رواية الشايب الفصل الاول 1 بقلم يارا غزلان

اتنهدت وقلعت نضارتي ورجعت بصيت علي القصر تااني مش زي ماكاان في بالي خالص ولا زي ما كان بابا بيحكي عنو دايماا..

بابا قال انو قصر كبييير وجميل وسيمبل وشكلو مريح جداا يدل علي العز والدفا والحنان

بس الي قداامي قصر الترااب أكل ملامحو...الشقوق ماشيه فيه كخط سير السلالم مكسره والوسخ ماليهاا

شديت شنطتي وقربت شويه منو لقيت البوابه الضخمه بتاعتو الصدأ ظاهر بوضوح عليهاا للحظه ترددت ادخل ليكون مسكون بس انا شجااعه الي حد ماا..

دخلت وكنت بحرك راسي اشوف كل جزء من مدخل القصر يمكن الاقي جزء من الاسااطير الي بابا كان بيحكي عنها

وقفت قداام باب القصر فضلت التفت يمين وشمال هماا الحرس بتوع القصر فين وازاي يسيبو القصر كداا ويمشو افرض حد غريب دخل

وقفت 5 دقايق وبعدهاا زهقت انا هدخل وبعدهاا اعاقبهم جداا علي اهمالهم داا

دخلت شوفت صاله كبيره اووي وواسعه بس كانت قديمه اووي عفشهاا قديم والسجاد قديم وفي خيوط عنكبوت في كل مكان رجعت لبراا ووقفت قدام القصر اتأكد ان هو دا نفس العنوان الي بابا كان كتبهولي بس ااه هو امال في اي بقاا دخلت تاني وفضلت ابص في كل حته لحد ماعيني جت علي صوره كبيره في نص القصر كاان واقف فيهاا راجل كبير وباين عليه عندو هيبه وشخصيتو قويه لابس بدله سمراا وواقف علي يمينو شابين وعلي شمالو شابين

اكيد داا عمي رأفت ودول عيالو الاربعه كان اسمهم اي..؟

مش فااكره

‏

_ انتي مين

اتخضيت وبصيت للصوت لقيت راجل عجوز قاعد علي كرسي متحرك وباصصلي بنظره حاده ومليانه كره

_ انتي مين ودخلتي هناا ازااي

بلعت ريقي وقولت اناا شمس ودخلت من الباب داا

_ بص علي الباب ورجع تاني بصلي بنفس النظره عااوزه اي

قربت منو وقولت عمي انا شمس بنت خالد اخووك

ملامحو اتبدلت وبصلي بقرف وكره وحقد وقاال انا مليش اخوات صبياان حتي مليش اخوات بنات انا معنديش اخواات

شمس: عمي اهدي والله انا بنت اخوك مش حضرتك عمي رفعت بردو

رفعت: اخرجي بره ومتجيش هناا تاني جاايه ليه هاا جايه تقتليني وتاخدي ثروتي والقصر بتاعي

شمس: لا والله وهاخد حاجتك ليه انا جايه علشان داا كان طلب بابا اننا نلم شمل العيله

رفعت: قولتلك اخرجي براا واياااكي ترجعي تاني بلا عيله بلا بتاع

سابني ولف بالكرسي بتاعو دخل الاسانسير ومعرفش راح فين هو اي اللي بلا عيله بلا بتااع اي الرااجل داا هو دا الي بابا كان بيحكيلي عنوو دول اكيد بدلوه بواحد تاني ثم فين الحرس الي هنااا وفين الشغاالين انتو ياالي هنااا

لفيت في القصر كلو من تحت ملقتش حد هما رااحو فين طب يكونو في الدور التاني بس هيعملو اي فوق ازاي كل واحد سايب شغلو كداا مفيش نظام خاالص انا هستناهم هناا واتصرف معااهم لما يظهرو

قربت علي كنبه في الصاله ونفضتها من الترااب وقعدت عليهاا فضلت مستنيه حد يظهر بس نمت مكااني

صحيت بعد 3 ساعات هموت من الجووع اي القصر الي محدش بيسئل في الناايم داا 3 ساعات محدش صحاني قالي احضرلك الاكل او اعملك قهوه مفيش نظر خاالص دخلت علي المطبخ بس كان فااضي وزي ماشوفتو الصبح ضغطت علي زرار الكهرباا بس مفيش نور تقريبا اللمبه محروقه فتحت التلاجه الي موجوده بس لقيتها فااضيه خالص وريحتهاا وحشه اوي من الركنه والفيشه علي الارض انا واثقه ان القصر دا مسكون والراجل الي فوق داا مش عمي داا روح ااه اكيد روح شريره هاهاهاهاا

اي اللي انا بقولو داا

قررت اطلع فوق ماهو لازم اعرف هو الراجل دا مأكلش ولا عايش ع الهواا بس دا ولا اي

ركبت الاساانسير تقريبا دا الحاجه الوحيده الي شغااله في القصر وطلعت الدور التاني الدور كان واسع اووي ومليان اوض كتير اووي كلهم الابواب بتاعتهم مفتووحه وهلكاانه والتراب ماليهم اوضه واحده بس الي بابها مقفول روحت عليهاا اكيد دي بتاعت عمي قربت منها وخبطت كذا خبطه

سمعت صوتو بيقول مين

اناا شمس ياعموو ادخل

ثواني والباب اتفتح انتي لسه هنا بتعملي اي مش قولت اطلعي براا

شمس: هو انا مضايقااك لي بس مش انا بنت اخوك دا انا فكرت هتاخدني في حضنك

رفعت: انتي جاايه تاخدي كل حاجه مني بس انا مش هسمحلك

شمس: طب اهدي طيب شووف ليك عندي مش هجبلك اي اوراق توقع عليهم خاالص تمام كداا مش هعرف اخد لا بيتك ولا ثروتك بص اعتبرني زي الكنبه الي تحت دي

رفعت بيبصلها بإستغراب انتي عااوزه اي

شمس بإبتساامه عاوزاك تحبني

رفعت: والمقاابل

شمس: والله ماعاوزه مقابل دا انا جايه من الامارات علشان خاطرك والله علشان اعيش معاك دي كانت وصيه بابا

رفعت: وصيه

شمس: ايواا بابا تعيش انت توفي من سنه ونص

رفعت بيحس بضيق ف بيقول انتي مالكيش حد

شمس: من بعد بابا مليش وهو قبل مايموت قالي متفضليش لوحدك هنا ارجعي لعمك وعيشي وسط عيلتك

رفعت بسخريه: هه وشايفه العيله الكريمه الي انا قااعد في وسطهااا دي

شمس: طيب ابدأ جمعهم

رفعت: مفيش حد هيجي كل واحد اخد حقو وادااني ضهرو

شمس: طيب كنت واحد بس بقيناا اتنين اهو وايدي وايدك بقوو عشرين صابع

رفعت: اييه

شمس بضحك متااخدش في بالك قولي هو انت مش جعان

رفعت بزهق لا

شمس: طيب انا هموت من الجوع هو فين الشغالين الي هناا

رفعت: مفيش حد شغال هناا مفيش غيري في القصر

شمس: والله مفيش غيرك خاالص

رفعت: ااه

شمس: طيب وبتاكل ازااي وعايش ازاي

بتظهر دمعه في عين رفعت بيخفيها بسرعه و يقول لياا واحد صاحبي بيجبلي اكل بالاسبوع

شمس: بتفضل تاكل في اكل اسبوع كاامل

رفعت: ااه مش احسن ما اموت من الجوع

شمس: طيب الاقي عندك اكل علشان هموت من الجوع والله

رفعت خشي بس يكون في علمك انا معنديش اي ثقه فيكي ومش شايلك ذره حب واحده في قلبي

شمس بإبتساامه مش مهم المهم انك تقبلتني في بيتك وسيب الحب داا علياا

دخلت الاوضه بسرعه لقيت صنيه علي الترابيزه قربت منهاا وكشفت الاكل بس بصيت بإستغراب وقولت هو الرز داا من امتاا

رفعت: من 3 اياام

شمس: هاااا داا اكيد حمض داا لزق خالص

شميت اللحمه إففف دي عفنت والطبيخ كمان حمضاان هو انت أكلت من الاكل داا

رفعت: ااه ومحصليش حاجه

شمس: ازاي

رفعت: هو مش حمضان اووي بس تقدري تقولي خدت علي كداا ولو علي وجع البطن الي بيجيلي بليل ف خدت عليه بردو

شمس بتضايق علي وضع عمهاا ف بتقول

بقوولك اي انت اخر مره أكلت فراخ مشويه وكفته كانت امتاا

رفعت: بتنهيده من 3 سنين و4 شهور

شمس: اممم طب هأكلهاالك النهارده قولي فين اول مطعم قريب من هناا

رفعت وصفلها الطريق ونزلت ركبت عربيتهاا وخرجت وصلت علي المطعم طلبت اكل وقعدت تستنااه

رجعت لقت عمهاا قاعد وشنطه هدومهاا قدامو وبيقلب فيهاا

شمس عملت نفسهاا مأخدتش بالهاا ف رجعت للعربيه وركبت وزمرت قبل ماتنزل منهاا وطلعت ببطئ ودخلت لقتو قاعد نفس قعدتو والشنطه قداامو وباصصلهاا

شمس استغربت وقاالت الاكل وصللل

رفعت: انا قولتلك اني معنديش ثقه فيكي وعلشان كداا كنت بدور في شنطتك يمكن الاقي حاجه فيهاا ولما زمرتي عرفت انك شوفتيني وانا مش بقلب في السر ومكنتش هقوم اقفلها واجري

شمس: ولقيت حااجه

رفعت: لا بس هفضل ادور لحد ما أثق فيكي

شمس بإبتساامه وانا معنديش مشكله المهم الاكل هيبرد هدخل المطبخ احضر صنيه واجي جبت شويه حجات كداا فطاار لبكره وشويه تساالي

أكلناا سواا وكنت مبسوطه اني قاعده مع عمي حد من ريحه ابوياا صحيح علاقتناا مش الي هي بس مش مشكله مع الوقت هناخد علي بعض

وراني اوضه وقالي انها كانت لبابا نضفتهاا ونمت فيهاا

الصبح

جهزت الفطار وخبطت علي عمي وفطرناا سواا وقررت انضف القصر داا ف طول عمري بحب النظام والنضاافه وطالما داا البيت الي بابا اتربي فيه فهو غالي علياا اووي

بدأت ب اوضه اوضه الموضوع كان صعب والقصر كبير اووي ف سئلت عمي مين الي كانو بينضفو القصر واداني ارقامهم وكلمتهم وفي اللي جه وفي اللي قالي انو بطل شغل واداني ارقام ناس تانيه وجالي 3 بنات ونضفنا الدور التاني كلوو سواا صحيح تعبناا اووي بس كل ماكانت الاوض بتنضف كنت بفرح اكتر علشان اشوف جمال القصر الي مستخبي تحت الترااب

خلصنا القصر كلوو من جواا الساعه 12 بليل وركبنا لمض غير المحروقه وصلحنا التلاجه والفريزر والبوتوجاز طلبت من البنات يجولي تاني يوم نكمل بس رفضوو انا عارفه ان اليوم كان تقيل اووي حاسبتهم ومشيوو وطلعت اوضتي اتقتلت نوم

تاني يوم

فطرنا وقررت اخرج جونينه القصر وانضفهاا بنفسي بس كانت كبيره اووي ف كلمت الي جولي امبارح لو يعرفو حد يبعتهولي وفعلا جاالي راجلين نضفو الجونينه كلهاا وشالو الشجر البايظ وزرعو شجر غيرو وورد وكداا القصر والجونينه بيلمعوو

ركبت عربيتي ونزلت اشتريت طلبات علشان أملي التلاجه والفريزر وفااكهه كمان

كنت مبسوطه اوي بشكل القصر وفي فرق بين دلوقتي واول مادخلتو

اتواصلت مع بنت تيجي تطبخ دايماا وتروق القصر وقولتلها اني هساعدها في التنضيف وبعد ما الاقي شغل هناا هجبلها كمان واحده تساعدهاا وهجيب واحد يخلي بالو من الزرع ونرجع الرووح للقصر من تااني

رفعت: خودي دول

شمس: اي دول

رفعت: فلوس مكان الي صرفتيهاا الفتره دي

شمس: بس انا مش عااوزه فلوس انا عملت كداا من نفسي انت مطلبتش كدا مني

رفعت: وانتي مش مجبوره تشتري حاجه او تجيبي ناس تروق وتديهم فلوس كتير داا حقك

شمس: بس انا مش هاخد فلوس لما احتاج هبقا اقولك يالا عن اذنك هنزل اشوف شغل كداا ادعيليي

رفعت: مشيت وفضلت باصص لخيالها لحد ما خرجت البنت دي جدعه طلعتلي منين دي ولغبطت كل حاجه حوالياا بصيت علي القصر وابتسمت ياااه بقالي زمن مشوفتش القصر بالجمال داا

شمس فضلت تلف وتدور علي شغل مناسب ليهاا وكانت بتاخد اي اعلان تلاقيه بس مقدرتش تلاقي شغل اليوم داا ف رجعت القصر تاني

اتجمعو هي وعمهااا علي الاكل وسئلها عملت اي برغم انها ملقتش شغل بس كانت بتضحك وتهزر ومعندهاش يأس

شمس: عمو هما الي في الصوره دول عيالك

رفعت: ااه

شمس: طيب هما فين

رفعت: في الحيااه

شمس: يعني اي

رفعت: يعني كل واحد في وادي الي هناك داا سالم ابني الكبير عايش في كنداا بقالو 7 سنين ومعرفش شكل مراتو ولا عياالو ومكلمتوش من 5 سنين غير رقمو ومبقتش عارف عنو حاجه

وداا رحيم ابني التاني في روسياا بقالو 8 سنين وبردو معرفش عنو حااجه

والتالت داا سامح في فرنساا بقالو 5 سنين

والراابع دا شهاب في أمريكاا بقالو 6 سنين

كل دول معرفش اتجوزو ولا خلفو ولا ماتو ولا مسجونين ولا بيعملو اي معرفش عنهم حاجه خاالص

شمس: معقول ازااي دا محدش فيهم بيسئل خالص

رفعت: مفيش كلهم غيرو ارقاامهم وانا رقمي زي ماهو محدش فكر يكلمني

شمس: معلش اكيد مشغولين

رفعت بسخريه انا اخدت علي كداا ومبقتش ازعل كملي أكلك

شمس اخيراا لقت شغل في شركه اتصالات

بعد يومين كنت في اوضه عمي وافتكرت ان بابا قالي احلي اوضه في القصر هي اوضه عمك رفعت هو اللي اختارهاا وكلنا كان نفسنا نعيش فيهاا بس هو رفض يديها لحد وقال كمان ان دي الاوضه الوحيده الي علي البسين وبتبين الجونينه خرجت البلكونه علشاان اشوف المنظر الي راسمااه في خياالي

بس هو فين البسين انا شايفه حوض مصدي فين الماايه الزرقاا فين المنظر الراائع نزلت وروحت عند الحوض داا وانا هتجنن فين البسيين الي بابا قال عليه

رفعت: طلعت اشوف شمس ملقتهاش في اوضتي خرجت البلكونه لقيتهاا واقفه جواا حوض البسين وبتغسلو بالسلكه والصابون

رفعت: انتي بتعمليي اي

شمس: بغسلوو علشان املاه عاوزه اصيف يااعمي

رفعت بضحكه وصوت هادي جيتي وغيرتي كل حاجه وشقلبتيهاا ياا شمس

بليل كنت قاعد انا وهي والبسين ملياان والانوار الي فيه شغاله وبقا شكلو روعه

شمس: تعرف يااعمي القصر داا حلو اووي التراب كان مداري حلاوتو

رفعت: معاكي حق

شمس: اي رائيك لو نبعت ايميل ل أولادك ونكلم عمااتي ونتجمع هناا كلناا من تاني

رفعت: محدش هيجي ياشمس سيبك

شمس: طيب نجرب بالله عليك علشااني نفسي اتجمع وسط اهلي كفايه طول عمري متغربه عاوزه اتعرف عليهم كلهم

رفعت بصلهاا وحس بالذنب بس نفض الذكري الي كانت هتيجي في خياالو

قوليلي ياشمس هو ابوكي حكالك اي عننا

شمس: كل خير كان بيحبكوو اووي

رفعت: عاوز اعرف حكالك اي

شمس: حكالي انكم طول الوقت كنتو سوا كتف في كتف وضهر واحد كنتو مثاال للإخوات كنتو رجاله بمعني الكلمه وضهر لإخواتكم البنات صحيح انت الكبير بس كنت بتعامل بابا بسنو وكنت أب ليه

عيون رفعت بتدمع وبيقولهاا كملي

شمس: وقالي ان الشركه كنتو شايلنهاا سواا وبتشتغلو مع بعض قالي ان الكل كان بيتمني اخ زيكو كداا لحد ما بابا اتجوز وجاابني وماما مااتت

بس قصتي نااقصه ليه بابا اتغرب وبعد عن مصر ليه اخدني ومشينا من هناا دي الحاجه الوحيده الي بابا مقاليش عنهاا

رفعت بيمسح دموعو...وهو ليه مقالكيش

شمس: قالي لو احتاجت اقولك هقولك لو محتاجتش يبقا خلاص مش لازم تعرفي

رفعت: طيب

شمس: مش هتقوولي طيب

رفعت: لو احتاجت اقولك هقولك

شمس بتضحك وتقول تماام

المهم انا هعزم الكل علي حفله هناا وواثقه ان الكل هيجي

بس عاوزاك تقولي اساامي عيالك تاني علشان ادور عليهم علي الفيس بوك

رفعت: وهتعرفي توصليلهم يعني

شمس: ااه طبعا لو لقيت الاكونت هبعتلهم رساله والتواصل هيبقا سهل

رفعت: بجد

شمس: طبعاا وكمان ممكن تكلمهم فيديو تشوفهم ويشفووك

رفعت: وهما هناك

شمس: ايواا طيب الاول هدور عليهم وبعدهاا نكلمهم فتحت اللاب توب بتاعي

رفعت بحماس طب اكتبي سالم رفعت

شمس: كتبت ساالم رفعت بالانجليزي وفضلت تدور وتوريه الصور الي جاتلها بس ملقتوش

شمس: طيب استني هجرب كداا اسم عيلتناا

رفعت: طاحون

شمس: ااه كتبت ساالم طاحون بالانجليزي وفضلت تدور

رفعت: اهووو اهوو هو دااا

شمس: بفرحه تمام اووي دخلت علي صفحتو وفضلت تقلب وتوري عمها صور ابنو وصور احفادو ومرات ابنوو وكان عندو 3 أولاد

ورفعت كان فرحان اوي انو اخيرا شافهم

دورت علي التاني وكان رحيم

ولقتو بإسم رحيم طاحون وبردو ورتو صوره ابنو واحفادو ومرات ابنوو وكان عندو بنتين وولد

والتالت سامح طاحون وكان متجوز وعندو ولدين

رفعت: الله انا عندي احفاد زي الورد ومعرفهمش

شمس: انا دوخت علي ابنك شهاب داا مش لاقيه الفيس بوك بتاعوو خاالص ف احنا نكتب لعيالك يتصلو عليه ويجيبوه معااهم

شمس: كانت هتكتب مسدچ بس قررت تفاجئ اولاد عمهاا وتبعتلهم فيديو لابوهم

بص يااعمي انا هصورك وانت تكلم عياالك ويشوفو الفيديو وانت بنفسك تعزمهم لهناا تمام

رفعت: يعني انا هكلمهم وهما هيسمعوني

شمس: ايواا لما يشوفو الرساله هيسمعو الفيديو

وفعلا شمس شغلت الكاميراا علي عمها وبدأت التشغيل

رفعت

السلام عليكم يا أولادي

يا أحلي حاجه في حياتي

وحشتوني اووي اووي ونفسي اشوفكم هونت عليكم كل السنين دي متكلمونيش بس انا عاذركم اكيد كنتو مشغولين ربنا معاكم ويوفقكم انا مش عاوز حاجه غير انكم تبقو مبسوطين انا شوفت عيالك يا سالم وشبهك اووي علفكرا زي القمر ربنا يحميهم

واولادك يا رحيم شبه الملاك البنات حلوين اووي شبه امهم والولد جميل شبهك

واولاد سامح فيهم ملامح مني واخدين شكل عيني علي فكره

وحشتووني اووي تعالو بقاا نفسي اشوفكم ونتلم سوا لو ليوم واحد

انا عامل حفله هناا وهستناكو تيجو كمان 10 ايام تكونو ظبطو حالكم انا مش عارف اوصل لشهاب ف حد فيكم يكلمو وخلوه يجي هستنااكم يانور عيني

شمس مسحت دموعهاا وبعتت الفيديو للتلاته وابتدت تجهز للحفله الي كمان 10 اياام وكلمت عماتهاا وعزمتهم

بعد يومين

رفعت: عيالي ردو يا شمس

شمس: لسه ياعمي

بعد يومين

ردو يا شمس

لسه ياعمي

بعد كام يوم

ردو

لسه

قبل الحفله بيوم

شمس: ردوو يااعمي

رفعت: بجد

شمس: ايواا وفرحانين اووي بيك وقالو ان هما كمان بيحبوك اووي

رفعت بفرحه: انا فرحاان اووي

شمس: احم وانا كمااان

وبصت في الارض بزعل انها كدبت علي عمهاا وان هما مردوش اصلا

يوم الحفله القصر متزين وشمس وعمهاا مستنين العيله

الساعه بقت 11 بليل

رفعت: مش هيجو

شمس: لا هيجووو استني بس شويه

الساعه 12.30

رفعت بدأ يحرك الكرسي بتاعوو وراح للأسانسير

شمس: دول بعتوو مسچ بيقولو ان حصل ظروف طارئه في شغلهم ومقدروش ينزلو

رفعت من غير ما يبصلهاا ربنا معااهم

شمس اتحرجت لتاني مره انهاا كدبت تاني وطلعت نامت

بعد اياام

شمس قربت من عمهاا جداا وبقو يهزرو كتير سواا وبيخرجو يتفسحو بالعربيه وبيسجلو فيديوهاات كتير مع بعض وعلمت عمها يستخدم اللاب توب ازااي وبقا يسجل فيديوهاات لوحدو ولما شمس ترجع من شغلهاا تلاقي عمها ماالي اللاب توب فيديوهات ليه وتقعد تضحك عليه وبيتصرف زي طفل صغير

ومكانتش بتيأس وبتفضل تبعت لعيالو مسدچاات علي أمل يشوفو رساايلهاا ويجو يشوفو ابوهم

شمس: عميي انا احتمال اتأخر شويه في الشغل تماام خلي بالك من نفسك

رفعت: تمام ياحبيبتي خلي بالك انتي من نفسك

شمس: ماشي ياحبيبي باستو من خدو وخرجت ركبت عربيتهاا ورااحت شغلهاا

في الشغل

ولاء: بقولك يا شمس احناا هنطلع النهارده اسكندريه بعد الشغل تيجي

شمس: الله بجد انا نفسي اروح اسكندريه اووي طب هتقعدو اد اي

ولاء: 3 ايام

شمس بتفكير طيب اسيب عمي واروح هينفع...بس هو كان قااعد لوحدو سنين وكمان في عم صبحي الجنايني ورشيده الشغاله يعني مش لوحدو

ولاء: هاا جايه

شمس: هكلم عمي كداا ثواني

ألو بقولك ياعمو هو انا ينفع اروح اسكندريه 3 ايام مع اصحابي

رفعت: روحي ياحبيبتي بس طمنيني عنك

شمس: حاضر ياحبيبي مع السلامه شكراا اووي

رفعت بيبتسم ويقفل معاهاا

وفعلا خلصو شغل ورااحو اسكندريه شمس وولاء وساره ورباب وأميره رااحو بعربيه شمس

شمس كانت بتكلم عمهاا كل يوم وتطمن عليه كل شويه وتتأكد انو أكل

رفعت: بشكرك انك معاياا ياشمس

شمس: داا واجبي ياعمي انا حقيقي مبسووطه معاك جداا واه اوع تملالي اللاب توب فيديوهات زي كل مره المسااحه بتصوت منك

رفعت بضحك هشتريلك غيرو يا بكااشه

شمس: فدااك ميت لاب توب ياغالي

رفعت: بحبك ياروح قلبي وبقاا عندي ثقه كاامله فيكي

شمس بتفرح اووي انها كسبت قلب عمهاا

اليوم التالت حصل شبوره جاامده ومعرفوش يرجعو ف اضطرو يفضلو كمان يوم والشبكه عندهم كاانت وحشه ومش عارفه تكلم حد من الصبح

بعد يوم شمس رجعت لقت زحمه في الطريق ف ركنت عربيتهاا في جراچ جمب القصر بشويه ونزلت لقت في ناس غريبه في القصر ولابسين بدل سمراا استغربت واستخبت في جمب وهي خايفه مين دوول

ولما ركزت في الناس الي خارجه من القصر ودااخله لقتهم أولاد عمهاا التلاته ومعااهم ناس غريبه كماان فرحت انهم اخيراا جم وكانت لسه هتدخل بس لقت ناس غريبه شاايله نعش وخارجه من القصر وقفت مصدومه ومش عارفه تتحرك من مكانهاا عميي..!!

شاافت نعش عمها خارج من قداامهاا نفس مشهد موت ابوهاا بيتكرر نفس النعش ماشي قدامهاا للمره التانيه فضلت واقفه بتعيط في جمب ومحدش حاسس بوجودهاا كان ولاد عمهاا ماشين وراا النعش وناس غريبه هي الي شاايله النعش قلبها كان بيتقطع علي قسوتهم انهم بعد الوقت داا كلو مهانش عليهم يشيلو جثت ابووهم

اتسحبت ودخلت القصر من غير ما حد يشوفهاا كان مراتات ولاد عمهاا قاعدين جواا ف طلعت علي اوضتها من غير ماحد يحس بيهااوفضلت تعيط انهاا مكانتش جمب عمهاا في اخر ايامو ومحضنتهوش قبل مايموت

فضلت تعيط لحد ماسمعت صوت تحت ف عرفت انهم خلصو دفنه وجم اتسحبت ووقفت في الطرقه وبصت عليهم كان ساالم بيتكلم في التليفون وبيقول مستنينك متتأخرش

كل واحد كان قاعد جمب مراتو في منهم الي بيهزر سواا وفي اللي بيتكلمو وبيبصو علي القصر وفي الي كان بيخطط لحااجه

استغربت معقول يكون داا شكل حد ابووهم لسه ميت مفيش قلب خاالص دا حتي مجابوش عيالهم معناها انهم هيمشو علطول مش هيقعدو هناا شويه...

المحامي وصل ودخل قعد معااهم

رحيم: بقولك اي افتح الوصيه علطول لان عندنا شغل كتير متعطل

المحامي: مش هتاخدو العزاا

سالم: لا احنا مستكفين خلص بس انت يالا

المحامي: بس رفعت بيه كان موصي يتعملو عزاا

سامح: الله يرحمو ماات وروحو طلعت خلاص العزا مش هينفعو افتح الوصيه ياالا هي مصااريف علي الفااضي

شمس: معقول دول ولاد عمي دا بيقول مصاريف علي الفااضي هو انت هتدفع من جيبك منكم لله

داا من نعم ربنا عليك يا عمي انو مجمعكش بولادك دول..

المحامي فتح الوصيه وقرأ الرساله

الي أولادي الاربعه تمنيت حضوركم لسؤالكم عني قبل وفااتي ولكن الدنياا لهتكم عن ابووكم ونسيتم بر الوالدين من بعد وفاه امكم وانتم لم تكلفو انفسكم لتطمئنو عني انا لا ألومكم علي تقصيركم ولكن اعاتبكم علي انشغاالكم عن والدكم ف والله لم أطلب الكثير فقط تمنيت رؤيتكم أهل هذه جريمه اني أري أعزائي...

محدش فيهم اتأثر او اتحرك منو شعراايه واحده

الا شمس الي منهااره في الدمووع

ساالم: هاا الميراث بيقول اي ..

شوف مهما كاان والدي كاتب ف انا واخوااتي هنقسم كل حاجه بالنص علينا احناا الاربعه ف قولناا الميراث اد اي وعاوزك تجبلنا حد يسعر القصر داا لاننا هنبيعو مش محتاجينوو

شمس بعيااط اي الجبرووت دااا

المحاامي بيقرأ

أقر انا رفعت محمد طاحون وانا بكامل قوايا العقليه بإني كتبت كل ميراثي وثروتي ل شمس خالد طاحون

التلاته: نعممممم يطلع مين شمس داا....

يتبع...