رواية متاهة الحب الفصل الثامن 8 بقلم عمرو حمدي

كريم طلع من جيبه زجاجه

- اى دا ي كريم !!

رش على ندى مخدر من الزجاجه

وقعت عالارض و اتصرف كأنه جوزها عشان الناس بصو عليهم

~ بسرعه عايز تاكسى مراتى اغمى عليها !!

وفعلا الناس وقفوله تاكسى

الكلام دا حصل ٢ الضهر .. مصطفى وقتها كان فالشغل عشان بيشتغل كل يوم من ١ ل ١١ بالليل

محسش ان فيه حاجه غريبه .. هو كان ف اعتقاده انه لما يرجع البيت ندى هتكون محضراله مفاجأه عشان ساعدها وعشان حلت كويس

ف كان متشوق انه يروح البيت

خلص وقت شغله و راح البيت

رن الجرس مرتين وتلاته وعشره لغايه لما قلق

فتح الباب بسرعه وهو قلقان احسن يكون حصلها حاجه

بس اتصدم لما لقيها مش موجوده ..

نزل سأل البواب ف البواب قاله انه شافها اخر مره لما نزل معاها الصبح يوديها الامتحان

كلام البواب قلقه اكتر واكتر .. بيتصل بيها و الموبايل مغلق

اتصل ب اهلها

بتوتر = السلام عليكم يا عمى

¥ وعليكم السلام يبنى

بتوتر = هى ندى عندكم ؟!

باستغراب ¥ندى ؟! لا مش عندنا .. هى مش موجوده عندك ؟!!

= ل...لا لا يا عمى اهى بتتصل عليا دلوقتى شكلها نزلت تجيب طلبات ونسيت تقولى . شكرا انا مضطر اقفل عشان ارد عليها

قفل المكالمه مع باباها

قعد عالارض و فضل يفكر

هى فين من الضهر ...

قام من مكانه بسرعه اول لما جه كريم ف باله

اتصل على كريم ( ليه شهرين مرنش عليه حتى)

= تعرف ندى فين !!

بسخريه ~ وبتسألنى انا ليه مثلا .. مش هى مراتك انت ؟!

= انا غلطان اصلا انى اتصلت عليك سلام

~ استنى .. ابقى طمنى على مرات اخويا لما تلاقيها

مصطفى قفل معاه المكالمه

نزل يدور عليها فالشوارع بس مفيش اى اثر ليها

رجع البيت عالفجر ...

نام ساعتين عالكنبه و صحى واتصدم لما شاف ندى نايمه عالسرير

للحظات افتكر نفسه كان بيحلم ..

استناها تصحى ومقدرش هو ينام

*الساعه ٩ الصبح*

ندى قامت من السرير وهى مطفيه

مصطفى جرى عليها

بزعيق = كنتى فين ي ندى امبارح !! احنا حتى اخر مره كنا كويسين جدا مع بعض ومتخانقناش ف اى حصل ! انا ضايقتك فحاجه من غير قصد؟!

ندى مكنتش باصه ف عينه

- لا محصلش حاجه .. انا بس كنت بتمشى و الموبايل فصل شحن و محستش بالوقت

مصطفى اتعصب

بزعيق= بصى عليا وانتى بتكلمينى يا ندى !!! و بعدين اى الحجه البايخه دى مفكرتيش فحاجه احسن ليه !! انا عايز اعرف الحقيقه دلوقتى

- طلقنى يا مصطفى طلقنى

بزعيق= اطلقك !!! بعد م بدأنا نقرب من بعض بتقوليلى اطلقك !! لا مش هطلقك يا ندى و مش هسيبك غير لما اعرف كنتى فين

الدموع اتجمعت فعين ندى

- سيبنى لوحدى لو سمحت ... انا مش قادره اتكلم ..

بهدوء= طب خلاص اهدى متعيطيش

وحضنها

بس ندى بعدت عنه

= بعدتى ليه ؟!

- مصطفى انا رايحه عند بابا .. ياريت تبعتلى ورقه طلاقى من غير مشاكل

ومشيت وسابته بس هو شدها من دراعها و قرب منها

= قوليلى اى حصل ... اى الى غيرك من ناحيتى بالشكل دا .. انا كنت فاكر حياتنا هتبقا طبيعيه

- مفيش حاجه هتبقا طبيعيه يا مصطفى

= لا كنا بنقرب بالتدريج وكانت هتبقا طبيعيه .. وحياه بابا قوليلى اى حصل

- يا مصطفى سيبنى امشى ارجوك

= لا مش هسيبك تمشى يا ندى

خرج من الاوضه و قفل عليها االاوضه بالمفتاح

بيكلمها من ورا الباب

= انا اسف بس مضطر اعمل كدا ... انا مضطر اروح الشغل بعد شويه و لما ارجع بالليل تكونى هديتى ونعرف نتكلم

-...

مصطفى لبس و راح شغله

كان طول الوقت قلقانه وهو فالشغل .. مش مركز خالص

رن على ندى كذا مره ومفيش رد .. بيرن بس مش بترد

استأذن من الشغل بدرى و راح البيت

اول م دخل الشقه جرى بسرعه على الاوضه و فتح الباب بس شافها وهى واقعه عالارض و معصمها دم

جرى بيها على المستشفى الى بيشتغل فيها عشان يقدر يتابع حالتها بنفسه

مصطفى تخصص جراحه قلب ف مكنش بيفهم اوى ف التخصصات التانيه ف ساب الموضوع لزمايله ..

هو كان قاعد برا مستنى زمايله يطمنوه عليها

زميلته دكتوره النسا راحتله

$ دكتور مصطفى ... ممكن تحكيلى اى حصل بالتفصيل امبارح ؟!

= امبارح !! اشمعنا يعنى

$ لو سمحت احكيلى

= قولي فيه اى الاول

بعدها زميله دكتور النفسيه شاركهم فالحوار

# متقلقش المدام كويسه حاليا .. كانت محاوله انتحار بس عدت على خير ومتقلقش انا هساعدها تبقا احسن لما تصحى

= لحظه بس .. انت قلت مدام !!!

الاتنين بصو لمصطفى ب استغراب

# ايوه اى الغريب فالى انا قلته

$ كويس يا دكتور سهلت عليا الى كنت هقوله ... انتو فرحكم كان امبارح او اول امبارح مثلا ؟!

= انا زهقت بقا من الاسئله دى متقولو فيه اى بشكل صريح !!!!

$ بص انا شايفه ان سبب انتحارها هو علاقتكم الى كانت امبارح .. ف عشان كدا بقولك فرحكم كان امبارح او اول امبارح

# بمعنى اصح الدكتوره قصدها انك ممكن اجبرتها على دا و انها كانت عايزه وقت مثلا ف دا الى خلاها تحاول تنتحر .. كان المفروض لو خايفه تطمنها الاول وتبقا كل حاجه بالتدريج بدل الحاله الى وصلتلها دى

مصطفى اتصدم من كلامهم

= انتو بتقولو اى !!! احنا متجوزين بقالنا ٣ شهور و لسا ملمستهاش ... اكيد انتو غلطانين

$ انا دكتوره نسا وفاهمه كويس ف اكيد مش هألف مثلا .. هى كانت بنت لغايه امبارح بعدها امبارح حصلت بينكم علاقه و من بعدها هى اكتئبت و حاولت تنتحر

مصطفى مشى وسابهم

راح الحمام

فضل يخبط فالمرايه ب ايده وهو مش حاسس ب الم دخول الزجاج ف ايده

= هما بيقولو اى !! انا متأكد انى ملمستهاش و خصوصا امبارح اساسا هى كانت مختفيه طول اليوم

بعدها سكت و استرجع بذاكرته حالتها لما رجعت و انها كانت متوتره جامد ومطفيه ومش قادره تبص ف عينه

فضل يخبط ايده فالزجاج مرات كتير

بعصبيه = انا ازاى كنت مغفل كدا !!! بحاول بقالى شهور انى اقرب منها و فالاخر ست الهانم تروح لحد غيرى .. انا غلطان انى استنيت كل دا اساسا و غلطان انى عاملتها كويس

خرح بعدها للدكتور و الدكتوره الى كانو لسا بيتكلمو مع بعض

$ ايدك يا دكتور مصطفى !!

= بلغوها انى هطلقها ...

ومشى وسابهم

دكتور النفسيه جرى وراه

# استنى هنا نقولها انك هتطلقها ازاى يعنى ؟!! بنقولك حالتها النفسيه وحشه و مش راضيه تتكلم حتى ف تقول كدا !!! وبعدين استنى بما انك بتقول انك ملمستهاش ف دى ممكن تكون حاله اغتصاب لان لو دا بمزاجها مكنتش هتكون حالتها كدا دلوقتى

= وانا مالى اغتصاب ولا غيره !!! انا هطلقها وخلص الكلام على كدا .. اتصلو ب اهلها و هما يتابعو حالتها

# هتتخلى عن مراتك وهى فالحاله دى !

مصطفى وقف مكانه

= اتخلى عنها !! انت مش عارف انا بذلت مجهود اد اى عشان اقرب منها وتكون حياتنا طبيعيه .. مين هيغتصبها مثلا قولى مين !!! وبعدين انا مش هقدر ابص ف وشها تانى بعد الى حصل دا

# لو سبتها هتحس بالذنب اكتر و هتنتحر تانى و ممكن منلحقهاش المره دى .. اقف معاها الفتره دى بعدها طلقها لو عايز .. اعمل حساب حبك ليها عالاقل

بزعيق = بقولك مش طايق ابص ف وشها ! هساعدها ازاى و انا مش طايق ابصلها !!

# عموما فكر و اتصل عليا وقولى قرارك .. احنا هنحطها تحت المراقبه لغايه لما تقولى قرارك

مصطفى مشى وسابه

الدكتور دخل ل ندى

# عامله اى دلوقتى

-...

# مش هينفع تفضلى ساكته كدا .. طب احكيلى الى حصل عشان نبلغ الشرطه و يجيبولك حقك

- ...

# طيب بطلى عياط عالاقل

بعياط- مصطفى فين

# اخيرا نطقتى !! .. م..مصطفى راح يجيب حاجات من بيتكم و جاى تانى

ندى عيطت اكتر ف واضح انها مصدقتش الدكتور

# بصى انا مصدقك .. عارف انك بريئه و ان دى جريمه اغتصاب ف قوليلى على الى حصل و على الى عمل فيكى كدا عشان الشرطه تجيبلك حقك

بعياط - هحكيلك بس متقولش لمصطفى حاجه...

# ماشى مش هقوله

ندى بدأت تحكيله

فلاش باك

صحيت بالليل الساعه ٩

شافت نفسها فمكان غريب .. مكان عمرها مشافته قبل كدا .. دى مش شقتها .. وكانت نايمه على سرير غير سريرها ....بصت حواليها شافت لبسها عالارض استوعبت انها مكنتش لابسه حاجه ..

فضلت تعيط من الصدمه وبعدها كريم دخل الاوضه وهو لابس بشكير

بزعيق و عياط فنفس الوقت - ان... انت عملت فيا اى !!

~ اظن انك ذكيه و اكيد فهمتى عملت فيمى اى من جمله صباحيه مباركه

- لا لا انت اكيد بتهزر ... انت بتقول كدا عشان تخوفنى

~ بصى جمبك كدا عالسرير

اول لما شافت الدم زادت فالعياط

~ شفتى بقا انى مش بهزر ولا بضحك عليكى !! وبعدين هو انتى ازاى كنتى بنت لغايه دلوقتى . مصطفى ملمسكيش !! غريبه يعنى ازاى صبر كل دا

بعياط - انت واطى و حقير و زباله

قرب منها

~ احترمى نفسك بدل م نعيد الى عملته بس المره دى وانتى صاحيه

ندى ضربته بالقلم

بزعيق و عياط - ابعد عنى يا قذر

بعصبيه ~ بتضربينى بالقلم !!!

بزعيق و عياط - تستاهل اكتر من كدا ...ابعد عنى كفايه الى عملته .. عايزه امشى

~ لا تمشى اى .. بصراحه كدا انا كنت هخليكى تمشى لولا قله ادبك معايا و القلم الى اديتهونى دا

بعياط - ارجوك يا كريم سيبنى امشى كفايه الى حصل ارجوك

حاولت تزقه و تهرب بس معرفتش لانه اقوى منها

~ هو انا هعذبك مثلا !! دى هتبقا ليله ممتعه لينا احنا الاتنين

بعياط- يا كريم كفايه بقا كفايه انت ليه كدا .. حرام عليك احترم انى مرات اخوك حتى . سيبنى عشان خاطرى

~ م هو انتى الى اضطرتينى اعمل كدا لما مرضيتيش تطلبى الطلاق من مصطفى .. انتى الى خليتينى انسان وحش بالشكل دا

بعياط - ط...طيب بص سيبنى دلوقتى وانا والله اوعدك هتطلق من مصطفى بس سيبنى اروح

كريم ضحك

~ انتى كدا كدا حتى لو مسبتكيش هتطلقى منه او هو يطلقك اول ميعرف ايهما اقرب

بعياط - طيب قولى انت عايز اى و انا هعملك الى عايزه ... لو عايزنى اسيب البلد كلها هسيبها بس سيبنى اروح البيت

~ تعالى اقولك عايز اى

همس ف دونها

بعدت عنه بسرعه

بعياط- انت بتقول اى !!! مش كفايه الى عملته ! سيبنى بقا حرام عليك

~ عادى لو منفذتيش طلبى هجيب المخدر تانى و اعمل الى عايزه بردو وانتى نايمه

- انت اقذر انسان شفته فحياتى .. ان...انت لو قربت منى دلوقتى و الله يا كريم لافضل ادعى عليك للاخر يوم فحياتى

كريم ضحك

باك

الدكتور اتصدم من الى حكته

# و قرب منك تانى بعد م قالك متقصريش فالدعا عليه

زادت فالعياط

- ايوه و عمل كل حاجه عايزها .. هو اقوى منى و مقدرتش ابعده عنى والله ... انا حاولت و معرفتش ابعده

# اهدى ... انتى قولتيلى انه اخو جوزك صح

بعياط - ايوه

# تمام انا هروح للشرطه احكيلهم .. هيجو يستجوبوكى و ياخدو اقوالك .. هتعرفى تحكيلهم ؟

بعياط - لو هياخدولى حقى ف انا مضطره احكيلهم

# تمام حلو اوى

- مصطفى مش مصدقنى صح ؟

# هو بس مصدوم و متضايق جامد و دا حقه .. دا مش سهل عليه بس متقلقيش لو بيحبك فعلا هيساعدك ومش هيسيبك

الشرطه فعلا جم واخدو اقوالها و قبضو على كريم

اما مصطفى كان قاعد قريب فمكان من المستشفى بيفكر او بالمعنى الاصح بيخرج غضبه خصوصا لما الدكتور اتصل بيه وقاله ان اخوه الى عمل كدا

* اليوم الى بعدو*

دخل ل ندى الاوضه

ندى فرحت جدا

= بصى ... انا هساعدك بس ف قضيتك و ان حالتك تتحسن و بعد كدا كل واحد فطريقه

بحزن - انا بحبك يا مصطفى

مصطفى ضحك زى المجنون

= عارفه لو قلتيلى الكلام دا من يومين عدو . اقسم بالله كنت عملت فرح من كتر سعادتى بس خلاص دلوقتى معادش ليها معنى ... انا مش هقدر اكمل معاكى ..

يتبع...