رواية سجين عينيها الفصل التاسع 9 بقلم فاطمه عادل

دلف حمزه اليه

حمزه : ايه يا كينج .. الصور اهي طلعت .. اتفضل .

ادم : حطهم هنا واخرج مش ناقص صداع

حمزه : يا ليلة بختك يا حمزه .. علي المعامله اللي الكينج بيعاملك بيها يا حمزه

ادم : برره

حمزه : طب مش هتقولي بتساعد البنت دي ليه .. معقوله الكينج وقع

ادم ابتسم وتذكرها

حمزه : ايوه يبقا وقعت .. وقعت يا معلم

قام ادم من علي مقعده وذهب الي حمزه .. ومسكه من ياقة قميصه وسحبه الي خارج المكتب واغلق الباب

حمزه كاد ان يسقط ارضا .. نفض ملابسه : الله يخربيتك .. بوظتلي بريستيجي .. بس لازم اخليك تعترف انك بتحبها

...........

( في قصر الشرقاوي )

عاد ادهم من عيادته وجد والدته ومرات عمه مني جالسين سويا يشاهدوا التلفاز

ادهم : مساء الخير

مني وعواطف : مساء النور

مني : اجيبلك غدا يا حبيبي .

ادهم : لا يا عمتو اتغديت .. عن اذنكو

وصعد الي غرفته بدل ملابسه بملابس رياضيه .. وذهب صالة الرياضه خلف القصر .. وريم لم تفارق تفكيره .. ثم حزم امره بأن يخبرها بمشاعره تجاهاها .. ويساعدها ان تلتقي بأهلها .. فهو ظن ان ادم لم يتذكر امرها .. عاد الي القصر ودلف الي الدخل .. ثم الي غرفتها .. دق الباب .. فرتدت ريم ازدالها وفتحت له ريم بصعوبه .. فهي لم تستطيع ان تتحرك الا قليلا ..

ادهم : مساء الخير

ريم : اسمها السلام عليكم يا دكتور

ادهم بابتسامه : طيب .. السلام عليكم

ريم : وعليكم السلام ورحمة الله وبركاته .. أؤمر

ادهم لم يدري ماذا يقول .. ثم تراجع عن قراره

ريم : خير يا دكتور في حاجه

ادهم بكذب : عمتو مني بعتتني علشان اشوفك اكلتي واخدتي علاجك ولا لا

ريم : هي كانت لسه عندي هناا

ادهم : معرفش بقاا .. عن اذنك

ذهب وظلت ريم تفكر بأمره .. غلقت الباب .. ثم دلفت الي الغرفه

...........

عاد ادم من الشركه ومعه حمزه وجدوا مني تجلس في الحديقه

حمزه : ازيك يا خالتي

ادم : اسمها خالتي

حمزه : اه مالكش دعوه .. انا حر انا وخالتي

ادم : يخربيت الفاظك .. جتك نيله تشيلك

ثم دلف ادم الي غرفته واخذ حمام منعش .. وارتدي بنطال رمادي وتيشرت اسود واتجه الي غرفة ريم

دق الباب ولكنها لم تجيب .. ظل امام الباب بعض الوقت .. ولكن دون جدوي .. حاول فتح الباب وجده مغلق .. فظن انها نائمه ... خرج الي الحديقه .. وجلس مع والدته وحمزه .

حمزه ببراءه مصطنعه : مالك يا ادم انتا زعلان مني ولا ايه .

ادم : ولااا حل عن دماغي والا وحياة امي لو مسكتك ما هرحمك

حمزه : وعلي ايه انا راجل لسه في عز شبابي .. هسكت اهو

مني : مالكوا يا ولاد .. انتو نقركوا من نقر بعض علي طول كده .. اومال بتشتغلوا ازاي

حمزه : يا خالتي ابنك مفتري .. و

قاطعه ادم : وايه كمان يا روح امك .. شكلك عايز تروح بيتكوا متشال

حمزه قلد صوت بنت : ياريت والله .. شيلني يا ادم

مني : هههههه يخربيت عقولكوا

ادم : تعالي .. هشيلك يا روح امك

وركض حمزه وخلفه ادم

..........

(في منزل ساره)

ساره جالسه في غرفتها .. تفكر في مستقبلها معه .. دلفت سميره الي غرفتها

سميره : السلام عليكم

ساره : وعليكم السلام يا ماما .. اتفضلي

دلفت سميره .. وجلست بجوارها علي الفراش

سميره : ساره يا حبيبتي .. انا مش هجبرك علي حاجه .. لو عايزه ترفضي ارفضي .. بس قبل ما ترفضي فكري .. انا لو عيشتلك انهارده .. مش هعيشلك بكره

ساره : بعد الشر عليكي يا ماما

ثم نامت ساره علي قدميها

ثم اكملت سميره وهي تلعب بشعرها : الموت مش شر يا حبيبتي .. بس انا بقولك الواقع ايه .. انتي محتاجه راجل في حياتك .. وصبرتي كتير اوي .. كفايه عليكي كده يا حبيبتي .. عيشي حياتك مع واحد يقدرك .. ويحبك .. اتفقنا يا ساره

لم تجيب ساره عليها .. فنظرت اليها سميره وجدتها نائمه .. ضحكت سميره وقالت : زي ما انتي .. من وانتي صغيره العبلك في شعرك تنامي

ثم تنهدت : ربنا يسعدك يا بنتي .. وجذبت وساده .. وضعتها تحت رأسها وخرجت من الغرفه

..........

(في قصر الشرقاوي)

خرجت ريم من غرفتها تبحث عنهم .. لم تجد احد في القصر .. خرجت الي الجنينه .. وجدتهم جالسين (مني _ وادم _ وادهم _ وضيف معهم لم تعرفه ).. قربت منهم ثم قالت : السلام عليكم ورحمة الله وبركاته

جميعهم : وعليكم السلام

ثم اكمل حمزه بصوت يسمعه ادم : اللهم صلي علي النبي .. ايه القمر ده .. انا شكلي خلاص هتجوز

ادم لحمزه بصوت منخفض : لو سمعت كلمه زياده منك هدفنك مكانك

مني : اتفضلي يا حبيبتي .. اعرفك .. حمزه ابن اختي .. ودي ريم يا حمزه

ريم بإبتسامه : اهلا بحضرتك يا بشمهندس .. تشرفت بمعرفتك

ادم مد يده ليسلم عليها : اهلا بيكي يا قمر

ولكن ادم صافحه مكانها ثم قال بغيره : مبتسلمش .. واتنيل اقعد بقا

جلسوا جميعا

ادهم كاد ان ينفجر من الغيره من ما يفعله ادم

ادم : هااا يا ريم عامله ايه دلوقتي

ريم : الحمدلله كويسه يا بشمهندس

ادم : طيب عن اذنكوا يا جماعه .. تعالي يا ريم عايزك في موضوع

قامت ريم .. ودلفوا الي القصر .. جاس ادم علي المقعد

ادم : اتفضلي

اومأت برأسها ثم جلست

ادم : احنا هننزل ان شاء الله من بكره ندور عليهم .. بس لو انتي تعبانه خليكي وانا كبرت الصور اللي في السلسله وهنلاقيهم

ريم : شكرا يا بشمهندس علي كل اللي بتعمله معايا .. انا هقدر اروح معاك

ادم : تمام .. يبقا اتفقنا .. هننزل بكره الساعه 9

ريم : ممكن طلب يا بشمهندس .. انا عارفه اني بتقل عليك

ادم : اتفضلي

ريم : عايزه اكلم سلمي صحبتي اللي في المنصوره .. اطمنها علياا

ادم : معاكي الرقم

ريم : حفظاه .. بس مش فاكره اخر رقم 0 او 6

ادم : طب قولي ونجرب

املته ريم الرقم ثم اتصل بالرقم واعطاها الهاتف

ريم : الو .. السلام عليكم .. دا رقم سلمي

ريم : طيب شكرا

ثم غلقت الخط

ادم : جربي التاني

ريم : بصراحه مش بفهم في الموبايل

اومأ ادم براسه واخذ منها الموبايل .. واملته الرقم ثم اعطاها الهاتف

ريم : الو .. السلام عليكم

_ وعليكم السلام

ريم : دا رقم سلمي

_ ايوه اقولها مين

ريم : قولها ر قولها واحده صحبتك

وبعد ثواني اخذت سلمي السماعه

سلمي : الو .. السلام عليكم

ريم بدموع : وعليكم السلام .. عامله ايه يا حبيبتي

سلمي بصوت عالي : ريم .. ثم اخفضته : ريم حبيبتي عامله ايه .. طمنيني عليكي .. انا هتجنن عليكي .. كده ياريم مش تطمنيني

ريم بابتسامه ودموع : حيلك حيلك .. اهدي اي كل ده

سلمي بدموع هي الاخري : وحشتيني اوي يا ريم .. لقيتي اهلك

ريم كذبت عليها حتي لا تقلقها: ايوه لاقيتهم .. وفي اقرب وقت هنيجي كلنا زياره

وظلوا يتحدثوا وادم يتابع ريم

وبعد وقت ليس بقليل اغلقت ريم الخط .. واعطته لأدم : شكرا يا بشمهندس

ادم : الشكر لله

...........

( في منزل الاستاذ يحيي ) والد آيه

دق الباب فإرتدت اختها ازدالها وفتحت الباب

اسماء : ايوه .. مين حضرتك

سيف : مش دا بيت الانسه آيه

اسماء : ايوه .. خير

خرجت آيه من غرفتها فوجدت أسماء تتحدث مع احد ما امام الباب فأرتدت ازدالها وخرجت ولكنها تفاجأت

آيه بصدمه : سيف بيه

.

.

.

يتبع....

استغفر الله بعدد النجوم وعدد كل مظلوم ومهموم استغفر الله الحي القيوم 

اللهم صلي وسلم وبارك علي سيدنا محمد وعلي آله وصحبه وسلم

سجين عينيها

الحلقه العاشره

( في منزل الاستاذ يحيي ) والد آيه

دق الباب فإرتدت اختها ازدالها وفتحت الباب

اسماء : ايوه .. مين حضرتك

سيف : مش دا بيت الانسه آيه

اسماء : ايوه .. خير

خرجت آيه من غرفتها فوجدت أسماء تتحدث مع احد ما امام الباب فأرتدت ازدالها وخرجت ولكنها تفاجأت

آيه : سيف بيه

سيف : انا اسف اني جيت من غير ما اقولك .. بس انتي نسيتي الشنطه دي في المكتب .. وانا خوفت تدوري عليها .. جبت العنوان من الملف بتاعك وجبتهالك

آيه : تمام .. منشكره جدا

خرجت بشري من المطبخ

بشري : بتتكلموا مع مين يا بنات .. ومين اللي كان بيخبط

أسماء : سيف بيه يا ماما مدير آيه في الشغل

بشري : اتفضل يبني .. واقف علي الباب ليه .. مينفعش كده .. تعالي جوه

سيف : لا يا طنط ربنا يخليكي .. انا جيت اجيب للانسه آيه شنطتها .. لإنها نستها في المكتب .. وبكره اجازه

بشري : شكرا يا حبيبي .. بس برضوي لازم تدخل .. اتعشاا معانا انهارده

سيف : لا يا طنط

قاطعته اسماء : ايه يا بشمهندس .. مش عايز تاكل من اكلنا ولا ايه

سيف : لا طبعا انا هاكل اوي .. وسعي كده

ثم دلف الي الداخل .. وجلس علي المقعد .. وظل يتحدث مع بشري .. بينما الفتيات دلفوا الي المطبخ ليحضروا الطعام

آيه مقلده صوت اختها : ايه يا بشمهندس .. مش عايز تاكل من اكلنا ولا ايه

أسماء : ههههههه .. مالك زعلانه ليه .. مش كفايه انه جابلك شنطتك

آيه : وهو لما صدق .. ثم قلدت صوته : لا طبعا انا هاكل وسعي كده

اسماء : اخلصي بابا زمانه جااي

آيه : كنت قاعده في اوضتي .. جيه خلاني اعمل الاكل

اسماء : وامك لما صدقت .. دبستنا احناا

دلفت بشري الي المطبخ

بشري : ها يا بنات خلصتوا .. ابوكوا جيه وقاعد معاه بره

آيه : كان لازم تعزميه يا ماما

بشري : يا بنتي دا مديرك في الشغل .. وجاي لحد البيت .. وهيمشي من غير ما ياكل ولا يشرب حاجه عندنا

صمتت آيه فهي تعلم ان امها محقه

بشري : يلا هاتوا الاكل علي السفره

أسماء : حاضر يا ماما

خرجت بشري .. ثم دلفت الي الصالون .. وجلست مع زوجها وسيف .. ووضعوا البنات الطعام علي السفره .. ثم دلفت اسماء الي الصالون

اسماء : اتفضلوا .. الاكل جاهز

يحيي : يلا يا استاذ سيف اتفضل

سيف : بلاش استاذ دي .. سيف بس

جلس سيف علي السفره وجلست ريم مقابله له .. لكن لم تنظر اليه

وبدأو تناول الطعام

يحيي : آيه بنتي من وقت ما اشتغلت في الشركه .. وهي علي طول بتشكر فيك .. وفي اخلاقك

نظر سيف اليها وابتسم علي وجنتها التي تحمرت خجلا : وهي يا عمي كويسه جدا في الشغل .. وبتتعلم بسرعه .. و

قاطعتهم اسماء : اشكروا فيا انا كمان شويه .. كله لأيه وللاستاذ سيف

ضحكوا جميعا بينما آيه قامت وذهبت لتغسل يدها

نظر سيف لها

يحيي : هي كده علي طول .. اكلها بسيط

سيف : ايوه باين عليها .. طب الحمدلله .. ممكن اغسل ايدي

يحيي : من هنا يبني

دلف سيف ليغسل يده وجدها تغسل يدها هي الاخري

سيف : انا اسف اني جيت البيت .. بس انا

قاطعته آيه : لا يا سيف بيه .. انتا نورتنا

سيف : تسلمي .. ممكن اغسل ايدي

آيه : اه طبعا اتفضل

ثم ابتعدت عن المرحاض .. ومعها المنشفه

كاد سيف ان يخرج

آيه بسرعه : مش هتنشف

سيف : هاتي

جفف سيف يديه ثم خرجوا معا

سيف : استأذن انا بقا لانهم اكيد كانوا مستنيني علي العشاا .. وموبايلي فاصل

يحيي : مش هتشرب معانا الشاي

سيف : مره تانيه يا عمي .. يلا عن اذنكوا

خرج سيف من المنزل واخذ سيارته واتجه الي القصر

................

( في قصر الشرقاوي )

يجتمع الجميع علي العشاء

مني : رقيه .. قومي نادي ريم تتعشاا معانا بدل ما بتاكل لوحدها

رقيه : حاضر يا ماما

ثم دلفت الي غرفتها

عواطف : انا مش عارفه يا مني انتي مهتمه بيها كدا ليه .

مني : عواطف خليكي في حالك ممكن.

عواطف : دي بنت من الشارع .. ولا نعرفها هي مين ولا بنت مين .. افرضي طلعت حراميه .. هنعمل ايه في طيبتك الزايده دي .. مش عارفه تهمك في ايه انتي وابنك

كانت تتحدث وسمعتها ريم وجمله واحد تتردد في اذنها وترغرغت الدموع في عينيها: دي بنت من الشارع ولا نعرف هي مين ولا بنت مين

نهض ادم فجأه ثم قال بزعيق:

ب

سسسس مش عايز اسمع كلمه زياده .. تهمني او متهمنيش محدش ليه دعوه .. القصر ده ليا فيه زيكو .. ولو مش عايزني معاكوا .. عاخدها ونروح بيت تاني لحد ما ارجعها لاهلها .. انا قررت اساعدها .. ومش هتراجع عن ده في يوم .. تحترموها زي ما بتحترموني فاهمين .. ثم قال : عمي جلال .. هاتلي اكل علي اوضه ريم

ثم صعد ادم علي الدرج وجدها تقف علي الدرج ومعها رقيه تمسك بها ودموعها تهبط علي حالها

ادم : رقيه خدي ريم علي اوضتها .. وعم جلال هيجيبلها اكل .

رقيه : حاضر

اخذتها رقيه الي غرفتها

............

( في منزل الحاج سعد )

الحاج سعد : تعالي كلي يا ام امين .. مش هيعمل حاجه اللي انتي عملاه في نفسك ده

حنان : ماليش نفس يا ابو امين .. انا خايفه عليها .. هي اه مش بنتي .. بس دي بقالها 16 سنه عندنا .. بتناديني يا ماما .. بتلجأ لحطني دايما .

الحاج سعد :ربنا معاها .. هي هربت من بيت اهلها .. ونزلت راسنا قدام اهل البلد كلها .. بنت تهرب من بيت اهلها .. ليلة كتب كتابها .. وغير اللي الحاج فتحي هيعمله فينا .. مش بعيد يطردنا من الشقه

حنان بعصبيه : يعني عاجبك اللي كان هيحصلها .. البنت تتجوز واحد قد ابوها .. ويبقا ليها 3 ضراير .. وغير انه كل شويه يتجوز ويطلق .. دي لو بنتك بجد كنت رضيت ان دا يحصلها .. رد علياا .

الحاج سعد : كنا هنلاقي حل .. بس متهربش .

حنان بعصبيه : هي عملت ايه علشان تحط راسك في الارض .. هربت مع عشيقها مثلا .. دي راحت لأهلها

الحاج سعد بعصبيه : ولما هي راحت لأهلها ومقدرتناش .. ولا قدرت اللي هيحصل فينا .. زعلانه عليها ليه .. بقالك اسبوع مش بتاكلي حاجه

حنان بدموع : بقولك دي كبرت علي ايدي .. بقالها 16 سنه معانا .

الحاج سعد : اهدي بقا .. وتعالي كلي .. بالله عليكي هتتعبي.

حنان : هاكل بعد شويه

الحاج سعد : بعد شويه .. بعد شويه .. كل ما اقولك حاجه تقوليلي بعد شويه

دق الباب .. وقام الحاج سعد وفتح الباب

سلمي : السلام عليكم

الحاج سعد : وعليكم السلام .. اتفضلي يا بنتي

سلمي : لا يا عمو انا عايزه امشي علي طول .. انا جيت اقولكوا ان ريم اتصلت بياا

ركضت حنان تجاه الباب

حنان بدموع : قالتلك ايه .. هي كويسه .. هترجع امتاا

سلمي : اهدي يا خالتو .. هي قالتلي انها لقت عيلتها .. وهي كويسه دلوقتي .. وهتيجي زياره في اقرب فرصه مع اهلها علشان تتعرفوا عليهم .

جلست حنان علي الارض

وقالت ببكاء حاد : الحمدلله يارب .. الحمدلله ان بنتي كويسه

جلست سلمي بجوارها وضمتها

سلمي بدموع : اهدي يا خالتو .. اهدي علشان خاطري

..........

( في قصر الشرقاوي )

ادم جالس علي فراشه .. يفكر بها وبإنفعاله عندما قالت عواطف كلامها

ثم نهض من علي فراشه ليطمئن عليها .. واتجه الي غرفتها .. واثناء سيره .. وجد ادهم يتجه هو الاخر الي غرفتها

ادم : ادهم .. انتا رايح فين

ادهم : هطمن علي ريم واعتذر منها علي اللي ماما قالتهولها.

ثم وقف ادهم امام غرفتها

ادهم : ادم .. عايزك ثواني

ادم : طب لما نطمن عليها

ادهم : لا يا ادم ارجوك اسمعني

ادم : في ايه يا ادهم .. اتكلم

ادهم : انتا بتحب ريم

ادم بتوتر : احبها .. احبها ليه .. انتا عارف اني ماليش في الكلام ده .. انا بس بساعدها

ادهم : طب الحمدلله .. ريحتني

ادم : نعم ريحتك ازاي

ادهم : انا بحب ريم .