رواية قلب لا يقبل الهزيمه الفصل السابع 7 بقلم دودو محمد

وصلوا الشركه ودخلوا على مكتب سليم وجلست رضوى على الاريكه وهى صامته نظر لها سليم بأستغراب وقال

سليم :- مالك يا رضوى

رضوى :- مالى فيه ايه

سليم :- مش من عوايدك تكونى قاعده ساكته كده احنا من ساعة ما خرجنا من البيت وانتى منطقتيش ولا كلمه

رضوى :- تنهدت وقالت عادى يعنى مليش مزاج اتكلم مع حد

سليم :- قام وقف واتجه لها وجلس بجوارها وقال بتسأل انتى فيكى حاجه مضايقكى

رضوى :- وده هيفرق معاكى يعنى

سليم:- ايوه على الأقل علشان انتى بنت عمى

رضوى :-نظرت الاتجاه الاخر والتزمت الصمت

سليم :-مد يده وادار وجهها له وقال قولى مالك يا رضوى

رضوى :-بوجع هو انت شيفنى وحشه اوى كده

سليم :- مين قال

رضوى :- انا سمعتك وانت بتقول لمراتك كده فى التليفون

سليم :- احم ه.ه.هو انا فعلا قولتلها كده بس علشان اهديها مش اكتر هى بتغير عليا وانا ببرر ليها موقفى

رضوى :- هو ليه انتو بتحبوا الواحده تكون مبهرجه فى نفسها وتلبس حاجات ضيقه وعريانه وقصيره علشان تعجبكم ليه دايمآ تقولوا على البنت اللى بتحافظ على لبسها وتكون محترمه غفر ولا تشبه الرجاله مع ان ربنا هو اللى أمرنا بكده انا مش زعلانه من شكلى ولا طريقة لبسى ولا أن مش بحط ميكاب بس كلامك صعب اوى

سليم :- هو فعلا ربنا أمركم تستروا نفسكم بس برضه امركم انكم تتزينوا لازوجكم فى البيت مش تقعدى رافعه شعرك لفوق طول الوقت وبهدوم شبه اللى انا بلبسها

رضوى :- وده هيفرق معاك ايه ما انا وانت عارفين اللى فيها

سليم :- ايوه عارفين اللى فيها بس انا اقصد اقول انك لو غيرتى شكلك واهتميتى بنفسك فى البيت مش عيب ولا حرام بلاش علشانى مش هتفرق عندى كتير بس علشانك انتى بلاش تعيشى دور الواحده المسترجله حتى فى البيت وتقولى ستر وعفه يا رضوى

رضوى :- هزت راسها وقالت عندك حق ونظرت الاتجاه الاخر

سليم :- ادار وجهها له مره اخرى وقال على فكره انتى حلوه اوى ومن غير اى ميكاب جمالك ربانى مش محتاج اى اضافات

رضوى :- نظرت له بأستغراب

سليم :- ومش بجامل على فكره وحرك اصابعه على وجهها وقال انتى فيكى حاجات كتير حلوه بس انتى اللى مخبياها وفى هذا الوقت رانيا فتحت الباب ودخلت ووقفت مصدومه فى مكانها سليم نهض سريعآ من على الاريكه وقال بتوتر احم ر.ر.رانيا واحشتينى يا حبيبتى

رانيا :- ا.ا.انتوا كنتوا بتعملوا ايه دلوقتى

رضوى :- وقفت بتوتر وقالت ط.ط.طيب انا هخرج بره عن اذنكم وخرجت وتركتهم

رانيا :- نظرت لها بغيظ وقالت ممكن افهم ايه اللى انا شوفته ده

سليم :-وقف امامها وقال و.و ولا حاجه هى بس كانت مخنوقه من حاجه وبتحكيها ليا وانا كنت بتطبطب عليها مش اكتر

رانيا :- لا والله بتطبطب علي خدها

سليم :- ها ل.ل.لاء انتى فهمتى غلط انا كنت بمسح دموعها بس

رانيا :- وليه، كنت خدها بالحضن بالمره

سليم :- يا حبيبتى متكبريش الموضوع

رانيا :- انا كان قلبى حاسس ان البنت دى مش سهله وعينيها منك

سليم :- ايه اللى انتى بتقوليه ده مفيش حاجه من دى خالص

رانيا :- البت دى متقعدش ثانيه واحده تانى عندكم فى البيت النهارده تواسيها بكره تتجوزها

سليم :- ها ل.ل.لاء طبعآ انا عمرى ما اكون لأى حد غيرك يا حبيبتى انتى عارفه انا بعشقك قد ايه وعيونى مش بتشوف غيرك

رانيا :- بس انا شايفه اللى بيحصل غير اللى انت بتقوله

سليم :- مفيش حاجه من اللى فى دماغك دى يا حبيبتى خلاص بقى

رانيا :- انت لازم تعلن خبر جوازنا يا سليم

سليم :- ها

رانيا :- هو ايه اللى ها هنستنى ايه تانى كفايه اوى لحد كده علشان اجى اعيش معاكم فى الفيلا وتبقى تحت عينى هناك كمان يا سليم

سليم :- اصبرى شويه طيب

رانيا :- لاء مش هصبر تانى يا سليم تكلم ابوك وخلال الأسبوع ده تعلن جوازنا يا اما انا هتصرف بمعرفتى فاهم وخرجت من المكتب ونظرت بقرف لرضوى وذهبت

رضوى :- دخلت وقالت هو ايه اللى حصل

سليم :- كله منك، انتى السبب فى كل ده

رضوى :- انا ؟ وانا مالى

سليم :- ايوه بسببك صممت أن انا اعلن جوازنا خلال الاسبوع ده

رضوى :- طيب وانا مالى بكل ده

سليم :- ظهورك اليومين دول فى حياتى خلاها تغير عليا وتتجنن وتعمل كل ده

رضوى:- طيب ما تعلن جوازكم ايه المشكله يعنى

سليم :- مينفعش دلوقتى

رضوى :- اشمعنا يعنى

سليم :- مش مستعد دلوقتى ادخل فى جدال مع اى حد وبعدين لو جدى عرف مش هيسكت

رضوى :- بقولك ايه اولع انت وهى متوجعوش دماغى وجلست على الاريكه

سليم :-نظر لها بغيظ وجلس على المقعد الخاص بى وسمع صوت طرق على الباب اذن بالدخول دخل السكرتير وقال

السكرتير :- مكتب الانسه رضوى جاهز يا فندم

رضوى :- اخيرآ جه فى وقته وقامت وقفت

سليم :- روح هات ليا فنجان قهوه مظبوط بسرعه

السكرتير :- حاضر عن اذنك

رضوى :- استنى خدنى معاك عند المكتب بتاعى وخرجت مع السكرتير

سليم :- نظر لها وهى خارجه وتنهد ووضع يده على وجه ورجع رأسه للخلف

&&&&&&&&&&&&&&&&&&&&&&&

فى القاهره.....فى فيلا هشام

جهزت اسماء واهتمت بشكلها ومظهرها وظلت تنظر فى المراه على شكلها واخذت الروج ووضعت منه على شفتها والقت قبله لنفسها فى المراه ونزلت إلى الاسفل وجلست على الاريكه تنتظر وصول احمد من العمل

صباح :- انتى مش شايفه أن لبسك ملفت شويه

اسماء :- ليه بس يا مرات عمى ما كويس اهو

صباح :- رحيم لو شافك كده مش هيحصل كويس

اسماء :- انا متأكده لو رحيم شفنى كده مش هيقول حاجه

صباح :- انتى حره بس متزعليش من ردت فعل رحيم لما يجى

نسرين :- نزلت وقالت هو احمد جه

صباح :- لاء لسه

نسرين :- جلست ونظرت إلى اسماء وقالت ايه اللى انتى عامله فى نفسك ده يا اسماء

اسماء :-بعصبيه ماله

نسرين :- لا ولا حاجه ملوش وبعد وقت وصل احمد وقال

احمد :- السلام عليكم

الجميع:- وعليكم السلام ورحمه الله وبركاته

صباح :- اقعد يا ابنى ريح شويه وكل لقمه

احمد :- لاء يا ماما مليش نفس انا هطلع بس اغير هدومى وانزل ليهم بسرعه وصعد إلى غرفته

صباح :- اطلعى وراه جوزك يا نسرين شوفيه لو محتاج حاجه

اسماء :- ها ل.ل لاء خليها يا مرات عمى انا عايزه اتكلم معها فى موضوع

صباح :- ابقوا اتكلموا فى الطريق يلا نسرين اسمعى الكلام

نسرين :- حاضر يا مرات خالى وصعدت إلى الغرفه

اسماء :- جلست بغيظ وظلت تأكل فى اظافر يدها بتوتر

نسرين :- دخلت الغرفه واغلقت الباب خلفها وجدت احمد بينزع ملابسه نظرت له وقالت اطلع ليك هدوم

احمد :- وقف امام خزانة الملابس وفتحه وقال لاء شكرآ

نسرين :- طيب مش محتاج اى حاجه منى

احمد :- سبق وقولتلك انا مش محتاج حاجه من حد وارتدى ملابسه وجلس يرتدى الحذاء

نسرين :- بدموع ا.ا.انا اسفه

احمد :- رفع راسه إلى الاعلى ونظر لها وقال اسفه على ايه

نسرين :- على اللى قولتوا ليك يوم فرحنا

احمد :- قام وقف امامها وقال اسفه على ايه ولا ايه على كلامك اللى جرح رجولتى ولا عجرفتك عليا فى الخطوبه ولا على رفعت ايديك عليا يوم فرحنا يا نسرين

نسرين :- على كله يا احمد

احمد :-وقف امام المراه ومشط شعره ورجع لها مره اخرى وقال انا ممكن اسامحك على اى حاجه الا جرح رجولتى يا نسرين وتحرك وقال يلا بينا وخرج من الغرفه

نسرين :-نظرت له والدموع نزلت من عيناها وتنهدت بوجع ونزلت خلفه

احمد :- يلا يا سمسمه امشى

اسماء :- وقفت وقالت بحب يلا

احمد :- يخربيتك استنى هنا يا مخفيه

اسماء :- ايه فيه ايه

احمد :- ايه اللى انتى عملاه فى نفسك ده لو رحيم شافك كده هينفخك

صباح :- قولتلها كده والله يا ابنى

احمد :- امشى يا بت انجرى على فوق اللبسى حاجه تانيه قبل ما جوزك يجى وتحصل مشكله

اسماء :- فيه ايه ما حلو اهو

احمد :- حل شدائق يا بعيده امشى يا بت اتحشمى يا حرمه

اسماء :- يووووه بقى

احمد :- اخلصى احسن احلف ما انا واخدك فى حته

اسماء :- بغيظ حاضر وصعدت إلى غرفتها وبدلت ملابسها ونزلت إلى الاسفل مره أخرى وقالت اتنيلت اهو

احمد :- ياريت بقى تمسحى ام الزفت اللى فى بؤقك ده انا مش خارج مع طماطميه انا

اسماء :- مسحته بغيظ وقالت حلو كده ولا فيه أوامر تانيه

احمد :- عسل يا اخواتى يلا بينا بقى وخرجوا الثلاثه إلى الخارج وصعد احمد السياره وقبل ان تصعد نسرين السياره بجوار احمد فى المقعد الامامى دفعتها اسماء وصعدت هى بجوار احمد وقالت

اسماء :- اركبى انتى وراه بقى

نسرين :- بس المفروض انا اللى اقعد قدام جمب جوزى

اسماء :- وايه اللى فرضه أن شاءالله ما هو ابن عمى انا كمان

احمد :- اخلصى يا نسرين يلا اركبى

نسرين :- نظرت لاسماء بغيظ وصعدت إلى المقعد الخلفى

احمد :- شغل السياره وتحرك بيها ونظر لاسماء وقال ها عايزه تروحى فين

اسماء :- عايزه اشترى هدوم خروج وعايزه اشترى ميكاب وعايزه اشترى

احمد :- حيلك حيلك ايه كل ده احنا كده مش هنخلص النهارده وبعدين انا قولت انك عايزه تنزلى من غير رحيم علشان هتعملى ليه مفاجئه ومش عايزاه يشوفها ولا هتشترى ليكى شوية حاجات خاصه وعايزه رحيم ميشوفهاش

اسماء :- لاء طبعآ رحيم ايه بس اللى هعمله مفاجئه

احمد :- بأستغراب وفيها ايه لما تعملى لجوزك مفاجئه رحيم طيب ويستاهل

اسماء :- مفيهاش حاجه بس انا عايزه اشترى هدوم ليا من اللى بتتلبس فى القاهره

احمد :- رفع حاجبه إلى الاعلى وقال بأستغراب من اللى بتتلبس هنا فى القاهره؟ ازاى بس مش فاهم ؟

اسماء :- ايوه بنطلونات جينز وبديهات وحاجات من دى يعنى

احمد :- ااااه قولتيلى ده انتى هتتنفخى من رحيم نفخ اصلك مجربتيش قلبته ربنا ما يوريهالك أبدآ

اسماء :- ما هو انا هجيب اللى نفسى فيه يعنى هجيب

احمد :- انتى حره بس متلوميش غير نفسك بعد كده ونظر فى مراه السياره على نسرين وجدها سرحانه وبتبكى وهى تنظر من الشباك تنهد بحزن وزاد سرعة السياره

&&&&&&&&&&&&&&&&&&&&&&&

فى اسكندريه......فى شركة سليم

انتهى وقت العمل وقام سليم وقف واخذ مفاتيحه الخاصه والهاتف وخرج من المكتب واتجه إلى غرفة مكتب رضوى ووجد الباب مفتوح وتتحدث مع احد الموظفين وتبتسم نظر لها بغيظ وقال

سليم :- مش يلا بينا بقى

رضوى :- وهى تضحك قالت أنا كده كده فاضيه ومش ورايا حاجه وقامت وقفت وقالت اتشرفت بمعرفتك يا شادى بجد انت رهيب

شادى :- الشرف ليا انا والله يا فندم وبحب اشكر البشمهندش سليم علشان شغلك معانا فى المكان هنا

رضوى :- انا كده هتغر بقى وضحكت

شادى :- من حقك طبعآ يا فندم تتغرى

رضوى :- ايه يا فندم دى خلى البساط احمدى وقول يا استاذه وانا اقولك يا شادى عادى وقهقهت بصوت عالى

شادى :- والله حضرتك دمك خفيف جدآ

سليم :- بغيظ هنفضل فى فقرة الاستخفاف دى كتير

شادى :- ا.ا.اسف يا فندم

سليم :- اتفضل على شغلك

شادى :- عن اذنكم وخرج واغلق الباب خلفه

سليم :- ممكن افهم ايه اللى كان بيحصل دلوقتى ده

رضوى :- على ايه مش فاهمه

سليم :- ايه الاستخفاف اللى كان ما بينك وبين اللى اسمه شادى ده

رضوى :- عادى يعنى موظف دمه خفيف وظريف وكنا بنضحك عادى

سليم :- ياريت تحترمى نفسك وتراعى انك واحده متجوزه ومتجوزه صاحب الشركه دى يا هانم

رضوى :- اتجهت عنده وقالت اولا انا محترمه غصب عنك ولو مكنتش محترمه مكنتش هسيب الباب مفتوح علينا وثانيآ متنساش أن محدش هنا يعرف أن انا مراتك وده بناءآ على رغبتك انت وثالثآ وده الاهم متنساش نفسك وتقول ست متجوزه علشان حضرتك عارف كل حاجه وعارف اللقب ده اخده ليه وازاى وقريبآ جدآ هكون مطلقه علشان كده مش فارقه كتير حكاية واحده متجوزه دى وبلاش تعيش الدور وحياة ابوك وخرجت وتركته

سليم :- ضغط على أسنانه بغيظ وذهب خلفها ووصلوا عند السياره وقال طول ما انتى على ذمتى احترمى نفسك وبعد كده لما اطلقك انتى حره يا ستى اعملى اللى عايزه تعمليه فاهمه وصعد السياره

رضوى :- صعدت بغيظ وقالت طيب زى ما انت عايزينى التزم طول ما انا على ذمتك ياريت حضرتك برضه تلتزم وانا مراتك ولا هو حرام ليا وحلال ليك

سليم :- اه حلال ليا وحرام ليكى انا راجل والشرع محلل ليا اربعه واعمل اللى انا عايز إنما انتى ست مش مسموح ليكى تكلمى اى راجل تانى غيرى

رضوى :- يادى ام الكلمه اللى ماسكين فيها الشرع محلل ليا اربعه الشرع محلل ليا اربعه طيب وبالنسبه لباقى الكلام ايه مش واخدين بالكم منه ربنا قال( فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ) ياريت تبقوا فاهمين باقى الايه قبل ما تتكلموا فى اللى عجبكم ويخصكم بس فَإِنْ خِفْتُمْ أَلَّا تَعْدِلُوا فَوَاحِدَةً يارب تكون فهمت معنى كلامى

سليم :-نظر لها ولم يجد كلام يرد به عليها شغل السياره وتحرك بيها

رضوى :- نظرت من شباك السياره والتزمت الصمت

&&&&&&&&&&&&&&&&&&&&&&

فى الصعيد

دخل منصور المنزل وجد ابيه يجلس على الاريكه ذهب عنده ووقف امامه ونظر إلى الارض نظر له سويلم وقال

سويلم:- كنت عارف انك هترجع تانى يا منصور

منصور :- انا جاى وطالب السماح منك يا أبويه

سويلم :- قولتلك انا اعتبرتك ميت من زمان اوى يا منصور

منصور :- يا أبا انا مش جاى علشان أراضى ولا فلوس انا عايز بس انك تسامحنى مش قادر استحمل غضبك عليا خلاص

سويلم :- عايزنى اسامحك

منصور :- اكيد يا أبا

سويلم :- تطلق مراتك التانيه وترجع لمراتك ام بناتك وتعوضها عن ظلمك ليها طول السنين اللى فاتت دى

منصور :- يا ابا انت اللى ظلمتها مش انا لما غصبت عليا اتجوزها

سويلم :- انا عملت معاك زى ما عملت مع اخواتك بالظبط واهو اخواتك برضايا عليهم ربنا وفقهم فى حياتهم والأجيال الجديده اتجوزوا بنفس طريقتكم زمان مفيش غيرك انت بس العاق فى العيله سيبت مراتك وبناتك وروحت اتجوزت واحده تانيه لا مننا ولا من توبنا عايز رضايا يا منصور اعمل اللى قولتلك عليه طلق مراتك التانيه وعوض منال عن اللى انت عملته فيها مراتك بعد جواز بناتك بقت وحيده وعلطول شايله الهم

منصور :- مقدرش أطلق رحاب مقدرش انا بحبها ومش هقدر استغنى عنها

سويلم :- يبقى تروح مكان ما جيت وانسى أن ليك اب موجود فاهم

منصور :- يا أبا

سويلم :- اللى عندى قولته مش عايز اشوف وشك هنا تانى اطلع بره

منال :- سامحه علشان خاطرى يا عمى

الاتنين :- نظروا إلى صوت منال

منال :- بترجاك يا عمى سامحه انا مش زعلانه غصب عنه اختار اللى قلبه حبها حاجه مش بأيده يكفى أن هو خلانى ام لبنتين زى القمر مش محتاجه منه حاجه تانى

منصور :- اتجه إليها ومسك يدها وقال منال انتى طيبه اوى وست جدعه ومش معنى ان حبيت واحده غيرك واتجوزتها يبقى العيب منك لاء يا منال بس محدش ليه سلطه على قلبه وانا طول عمرى بعزك وبحترمك وشايفك حاجه كبيره اوى عليا

منال :- سحبت يدها وابتسمت له وقالت مش محتاج توضحلى حاجه يا منصور انا عارفه كل ده ومش زعلانه ونظرت إلى سويلم وقالت يلا يا عمى قوله انك مسامحه

سويلم :- هقول ايه اصل ابنى رخيص علشان كده ساب الجوهره الغاليه وراح دور على الرخيصه اللى زيه

منصور :- يا أبا رحاب مش رخيصه رحاب بنت ناس ومتربيه انت بس اللى مدتش نفسك فرصه واتعرفت عليها كويس

سويلم :- انا لا عايز اتعرف عليها ولا زفت الست اللى تاخد راجل من على مراته تبقى ست

منال :- متكملش يا عمى ارجوك راعى انها مراته برضه

سويلم :- شوفت الفرق ما بين بنت الاصول و بنت ال****

منصور :- اغلق عينه بوجع والتزم الصمت

سويلم :- انا مسامحك مش علشان خاطرك لا علشان خاطر مراتك الاصيله دى بس اعمل حسابك مفيش حاجه هترجعلك كله هيتكتب بأسم بناتك ومراتك

منصور :- بس انا ليا ولاد تانى وليهم حق زى اخواتهم البنات

سويلم :- رضوى واسماء دول بس اللى معترف بيهم أما التانين مليش دعوه بيهم ولا ينتموا لعيلة سويلم

منصور :- اللى يريحك يا أبا بس كده انت بتظلمهم

سويلم :- ما انت كتير ظلمت بناتك برضه

منصور انزل رأسه للاسفل ونظر للارض

سويلم :- روح يا منصور روح ريح فى اوضك فوق انت بقالك سنين مدخلتش فيها

منصور :- مش هقدر انا لازم ارجع اسكندريه

منال :-بأبتسامه توصل بالسلامه

منصور :- الله يسلمك يا بنت عمى وقبل يد والده وذهب

سويلم :- نظر إلى منال بحزن وهز رأسه يمين وشمال

منال :-نظرت إلى عمها وابتسمت وصعدت غرفتها

&&&&&&&&&&&&&&&&&&&&&&&

فى القاهره.....عند أحمد واسماء ونسرين

قاموا بشراء الطلبات الخاصه بيهم ووضعوها بالسياره ونظرت اسماء إلى احمد وقالت

اسماء :- هو احنا خلاص هنروح

احمد :- ايوه ولا محتاجه حاجه تانى

اسماء :- اصل الصراحه انا جعانه اوى

احمد :- طيب تعالوا ناكل واتجهوا إلى المطعم ودلفوا إلى الداخل وجلسوا على المقاعد ونظر احمد إلى اسماء وسألها تاكل ايه قالت له طلبها ونظر إلى نسرين وقال وانتى هتاكلى ايه

نسرين :- اى حاجه

احمد :- اى حاجه يعنى ايه

نسرين :- يعنى اطلب ليا انت

اسماء :- ما تطلبى بنفسك يا اختى وهو هيعرف منين اللى انتى عايزاه

نسرين :- انتى مالك انا بتكلم مع جوزى

احمد :- اسماء عندها حق وانا هعرف انتى عايزه تاكلى ايه ازاى ما تقولى انتى

اسماء :- نظرت لها بأنتصار

نسرين :- وقفت وقالت مش عايزه اكل خالص و تركتهم وذهبت

احمد :- تحرك وقبل ان يقف

اسماء :- مسكت يده تمنعه وقالت اقعد هنا اتقل شويه بلاش تجرى وراها

احمد :- جلس مره اخرى وقال عندك حق تولع والطعام وصل وتناولوا الطعام وانتهوا وقام احمد بدفع الحساب وخرجوا الاثنين من المطعم وذهبوا إلى السياره وصعدوا وجدوا نسرين تجلس فى المقعد الخلفى وتبكى نظر لها احمد بوجع نظرت اسماء إلى احمد وقالت

اسماء :- الاكل كان تحفه حلو اوى

احمد :- بألف هنا وشفا وصمت قليلا وقال هنزل اجيب حاجه وجاى

اسماء :- هتجيب ايه

احمد :- حاجه من هنا مش هتأخر ونزل من السياره وبعد وقت جاء احمد وهو يحمل حقيبه صغيره فى يده صعد السياره ومد يده بها لنسرين وقال خدى

نسرين :- نظرت إلى الحقيبه بأستغراب وقالت ايه ده

احمد :- اكل

نسرين :- مش عايزه

احمد :- مش هفضل كده كتير خدى الاكل بقولك

نسرين :- اخذت الطعام من يده ونظرت له

اسماء :-نظرت إلى نسرين بغيظ وقالت ممكن تمشى بقى

احمد :- شغل السياره ونظر فى المراه لنسرين وقال كلى

نسرين :- فتحت الحقيبه ومسكت السندوتش وبدأت تتناول الطعام

اسماء :- بغيظ ظلت تأكل فى اظافرها طول الطريق وبعد وقت وصلوا إلى الفيلا ونزلوا من السياره وحمل احمد الحقائب ودلفوا إلى الداخل ووضعهم على الارض وجلس بجوار والدته

صباح :- عملتوا ايه يا حبايبى

احمد :- طلعوا عينى على ما اشتروا حاجتهم

هشام :- المهم انكم اتبسطوا يا بنات

نسرين :- ايوه يا خالى

اسماء :- اوى اوى يا عمى

احمد :- اومال فين رحيم لسه مجاش

صباح :- لاء لسه

احمد :- بس اول مره يتأخر اوى كده

صباح :- مش عارفه اتصلت بي وقالى أنه هيتأخر اوى النهارده وان محدش يقلق عليه

احمد :- ربنا يقويه ونهض وقال خلاص مش قادر هطلع انام تصبحوا على خير

الكل :- وانت من أهله

نسرين :- وقفت وحملت الحقائب الخاصه بها وقالت تصبحوا على خير وصعدت إلى غرفتها ووضعت الحقائب فى الارض وجلست على الاريكه

احمد :-نظر لها ونام على السرير

نسرين :- نظرت لاحمد وهو نائم وتنهدت وقامت ذهبت إلى المرحاض وبدلت ملابسها وخرجت اخذت الوساده ووضعتها على الاريكه ونامت عليها

احمد :- نظر لها بعدم اهتمام ووضع رأسه اسفل الوساده ونام

نسرين :-ظلت تبكى إلى ان ذهبت فى النوم

&&&&&&&&&&&&&&&&&&&&&&&

فى اسكندريه .....فيلا اشرف

دخل سليم إلى المنزل وبجواره رضوى إلى الفيلا وذهب إلى غرفته بدون أن يلقى السلام لينظر اشرف مستغربآ قائلا

اشرف :- ماله ده

رضوى :- ولا اعرف

اشرف :- ده شكله على آخره

رضوى :- هو ابنك اصلا من يوم ما اخده وهو علطول على آخره

اشرف :- طيب اطلعى وراه وشوفى ماله

رضوى :- وانا مالى

اشرف :- هو ايه وانا مالى دى مش جوزك

رضوى :- لا، جوزى مع إيقاف التنفيذ وحضرتك عارف اللى فيها

اشرف :- ضرب مؤخرة رأسها بخفه قائلا مش وقته الكلام ده يا بت روحى شوفى جوزك

رضوى :- نهضت قائله حاضر لما نشوف اخرتها ايه مع الراجل الغامض بسلامته ده وصعدت إلى غرفتها

اشرف :- ابتسم وقال ربنا يهديكم على بعض

جاسر :- دخل جاسر قائلا هما مين دول

اشرف :- ها لا دول ناس معرفه المهم قولى روحتوا لدكتور ولا لاء

جاسر :- اه روحنا لدكتوره بعد الشغل علطول والحمد الله طمنتنا على الحمل

اشرف :- طيب الحمدالله بلاش تتعبى نفسك كتير يا بنتى

مى :- حاضر يا خالو

اشرف :- يلا يا حبيبى خد مراتك واطلع الاوضه خليها تريح على السرير وانا هبعت ليكم الاكل

جاسر :- حاضر يا بابا نظر لمى وقال يالا يا حبيبتى وذهبوا إلى غرفتهم ليبدل كل منهما ملابسهم ويمسك جاسر يد مى ويجلسها على السرير جالسآ بجوارها قائلا بتمنى، عارفه انا نفسى يكونوا تؤام اوى

مى :- اشمعنا يعنى

جاسر :- حاجه كده بتبقى حلوه اوى ونفسى يكونوا بنتين وشبهك ياااااه ده يكون ربنا بيحبنى اوى وحقق كل احلامى

مى :- لاء مليش دعوه انا عايزه ولاد كتير وكلهم شبهك انت وأفضل ابوس فيهم كل شويه

جاسر :- طيب ما انا عندك اهو بوسى فيا براحتك حد قالك حاجه

مى :- بخجل جاسر متغلسش

جاسر :- طيب بقولك ايه ما تجيبى بوسه

مى :- لاء

جاسر :- اهون عليكى يعنى

مى :- لاء متهونش طبعآ هات خدك

جاسر :- اقترب منها قائلا ايوه بقى

مى :- اقتربت أكثر لها وقامت بعضه بأسنانها

جاسر :-بألم ااااه يا عضاضه

مى :- ضحكت وقالت احسن

جاسر :-ابتسم وضمها داخل احضانه

مى :- تمسكت بيه اكثر لتقبله قائله بحبك اوى يا جاسر

جاسر :- وانا بعشقك يا روح جاسر وابعدها عن حضنه واحتضن وجهها بين كفوف يده واقترب من شفتيها وقبلها برفق وفى هذا الوقت يطرق باب الغرفه ليبتعد عنها بتأفف قائلا مين الرذل اللى جاى فى وقت زى ده ويذهب اتجاه الباب ويفتحه ليجد الشغاله تحضر لهم الطعام أخذه منها واغلق الباب ونظر لمى

مى :- ابتسمت له قائله ملكش نصيب ادخل عليا بالاكل احسن هموت من الجوع

جاسر :- انا اشوف الستات تحمل تقطع الاكل وانتى جاى معاكى بالعكس خالص

مى :- الله اكبر انت هتقر ولا ايه

جاسر :- لاء طبعآ بألف هنا وشفا يا روحى ويضع الطعام امامها

&&&&&&&&&&&&&&&&&&&&&&

فى القاهره......فيلا هشام

دخلت اسماء إلى غرفتها لتقوم بتغير ملابسها والقت نفسها على فراشها بتعب شديد وتمسك بهاتفها المحمول وتطلب رقم رحيم وتنتظر الرد

رحيم :- اجاب قائلا السلام عليكم

اسماء :- وعليكم السلام ورحمه الله وبركاته ايه فينك كل ده اول مره تتأخر كده

رحيم :- انتى نسيتى احنا اتفقنا على ايه امبارح

اسماء :- بأستغراب اتفقنا على ايه مش فاكره

رحيم :- امك يا اسماء

اسماء :-بفرحه امى انت روحت تجيب امى

رحيم :- ايوه واحنا جايين فى السكه اهو

اسماء :- احلف

رحيم :- وحياة اسماء عندى وخدى اهى معاكى علشان تتأكدى

منال :- عامله ايه يا حبيبتى

اسماء :- بفرحه كويسه يا امى صحيح انتى جايه مع رحيم

منال :- ايوه يا بنتى جه اخدنى واحنا فى السكه اهو

اسماء :- انا مش مصدقه نفسى انتى واحشتينى اوى اوى يا ماما

منال :- ربنا يعلم حالتى ايه فى بعدكم عنى بس اهم شئ عندى سعادتكم يا حبيبتى

اسماء :- ربنا يخليكى لينا يا امى انا مستنياكى بفارغ الصبر

منال :- أن شاءالله يا حبيبتى خدى جوزك معاكى اهو

رحيم :- صدقتى يا ستى

اسماء :- شكرآ يا رحيم انا مش عارفه اقولك ايه بجد

رحيم :- متقوليش حاجه كفايه عليا بس اشوف فرحتك دى يلا باى

اسماء :- باى واغلقت السكه مع رحيم بسعاده كبيره

&&&&&&&&&&&&&&&&&&&&&&&

فى اسكندريه.....فيلا اشرف

دخلت رضوى غرفتها لتجد سليم نائم على السرير نظرت له بأستغراب مستعجبه من أمره قائله

رضوى :- ممكن افهم فيه ايه

سليم :- فيه ايه حد كلمك

رضوى :- لاء محدش كلمنى بس شكلك واضح عليه انك زعلان من حاجه

سليم :- حاجه متخصكيش

رضوى :- براحتك ودخلت إلى المرحاض وفى هذا الوقت يعلن هاتف سليم عن وجود اتصال لينظر إليه بتأفف ويجيب قائلآ

سليم :- ايوه يا رانيا

رانيا :- تانى يوم متجيش يا سليم

سليم :- تعبان شويه

رانيا :- واشمعنا التعب ده مظهرش غير لما الهانم شرفت عندكم زمان كنت بتتعب وتيجى فى حضنى وتقولى بنسى التعب كله وانا فى حضنك ايه خلاص لاقيت حضن تانى ينسيك التعب غير حضنى

سليم :-بعصبيه خفيفيه بقولك ايه مفيش حاجه من اللى فى دماغك دى يا رانيا قولتلك انا مستحيل ابص لحد غيرك ومش دى اللى هبصلها ولا اخونك معها

رانيا :-بتحذير عمومآ انا لسه عند كلامى يا سليم يا تعلن جوازنا خلال الاسبوع ده يا اما هيكون ليا تصرف تانى واه الف سلامه عليك سلام وأغلقت الهاتف قبل أن يجيب عليها

سليم :- القى الهاتف إلى الأرض بعصبيه لتخرج رضوى فى هذه اللحظه لتنظر إلى الهاتف بأستغراب وترفع عيناها لتنظر له بتسأل

رضوى :- فيه ايه لكل ده

سليم :-يجيب عليها بعصبيه قولتلك ملكيش فيه

رضوى :- فيه ايه مالك شايف نفسك على ايه انا اللى غلطانه أن عبرت واحد تنك زيك وسألته اياكش تولع بجاز وجلست على الأريكة

سليم :-لينظر لها والشرار يتطاير من عينه انتى ايه يا شيخه جبله لازقه من ساعة ما دخلتى حياتى قلبتيها وبقى فؤقيها واطيها وبقت كلها مشاكل انتى اكبر غلطه عملتها فى حياتى ابعدى عنى وسبينى فى حالى يا شيخه بقى

رضوى :-نظرت له بغيظ ونهضت من على الأريكة قائله بعصبيه شديده انت اللى بتقول الكلام ده ، طيب ازاى على الأقل انت راجل مخسرتش حاجه إنما أنا خسرت كل حاجه كفايه أن هيتقال عليا مطلقه كفايه أن بعيش معاك نفس اللى حصل مع امى كفايه أن وافقت اكون ممثله عظيمه علشان حضرتك كفايه عليا أن عايشه معاك وراضيه بعجرفتك اللى على الفاضى دى، انا اللى مش طايقه اعيش معاك ولا ثانيه واحده انا من بكره هرجع البلد وهستنى ورقة طلاقى يا سليم لتنظر إليه بألم شديد وتضع جسدها نائمه على الاريكه مره آخره وتعطى له ظهرها

سليم :- تنهد ونظر اتجاه رضوى وهى نائمه على الأريكة ليجلس بجوارها قائلا متزعليش منى مكنتش اقصد اجرحك بكلامى

رضوى :- ابعد عنى وسبنى انام يا سليم

سليم :- لاء يا رضوى مش هقدر اسيبك تنامى وانتى كده

رضوى :- لاء عادى انا مش زعلانه منك، انت اصلا مش فى بالى ولا بفكر فيك علشان ازعل منك

سليم :- يمكن دى اكتر حاجه وصلتنى للحاله اللى انا فيها دى يا رضوى

رضوى :- نظرت له بتسأول وقالت هى ايه دى

سليم:-؟؟؟؟؟؟؟؟؟

&&&&&&&&&&&&&&&