رواية تاج الفهد الفصل الخامس عشر 15 بقلم مريم مصطفي الجلاب
 |
| رواية تاج الفهد الفصل الخامس عشر 15 بقلم مريم مصطفي الجلاب |
رواية تاج الفهد الفصل الخامس عشر 15 بقلم مريم مصطفي الجلاب
قطع كلام سيا باب اوضتها وهو بيتفتح مره واحده
سيا بصدمه: ماما..
سماح بعصبيه كبيره: انت بتعمل اي هنا وف اوضه بنتي لييه
سيا: يا ماما والله...
سماح: اخرسي خااااالص انتي كمان
سليم بص ع الكومدينه اللي جمب سرير سيا وبص تاني لسماح
سليم: انا مكنتش جي علشان بنتك هي نسيت مفاتيح عربيتها مع صحابها وبما ان صحابي هما صحابنا وعارفين ان انا وسيا كنا صحاب فاخدت منهم المفاتيح وجبتها
سماح بعصبيه: واللي يجيب حاجه لحد يدخل من الشباك برضو
سليم: فهد ابنك مدي اوامر للاامن اني مدخلش القصر فامكنش قدامي حل غير كده عن اذنكوا
وراح علشان ينط من الشباك زي ماجه بس سماح وقفته
سماح: انت بتعمل اي
سليم بمرح: لا ابدا هتشمس ف البلكونه شويه
سماح بإبتسامة: لسه زي ماانت لمض
سليم: هاا...
سماح انتبهت لكلامها واتكلمت بجديه: انت رايح فين
سليم: هروح
سماح: انزل من باب القصر
سليم: اكيد لا مش عايز اعمل مشاكل ليكي مع فهد بسببي لان الامن هيقوله اني كنت هنا
سماح: اتفضل اخرج م باب القصر ولو حد كلمك من الامن قولوا كنت عند سماح هانم
سليم بتنهيد: تمام عند اذنك
وهو خارج من الاوضه بص لسيا بنظره عتاب ع كلامها ليه وسابها ومشي
سماح: اوعي تفتكري اني اقتنعت بكلامه سليم انا اللي مربيه وعارفه لما بيكدب بس هعديها المره دي ياسيا المره الجايه هاخد موقف مش هيعجبك
سيا: ماما انتي لسه بتحبي سليم
سماح والدموع اتملت ف عيونه: سليم انا اللي مربيه كنت انا وامه مبنفترقش عن بعض ابدا يوم ولدته كنت حامل فيكي وهي كانت ع وش ولادة فانزل مع بعض نجبلوا حاجته ويدوب ركبنا العربيه وفضلت تصوت وبعد شويه اتولد ع ايدي انا عارفه العربية القديمه اللي بزعق لااي حد يقربله مش بزعق من فراغ بس دي كانت فيها كلنا ذكريتنا انا وامه هي اللي كانت جيبهلي ف عيد ميلادي صديقه عمري وجوزي خسرتهم ف يوم واحد مفضلش منهم غير ذكريات معايا ده غير العداوه اللي نصار زرعها ف قلب سليم وبعدوا عن حضني....
سيا بدموع:طب وسليم تفتكري هيرجع زي زمان
سماح:سليم مفيش اطيب من قلبه وديما وحيد من يوم مابعد عننا نصار ديما مشغول ف انه ينتقم من فهد ويجمع فلوس وبس عمره مافكر سليم عايش ازاي وحالته عامله اي سليم تعبان وعيونه بتقول كده بس انا واثقه انه هيفوق وهيرجعلنا
سيا:ياارب يفوق قبل فوات الاوان......
.............
عند تاج ف بيت ورد"
ورد:بقا كده متساليش عليا من اخر مره كلمتيني فيها
تاج:غصب عني والله بس الدنيا عامله تخبط فيا م واعيه حتي اشوف نفسي
ورد:مالك يا حبيبتي ف اي مزعلك
تاج:هتجوز
ورد بعدم تركيز:اها ياستي ماهو.....ايييييي انتي بتقولي اي تسبيني يومين القيكي جايه تقوليلي هتجوز ومين عريس الغفله قصدي عريس الهنا.
تاج:فهد السيوفي
ورد كانت بتشرب مياه ومره واحده تفتها ف وش تاج
تاج:اي القرف ده يامقرفه
ورد:فهد السيوفي مين؟!!بتاع الشركات اللي واخد نص البلد كلها ليه انتي بتقولي اي يابت
تاج:بقول هتجوز فهد السيوفي اللي هو اخو سيا صحبتنا
ورد:وقعتي ازاي ده يخربيتك
تاج بحده:وقعته اي يابيئه انتي هو انا بتاعت كده
ورد بااسف:حقك عليا بس اسمه يهز بصراحه وانتي عارفاني دبش.. وبعدين انتو لحقته حبيته بعض امته
تاج بحزن:حب اي بس (تاج كانت هتقولها ع موضوع سيا وبعد كده قالت لنفسها مينفعش ده وعد بيني وبين سيا)
ورد بااستغراب:امال هتجوزي ليه
تاج:هو عايزني احضر معا حفلات بره لان شكلي مناسب ووجه لشركه ولازم اكون مع ف كل مكان فاطبعا عرض عليا نتجوز ع الورق بس ومقابل كده هيحميني من فارس علشان ميشغلنيش ف الكباريه اوياخدني غصب عني
ورد:شامه ريحه حاجه تانيه فالموضوع غير كده
تاج بضحك:اسكتي ياورد هو ده اللي حصل ولازم تيجي معايا قبل الفرح علشان مكنش لوحدي
ورد:لوحدك وانا موجوده اخص عليكي
وقامت حضنتها بعد شويه موبيل تاج رن وكان فهد
تاج:طب سلام بقا علشان فهد عمال يرن واكيد عرف اني مش القصر
ورد:خلي بالك من نفسك
ودعوا بعض الاتنين وتاج نزلت ركبت تاكسي ورنت ع فهد علشان تشوف عايز اي..
فهد رد عليها بعصبيه: انتي مبترديش ع مكالماتي ليه وبعدين انتي م ف القصر من لما خرجتي من الشركه روحتي ع فين
تاج بهدوء مستفز: وانت قلقان وخايف عليا كده ليه
فهد: وانا هقلق عليكي ليه انا خايف لتكوني هربتي ولا حاجه
تاج بصوت عالي: هربت؟ لا مش تاج اللي تخلف بوعدهااا انت فاااااهم
سواق التاكسي: ياانسه صوتك لو سمحت
تاج: وانت مالك يسطا
السواق: حضرتك بتزعقي ف ودني
تاج بعصبيه: الف سلامة ع ودنك اقف هناا ع جمب والله ماركبه معاك تاني
السواق: طب الحساب
تاج: الحساب يوم الحساب مش دافعه حاجه
السواق نزل من عربيته وقالها والله هوديكي القسم انك مش عايزه تديني حقي
تاج: انت موصلتنيش مكان مانا عايزه علشان ادفعلك حاجه وكلمه كمان هصوت واقول انك اتحمرشت بيا
السواق بصدمه: اتحمرشت؟ انا عايز فلوسي ياحجه
(كل الخناقه دي وفهد ع الموبيل وسامع كل حاجه وبيضحك)
تاج:حجه انا يتقالي حجه طيب االحقوني
السواق:خلاص خلاص مش عايز حاجه كاتك القرف وخد عربيته ومشي
تاج فضلت واقفه ف الشارع لوحده وبتكلم نفسها:واانا هروح ازاي دلوقتي
فهد بصوت عالي من الفون:انتي ياااحجه
تاج بصدمه:انت لسه ع الموبيل
فهد: يخربيتك اي اللي عملتي مع الراجل ده
تاج بنرفزه: انتي الي عصبتني وخليت الراجل يقولي وطي صوتك فاعصبني اكتر
فهد: وانتي غلبانه معملتيش حاجه
تاج: بقولك اي اسكت خليني اشوف هروح ازاي
فهد بجديه: انتي فين
تاج: وانت مالك
فهد: انا فعلا مالي خليكي بقا عندك وشوفي هتروحي ازاي سلام
تاج: لا استنا انت بتقفش ليه كده
فهد: ها اخلصي انتي فين
تاج: اناا ف شارع****
فهد: تمام عشر دقايق وجي
بعد ربع ساعة تاج واقفه بتكلم نفسها: هو ده للي عشر دقايق وجي اها طبعا اكيد بيتأخر قصد ماهو فهد السيوفي ونينيني
_اي القمر واقف لوحده كده ليه
تاج: روح ياابابا العب بعيد
_مالك بس متعصبه كده ليه.
تاج: هو اللي يشوف خلقتك ميتعصبش غور يالا
الشاب مسكه من ايدها وهي بصتله وبرقت وراحت مديا بالبوكس ف وشه باليد التانيه
_اي ده مانتي حلوه وبتخربشي اهو
تاج وهي بتضربه برجلها ف بطنه: وبضرب كمان يروح امك
جه فهد ونزل من عربيته لقي شاب مرمي ع الارض وتاج باصله وحاطه ايدها ف وسطها
فهد بااستغراب: ف اي اللي حصل ومين ده
تاج:ده واحد مش تربيه حاول يتتطول عليا
فهد:لمسك عملك اي
تاج:انا اللي عملت وبعد العلقه دي مش هيفكر يبص لوحده تانيه
فهد بذهول:انتي اللي عملتي ف كده
تاج بغرور:طبعا اناا
فهد بجديه:طب يلا ع العربيه واناا هتصرف معا
تاج:لا خلاص ملوش لازمه انا عرفته غلطه
فهد بصالها وركب العربيه وهي ركبت وخدها ومشي
فهد:عايز اعرف كنتي فين
تاج بصتله ورجعت بصت لشباك ومردتش عليه
فهد بعصبيه: انا بكلمك يبقا تردي عليااا
تاج: نعم ف اي
فهد: بقولك كنتي فين ياتاج
تاج: يهمك ف اي
فهد: يهمني انك هتبقي مراتي واي حاجه هتعمليها هتبقا ف وشي يعني حتي النفس اللي بتتنفسي محسوب عليكي..
تاج: بس دي مش عيشه انا مبحبش اتصرف بحذر كده ولااكاني بعمل مصيبه
فهد: كنتي فين
تاج: عند ورد صحبتي
فهد: يعني روحتي هناك لوحدك ومن غير مااعرف
تاج: واي يعني مش لازم اقولك كل تحركاتي
فهد: لازم لو ابوكي عرف انك ف المكان هناك كان خدك غصب
تاج: لا مش هيعرف يعمل حاجه بعد مانت اديتلوا فلوس وبعدين مسموش ابويا هو م ابويا ولا عمره هيكون ابويا
فهد بصلها بشفقه وحزن عليها وكمل سواقه لحد القصر...
بعد شويه وصلوا القصر بس فهد لمح سماح قاعده ف الجنينه فامسك ايد تاج وقربه ليه
فهد: امي قاعده هناك ياريت تبيني اننا بنحب بعض مش عايزها تحس بااي حاجه
تاج بضيق: حاضر
سماح بقرف: انتو كنتوا مع بعض
فهد: اها كنت بفسح تاج شويه قبل زحمه الفرح وكده
سماح: والله طيب
فهد: طب عن اذنكوا بقا اطلع ارتاح شويه علشان اجهز للفرح بكره
وهو ماشي باس تاج فهد من خدها: تصحبي ع خير يروحي عايزه حاجه
تاج وشها احمر واتكسفت فابصتله وهزت راسها بمعني لا
فهد مشي وساب تاج مع سماح الي بتبصلها وشكلها ميطمنش نحيتها بالخير خالص..
تاج: طب عن اذن حضرتك هطلع اشوف سيا
سماح: اقعدي ياتاج عايزكي
تاج بتوتر: ح.. حاضر
سماح: تاخدي كام وتمشي من القصر وتبعدي عن فهد خالص
تاج بصدمه: نعم؟ حضرتك بتقولي اي
سماح: متفاجئه ليه من كلامي ماهو ده شغلك انا سالت وعرفت انك كنتي شغاله ف الكباريه بتاع ابوكي واللي اكدلي لبسك اللي كنتي جايه بي اول مره مع فهد واها انا مش داخل دماغي موضوع ان فهد ابني يحبك ابني لما يحب هيحب اللي من مستواها
تاج بدموع: عن اذن حضرتك
تاج قامت بسرعه من قدامها ودخلت اوضتها وانفجرت من العياط وافتكرت كل الاذي اللي مرت بي ف حياتها...
...........
ف قصر نصار قاعد ع الكرسي بتاعه وبيتكلم ف الموبيل بعصبيه
نصار بعصبيه: يعني اي المخازن بتولع والشحنه اللي فيها دي مش بتاعتي وانتو كنتوا فييين يابهايم بيتي انا الي هيتخرب انتو عارفين الشحنه دي تسوالها كام...
تعليقات
إرسال تعليق