رواية وجهه نظر الفصل الخامس 5 بقلم نور الشامي

ارتعب الجميع عندما وجدوا فاطمه هكذا فحملوها وطلبوا الطبيب واخبرهم ان الحاله ليست خطيره فقط تريد الواحه والا تغضب ان تنزعج من شئ فدخلت قسمه عليها وتحدثت ببكاء مردفه : ماما انا اسفه مكنش جصدي والله ازعلك

فاطمه بتعب: محدش يجول لسراج ال حوصل ... وانتي يا قسمه انا مش زعلانه منك انا زعلانه من تفكيرك يا بنتي افهمي دينك صوح وبعدها احكمي واتكلمي و

وفجاه دخل سراج بلهفه واقترب من والدته وتحدث مردفا: ماما انتي زينه اي ال حوصلك

فاطمه بابتسامه: مفيش يا حبيبي تعبت شويه وقسمه الله يباركلها هي ال لحجتني وطلبت الحكيم

نظرت قسمه اليها بدهشه فنظر سراج اليها وتحدث بابتسامه مردفا: شكرا يا قسمه

قسمه بتوتر: دي امي ودا واجبي

ابتسم سراج وجاءت عفاف لتتحدث ولكن قاطعتها دخول الخادمه وهي تتحدث مردفه: سراج بيه مدام ابرار تحت هي وجوزها

نظر سراج اليها بدهشه ثم تحدث مردفا: ابرار؟ انتي متاكده

الفتاه: ايوه بيه مدام ابرار اخت ست قسمه

قسمه بسعاده: بجد تحت

القت قسمه كلماتها ثم وضعت نقابها ونزلت بسرعه وخلفها سراج وعندما نزلت وجدت فتاه منتقبه جالسه بجانب زوجها فاقتربت منها واحتضنتها وتحدثت بلهفه مردفه: ابرار وحشتيني جوووي

ابرار بابتسامه: وانتي كمان وحشتيني جووي

اقترب سراج من زوجها واحتضنه وتحدث مردفا: Muhammad .. Comment allez-vous? Vous nous avez beaucoup manqué. Dites-moi si vous avez appris l'arabe ou non

""محمد .. كيف حالك اشتقنا لكم كثيرا اخبرني هل تعلمت اللغه العربيه ام لا""

محمد بابتسامه: اكيد

سراج بابتسامه: اتفضل اجعد ... عامله اي يا ابرار

ابرار بابتسامه : الحمد لله يا سراج جولي امال فين ماما فاطمه

نزلت فاطمه وهي تستند علي عفاف وجنه فاقتربت منها ابرار واحتضنتها ثم اقترب محمد وقبل يديها وتحدثت فاطمه بسعاده : اكده تيجوا من غير ما تجولي كنا جينا استنيناكي في المطار يا بنتي

ابرار بابتسامه: محمد موافجش نجعد اكتر من اكده والله يا حجه احنا روحنا سلمنا علي ماما وحطينا الشنط وجينا عليكم علطول علشان انتوا وحشتوني جووي

سراج بابتسامه: هتجعدوا معانا علطول صوح

محمد بابتسامه: ان شاء الله مش هقدر اعيش في فرنسا اكتر من كده

عفاف : بس دي بلدك وانت سيبت مصر ال والدتك منها وروحت بلدك وجولت هتستقر هناك

محمد بحزن: كان نفسي اعيش في بلدي بس انا كمان مصري ومسلم قبل كل حاجه مينفعش افضل عايش في بلد بتهين اسلامي وديني وفيه مسلمين كتير هناك عايزين يرجعوا حتي ال مش عايزين يرجعوا اذا كانوا عايشين في فرنسا او في المريخ هما متمسكين بدينهم وبسيره رسولنا عليه الصلاه والسلام

قسمه بحده: المفروض كل الدول الاسلاميه تعمل حرب علي فرنسا بعد كل ال جالوه علي رسول الله

ابرار بابتسامه: لع يا قسمه مش اكده كده هما هيجولوا علينا اننا ارهابين فعلا يعني مثلا انا منتقبه فيه ناس في فرنسا بيبصوا عليا كأني حاجه شاذه بيخافوا مني فاكريني ارهابيه لو حاربناهم وجتها هيتأكدوا اننا ارهابين احنا نفهمهم بالحسني بالمؤتمرات الاسلاميه ال هننشرها في كل الدول الاروبيه بالاحاديث ال هنترجمها لكل لغات العالم ونخلي الكل يشوفها بسيره نبينا ال نتكلم عنها في اي مؤتمر عالمي احنا لازم نصور الاسلام بصوره كويسه جدام العالم ونعلمهم ان المنتقبه مش ارهابيه ولا الاسلام دين ارهابي بيعلم العنف بالعكس الدين بتاعتنا دين رحمه ودين مغفره ودين اخلاق

ابتسم الجميع علي كلام ابرار ولكن لم تقتنع قسمه كثيرا وظلوا طوال اليوم مع بعض انا في غرفه قسمه كانت تتحدث بدموع مردفه: حتي انتي كمان بتجولي عليا اني غلط يا ابرار

ابرار بضيق: يا قسمه انتي اكده بتضيعي حياتك كلها مش جوزك بس ما انا منتقبه اهه وعاديه مش واخده الدين بتشدد بلبس لما اكون مع جوزي لوحدنا كل حاجه انا نفسي فيها وبتعامل عادي مع الناس ويا حبيبتي حماتك صوح ازاي يا قسمه تكوني شايفه ناس بيتمثل بجثثهم وتشمتي فيهم سيبك انهم ظباط ولا لع وسيبك هما مع مين وضدد مين بس دول بني ادمين زينا زيهم وبالعكس دول بيحمونا كمان دول بيموتوا علشانا انتي ترضي ان حد مننا يوحصل فيه اكده حتي لو كفره حرام يوحصل فيهم اكده قسمه ربنا سبحانه وتعالي جال في القرأن ..

بـسـم الله الرحمن الرحيم { فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ" } آل عمران :159}. صدق الله العظيم

يا حبيبتي متبجيش كلامك شديد معاهم علشان اكده الكل هيبعد عنك الدين يسر مش عسر اسمعي كلامي يا قسمه وغيري تفكيرك يا حبيبتي علشان تعرفي تعيشي معاهم وعلشان يبجي ربنا راضي عنك انتي كويسه جووي وجلبك طيب بس المشكله في دماغك وتفكيرك

قسمه ببكاء وحده: حتي انتي يا ابرار وانا ال بجول انك هتكوني زيي وانتي ال هتفهميني عيب علي النقاب ال انتي لابساه لازم تكوني غيرانه علي دينك وعلي رسولنا

ابرار بابتسامه: حبيبتي انا ادافع عن ديني ورسولي بدمي علشان اكده رجعت من فرنسا البلد ال تشتم رسولي تحرم عليا وجودي منها واكلي فيها مش معني اكده ان الموجودين هناك وحشين لع بالعكس متمسكين بدينهم وبيدافعوا عن رسولنا بس كل واحد ليه وجهه نظر التشدد عمره ما كان الحل بصي فكري في كلامي وانا همشي بجا علشان اروح ارتاح من السفر شويه

القت ابرار كلماتها ثم ذهبت هي وزوجها اما في غرفه جنه كانت جالسه شارده في افكارها حتي دخل عليها سراج وتحدث بابتسامه مردفا: حبيبه جلبي بتفكر في اي

جنه بابتسامه: في ابرار هي منتقبه وتفكيرها عجبني جووي معلش بس انا كنت فاكره ان اي واحده متتقبه زي قسمه متزعلش مني مش جصدي اجول عليها حاجه وحشه بس لما شوفت ابرار لاجيت فكره تانيه خالص تفكير تاني تحببني في الدين اكتر وتعلمني تعاليم الدين الصحيحه واننا علشان نحارب حد واخد عن الدين بتاعتنا انه دين ارهابي لازم نحاربه بالعقل وبالعلم والدين وبسيره رسولنا انا حبيتها جووي ومهما اتعلمت منها مش هعرف ابجي زيها ربنا يحفظها ويبارك فيها

سراج بابتسامه: ويحفظك ليا انتي كمان يا جلبي

جنه بابتسامه: انت وحشتني جووي جووي يا سراج تعرف انا بحبك ازاي

سراج بخبث: لع معرفش عرفيني

جنه بأحراج : بطل جله ادب بجا

القت جنه كلماتها ثم نهضت وفتحت الخزانه واخذت قميص نوم قصير باللون الاحمر ثم دخلت وارتدته وخرجت فتحدث سراج بأنبهار مردفا: ما شاء الله اي الجمر دا

جنه باحراج: اسكت بجا علطول بتكسفني اكده

سراج بابتسامه: طيب تعالي اجعدي جمبي وجوليلي حضرتوا حاجات كتب الكتاب ولا لع

جنه بابتسامه وهي تجلس بجانبه: ماما وقسمه هيرتبوا كل حاجه وانا هساعدهم

سراج بخبث: طيب تعالي في حضني بجا

في صباح اليوم التالي دخل سراج الي غرفه قسمه فوجدها تصلي وعندما انتهت تحدث سراج مردفه: قسمه كل حاجه جاهزه ولا لع وكمان شويه هتيجي البنت ومعاها فساتين لعفاف اختاري منهم انتي وجنه كمان ليكم

قسمه: حاضر يا حبيبي هو انتوا معملتوش ليه الفرح مع كتب الكتاب

سراج : علشان عفاف تخلص كليتها الاول انا عارف اختي مش هتعرف تتحمل مسؤوليه جواز ومذاكره في نفس الوجت

قسمه بابتسامه: ربنا يتمملها علي خير يارب

سراج بابتسامه: يارب يا حبيبتي انا اتصلت بمحمد وجولتله يجي هو وابرار وماما كمان هتيجي حاولي تصالحيها يا قسمه دي امك في النهايه

قسمه بحزن: بحاول والله بس هي مش موافجه طيب وانت اكده سامحتني ومش زعلان مني

اقترب سراج من قسمه ثم تحدث مردفا: انا مش هزعل منك لو غيرتي تفكيرك دا

القي سراج كلماته ثم ذهب وبعد مرور ساعتين كانت الفتاه تعرض الفساتين امامهم فأعجبت عفاف بفستان رقيق ولكن لم يعجب قسمه واختارت قسمه عبائه واسعه جدا اما جنه فاختارت فستان طويل وضيق بعض الشئ فنظرت فاطمه وابرار التي جاءت للتلو وتحدثت فاطمه مردفه: حبيبتي الفستان ضيج جووي وممكن ميعجبش سراج وجبل سراج يا حبيبتي هو فعلا ضيج جووي

نظرت جنه الي الفستان وتحدثت بضيق مردفه: بس هو عاجبني جووي يا ماما

ابرار بابتسامه: ممكن نجيب واحد زيه اوسع نشوف عندها دلوجتي مدام عجبك اكده وهيبجي حلو جووي عليكي وانا كمان هجيب واحد زيه واسع علشان ينفع علي النقاب

ابتسمت جنه وجاءت لتتحدث ولكن قاطعتها قسمه مردفه : حرام عليكي اكده انتي هتخلي الرجاله يشوفوا جسمك وتاخدي ذنوب ولا انتي هتكوني مبسوطه اكده

انتفضت جنه من مكانها وتحدثت بعصبيه مردفه: علي فكره يا قسمه انتي جليله الادب جسما بالله ومتربتيش ولا تعرفي دينك ولا فاهمه حاجه وانا غلطانه ال كل شويه اجول عليكي انك طيبه انتي متعرفيش حاجه عن الدين دا غير انك دبش كمان هو انتي بس ال من حجك تتكلمي براحتك وتحرجي دمي انا زهجت من تصرفاتك

قسمه بغضب: انا اعرف ديني كويس مش ماشيه علي حل شعري زيك واوعي اسمعك بتجولي اني معرفش ديني انتي بس ال بتحبي الكل يتفرج عليكي

ابرار بحده: قسمه عيب اكده

قسمه بحده: دي الحجيجه متعرفش حاجه عن الدين وبتجول عليا اني انا ال معرفش وهي واحده جاهله اصلا

جنه بحده: انا غلطانه اني بتكلم مع واحده زيك اصلا واخده كل حاجه بالتشدد وفاكره نفسها انها شيخه و

لم تكمل جنه كلماتها وفجاه تلقت صفعه قويه علي وجهها فانصدم الكل عندما وجدوا قسمه هي من ضربتها فتحدثت جنه ببكاء شديد مردفه: جسما بالله العظيم ما انا جاعده اهنيه دجيجه واحده

القت جنه كلماتها ثم سحبت احدي العبايات والحجاب ولبستهم وذهبت من البيت و