رواية أحببتها صعيدية الفصل التاسع 9 نور الدين جلال

بعد ٣ ساعات من الاحداث السابقة

وجدي :: احمد فاق يا حاج نعمان .

الحاج نعمان :: نجدر ندخلة ونطمن علية

وجدي :: للاسف يا حاج صعب كلكم تدخلولة الموضوع هيبقي مرهق بالنسبالة خصوصا أن حضراتكم كتير .

الحاج نعمان :: خلاص هدخل ل حالي اطمن علية واخرج علطول .

وجدي :: ماشي يا حاج بس ما تتكلمش معاة كتير علشان ما يتعلق

الحاج نعمان :: اللي تشوفة يا داكتور .

* دخل الحاج نعمان ل احمد لقاة نايم علي السرير ومفتح عنية وكان باين علية انة بيتألم ومش ف وعية بالكامل *

الحاج نعمان :: سلامتك يا ولدي الف سلامه الحمدلله انك جومت بالسلامة وربنا نچاك

احمد بيهلوس :: جنة فين ؟

الحاج نعمان :: جصدك الممرضة دي خرجت طوالي ومحدش حس بيها واصل

*احمد مفيش علي لسانة غير :: جنة انا عاااااااايز جنة هي فين

الحاج نعمان بص باستغراب ل احمد لان زي ما فهم ان احمد كان مش ف وعية لما الموضوع كلة حصل ف لية بقا بيدور علي جنة ومفيش علي لسانة غيرها يبقي كدة في حاجة بينهم لان مفيش حد بيهلوس غير باللي ف قلبة واكيد دة اللي خلاها تنقذة *

الحاج نعمان :: حاضر يا ولدي ارتاح انت وانا هچيبهالك لحد هنا .

....

كلهم برة اول ما الحاج نعمان خرج لهم جريو علية علشان يطمنهم علي احمد و الحاج قالهم انة بقي كويس بس لسة مفقش من البنج

وراح ناحية نعمة واخدها علي جنب

نعمة :: خير يابا طمني في حاچة معيزش تجولها جدام إخواتي

الحاج نعمان :: ايووة يا بتي كنت عايز اعريف كل حاچة عن الممرضة اللي اسمها چنة دي ؟

نعمة :: والله يابا ما اعريف حاچة واصل عنيهها كل اللي اعرفة انها جالت اول ما چت انها من طرف العمدة

الحاج نعمان :: طيب يا بتي روحي انتي

نعمة :: امرك يابا

.....

حسين :: بجولك يابا لازم نبلغ الحكومة علشان تعريف مين اللي عملها

عصام :: الحكومة طول عمرها مالهاش صالح بتارنا عايز اهل البلد علي اخر الزمن يجولو علينا أن الحاج نعمان و ولادو معرفينيش ياخدو بتار واد عمهم ف چابو الحكووومة تاخدهلهم

الحاج نعمان :: كلام عصام صوح ياولدي انا مهبلغش الحكووومة

العمدة مصليحي دخل ف اللحظة دي :: كلام ايي دي يا نعمان بجا احنا اللي بنوعي اهل البلد ونجولهم كفايا تار ودم

انا اول ما عرفت الخبر جلت اكيد انت بلغت المركز وچيت چري اطمن علي الداكتور احمد

الحاج نعمان :: عظيم بيمين ما انت مبلغ المركز والا تبجي جطيعة بينا ل يوم الدين يا مصيلحي

العمدة مصيلحي :: بجا عايز تجطع اللي بينا علشان عايز اعمل الصوح يا نعمان دة احنا عشرة عمر ٤٠ سني علي الحلوة والمرة وچاي دلوك تجولي نجطع اللي بينا مكنش العشم يا اخويا

وسابهم وخرج .

........................

معتز :: ايوووة يا عباس مبترديش علي التايفون لية كل دة

عباس :: اصل حصل حاجة غريبة يا معتز بية

معتز :: حصل اية قول

عباس :: فضلت ماشي وراها لحد ما وصلت بيتها واستنيتها برة البيت ومفيش شوية ولقيت حد متلتم خارج من جنب البيت جيت علية علشان اوقفة قلت يمكن حد ازاها وانت موصيني عليها ف جيت اوقفة لقيتة مسك فيها ونزل فيا ضرب شديت فية وشلت الشاال اللي متلتم بية لقيتها هي وراحت ضربتني بالبوكس مدرتش بالدنيا

معتز :: انت تقلب البلد كلها وتدور عليها وانا هبعتلك ناس تانية دلوقتي متسبوش شبر ف البلد الا لما تدورو فية وبالذات ف الاماكن المتطرفة اللي علي حدود البلد

عباس :: امرك يا بية

معتز قفل معاة وعمل مكالمة تانية .

معتز :: الو ايوووة يا صلاح عايز ١٠ رجالة دلوقتي ب ٣ عربيات علي الاقل يجولي حالا ف المكان اللي انا فية نص ساعة ويكونو عندي

.....لحظة توقفنا ف الفصل اللي فااات عند شط البر التاني.........

........................

سامبو ماشي ناحية البر التاني رايح المعدية علشان يروح زي ما قالو كرم للبيت المشبوة اللي كرم بيقضي سهراتة فية وفجاة لقا قدامة واحدة متلتمة

سامبو :: مين انتي و عايزة اية ولا متلمتة اية يا حورمة

هجر مغيرة صوتها :: انا بت الجبل يا ولد الحرام

سامبو :: انتي اللي بيجولو عليها عفريتة اللي ضربت نار علي والانفار بتوع البيت اللي في الجيهة الجباية الحاج هيفرح جووي لما اجتلك عايزة اية بجا جولي جبل ما اخلص عليكي .

هجر :: جاية اخد بتار الداكتور اللي طخيتة يا ولد الحرام مفيش غيرك يعملها ياكلب سيدك

سامبو :: وانا هاخد بتار البيعة اللي بوظتيها للحاج كرم

هجر :: لما تجدر تخلص عليا ابجا فكر ف الحاج بتاعك

* وطلعت سلاحها وسامبو ف لحظة طلع سلاحة ووقفو الاتنين قدام بعض وكل واحد موجة السلاح ناحية التاني

********

*

هجر كانت الاسرع ف ضرب النار وضربتة ف ايدة المسدس وقع من ايدة وبعدها ضربتة ف رجلة *

هجر :: دي عشان انت خسيس وطخيت راجل وانت متخبي كيف الحريم

سامبو :: انتي عايزة اييي انا هديكي كل اللي خدتهم وهمليني ل حالي

هجر :: چبان والچبان مالوش تمن

هجر ضربتة رصاصة ف رجلة التانية :: دي علشان الداكتور مماتش لو كان مات الله ف سماة ماكت فوتك حي.

اتحركت هجر علشان تمشي ومخدتش بالها من سامبو اللي زحف ناحية المسدس بتاعة ومسكة بايدة السليمة

سامبو ضرب رصاصة ناحية هجر بس مكنش شايف كويس :: جلتلك هجتلك يا بت الكلب

* هجر لسة هتلتفت حست بنار ف كتفها وقعت علي الارض بتبص لقيت نفسها بتنزف حاولت تقوم بالعافية وراحت ناحية حصانها اللي مربوط ورا شجرة حاولت تركب لكن وقعت اول مرة والتانية ركبتة بصعوبة شديدة ومشيت لمسافة وبعده محستش بنفسها و وقعت من علي الحصان *

**

.............الإسكندرية قبل الاحداث الحالية ب ٢٧ سنة .......

كرم بعد ما ساب البلد وهو معهوش ولا مليم وراح علي عيلة من البلد بس سابوها من زمان وهما استقرو ف إسكندرية وبقا ليهم تجارة وشغل كبير ولان ابوة كان شغال عندهم ف البلد قرر يروحلهم ويتشغل عندهم اي حاجة

كرم :: السلام عليكم يا حاچ سعد .

الحاج سعد :: وعليكم السلام ورحمة الله وبركاته يا بلدينا اتفضل

كرم :: مش فاكرني يا حاااچ

الحاج سعد :: لا والله سامحني الدنيا بتنسي

كرم :: انا كرم ابن حسانين الكلاف * ( المسئول عن البهائم ) * اللي كان شغال حداكم ف البلد جبل ما تسيبوها

الحاج سعد :: يا الف اهلا وسهلا ب اابن الراجل الطيب كيفك وكيف ابوك اعذرنا جصرنا معاة بس انت عارف الدنيا ومشاغلها

كرم :: ابويا الله يرحمة من ٣ سنين

الحاج سعد :: البجاء لله الله يرحمة كان راجل طيب

كرم :: ف حياتك البجيا يا حااچ

الحاج سعد :: تؤمرني يا ولدي اي خدمة اجدر اجدمهالك ما هو متاخذنيش يعني مچيتك دي ليها سبب.

كرم :: والله يا حاچ انا چاي جصدك تشوفلي اي شغلانة حاكم البلد مفيهاش اي رزق خالص وطلت انزل إسكندرية اجصدك وعشمي ف ربنا انك ما تكسيرش بخاطري.

الحاج سعد :: يا ولدي انا بشغل الغريب جبل الغريب مش هشغلك انت بجا يا ابن الغالي

كرم :: دة العشم بردو يا حاچ ربنا يبارك فيك وانا والله هخدمك بعنيا.

الحاج سعد :: وانا هلاجي فين حد زيك واثج فية انة ابن ناس طيبة ومضمون بص يا كرم انا مبخلفش ومجاطع بقية خواتي علشان طمعانين فيا وماليش غير اختي الصغيره چنة اخر العنقود ودي بجا كل دنيتي انت هتشتغل معاايا هنا ف الوكالة .

* مرت الايام وكرم بيتقرب من الحاج سعد اكتر واكتر لحد ما بقا بيثق فية ثقة تامة *

.......

الحاج سعد :: يا كرم

كرم :: نعمين يا حاچ تؤمرني بأيتوها خدمة

الحاج سعد :: عايزك تروح البيت عندي تؤدي الحاچات دي علشان طلبينها ومستعچلين عليها ع الغدا حاكم انا جايلي ضيوف عجبالك يا كرم متجدمين ل چنة اختي

كرم :: الف الف مبروك يا حاج ربنا يتمم بخير

الحاج سعد :: خد دول چيب چلبية وعما چديدة يليجو بالجعدة النهاردة انت هتبجي معايا فيها

كرم :: بجد يا حاچ

الحاج سعد :: ايوووة يا واااد يلا اعملك همة اوووومال .

*كرم راح بيت الحاج سعد وهناك فتحتلة احسان مرات الحاج سعد

ست اسكندرانية منفصلة ومعاها ولد من جوزها الاولاني عندها حوالي ٣٥ سنة من عيلة علي قد حالها اتجوزها الحاج سعد علشان تراعي طلباتة وتونس اختة جنة *

كرم :: السلام عليكم يا ست احسان دي الطلبات اللي بعتها الحاچ سعد علشان عزومة النهاردة .

احسان :: طب استني اما اشوفهم احسن يكون فيهم حاجة ناقصة حاجة .

كرم :: خدي راحتك يا ست الستات الا صحيح اخبار العروسة اية ؟

احسان :: بخير يا اخويا والله ما عارفة هقدر علي فراقها ازاي دي خلاص بقت ف معزة اختي الصغيره

كرم :: ربنا يخليكم ل بعض يا ست الستات عايزين نجولها مبروك مقدما

احسان :: طب استني الحاجات طلعت ناقصة هدخل ابعتهالك علي ما اكتبلك باقي الطلبات ف ورقة .

* دخلت احسان تندة جنة وقالتلها تطلع تسلم علي كرم عشان عايز يباركلها و جت جنة وهي مكسوفة تبص ل كرم اصلا يدوب بنت ١٨ سنة وتقريبا مخرجتش برة بيت اخوها الا مرات تتعد علي الايد *

كرم مد ايدة يسلم عليها وهي اتحرجت لكن مدت أيدها تسلم علية وهو طوول اووي وهو ماسك أيدها ::_

تعرفي يا چنة انا اول مرة اشوفك من جريب كدة كنت هلمحك علطول واجفة ف الشباك لكن اول مرة اشوفك جدامي كدة والله صحيح اللي سماكي چنة وانتي چنة بصحيح والله انتي خسارة ف اي حد انتي تستاهلي سيد الرچالة كلهم ياست للبنات

* جنة اتكسفت ودخلت تجري علي اوضتها كانت احسان خرجت بالورقة اللي فيها باقي الطلبات علشان كرم يحبها ونزل كرم وجاب باقي الحاجة ورجع تاني يديها ل احسان *

احسان :: معلش ياكرم تعبتك معايا بس لولا الحاج سعد مشكر فيك اوووي وقال انك جدع وانة بيعتبرك زي ابنو ولا مكنش بعتك لحد البيت كدة وكمان قالي امبارح انك هتحضر القعدة .

كرم :: والله يا ست الستات مش عارف ارد چمايل الحاچ سعد عليا والحاچ الصراحة يا زين ما اختار ست تجول للجمر جوم وانا اجعد مطرحك .

احسان :: ايوووووو علي لسانك اللي بينقط شهد .

كرم :: لا مواخذة يا ست الستات متكونيش اضايچتي من الحديت

احسان :: مضايقتش ولا حاجة بس مش متعودة علي كدة يا اخويا .

كرم :: ازاي بس دة تلاجي الحاچ ليل نهار يجولك كلام محدش سمعة جبل كدي .

احسان :: الحاج مايعرفش يتكلم ف الشغل او يقعد مع جنة يضحك معاها غير كدة لا .

كرم :: الصراحة يا ست الستات انتي يعني ومتاخذنيش ف دي الكلمة لو مرتيي انا مكونتيش سبتك دجيجة واحدة وكنت هفضل ابوس ايدي ليل نهار علي الجمر اللي مفيش ست ف چمالها ودلالها واللي ستات الدنيا كلهم مايساووش تراب رچليها .

احسان اتكسفت اووي :: طب يلا علشان ما تتاخرش علي الحاج .

***

عاشت كتير مصدومه فيه

ماسكه ف دموعها بتبتسم

وقت الفراق هتقوله ايه

غير بس ضحكه هتترسم 

تداري وجعها بالعافيه

عشان من جوه مكسوره

تعيط كل يوم للفجر

وتضحك بس فـِ الصوره 

.................. العيادة ف الوقت الحاضر ............

اشواق :: بت يا نعمة انا لازم ادخل ل احمد اطمن علية .

نعمة :: ازاي بس انتي نسيتي كلام امك واللي جالتة جبل سابج.

اشواق :: احمد ابن عمي واني لازم اطمن علية .

نعمة :: طب واطي حسك انا هروح ل امي اتحدت معاها واشغلها وانتي ادخلي جوام .

* نعمة راحت تقعد مع الحاجة امينة وتتكلم معاها *

الحاجة امينة :: الا جوليلي يا بت يا نعمة صحيح انتي متعرفيش حاچة عن البت الممرضة دي .

نعمة :: والله ياما معرفاش حاجة واصل هي مابتتحددتش معايا واصل بتاچي العيادة تفضل جاعدة هنا ف الاستقبال لحد ما تيجي واحدة هتدخل الداكتور احمد ف تدخل معاها وتخرج وياها علطول .

الحاجة امينة :: يعني ما بتجعدش مع احمد ولا بيتكلمو لوحديهم

نعمة :: الشهادة لله مشوفتهاش ابدا جعدت مع احمد ف اوضتة لوحديهم ابدا بس ياما النهاردة جبل اللي حوصل ديية بعد الستاللي كان بيكشف عليها ما خرجت لجيتها مخرجتش واني استغربت مفيش دجايج ولجيتها خارجة وباين عليها مضايجة واحمد خارج وراها ومتعور ف ايدة وجبل ما حد فيهم يتكلم دخلت البت اللي جدمها شووم وجالت أن امها بتولد ف احمد خرج وهي راحت تجيب لوازم علشان هيحتاجوها وحصل اللي حصل .

الحاجة امينة :: أنا مش مرتاحة للبت دهي جلبي متوغوش ولا طزم نعرف جرارهه وجايلنا من ايتها داهية

* ف الوقت دة اشواق دخلت ل احمد ولقيتة نايم قعدت جنبة علي طرف السرير وبقت تكلمة *

اشواق وهي بتعيط :: والنبي يا احمد فوج وطمني عليك والله ما عايزة حاچة واصل غير تجوم بالسلامة انا بحبك يا احمد بس والله ما عايزك حاچة غير سلامتك الله يخليك رد عليا

احمد بدا يتكلم وهو مغمض عنية :: متسبنيش خليكي مش هزعلك تاني

اشواق اتصدمت من الكلام وقربت منة ومسكت ايدة :: أنا چنبك يا احمد ومش هسيبك واصل .

احمد :: ماتسبنيش يا جنة خليكي جمبي .

اشواق اول ما سمعت اسم جنة سحبت أيدها وقامت وقفت مسحت دموعها وخرجت بسرعة

....... ....... علي حدود البلد ...........

معتز :: يلا يا رجالة مش فاضل غير الناحية دي يلا قبل الشمس بتغرب ومش هنعرف ندور كويس .

* فضلو يلفو بالعربيات لحد ما متعز شاف حصان هجر بسرعة اتحرك بالعربية ناحيتة و اول ما قرب لقا هجر طبعا متلتمة ونزل وحاول يفوقها

هجر فتحت بصعوبة :: اني فين ؟

معتز :: فوقي يا هجر انتي مضروبة برصاصة ف كتفك لازم ننقلك مستشفي .

هجر :: انا حاسة بوجع هيجطع دراعي بس محساش بالطلجة شوفي كدي خرجت من اليمة التانية ولا لا

معتز :: ايووة باين في جرح من الناحية التانية .

هجر :: يبجي دخلت ف اللحم وخرجت من اليمة التانية من غير ما تيجي ف عضم ولا اوتار يلا سد الجرح دة لازم يتخيط دلوك

* معتز سد الجرح اللي بينزف وخلاة حد من الرجالة يجيب عصاير وشنطة الاسعافات الأولية من عربيتة وبعد كدة نقلها العربية بتاعتة وبعت حد يجيب لوازم خياطة جروح ويحصلهم *

ف خلال ربع ساعة كانو وصلو للبيت اللي هو واخدو يقعد فية وفضل يشربها عصاير وهو موقف نزيف الدم وهي شبة مغمي عليها وبعدها ب١٠ دقايق جة الراجل ومعاة الحاجة *

معتز :: فوقي يا هجر وقوليلي اتصرف ازاي دلوقتي .

هجر :: اديني ف مكان لچرح حجنة بينچ موضعي وطهرو وبعدها خيطو وخلاص علي كدي

معتز :: هو انتي بتتكلمي كأني رايح ارسملك حنة انا هخيطلك جرح رصاصة .

هجر :: انشف يا معتز وخلص الچرح ماينفعش يتساب مفتوح كل ديي .

معتز :: امري لله

* معتز نفذ تعليمات هجر واداخا حقنة البينج وطهر الجرح وبدل يخيطو وهي بتكلمة يعمل اية لانها مكنتش حاسة بحاجة من البينج *

................. ............ ڤيلا كرم .....................

* تليفون كرم رن *

كرم :: ايوووة يا ولاا ياسااامبو فينك دلوكت يا ولاا ومتحدداتش معايا لية تجولي وصلت ولا هي الحريم كلت عجلك يا ولاا ؟

سامبو :: الحجني يا حاچ بت الچبل طختني جرب المعدية ناحية البر التاني .

* الخط اتقطع ف كرم نزل خد رجالتة وراح مكان ما قالو سامبو لقاة مرمي علي الارض سايح دمة وسط الشجر *

كرم :: ولاا يا سامبو مين اللي عمل فيك كدي .

سامبو بصعوبة :: بت الچبل اللي ظربت نار وبوظت العملية اللي فاتت يا حاچ كات جاية تاخد نار الداكتور .

كرم :: بجا حرمة تعمل فيك كديية يا ولد المركوب انتا

سامبو :: بس اني طخيتها يا حاچ .

كرم :: وهي فين بجا دي مش شايفك جتتها ملجحة جارك يعني .

سامبو :: ماهي مشيت يا حاچ .

كرم :: الظاهر انك بقيت خيبان وملكش عازة وطالما اتعرف انك انت اللي طخيت الداكتور مش بعيد يبلغو واسمي يچي فيها انت كنت بتخدمني زين ياسااامبو بس خلاص يا ولاا انت بجيت كارت محروج

سامبووو ::لااااا لااااا يا حاج ارحمني انا خدامك .

* كرم طلع طبنجتة وخلص علي سامبو *

كرم لرجالتة :: ارمو جتت الكلب دة عند اول البلد علشان الناس تلاجيها وتنشرو ف البلد أن اللي جتل سامبو بت المركوب اللي اسمها بت الچبل وان هيدل عنها باي حاچة لية الحلاوة ١٠ تلاف چنية .

الرجالة كلهم :: امرك يا معلم كرم .

***************