رواية قلبي ليس بيدي الفصل السادس 6 بقلم حسناء مصطفي

نور: جاااااك.... جاااااك

سمعوا صوتها وطلعوا يجروا كلهم..

جاك: اي في اي!..

نور: مش عارفه..طلعت لقيتها واقعه مكانها كدا..

جاك: طب هاتي مايه..

نزلت تجري وجابت مايه..

فيروز: "بقلق" طب شيلها انقلها ع السرير لحد ماتيجي..

جاك: اشيلها!!

فيروز: ايوا يابني دي زي اختك.. وبعدين مش وقته..

جاك شالني ونقلني ع السرير وفضلوا يفوقوا فيا..

جاك: جاكي.. جاكي فوقي.. جاكي..

بدات افتح عيني بالراحه..

محمد: "بخوف" انتي كويسه!

افتكرت اللي حصل.. بحط ايدي ع راسي ملقتش الطرحه... "احييه شعري".. فقومت مخضوضه..

هند: اهدي اهدي.. خدي طرحتك اهي..

خت الطرحه منها وحطيتها بسرعه ع شعري..

" يعني جاك ومحمد شافوا شعري!.. استغفر الله العظيم يارب.. طب افرض انا كنت قلعت دلوقتي!!! "

فيروز: طمنيني يابنتي.. حاسه بإي!..

جاكي: لا لا انا كويسه..

نور: كويسة اي.. دي تاني مره يغمى عليكي..

"كنت ماسكه دماغي وحاسه انها هتتفرتك من الصداع "..

فيروز: جاك اتصل بالدكتور ييجي يشوفها وانا هنزل اعملها الاكل..

جاكي: لا لا انا كويسه مش مستاهله كل دا.. دا يمكن عشان لفيت كتير بس..

محمد: لا انتي من الصبح بتقولي انك دايخه.. وانا اللي غبي مفهمتش..

هند: خلاص اتفضل انزل انت وجاك لحد ماالدكتور ييجي عشان ترتاح شويه..

"محمد وجاك نزلوا"

هند: انتي كويسه دلوقتي ياحبيبتي!..

جاكي: هما ازاي يدخلوا عليا كدا!.. افرض كنت قالعه دلوقتي!

نور: لا لا انا اللي دخلت ولقيتك كدا.. ولو كنتي قالعه اكيد مكنتش هنادي عليهم.. انا لقيتك ف الارض بلبسك فناديت عليهم بسرعه..

جاكي: وبالنسبه لشعري دا!.. ابص ف وشهم ازاي انا دلوقتي..

هند: خلاص ياجاكي مش حوار.. دا غير ان محدش ركز مع شعرك منهم يعني.. كلنا كنا قلقانين عليكي..

"حقكوا تقولوا كدا.. مانتوا مشوفتوش كانوا بيبصولي ازاي.."

جاكي: خلاص حصل خير.. بس انزلي قوليله ميجبش حد انا بقيت تمام..

سما: تمام اي.. دانتي شكلك تعبانه خالص..

هند: طب خلاص يلا ننزل يابنات ونسيبها ترتاح شويه..

"نزلوا وشويه والباب خبط"

فيروز: الدكتور وصل ياجي..

جاكي: يافيروز قولتلك انا بقيت تمام..

فيروز: اتفضل يادكتور..

"دخل وقعد يكشف ويقيسلي الضغط"

الدكتور ضغطها واطي والواضح كدا ان دا من قلة الاكل لانها معندهاش حاجه..

محمد: فعلا يادكتور هي مبتاكلش..

"ياختتاااااي... انت جيت تاااني.. يادي الكسوف اللي انا فيه"..

الدكتور: ماهو طبيعي يحصلها كدا.. ع العموم دي محاليل لازم تعلقها عشان تساعدها جنب الاكل..

محمد: هات يادكتور انا هجيبهم..

"محمد نزل وشويه ورجع"

اتفضل يادكتور المحاليل اهي..

قعد يعلق ف المحلول...

الدكتور: وَدي وشك الناحيه التانيه ياعروسه..

جاكي: لا مبخفش..

الدكتور: دا هيساعدها شويه بس انا كتبتلها ع حقن مفعولها قوي و....

جاكي"بخوف".. لا لا حقن لا

فيروز: ليه يابنتي دي حلوه ومفعولها سريع..

جاكي: لا انا علقت محلول اهو.. بس حقن لا..

محمد: بتخافي منها يعني ولا اي!..

جاكي: ايوا انا مش بحب الحقن..

محمد: امال خدتي المحلول ازاي!... هو لعب عيال!

جاكي: لا دا غير دا.. وبعدين متزعقليش عشان مقومش افتح دماغك..

"بصلي بغيظ"

الدكتور: طب خلاص خلاص.. بلاش حقن كفايه المحلول بس تاكلي كويس..

فيروز:"بقلق".. يعني هتبقى كويسه يادكتور؟؟

الدكتور: لا هي كويسه مفهاش حاجه.. دا هبوط من قلة الاكل متقلقيش...

فيروز: تمام يادكتور..

محمد: اتفضل يادكتور..

"محمد وصل الدكتور للباب ورجع"

فيروز: اديكي سمعتي بنفسك اهو لازم تاكلي كويس بقااا وبلاش عِند..

جاكي: حاضر..

محمد: قولتيلي هتفتحي دماغ مين!!

جاكي: هااا

محمد: هواا.. انتي ازاي تتكلمي معايا كدا قدام الدكتور!..

جاكي: مانت اللي زعقت...

محمد: وانا بزعق لي!.. مش عشان تاخدي الحقن وتصحي..

جاكي: مبحبش الحقن يعم هو بالعافية!

محمد: هو مش بمزاجك ع فكره.. انتي تعبانه والمفروض تسمعي الكلام.. وبعدين انتي مش صغيره ع حركات العيال دي..

جاكي: "بصوت عالي".. بقولك يابتاع انت.. اتفضل اطلع بره ومتجيش هنا تاني ويُستحسن متتكلمش معايا خالص.. ماشي!.. انت ف حالك وانا ف حالي.. بدل مابوظ وشك

محمد: شايفه يافيروز بتقولي اي!.. خليكي شاهده عشان انتي عارفه اني عصبي وهنفخها..

فيروز: ياعيال بطلوا مناهده بقاا.. انتوا لحقتوا!

جاكي: تزّعل مين ياض انت!.. لا ياحلو مش عشان سكتلك مره يبقاا تسووق فيها.. دانا ادفنك هنا..

محمد: بصي مش هرد عليكي عشان انتي تعبانه وليس ع المريض حرج.. واكيد انتي مش ف وعيك..

جاكي: طب يلا بقاا وريني عرض كتافك.. ومتكررش الزياره العظيمه دي تاني..

"بصلي بقرف وسابني ومشي"

فيروز: يلا بقاا.. نامي شويه لحد مااجيبلك الاكل..

جاكي: لا متتعبيش نفسك انا مش جعانه..

فيروز: مفيش الكلام دا.. انتي سمعتي الدكتور قال اي!

جاكي: مانا مش جعانه بجد.. كفايه المحاليل دي..

هو صحيح بابا فين!

فيروز: باباكي ف الشغل وزمانه جاي..

جاكي: طب ممكن محدش يقوله حاجه!

فيروز: ازاي يابنتي مينفعش.. لازم يعرف انك تعبانه

جاكي:"بخوف" لا يافيروز والنبي.. بلاش تقوليله

فيروز: ايوا بس ليه!.. ولما يسال عليكي هقوله اي؟

جاكي: اي حاجه.. بس حاولي تخبي عليه.. عشان خاطري..

فيروز: ماشي حاضر.. ارتاحي انتي بس وانا هروح اجهزلك لقمه تاكليها..

"سابتني ونزلت وانا نمت"

........

عمو احمد: يلا يامصطفي مخلصتش ولا اي!

بابا: لا خلصت اهو بس كان عندي شغل كتير..

عمو احمد:طب يلا عشان نلحق نطلع ع البيت ناكل لقمه وبعدين نطلع ع المشوار اللي قولتلك عليه..

بابا: لازم انا اجي يعني!

عمو احمد: مينفعش اروح من غيرك.. دا غير انهم هيحسوا بعدم تقدير لو مروحتش..

بابا: ماشي ربنا يستر..

.......

جاك: هي عامله اي دلوقتي يافيروز؟

فيروز: والله مانا عارفه يابني.. هي نامت دلوقتي.. بس صحيح.. هي مش عايزه باباها يعرف اللي حصل..

هند: ازاي يعني!

فيروز: بتقولي محدش يقوله حاجه وكان باين عليها انها خايفه قوي..

محمد: طب ولو سال عليها.. هنقوله اي!

فيروز: مش عارفه بقاا.. بس هي مصممه انه ميعرفش.. زي مايكون هيقتلها لو عرف.. مش عارفه هي خايفه منه كدا ليه.!.

"محمد افتكر لما كانوا راجعين من برا وهي شافت باباها جوا وكانت مرعوبه"..

جاك: خلاص براحتها.. لو سال قوليله نايمه او اي حاجه.. بس هيحصل مشكله ع فكره لو طلع وشاف المحلول ف ايديها.. فانا من رأيي نقوله احسن..

نور: طب هي ممكن تزعل لو قولناله..

محمد: لا محدش يقوله... واظن النهارده الشغل كتير وممكن ييجوا ويرجعوا تاني.. وكمان بابا قالي انه هيقضي اليوم كله ف الشغل... فَ هو لو سأل قولوا نايمه او اي حاجه.. ولو حاول يطلعلها البنات يشوفوا اي حِجه وخلاص..

فيروز: خلاص خلاص.. ربنا يستر..

جاك: طب انا رايح الشغل... وانت يامحمد تعالى معايا..

محمد: لا انا مش رايح النهارده.. هقعد

جاك: ليه ان شاء الله!

محمد: لا مش عايز اروح... مصدع شويه..

جاك: ااه.. طب تمام ماشي... سلام..

فيروز: روحوا يابنات طلعوا الحاجات دي فوق...

"دخلت حضرت الاكل وشويه وبابا وعمو وصلوا"..

عمو احمد: فيروز

فيروز: نعم!

عمو احمد: يلا هاتي الاكل عشان عندنا مشوار مهم

فيروز: خير في حاجه!

عمو احمد: لا مفيش.. دا مشوار تبع الشغل.. صحيح، الولاد رجعوا!

فيروز: ايوا رجعوا من بدري

عمو احمد: امال فين البنات

فيروز: البنات فوق..

عمو احمد: طب يلا ناديهم وهاتي الاكل..

فيروز: ماشي..

"حطوا الاكل والكل نزل"

عمو احمد: امال فين جاكي!

فيروز: جاكي.. جا جاكي ف اوضتها..

بابا: ومنزلتش ليه!

فيروز:"بتوتر" لا ما م. مهو

هند: هي كلت واحنا بره عشان كدا قالت مش جعانه ونامت..

محمد: هو حضرتك هترجع الشغل تاني يابابا؟

عمو احمد: بتسال ليه!

محمد: لا عادي مجرد سؤال..

عمو احمد: ايوا عندنا شغل انا وعمك..

محمد: طب تمام

عمو احمد: هو اي اللي تمام!

محمد: ها.. لا لا مش قصدي..

"نور لقت الدنيا بتبوظ فقالت تتدخل"

نور: صحيح ياعمو جبتلك حاجات حلوه معايا..

عمو احمد: جبتيلي انا!.. بمناسبة اي؟

نور: هو لازم يكون في مناسبه عشان اجيب لحضرتك حاجه!.

عمو احمد: وجبتيلي اي بقاا ياست؟

نور: لا دي مفاجأة.. لما ترجع هتشوفها..

عمو احمد: ماشي ياست..

بابا: طب انا الحمد لله ع كدا.. هطلع بقى اشوف جاكي..

كلهم ف صوت واحد: لاااااا