رواية أغلبني عشقها الفصل الرابع 4 بقلم فاطمة سعيد

فى شركة النصار

دخل حمزة الشركة والكل مستغرب ازاى اكتر واحد مهتم بمظهره هدومه مبقعة كده ومبلولة كمل حمزة طريقه لمكتب باباه استاذ محمد النصار

محمد : اي إللى اخرك كل ده يا حمزة ومتقوليش ندى كان بيتكلم بنرفزة

وهو باصص فى الورق رفع راسه وشاف هدوم حمزة واللى حصل فيها واتفاجئ أن حمزة كان ماشى كده فقاله اي ده اي اللى حصل لهدومك

حمزة : مفيش يا بابا حادثة صغيرة كده وهى اللى اتسببت فى تاخيرى حمزة اعتذر لباباه على التاخير

وراح عشان يدخل مكتبه وطلب ينسون بدل اللى حصل فى الكوباية اللى قبلها

وهو بيشرب افتكرها وافتكر رقتها طبعا قبل ما تتكلم ويشوف الرقة اللى بجد وابتسم تلقائيا دخل عليه المكتب

فجأة يوسف صاحبه

يوسف : اي الجميل سرحان فى اي بالابتسامة دى وبعدين اتكلم بصدمة سيكا اي ده اي اللى عمل فى هدومك كده يا حمزة

حمزة : مفيش حادثة بسيطة عادى شوفلى اى حاجة ألبسها بقى

حمزة حكاله كل اللى حصل وطولة لسانها

حمزة كان هيحدفه بحاجة فى وشه : وقعت اي انت مش شايف راسى ده انا كنت هقتلها دى واحد بس متنكر يا عم وكمان عايزانى اعتذر يا ابنى تخيل

حمزة : وانت مالك يا بارد انت بس هقولك عشان تسكت

يوسف : لا يا شيخ لا ده واضح انك مركزتش ده كان ناقص تعد عندها كام رمش مثلا

حمزة كلمه بنرفزة اطلع برة يلا وخرج يوسف وحمزة قعد على مكتبه يكمل سرحان وبعدين قال اي الهبل ده اما اكمل شغلى

نضال راحت المحل بتاعها وهى متنرفزة انها فوتت المحاضرة

ودخلت المحل فى حين كان فى واحدة جارتهم اسمها امل دى صاحبتها الوحيدة تقريبا وشافتها متنرفزة راحت سالتها امل : مالك يا نضال فى حد ضايقك والا اي

حكتلها نضال واللى كانت امل رد فعلها نفس رد فعل يوسف وقعدت تضحك راحت نضال اتنرفزت عليها

نضال : بطلى بقى يا مستفزة انتى

نضال : أيوة طبعا يعتذر مش هو اللى دلق عليا الزفت اللى بيطفحه ده

نضال بصتلها بصة امل فاهماها كويس وفاهمة هى ممكن تقرصها قرصة عاملة ازاى دلوقتى فقالت تلطف الجو

امل : خلاص يا نضال الواحد ميهزرش معاكى ابدا انا هروح بقى عشان ماما

نضال : ماشى يا ستى سلام

امل : اه صحيح فى فرح فى الحتة باليل لو عايزة اقفلى بدرى عشان محدش يضايقك وكده كده ريم عازماكى وهتيجى معايا

نضال : لا لا مش هقفل كده كده موارييش حاجة ولا مذاكرة هفضل قاعدة بقى وبعدين مين ده اللى يتجرأ ويضايقنى ده اي مستغنى عن روحه والا اي

امل : ماشى يا عم الجامد يلا سلام بقى

فى شركة النصار ......