رواية أحببتها صعيدية الفصل السابع 7 نور الدين جلال

بشوف الجنة فـ عيون حد

لأول مره من فترة

بحس القلب دق بجد

لأول مرة بتخيل

بيبان الجنة فوق الأرض

كأن القلب بقا عيل

ومن بعد اما اصبح جد

................... في العيادة .................

* هجر بتروح العيادة بشكل يومي وبتساعد احمد ف الكشف علي المرضي ومجرد ما النهار يخلص بتمشي علطول ومش مخلية يكون في فرصة للكلام غير ف نطاق الشغل وحتي نعمة اللي حست انها مش طايقاها من اول يوم مش بتتكلم معاها *

احمد :: مقولتليش يا جنة انتي كنتي معهد تمريض ولا اتعملتي المهنة ف المستوصف اللي كنتي شغالة فية اصل واضح انك شاطرة جدا وفاهمة كل حاجة

هجر :: انا علي جدي يا داكتور وهاچي چمبك اية انا يدوبك بفهم الحاجات الي اي حد يجدر يتعلمها

احمد :: بردو مقولتليش تعليمك اية وكمان انا معرفش عنك اي حاجة غير اسمك وانك من البلد اللي جنبنا افرضي حصلك حاجة نوصلك ازاي ؟

هجر :: متجلجش يا داكتور وبعدين انا يوم ما هديحصلي حاجة ماينفعش راچل غريب ياچي يطمن عليا مهما كان مين

احمد :: مقصدش كدة بس الطبيعي اني اعرف عنك كل حاجة بحكم انك شغالة معايا وتهميني ف لازم اعرف مثلا مخطوبة ولا لا اصل مستحيل بنت ف جمالك تكون مش مخطوبة وهما هنا البنات بيتجوزو من سن ١٦ سنة وأقل .

هجر :: اللي يهمك تيعرفة اني مش هجصر ف الشغل ف العيادة ويوم ما تلاجيني مش شايفة شغلي زين انا هاخد حالي ومش هتشوف وشي تاني

احمد :: لا لا وعلي اية انا مقصدش اضايقك

هجر :: يلزمك حاجة تانية يا داكتور ؟

احمد :: شكرا يا جنة اتفضلي انتي اقعدي ف الاستقبال لكد ما تدخل الحالة الجاية ادخلي معاها

هجر :: بعد ازنك

................................

...................

* سامية اول ما وصلت ل باب الڤيلا لقيت بتوقفها دمها نشف من الهضة فكرت أن سامبو شافها بتبص لقيت هجر هي اللي وقفتها

سامية حكت لهجر علي كل اللي سمعتة *

هجر :: تروحي دلوك تحذرية وتجوليلة أن اللي باعتك بت الجبل وانها هتحتاج رد الچميل جريب

سامية :: طب لو سألني مين بت الچبل دي واعريفها منين

هجر :: جوليلة اني عدوة الحاج كرم وانك متعودة تنجليلي اخبارة اول باول

وخدي الفلوس دي اداري بيها برة البلد اليومين دول علشان ابويا مش هيشك غير فيكي أن اللي بلغتي الحاج نعمان احنا منضمنش الحاج نعمان ممكن يحول اية ل ابويا وممكن يچيب سيرتك

سامية :: يعني مش هرجع البلد تاني ؟

هجر :: متجلجيش جريب هترجعي خلاص الظلم جرب ينتهي

سامية راحت لمحل الحاج نعمان

ساميه :: ياحاج نعمان

الحاج نعمان :: سامية .. عايزه ايه

سامية :: انا عايزه اخلص ضميري جدام ربنا

الحاج :: في ايه انطجي

سامية :: بس تحلف انك متجولش لحد واصل اني انا اللي چتلك وجولتلك علشان الحاج كرم لو عرف اني جيت نبهتك هيچتلني

الحاج نعمان :: وانتي ايه علاجتك بالحاج كرم

سامية :: انا بخدم في بيتة ومتچوزني عرفي

الحاج نعمان :: قام وقف علي حيله بجا انتي شغالة في بيت الحاج نعمان.. يعني كل الفترة دي مراتي كانت لما بتجيلك كانت بتجيلك في بيت كرم

سامية :: اديني فرصة اتحدت ياحاج ابوس يدك جبل ما تروح في داهية

الحاج نعمان قام واخد سامية جوه في المخزن علشان محدش يسمع هي هتقولوا ايه

وبدأت سامية تحكي للحاج نعمان كل حاجة

تعرفها وحصلت من ورا ضهرة حتي علاقة فتحية وسامبو

الحاج قام وبقي بيزعق في سامية ويقولها :: انتي كدابة وكرم هو اللي وزك علشان تيجي تجوليلي الكلام ده

سامية فضلت تحلف انها بتقول الحقيقة

وانة مخطط انة يدخله السجن وقالت روح البيت وشوف الشوال اللي محطوط في دولاب مراتك فتحية وسامبو بالليل هيروح النجطة ويبلغ عليك وحكت له علي اللي سمعتة من الحاج كرم .

الحاج نعمان :: و انتي هتستفادي اية من كل دة ومتجوليليش هتخلصي ضميرك

سامية :: بص يا حاچ نعمان في حد تاني بيكرة الحاج كرم زيك وهو اللي بيخليني انجلة اخبارة اول باول وهو اللي جالي اجيلك

الحاج نعمان :: ودة مين دة مفيش ف البلد كلها حد يجدر يعادي كرم غيري انت والعمدة

سامية :: بت الجبل يا حاچ نعمان

الحاج نعمان :: كأنك هتخرفي بت الجبل دي عفريتة

سامية :: ما عفريت الا بني ادم يا حاچ هي بس بتجولك أن عدو عدوي يبجي صاحبي وان كدة هي سبجت بالخير وليها عندك يوم تردلها الچميل

انا لازم امشي من البلد احسن الحاچ كرم اول ما يشم خير هيجطع رجبتي

الحاج نعمان حس انة هيغمي عليه بسبب الكلام اللي بتقولوا سامية وراح خارج بسرعة علي البيت وسامية جريت علي بيت كرم لمت هدومها وسابت البلد ومشيت

................ ڤيلا الحاج نعمان .............

الحاج وصل البيت

فتحية انتي يا زفتة يافتحية

الحاجة امينة :: في ايه يا حاج مالك جاي شايط من بره ليه

فتحيه : ايوة ياحاج في حاجة ؟

الحاج نعمان مسك فتحية من شعرها وجرها علي السلم وهو طالع الاوضة بتاعتهم وفتح الدولاب بتاعها ورمي الهدوم في الأرض وكانت المفاجئة شوال الأثار موجود فعلا في الدولاب

مسكة وفتحة لقي فيه فعلا اثار وفتحية خايفة ومرعوبة جريت ناحية السرير علشان تستخبي والحاج نعمان راح جابها من شعرها وفضل يضرب فيها بالاقلام

الحاج :: يعني كلام سامية صح .. يبجي انتي بتروحي للكلب كرم وسلمتي شرفك له يافاجرة وفضل يضرب فيها بالأقلام. وبعدين اخد الشوال وطلع بره الأوضة وقفل عليها من بره وقال للحريم اللي كانت واقفة بره ومش عارفين فيه ايه

الحاج نعمان :: محدش يفتح الباب للكلبة دي لغاية ما ارجعلها

الحاج نعمان اخد الشوال وراح خفاه في حتة الجن الازرق ميعرفش مكانة وعلي ما رجع كان لقي فتحية رمت نفسها من الدور التاني

من خوفها من الحاج لا يقتلها .. نزلت من فوق علي دماغها ماتت في الحال .

البوليس جه وحققوا مع اللي في البيت علي سبب وقوعها من فوق. والحاجة قالت في التحقيق. انها كانت بتنضف الشبابيك وجعت

وكلة قال نفس كلام الحاجة علشان كانوا متفقين مع بعض هيقولوا ايه

الحاج كرم لما عرف اللي جري لفتحية وهروب سامية من البلد اتأكد ان الحاج نعمان عرف. وقال لسامبو متبلغش لان اكيد الحاج نعمان عمل حسابة

فات اسبوع والحاج نعمان مش بيكلم حد خالص في البيت وعصام وحسين واحمد كانوا فاكرينة زعلان علي فتحية

..................................

مرت الايام والليلة دخلة جلال ابن العمدة علي الهام بنت الحاج نعمان .. الليلة كبيرة والفرح حاضرة كل اهل البلد

الصوان كان مقسوم نصين نص للرجالة ونص للستات وطبعا غير مكان كبير علشان المعازيم تتعشي فيه

الليلة جميلة والكل فرحان والحاج نعمان وولاده والعمدة بيستقبلوا اهل البلد اللي جايين يهنوا ويباركوا و منهم اللي بيدخل الناس علشان تتعشي

...

الحاجة امينة فرحانة ان بنتها الهام اخر العنقود ودلوعتها اتجوزت زينة شباب البلد

راجل وجدع والف مين تتمناه ل بنتها

الليلة الجميلة خلصت و عريس اخد عروستة ودخل بيها عش الزوجية

الحاج نعمان والحاج مصليحي عمدة البلد هما كمان منقدرش ننسي فرحتهم

كانت علاقة الحاج نعمان بالحاج مصليحي علاقة صداقة من وهما عيال كبروا مع بعض .. وصداقتهم بتكبر كل يوم عن اليوم اللي قبلة وبالجوازة دة الصداقة تطورت وبقت من صلة صداقة وصحوبية لصلة اهل

ونسب

من عادات الصعايدة القديمة ان بعد ما العريس والعروسة يدخلوا بعدها بساعة ام العريس بتدخل علشان تطمن ان البنت كانت عذراء

وتدخل تشوف المنديل وبعدها تخرج تزغرط ..

جلال دخل البيت مع مراتة الهام ووراهم امة صباح وابوه العمدة مصلحي وعصام وزينب مراتة ونعمة اختة

جلال اخد مراتة وطلع بيها علي شقتة وعصام ومراتة واختة نعمة والحاجة صباح والحاج مصلحي قعدو تحت في الصالة والحاجة قالت ل سعاد الشغالة هاتي العشا سعاد

سعاد جابت العشا ليهم علشان يتعشوا

لكن عصام مرضيش ياكل وكان من جواه مستعجل وقلقان وعايز يسمع زغروطة الحاجة صباح بسرعة علشان يطمن ويروح يطمن ابوه ويطمن الحاجة امينة اللي طبعا بيعتبرها امة

...........

جلال اول ما دخل الشقة وقفل الباب وراه راح شايل الهام وداخل بيها اوضة النوم

غير هدومة والهام فضلت بفستان الفرح علي السرير ومكسوفة وخايفة من اللي هيحصل

برغم انها بتحب جلال وجلال بيحبها الا ان الموضوع بينهم كان فية كسوف شديد لانهم مكانوش واخدين علي بعض طوا فترة الخطوبه

جلال :: مغيرتيش ليه يا الهام ؟ مكسوفة

الهام بصت في الأرض ومتكلمتش

جلال قرب منها وقعد جنب منها علي السرير

انا خابر انك خجلانة مني علشان يعني اول مرة تتقفل علينا باب اوضة .. بس انا مش عايزك تتكسفي مني يا الهام . انا بقيت چوزك يابت

مش بتردي عليا بردو ..

بس قبل ما تغيري خلجاتك عايز اقولك كلمتين

امي وابويا .. دول يا الهام عندي بالدنيا كلها وانا كمان عندهم بالدنيا وما فيها .. عايزك انتي كمان تعتبريهم زي امك وابوكي . ومش عايزك تزعليهم ابدا .. ولو في يوم. من الايام امي زعلتك ولا حتي چت عليكي. عايزك تستحمليها وتعتبريها امك اللي بتحبك

مانا مليش غيرها يا الهام ومچدرش اخليها تبات ليلة زعلانة مني

الهام :: امك وابوك في عنيا يا سي جلال انت بتجول ايه بس

جلال :: معلش يا حبيبتي وچب عليا انبهك وانصحك من اولها .

جلال قرب من الهام :: انا مش مصدج انك خلاص بقيتي مراتي حلالي

الهام ابتسمت ابتسامة كلها خجل وكسوف وبصت في الأرض .. جلال بصوابع ايده تحت دقنها ورفع وشها لفوق . ايه مكسوفة مني

تعرفي اني عحب كسوفك دة جوي

انا مبسوط جوي انك بجيتي مرتي

الهام :: ربنا يخليك ليا يا احمد وانا كمان مش مصدقة ان حلم عمري اخيرا اتحقق وبقيت مراتك وملكك

جلال :: طب ايه .. اامي واخوكي جاعدين مستنين تحت وشوية وامي هتطلع علشان تشوف المنديل

الكل قاعد تحت مستني يشوف المنديل

العمدة مصلحي :: بجولك ايه يا صباح اطلعي خبطي علي جلال وشوفيه خلص ولا لسة

الحاجة صباح :: حاضر ياحاچ

صباح طلعت وخبطت علي جلال وخرج ورا المنديل ل امه اللي راحت مزغرطة بعلو صوتها

عصام وزينب سمعوا الزغاريط راحت زينب هي كمان مزغرطة وعصام قام وخد مراتة واختة نعمة ومشي علشان يطمن ابوه والحاجة امينة

......................ڤيلا الحاج كرم ...............

الحاج كرم :: ولاا يا سامبو لو طلبت منك اي طلبت تنفذة ؟

سامبو :: طبعا يا سيد الناس انت تؤمرني ولو فيها رجبتي انا خدامك .

الحاج كرم :: بص يا ولاا بعد اللي حصل اكيد الحاچ نعمان ناويلي علي نية سودة ولازم اتغدي بية جبل ما يتعشي بيا

سامبو :: يعني عايز تخلص منة يا حاج

الحاج كرم :: براوو عليك يا ولاا بس انا مش عايز اجتلة هو انا عايز اجتل حد من اللي عندة منها احرج جلبة ومنها اشغلة عني ويتهد شوية لحد ما اروجلة انت عارف يا ولاا العملية الچاية كبيرة ومش عايز فيها غلطات زي اخر مرة

سامبو :: امرك يا سيد الناس تحب اخلص علي مين من عيالة ؟

الحاج كرم :: لا انا ماعيزش عيالة دول ليهم روجة وخسابهم معايا بعدين وبالذات اللي اسمة عصام

سامبو :: اوومال مين يا تاج راسنا

الحاج كرم :: الداكتور احمد ابن اخوة اللي رجع من برة من كام شهر وخاطب بتة وكدي احرج جلب العيلة كلها مش نعمان بس

سامبو :: امرك يا تاج راسنا الليلة هيكونو بيجرو الفاتحة علي روحة

الحاج كرم :: عفارم عليك يا ولاا خد دول ١٠ الف وليك زيهم لما تخلص علي الداكتور بس انا عايزك تخلص علية ف عز الضهر

سامبو :: ودي تيجي ازاي دي وهو هيكون ف العيادة؟

الحاج كرم :: بسيطة يا واااد تبعت عيلة صغيرة تديها جرشين تروح تجولة امي ولا اختي بتولد وهو هيخرج جري عشان يلحجها تجوم مخلص علية

انا عايز الحاج نعمان يعرف اني اجدر اوصل لية و ل اي حد من عيالة ف اي وجت

سامبو :: اللي تؤمر بية يا تاچ يا سيد الناس

............. ....................

......................تاني يوم ف العيادة .............

* احمد ف اوضة الكشف ومعاة هجر بيكشف علي مريضة وبعد ما خرجت هجر كانت هتخرج تستنا برة ف الاستقبال لما مريضة تانية تبجي زي ما هي متعودة لكن احمد قالها تستنا *

احمد :: استني يا جنة عايز اتكلم معاكي ف حاجة مهمة

هجر :: خير داكتور جول ؟

احمد :: بصي بصراحة كدة انا سألت العمدة مصيلحي عليكي قالي انة مايعرفش عنك حاجة غير اللي قالتة صباح اللي شغالة عندة وطلبت منة يسألها عليكي قالتلة انها كمان ما تعرفش حاجة انا مش بفتش وراكي بس انا عايز اعرفك من اول لحظة شوفتك فيها وانا حاسس اني اعرفك من زمان فيكي حاجة مألوفة ودايما بفكر فيكي .

هجر :: بجولك اييي يا داكتور احمد كأيوانك فاكر انتي هبلة ولا جاهلة هتضحك عليا بكلمتين من بتوع مصر فوج ل روحك احسن ما افوججك انا .

احمد :: انتي فهمتيني غلط انا قصدي خير والله ومظنتش فيكي ظن وحش .

هجر قامت وقفت واتحركت علشان تمشي:: ولا وحش ولا حلو ومن السعادي ماليش مجي هنا تاني

احمد قام وراها بسرعة ومسك أيدها :: ارجوكي استني وافهميني انا قصدي شريف ولو حابة النهاردة اجي اتقدملك .

* هجر حاولت تفلت أيدها احمد مسك فيها اكتر وبيبصلعا لاستعطاف وف لحظة خطفت فتاحة الجوابات بالايد التانية وجرحتة ف ايدة *

هجر :: واللي خلج الخلج ايدك ما تجرب مني تاني ل اجطعهالك ياك فاكرني اول ماتجوليش كدة هترمي تحن رچليك واجولك والنبي اتچوزني فوج يا داكتور مش بنات الصعيد يوم ما يتچوزو لازمهم راچل يفهم ف الاصول وتجاليدنا وعاداتنا بالاذن يا مصراااوي .

* احمد سمع الكلمة دي وافتكر الست المتلتمة لما قالتهالة ليلة ضرب النار وخرج وراها يوقفها ومهتمش بجرح ايدة واول ما خرج من الاوضة لقا نعمة واقفة بتبصلة كدة وشافت جرح ايدية ف نفس اللحظة بنت صغيرة دخلت العيادة بتصرخ الحج يا داكتور امي بتولد ومحدش معاها وهتموت.

هجر كنت وصلت ل باب العيادة اول ما سمعت كلام البنت وقفت ولقيت احمد ربط ايدة بشاش بسرعة وخرج و اول ما قرب منها قالها هتيجي ف قالت ايوواة ورجعت تجيب شوية مستلزمات هيحتاجوها

مفيش دقيقتين وسمعت صوت ضرب نار خرجت جري هي ونعمة لقيت احمد مرمي علي الارض وفي رصاصة وفي جرح ف صدرة وسايح ف دمة **