رواية عوض آل معتصم الفصل الرابع عشر 14 بقلم رحمة ايمن

.. نستيني يا قطتي زعلت منك كده

رحمه : اميير !

امير : ههه عرفت انك هتعرفيني 

جسمي كلو رجف وتلفون وقع مني وانا ببص حوليه وانا بفتكره وبفتكر رحته الي بتخنقني  وتعاد قدامي اسوء لحظات حياتي ، بعدها جمعت نفسي كده و مسكت التلفون

رحمه : انت مجنون ! انت ازاي تكلمني او تبعتلي رساله انت عارف لو معتصم عرف هيحصل اي

امير : ششش اوعي تجيبي سيرته علي لسانك ، عرفه انك مجبوره عليه ومش عايزه بس انا موجود ومحدش هيقدر ياخدك مني متخفيش 

رحمه : لاء انت مجنون فعلا !

"تقوم بالغاء جهت الاتصال وفعل حظر له "

امير : !!

______________________

 "في سياره فهد "

"يراقبها وهي تبكي بياس فتحاول ان تهدا وتتحدث بهدوء "

فاطمه : احنا فين 

فهد : متقلقش مش خاطفك مكان بعيد عشان تهدي 

فاطمه بتوتر : طيب روحني 

فهد : لاء مش هحروحك ، فهميني في اي عشان تنهاري بشكل ده 

فاطمه : انا مش قادره اتكلم ، لو سمحت  روحني

فهد : لاء 

فاطمه: خلاص انا هروح لوحدي 

"تقوم بتحرك فيُقرب من كرسيها ويربط لها حزام الامان بقوه و ويمسكه فلا تستطيع التحرك "

فاطمه : انت بتعمل اي !

فهد : مش هتمشي من هنا غير لما افهم في اي 

فاطمة بتوتر : والله اصوت ولم عليك الناس انا...

فهد : "بنظره هادئه " انتي حسه اني ممكن اعمل حاجه فيكي ؟ 

فاطمه  :....

فهد : ردي

فاطمه : واحد معرفش اسمه وركبه في عربيته ومكتفني يبقي ازاي اثق في

" ينظر لها برتباك وصمت ويترك حزام الامان وينظر امامه ويبدا بتحرك "

_________________

في بيت السوفتي 

" يشتغل امير غضبا ويكسر كل شيئ في الغرفه ويهدأه صديقه "

صديقه : اهدا يا امير في اي 

امير : القطه المغمضه فتحت وبقت بتعملي بلوك  ههه ماشي يا معتصم الجدواني اللعبه كده بدات فعلت

ص،يقه : يبني رحمه خلاص بقيت طليقتك فنساها بقي 

امير بنظر قويه : اطلع بره 

صديقه : مينفعش اسيبك في الحاله دي

امير بحده : بقلك بررره 

"يغادر بخوف وقلق منه "

.....................

ترن ترن ترن ترن 

رحمه بسمح دموعها : الو 

معتصم : روحتي 

رحمه: امم 

معتصم : احم روحت الغردقه عشان مشروع كده وهاجي بكره 

رحمه : ايوا طنط نبيله قلتلي 

معتصم : في حاجه ، حاسس انك مش كويسه

رحمه : لاء انهرده كان يوم متعب اوي فمرهقه شويه 

معتصم : تعرفي اي اكتر حاجه مديقاني

رحمه : اي 

معتصم : اني مش هعرف انام انهارده لاني ادمنت اني امسك ايدك واصحي من النوم القيكي جمبي 

رحمه:......

معتصم : امم مش هتردي يعني ، هه طيب لما نشوف اخرك اي ،خلينا صابرين عليكي يا ست رحمه

رحمه بتوتر  : هو.... عايزه اقلك حاجه 

معتصم : امم

رحمه : انهرده بعد .....

سعيد : معتصم يبني تعالي بره عايز اسالك عن حاجه 

معتصم : طيب يا رحمه لما ارجع نبقي نتكلم ، سلام 

"يقفل الخط " 

امام فيله النواري 

فهد : انزلي 

فاطمه بندم علي حديثها : انا مكنش قصدي ...

فهد : ممكن تنزلي لاني متاخر 

"تنزل فاطمه وهو يغادر بقوه وغضب " 

...................

شرين : كنتي فين يا هانم 

فاطمه : كنت في داهيه ، عايزه اي 

شرين : يا بنت ...

اسماعيل : احم احم ، انتو لسه صاحين 

شرين : لاء يا بابا دى فاطمه كانت بتعمل عشاء فكلنا وهندخل ننام اهو 

اسماعيل : طيب تصبحو علي خير 

شرين بهمس : استني عليه 

فاطمه :"تذهب للغرفه دون تحدث " 

اليوم التالي .....

رحمه : اختبار ! ومن اول يومين ليا 

شهين: مفروض يكونوا اكتر بس حضرتك واخده اجازه فمش شغلي 

رحمه : بس يا دكتور  انا لسه بداه شغل من ايام الدراسه ونسيت معظم الحاجات 

شهين : قدامك اربع ايام و ده احسن واجب ممكن اعملو معاكي

رحمه : طيب لو منجحتش فيه

شهين : بسيطه ، تدوري علي مستشفي تانيه انتي لسه في مرحله التجربة ونقدر نبدلك عادي 

رحمه بغضب حاولت كتمه : طيب شكرا ، عن اذنك 

شهين : رايحه فين ، ورانا شغل كتير 

رحمه : كمان !

شهين : اومال حضرتك عايزه تحطي رجل علي رجل وتقعدي بس ول اي ، اتفضلي قدامي 

رحمه :"نفسي امسك راسك الكبيره دي اخبطها في الحيطه والي منعني انك قد ابويا ، انا مش هقول غير اني هتهزق دامد اوي يا سي جوني في المستقبل..." 

في الغردقه ...

سعيد : شرفتني يبني 

معتصم : هستناك تشرفني انت كمان في شركه الجدواني عشان نوقع العقد تاني هناك بعد اسبوع 

سعيد : اكيد هلجي واجيب اشرقت معايا هتفرح اوي 

معتصم : عايز حاجه 

سعيد : في حفظ الله يبني 

في شركه معتصم ...في المكتب بعو وصوله .

معتصم : فهد بيه 

فهد : تعالي يا معتصم هخلص بس المكالمه دي 

"يجلس معتصم علي الكرسي وياخد كوب البن من امام فهد ويشربه "

فهد بعصبيه : انا مش نقصك انت كمان لاما تعمل الشغل صح لاما ورحمه امي لتشوفه وش مش هيعجبكو 

.... انا اسف يا فندم هصلحه انهرده ليك اكيد 

فهد : غوور "يقفل الخط بغضب " 

معتصم بغمزه وشرب قهوه : في اي 

فهد : في عطل في الحمام عندي في البيت فخلتهم يبعته حد يصلحه امبارح وسرب تاني انهرده 

معتصم : انت عارف كويس اني مبسالش علي ده 

فهد: مش فاهم عايز اي 

معتصم : فهد بلاش استعباط

فهد :"بنفخ ونظره حيره " مش عارف مالي اول مره اكون كده 

معتصم :.....

فهد : امبارح خبطت في البنت الي قلتلك عليها قبل كده بس المرادي كانت مختلفه كانت بتعيط و......

"بعد فتره" 

معتصم : امم ده الي حصل يعني 

فهد : امم بس كده 

معتصم : وانت الي ديقك انها كانت بتعيط ول انها موثقتش فيك 

فهد يعصبيه : ول ده ول ده طبعا متولع ، انا بس اتخنقت من الموقف نفسه اني كنت عايز اعمل باصلي مع حد ويترد عليه كده 

معتصم بثقه : ول عشان اول مره بنت تعيط قدامك ومعرفتش تخدها بالحضن وتكسفك

فهد : معتصممم !

معتصم : فهود 

فهد :"ببتسامه " ارخم عباد الله يا جدع 

علاء بتخبيط : معتصم بيه الناس بره 

معتصم : قوم نشوف الاجتماع ده ونكمل كلام بعدين 

_______________

في المستشفي ...

رحمه بخوف : هعمل اي انا ، اختبار اي الي هيكون نظري وعملي ولازم اجيب اكتر من 70% فيه وانا اصلا لسه بداه شغل امبارح

غزل : لاء انتي في دي معاكي حق فعلا ، هو زودها اوي 

رحمه : شكلي هستقيل 

غزل : لاء يا بنتي متقوليش كده اكيد في حل 

رحمه : ربنا يستر بقي 

جيهان : رحمه ! رحمه بجد 

رحمه : جيهان ! ،"تقوم بمعانقتها " يخربيت عقلك بتعملي اي هنا 

جيهان : بعد ما تخرجنا روحت مستشفي صغيره وعملت مجستار وقدمت هنا وتعينت في الاختصاص النفسي زي ما انتي عرفه 

رحمه : ايوه يا بنتي انتي اتخرجتي من هناك واتقطعت اخبارك

غزل : دقيقه بس انتي تعرفي جيهان اكتئاب من زمان 

جيهان : يلا يا زباله 

رحمه : ههه 

غزل : والله يبنتي معرف دخلتي طب نفسي ازاي وانتي الي يشوف وشك لوحده يكتئب 

جيهان : شايفه الكرسي الي هناك ده 

غزل : "بوضع يدها علي جبينها بسخريه " اووه لاء مشفتهوش هو فين

جيهان بخبطها علي رأسه بقوه : هنا اهو ، في دماغك الي مصنوعه من الخشب دي 

غزل : ايي ، يا شيخه انتي تضربي خناقه مع خطيبك وطلعي علي الي خلفونا ، انا مسمتكيش جيهان اكتئاب من بلاش 

جبهان : مش هعزمك علي فرحي ياض 

غزل : خطيبك ده نسمه كده ربنا يخليكو لبعض يا رب لاء وديما مفرفشك  

حيهان : ههه هبله ، الا صحيح يا رحمه اخبار امير جوزك اي 

غزل : أمير جوزها !

رحمه بتوتر : لاء مهو محصلش نصيب وونفصلنا 

جيهان : يا خساره ده كلو فرح لما عرف انك متجوزه امير السوفتي مره واحده 

غول : ثانيه وحده ، انتي كنتي مجوزه امير السوفتي مدير الاعمال المشهور ودلوقتي متوصي عليكي من معتصم باشا الجدواني عدوه الابدي والوحيد ! لاء انتي وراكي مصيبه اكيد 

جبهان : بتهزري ! رحمه انتي عرفه معتصم الجدواني منين 

رحمه بارهاق : اهدووو ، يخربيتكو هقولكو حاضر براحه بس الكلام ميطلعش بره 

غزل : اومااال 

جبهان : متقلقيش سرك في بير 

__________________

في المكتب ...

فهد : همشي انا هتيجي 

معتصم : هراجع الورق ده وروح انام لاني فاصل 

فهد : اشطا ، اعمل حسابك مش هقدر اجي بكره لاني هقوم متاخر وهروح الجامعه لنيره

معتصم : هتسهر فين 

فهد : اتفقت مع  شهاب هننزل سوي ، همشي بقي 

معتصم : فهد متشربش كتير

فهد : حااضر عصومي 

..................

غزل : اوباااا مراته بجد ! ، انتي حفيده اسماعيل النواري 

رحمه : امم 

جيهان : مكنتش اتوقع ابدا انه يتجوز ده اكتر واحد معقد في مجال الاعمال ، بس عندي فضول وقعتي ازاي 

رحمه : وقعته اي يا مهزقه ، هو احنا اتجوزنا عشان شراكه بينه وبين جدو 

غزل : مصلحه يعني ، بس تعرفي يبختك والله اتجوزتي اجمد اتنين في الكره الارضيه غير جمالهم ، كفايه معتصم بس كلمته تهز اي حد ول المكان الي يروحه المكان كله يقف علي رجل وحده لي هيبه ملهاش حل لاء وقممااار احييه عليه بنور في الضلمه عليه رومش تقتلك 

رحمه : متتلمي يا بت انتي مالك 

جيهان : ههه متتخضيش دي وحده قاعده تحب في خلق الله، بس الصراحه معاها حق هو موز اوي فعلا 

رحمه : الله ! همشي وهتزعلو 

غزل :ههه خلاص ، امم  عشان كده حراس وتوصيه جامده وحاجه فوق كده 

رحمه بخجل :.....

غزل : بس الحرب بينهم شغاله علطول ف ده هيزيد العدوه وهنشوف حتت مسلسل ههه 

جيهان : يخربيتك هموت ههه 

رحمه : هما بيكره بعض اوي كده 

غزل : يخراابي كل مجال الاعمال عرفين العدوه الي بينهم ، لان معتصم قضى علي الكل وبقي في المرتبه الأولي في المجال كلو بعدي السوفتي بعدي النواري والعمري كمان ليها مكانتها بس طبعا فهد حبيبنا شريك معتصم فتبعنا 

رحمه بعدم استعاب : انتي بتقولي اي يا فوزيه 

غزل : يخربيتك انتي في الضياع ، تعالي افهمك 

جيهان : ربنا يعينك دي وحده عندها كتب في التجسس و المخابرات يخربيتها قادره اي معلومه تلقيها عندها 

غزل : نينينيني ، اللهم ما لا حسد 

جيهان : اتوكسي 

غزل : رخمه 

...........................

في سياره معتصم ...

"فديو كول "

احمد : عامل اي يا معتصم باشا الصغير 

معتصم : بخير يا باشا 

احمد : عارف اني مقصر معاك 

معتصم : متقلقش مش محتاج منك حاجه 

احمد : معتصم انا اسف يبني ، عارف انو عدا اسنين بس انا اسف فعلا 

معتصم : اخبار الشغل اي بره 

احمد : ماشي حاله 

اميره : بابا عايزه اكلم معتصم بابااا ونبي 

معتصم بضحكه : ادهالي اكلمها 

احمد : كده مش عارف اكلم ابني بسببك

اميره : اخويا وانا حره

معتصم : ههه 

احمد  : ههه هدخل جوه ورايه شغل تخلصي وتجيبي التابلت علطول فهمه

اميره : حاضر 

معتصم : امم عامله اي في ال ثانوي 

امير : it's great  but I miss you bro 

معنصم : me too 

اميره : l know انك تجوزت صح 

معتصم : امم 

اميره : !really عايزه اشوفها 

معنصم : هستناكي تيجي تشوفها

اميره : معتصم انت زعلان مني 

معتصم : لاء لي 

اميره : عشان مبترنش عليا ول بتكلم ماما ، هيهوقلتلي انك مبتحبنيش هو انت مدايق عشان انا شقيقتك بس 

معتصم : انتي اختي يا هبله غصب عن اي حد فهمه ، ملكيش دعوه بكلام ده 

اميره : طيب مش هتكلم ماما خالص هيه ند...

معتصم : ميرو انا لازم اقفل لان ورايه شغل هكلمك يوم تاني 

اميره : اوعدني اتك ترن عليا قريب

معتصم : اكيد 

اميره : Bye, l love you 

معتصم: l love you too 

_________________ 

طبعا روحت قبله كالمعتاد و لاني بقالي يومين مشفتوش عماله ابص في ساعه كل خمس دقايق زي المجنونه كنت ملهوفه اشوفه اكتر من اي حاجه في الدنيا كان وحشني وحشني اوي 

معتصم : عامله اي يا نبيله 

نبيله : الحمد لله يا بيه 

معتصم : رحمه فوق 

نبيله : اه مستنياك

طلعت علي نبره صوته وهو في الطرقه وبنادي عليا وبقولي رحمه ، رحمه الي بتطلع منه زي السما الي فيها احلي نجوم ، فجريت عليه وبدون تردد وبدون سيطره علي نفسي حضنته !

"يبتسم ويبادلها الحضن ويشعر براحه بعده "

رحمه : كنت فين كل ده 

معتصم : مش عايز اعرف كنت فين ول مع مين كفايه انتي دلوقتي  

رحمه بطلوع من حضنه بسرعه : "باحراج " والله بدون تركيز انا ..

معتصم بمسكها وتقريبها له  : متبرريش حاجه انتي تعملي الي انتي عايزه 

رحمه :"لاء خدت الضربه القاضيه في قلبي خلاص ووقعت وهحضنه تاني دلوقتي  "

معتصم : تعالي ندخل جوه لاني تعبان جدا 

رحمه : تمام 

دخلنا جوه وكان باين عليه جدا انه مخنوق وتعبان فمزوتش عليه همه بموضوع امير والاختيار الي في المستشفي وقرارت استنى الوقت المناسب عشان اقله 

رحمه بتحرك نحو الدولاب : استني البس ده 

معتصم بستغراب : لي 

رحمه : هنخرج 

معتصم : ؟ 

رحمه : اي 

معتصم : الساعه 1 الفجر !

رحمه : صدقني هيعجبك ، ممكن 

معتصم : .....

يتبع....

لقراءة الفصل الخامس عشر : اضغط هنا

لقراة باقي فصول الرواية : اضغط هنا