رواية قلب لا يقبل الهزيمه الفصل الخامس 5 بقلم دودو محمد

نزل رحيم من السياره واتجه إلى الجنب الآخر وفتح باب السياره لأسماء ومد يده لها نظرت إلى يده بتوتر و مدت يدها له ووضعتها بيده ونزلت من السياره واغلق الباب خلفها نظرت له وقالت

اسماء :- احنا رايحين فين

رحيم :- تعالى بس و أتجه إلى الصائغ

اسماء :-نظرت له بأستغراب وقالت احنا هنعمل ايه هنا

رحيم :- هجبلك شبكتك

اسماء :- شبكتى !؟

رحيم :- اه شبكتك انا عارف ان جدى وزع عليكم دهب تيتا الله يرحمها على أساس أنها الشبكه بتاعتكم بس انا مليش دعوه بكل ده انا هجبلك شبكتك من فلوسى انا يا اسماء يلا تعالى ندخل بقى

اسماء :-نظرت له بأستغراب وقالت تعرف انك غريب اوى

رحيم :- غريب ليه

اسماء :- مش عارفه بس انت طيب اوى وراجل بجد

رحيم :- ابتسم لها وقال وكلامك ده طالع من قلبك

اسماء :- طبعآ من قلبى انا مستغربه ازاى مكنتش شايفه كل ده فيك قبل كده انت احسن اخ فى الدنيا دى كلها

رحيم :- كان سعيد بكلام اسماء له جدآ لكن قلبه تألم عندما قالت له أنه اخ لها ابتسم لها بحزن وقال امشى يلا وذهبوا عند الصائغ وقال اختارى كل اللى يعجبك يا اسماء

اسماء :- نظرت إلى المجوهرات المتواجده وقالت كلهم شكلهم تحفه الصراحه

رحيم :- اشترى ليكى كل اللى فى المكان لو عايزه

اسماء :- ابتسمت وقالت مش لدرجاتى واختارت اشياء رقيقه وبسيطه

رحيم :- اختارى كمان يا اسماء

اسماء :- لاء كفايه اوى كده انا اصلا مش بحب الدهب الكتير

رحيم :- اجبلك الماظ

اسماء :- فيه ايه يا عم انت الماظ مره واحده لاء يا سيدى كفايه عليا اوى كده

رحيم :- اه الماظ مره واحده ميغلاش عليكى اى حاجه فى الدنيا دى والله يا اسماء

اسماء :- ابتسمت له وقالت ربنا يخليك

رحيم :-نظر لها بحب ودفع النقود واخذ المجوهرات وخرجوا من عنده وصعدوا إلى السياره مره اخرى واخذ العلبه وقال هاتى ايديك

اسماء :- بأستغراب ايدى

رحيم :- ايوه ايديك مش هاكلها والله

اسماء :- ابتسمت ومدت يدها له

رحيم :- امسك الخاتم و قام بوضعه بأصبع اسماء وقال متقلعهوش من ايديك أبدآ يا اسماء مهما حصل ما بينا

اسماء :- اغلى هديه على قلبى من اغلى واحلى اخ فى الدنيا

رحيم :- اغلق عينه بوجع وشغل السياره وذهب بها إلى الفيلا مره اخرى

&&&&&&&&&&&&&&&&&&&&&&&

مر شهر بدون احداث تذكر

اسكندريه......فيلا اشرف

استيقظت رضوى من نومها على صوت رنين هاتف سليم نظرت على السرير وجدته فارغ وسمعت صوت مياه تأتى من المرحاض نهضت من على فراشها وذهبت اتجاه الهاتف ونظرت فيه وجدتها رانيا اغلقت السكه ورجعت جلست على الأريكة مره اخرى وبعد وقت خرج سليم من المرحاض ونظر لرضوى وقال

سليم :- انتى صحيتى

رضوى :- لاء لسه نايمه سؤال ذكى جدآ يعنى

سليم :- انتى ايه يا بنتى مسحوبه من لسانك

رضوى :- مقدرش أفيدك فى الموضوع ده اصل كنت ساعتها بعيط ومش عايزه انزل الدنيا فتلاقينى كنت مشغوله شويه

سليم :- هه خفه

رضوى :- ظريف

سليم:- نظر لها بغيظ وتنهد ووقف أمام خزانة ملابسه ليختار ملابس له

رضوى :- اخذت نفس عميق واخرجته ببطئ وقامت وقفت وذهبت اتجاه سليم وقالت اوعى انا هطلعلك هدوم

سليم :- بأستغراب وده من امته إن شاءالله

رضوى :- خلاص براحتك قولت اساعدك وقبل أن تتحرك

سليم :-مسك ذراعها وقال خلاص تعالى انا كنت بسأل عادى

رضوى :- توترت من قرب سليم لها وهو عارى الصدر وقالت ط.ط.طيب اوعى

سليم :- قربها اكثر له وقال مالك

رضوى :- ابتلعت ريقها بصعوبه وقالت م.م.مفيش

سليم :- اصلك مش على بعضك كده ومتوترة

رضوى :- حاولت تبتعد عنه

سليم :- قربها اكثر له وبدء يضايقها وفى ذلك الوقت سمع صوت رنين هاتفه ابتعد عنها وقال احم ا ا اختارى ليا طقم على ما ارد على الفون

رضوى :- نظرت له بقرف واخذت نفس عميق واخرجته بهدوء واختارت له طقم ووضعته على السرير

سليم :-اجاب على الهاتف وقال صباح الخير يا قلبى

رانيا :- بعصبيه انت كنسلت عليا ليه

سليم :- انا مكنسلتش عليكى انا كنت فى الحمام ولسه خارج

رانيا :- لاء فيه حد كنسل عليا

سليم :-نظر لرضوى بغيظ وقال ممكن تكون الشبكه يا حبيبتى حقك عليا متزعليش

رانيا :- لاء انا زعلانه منك لازم تصالحنى

سليم :- تنهد وقال أصلحك ازاى بقى

رانيا :- امممم هات ليا خاتم الماظ

سليم :- نعم

رانيا :- ايه كتير عليا

سليم :- لاء يا حبيبتى مش كتير عليكى بس انا لسه جايب ليكى عربيه الشهر اللى فات وقصر فى مزانية الشركه اصبرى عليا شويه

رانيا :- انا اصلا مرضتش اقولك هات طقم كامل اكتفيت بخاتم بس شكلك مبقتش تحبنى زى الاول يا سليم

سليم :- بحبك طبعآ يا رانيا واكتر من الاول كمان بس انتى شايفه الظروف

رانيا:- لو مكنتش اطلب من جوزى حبيبى كل اللى نفسى فيه هطلب من مين بس

سليم :- طيب يا حبيبتى اقفلى دلوقتى ولما اجى الشركه نبقى نتكلم باى واغلق السكه ونظر لرضوى بغيظ وقال انتى كنسلتى على حد فى تليفونى

رضوى :- ها ل ل لاء طبعا وانا من امته بمسك تليفونك

سليم :- هيكون مين يعنى عفريت دخل الاوضه كنسل عليها وخرج

رضوى :- معرفش بقى اولع انت وهى وأنا مالى تتصل عليك ولا لاء

سليم :- مسك ذراعها وقال مش يمكن تكونى غيرانه مثلا ؟

رضوى :- غيرانه؟ وانا هغير عليك ليه بقى أن شاءالله

سليم :- يمكن عجبتك

رضوى :- ده ايه الثقه المبالغ فيها دى وهتعجبنى على ايه بقى أن شاءالله

سليم :- شاب وسيم طول بعرض وكل البنات هتتجنن عليه وفى نفس الوقت جوزك قولتى أن انا من حقك مثلا وبتحاولى توقعينا فى بعض

رضوى :- بلاش كلام اهبل اوعى كده خلينى امشى

سليم :- بس انا شايف أن اللى قولته صح وشايف الاهتمام زياده بيا اليومين دول

رضوى :- بقولك سيبنى وحاولت تبتعد عنه وقامت بدافعه بقوه والاثنين وقعوا على السرير

سليم :-نظر لرضوى فى عيناها وابتلع ريقه

رضوى :- دفعته بعيد عنها وقامت ركضت إلى المرحاض

سليم :- نام على ظهره على السرير ونظر للاعلى وتنهد ونهض ارتدى ملابسه ووقف يمشط شعره امام المراه

رضوى :- خرجت من المرحاض وهى متوتره ومن غير ما تنظر له قالت ا ا.انا عايزه انزل اشتغل

سليم :- نظر لها وقال نعم يا اختى تنزلى تشتغلى ليه بقى أن شاءالله

رضوى :- بقعد طول النهار لوحدى فى الفيلا وبزهق حتى مى نزلت اشتغلت وعمى اشرف بيروح الشغل وانت كمان وانا ببقى لوحدى طول النهار

سليم :- هتشتغلى ايه يعنى

رضوى :- اى حاجه انشالله فى الشركه معاك

سليم :- الشركه معايا وانتى بتفهمى فى الهندسه بقى

رضوى :- انا فنون جميله يعنى ممكن اساعدك فى التصاميم أو اى حاجه

سليم :- تنهد وقال ماشى

رضوى :- يعنى اجهز نفسي

سليم :- تجهزي نفسك ايه هو انتى هتنزلى من النهارده

رضوى :- مدام وافقت هستنى ليه لبكره

سليم :- اخلصى طيب

رضوى :- هوى واخذت ملابس لها وركضت إلى المرحاض وارتدت ملابسها سريعآ وخرجت

سليم :- حتى فى لبسك مسترجله

رضوى :- عجبنى

سليم :- عجبك عجبك يا اختى امشى يلا وفتح الباب وخرجت رضوى وخرج هو خلفها و أغلق الباب

رضوى :- وقفت وقالت انزل قدامى

سليم :- تنهد بغيظ وتحرك ونزلت خلفه رضوى وقال شكلنا اتأخرنا والكل مشى كله بسببك

رضوى :- وانا مالى الله

سليم :- اقول عليكى ايه بس يا شيخه امشى نفطر فى الشركه

رضوى :- انا اصلا مليش نفس للاكل

سليم :- خرج وهو متعصب وصعد السياره ونظر لرضوى بعد ما صعدت وقال متقوليش هناك انك مراتى فاهمه

رضوى :- فاهمه هقول معرفكش اصلا

سليم :- غبيه ما الكل هيشوفك معايا كل يوم قولى انك بنتى عمى وبس وجايه هنا علشان تشتغلى مفهوم

رضوى :- تنهدت بغيظ وقالت مفهوم

سليم :- وملكيش دعوه بأى حاجه اعملها هناك فاهمه

رضوى :- ما خلاص ما قولنا مفهوم هتمشى ولا هنوقف كتير كده

سليم :- تنهد وقام بتشغل السياره واتجه إلى مقر الشركه

&&&&&&&&&&&&&&&&&&&&&&&

فى القاهره.......فيلا هشام

فى غرفة احمد

استيقظ احمد من نومه على حركة نسرين ودفع نسرين له نظر لها بغيظ ودفعها بقوه حتى تبتعد عنه لكنها اقتربت منه أكثر ووضعت قدميها عليه نظر لقدميها العاريه واتوتر حاول يبتعد عن قداميها وضعت ذراعها على صدره اغلق عينه بتوتر وقال

احمد :- الواحد بينهار حد يشيل المهلبيه دى من عليا

نسرين :- اقتربت من حضنه ونامت على صدره

احمد :-نظر لها وهى نائمه بأستغراب ووضع يده على ذراعيها وضمها اكثر له وقال بتبقى شبه الملايكه وانتى نايمه اوى يا نسرين اه لو مكونتيش جرحتى رجولتى بكلامك يوم فرحنا كان زمانا عايشين احلى واجمل ايامنا واقترب من راسها وقبلها وبعد وقت قامت نسرين بفتح عيناها وشعرت بيد على ذراعيها نظرت عليهم وجدت يد احمد ووجدت نفسها نائمه فى أحضانه اتصدمت ونهضت سريعآ وابتعدت عنه بكسوف وقالت

نسرين :- ه.ه.هو ايه اللى حصل

احمد :- كنت نايم فى أمان الله ولاقيتك جيتى ونمتى فى حضنى

نسرين :- ا.ا.انا

احمد :- اومال انا

نسرين :- م.م.مكنتش اقصد

احمد :- قام وقف وقال ولا تقصدى عادى يعنى انا زى جوزك وتركها وذهب المرحاض

نسرين :-وضعت يدها على وجهها بخجل وقالت هو انا عملت كده ازاى بس غبيه ونهضت من على فراشها وقامت بترتيبه وبعد وقت خرج احمد من المرحاض وشعره بيتساقط منه الماء نظرت له بتوتر

احمد :- بغمزه ايه

نسرين :- ها ا.ا.ايه

احمد :- شايفك سرحانه اوى فيا

نسرين :- و.و وانا هسرح فيك ليه

احمد :- ما انا برضه بقول مش معقول هتبصى ليا اصل انا مش فتى أحلامك ولا النوع اللى بيعجبك مش كده برضه وتركها واتجه إلى الخزانه الخاصه بى وارتدى ملابسه ومشط شعره وتركها وخرج من الغرفه

نسرين :-نظرت له بدموع وذهبت إلى المرحاض

احمد :- اتجه إلى الاسفل وجد الجميع يجتمع على طاولة الطعام جلس على المقعد الخاص بى وقال صباح الخير

الجميع :- صباح النور

صباح :- اومال فين مراتك

احمد :- نازله ورايا دلوقتى

اسماء :- نظرت لاحمد بحب وظلت تنظر له وهو جالس

رحيم :- كلى يا اسماء مش بتاكلى ليه

اسماء :- ها ا.ا اه هاكل اهو

احمد :- بغمزه ايه هو حصل ولا ايه

اسماء :- ه.ه.هو ايه

احمد :- شكلى كده هبقى عم قريب اوى

اسماء :- بكسوف ها

رحيم :- مش لما انا ابقى عم الاول

هشام :- يارب يا ولاد يرزقكم بالذريه الصالحه

رحيم :- نظر لاسماء بحب وتنهد بوجع

نسرين :- نزلت من الاعلى وقالت صباح الخير

الجميع :- صباح النور

صباح :- اقعدى يا حبيبتى افطرى

نسرين :- جلست بجوار احمد ونظرت له بحزن

احمد :- قام وقف وقال انا رايح الشغل

صباح :- يا ابنى اقعد كمل فطارك

احمد :- الحمدالله شبعت سلام وتركهم وذهب إلى السياره وصعد بها وقام بتشغيلها وذهب إلى العمل

هشام :- انتوا زعلانين مع بعض ولا ايه يا بنتى

نسرين :- ها ل ل لاء يا خالو مش زعلانين ولا حاجه

صباح :- نظرت لها بحزن واكملوا تناول الطعام وبعد وقت انتهوا ونظرت لها صباح وقالت نسرين تعالى معايا

نسرين :- حاضر يا مرات خالى وقامت وقفت وذهبت معها

اسماء :-بفرحه شكلهم زعلانين مع بعض

رحيم :- ملناش دعوه يا اسماء

اسماء :- ا ا انا مش قصدى حاجه انا بتكلم عادى

رحيم :- عارف بس ملناش دعوه اذا كان زعلانين مع بعض ولا لاء

اسماء :- حاضر

هشام :- جوزك ميقصدش يزعلك يا بنتى هو بيتكلم صح

اسماء :- عارفه يا عمى ومش زعلانه

رحيم :- مسك يدها وقبلها وقال ربنا يبارك ليا فيكى

اسماء :- اتصدمت وسحبت يدها من يد رحيم بتوتر

هشام :- ابتسم وقال ربنا يسعدكم يارب وقام وقف وذهب وتركهم

اسماء :- ا.ا.انت ازاى تبوس ايدى

رحيم :- عادى يا اسماء وبعدين كان لازم اعمل كده قدام بابا علشان محدش يشك فى حاجه

اسماء :- م.م.ماشى بس بعد كده متلمسنيش

رحيم :- حاضر متزعليش بس

اسماء :- ابتسمت وقالت خلاص مش زعلانه

رحيم :-نظر لها بحب وهى تبتسم وقام وقف وقال انا ماشى رايح الشغل عايزه حاجه

اسماء :- لاء شكرآ

رحيم :- خرج وصعد سيارته وذهب على عمله

اسماء :- قامت وقفت ذهبت اتجاه الحديقه ووقفت تستمع لحديث صباح ونسرين

صباح :- هو لسه زعلان منك من يوم اللى حصل

نسرين:- اومأت برأسها وقالت ايوه

صباح :- يا بنتى بقالكم شهر متجوزين ومش عارفه تخلى جوزك يسامحك

نسرين :- اعمل ايه طيب هو مش قادر ينسى الكلام اللى قولته ليه يوم فرحنا

صباح :- يا بنتى احمد قلبه طيب بس انتى اللى مش عارفه تكسبيه

نسرين :- اعمل ايه طيب

صباح :- لا حولا ولا قوة الا بالله يا بنتى حاولى تغريه خليه يقرب منك ومش عيب تعتذرى لجوزك على حاجه انتى غلطانه فيها بالعكس جوزك هيفرح اكتر ويقرب ليكى اكتر واكتر حاولى تخليه يسامحك بأى طريقه انتوا بيبقى باب اوضتكم مقفول عليكم البسى عريان وادلعى عليه وهو مهما كان راجل وهيضعف

نسرين :- تنهدت وقالت حاضر

اسماء :- بفرحه معقول مقربش منها كل ده يعنى انا وهو زى بعض يارب تكون دى اشاره علشان نكون لبعض وصعدت إلى غرفتها

&&&&&&&&&&&&&&&&&&&&&&&

بالاسكندريه.....فى شركه جاسر

دخلت مى المكتب عند جاسر وجلست على المقعد الخاص بالمكتب بتعب نظر لها جاسر بقلق وقال

جاسر :- مالك يا قلبى

مى :- مش عارفه يا حبيبى دايخه شويه

جاسر :- طيب تعالى نروح لدكتور

مى :- يا حبيبى ملوش لزوم نروح

الدكتور ممكن بس يكون ضغطى واطى شويه

جاسر :- طيب اقعدى ريحى متعمليش حاجه تانى

مى :- مينفعش يا حبيبى ورايا شغل كتير

جاسر :- شغل ايه بس ما يولع الشغل صحتك اهم

مى :- يا حبيبى فيه فاكسات كتير لازم اترجمها وابعتها لشركات بره

جاسر :- انا قولت كلمه واحده مفيش شغل دلوقتى اقعدى استريحي شويه

مى :- ابتسمت له وقالت بعشقك وبعشق خوفك عليا

جاسر :- انا لو مكنتش اخاف عليكى هخاف على مين ومسك يدها وقبلها وقال انتى حياتى كلها يا قلبى

مى :- احتضنت جاسر وقالت بحبك اقسم بالله بموت فيك

جاسر :- ضمها اكثر فى حضنه وقبل رقبتها وقال ربنا يخليكى ليا

مى :- ابتعدت عنه ووضعت يدها على فمها وركضت إلى المرحاض

جاسر :- بخوف لاء انتى شكلك تعبان اوى امشى معايا نروح لدكتور

مى :- بس

جاسر :- قطعها وقال من غير ولا كلمه امشى يلا واخذها وذهبوا إلى الطبيب

&&&&&&&&&&&&&&&&&&&&&&

فى شركة سليم

دخلوا الاثنين مع بعض الشركه والجميع استغربوا من وجود شخص جديد مع سليم دخلوا المكتب وقال

سليم :- هتقعدى هنا معايا فى المكتب لحد ما اخليهم يجهزوا مكتب ليكى

رضوى :- ماشى وجلست على الاريكه وقالت انا كنت مفكره أن عندك شركه صغيره معرفش أنها كبيره اوى كده

سليم :- انتى هتنقى ولا ايه

رضوى :- مش قصدى احسدك على فكره بس انا مستغربه الموظفين وهما بيعملوا ليك الف حساب غريبه مع انك غير كده خالص

سليم :- نعم يا اختى ليه شيفانى قدامك سوسن

رضوى :- ابتسمت قالت لاء مقصدش كده خالص

سليم :- انتى تسكتى خالص كلامك كله مستفز

رضوى :- لاء بقولك ايه خلينا لذاذ مع بعضينا ده احنا هيبقى وشنا فى وش بعض فى البيت والشغل

سليم :- للاسف

وفى هذا الوقت سمعوا صوت طرق على الباب ودخلت رانيا واحتضنت سليم وقالت

رانيا :- سليم انا زعلانه منك اوى اوى

سليم :- احم اعرفك على بنت عمى وابتعد عنها

رانيا :-نظرت بقرف لرضوى وقالت بنت عمك ولا ابن عمك اصل انا مش شايفه بنت الصراحه

رضوى :- قامت وقفت وسلمت عليها وضغطت على يدها وقالت اصل احنا صعايده ولو لبسنا لبسك ده بيبقى آخره فى اوضة النوم ولو حد منهم شافيك كده كان طخك عيارين

رانيا :- اه اه ايدى يا متوحشه انتى

رضوى :- يا ايه يا اختى ما تنشفى شويه يا بت

رانيا :- سامع بنت عمك دى بتقول ايه

سليم :- رضوى روحى انتى اقعدى بره وانا شويه وهناديكى

رضوى :-نظرت بقرف لرانيا وقالت بغنى وتنادينى تانى ليه انتى عايزه منى ايه ما انتى خلاااااص حبيتى غيرى ما انتى خلاااااص حبيتى غيرى روحى للى حبيتيه وخرجت واغلقت الباب خلفها

رانيا :- مين المجنونه دى

سليم :- ما قولتلك بنت عمى

رانيا :- وبنت عمك جايه معاك ليه الشركه أن شاءالله

سليم :- هتشتغل معانا فى الشركه

رانيا :- والله وهتعيش فين

سليم :- اكيد عندنا فى الفيلا

رانيا :- لا والله

سليم :- وفيها ايه بس

رانيا :- فيه أن ازاى هتعيش معاكم فى الفيلا ومع اتنين شباب

سليم :- وفيها ايه يعنى انتى شايفه شكلها اصلا عامل ازاى انا عمرى ما هبص ليها ولا جاسر هيبصلها

رانيا :- برضه مش مرتاحه لقعدت البنت دى عندكم

سليم:- يا رانيا بقى كبرى بابا اللى عايز كده

رانيا :- ومن امته عندكم

سليم :- من يوم ما رجعنا من الصعيد

رانيا :- كمان وليه مقولتليش بقى

سليم :- اصلا موضوع مش مهم علشان نتكلم فيه وقربها من حضنه وقال واحشتينى

رانيا :- اوعى كده زعلانه منك

سليم :- يا حبيبتى والله مقدرش على زعلك بس مش مقدرتى اجبلك الخاتم ده

رانيا :- مليش دعوه انا عايزاه عجبنى اوى وخايفه حد يشتريه

سليم :- يا حبيبتى صوريه ووقت ما يكون معايا هخلى الراجل يعملك واحد زيه بالظبط

رانيا :- يوووه بقى مليش دعوه

سليم :- خلاص بقى يا روحى انتى عارفه أن انا مش بخليكى عايزه حاجه ربنا يفرجها عليا وهجبلك اللى انتى عايزه

رانيا :-سكتت ولم تجيب عليه

سليم :- رفع وجهها له واقترب من شفتيها وقبلها وفى ذلك الوقت الباب اتفتح

رضوى :- فتحت الباب واتصدمت من المنظر ونظرت لهم بقرف وقالت زى ما انتوا انا هاخد الشنطه وخارجه علطول

رانيا :- انتى غبيه ازاى تفتحى الباب كده مش تخبطى الاول صحيح جايه من وراه الجاموسه

رضوى :-اتجهت إليها وقالت اللى انتى بتقولى عليها جايه من وراه الجاموسه دى ستك وست الدنيا كلها وشرف ليا أن انا صعيديه ده وسام احطه على صدرى وافتخر بيه على الأقل عندى عزة نفس وكرامه ومتربيه على ايد رجاله كويس اوى واعرف احافظ على نفسى الدور والباقى بقى على اللى بتحب تعيش على قفا الرجاله وتبيع نفسها علشان شوية ورق ياريت متحاوليش تستفزينى علشان رد فعلى مش هيعجبك المره الجايه ماشى يا مزه ومسكت خصره من شعرها والقتها على وجهها واخذت حقيبتها وخرجت

رانيا :- بعصبيه انت ازاى واقف وساكت كده شوفت الغبيه دى قالت ليا ايه

سليم :- ها ا.ا.انا هتصرف معها وهجبلك حقك منها

رانيا :- تجيب ليا حقى قدام عينى

سليم :- مش هينفع يا حبيبتى احنا فى الشركه اوعدك أن انا هجبلك حقك

رانيا :-نظرت له بغيظ وقالت ماشى يا سليم براحتك وفتحت الباب ونظرت لرضوى بغيظ وذهبت

رضوى :- مع السلامه يا عصفور كنارى ودخلت المكتب واغلقت الباب خلفها

سليم :- بغيظ انتى ايه اللى عملتيه معها ده ازاى تغلطى فيها

رضوى :- يعنى كنت غلط فى البخارى يا اخويا ولا قولت حاجه مش فيها

سليم :- قطع لسانك متغاظه منها ليه علشان احلى منك بكتير علشان هى انثى بجد مش دكر زيك

رضوى :- تغور الانوثه لو بالشكل ده انا عندى اعيش دكر واحافظ على شرفى احسن ما اكون انثى رخيصه زيها

سليم :- احترمي نفسك و متغلطيش فيها

رضوى :- يا شيخ روح جاتك نيله عليها وجلست على الاريكه

سليم :- نظر لها بغيظ وجلس على المقعد الخاص بالمكتب وبدء يتابع عمله

&&&&&&&&&&&&&&&