعممممم
صلاح:أنتي اتجننتي يا ساارة إيه الهبل ده؟؟؟
سارة:اوعدوني إنكوا مش هتعملولي حاجه (ده أنا هقتلك وربيي)
أدهم بهدوء ما قبل العاصفه:إحكي
سارة:في يوم ماما دخلت هي و كريم اوضتي و قالولي أنهم فكروا في خطه عشان يبعدوك عن ملك و أنا عشان بحبك وافقت و طلعت الخطه إني اتصور أنا و كريم بالطريقه دي و بما أنه كريم مهندس برمجه شاطر هكر موبايل ملك و جاب صور ليها و عرف يركب صورها مكان صوري أنا و كمان الرسايل الغراميه هو اللي كتبها و هو اللي عمل كل ده و أنا و ماما سعدناه
صلاح قام و قرب منها و اداها بالقلم
صلاح:إنجي معرفتش تربي يا زبااله بقي تعملي كده في بنت عمتك
سارة بعياط:بابا والله أنا ضميري انبني و جيت أقولكوا
صلاح مسكها من طرحتها و طلع بيها الأوضة حبسها و قال:مفيش طلوع من الزفتهه و أمك حسابها معايا بعدين
و قفل الباب بالمفتاح
الجد:كنت متأكد حفيدتي متعملش كده أدهم أنا عايز حفيدتي و حالاااا
أدهم نزل يدور علي ملك لكن ملقاش و عرف من صالح و هدير إنها سافرت القاهره هي و أهلها راح وراهم القاهره لكن مكنتش موجوده هدي و إبراهيم بس اللي كانوا موجودين (هدي و إبراهيم رجعوا لبعض تاني بما إن إنجي ماتت مبقاش في خطر عليها و هنعرف إنجي ماتت إزاي بعدين لأنها ماتت في ظروف غامضة)
« » « »
في شركه الملك
سليم:ها؟؟؟
ملك:مش هحكي يا سليم
سليم:مقولتليش ليه إنك هتتزفتي ترجعي يا ملك كنت عرفت كل ده بدل حرقه الدم دي
ملك:ما الكل عارف إني راجعه و بعدين أنا كنت مش عايزة أعرفك عشان ردود أفعالك تبقي صح
سليم:طيب و دلوقتي هتعملي إيه؟؟؟
ملك:هندمه بس بطريقتي
سليم بحبث عشان يرجع ملك لأدهم:طيب إيه رأيك نشارك بعض
ملك:و أنا هستفيد إيه؟؟؟
سليم:هتستفيدي كتير إن مثلا أدهم هيبقي قدامك علطول و هتعرفي تندميه
ملك بتفكير:ماشي موافقه
سليم:اشطي و أي خطوه تاني هتعمليها هتعرفيني
ملك:حاضر
خرج سليم و سابها خرجت بعد دقايق وراه و روحت البيت
« » « »
في البيت
أدهم بصدمه:و وافقت؟؟؟
سليم بغرور:طبعآ
أدهم بشك:أنت عملت إيه؟؟؟
سليم:ملكش دعوه
و طلع و سابه
« » « »
تاني يوم
استيقظت ملك أخدت دش ادت فرضها و نزلت فطرت و سلمت علي الكل و خرجت هي و طارق وصلوا شركه الدميري
طارق:ليه؟؟؟
ملك:أكيد لازم نشوف الشركه اللي هنشاركها
طارق:ملك أنتي بتهزري هتشاركي شركته!!! اتجننتي
ملك نزلت من غير ما ترد و طلعت و هو طلع وراها كان أدهم هو اللي في الشركه
ملك:عندنا معاد مع الأستاذ سليم
مها:أستاذ سليم مش موجود مستر أدهم هو اللي موجود
طارق كان هيتكلم لكن ملك قالت:عندنا معاد برضو
مها:تمام ثانيه
و دخلت و بعد ثواني خرجت و ملك دخلت هي و طارق
أدهم بأبتسامه حب:أهلا
طارق بغضب:أهلا
ملك:أهلا مستر أدهم جايين عشان نتعرف علي الموظفين اظن من حقنا؟؟؟
أدهم:أكيد اتفضلي معايا و أنت و بيشاور علي طارق
طارق:نعم؟؟؟؟
أدهم:مع مها و هي هتعرفك الموظفين
طارق:و ليه مش معاكوا؟؟؟؟
أدهم:عشان أنا هعرف أنسه ملك حاجه تاني
و شد ملك من إيدها زي ما كانوا بيعملوا زمان
ملك:أنت اتجننت سيب إيدي
أدهم مردش و طلعوا لحد ما وصلوا لمكان مفيهوش حد
أدهم:رجعتي يعني؟؟؟
ملك:كنت عايزني مرجعش ولا إيه؟؟؟
أدهم:كنت فاكرك مش عايزة ترجعي لكن كنت عاوزك ترجعي
ملك:و اديني رجعت
أدهم و هو بيقرب لأنه عارف تأثيره عليها:أحلي رجوع والله
ملك بتوتر:أنت بتعمل إيه أبعد
أدهم:وحشتيني
ملك بتوتر أكبر:أبعد يا أدهم
أدهم:أول مره أعرف إن إسمي حلو كده
أدهم حاوط ملك بأيده الإتنين و قرب وشه من وشها و قال:بحبك
ملك حاولت تبعد لكن مفيش مفر جتلها فكره ضربت أدهم برجلها تحت الحزام و جريت
أدهم بصراخ:اهههه يا بنت الجزمه والله لأوريكي
و طلع وراها كانت ملك بتجري و هي بتضحك خبطت في طارق
طارق بشك:كنتي فين؟؟؟
ملك:كنت في الحمام
أدهم جه من وراها و طارق شك و قال:مع أدهم؟؟؟؟(ياخي أنت مالك ياخي ده أنت باااارد)
ملك بغضب:أنت مالك
أدهم ببرود:حتي لو مع أدهم ملكش دعوه وسع كده
و زقه بأيده و مشي(جدعع جدع😂😂)
« » « »
مر اليوم و ملك اتعرفت علي الموظفين و طبعآ أدهم بيحاول يقرب منها لكن هي بتصده
« » « »
مر أسبوع و ملك علي نفس الحال كل شويه بتفكر أدهم أنه وجعها و لما بتلاقي فرصه بتوجعه أكتر و بتبين إنها بتحب طارق لكن هي بتحبه هو سليم بيحاول يقرب أدهم من ملك أكتر و أدهم كمان لكن ملك بتمنع كل المحاولات دي إنها تفكره هو عمل إيه
« » « »
في يوم
ملك و أدهم كانوا مع عميل و العميل كان عامل حفله
العميل:لازم تيجوا
ملك:أنا مش هقدر والله أنا آسفه
أدهم:هنيجي أنت عامل الحفلة في شرم صح؟؟؟
العميل:صح اتمني انكوا تيجوا هستناكوا
أدهم:أكيد
العميل سلم علي أدهم و ملك و مشي
ملك بغضب:انا مش هروح
أدهم ببرود:خلاص براحتك أنا هروح بقي و اشوف المزز اللي هناك و اخطب بقي لأحسن أنا كبرت بصراحه
ملك بغيره:جااايه
و أخدت شنطتها و مشيت
أدهم بضحك و بصوت عالي:هنسافر باليل
« » « »
باليل
ملك اقنعت باباها و هتسافر هي و طارق
نزلت هي و طريق و كان أدهم مستنيهم تحت هو و سليم أدهم أول ما شاف طارق كشر
ملك ضحكت و فرحت من جواها
ركبت مع طارق و أدهم ركب مع سليم علي مضض
وصلوا الاوتيل و كان العميل في استقبالهم
العميل:اتفضلوا اوضتك يا أستاذ أدهم جمب أوضة الانسه ملك أوضة أستاذ طارق آخر الطرقه و أوضة أستاذ سليم قدام اوضتك يا أستاذ أدهم
أدهم ابتسم بخبث لأن هو اللي قال للعميل يعمل كده
اخدوا المفاتيح و طلعوا و طبعآ طارق حاول إن اوضته تتغير و تبقي جمب ملك لكن متغيرتش و العميل قال إن الأوض كلها مش فاضيه
« » « »
تاني يوم
نزلوا كلهم معادا ملك و بعد شوية ملك نزلت و أدهم بلم من حلاوتها
كانت لابسه سلوبت جينز واسعة و تيشرت لونه أسود مخطط و طرحه نبيتي و كوتشي أبيض مكانتش حاطه مكياج و مع ذلك حلوة بعيونها العسلي
ملك:صباح الخير
طارق و هو بيبوس إيدها:صباح النور يا حبيبتي
أدهم بغيره:حبك برص انشاءالله
طارق ببرود:تعالي أقعدي
كان العميل و سليم بيضحكوا علي غيره أدهم اللي واضحه
أدهم:قعدوا عليك خمسين واحد فطسوك يا حيوااان
طارق:الا أنت مالك واحد و بيدلع خطيبته
أدهم بصله بقرف و قرب منه و قال:شكلك ناوي علي موتك النهارده؟؟؟
ملك:خلااص عايزة أفطر
بدأوا يفطروا خلصوا و العميل اخدهم يتكلموا في شغل
العميل:الحفلة النهارده باليل أكيد جايين
أدهم:أكيد متقلقش
خلصوا كلام و طلعوا و ملك راحت علي البحر أدهم شافها و نزل
أدهم من وراها:ليه القسوة
ملك بوجع:اسأل نفسك يوم ما قسيت عليا و وجعتني يا أدهم من غير ما تعرف أي حاجه
أدهم:لكن اناا عرفت
ملك:كان متأخر اوي
أدهم:هعوضك
ملك:وجعتني
قامت و كانت هتمشي أدهم مسك إيدها و العيون اتلاقت كانت عيون أدهم كلها حب و شوق و عيون ملك كلها وجع
أدهم:بحبك
ملك شالت إيده براحه و طلعت اوضتها
أدهم زفر بقوة و اتمشي علي البحر كل ده كان بيحصل تحت أنظار طارق
طارق:مش هتبقي غير ليا يا ملك
« » « »
باليل
كانوا التلات شباب جاهزين و مستنيين ملك تنزل
سليم:ست الحسن و الجمال مش ناوية تنجز
أدهم بحب:ملكش دعوه و بعدين أنتوا مستنيين ليه
طارق:أنا خطيبها
سليم:و أنا أبن خالها
أدهم:طارق لو سمعتك بتجيب سيرتها و سيرة خطيبها و زفت هولععع فيك
طارق قام و قال:مش هتعرف تعمل حاااجه يا أدهم
أدهم:لا أعرف و نص كمان تجرب دلوقتي
و قام هو كمان و مسك فيه و بدأوا الإتنين يتحانقوا و سليم بيحاول يبعدهم عن بعض فجأة التلاته وقفوا مكانهم و هو مصدومين من اللي واقفه قدامهم
ملك نازلة و كانت لابسه فستان أحمر ناري ضيق من فوق واسع و منفوش من تحت لايق علي لون بشرتها جدآ و كعب أسود و طرحه سوده و ميكب سيمبل زادها جمال علي جمالها
أدهم قرب منها و مد إيده ليها و لأول مره ملك مسكت إيده و نزلت من السلم معاه وصلت عند الشباب و سابت إيده و مسكت ايد طارق و طارق ابتسم باستهزاء لأدهم كأنه بيقوله إن هو اللي انتصر
دخلوا الحفلة و الحفلة بدأت برقص الكابلز طارق مد إيده لملك و ملك بصت لأدهم و مسكت ايد طارق و قاموا يرقصوا
أدهم بغضب:أقسم بالله هولع فيههه
سليم:أهدى أنا هخليه يمشي حالا و هتروح أنت مكانه
سليم قام و طلع برا و بعد دقيقتين جه لطارق مكالمه و ساب ملك و طلع أدهم ابتسم و قرب من ملك و شدها ليه و بدأوا يرقصوا ملك استسلمت ليه و رقصت معاه
« » « »
بعد مده
طارق دخل و اتصدم اتنرفز و طلع برا الاوتيل تماماً
خلصت الرقصة و رجعوا الترابيزة و كانت ملك بتتكلم مع أدهم و مبسوطه سليم مرداش يرجع عشان ميقطعش عليهم اللحظه دي
خلصت الحفلة و ملك مبسوطه لكن برضو مش قادرة تنسي لأدهم اللي عمله طلعت اوضتها و غيرت و مسحت الميكب و أخدت دش و طلعت كان أدهم بعتلها رسالة و كان مضمونها
"شكلك كان حلو النهارده علي فكرة أبقي فكريني البسك النقاب بقي عشان محدش يشوف الوش الحلو ده غيري بحبك""ملك ابتسمت و حطت الموبايل مكانه و اترمت علي السرير و بدأت تفكر
قلبها:اديله فرصة يمكن؟؟؟
عقلها:لاا طبعآ و يوجعها تاني لا اوعي
قلبها:اللي بيحب مش بيوجع و بعدين كنت عايزه يعمل إيه يعني؟؟شايف حبيبته في حضن حد تاني يعمل إيه يسمي عليها؟؟؟؟
عقلها:برضو يتفاهموا بالعقل مش بالهمجيه دي
كان القلب لسه هيتكلم لكن قاطعه صوت خبط جامد علي الباب قامت ملك و فتحت الباب
ملك بأستغراب:طارق في حاجه
طارق بتوهان:اشمعني هو ليه مش أنا ليه؟؟؟
ملك قربت من طارق وقالت:أنت شارب صح
طارق زقها و قفل الباب و قال:أيوة صح
ملك وقعت علي الأرض و قالت:طارق أطلع براااا
طارق بدأ يقرب منها و هو بيقول:أنتي مش لحد غيري يا ملك فاهمه؟؟مش لحد غيري
ملك حاولت تقوم بس طارق شدها من رجلها و شالها حدفها علي السرير و
تعليقات
إرسال تعليق