رواية الانتقام من الاب الفصل الخامس 5 بقلم أسماء زيدان

معتز خرج فتح المكتب وبص للبنت و

معتز: اهلا وسهلا بحضرتك اتفضلى جوه المكتب

ضحى بصتله باستهزاء ودخلت ومعتز دخل و

ضحى: انا محتاجه شغل عارفه ان انتو مش منزلين اى إعلانات ولا حاجه بس بجد ضرورى محتاجه شغل ممكن حضرتك تعمل انترفيو معايا وتشوف مؤهلاتى وقدراتى

معتز بيبصلها وبيفتكر ضحى وعقله بيقوله ان دى مش ضحى عاملة النظافه دى واحده متخرجه ومؤهلاتها عاليه و

معتز: تمام اسمك ثلاثى

ضحى: اسمى ضحى سراج الدين محمود

وفعلا بدأ معتز يعمل انترفيو معاها وبعد ساعه

معتز: جميل جدا ياضحى تفكيرك ومؤهلاتك عاليه جدا وعشان كدا هخليكى سكرتيرتى الخاصه وانا متأكد انك هتبقى قد المسؤولية دى صح

ايام بصتله باستهزاء وابتسامة نصر: صح مستر معتز هبدأ من امتى الشغل

معتز: من دلوقتى لو حابه

ايام: لا انا دلوقتي عندى حاجه مهمه هاجى من بكره اوكى

معتز: اوكى

ايام: عن اذنك

وخرجت ايام وعلى وشها ابتسامة نصر وثقه و

ايام: طلعت غبى اوى يامعتز باشا بس بنتك اذكى منك بكتير سورى يا بابا العزيز

وفى مكتب معتز عمل اتصال و

معتز: عايزك تجبلى معلومات عن ضحى سراج الدين محمود باقصى سرعه تكون عندى مفهوم

الراجل: ......

معتز: سلام

وقفل فونه و

معتز: اما نشوف مين دى وحكايتها اى

رجعت ايام مكتبها فالمخابرات ومسكت ورقه وقلم وبدأت تكتب محضر بأسم والدتها ضد معتز وخلصت كتابه وطلعت على مدرية امن الجيزه ودخلت على مكتب اللواء و

ايام: عايزه اقابل سيادة اللواء

الظابط: لحظه اديله خبر

ايام قعدت والظابط بعد وقت خرج و

الظابط: سيادة اللواء ف انتظارك يافندم

ايام دخلت و

اللواء: اهلا اهلا بسيادة العميد الجديده

ايام بابتسامة: اهلا بسيادتك

اللواء: تحبى تشربى اى

ايام :لا يافندم مفيش داعى

اللواء: ازاى بقا يعنى اول مره تشرفى ف مكتبى ومش عايزه تشربى حاجه انا هطلب قهوه اى رأيك

ايام بضحك: مش بطاله

وبعد وقت جات القهوه و

اللواء: هااا اى سر الزيارة الكريمة دى

ايام: جايه اقدم عن حادثة اغتصاب

اللواء:اغتصاب

ايام:ايوا يافندم اغتصاب ضحى عبد الله انور على يد معتز الدمنهوري

اللواء بصلها بصدمه: انتى عارفه انتى بتقولى اى ولا بتتكلمى عن مين دا معتز الدمنهوري من أغنياء مصر

ايام باستهزاء: عارفه يافندم انه من أغنياء مصر بس هو ارتكب الجريمة دى فعلاً والقانون فوق الكل صح

اللواء:صح طيب قوليلى مكان وزمان الحادثه امتى

ايام: المكان ف بيت فالصحراء الشرقيه و الزمان من 20 سنه

اللواء: انتى اكيد مجنونه جايه تبلغى عن حادثة انتهت من 20 سنه ومبلغتيش من وقتها ليه ولا المجنى عليها مبلغتش ليه

ايام : لان المجنى عليها كانت ضعيفه ومن بيئه فقيره ومش هتتحمل خبر زى دا غير انها كانت بتشتغل عاملة نظافة ف شركة الدمنهوري ومكنش معاها ادله

اللواء باستهزاء: وانتى بقا اللى معاكى ادله

ايام: اقبل بس المحضر وانا هجبله الادله الكافيه

ومدت ايدها بالمحضر واللواء اخده و

ايام:عن اذن سيادتك

وخرجت واللواء فضل فى حالة ذهول

فالمخابرات العامه

دخل ارسلان وصديقه وبيتكلمو عن اول قضيه مسكوها وعايزين يقابلو العميد عشان يحطو القواعد والخطط الازمه ووصلو لمكتب العميد و

ارسلان للظابط: عايزين نقابل سيادة العميد ايام

الظابط: سيادة العميد مش موجوده يافندم

ارسلان: نعم مش موجوده ازاى لسه مستلمه الشغل من شهر ومش موجوده

ايام من الخلف: مين قال انى مش موجوده

ارسلان بصلها:هو انتى

ايام:عند معاليك مانع

ارسلان بضيق:لا بس عايزين ننقاش معاكى القضيه الجديده

ايام: اوكى اتفضلو فالمكتب

ارسلان بص لصديقه: شكلها ايام زفت

ادهم: اهدى بس هى الستات كدا خلى بالك طويل

ايام دخلت المكتب وهما لسه مدخلوش و

ايام بغضب: مدخلتوش ليه

انتبه ارسلان وادهم لصوتها ودخلوا وبدأو يتكلمو ويحددو القواعد والخطوط اللى هيمشوا عليها

وفى فيلا الدمنهوري يدخل شاب بسيارته و

الشاب: اى دا هو مفيش حد هنا ولا اى

البواب:موجودين جوه الفيلا يافندم

الشاب: اوكى

داخل الفيلا توجد شاهى وهى بتتكلم فالفون مع صحبتها و

شاهى: يابنتى بقولك مش بيتكلم معايا خالص حتى لو انا كلمته هو بيرد بكلمه واحده مفيش غيرها

صحبتها:.....

شاهى:تفتكرى و

قطع كلامها صوت الشاب و

الشاب:ياوطيه مفيش سلام ليا ولا اهلا ولا اى حاجه

شاهى بفرحه وطلعت تجرى: رعد انت جيت امتى

رعد: لسه واصل اهو وبعدين فين ماما مش موجوده ولا اى

شاهى: مامى ف اوضتها وبابى فالشركه

رعد:اممممم

شاهى: بس انت مقولتش انك جاى ليه

رعد:حبيت اعملها مفاجاه

شاهى بضحك: وياريت لاقيت حد عشان تفاجاه هههههههههه

رعد:عندك حق ياوش الفقر

شاهى بضحك عليه:انا برضوا

وفالوقت دا خرجت مروه من المطبخ و

مروه:اى دا رعد جيت امتى ومقولتش ليه انك جاى عشان نقابلك فالمطار

رعد:حبيت اعملها مفاجاه ياطنط

مروه وهى بتسلم عليه:واحلى مفاجاه دى ياحبيبى

رعد:امال ارسلان وسيف وحبيبه فين

مروه:ارسلان استلم شغله من شهر فالمخابرات وسيف وحبيبه فالمدرسه وباقى على وصلهم حاجه بسيطه اطلع غير هدومك وخد شاور وانزل تلاقى الغدا

رعد: تمام

وطلع هو وشاهى

رعد:طنط مروه دى ساعات بحس انها هى امى مش امك اللى فوق علطول دى

شاهى بغيظ:طب اسكت

وطلعوا

وبعد وقت رجع معتز وسليم وسيف وحبيبه وبعدها دخل ارسلان واتفاجوا بوجود رعد و

معتز: رعد حبيبى جيت امتى ومقولتش ليه انك جاى

رعد وهى بيحضنه:لسه واصل من شوى وحبيبت اعملها مفاجاه

وسلم على سليم وباقى العيله وقعدو يتغدو

وايام رجعت شقتها وبدأت تقرأ ف دفتر مامتها بتركيز اقوى يمكن تلاقى اى خيط تبدأ بيه

وفعلا بعد ماقرأت قدرت توصل لمكان الحادثه بالتحديد وقامت لبست وراحت هناك ولاقت بيتين بيت فالاول بس عرفت انه مش بتاع معتز ومشيت بعدها فتره طويله جدا لحد ما شافت بيت تانى ومن قرأتها ف دفتر مامتها عرفت ان دا بيت معتز وبدأت تفتحه وفعلا نجحت ودخلت وبدأت تدور بعنيها بتركيز وبعدين لبست جوندى واخدت حاجات معينه من الأرض واحتفظت بيها فى كيس بلاستيك وبعدين خرجت وقفلت الباب كأن محدش دخل ورجعت تانى شقتها وخبت الكيس ف مكان امن وخرجت راحت الشركه وبدأت تشوف شغلها و

معتز:ندى ابعتيلى ضحى

ندى:حاضر

وبصت لايام: معتز بيه عايزك

دخلت ايام و

ايام:افندم

معتز:فى صفقه جديده وهحتاجك فالبيت ينفع تيجى تعيشى معانا لحد ماتخلص

ايام بابستامة نصر: هفكر واقولك

معتز:ممكن اسأل سؤال

ايام:اتفضل

معتز:انتى معندكيش اهل

ايام: واى مناسبة السؤال

معتز:اصل بقولك تعالى عيشى معانا قولتى هفكر مقولتيش مثلا هاخد رأى ماما او موافقه بابا كدا

ايام:ماما متوفيه وبابا ف بورسعيد اصلا انا من بورسعيد بس جيت هنا عشان الشغل

معتز:تمام تقدرى تروحى

خرجت ايام واعلن تلفون معتز عن متصل و

معتز:هااا عرفت حاجه

المتصل:............

معتز:تمام سلام

وقفل فونه والغضب هيطير من عنيه

فالفيلا رعد قاعد فالجنينه فاتح اللاب بيكلم صديقته ف انجلتر وبعد ماخلص الشات معاها و

رعد:داده نجيه

نجيه جات:ايوا يارعد بيه

رعد:عايز عصير فرش ياداده لو سمحتى

نجيه بابتسامة:تحت امرك

ومشيت راحت المطبخ ولاقيت خديجه واتنين من الخدم فالمطبخ و

نجيه بأمر:خديجه اطلعى نضفى جناح معتز بيه

خديجه:بس الهانم فوق و.

نجيه بمقاطعة:هى قالتلى ابعتك هناك يلا بسرعه

خديجه: حاضر

وخرجت من المطبخ و

نجيه:وانتى يا نهى روحى نضفى المكتب عشان

شوفته امبارح وكان فيه تراب

نهى:حاضر يامدام نجيه

وخرجت هى كمان وبعدها بوقت و

نجيه:روحى يانور شوفى رعد بيه عايز اى برا

نور:بس هو مش بينادى

نجيه بغضب:انتى بتعصينى وكمان مش مصدقانى اعتبرى اخر يوم ليكى هنا

نور بخوف:انا اسفه ورايحه اشوف هو عايز اى

وخرجت ونجيه بعديها قفلت باب المطبخ وعملت العصير وفتحت المطبخ وطلعت مخدر

(مش مخدر اللى هو بينيم دا لا أقصد جرعه من المخدرات فهمتو)

وبعد ماطلعت المخدر حطت كميه صغيره فالعصير وبعدها شالت المخدر وفتحت باب المطبخ واخدت العصير وخرجت فالجنينه و

نجيه: العصير يارعد بيه

رعد:اى دا عصير فروله بس انا مبحبهوش

نجيه بصدمه:ازاى بقا مبتحبهوش دا مغزى جدا بس جربه

رعد:اسف ياداده بس عايزه بالبرتقان

نجيه بتحاول تسيطر على غضبها:بس جرب دا دلوقتى ومن بكره هعملك العصير بالبرتقان

رعد محبش يحرجها ويتعبها واخد العصير

ونجيه لسه واقفه و

رعد: خلاص ياداده روحى انتى انا هشربه

نجيه باصرار:لا بقا لازم اشوفك وانا بتشربه كله انت قولت مبحبش الفروله افرض رميته انا واقفه لما تخلصه كله

رعد:براحتك

وبدأ يشرب العصير شوى بشوى و

نجيه:بالهنا والشفا

رعد:ميرسى

نجيه اخدت الكوبايه ومشيت وعلى وشها ابتسامة نصر ودخلت المطبخ وغسلت الكوبايه كويس جدا وبعدها خرجت

ايام بعد ما معتز خلص شغله وهو خارج و

معتز:كدا انتهى الشغل النهارده يابنات تقدرو تمشو

ايام وهى بتعمل نفسها عندها شغل:تقدر ندى تمشى انا فى قدامى ورق لسه مخلصتوش وكدا

معتز:ماشى وبص لندى يلا ياندى

ومشى معتز هو وندى

و ايام وبعدها بشوى قامت دخلت مكتب معتز ولبست جوندى واخدت القلم تبع معتز وخرجت حطته ف كيس بلاستيك وحطته ف شنطها وطلعت قلم يشبه قلم معتز ودخلت المكتب تانى وحطت القلم مكانه وخرجت واخدت شنطها ومشيت من الشركه كلها وراحت شقتها اخدت الكيس البلاستيك اللى خبته وبعدها خرجت طلعت على مدرية امن الجيزه و

ايام للظابط: اللواء موجود

الظابط:ايوا يافندم بس هديله خبر

ايام:تمام

وبعد دقائق خرج الظابط و

الظابط: اللواء ف انتظارك يافندم

دخلت ايام و

اللواء:اهلا وسهلا

ايام:اهلا بيك

اللواء:يعنى من بعد ماجيتى بلغتى عن حادثة الاغتصاب مجتيش تانى اى ملقتيش اى ادله

ايام بهدوء:انا بقول نطلب اتنين لمون الاول

اللواء بصلها ورفع سماعة تلفونه وطلب المون وبعد وقت المون وصل و

ايام خرجت كيس بلاستيك اللى اخدت فيه حاجات من بيت الصحرا و

ايام:اتفضل انا عايزه تحلل الحاجات دى وتشوف البصمات بتاعتها

اللواء: وبعدين دا دليل مش كافى

ايام بهدوء خرجت القلم تبع معتز و

ايام:دا قلم معتز الدمنهوري هتلاقي البصمات اللى على القلم مطابقه للبصمات اللى على الحاجات اللى فالكيس

اللواء اخد القلم:تمام انا هطلب يشوف البصمات وان طلعت مطابقه هطلع تصريح بالقبض على معتز الدمنهوري

ايام بثقه:ان شاء الله هتطلع مطابقه عن اذنك

ورجعت شقتها وغيرت هدومها وعملت اتصال و

ايام:ايوا يا مستر معتز انا موافقه اجى اعيش مع حضرتك فالفيلا لحد مالصفقه تخلص

معتز:.......

ايام: تمام حاضر وانا هنتظر السواق

معتز:......

ايام:اه العنوان........

معتز:....

ايام:تمام سلام

وقفلت وقامت تحضر شنطها وكل حاجاتها وبعدها السواق وصل وراحت على فيلا الدمنهوري واستقبلها معتز و

معتز:اهلا بيكى يا انسه ضحى ف فيلا الدمنهوري

ايام بثقه:اهلا بيك

معتز بصوت عالى:نجيه يانجيه

نجيه:افندم معاليك

معتز:خدى ضحى وديها اوضتها

نجيه: حاضر

وبصت لايام واخدت شنطتها ومشيت و

ايام:عن اذنك مستر معتز

معتز:اتفضلى البيت بيتك

ومشيت ورا نجيه وهى ماشيه صوت معتز وقفها و

معتز:بعد ماترتاحى عايزك فالمكتب ياضحى

ايام:تحت امرك

ومشيت ومعتز بصلها باستهزاء وخرج

ودخل ارسلان وكان معاه سيف وحبيبه و

ارسلان:عايزكم تشدو حيلكم الامتحانات قربت

سيف بصله بقرف وسكت

وحبيبه مردتش عليه

ارسلان بصلهم:انتو مبتردوش ليه

سيف:اصل يا ابيه كل ماتشوفنا تقولنا كدا واحنا زهقنا

ارسلان:ياسلام يافالح بفكركم عشان تذاكرو وتبطلو لعب بقا

حبيبه:سورى يا ابيه انا مش بلعب

ارسلان برفع حاجب:ياسلام والكمبيوتر اللى قاعده عليه علطول دا اى

حبيبه بغيظ:بلعب لعبة العرايس

سيف: ههههههههههههههههه وبتقولى مش بتلعبى

حبيبه:انت مالك انت يارخم

ارسلان:قسما بربى لو مذكرتوش وجبتو مجموع عالى لتكونوا متعلقين زى مابنعلق المجرمين عندنا

حبيبه وسيف بصوله بخوف وبعدين بصو ورا ارسلان و

ارسلان:بتبصو على اى

سيف وحبيبه بصوت واحد:الحق ابنك ياسليم بيه عايزين يعلقنا

سليم بصدمه:يعلقكم فين

سيف وهو بيبص لارسلان:يعلقنا عنده مع المجرمين

سليم بص لارسلان و

ارسلان بصدمه:اناااااااا

حبيبه وهى بتكتم ضحكتها:ايوا انت لسه قايل دلوقتى كدا

ارسلان بص لسليم:اوعى تصدقهم يابابا انا مش قصدى كدا

سليم:ادخل انت يا ارسلان غير هدومك وسبنى معاهم

أرسلان بصلهم بغضب ودخل وهما فضلو مع سليم

وفى نفس الوقت اللى دخل فيه ارسلان كانت ايام نازله على السلام وارسلان شافها وهى شافته و

ارسلان بصدمه:انتى بتعملى اى هنا

ايام بتوتر:انت.........