رواية عاشق السيوفي الفصل الرابع 4 بقلم شهد محمد

الشمس كعادتها تغازل عشق وتداعبها لتيقظها

ليلي بمرح وتزيح الحاف:

-يلا يا حبيبتي الساعه 8 وراكي شغل

بصت عشق بطرف عينها وقالت:

- ما اكيد هقوم

نظرت ليلي لها بحب:

- طب يلا علشان تلحقي تاخدي دوش وتلبسي وتاكلي

همهمت عشق:

-امممم حاضر ثم قامت عشق من الفراش وذهبت لتغتسل

نظرت لها عهد في رخامه:

- هههه ما لسه بدري يا حضره الظبوطه

نظرت لها عشق ولعبت في شعرها:

- ومين الي مسهرني يا رخمه

عهد:

- انااااا ولا الزوز ده انا غلبانه

نظرت لها عشق باستهزاء وقالت:

- ده زوزو اي يعني

ضحكت ليلي ضحكه رقيقه:

- انت بتهدديها بي مازن 

نظرت لها عشق نظره طفوليه بعيون بريئه:

- شوفتي يا لولو مش عارفه هو مين

ضحكت ليلي ضحكه مكتومه :

-شوفت يا قلب ماما ثم نظرت لي عهد ده مازن يا عهد صديقتها يعني هههه

ضحكت عشق:

- اه والله طول الليل بساعده علشان الدكتوراه بتاعته

رفعت ليلي يدها:

-ربنا يوفقكم يارب ويوقف ليكم ولاد الحلال يلا صلي الصبح علشان تفطري قبل ما تنزلي

عهد:

- علفكراااا المفروض انا الي يهتم بيا مش عشق انا في ثانويه وصاحيه بدري علشان ازاكر

ضحكت ليلي:

- يا بنتي انتو مش اخوات مثلا ده انتو ناقر ونقير

نرجع كام دقيقه ورا

"بينما في الجهه الأخري في فيلا عائله السيوفي"

"زين وهو بيتنطط علي سرير مروان"

زين بمرح: يلا يا بابي يلا جدو راح الشركه وانت اتاخرت يلاااا

دعك مروان عيونه:

- حاضر حاضر يا عمي

ودخل لكي يغتسل ويتوضأ

"في غرفه مراد"

فاق مراد علي صوت المنبه وترجل الي الحمام ليفعل كما فعل أخيه

امسك مراد الهاتف الذي كان يرن:

- الووو جي جي اخبارك

جميله بحب :

- انا تمام طول ماانتو بخير ،انا عند خالتك وشويه وهاجي

مراد:

- اوك يا جي جي هخبر الكل ،عند طلب تاني

ابتسمت جميله:

- لا يا حبيبي ، وخالتك بتسلم عليك هي و يارا

مراد بي اشمئزاز فا هو لا يطيق ابنه خالته التي تلتصق به كالحشره:

-اممم الله يسلمهم واغلق الهاتف مع أمه

"ترجل كلا من مراد ومروان وزين ليفطروا"

مروان بابتسامه هادئه وكان مرتدي بدله باللون الرصاصي : صباحوووو فل

مراد بي ضحكه رجوليه وكان مرتدي زي الخاص بالقوات المسلحه ويمشي بهيبته المعتادة:

- صباح الورد يا هندسه

زين بحزن :

- وانا دلوقتي اروح فين جي جي راحت عند اختها وسابتني

مروان حضنه:

- انت هتقعد مع الداده ام يوسف لحد ما تيجي وليك هديه اي رايك

زين بتفكير:

-اممم موافق طلاما كده

رفع مراد حاجبه:

- ده انت عيل مادي قوي

زين:

- واي يعني ده مقابل اسيبكم

نرجع لي عشق بقي

عشق بدلع وكانت مرتديه زيها المعتاد الخاص بالقوات المسلحه وتمشي بغرور:

- احم دومي تعال وصلني ممكن ممكن انت موافق يلا هااا

رفع ادهم حاجبه بدهشه:

-هااا انا وافقت؟! امتي ده لا وكمان سألتي وجاوبتي

عشق بي طفوليه:

- يلا يا دومي والنبي وافق يلا هتاخر يا ماما خليه يوافق

زفر ادهم:

- لا يا ماما انت عارفه ورايا حاجات كتير

ليلي بابتسامه علي مشاكسه اولادها:

- معلش يا ادهم خليها عليك المرادي

رد ادهم بسرعه وزفير لانه لا يقدر أن يرفض طلب امه:

- حاضر يا ماما يلا قدامي يا استاذه

عشق بي مرح:

- متزوقش بس، وسيب الشاكت 

ادهم بضحكه تزيده جمالا علي اخته:

- ههه حاضر يا عشق هسيب الشاكت

"وترجل كل منها الي السياره واتجهوا الي مقر عمل عشق "

"في فيلا السيوفي"

وقف مراد :

- يلا همشي انا علشان اتاخرت كده عايزين حاجه مني

رد مروان:

- لا يا ميرو تسلم شويه وهحصلك

زين بضيق:

-اممم

"ووصل مراد الي مقر عمله ودخل بهيبته المعتادة"

وبعده بي عشر دقايق حصله مروان

زين بشقاوه:

-داده يلا بينا نروح النادي يلا يلا

ام يوسف بضحك:

- محدش قال يا زين،لازم تستأذن الست جميله هانم

رد زين سريعا وجري علي فوق:

- جي جي سيبيها عليا وجلب الهاتف

ردت جميله علي الهاتف فا كان زين المتصل:

- روح جي جي نعم، اطلب

صمت زين بعض الدقائق:

- عايز اروح النادي ويلا وافقي مش تقولي لا

جميله بهدوء:

- خليها بكره يا زيزو اكون معاك

زين بعصبيه وعياط:

- انا انا انا كل شويه مش تخرج من غيري، مش تلعب يا زين وكمان مافيش مامي،انا عايز مامي وصار يبكي في هستيرية

جميله بخوف وقلق:

- انا جايه يا زين جايه اهدي بس

"ووصلت جميله بعد ربع ساعه من مكالمه زين"

اردفت جميله الي داخل الفيلا بخوف وتوتر"

جميله بخوف:

- فينه زين يا ام يوسف هو فين؟!!!

نظرت إلي المكان الذي نظرت إليه أم يوسف، وجدته جالس علي الارض في ركن الغرفه ومنهار

جميله بقلق:

- طب سيبينا لوحدنا يا ام يوسف معلش

هزت أم يوسف رأسها في حزن علي حاله زين وقالت:

-حاضر يا ست هنام ،تطلبي حاجه تانيه

جميله بابتسامه بسيطه:

- تسلمي يا أم يوسف شكرا، وانتظرت خروج أم يوسف واتجهت الي زين الذي كان في حاله مؤثره

جميله بصوت منخفض لا يسمعه الا زين ووضعت يدها عليه:

- مالك يا زين

وقف زين وعيط اكتر:

- كل حاجه لا لا لا انا زهقت حتي مافيش مامي حتي النادي بمواعيد

بكت جميله:

- طب عايز اي قولي وانا هعمله وتذكرت جميله

Flash back.....

"بعد مرور عده سنوات من جواز فريده و مروان و ولاده زين ونزول فريده شركه السيوفي "

اردفت جميله الي داخل غرفه زين لكي تطمئن علي حفيدها:

- روح وقلب جي جي وقبلته

ولاكن دهشت عندها وجدت ورقة بجانب الطفل فتحتها وكانت الصدمه وبدأت تقرأ

"انا معنتش قادره اكمل ولا استحمل الضغط الي عليا انا قررت اسافر واهرب من حياتي وياريت تسامحوني وتخلوا بالكم من زين

فاقت جميله من شرودها:

- ها يلا البس ونروح نتفسح وتعمل كل الي انت عايزه ،وبابي مروان هنطلب منه يجي معانا ،في طلب تاني جلاله السلطان زين

هدأ زين وبصوت طفولي:

- لا يا جلاله السلطانه وحضنها وقال أنا بحبك قوي يا جي جي

جميله بدموع تترقرق من عينيها:

- وانا بحبك اكتر يا جلاله السلطان يلا بينا

"في مستشفي القوات المسلحه في القاهره"

عشق بحب وضحك:

- هلا هلا بي زوزو

مازن بضحكه رجوليه:

- هلا والله علي الرخيصه كلبه الجنيه

ردت عشق بفرح:

-يلا بره فكراني هرجع تاني ولا اي، اخبارك يا زوزو

(فمازن صديقها الصدوق وهي صديقته المقربه ونفس الرتبه)

مازن:

- شوفتي سهر انبارح ده كلو ولسه مش خلصت ، واه صح سياده اللواء طالب نروح المهمه معاهم

ردت عشق بسرعه جدا :

- ثانيه ثانيه حاجاتك ومش خلصت علشان انت فاشل والكل عارف ، أما اي حكايه المهمه لا بجدددددددد انا فرحاااااانه قوي اخيرا هطلع مهمه يااااه

مسك مازن رأسه من رغي عشق:

- يا بنت اهدي اهدي اهدييييييييييي الله طب اخلص

اتخضت عشق وسكتت:

- نعم يا سياده المقدم

مازن:

-واييييه ما براحه يا ماما نهدي شهيق زفير يلا ورايا

ضحكت عشق علي صديقها:

-هههه شهيق زفير حاضر اهو هديت

مازن بهدوء تام:

- تعرفي معني المهمه اي يعني احنا في خطر يا عشق يعني رايحين حياه او موت

طأطأت عشق رأسها في أسي:

- بس انا هروح دي امنيه حياتي يا مازن

مازن:

- اوك تمام نروح سوا

وفي نفس الثانيه مازن وعشق قالوا (لنموت سوا لنعيش سوا)

"أما في شركه السيوفي"

أخذ مروان الهاتف فا كانت امه:

- الوو يا ماما

جميله:

- الووو يا بقولك هنروح النادي انا وزين لانه زعلان قوي

مروان بي صدمه:

- ماله زين يا ماما ماله

جميله:

- مالك يا مروان اهدي ، ماانت عارف كل فتره يعمل اي

مروان في حزن:

- حسبي الله ونعم الوكيل مش هقول غير كده ربنا يسامحها

جميله بدموع في عيونها:

- ربنا موجود المهم هنروح وانت تحصلنا لما تخلص

مروان:

- حاضر عندي meeting دلوقتي هخلصه واجي اوك سلام

جميله:

-تمام سلام

"نرجع تاني لي مقر عمل مراد بالاخص مكتب اللواء"

مراد رافع رأسه وفي كبرياء:

- تمام يا فندم المهمه اول الاسبوع الجاي

اللواء:

- بالظبط يا مراد وانا اخترتك تكون المشرف لاني واثق فيك وفي اختيارك

مراد برسميه:

-تمام يا فندم الي تشوفه انا تحت امرك

ثم ترجل مراد الي خارج المكتب

"في النادي"

اسرع زين نحو جدته:

-جي جي جي جي عايز اروح المراجيح

جميله تذكرت لو رفضت سوف يصيبه الانهيار فا وافقت:

- الي انت عايزه يا زين بس مش تتاخر

جري زين:

- هخلص واجي باااااااااي

ضحكت جميله:

- ههه ظلت مراقبه زين حتي وصل

"بعد ساعتين"

مروان بحب :

- اهلا جي جي ويقبل والدته

جميله بابتسامه لطيفه:

- انا بخير يلا نشوف زين ليه اكتر من ساعه بيلعب

وقف مروان :

- انا هروح خليكي

ذهب مروان و فجأة

رن هاتف جميله فا كان مروان المتصل:

- الو مروان اييييييه انا جايه اهو انت فين

مروان:

- انا في********