رواية عندما نعشق الصدف الفصل الثالث 3 بقلم مي محمد
 |
| رواية عندما نعشق الصدف الفصل الثالث 3 بقلم مي محمد |
رواية عندما نعشق الصدف الفصل الثالث 3 بقلم مي محمد
:الف سلامة عليكي يا توتا كدة تقلقينا عليكي
اخدت تفتح عينيها وتغمضها بسبب الضوء المزعج ولكن في النهاية فتحتها ووضعت يدها علي رأسها وقالت : الله يسلمك يا سوسو بس انا فين وايه اللي حصل ؟؟
سهيلة : مفيش يا ستي كنا قاعدين في امان الله وانتي بتقنعي ماما علي الفرح ومرة واحدة دوختي ووقعتي وجبناكي هنا .
اومئت تيا بصمت وقالت : طب هو انا دوخت ليه ؟؟
سهيلة ببعض الغضب : عشان حضرتك مهملة ومأكلتيش حاجة من الصبح
قاطع حديثهم حين فتح الباب ودخل منه والد ووالدته تيا ودينا والطبيب
وضع لها الطبيب المحلول وقال : سلامتك يا انسة تيا
ابتسمت تيا وقالت : الله يسلمك يا حمو معلش تعبناك معانا بقا
محمد : تعب ايه بس ده واجبي
تيا بصوت منخفض له : اي الاحترام ده بس يحمو ثم غمزت له بضحك
محمد : والله لوريكي بس الصبر
ثم غمز لسهيلة دون ان يراه احد وذهب وتارك خلفه سهيلة ووجهها المحمر من الخجل
نادية : كدا بردوا يا تيا متكليش حاجة من الصبح !
محمد والد تيا وهو يقبل رأسها : الف سلامة عليكي يحبيبتي
تيا : الله يسلمك يا حبيبي ؛
ثم نظرت لوالدتها واكملت : معلش عديها المرادي بقا
دينا : الف سلامة عليكي يا توتا كدا تقلقينا عليكي
تيا : حبيبيتي يا خالتو الله يسلمك
وبعد قليل ذهبت سهيلة لتحضر الطعام لتيا وهي في طريقها للخارج قابلت محمد في
وجهها فقالت وهي تضع يدها علي قلبها : احيي خضتنيي يا محمد
محمد غمز لها بمرح وقال : سلامتك من الخضة يا قلبي
ضحكت سهيلة وقالت : طب وسع بقا عايزة امشي
عقد حاجبيه واردف باستفهام : رايحة فين ؟؟
سهيلة ببرائه : رايحة اجيب اكل لتوتا
محمد : وانتي مخطوبة لكيس جوافة وطالعة من غير ما تقوليله
ادركت سهيلة خطئها سريعا وقالت : يحمو والله والله تلفوني فصل ومكنتش عارفة هقول لماما ايه عشان اجيلك
محمد : والله !! لو كنتي عديتي عليا وانتي ماشيه ايي؟؟
تحدثت سهيلة بدلال : خلاص بقا متزعلش اخر مرة طب
رمقها بغضب ولم يرد فاكملت : عشان خاطري خلاص والله هتصرف بعد كدا واقولك
محمد ظل غاضب وقال : طب يلا قدامي
سهيلة : قدامك فين ؟؟
محمد : ما هو اكيد مش هسيبك تروحي لوحدك
سهيلة : يمحمد ماما هت...
محمد : ششششش يلا قدامي
وذهبوا معا ليحضروا الطعام .
~~~~~~~~~~~~~~~~~~~~~~~~~~~~~~~~~~~~
كان مستلقي في سيارته فاتصل بصديقه وقال : اي يمحمد انت فين ؟
محمد:
ادم : طب انا هحود عليك
محمد :
ادم : يعم مينفعش ابو الولا فارس تعبان وهحود عليك انا وسيف ونروحلوا
محمد :
ادم : طب انا جاي انا وسيف
اغلق الهاتف ونظر للخلف وجد سيف نائم فضحك علي ما يتفوه به وهو نائم واحضر
زجاجة مياه وافرغها عليه ففزع سيف واخذ يسبب بأبشع الالفاظ
ظل ادم يضحك عليه بشدة ؛ فاق سيف ونظر لادم بغضب وقال : هو انتت والله لوريك يا ادم ماشي
ادم بضحك : عمال تشتم طول ما انت نايم بتحلم بأيه ؟؟
سيف : يعم اسكت بقا لان انا كنت ف اسرائيل وكانوا هيفجروني
ادم ضحك بقوةة : اسرائيل وهيفجروك كمان كل ده ف عربيتي ثم اكمل " طب اتنيل فوق
بقا عشان هنروح لفارس ابوه تعبان وفي المستشفي "
سيف : طب والواد حمو مش هيجي معانا ؟؟
ادم : هنحود عليه يلا هو في المستشفي ولا اقولك تعالي نروح اغير الاول بسرعة
اومئي سيف وذهبوا لمنزل ادم وخرج ادم وسيف من السيارة ودخلوا للمنزل ثم قال ادم : عيش حياتك بقا انا هطلع اغير بسرعة
سيف : اشطا يمعلم
جلس سيف علي الاريكة يعبث في هاتفه وبعد قليل دخلت عليا امرأه وهي تحمل كوب به مشروب ووضعته ع المنضدة امامه وقالت : اذيك يا ابني عامل ايه ؟
سيف :كويس والله يا امي وحضرتك عاملة ايه
والده ادم : كويسة يحبيبي طول ما انتوا كويسين ؛
فصمتت قليلا ثم اكملت : هو انت مش عايز تجوز يحبيبي
سيف : لا يا امي والله لسه ملقتش نصيبي
والدة ادم : ده انا عندي ليك عروسة قمر ادب واخلاق واحترام
كاد ان يرد سيف ولكن اوقفه صوت ادم يقول بضحك : اي يصفصف انتي عايزة تجوزي البت دي لاي حد وخلاص
صفاء : بس يولا ملكش دعوة انت
قال ادم وهو يقبل رأسها : طب معلش انا هخدوا عشان منتأخرش وابقوا كملوا بعدين
وقف سيف سريعا : سلام عليكم يا امي
وخرجوا وقال سيف لادم : ده انت جيت لحقتني يجدع
ضحك ادم ثم استقلوا السيارة وانتلقوا للمشفي ..
~~~~~~~~~~~~~~~~~~~~~~~~~~~~~~~~~
احضروا الطعام وكان الطريق سويا بين الضحك والمرح وغزل محمد لسهيلة وخجلها
المعتاد وبعدها عادوا للمشفي وقالت سهيلة : خلاص يمحمد خليك هدخل انا عشان ماما
محمد بصوت منخفض : يخربيت امك دي
سهيلة : بتقول ايه يمحمد؟؟
محمد : مبقولش يحبيبتي بقولك روحي انتي وانا وشوية وهدخل عشان اشوف تيا
اومئت سهيلة بابتسامة وذهبت وبعد قليل من الوقت دق محمد الباب ودخل اليهم ليري
المحلول ويطمئن علي تيا وفي نفس اللحظة هي وصول ادم وسيف وذهبوا للداخل وسأل
ادم عن محمد وعلم رقم الغرفة ودق الباب ووصل لمسمعه صوت محمد يقول " ادخل "
فدخلوا ولكن الصدمة عند دخولهم
ادم : تيا ؟!!
تعليقات
إرسال تعليق