رواية حب الطفولة الفصل العشرون 20 والاخير بقلم رنا محمد

يار بإختناق وهي علي وشك العياط : مش دلوقتي يا محمد بعدين علشان انا تعبانه وعاوزه انام

"وسابته ومشيت خطوتيو "

محمد في نفسه:1...2...3 بصوت عالي : بحبك يا يارا

يارا وقفت مكانها مصدومه :هاااا

محمد :بحبك

يارا : اه انت بتجرب اللي هتعمله مع اللي بتحبها يعني تمام انت ينفع يجي منك يعني

محمد : لا ده انتي غبيه غباء خارق هو انتي مخدتيش بالك من الاسم ولا ايه

يارا بمرح وبعض من الخجل : اخدت بالي بس بستهبل

محمد بضحكه خفيفه : طب ايه

يارا : وانا كمان بحبك

محمد وهو مش مصدق : يااااااه اخيرا نطقتيها انتي مش متخيله انا بقالي كام سنه نفسي اسمع الكلمه دي

"يارا واقفه بتضحك بس "

عند روان كانت قاعده بتلعب في التليفون وفجأه تليفونها رن

روان : الو ...نعم

يوسف : نعم الله عليكي يا قلبي

روان : عاوز ايه انت مش زعقتلي وارتاحت

يوسف : وانا اقدر ازعلك بردو ينفع ازعل زوجتي وقره عيني وام عيالي

روان بإبتسامه: زوجتك !! مين قالك اني موافقه اصلا

يوسف بغضب : وحياااات امك

روان : يووووسف لم لسانك

يوسف : ما انتي اللي بتقولي كلام ينرفز اهه

روان ببراءه : انا

يوسف : لا انا

روان : طب انت عاوز ايه دلوقتي يعني متصل ليه

يوسف : اصل انا كتب كتابي اخر الاسبوع وبعزمك

روان : نعععععععممممم!!!ودي مين سعيده الحظ

يوسف: واحده اول ماشوفتها خطفتني وخطفت قلبي واتعلق بيها

روان : ربنا يوفقك

يوسف : ياارب مش عاوزه تعرفي هي مين ولا اسمها ايه

روان : اه اسمها ايه

يوسف بإبتسامه حب : روان

روان بضحكه خافته : اهااا وانا اعرفها بقا

يوسف : عز المعرفه ...بحبك يا مغلباني

روان بكسوف : وانا كمان

يوسف: انا جاي لمامتك حالا

روان : دلوقتي

يوسف : خير البر عاجله يا روني

عند يارا كانت اوضتها وبتكلم سليم

يارا : اهلا بالناس اللي معدتش بتسأل ولا تتكلم خالص

سليم: حبيبتي والله كنت لسه هكلمك وحشاني عامله ايه يا يوكا

يارا : الحمد لله تمام جدا وانت عامل ايه

سليم :كويس الحمد لله ..يارب ديما

يارا : ليا وليك يارب

سليم : ياارب ...محمد عامل ايه

يارا : كويس اسكت مش نطق

سليم : لاا ابو الهول نكق احكيلي ايه الي حصل بسرعه

" يارا حكت له كل حاجه حصلت معاها هي و محمد

سليم : ياااه اخيرااا وروان عامله اية هي كمان

يارا :تصدق معرفش عنها حاجه البت دي من ساعه مارجعت من الخطف

سليم : هو انتي ليه محسساني انك كنتي في رحله ايه ده غوري يا به

يارا : مش عارفه والله...اقفل هكلم روان واجيلك تاني

سليم:ماشي تمام باااي

"قفلت معاه وكلمت روان "

يارا: بيقولك مره واحده عره مش بتتصل علي صاحبتها اللي كانت مخطوفه

روان : روحااااااي والله كنت لسه هكلمك بس يوسف قطع عليكي وكان بيصالحني

يارا : وه يصالحك

روان : اه شوفتي لحق يزعلني ابن التييييت

يارا : لما اشوفه بس

روان : اسكتي لجاي يكلم ماما علشان عاوز كتب الكتاب اخر الاسبوع

يارا : دلوقتي ده اتهبل خالص

روان : خير البر عاجله يا اوختشي

يارا : اسكتي مش ابو الهول نطق

روان بغباء :ايه ده محدش قالي ليه

يارا : بت بت ركزي معايا كده وبلاش غباء يوسف ده يطلع عليا

روان : اه قصدك علي محمد يعني ازااااي احكييييلييييي

"يارا حكتلها علي خطفها واللي حصل مع محمد وكل حاجه"

روان : اخيراااا يادي الفرحه

يارا : اه شوفتي ...يلا تصبحي علي خير

روان : وانتي من اهل الخير

"قفلت يارا مع روان وخدت صوره لباباها ومامتها "

يارا : شوفت يا بابا انت وماما شوفتوا محمد طلع بيحبني زي ما بحبه واخيرا اعترف بعد ماكنت فقدت الامل انه لسه بيحبني بجد انا كان نفسي تكونوا معايا دلوقتي وحشتوووني اوي "ونامت مكانها من كتر التعب "

"عدي يومين من غير اي أحداث تذكر غير "

محمد ويارا :محمد قال لوالده ووالدته وحدد معاد الفرح وكتب الكتاب

ويوسف وروان : يوسف كلم والده روان واتفق ان الفرح وكتب الكتاب اخر الاسبوع مع يارا ومحمد

(عند يارا وروان في المول )

يارا : انتي متخيله ان امنيه حياتنا بتتحقق دلوقتي

روان :انا مش مصدقه اننا هنتجوز في يوم واحد لا ومن اتنين صحاب كمان الله

يارا : انتي متخيله ان الحيطه اللي بحبه نكق

روان : متقوليش كده ده محمد عسل

يارا : ما هو عسل وكل حاجه بس حيطه

محمد من وراها : والله مش عارف اقولك ايه انا حيطه يا يارا

يارا بتهتهه:محمد ..اا..انت هنا ليه قصدي ازاي ...قصدي بتعمل ايه هنا

محمد : اهدي وجمعي كده ..عموما انا هنا علشان اشتري بدله الفرح اللي المفروض بعد يومين

يارا : طب روح انت بقا علشان احنا هنجيب الفساتين

محمد : مش عاوزه مساعده

يارا : لا شكرا

محمد بمشاكسه : فكري

يارا : محمد قولت لا هنروح لوحدنا يلا يا روان

روان بضحك عليهم : يلا بينا

"وكل اتنين راحوا يختاروا الفساتين والبدل والحاجه اللي نقصاهم وروحوا "

(في البيت عند يارا ومحمد)

محمد : انا عاوز اشوف الفستان اوووي

يارا : لا طبعا وكمان مانا كمان نفسي اشوف البدله بس مستنيه معدش غير بكره وبعده وكمان في ناس بتقول انه فال وحش

محمد بضحك:انتي بتصدقي الكلام الاهبل ده خشي نامي علشان انتي النوم مأثر عليكي خشي نامي يا رت

يارا : تسلم يا رجوله انا هخش اكلم سليم هو اللي بيستحملني

محمد بغيره : علي الله علي الله يا يارا تكلميه هو انا مش قولت مفيش زفت

يارا بدفاع عن سليم : هو انت ليه بتكرهه كده مانا قولتلك انه اخويا بالظبط وكمان انت مش هتحبه ابدا كده

محمد : وليكن انتي ليه مش مقدره اني بغير عليكي

يارا : والله مقدره ده بس سليم غير سليم اخويا بمعني الكلمهة

محمد برضا : ماشي يا يارا

يارا : انت زعلان

محمد : لا بس انا هقدر انا اخوكي وهعديها

يارا : خد فلبي يا ولا

محمد : معايا يا قلب الولا

يارا : طب تدخل بقا علشان اكلم سليم

محمد : ماشي بس متتأخريش معاه في الكلام

يارا : حاضر

"ودخلت اوضتها وكلمت سليم "

يارا : انت يا إبني انت مش بتكلمني ليهة

سليم : والله يا يوكا وحشاني بس انتي عارفه اني باتقل كل شغلي من لندن لهنا علشان مش هسافر تاني

يارا : بجد ..الله ايه الخبر الجميل ده صحيح انت اشتريت البدله ولا لسه

سليم : اشتريتها طبعا عيب عليكي

يارا : يا اختي حلوه عقبال ما اشوفك عريس ياارب

سليم : ياارب ..الا صحيح انتي متعرفيش ملك هتيجي الفرح ولا لا

يارا : ملك مين ....اااه المعصعصه اكيد جايه بس انت بتسأل ليه

سليم : اصل بصراحه كده من غير كدب انا معجب بيها

يارا : اي ده هو انا دعوتي لحقت تستجاب دانا بركه بقاا

سليم بضحك : اووووومال

يارا : طب روح بقا علشان انا عاوزه اناااام

سليم : ماشي تصبحي علي خير يا اختي

يارا : وانت من اهل الخير يا اخويا

قفلت معاه ولسه هتنام لقت تليفونها رن

يارا : ايه انا مش كنت لسه معاك من شويه

محمد : كنت بشوفك خلصتي ولا لسه مع سليم

يارا : يا ابني بقا يا ابني بقا ارحمي والله كلمته مش كتير

محمد : عااارف كنتوا بتقولوا ايه بقا

يارا : كان بيسأل عن ملك

محمد : ملك مين ملك صحبتي

يارا بغيره : نينينينيني اسمها المعصعصه مش ملك صحبتك

محمد بضحك : اهااا ماشي المهم بيسأل عليها ليه بقا

يارا : معجب بيها

محمد : يا جدع ملك وسليم لا بس ده مشفهاش غير مره واحده

يارا :عادي جدا عندك يوسف وروان من اول مره وحبوا بعض

محمد : صحيح هسألك سؤال

يارا : اكيد قول

محمد : انتي عرفتي سليم ازاي

يارا : مش قولتلك انه الدكتور اللي كان بيعالجني لما كان عندي اكتئاب

محمد : وانتي ايه دخلك في اكتئاب

يارا : حضرتك

محمد : وه .انا ازااي

يارا :وقت ما كنت خاطب كانت اخبارك بتوصلي بس انا كنت بتخيل انك بتحبها ونسيت كل اللي قولته ليه واحنا صغيرين وانكوا عايشين حياه حلوه وكده والمشكله بقا اني كنت بصدق اللي كنت بتخيله ده وكل حاجه كنت بأخدها علي اعصابي بسبب الخطوبه دي كنت ديما بقول انك خذلتني وكسرت قلبي ومش هثق فيك تاني بس اول ما رجعت قلبي الخاين المهزأ ده وثق فيك

محمد : يااه يعني مش انا لواحدي اللي كان قلبي واجعني مش انا لواحدي اللي كنت بتعذب ..الحمد لله اننا اتجمعنا في الاخر

يارا : الحمد لله ...تصبح على خير بقاا

محمد : وانتي من اهله

يارا جات تقفل محمد قالها : يارا

يارا : نعم

محمد : بحبك

يارا بخجل:موووور "وقفلت "

"عدي اليومين اللي كانوا فاضلين ع الفرح وجه يوم الفرح وكتب الكتاب "

(عند البنات في الكوافير )

يارا بتوتر : انا خايفه جدا

روان : والنبي بلاش توتر مش ناقصه هي

(عند محمد وسليم ويوسف )

محمد :احنا هنروح امتي ناخدهم

يوسف : مش عارف اسأل سليم

سليم : كمان نص ساعه كده

محمد : طب ما يلا بينا دلوقتي

سليم : يا عم اهدي بقا انت وترتني

محمد : انا دانا غلبان

سليم ويوسف في نفس واحد : خااااالص

محمد : ايه يا شباب مش كده اومال

عدت النص ساعه وراحوا للبنات في البيوتي سنتر شويه وظهرت يارا بفستانها الابيض وطرحتها اللي عملتها مفاجأه لمحمد وقررت تتحجب يوم الفرح

محمد : ماشاء الله حوريه فعلا ايه القمر ده اللهم بارك

يارا بخجل ممزوج بإبتسامه : تسلملي يارب

اما عند روان شويه وظهرت بفستانها الذي لا يقل جمالا عن عن يارا وحجابها اللي مزينها ومزودها جمال فوق جمالها

يوسف : ماشاء الله انتي جايه من الارض ولا جايه من السما فعلا قمر اللهم بارك

روان : وانت كمان جميل اوي في البدله ماشاء الله

ركبوا كلهم العربيات وراحوا للقاعه وعملوا مراسم دخول القاعه

"بارك الله لكما وبارك عليكما وجمع بينكمافى خير "

بعد انتهاء هذه الجمله انطلق كل واحد لمراته واخدها في حضنه

(يارا ومحمد )

محمد : الف مبروح يا حوريتي بقيتي مراتي الحمد لله انا مش مصدق ان اليوم ده جه فعلا انا حاسس اني باحلم

يارا بمرح : مبروك عليك انا يا قلب حوريتك

(يوسف وروان )

يوسف : الف مبروك علينا يا قلبي اخيرا بقيتي علي اسمي

روان : الحمد لله يا قلبي

" اتجه كل منهم الي مكانه وعدي وقت كبير بين فرحه الجميع وفي اخر رقصه سلو للعرايس شغلوا اغنيه "نشيد العاشقين " ورقصوا وكل كابلز طلع ورقص معاهم وسليم اللي اعترف لملك بحبه وطلعت بتبادله نفس شعوره وخلص الفرح وكل واحد روح بيته "

(بعد 4سنوات )

يارا وهي بتجري ورا طفلتها : يا رنا تعالي هنا بقا يا رنا تعبتيني معاكي لما ييجي بابي هقوله عليكي

محمد من وراها : ليه كده يا رونا بتتعبي مامي ليه خلاص انا زعلان منك

رنا ذات ال 3اعوام : لا خلاث مث تزعل انا هاتل (لا خلاص مش تزعل انا هاكل )

محمد : يلا علشان احبك ومش ازعل منك واجيبلك العروسه اللي انتي عوزاها

رنا : هيييييه حبيبي يا بابي

ويارا تتابعهم بحب وابتسامه

اما عند روان ويوسف وطفلهم ذو ال 3سنوات والنصف تقريبا

زين : بابي احنا هنروح عند رنا امتي

يوسف : لو اكلت الطبق ده كله هنروح وحالا كمان

زين بدأ ياكل في الطبق اللي قدامه بسرعه

روان : كل ده علشان تروح لرنا ماشي يا زينو

جاء المساء واتجمع الجميع يوسف وروان وابنهم ويارا ومحمد وطفلتهم وسليم وملك الحامل في شهرها السابع في جو الحب والحنان الدفء الاسري

" العائله هي عالم من الدفء والحب وحضن واسع يمتلأ بالصخب والابتسامات و الضحكات وبين افرادها الكلمات والاسرار والدموع فالعائله هي اغلي ما يملكه الانسان "

تمت بحمد الله