رواية قلب لا يقبل الهزيمه الفصل السادس 6 بقلم دودو محمد
 |
| رواية قلب لا يقبل الهزيمه الفصل السادس 6 بقلم دودو محمد |
رواية قلب لا يقبل الهزيمه الفصل السادس 6 بقلم دودو محمد
لقاهره..... فيلا هشام
رجع احمد من العمل مرهق وجلس على الاريكه بجوار امه وقال
احمد :- خلاااااص تعبان مش قادر
صباح :- ربتت عليه بحنو وقالت ربنا يقويك يا حبيبى احضرك الاكل
احمد :- لاء مش قادر هطلع اخد شاور وانااااام
صباح :- كلك لقمه صغيره
احمد :- معلش يا ماما وقام وقف وقال انا طالع وتركها وصعد إلى الاعلى ودخل غرفته وجدها مظلمه اشعل الاضاءه وجد نسرين نائمه على السرير وفوقها الغطاء نظر لها بعدم اهتمام وذهب إلى المرحاض
نسرين :-فتحت عيناها وقالت هوف يارب قوينى وازاحت الغطاء من عليها وهى ترتدى قميص نوم قصير واغلقت عيناها وقامت بتمثيل انها نائمه
احمد :- خرج من المرحاض ونظر على نسرين وتوتر ووضع عليها الغطاء واخذ نفس عميق وخرجه ببطئ ووضع جسده فوق السرير بأرهاق
نسرين :- تململت على الفراش ووضعت قداميها فوق قدم احمد
احمد :- نظر إلى جسدها وقال يارب هو ايه الحر ده
نسرين :- اقتربت اكثر له
احمد :-ابتلع ريقه وقال كده كتيرررر انا هولع مكانى ونهض سريعآ من على السرير وجلس على الاريكه بتوتر ونظر إليها وهى نائمه وقام اخذ الوساده ووضعها على الاريكه ونام عليها واعطاها ظهره
نسرين :- اتغاظت وقالت بصوت منخفض يا ابن ال وسحبت الغطاء عليها واغلقت عيناها بغيظ
&&&&&&&&&&&&&&&&&&&&&&&&
اسكندريه....منزل منصور
دخلت رحاب الغرفه عند منصور ونظرت له بغيظ وجلست بجواره على السرير وقالت
رحاب :- واخرتها ايه يا منصور شهر من ساعة ما رجعت من الصعيد وانت على الحال ده
منصور :- سبينى فى حالى واطلعى من الاوضه يا رحاب
رحاب :- هو انا كل ما اجى اتكلم معاك تقولى الكلمتين دول
منصور :- أشق هدومى منك يعنى ما تسبينى فى حالى عايزه منى ايه
رحاب :- عايزه منصور جوزى حبيبى اللى كان علطول قاعد وسطنا و الضحكه مكانتش بتفارق شفايفه
منصور :- بنتى كسرتنى أوى يا رحاب كشفتنى قصاد نفسى اوى ورتنى أن الثمره اللى انا زرعتها فيهم وهما صغيرين طرحت كره ليا دلوقتى لما كبروا
رحاب :- يا حبيبى مش رضوى بس اللى عملت معاك كده؟ والتانيه فرحت لما شافتك يبقى خلاص سيب رضوى دى لزمن وبكره يعرفها قمتك
منصور :- الكلام سهل عليكى علشان مجربتيش نظرة الكره من عيون ولادك ليكى الموت اهون من النظره دى يا رحاب
رحاب :- عارفه وحاسه بيك بس الدنيا موقفتش عليها انزل تانى شغلك وشوف مصالحك بقى
منصور :- قبل اى حاجه انا لازم ارجع تانى الصعيد أبويه لو سامحنى هيقدر يخلى رضوى كمان تسامحنى
رحاب :- يووووه بقى مش هنخلص من ام الموضوع ده اعمل اللى عايز تعمله يا منصور وخرجت واغلقت الباب خلفها
منصور :-نظر لها وتنهد بوجع
&&&&&&&&&&&&&&&&&&&&&&&
فى فيلا اشرف
دخل سليم ورضوى الفيلا وجلسوا على الاريكه امام اشرف
اشرف :-نظر لهم بأستغراب وقال كنتوا فين كده
سليم :- فى الشغل يا بابا
اشرف :- وكنت واخد رضوى معاك
رضوى :- اه ما انا هشتغل معاه فى الشركه يا عمى
اشرف :- بفرحه بجد والله احسن حاجه عملتوها
سليم :- قعدت تزن على دماغى وتقولى بقعد طول النهار لوحدى فى الفيلا وبزهق اخدها الشغل معايا وخلاص
اشرف :- انا كنت بشيل همها وانا فى الشغل والله كده بقى ارتحت
وفى ذلك الوقت دخل جاسر ومى والسعاده تغمرهم وقال جاسر
جاسر :-بفرحه باركوا لينا مى حامل
اشرف :- بسعاده نهض واحتضن مى وقال مبروك يا حبيبت خالو
مى :- بفرحه الله يبارك فيك يا خالو
رضوى :-احتضنتها و قبلتها وقالت مبروك يا مى ربنا يكملك على خير
مى :- الله يبارك فيكى يا حبيبتى عقبالك يارب
سليم:- مبروك يا مى
مى :- الله يبارك فيك يا سليم عقبالك انت ورضوى
رضوى :- نظرت إلى سليم بأحراج ونظرت إلى عمها
جاسر :- هو كله بارك ليها هى ومحدش بارك ليا انا ليه
رضوى :-ابتسمت وقالت مبروك يا جاسر
اشرف :- مبروك يا ابنى
سليم :- مبروك يا جاسر ايوه كده هتخلونى ابقى عم بقى
جاسر :- وعقبال ما تخلينى انا كمان عم
رضوى :- احم طيب يا جماعه عن اذنكم هطلع اغير هدومى
اشرف :- و انزلى علشان تاكلى
رضوى :- حاضر و صعدت إلى الغرفه
اشرف :- ريحى بقى يا حبيبتى متعمليش مجهود كتير
مى :- أن شاءالله يا خالو
اشرف :- يلا اطلعوا غيروا هدومكم وانزلوا علشان ناكل
سليم :- صعد غرفته وخلع سترته والقها على السرير وذهب المرحاض
رضوى :- اخذت ملابس سليم ووضعتها بخزانة الملابس وحضرت له ملابس خروج ووضعتها على السرير وجلست على الاريكه وبعد وقت خرج سليم من المرحاض ونظر للملابس وقال
سليم :- لاء انا مش خارج
رضوى :- بأستغراب غريبه اول مره من ساعة ما رجعنا من الصعيد متخرجش
سليم :- تعبان مش قادر أخرج فيه مانع
رضوى :- لاء مفيش واتجهت إلى خزانة الملابس مره اخرى واخرجت له ملابس بيت ورجعت ملابس الخروج مكانها
سليم :-ارتدى ملابسه وقال يلا بينا
رضوى :- لاء مليش نفس انزل انت
سليم :- انزلى يلا كلى، انتى مش بتاكلى خالص
رضوى :- لو جعانه هاكل مش هستنى عزومه يعنى
سليم :- براحتك وتركها ونزل إلى الاسفل
رضوى :- وقفت امام المراه ونظرت إلى وجهها بحزن ورفعت ذراعها وتركت شعرها ينسدل على ظهرها ونظرت على انعكاس صورتها بأعجاب وتنهدت وشعرت بألم فى بطنها ذهبت إلى المرحاض وبعد وقت خرجت وبدأت تجمع شعرها للخلف مره اخرى واتفاجئت بوجود سليم فى الغرفه اتوترت وقالت ا.ا انت هنا من امته
سليم :- طيب ما انتى عندك شعر اهو زى اى واحده امال ليه علطول بتلميه وبتبقى شبه القرعه
رضوى :- جمعت شعرها للخلف وقامت بتثبيته وقالت انا حره
سليم :- على فكره شعرك حلو اوى
رضوى :-نظرت له وقالت شكرآ
سليم :- اتجه إليها وقال والله مش بجامل شعرك طويل وناعم ليه بترفعيه كده وبتبقى شبه الرجاله
رضوى :- كده بحبه مرفوع برتاح فيه كده
سليم :- اقترب اكثر لها ونزع التوكه من شعرها وانزله على ظهرها ولعب بأصابعه فى شعرها وقال كده احلى
رضوى :- بتوتر نظرت له ورفعت يدها حتى تجمع شعرها مره اخرى
سليم :- مسك يدها وقال سبيه
رضوى :- نظرت إلى يده وقالت لو سمحت سيب ايدى
سليم :- نظر لها وقال بتسأل ليه
رضوى :- ك.ك.كده
سليم :- رجع شعرها وراء اذنها وقال احلى حاجه انك محجبه وتركها واتجه إلى السرير ونام عليه
رضوى :-نظرت له بأستغراب وجمعت شعرها مره اخرى للاعلى ونامت على الاريكه وقالت سليم
سليم :- امممم
رضوى :- هو انت ليه بتعمل كده
سليم :- نظر لها بأستغراب وقال بعمل ايه
رضوى :- بتغضب ربنا وقابل انك تعيش مع واحده فى الحرام
سليم :- ها ب.ب.بس انا مش بعمل حاجه حرام
رضوى :-نظرت له وقالت لاء بتعمل وانا سمعتك بودنى وانت بتتكلم معاها الكلام القذر ده واحنا فى الصعيد والنهارده لما دخلت حضنتك بطريقه مقززه
سليم :- اكيد مش هقبل اغضب ربنا يا رضوى انا عارف دينى كويس
رضوى :- اومال تسمى اللى انت بتعمله ده ايه
سليم :- سميه بالحلال
رضوى :- بصدمه بالحلال
سليم :- ايوه انا متجوز رانيا بس محدش هنا يعرف الموضوع ده انا بس مستنى الوقت المناسب وهبلغهم الخبر
رضوى :-نظرت له بصدمه
سليم :- سكتى ليه
رضوى :- هقول ايه خلاص مبقاش فيه كلام يتقال يا سليم
سليم :- تقصدى ايه
رضوى :-نهضت وجلست على الاريكه وقالت مدام انت متجوزها طلقنى يا سليم
سليم :- ما انتى عارفه أن بحب واحده تانيه فرقت معاكى ايه إذا كنت متجوزها ولا لاء
رضوى :- لان انا وافقت اتجوزك علشان ابوك هو اللى طلب منى كده علشان ابعدها عنك بس بيتهيألى كده الموضوع بقى اكبر من اللى عمى مفكر فيه وانا وجودى دلوقتى ملوش اى لازمه يبقى ليه افضل على ذمتك
سليم :-جلس وقال يعنى بابا هو اللى كان متفق معاكى تبعديها عنى
رضوى :- ايوه انت بقى بلغه براحتك انك متجوزها مش مجرد واحده ماشى معها والسلام
سليم :- هطلقك يا رضوى بس مش دلوقتى لما اكون جاهز أعلن فيه خبر جوازى من رانيا
رضوى :- وهتكون جاهز امته
سليم :- لسه مش عارف
رضوى :- طيب ياريت تنجز بقى علشان عايزه ارجع لحياتى الطبيعيه ونامت مره اخرى على الاريكه
سليم :-نظر لها بضيق ونام هو الاخر على السرير
&&&&&&&&&&&&&&&&&&&&&&&
فى القاهره.....فيلا هشام
نامت اسماء على السرير وهى بتفكر فى الحديث الخاص الذى دار بين نسرين وصباح نظر رحيم لها وقال
رحيم :- اسماء يا اسماء
اسماء :- ها ا.ا.ايوه
رحيم:- سرحانه فى ايه بنادى عليكى مش بتردى
اسماء :- ولا حاجه كنت عايز تقولى حاجه
رحيم :- مش عايزه تشوفى امك
اسماء :-جلست وقالت بأشتياق ايوه هتجنن عليها
رحيم :- ايه رأيك نجبها تقعد معانا كام يوم
اسماء :- بفرحه بجد
رحيم :- ايوه بجد هى واحشتنى انا كمان
اسماء :- امته طيب
رحيم :- هروح بكره اجبها بنفسى
اسماء :- بفرحه شكرآ يا رحيم ده انا كنت هموت واشوفها
رحيم :- بعد الشر عليكى انا حسيت انها واحشتك علشان كده قولت اروح اجبها ليكى
اسماء :- انت بجد جميل اوى وبتعرف انا بفكر فى ايه من غير ما أقوله
رحيم :- ابتسم لها وقال يلا نامى تصبحى على خير
اسماء :- بأبتسامه وانت من أهله ونامت مره اخرى على السرير وهى سعيده
رحيم :-نظر لها بحب وابتسم بسعاده واغلق عينه ونام
&&&&&&&&&&&&&&&&&&&&&&&&
اشرقت شمس صباح يوم جديد بنورها الساطع فى سماء الاسكندريه ليبدء سليم بفتح عينه على صوت رنين هاتفه اخذه و نظر فى الشاشه وجدها رانيا جلس واجاب على الهاتف وقال
سليم :- صباح الخير يا قلبى
رانيا :- بزعل صباح النور
سليم :- مالك بس
رانيا :- انتظرتك كتير و مجتش
سليم :- معلش يا قلبى انا كنت راجع من الشغل تعبان اوى و مقدرتش أخرج و اجيلك
رانيا :- تعبان ولا حبيت القاعده فى البيت علشان بنت عمك
سليم :-نظر إلى رضوى وهى نائمه امامه على الاريكه
رانيا :- روحت فين بكلمك
سليم :- ها معاكى بنت عمى ايه اللى هحب القاعده فى البيت علشانها ما انتى شوفتيها مسترجله ازاى، هبص ليها على ايه بس معلش يا قلبى متزعليش بقى
رانيا :- انت بقيت تزعلنى كتير اوى اليومين دول
سليم :- انا مقدرش على زعل القمر بتاعى انا هصلحك بطريقتى بليل
رانيا :- لما نشوف هتيجى النهارده ولا هتسبنى زى امبارح
سليم :- خلاص بقى يا روحى سامحينى
رانيا :- ماشى
سليم :- يلا يا حبيبتى اشوفك كمان شويه فى الشركه باى واغلق السكه
رضوى :- قامت وجلست على الاريكه وقالت صباح الخير
سليم :- صباح النور صاحيه من بدرى
رضوى :- نهضت من على الاريكه واتجهت إلى المرحاض وهى تتحدث قائله صحيت على صوت التليفون ودخلت واغلقت الباب خلفها
سليم :- قام من على السرير واتجه إلى باب المرحاض وطرق عليه وقال هتفطرى
رضوى :- اجابته من الداخل وقالت لاء
سليم :- بس انتى مأكلتش بليل حاجه
رضوى :- مليش نفس هبقى اجيب اى حاجه لما اروح الشركه وفتحت الباب وخرجت
سليم :-نظر لها ودخل المرحاض
رضوى :-بدلت ملابسها وقامت بتأدية فرضها واتجهت إلى خزانة الملابس وجهزت الملابس لسليم ووضعتها على السرير
سليم :- خرج وارتدى ملابسه واده فرضه ونظر إلى رضوى وقال جاهزه
رضوى :- اجابته قائله ايوه
سليم :- هو انتى ناويه تروحى الشغل بنفس الطقم بتاع امبارح
رضوى :- اه عجبنى ومريح
سليم :- براحتك وفتح الباب ونزلوا إلى الاسفل وقالوا صباح الخير
اشرف :- صباح النور اقعدوا افطروا
سليم :- لاء احنا هنجيب اى حاجه ناكلها فى الشركه
اشرف :- ماشى يا حبيبى مع السلامه
خرجوا الاثنين واتجهوا إلى السياره وصعدوا وقام سليم بتشغيلها وذهبوا إلى الشركه
&&&&&&&&&&&&&&&&&&&&&&
فى غرفة جاسر
استيقظت مى من نومها وهى تشعر بالتعب وركضت إلى المرحاض شعر بها جاسر نهض من على السرير وركض خلفها وربت على ظهرها وقال
جاسر :- معلش يا حبيبتى الدكتوره قالت أن الترجيع ده عادى اول تلت شهور
مى :- عارفه بس حاجه متعبه اوى وخرجت من المرحاض
جاسر :- معلش كله يهون علشان يبقى عندنا حته صغننه منى ومنك
مى :- ما هو ده اللى مصبرنى على التعب ده
جاسر :- يلا نامى ارتاحي وانا هجهز لشغل
مى :- لاء انا هروح معاك
جاسر :- تروحى معايا فين بس يا حبيبتى انتى تقعدى هنا مرتاحه على السرير
مى :- لاء علشان خاطرى هنزل معاك الشغل ومش هتحرك والله
جاسر :- يا مى بلاش تنشفى دماغك
مى :- علشان خاطرى وافق يا جسوره
جاسر :- اه منك انتى عارفه أن انا مقدرش ارفضلك طلب علشان كده بتطلبي بقلب جامد اوى
مى :- حبيب قلبى يا ناس واقتربت منه ووضعت قبله على وجينته
جاسر :- لاء كده، لا أنا ولا انتى هنروح الشغل
مى :- ابتسمت وبدأت تجهز نفسها وبعد وقت الاثنين حضروا نفسهم ونزلوا إلى الاسفل وقالوا صباح الخير
اشرف :- صباح النور رايحه فين كده يا مى
مى :- الشغل يا خالو
اشرف :- شغل ايه بس مش احنا قولنا تقعدى ترتاحى فى السرير
مى :- مش هعرف اقعد لوحدى يا خالو هروح الشغل مع جاسر ومش هتحرك خالص
اشرف :- خد بالك من مراتك يا جاسر ومتخلهاش تتحرك كتير هناك
جاسر :- وهو يتناول الطعام قال حاضر يا بابا
وبعد وقت انتهوا من الطعام وصعدوا السياره واتجهوا إلى العمل
&&&&&&&&&&&&&&&&&&&&&&&
فى القاهره......فيلا هشام
استيقظ رحيم من نومه ونظر اتجاه المراه وجد اسماء تقف امامها وتمشط شعرها ابتسم بحب وظل ينظر لها بأعجاب
رحيم :- احم
اسماء :-نظرت إلى رحيم بتوتر وقامت برفع شعرها وقالت ا.ا انت صاحى من امته
رحيم :- لسه صاحى صباح الخير
اسماء :- صباح النور
رحيم :- نهض من على الاريكه ونظر لها بأستغراب وقال غريبه اول مره تحطى روج وكحل
اسماء :- ا.ا انت اخد بالك
رحيم :- ايوه
اسماء :- قولت افرح نفسى شويه
رحيم :- براحتك اهم حاجه تكونى مبسوطه وتركها ودلف إلى المرحاض وبعد وقت خرج وبدل ملابسه وقام بتأدية فرضه وقال انا نازل
اسماء :- انا نازله معاك
رحيم :- استنى نازله معايا ازاى كده
اسماء :- ا.ا ايوه فيها ايه
رحيم :- فيها أن اخويا احمد عايش معانا فى البيت ومينفعش تقعدى قدامه كده
اسماء :- كده ازاى يعنى
رحيم :- بالروج الأحمر اوى ده ولا الكحل اللى راسم عينك ولا العبايه اللى ماسكه على جسمك دى ولا شعرك اللى باين من نص الطرحه
اسماء :- احمد مش غريب ده ابن عمى
رحيم :- مش غريب بس مينفعش تقعدى كده قدامه ياريت تمسحى اللى فى وشك ده وتلبسى حاجه واسعه على جسمك وغطى شعرك بالطرحه كويس
اسماء :- بس انا عايزه انزل كده
رحيم :- وانا مش هنزلك كده يا اسماء عايزه تعملى كل ده يبقى فى الاوضه هنا بس
اسماء :- يووووه بقى
رحيم :- اخلصى يا اسماء
اسماء :- دخلت بغيظ غسلت وجهها بالماء وبدلت ملابسها ووضعت الحجاب كامل على رأسها وقالت بغيظ كويس كده
رحيم :- ابتسم لها وقال ايوه كويس وفتح الباب ونزلوا إلى الاسفل وقالوا صباح الخير
الجميع :- صباح النور
جلسوا على المقاعد الخاصه بهم ونظرت اسماء حاوليها وقالت
اسماء :- اومال احمد فين
الجميع :- نظروا لها بأستغراب
اسماء :- ا ا اقصد يعنى احمد ونسرين منزلوش ليه لحد دلوقتى اصل كنت قلقانه عليهم من امبارح لأن شكلهم كانوا زعلانين
صباح :- لاء ولا زعلانين ولا حاجه وزمانهم نازلين
رحيم :- تانى يا اسماء مش قولنا ملناش دعوه
اسماء :-شعرت بتسرعها فى السؤال قالت ا.ا.اصل احمد زى اخويا وبخاف على زعله وكمان نسرين بس احمد اقرب ليا اكتر
هشام :- انا عارف انك انتى وأحمد قريبين من بعض وزى الاخوات بس بلاش تدخل فى الحياه الشخصيه يا بنتى كل واحد حر
اسماء :- ح ح.حاضر يا عمى
صباح :- يلا افطروا انتوا لحد ما ينزل احمد ومراته
&&&&&&&&&&&&&&&&&&&&&&&
فى غرفة احمد
استيقظ احمد من نومه ونظر اتجاه السرير وجد نسرين جسدها عارى توتر وابتلع ريقه ونهض من على الاريكه واتجه إلى السرير ووضع الغطاء فوقها واتجه إلى المرحاض ودلف إلى الداخل وبعد وقت خرج وارتدى ملابسه واده فرضه وفى ذلك الوقت استيقظت نسرين من نومها ونظرت إلى احمد وقالت
نسرين :- صباح الخير
احمد :- صباح النور
نسرين :- انت صحيت من بدرى
احمد :- من شويه
نسرين :- ومصحتنيش ليه
احمد :- هصحيكى ليه
نسرين :- علشان لو محتاج حاجه
احمد :- لو احتاجت حاجه بعملها لنفسى مش محتاج حاجه من حد
نسرين :- قامت وقفت وقالت ممكن افهم ليه بتعاملنى كده
احمد :- علشان انا مش الراجل اللى بتحلمى بي يا نسرين
نسرين :- غصب عنى قولتلك كده مكنتش اعرفك اوى وكل ما بشوفك الاقيك بتهزر بطريقه مستفزه اخد عنك صوره انك تافهه بس لما عيشت معاك الشهر ده شوفتك على حقيقتك طلعت واحد مختلف خالص غير اللى انا واخده عنه الصوره الوحشه دى شوفت فيك حاجات كتير حلوه مكنتش شيفاها فيك قبل كده
احمد :- مش معنى ان بحب اهزر واضحك ابقى واحد تافهه ولا معندهوش دم بالعكس أنا بحس كويس اوى باللى حواليا بحب أخلق ضحكه فى وقت الكل بيكون متوتر فيه بس مش معنى كده أن انا راجل مش مسؤول ولا كل حياتى تافهه لاء الحمدالله انا ناجح جدآ فى شغلى والكل بيعمل ليا الف حساب يا نسرين انا شخصيتى كده وبحبها اوى على فكره وعمرى ما هغيرها علشان اى حد وبالنسبه لكلامك اللى قولتيه ده كله مش هينسيني جرح كرامتى ورجولتى منك يا نسرين يوم فرحنا عن اذنك وتركها وخرج
نسرين :-نظرت له بدموع وجلست على السرير بوجع وبكت من كلام احمد لها
احمد :- نزل إلى الاسفل وقال صباح الخير
الجميع :- صباح النور
اسماء :- اول ما رأت احمد ابتسمت بحب ونظرت له
صباح :-بتسأل اومال فين مراتك
احمد :- نازله كمان شويه
اسماء :- احمد كنت عايزه اطلب منك طلب
احمد :- عيونى
اسماء :- عايزاك تيجى معايا اشترى شوية حاجات ليا
رحيم :- ومقولتيش ليا انا ليه
اسماء :- ها اصل شيفاك مشغول مرضتش اقولك قولت اقول لاحمد بيرجع بدرى من الشغل وبيبقى بليل فاضى
احمد :- تحت امرك يا فندم عيونى علشانك اجهزى وانا هاجى اخدك المكان اللى تحبيه
اسماء :- بفرحه شكرآ يا احمد بجد معلش هتعبك معايا
احمد :- بطلى هبل انتى اختى ومرات اخويا والصديقه المقربه ليا وفوق كل ده بنت عمى
صباح :- خلاص ابقى خد مراتك معاك بالمره وهات ليها اللى هى عايزاه
احمد :- ما عندها حاجات كتير
هشام :- يا ابنى وفيها ايه ما زيها زى اسماء هات ليهم كل اللى نفسهم فيه
احمد :- حاضر يا بابا
اسماء :- نظرت بغيظ لهم
رحيم :- نهض بعصبيه وقال انا ماشى
صباح :- اقعد كمل أكلك يا ابنى
رحيم :- الحمدالله شبعت ونظر إلى اسماء بغيظ واتجه إلى الخارج
احمد :- انتى ادعى عليكى بأيه وانتى فيكى كل العبر
اسماء :- انا ليه عملت ايه
احمد :- كان لازم الاول تستأذنى من جوزك مش تحطيه قدام الأمر الواقع
اسماء :- مكنتش اقصد عادى يعنى
احمد :- لاء مش عادى جوزك زعل واى راجل مكانه كان هيزعل قومى بسرعه اتصلى بي واتأسفى ليه
اسماء :- بس انا فعلا مقصدش
صباح :- احمد عنده حق ورحيم قام زعلان منك
اسماء :- وانا قولت ايه يزعل بس انا طلبت كده من اخوه مش حد غريب
هشام :- يا حبيبتى هو مزعلش انك طلبتى كده من احمد هو زعل علشان قولتى كده من غير ما تخدى رأيه قبلها
اسماء :- هى جات معايا كده بقى
احمد :- قومى يا بت انجرى اتصلى بجوزك وصالحيه
اسماء :- بس
احمد :- قطعها وقال مفيش بس اسمعى الكلام بقولك
اسماء :- هوف حاضر وقامت وقفت
احمد :- انبى عسل يا خواتي واختى هتفرقع من الغيظ وقهقه
اسماء :- سرحت فى ضحكته وابتسمت له وصعدت غرفتها والقت جسدها على السرير وتنهدت بحب وقالت بحبك اوى يا احمد اوى وتذكرت رحيم تنهدت بغيظ وقامت جلست اخذت هاتفها وقامت بالاتصال برحيم وانتظرت الرد
رحيم :- ايوه يا اسماء عايزه ايه
اسماء :- ممكن افهم انت زعلت ليه
رحيم :- عادى متحطيش فى بالك يا اسماء
اسماء :- امك وابوك واخوك بيقولوا انك زعلت منى وانا مكنتش اقصد حاجه
رحيم :- اه زعلت علشان دى قلة تقدير منك ليا لما تحطينى قدام الأمر الواقع قدام الكل كنتى عرفينى أو اطلبى منى اجى انا معاكى وانا كنت هفضيلك نفسى يوم بحاله
اسماء :- معرفش بقى انا قولت كده وفكرت انك مش هتزعل
رحيم :- ماشى يا اسماء حصل خير
اسماء :- يعنى مش زعلان
رحيم :- مقدرش ازعل منك وانا عارف ومتأكد إن احمد هيعرف ياخد باله منك كويس اوى
اسماء :- ماشى عايز حاجه
رحيم :- خلى بالك على نفسك
اسماء :- حاضر باى واغلقت السكه والقت الهاتف على السرير واتجهت مره أخرى إلى الاسفل وقالت انا خلاص صالحته
احمد :- شطوره
نسرين :- هو فيه ايه
اسماء :- ولا حاجه موضوع كده واتحل
احمد :- وقف وقال يلا همشى انا وهتصل بيكى وانا جاى فى السكه تجهزى نفسك
اسماء :- بفرحه ماشى
احمد :- خرج وتركهم
نسرين :- انتوا رايحين فين
صباح :- احمد هياخدوكم بعد ما يرجع من الشغل تشتروا شوية حاجات لنفسكم
نسرين :- بفرحه هو اللى قالكم
اسماء :- لاء انا اللى طلبت منه وكنا هنروح انا وهو بس مرات عمى وعمى غصبوا عليه يخدك معانا
نسرين :- بزعل ماشى
صباح :- نظرت بغيظ لاسماء وقالت يا حبيبتى هو كان هيقولك بس احنا اللى سبقنا وطلبنا منه يخدك
اسماء :- نظرت بتوتر لصباح وقامت وقفت وقالت الحمدالله شبعت وركضت إلى غرفتها
نسرين :- وقفت بزعل وقالت بلاش تغصبوا عليه يخدنى معاه علشان خاطرى
هشام :- يا حبيبتى زى ما قالت ليكى مرات خالك هو كان ناوى يخدك بس احنا اللى سبقنا وطلبنا منه الاول
نسرين :- ماشى عن اذنكم وتركتهم وصعدت إلى غرفتها وظلت تبكى بحزن
&&&&&&&&&&&&&
تعليقات
إرسال تعليق