رواية نور الجاسم الفصل العشرون 20 بقلم نيلي ياسر

   " جاسم بص ولقي بنت واقفه عند باب الڤيلا شعرها قصير واصفر طبيعي وعيونها اخضر فاتح جسمها رشيق ولابسه بدله بناتي لونها اسود وكوتشي أبيض..البنت حضنت كنز"

جاسم: هو حضرتك تعرفي كنز؟؟.

حور: ايوه انا كنت الداده بتاعتها...هي إزاي لسه عايشه؟؟

جاسم: انا مش فاهم السؤال.

حور: اقصد..أن أبوها ومراته قالو انها ماتت وسافرو النهارده رجعو نيويورك علشان هما اصلا عايشين هناك وكنز شافتني مره في السوبر ماركت في نيويورك ولما عرفت اني بتكلم عربي مكنتش عايزه تسبني.. وأبوها عرض عليا اني ابقي الناني بتاعت كنز وانا وافقت.. السؤال ازاي كنز عايشه.

جاسم: طب ممكن تقوليلي اسم أبوها.

حور: اسمه..ادم الأمير..انت لازم ترجعها لأهلها.

جاسم: مش هيحصل.

حور: نعممم.

جاسم: اللي ترمي بنتها في الشارع.. وأبوها يطلع اشاعه أنها ماتت ويسافرو بالسرعه دي..يبقو ميستاهلوش الطفله دي.

حور: بس دي مرات أبوها..وانت عرفت منين أنها رمتها هي بتقول انها تاهت.. وكمان انت مين.

نور: طيب ده الموضوع كبير أدخلي ونتكلم.

   " البنت قعدت علي كرسي جمب عمر اللي نايم علي الكنبه علشان ده المكان النضيف..وملك حكت ليها إزاي لقت ملك"

نور: طب وانتي عرفتي منين أن كنز هنا.

حور: انا كنت معديه من الشارع علشان المفروض اني هشتغل في ڤيلا جمبكم..شوفت كنز بتبص من بلكونه.. الأول مكنتش مصدقه أنها عايشه بس اما لقتها بتنده عليا دخلت الڤيلا.

ملك: انا شايفه انك بتتكلمي عربي كويس يعني كنتي موجوده في نيويورك لايه..

حور: بابا وماما ماتو من كام سنه وسافرت لعمي بس هو مش غني يعني فقررت اشتغل علشان اصرف على نفسي.

ملك: طيب انتي هتعيشي معانا.

نور: اكيد.

حور: لا طبعاً مش هينفع.

: لايه بس ده المكان كبير ويساع من القمرات الف.

حور: مش هينف....اعااا انت مين؟؟

عمر: انا خدامك عمر..صاحب جاسر ومعايا عربيه سقف مفتوح لونها احمر وشقه في الزمالك هتيجي معايا امته ( بيغمز ليها).

"حور ضربته بالقلم"

عمر: هو ده قلم حقيقي!!!

حور: انت مش محترم.

عمر: الله يخليكي والله..ناس كتير بتقولي كده.

حور: اوووف..عن أذنكم.

كنز ببكاء: انتي هتسبيني يا حوول.

حور: انا هشتغل جمبك..وهبقي اجي اطمن عليكي يا روحي.

جاسم: حور انتي هتقعدي هنا واعتبري نفسك رجعتي الناني بتاعت كنز.

حور: بس..

كنز: والنبي يا حول.

عمر: اه والنبي يا حور.

   " نور ضحكت علي عمر وطلعت مع البنات علشان تغير"

....  

    " ادم فاق لقي نفسه نايم على سرير بس مش في مستشفى"

ادم: انا فين.

ريناد: احنا علي طياره مجهزه ليك علشان نسافر نيويورك.

ادم بغضب: انتي ازاي تعملي كده انتي اتجننتي.

ريناد: يا حبيبي انت اول ما شفت جثه كنز دخلت في غيبوبة أو زي ما تقول عقلك رفض الواقع.. عاصم قام بالواجب ودفن كنز وانت لازم ترجع علشان الشغل.

ادم: شغل انتي مش طبيعيه..انتي واحده زباله.

ريناد ببرود: عارفه.. أهدي بقي علشان متتعبش.

... 

ملك: انا فرحانه اوي يا بنات أن الڤيلا اتملت كده.

نور: هو انتي عندك كام سنه يا حور.

حور: انا عندي19..وانتو عرفوني بنفسكم.

نور: انا اسمي نور18سنه وكمان كام شهر هتم 19..وانا مرات جاسم.

ملك: انا اسمي ملك عندي 17 وكمان 4 شهور هتم 18 وان شاء الله الشهر الجاي هنزل أنا ونور الجامعة مع بعض.

حور: انا مبسوطه اني اتعرفت عليكو.

كنز: جاسم عايزكو في السطح بسرعه.

حور: كلنا؟؟.

عمر: يلا يا ملك انا ظبط السطح علشان الماتش النهارده وكلنا لابسين تيشرت الاهلي .. حور انتي اهلويه.

حور: طبعا.

عمر: طيب خدو البسو 2 تيشرت للاهلي و واحد زمالك.

نور: لمين الزمالك؟؟.

عمر: هتقولي انتي ولا اقول انا..

ملك: نينينيني...انا زملكاويه.

الكل: هههههههه..

ملك: ده انتو عيال بارده اوي والله.

كنز: بابي بيقولك البسي بسرعه يا بليله.

ملك: ايه..هي وصلت لكده!!!.

   " جرس الباب رن كلهم نزلو يشوفو مين وكان ظابط"

الظابط: استاذ جاسم انا جي اخد المدام نور وحضرتك اكيد عارف لايه..بس المره دي هاخدها بالقوه.

جاسم بعضب: ***,

يتبع.....

لقراءة الفصل الحادي والعشرون : اضغط هنا

لقراءة باقي حلقات الرواية : اضغط هنا